Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
Atal enpirikoan hiru lan egin ditugu: alde batetik, lehen
hurbilpena deitu diogun ariketan kooperatibagintzari buruzko
hiru diskurtso identifikatu eta aztertu ditugu; Bi, azterketa
kualitatiboa osatzeko eztabaida taldeetan kooperatiba eta
kooperatibagintzari buruzko gaiak aztertu ditugu; eta,
hirugarrenik, azterketa kuantitatiboaren bidez kualitatiboan
aztertutako elementuak neurtu nahi izan ditugu. Ondorio
orokorren atal honetan, ikerketaren helburuak eta atal teorikoan
landutakoa kontuan hartuz ikerketak bere osotasunean eman dituen
emaitzak aztertu eta ondorio esanguratsuenak landuko ditugu. Era
berean, azterketa kualitatiboan landutakoa eta azterketa
kuantitatiboak emandako emaitzak gurutzatzeko ahalegina egingo
dugu, martxan jarri gaituzten galderei erantzunak emateko.
1. Helburuen araberako ondorioak
Puntu honetan helburu orokorren arabera antolatu ditugu
ondorioak. Helburu bakoitzaren araberako ondorioak landu
aurretik, gogora ditzagun zeintzuk diren ikerketa proiektu honen
helburuak.
Hiru helburu nagusi ziren planteatzen genituenak:
1.- Kooperatiba eta kooperatibagintzari buruz dauden
pertzepzio eta diskurtsoak identifikatu eta aztertzea.
Kooperatibaz eta kooperatibagintzaz Fagor Arrasate Kooperatiba
elkartean dauden diskurtsoak polarizatu eta aztertzea izan da
azterketa enpirikoaren helburu nagusia. Egungo kooperatibistek
kooperatibismoa nola ikusten duten, nola formulatzen duten jakin
nahi dugu. Eta formulazio horretan zenbat ikuspegi desberdin
multzoka ditzakegun, zenbateraino adostuak dauden, diskurtso
kontrajarririk dagoen ala ez.
Zeintzuk dira Fagor Arrasaten egun dauden diskurtsoak? Zeintzuk
dira Fagor Arrasateko langileen “sentipen kooperatiboak”?
Diskurtsoak bereizi daitezke? Zeintzuk dira elementu diskurtsibo
bereizgarriak?
Diskurtsoak identifikatzeko orduan, beste aztergai bat
kooperatibaren barne dimentsioa dugu. Nola bizi duten bazkide
zein langileek partehartzea, kooperatibaren sarekatze ezberdinen
antolaketa (dibisioak, Fagor Taldea edo eta Mondragon Taldea).
Barne antolaketan demokraziak duen garrantzia gaur egun, edo eta
gizartearekiko duten erantzukizunaren aurrean ze pertzepzio
dituzten.
2.- Belaunaldi ezberdinen diskurtsoen arteko konparaketa
egitea.
Diskurtsoak bereizi ahal daitezke belaunaldi edo kooperatiban
egindako ibilbidearen arabera? Zerk erakartzen ditu
481