Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
4.1.3 Kooperatibista sentimenduaz
Kooperatiba bat zer den ikusteko zailtasunez aritu gara goiko
orriotan, baita kooperatibak bereizgarri dituen elementuak
aztertu ere. Orain berriz kooperatibista izatearen sentimendua
aztertu nahi dugu. Sentimendu kooperatiboa bizirik ote dago
kooperatibistengan? Bazkideak kooperatibista sentitzen dira? Zer
da kooperatibista sentitzea?
Kooperatibista sentitzen diren galdetuta ere, makina bat
erantzun jaso ditugu. Batzuk baikorrak oso, beste batzuk aldiz,
besterik gabekoak, indiferente agertzen direnenak.
Aurkitu dugu kooperatibista sentimendua gutxitu zaionik ere.
Lehen orain baino kooperatibistago sentitzen zen. Sentimentu
hori gutxitzearen arrazoiak zeintzuk izan dira? Zerk eragin ote
du sentimendu horren gutxitzea?
“lehenau beste ez, baina bai. Nik uste dot
baietz.” (ET1;H3)
Autokritikatik erantzun dute gazte batzuk. Kooperatibista
izateko zerbait egin beharra dagoela uste dute. Besterik gabe
eta kooperatibako kide izateak ez duela bat kooperatibista
egiten.
“ni nere kasuen ezebe. Eztot eitten ezebe
kooperatibistia izeteko” (ET1;H5)
Bada oso kooperatibista sentitzen denik ere. Harrotasunez
aitortzen dute batzuek kanpoan 69 lanean dihardutenean hemen
daudenean baino kooperatibistago sentitzen direla.
“ni hemen oso kooperatibista sentitzen naiz eta
kanpuan gehixau oindion eh. Kanpuan gehixau eta
kanpuan, hortikaldian, nonbaitten, azkenien sentitzen
nok kooperatibista barrez, kooperatibista esan nahi
juat geuria izango balitz bezela, gure sistema bat
izengo balitz bezela, gure inbentua izengo bazan
bezela. Zeinena? Euskaldunena. Eta, ni sentitzen naiz
oso kooperatibista. Eta hor kooperatibista
izetekotan, hor konpromiso batzuk gaukou,
kooperatibista izeteko. Hemen e, batzuetan lan ein
biha juau, kanpuan, enpresa kapitalistan baino
gehixau eh, eta gaurko egunetan gauzak daren bezela
oindino gehixau. Guria defenditzeko. Kooperatibista,
nik oindio jaukat behintzet hori barruan…sartuta.”
(ET1;H1)
69
Fagor Arrasateko langileak asko ibiltzen dira beste herrialdeetan, makinak
saltzen zein muntatzen.
263