Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
Kasmirrentzat kooperatibistek konpromiso makala adierazi izan
dute beste langileekiko, eta horren adibide grebekiko
erakutsiko duten elkartasun urria. Sindikatuekiko harremanei
dagokienean, kooperatibistek ez dute motibazio berezirik
adierazi sindikatuekiko.
Kasmirren ustez, lan-baldintza eta langileen partaidetza mailari
dagokionez, ezberdintasun gutxi daude kooperatiba eta kapital
enpresen artean. Demokrazia eta partaidetza sistemak dituzten
arren, ez dira oso eraginkorrak, eta gabezi asko dituzte. Bere
ustez, langilea jabe izateak potentzial asko dauka bestelako
enpresa-eredu bat sortze aldera, baina horretarako langileen
partehartzeak benetakoa izan beharko luke. Gainera, kooperatibek
langile klasearen haustura ekarri dute. Izan ere,
kooperatibistak langile dira baina jabe aldi berean, eta izaera
bikoitz horrek langile klasetik bereiztea eragin du.
Egindako ikerketaren ondoren, ondokoa ondorioztatzen du:
langile klasearen ikuspegitik, Arrasateko Esperientzia
sozialismoaren aurkako proiektutzat har daitekeela. Izan ere,
Arrasateko Esperientziek ez du logika kapitalistarekin hautsiko;
izatekotan kapitalismo humanoago baten aurrean geundeke.
Kapitulu honetan Arrasateko Kooperatiben inguruan hainbat
ikerlarik egindakoak laburbildu ditugu. Baina goazen orain
begirada Arrasateko Kooperatiba Esperientzian jarri eta bere
baitako pentsamendu-ideologia nahiz egindako ibilbide historikoa
sakonago aztertzera.
53