Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
4.2.5 Planteamendu filosofikoa falta da
Halere, benetako edo muineko gakoa beste bat dela uste dute, ez
du transmisioak bakarrik huts egin. Gaur egun planteamendu
filosofiko eta ideologikoa falta da. Hasiera baten kooperatiben
sorreran balio batzuk zeuden eta poliki poliki arauen bidez
balio horietatik urruntzen joan dira kooperatibak. Hainbat
elementu daude urrunketa horren adierazle izan daitezkeenak,
esate baterako, soldata mailaketaren irekiera eta
nazioarteratzea formatu ez kooperatiboan gauzatzearena. Badirudi
kooperatibak enpresa kapitalistaren eredura hurbiltzen doazela
poliki poliki eta kooperatibismo “bigun” bat egiten dela;
benetako planteamendu filosofiko eta ideologiko gabe.
Badirudi oinarriak galdu egin direla. Jada ez daudela atzean edo
sakonean garai baten zeuden balio sendoak. Horrela azaldu digu
1-2 partaideak:
“nere ustez planteamentu filosofiko bat edo, hor
dago akatsa ez? Kooperatibie jaio zanien balore
batzuk zazien. Ta, ba, arau batzuk. Denbora pasaz e,
ba, ez dakit nik arrazoiakin edo arrazoi barik. Baina
behintzet ni ados ez nago bapez. Juan gara arau
horrek, edo guk inguratzen kapitalismo sistematara.
Ba hainbat gauzarekin, adibidez gure soldata
mailaketa zabaldu dogu. Adibidez,
internalizazioarekin gabiltza kooperatibak ipintzen
beste leku batzuetan eta abar. Ein doguna da, ba, gu
adaptatu edo gu adapatatzen ari gara kapitalismoari,
eta gabiltza egiten “un cooperativismo light” .
Bueno, eta hori gabitzela egiten ba, oinarrixak galdu
egin dira, ez? Hori da nik egiten dudan irakurketa.”
(ET1;H2)
4.2.6 Ibilbidearen gaineko gazteen ikuspuntua
Gai honen inguruko gazteen ikuspuntuari dagokionean, gazteenek
ez dute oso ondo ezagutzen zer gertatu den bost hamarkadatako
ibilbidean zehar. Dena dela, lehengo kideek gehiago egin behar
luketela uste du 4-1 partaideak, etsituta sumatzen ditu eta
horrek ez du belaunaldi berrietan ilusioa pizten laguntzen.
Badirudi, dena eginda dagoela eta jendea erlaxatu egin dela.
“nik uste dot lenguak lan gehixau ein bihako
zabiela gauzia aurrera urteteko. Oin gauzia einda
daunian uste dot jendia apur bat relajauta moduan
dauela. Eta zela dirua atetan gabizen, ez bada bat
bestiak ataten dau, eta jendia relajau eitten da.”
(ET4;H1)
273