Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
Inbertsioek ahalbidetuta, delegazio integral zein komertzialak
ireki ditu herrialde garatu eta emergenteetan.
Arrasateren merkatua urte hauetan espainiar estatuaz gain
Europa, NAFTA (Estatu Batuak, Mexiko eta Kanada), Mercosur,
Txina, Iran, Turkia eta Egipto herrialdeetara hedatu da. Dituen
hiru negozioetako bezeroak aski ezagunak dira, esaterako
estanpazioan Gestamp, Renault, PSA, Ford eta Volkswagen,
siderurgian Acerinox eta Barcelonesa de Metales (BAMESA) eta
etxetresnetan MABE (Mexiko) eta Fagor Etxetresnak, besteak
beste.
3.1. Delegazio integral nahiz komertzialak
Delegazio integralak komertzialez, proiektu teknikariez eta
saldu osteko asistentzian adituak diren pertsonez osatzen dira.
Fagor Arrasatek azken urte hauetan Alemania, Estatu Batuak,
Mexiko, Frantzia eta Erresuma Batuan ireki ditu delegazioak,
besteak beste. Hauekin batera beste herrialde batzuetan
delegazio komertzialak ireki dituzte: Brasil eta Txinan.
“Guk fabrikau urruti egiten degu, baiña gure
jendeak han egon beharko luke, gertu,
atenditzeko. Bai komertzialak eta bai
teknikuak. Oso inportantia da urrian egotia.”
(Luis Unzueta)
Horrela, bezeroarekin dagoen harremana zuzenagoa da,
proiektuetan lankidetza ahalbidetzen du eta saldu osteko
zerbitzu eta asistentzia teknikoa bermatzen ditu; erosleagandik
gertuago egoteak ere eskaeren kaptaziorako aukerak biderkatzen
ditu.
2001. urtean Fagor Arrasate Koop. E-ak joint-venture motako
hitzarmena lortu zuen Gillet GmbH ingeneritza alemaniarrarekin.
Honen helburua estanpazioetako diseinu eta fabrikazio proiektu
integralak garatzea da. Gillet anaien enpresak hamar langile
ditu 2002. urte honetan eta Herrenberg herrian kokatzen da.
Nazioarteratzea indartu beharreko puntua dela diote Fagor
Arrasateko zuzendaritzako kideek.
“Eta hor ari gera horiek konpletatzen
(delegazioak). Gauza bat da hara joan eta
hanka han ipintzea eta beste gauza bat da
ekipua konpletatzea, ekipua preparauta
egotea klientea ongi atenditzeko,
konfiantza irabaztea.” (Luis Unzueta)
194