Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
2. Diskurtso analisia
Harreman-sareen, kasu honetan Fagor Arrasateko kolektiboaren
mundu sozial-sinbolikoaren, edo zentzuen mundua aztertzeak bete
betean garamatza metodologia kualitatibora. Kooperatibagintzaren
inguruan eraikitzen diren irudikapen, pertzepzio eta definizioak
aztertzeko ezinbestean arakatu behar dugu hainbat elementu
kognitibo, ideologiko edo eta jarrerazko elementuak. Dimentsio
sinbolikoa da interesatzen zaiguna.
Metodo kualitatiboaren bidez dimentsio sinbolikoa azter
dezakegu. Gizabanakoek esan edo adierazten dute azter genezake:
ideiak, sinesmenak, baloreak, desioak, iparrak…. Komunikazio
sinbolikoaren bidez edo eta hizkuntzaren bidez adierazten
dituzten erreferente kultural eta ideologikoak azter ditzakegu.
Eremu sinbolikoa ez da kuantifikagarria, diskurtsibitatearen
azterketak ulermena eta interpretazioa izan behar ditu helburu.
Diskurtsoa definitzerako orduan Alfonso Ortik bere egiten duen
Muchielliren definizioa jaso dugu: “pertsonen arteko
komunikazioan norbaitek produzitzen duen testu bat” 65
Gure kasuan, pertsonen arteko komunikazio hori, eztabaida
taldetan (saioetan) gauzatu da. Beraz, eztabaida taldeetan
jasotako materialarekin diskurtsoak eraikitzeko lehen urrats
batean, hiru diskurtso bereizi ditugu. Eztabaida taldeetan
jasotako elementu esanguratsuenak harremanetan jarri, ordenatu
eta ildo interpretatzaile baten arabera egituratu ditugu,
diskurtso kooperatiboen deskripzioa egin ahal izateko.
Atal enpiriko hau hiru urratsetan egin dugu. lehenik eta behin
Eztabaida taldeetan jasotako aktak transkribatu ditugu
irakurketa orokor bat eginez. Bigarren urrats batean esaldi
emankorrenak, sentipenak, ideiak, esateko moduei, akten tonuei,
hitzei etab.-ei erreparatu diegu, diskurtsoak polarizatze
aldera.
Hiru sailetan banatu ditugu jasotako diskurtso zatiak.Azkenik,
diskurtso bakoitzaren elementuak deskribatuz diskurtsoen
banaketa eta antolaketa egin dugu. Diskurtsoak eraiki ditugu.
Ikus dezagun diskurtsoen eraketa nolakoa izan den eta gure
azterketa interpretatzaileak nondik nora jo duen. Honako hauek
dira bereizi ditugun diskurtso multzoak:
65
García Ferrando,M eta beste: El analisis de la realidad social. Metodos y
tecnicas de investigación social. Alianza. Madrid. 1990. 153. Orr.
228