Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
1-2 partaideak aldiz, gehiago sakondu beharko litzatekeela uste
du eta kooperatibismo gehiago aldarrikatzen du.
Kooperatibagintzan sakontzea da bidea, orain arte ezagutzen
ditugun organoak demokraziarako mekanismoak direla uste du.
Baina mekanismo horiek orain dela berrogei urte inguru sortu
ziren eta lehengo kooperatibismoari zegozkien, baina gaur egun?
Nola berritu edo indarberritu ditzakegu elementu horiek?
Horretan sakontzea izango litzateke iparra.
“pixkat sakontzen apur bat. Batek esan zuen,
erdaraz esangot: “los problemas de libertad se
resuelven con más libertad” “los problemas del
cooperativismo, nire ustez, se resuelven con más
cooperativismo” ez? Eta oin Maximo dabilena esaten
ba, hori gertatzen da ez dugulako, ba hori, “más
cooperativismo” jarri. Ez dugu… ba hor pauso gehixau
eman. Nahi dot esan ba, lehen aipatu dozuena, ba,
konsejo rektorea, asanblada, konsejo soziala,
asanbladak eta. Horrek be bai dira bueno, momentuan
azaldu ziren mekanismo batzuk ba demokratizatzeko,
ba, jentian partizipazioa handitzeko, edo gehiago
egoteko ez? Baina horrek azaldu zien ba lehenengoko
denboretan, oin berrogei urte diala, ez? Oin gaude
beste egoera baten eta mekanismo berdinak dira. Ez
dugu sakondu hor ez?” (ET1;H2)
Partehartzea vs kritikotasuna?
Jendearen inplikazio eza eta protestatzeko joeraz mintzatu da
2-3 partaidea. Jendeak gauzak oso gaizki dihoaztela esaten ei du
baina gero gauzak gaizki ikusi arren ez omen dira inplikatzen.
Protestan oinarritzen den kritikotasunak sensazio eskasa sortzen
omen du. Kexa konstruktiboaren aldekoa da, gauzak gaizki ikusi
eta ildo bat edo beste proposatzen dutenen aldekoa. Halere,
bestetik asko ikusten du, kexatu bai baina gero ezer egiten ez
dutenak asko dira bere irudiko.
“hemen ta neri ez zaidana gustatzen askotan da
jarri alde baten eta esatea gauzak oso gaizki
dihoaztela, gero gauzak horren gaizki ez dihoazela
esateko ez. Baina kasu hortan nik ikusten detena da
jendearen inplikazio eza! Baina zeharo e!; ni akaso
bitxo raro bat izango naiz baina ni mugitu naiz gauza
askotan, saiatu naiz hau ta bestea. Eta jasotzen
duzuna da: be be be! Gaizki dau, gaizki dau ta punto;
ta esto es una mierda, y esto es una mierda. Da
holako sensazio bat de destrucción total, hemen iñok
ez du parte hartu nahi. Eta horiek dira txarrenak, ze
neri kexa konstruktiboa ikaragarri gustatzen zait.
Pertsona batek esatea ikusi; hau ez zait iruditzen
ondo honegatik eta honegatik eta uste dot izan
beharko litzakeela holan edo hemendik jo daitekela,
292