Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
“komunikaziño faltia edo bueno, horrek komentau
dozunak komunikaziño faltia ba bai. Hori egon badau,
ta planuena jarri dozun adibidia”(ET1;H5)
Bada baina aurrekoari lotuta iritzi oso desberdina duenik ere.
2-2 partaidearentzat onerako aldatu da lan antolaketa. Lehen
nagusitzen zen kultura “ordeno y mando” moduan deskribatzen du
eta gaur egun giroa lehengoa baino askozaz hobea dela diosku.
“aldakuntza haundixena horixe, ni hona sartu
nitzanian, zeuken itxura bat Soziedade Anonimana,
parezido. Ordeno y mando. Kooperatiba zala, danana
zala. Baina lana eitteko era sozidade anonimo. Arlo
sozialian hauen inplikaziño gehixau baina jendian
arteko harremanetan askoz giro hobia dau orain. Sobre
todo lana konpartitzeko orduan da. Bata bestia
laguntzeko danak prest oin behintzet. Da lehen e, ba
erderaz esaten dana que cada uno saque sus castañas
da.” (ET2;H2)
Arduradunak urrin sentitzen dira
4-4 partaideak ez ditu enpresako arduradunak ezagutzen, eta aldi
berean, oso urrin sentitzen ditu. Lagun honen iritziz ardura
postuetan dihardutenek ez daukate langileekin harremanik eta
horrek eurak oso urrin sentitzera daramatza.
“horreik ikusten die oso urrin moduan, ez da
ikusten daukiela enpresako langiliekin ez tratuik ez
eztaitx. Eduki daue euren artian baina gureatik
behintzet oso urrin ikusten dittut.” (ET4;H4)
Lanpostu berriak eskaintzerako orduan ez direla bertako
langileak kontuan hartzen salatzen dute gazteek. Gehienetan
produktua ezagutu ez arren kanpotik ekartzen direla ardura
postuak betetzeko.
“gurien ikusten da, gure kasuen jendiak ibili
dianak lanian montajian eta hola, gero edozein postu
urteten dana apur bat altuaua eztauela hartzen
tallerreko jentia behin bez. Beti kanpotik ekarten
dabiela jakin barik ondiokan produktua zelakua dan.”
(ET4;H1)
Bertakoekin kontatzea da eskatzen dutena. Hori hobetzeko puntu
bezela planteatzen dute.
“igual kanpotik jendia hemenguekin kontau
barik.” (ET4;H2)
290