Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
3-2 partaidea ere baikor ageri zaigu. Egia da asko galdu dela
baina egia da baita ere jende multzo bat badauela gauzak aldatu
eta berreskuratu nahian eta gainera jende gazte ona ei dator
atzetik.
“Asko galdu einda baina badago multzo bat
berreskuratu nahian eta jende gaztia baloratzen da.”
(ET3;H2)
“Ez dau hain gaizki. Nik ikusten dotena da
beruntza doiela.” (ET3;H3)
4.6.1 Gazteen jarreraren ingurukoak
Nolakoa da Arrasateko kolektiboaren jarrera?
2-2 partaidearen iritziz azken hamar urte hauetan sartutako
gazteak “etxekoago” egingo dira urteen joan etorriekin eta
kooperatibista sentimendua gehituko zaie; eta horrekin batera
kooperatiba kudeatu eta berritzeko gaitasuna.
“lehen hik ezaten huana, gaztie ta
kooperatibista ta eztaik zer. Oin hamar urtian sartu
da jente asko eta horrek hamendik beste hamar urtera
pixkat aldatuko daue euren pentsaera bebai eta nik
uste dot etxeko gehixau eingo diela eta
kooperatibista gehixau bezela sentiduko diela.”
(ET2;H2)
Hori litzateke etorkizun hurbileko erronka: gazteei
kooperatibismoaren zentzua helaraztea eta kooperatibagintzaren
gainean formatzea.
“lana hortxe dau, gaztiei inkulketan
kooperatibia zer dan. Guraubou Arrasate kooperatiba
moduan jarraikitia lan asko ein biha da gaztieekin.”
(ET3;H1)
Lan egiterako orduan jende gazteak ongi erantzuten du eta
gazteak helduagoak baino gehiago inplikatzeko joera dute. Hori
horrela izanik bada etorkizunari baikor begiratzeko tarterik.
Ikuspegi ezkorra
“erantzun eitten dau jende gaztiak lan eitterako
orduan. Sartu diazen jende gaztia gehiago inplikatzen
da.” (ET3;H5)
1-6 partaideak ilun ikusten du kooperatibaren etorkizuna. Ez du
oso ondo azaltzen zergaitik ikusten duen gaizki kooperatiba.
Badirudi sensazioetan oinarritzen duela bere argudioa. Gero eta
gehiago kobratzen da eta denok lasai gaude.
309