Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
“beitu, esangotzut e, berba bat dau: “Ambición”
ez? Anbisiñua, gaur egun anbisiño gehixau dau
pertsonala, askoz gehixau pertsonala lanerakua baino.
Eta bueno, horrekin lehen esan dotena, dana bat doie.
Lanpostu on bat, soldata on bat eta ezteixela ukitu
aldemenekuak. Ambisiño pertsonal bat. Ta ezpada kapaz
topetako horrek akatsok…” (ET1;H1)
Agian garai txarrak beharko lirateke pertsonak berriz batu eta
inplikatzeko. Azken urteetako garai onek badirudi jendearengan
joera indibidualistagoak areagotu dituela eta bakoitzak
norberarengan bakarrik pentsatzen duela.
“iguel, hori bueltauko zan halako denboraldi
txar batzuk ein ezkero. Eta benetan, etxera jun biher
edo hemen egon ba, urte askotan, edo batzuk egon zien
moduan peridikue irakurten pedidua eztalako sarten
eta halako garai txarretan jendia batu eitten da.
Azkenaldixan garai onak besteik ez dauz! Orduen,
jendie ba hoixe, berak pentsetan dau bere buruen da
proiektua ba Fagor hor dau. Holan ba behiei esnia
ondo atera, ez da.” (ET1;H4)
Baina bada beste ikuspuntu baikorrago bat ere: garai txarrei
zain egon gabe benetako kooperatibagintza garai onetan egin
beharko litzatekela dio 1-1 partaideak.
“jarraittu deixiela garai onak, eta hor garai
onetan kapaz izen geitxexela zeozer atatzeko.”
(ET1;H1)
Kooperatiba gizartearen ispilu baino ez da. Jendea gero eta
gutxiago inplikatzen da, ez bakarrik kooperatiban baita
gizarteko alor desberdinetan ere. Gizarte mugimenduetan ere
inplikazio maila jeitsi egin da azken hamarkadatan eta berdina
gertatzen ari da kooperatibetan ere.
“baina nik uste dot jendia inplikatzen dala gero
ta gutxiau, ez kooperatiba mailan, nik uste dot
gizarte mailan be bai, ez? islada bat moduan dala
ikusten dot. Ze nik ikusten dot bakoitzak gure
herrixan behientzet ikusikou, edozein taldetan,
edozein arlotan, bai kirol mailan e, kultur mailan
nik ikusten dotena da kriston problemak darela
jendiak lana eitteko, ba lana eitteko debalde zeoze
emotearren bestiendako. Jendiak nahi dau gaur egunian
ein beria eta ahaztu. Ez lehengo moduan, lehen jende
askok lan eitten zeban arlo danetan. Oin da ba hoixe,
baikoitzak beria ein da neri laga bakian da…”(ET1;H4)
285