Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
“bai hor ez, txakurran txistia, ez? Zaunka
eitten zebana, ta egun baten hemen, Fagorreko
txakurra zeuen, zaunka eitte zeban da, egun baten ia,
hau eh, eztabela zaunkaik eitten, ta ze pasetan jako?
Gaixorik dau ala? Ez, bazkide ein jabie.” (ET1;H5)
Kooperatibista izatea baino garrantzitsuagoa da kooperatibo
izatea 2-3 partaidearen iritziz.
“nik uste dot kooperatibista izatea baino
garrantzitsuaua dela kooperatibo izatea.” (ET2;H3)
Lagun horrek uste du kooperatibista dela kooperatiban lan egiten
duen pertsona bat baina horrek ez duela bermatzen pertsona hori
kooperatibaren inguruko ildo edo pentsamendutan mugitzen denik.
Jendearen kooperatibotasun falta sumatzen du batez ere Fagor
Arrasaten.
“Kooperatibista da kooperatiban lanean dabilen
pertsona bat, sin mas. Eta kooperatibo da
kooperatibista bat kooperatiba barruen kooperatibaren
inguruko ildotan o pentsamendutan mugitu beharko
litzaken langilea. Eta nik bizi izan detena
behintzat, jendearengan kooperatibotasun falta hori
eta ez gaztek bakarrik e!. danok. Eta etxe hontan
asko, eta beste etxek nik ez dittut ezautzen baina
etxe hontan asko.” (ET2; H3)
4.1.1 Kooperatiba desberdina dela sentitzeko zailtasunak
Zer da kooperatiba bat? Zerk bereizten du bestelako enpresa
eredutatik? Maila teorikoan ikusi ditugu kooperatibak dituen
berezko ezaugarriak, halere ondorengo puntuan Arrasateko
kolektiboan dauden pertzepzioak eta sentipenak jaso nahi izan
ditugu, eta argudio horiek ulertzen saiatuko gara.
Kooperatiba desberdina dela sentitzeko zailtasunak sumatzen dira
batez ere gazteengan. Lanean hasteaz bat ez ei da igartzen
kooperatiban edo bestelako enpresan lan egiten duzunik; urteak
behar izaten dira kooperatibaren bereizgarritasunak
identifikatzeko. Era berean, Mondragoeko Eskola profesionaletik 67
etortzeak ere ez du asko laguntzen horretan. Izan ere, Eskola
kooperatiba izanik ere ez da kooperatiba denik ikusi eta
sentitzen. Eta bertatik pasatutakoek diotenez igarri beharko
litzateke; gutxienez bertan ikasiek kooperatiba eta
kooperatibagintzari buruzkoak ezagutu beharko lituzkete. Jaso ez
duten formazioarekin oso kritiko agertzen dira.
67
Gaur egungo Mondragon Unibertsitateko Goi Eskola Politeknikoa. Fagor
Arrasateko kolektiboko langile zati handi batek egin ditu ikasketak
1948.urtean sortu zen eskola horretan.
257