Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
“txarto ikusten dot gauzia. Ze nik ikusten gero
ta gehixau kobretan gauela, danok trankilo… ta
eztakit txarto ikusten dot asuntua.” (ET1;H6)
Motibazio falta ei dago kooperatibako langileengan. Gainera,
bere ustetan jadanik ibilbide bat egindako bazkideen jarrerak
ere ez du askorik laguntzen. Haien erremina kutsatu egiten dela
diosku.
“nik uste dot jentia eztauela motibauta.
Etortzen zare, gaur goizian esan dozta batek hor,
berrogeitamarpikuko tipo batek, ba: “Antes si, antes
veniamos a gusto a trabajar, ahora ya esto es una
mierda” eztakize, lo otro ta, ez dakit hori apur bat
be kontajiau eitten da.”(ET1;H6)
4.6.2 Nolako kooperatiba gustatuko litzaizueke
etorkizunean?
Etorkizunean zer nolako kooperatibagintza gustatuko litzaiekeen
galdetu diegu. Horra hor jaso ditugun erantzunak.
“Geurea. Urtero urtero asmatuko duguna.Akats eta
birtuteekin.” (ET2;H3)
2-3 partaide gazteak, “gurea” nahiko luke, urtetik urtera
eraikiz eta kooperatiba eginez egingo luketena. Euren akats eta
bertute guztiekin baina eurena litzatekeena.
Ildo beretik, erretiroa hartzear den 2-1 partaidearentzat ere
landutako kooperatibagintzaz osatutako kooperatiba gustatuko
litzaioke. Jendea formatuaz eta landuaz, kooperatibismoa zainduz
eta mimatuz.
“Landua. Kooperatibismua zaindu ein bida. Ume
bat modukua da eta ha mimau eta zainddu ein bida.
Hortarako jendia formau eta landu.” (ET2;H1)
1-1 partaideak kooperatibagintza hau hemendik eta hamar urtera
handiagoa izatea gustatuko litzaiokela dio eta ez negozio moduan
bakarrik baizik eta kooperatibagintzari lotutako gaiek ere
aurrera egitea gustatuko litzaioke. Arrasateko kooperatiben
identitatea mantenduz eta aurrera eginez.
“guk e, samur esateko, anbicioso pertsonal
horreaz, ba, bai kriston jubilaziñua eta lasai bizi…
baina ez! Nik gura neuke kooperatibista bezela,
kooperatiba bezela, hau kooperatibismo hau oindio,
oingo hiru bider haundixaua hemendik hamar urtera
izatia gura neuke. Eta barriz, gure neuke ez bakarrik
negozio bezela, kooperatibismo bezela be bai. Hori
310