Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
1. Etsipenaren diskurtsoa / ezintasunaren diskurtsoa
Globalizazio garai hauetan kooperatibismoak gailurra jo du. Gaur
egungo gizarte aldaketa eta joerei ezin zaie uko egin, moldatu
egin behar dugu merkatuaren aginduetara. Ez zaigu besterik
gelditzen. Gaur eguneko kooperatibagintzak alde on eta txarrak
ditu baina ezin dugu aldatu. Aurrera egiteko jarrera irekia
behar dugu, arlo enpresarialik gabe sozialik ez dugu.
Gaur egun bizi ditugun kontraesanak atsegin ez ditugun arren
horiekin bizi izaten jakin behar dugu, gizarteak berak
garamatza. Kooperatiba barruan ere berdin gertatzen da,
kontraesanak ditugu baina ezin ditugu aldatu.
2. Aurkako diskurtsoa
Ezin daiteke gaur egungo kooperatibismoa onartu. Kontraesan eta
inkoherentzia handiak bizi ditu, halere, kooperatiba gidatzen
dutenek hori elikatzen dute. Erabaki guneetan daudenek (goikoek)
dena maneiatzen dute. Ezer gutxi dago bazkideen esku, bazkideek
jada ez dute ezertarako ahalmenik, hori sinistarazten da baina
errealitatean ez da horrela. Dena “goitik” emanda dator.
3. Itxaropenaren diskurtsoa
Gaur egungo kooperatibagintza bidegurutzean bada ere,
kooperatiba berreraiki beharra dago. Pentsamendua gaurkotu eta
gizartean eragin. Globalizazio garai hauetara egokituta
kooperatibagintza egiten asmatu beharra dago.
Egiturak aldatzeko badaude mekanismoak, egoki erabiltzean dago
gakoa.
Goazen bereizitako diskurtso-multzo bakoitza xehekiago
aztertzera.
229