Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
bueno, hortara moldatu biga, ta hortara moldatuta
ikusi ein bi da beste bide horrek jorratie, eziozu
esan “hau da el pais de las maravillas” ta goiaz
eitten hau. Azkenien, kooperatiba danak itxi eingo
zien, azkenien dirua bihouelako, dirua irabazi
bihoelako.” (ET1-H5)
Beraz, testuingurura moldatuz eta arlo soziala lantzen
ahalegintzea da hauek proposatzen dutena.
“moldatu testuingurura baina, ahalik eta gehixen
jorratu beste, beste arlua (soziala)“ (ET1-H4)
Dirua irabazteko, testuinguru ekonomikoaren morroi? Testuingurua
alda ezina da eta testuinguru ekonomikoa ondo ezagutu behar dugu
arlo enpresariala indartu ahal izateko.
“Baina karo dirua irabazteko gaur eguneko
testuingurua be ondo ezautu bida. Ondo ulertu bida.
Ta honbre! Testuingurua aldatu leikela? Ba bai, gure
gertuko testuingurua aldatu ahal dogu. Baina guk eziu
aldatu Alemanian, Inglaterran edo Txinan dagon
testuingurua. Orduen, hortara moldatu ein biko
ga.”(ET1;H5)
Moldatu, identitatea galduaz? Non legoke muga? Noraino moldatu
behar du kooperatibak? Kooperatiba izateari uzteraino? Hori
onartzeko prest ote geundeken galdetzen du 1-2 partaideak.
“Onartzen dugu hori? Azkenian ari gara esaten
baldintzak badaude ba, azkenian guri sakatzen
digutenak sokak eta abar eta ez eske irabazteko utzi
egin behar diogu kooperatiba izateari eta SA bihurtu
behar gara. Hori onartzeko prest gaude edo?” (ET1;H2)
Eta zer egin daiteke arlo soziala indartzeko? 4-2 partaidearen
iritziz egin beharko litzatekeen lehenengo gauza formazioa
eskaintzea da. Lehenik eta behin, kooperatibara sartzeaz bat
kooperatiba eta bestelako enpresen arteko ezberdintasunak
ezagutu beharko lirateke. Horretarako, aurrez unibertsitatean
azaldu beharko lukete zein den diferentzia. Kooperatibismoaren
inguruan dauden balore eta ideologia guzti hori transmititu
beharko litzateke. Onena edo idealena, horrek jakintza guzti
horrek lanean hasi baino lehen jasotzea litzateke, izan ere,
behin kooperatiban sartuz gero, ikasten joan zaitezkeela dio
baina horrek bere denbora behar izaten duela.
“lehenengo formau, ez? Jakin. Jakin nora sartzen
garen eta ze ezberdintasun dauzen kooperatiba eta
enpresa baten artien, jakin baloretan hori. Eta hori
hasi bihako zan ba, unibersidadetik. Guri erakusten
zozkuenian unibersidadian, ezebe, ez zan bereizten
277