Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
norbait. Lanpostu horretarako pertsona egokia nor zen erabaki
eta berarekin bueltatzen zen lanpostua erakusteko.
Beste kooperatibetara joandako Arrasateko langileek soldatak
mantendu behar zituzten eta kooperatiba hartzaileak postu
berriaren indize estrukturala besterik ez zuen ordaintzen.
Kooperatiba berriko soldata eta langileak Arrasaten zuenaren
arteko ezberdintasuna ordaintzeaz Lagun Aro arduratzen zen.
2.2.1. Langileen laguntasuna
200 langile inguru beste kooperatibetan kokatzeak suposatu
dezakeen buruhaustea eta enpresa barneko urduritasuna, langileen
ulermen eta laguntzari esker, horrelako muturreko kasuek sor
dezaketena baino txikiagoa izan zen. Arrasateren egoera larria
zela guztiek zekiten, eta egoera latz hari aurre egiteko
irtenbidea ere huraxe zela ados zeuden. Alde egitea norberari
tokatzen zitzaionean aldiz, gauzak ez ziren era berdinean
ikusten. Batzuk Arrasatera bueltatzeko esperantzaz irteten
ziren, beste batzuek aldiz, ez zuten Arrasate izena entzuterik
nahi.
Markina komunitate txikiagoa izatean, birkokapenek sortutako
inpaktua handiagoa izan zen, Mondragoeko komunitatean baino.
Gainera Markinan birkokatutakoak kualifikazio baxuko langileak
izan ziren gehienak, Arrasaten aldiz gazteenak.
Gertaera horiekin guztiekin, 1982an aurreikusi zen bezala,
ordura arteko giro ona lekutan gelditu zen. Alde egin
zutenentzat ez ezik, gelditu zirenentzat ere sasoi gogorra izan
zen. Gauzak normaldu ahala, poliki-poliki giroa ere hobetuz joan
zen.
Beraz, egitura goitik behera aldatuta, Kontseilu Soziala ere
kide berriez osatuta, Arrasate berri bat zen hura. Etapa berri
bat hasteko lain aldaketa eman ziren, eta une egokia zen
indarrak hartu eta bide berri bati ekiteko.
“(...) necesidad de transmitir al
colectivo optimismo para esta nueva
andadura. (...) La mejora de la gestión
y la cumplimentación de los objetivos
será la mejor forma de injectar
optimismo.” (K.E.ko akta 1985/06/19)
180