Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
makinak geroz eta handiagoak eta pisutsuagoak zirenez,
segurtasun eta produktibitate arrazoiek bultzatuta egin zuten.
Baita momentu onean egin ere, pabiloi berria egin ezean, hartu
ezingo lituzketen hainbat eskaera etorri baitziren berehala.
Egun inbertsio-gune nagusia Markinak izaten jarraitzen du,
bulego berriak egiten ari baitira. Arrasaten, berriz, handitzeko
baimenik ez eta Fagor Etxetresnetako SAT-eko pabilioia erosi
zen. Hasierako ideia muntajerako pabilioia handitzea bazen ere,
oraingoz biltegi moduan, pieza txikien ekoizpenerako eta
pintatzeko darabilte.
2.2. Bazkideen etengabeko gorakada
Hamarkada hasierako krisiak eragindako aurrejubilazioek plantila
doituta utzi zuten 95erako. Eskariek eta ondorioz ekoizpenak
gora egin zuten momentuan, jende gehiagoren beharra nabaritu
zen. 1995eko lehenengo seihilekoan plantila gutxitu egin zuten,
eta bigarrenean “Langile berriak hartzeko Plana” (Plan de Nuevas
Incorporaciones) jarri zuten martxan. Batez beste 14 pertsona
gutxiagorekin bukatu zuten urtea, baina hurrengo urteetan
gelditu gabe egin du gora langile kopuruak. 1996an adibidez, 35
pertsona subkontratatu eta beste kooperatibetatik etorritako 3
langile hartu zituen Arrasatek. 1997an ere 271 langile izatetik
309 izatera pasatu ziren, plantilaren gaztetzea ekarriz.
Hurrengo urtean ere 26,5 langileko gorakada izan zen, 16 bazkide
berri egin zituzten, horietako hiru Proin-ekoak. Eskariei
erantzuteko beharraz gain, jende gaztearen presentzia handitu
nahi zuten, aurreikusitako jubilazioek suposatuko zuten
galeraren aurrean prestatzeko.
1999an 6 bazkide jubilatu ziren eta beste hainbatek baja hartu
zuten. Horretaz gain, 42 bazkide berri egin zituzten, aurretik
kontratatuta zeudenetatik eta Proineko sei.
2001. urtea ere bazkide aldetik salto handia izan zen. 55
bazkide berri egin zituzten. Dena den, beste 24 bazkide
erretiratu ziren, beraz, 31 bazkidetan egin zuen gora kopuruak,
horietatik 14 Proinekoak izanik. Baina bazkideek ezezik,
kontratudunek ere gora egiten zuten. Gainera, kontratudunak
hartzerakoan ikasketak oso kontuan izan dituzte. Honelako
hitzekin justifikatzen zuten urteko memorian plantilaren
gorakada:
“En una valoración más cualitativa, cabe
señalar que este importante crecimiento
de la plantilla se sustenta en la
política de potenciación y
rejuvenecimiento de la plantilla que
venimos desarrollando a lo largo de estos
últimos años para prevenir las bajas
(principalmente por jubilación) que se
192