Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
4.4.2 Partehartze instituzionalaz
Partehartze instituzionala Arrasateko kooperatiben baitako
demokrazia enpresarialaren adierazgarri da. Kasu honetan
Arrasateko kooperatibistek partehartze instituzionalaren
inguruan dituzten kezka eta iritzi ezberdinak jaso eta aztertuko
ditugu.
Kooperatiba formula enpresarial bat baino gehiago da teoria
mailan, baina konplexuagoa da praktikan. 4-2 partaide gaztearen
ustez, boterea informazioak ematen du eta edozein erakundetan
bezala kooperatiban ere informazio maila ezberdinak daude.
Horrek, bazkidearen benetako partehartzea mugatzen du. Izan ere,
estatutuek “bazkide bat boto bat” esan arren, hori errealitatean
mugatuagoa da. Maila teorikoaren eta benetako errealitatearen
artean alde handia ikusten du lagun honek.
“gauza bat da planteamendu teorikua eta gero
praktikan hori zela emoten dan. Azkenien, edozein
estrukturatan informaziñua dakatenak dakate boterie.
Boterie informaziñuak emoten du. Zu langile zarenien
ba gauza asko zela funzionatzen daben, ordun mugatute
zauz. Iritzixa emoteran emon ahal dozu nahi dozun
eritzixe baina gero iritzi hori kontuan hartzerako
orduan edo praktikara eruateko orduan, ba mugatuta
zaz. Estatutuak esaten dabe langile bat boto bat eta
langileak esaten duena egiten dala gero hori ez da
izaten hola; informaziño maila desberdinak dauzelako,
ardura desberdinak eta… gauza bat da planteamendu
teorikua eta beste bat realidadia.” (ET4; H2)
Organoen funtzionamendua
Organoen funtzionamenduaz orokorrean galdetuta, 1-1 partaideak
organoetako partehartzea oso garrantzitsua dela diosku. Bertan
erabakitzen baitira kooperatibaren norabideari eta izateari
buruzko gaiak. Organo denak elkartuta joatea proiektu baten
inguruan elkartzea eta norabide berean jardutea garrantzitsua
dela uste du.
“Hemen daukou Arrasaten kooperatibia. Azkenian
horrek elkartuta doiaz bata bestiakin. Elkartuta
esaten dot konsejo sozialetik hasi eta junta rektora
eta, konsejo direkziñua dana elkartuta. Orduan bueno,
ez badaukou proiektu bat garbixa eta ilusiño bat
garbixa ba, partehartzia baino ez hartzia ez gura.
Eta asunto sozialetan, soziala ez bada bat hor saltsa
hortakua ez bada ba, ez gurau, ezpadau inok gura
egon, ze inportantzia dauken? Badauko, azkenien hor
erabakitzen die gauzak baina…” (ET1;H1)
291