Diskurtso kooperatiboak langile-kolektiboan ... - Euskara

Atal teorikoa
Oinarrizko hamar printzipio kooperatiboak
Printzipio honen muinean Arizmendiarrietaren partehartzea
ulertzeko modua dago. Pentsamendu arizmendiarrean enpresa lankomunitate
demokratikoa da eta ikusmira horretatik begiratuta
ulertu behar dugu kooperatibetako partehartzea.
Arizmendiarrietak proposatzen duen pertsona aktibo eta
solidarioaren ezaugarri nagusia izan behar du partehartzeko
gaitasunak. Baina gaitasun hori partehartze zuzen baten baitakoa
izan dadin beharrezkoak diren gutxieneko bi baldintza jasotzen
dira Lankidetza liburuko 117.orrialdean:
- Heldutasuna. Partehartzea eta heldutasuna
banaezinezko kontzeptuak dira: partehartzeko
gaitasuna da heldutasunaren ezaugarri nagusiena.
- Hezkuntza. Pertsonak gai baten inguruan erabakiak
edo eta ardurak hartzeko, parte hartzeko alegia,
ezagutza eta jarrera minimo batzuen beharra du.
Ezagutzarik ezean ez gara gai izango gure kabuz
jokatzeko eta ezta arduretan parte hartzeko ere.
Printzipio hau esanguratsu eta garrantzitsuenetakoa dugu.
Partehartzeak orokorrean kooperatibetan bazkidearen izaera
bikoitzari lotutako bi dimentsio barnehartzen ditu: alde
batetik, partehartze instituzionala (enpresaren jabe den
aldetik) – sozioestruktura deiturikoa- eta bestetik lanpostuko
partehartzea (lan-prozesuko partaide den aldetik)-
teknoestruktura-. Azken partehartze mota honek 5. Printzipiora
garamatza.
69