Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboa
urteetan partehartzea hoztu egin dela Arrasateko Kooperatibetan
aipatu dugu atal teorikoan. Eta galdetegian jasotako datuak
aztertuta, Arrasateko kolektiboak ere partehartzeari buruzko
kezka duela esan dezakegu. Izan ere, azken urteotako
partehartzearen joerari buruz, ez dago iritzi bateraturik:
%40aren ustez, azken urte hauetan partehartzea hobetu egin da.
Beste %40 batentzat mantendu egin da, eta azkenik gainontzeko
%20ak uste du partehartzea gutxitu egin dela. Ez dago diagnosi
garbirik, baina ez da harritzekoa; azken urteak ez dira urte
multzo bera batzuentzat eta besteentzat. Erdiko adin tartekoak
agertu dira kasu honetan kritikoen, hauen artetik %40ak
partehartzea azken urteotan estankatua dagoela uste du,
%24arentzat partehartzea gutxitu egin da, eta, azkenik,
%30arentzat hobetu egin da.
Parte hartzeko aukera indartu beharreko elementua
Erabakietan parte hartzeko aukera indartu beharreko elementua da
gehiengo zabalarentzat, %89a ados agertu da. Fagor Arrasaten
partehartzea erreala ote den galdetu dugu. Gehiengoak
partehartzea “batzuetan” dela erreala erantzun du (%60ak). 51-65
adin tartekoak beste bi adin tartekoak baino baikorrago (beti
edo ia beti izaten da partehartzea erreala %40arentzat) agertu
dira eta gazteenak kritikoen: gazteen artetik %32ak uste du
partehartzea gutxitan izaten dela erreala Fagor Arrasaten.
Zergatik uste du gazteen multzotik heren batek partehartzea
Arrasaten ez dela erreala? Ez al dira aintzat hartuak sentitzen?
Era berean, hiru adin tarteetan gehiengoak “batzuetan” erantzun
du, eta ez zaigu oso datu baikorra iruditzen. Badirudi
partehartzeko mekanismoak eta moduak birformulatu eta indartu
beharreko elementuak direla.
Kontseilu Errektorearen lana garrantzitsua da
Organoen funtzionamenduaz ere jakin nahi izan dugu. Horren
harira, Kontseilu Errektoreak egiten duen lana garrantzitsua da
gehiengoaren ustez; %83ak beti edo ia beti dela garrantzitsua
Kontseilu Errektorearen lana esan du. Garrantzia aitortzeaz gain
norberaren ardurak hartzeko prestutasuna ere neurtu nahi izan
dugu. Organoetako kide izan eta organoetan parte hartzeko prest
al daude?
Gazteak ere organoetan parte hartzeko prest
Organoetan partehartzeko prest agertu da gehiengoa (%70a).
Gazteei askotan egotzi izan zaie ardurak ez asumitzea edota
erantzukizunik nahi ez izatea. Oraingoan, adin tarteei
dagokionean, ez dugu alde handirik sumatu. Gazteen artetik ere
%70 inguru organoetan parte hartzeko prest agertu da.
466