Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
merkaturatuko ziren produktu guztiak, merkatu nazionaleko
etxetresna enpresen kasuan izan ezik.
3.2.2. Izen berria: Fagor Arrasate
Urtebete inguru beranduago, marka komertziala sendotuta, Fagor
taldeko kooperatiba guztiek, Coprecik izan ezik, ohiko izenean
Fagor gaineratzea komenigarri ikusi zen. Arrazoi komertzial eta
korporatiboak medio, baina era berean izatea mantenduz, 1989ko
Batzar Orokorrak Fagor Arrasate S. Coop. Ltda izena onartu zuen.
Ondorioz, FAGOR taldea entitate juridiko bihurtuko zen bere ondo
eztabaidatutako Estatutu Sozial eta Barne Araudi propioarekin.
Hurrengo kapituluan aztertuko ditugu dibisioka antolatzeak,
barne-araudi berriak eta abarrek ekarri zituzten ondorioak.
3.2.3. Kooperatibak ere bateratu beharra
Kooperatiben taldekatzeko joera beste esparru batzuetara ere
zabaldu zen. 1985eko uztailean, adibidez, Euskadiko Kooperatiben
Federazioa sortu zuten. 1987ko urriaren 2 eta 3an eta
urtarrilaren 9an Mondragon Talde Kooperatiboko lehenengo
Kongresua egin zen. Bertan Arrasateko Kooperatiben
Esperientziaren (AKE) oinarrizko printzipioak, kapital
sozialaren tratamendua, kooperatiba arteko solidaritate fondoa
eta taldeko ordainketa sistema eztabaidatu ziren, besteak beste.
1989ko urtarrilean bertan, Lan Elkartuko Euskadiko Kooperatiben
Federazioa inskribatu zuten. Gasteizen egin zen Batzar Orokorra
eta 240 kooperatibatako ordezkariak bildu ziren, horietatik 90
Lankide Aurrezkiko kide ziren. Denera kooperatiba horiek guztiek
15.500 bazkide biltzen zituzten.
182