Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
“My driving question was: to what extent is it
possible for a business to maintain a core of social
values – such as participatory democracy – while
growing, becoming more complex, and being financially
successful?” 16
3.2 Tentsioen lekukotzak autore ezberdinen arabera
Kooperatibismoak modernitatearen tentsioa, beraz, modu berezian
ezagutu du. Modu zehatzago batean, AKEren inguruan
identifikatutako tentsioak aipatuko ditugu. Hortaz, jarraian,
ondorengo orrialdetan Arrasateko Kooperatiba Esperientzia ardatz
harturik burutu diren ikerketak izango ditugu aztergai.
Arrasateko Kooperatiba Esperientziaren inguruan literatura
oparoa dugu eskura. Ondorengo lerroetan Arrasateri buruzko
zenbait lanen gaineko errepaso labur bat egingo dugu. Zergatik
izan da ikertua eta zer esan da Arrasateko Esperientziaren
inguruan?
3.2.1 Whyte eta Whyte
Lan honi ekiteko, Whyte eta Whyte-k egindako Mondragon más que
una utopía lana izango dugu aztergai, Arrasateko Kooperatiba
Esperientziaren errealitatera hurbiltzeko ikuspegi osotua
eskaintzen baitigu. Liburu lan honek AKEren klabe nagusienak
biltzen ditu: ikuspegi historiko batetik izan duen bilakaera
jasotzen du, batez ere esperientziaren sorrera eta hedapenean
sortu diren hito eta gatazka-guneak identifikatuz (besteak beste
Ulgorreko greba, krisi garaiko erabaki eta mekanismoak,
organoetako funtzionamendua...). Guk Esperientziaren sakoneko
balioetan jarri nahi izan dugu arreta.
Zeintzuk izan dira autore hauen ustez AKEren arrakastarako
gakoak? 17
- Kooperatibetako zuzendariek gaitasun teknikoez gain,
kontzepzio sozial sendoa dute barneratua, eta ikerlari hauen
ustez kultura organizatibo berezi bat sortu dute. Agian
erakundearen gehiengoa ez dago balore kooperatiboekin
konprometitua, baina zuzendariek balore horiek barneratuta
izatea eta traktore funtzioa betetzea ezinbestekoa da
kooperatiba izaeraren biziraupenerako.
- Autokritika eta idealen egokitzapenerako gaitasun handia
erakutsi du esperientziak, batez ere zuzendarien aldetik.
Lidergo inportante bat egon zen Arizmendiarrietaren eskutik.
Hala ere bidea erakustea zen bere funtzio nagusiena, kooperatiba
16 Cheney, George: Values at work: Employee Participation Metes Market Pressure
at Mondragon, Ithaca. NY, Cornell University Press. 1999. 36.orrialdea.
17 Whyte & Whyte: Mondragón más que una utopía. Txertoa. Donostia. 1989.
267.orrialdea.
42