Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
joko zelai horretan euren balioak praktikan jarri, baizik eta
sistemaren arauei men egin behar dietela.
“hori merkauak exigidu eitteozkula hori da
onartzie gure proiektu kooperatiboa ez dala
baliogarrixa. Guk benetan sinisten badugu, hemen gure
baloreekin, solidaritatea, hemengo aberastasuna,
demokratizazioa, instituzio bat lana egiteko eta
abar, gure erlazioetan etab. Horrek gauza guztiok
benetan sinisten badugu e, ezin dugu onartu
beharrezkua dala bide hori egitea. Ze hori esaten
badugu azkenian ari gara esaten ba, beste sistema,
kapitalista sistema, ez dakit hobia edo txarraua
baina beharrezkua dala.” (ET1;H2)
4.2.8 Gaur egunera egokitu beharra
Gaur egunera ekarri eta egokitu beharraz mintzo dira gehienak.
Sasoi bateko eredu kooperatiboak ez du bere osotasunean gaur
egunerako balio. Merkatuak hedatzera behartu ditu kooperatibak
eta jada ez da nahikoa lehengo eredua. Zerbait berria asmatu
beharra dago.
“nik uste dot lehengo modelo hori, sistema
kooperatibo, kooperatibo sistema hori igual gaur
egunera egokitu ein biha dala. Lehenguak ez dau balio
igual oingo egoerarako. Ze hemen kooperatiba askok
zabaldu dauz tailerrak leku danetan, eta jarraitzen
baginuan ba hemen, Arrasate inguruan lana eitten
bakarrik ba, ez dakit nun egongo ginan. Igual etxian.
Ez dakit e, baina gaur egunian dagon konpetentziakin
eta gaur egunian dagon… igual egokittu ein bihako
ginan.” (ET1;H4)
Arlo soziala indartu beharreko elementua
Arlo soziala indartu beharreko elementua da. Testuingurua ezin
dezake kooperatibak aldatu, beraz ekonomikoki sistemara moldatu
beharra dago. Halere, beste alde batetik eta paraleloki, arlo
soziala landu beharra dago. Bai, baina nola? Ez al dira biak,
arlo soziala eta ekonomikoa uztarri berean kokatzen? Ez al du
batak bestea ukitu eta eragiten?
“baina, osa. Beste alde batetik, hori da bide
ekonomikua baina bide ekonomiko hori gero beste bide
sozial bat jorratu bihako eban ez? Eta azkenian, nik
uste dot azkeneko urtietan galdu dana dala ba hori,
bide sozial hori. Azkenian halako bixak nola eruen
inguru, testuinguru hontan. Ze testuingurua guk ezin
dogu aldatu. Eziou aldatu Bush, Bush hor dau eta
ezindou akabau berakin. Eta kapitalismua hor dau eta
EEBB-ak hor dauz… eta sistemia azkenian eh. Orduan,
275