Jaitsi hemen liburu osoa - Lezoko Unibertsitateko Udala
Jaitsi hemen liburu osoa - Lezoko Unibertsitateko Udala
Jaitsi hemen liburu osoa - Lezoko Unibertsitateko Udala
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Lezo: ondarea eta hiri garapena<br />
Eskultura hau santutegiko imajinarik interesgarriena da, dudarik gabe, eta<br />
Gipuzkoa osora zabaldu da harengatiko debozioa. Zur polikromatuzko tailua da.<br />
Kristoren irudikapena da, hiru iltzerekin gurutziltzatua; gurutzea ia-ia arbastatu<br />
gabeko enborrekin egina dago; Kristo burusoila eta bizargabea da, aurpegiera<br />
lasaikoa, masailalboko hezurrak nabarmenduta dauzka, eta burua pixka bat<br />
makurtuta du. Beso zailduak gurutzeko besoen paraleloan zabaltzen dira.<br />
Gorputz enbor zuzena du, anatomia baldarrekoa, saihets hezurrak agerian eta<br />
gerria nabarmenduta. Zangoak tenkatuta ditu, eta gerriaren inguruan zapi laburra<br />
dauka, erdian lotuta eta haizemaile eta sigi-saga gisako izur finekin. Duela<br />
gutxi arte irudia gona motz batekin jantzita zegoen eta ileordea zeraman.<br />
Eskulturaren jatorria ezezaguna 14 da, baina hainbat ezaugarritan gotikoaren<br />
kutsua eta anatomiaren eta oihalen trataeran ukitu aurreratuak sumatzen direnez,<br />
XV. mendean 15 kokatuko litzateke seguruenik. Gurutze Santuaren erretaula<br />
zur polikromatuzkoa da, eta bertako espaziora egokituta dago. Hiru kaletan<br />
antolatzen da, harrizko idulki apaindu baten gainean; erdiko kaleak fuste ildaskatu<br />
eta ispiludun koloma pareak ditu albo banatan. Haren gainean, taulamendu<br />
hautsiaren baitan, Kristoren imajina duen nitxoa dago, eta alboetako horma<br />
hobietan, aingeruenak. Atikoan zeru arraildura ikusten dugu. Aldameneko erretaulak<br />
bezalaxe, obra barrokoa da honako hau ere, eta Santiago Jauregi dugu<br />
lan guztiaren egilea.<br />
Epistolaren ondoan, San Joan Ebanjelariaren erretaula dago, eta ebanjelioaren<br />
aldean Andre Maria Doloretakoarena, biak ala biak Santiago Jauregik eginak<br />
eta rococo estilokoak.<br />
Interesgarria da, halaber, tenpluko lehenengo zatia ixten duen burdin hesia.<br />
Balaustredun gorputz luze bat dauka, eta bi orriko ate bat bertan txertatuta.<br />
Balaustreak zilindrikoak dira, lodiera desberdineko ebakidurekin, eta helduleku<br />
anitzeko txarro, eraztun eta udare eta erraboil formekin. Horrez gain, balaustredun<br />
ateburuaren gainean balaustre erradialak dituen erdi puntuko arkua dago.<br />
Agirre Sorondo eta Lizarralderen ustez, burdin hesia Juan Zialzeta Urkidik forjatu<br />
zuen 1643. urtean 16 .<br />
Aipatzekoa da Baionako gotzain San Leon Gurutze Santuaren aurrean irudikatzen<br />
duen beiratea ere. Sakristian dago, eta J.P. Maumejean eta E. Salaberriaren<br />
lana da, 1904koa.<br />
30<br />
14 AGUIRRE-SORONDO, A., LIZARRALDE ALBERDIN, K. Ermitas de Gipuzkoa. J.M. Barandiaran<br />
Fundazioa, 2000. 270 or. “(…) Hainbat bertsio daude Gurutze Santuaren tailuaren jatorriaren inguruan.<br />
Horietako batek dioenez, Landarreta baserriko neska batek kostaldera ailegatutako kutxa batean<br />
aurkitu zuen. Bigarren batek dio Iruñeko gotzainak X. mendean ekarri zuela, baina bertsio hori ez dator<br />
bat imajinaren datazioarekin -XIII. eta XIV. mendearen artekoa jotzen dute adituek- (…)”.<br />
15 PUENTE SANCHEZ, M.T. “Escultura exenta de Vírgenes y Cristos en Pasajes, Lezo, Renteria y<br />
Oiartzun”. Cuadernos de sección: Artes Plásticas y Monumentales, 6. zk.<br />
16 AGUIRRE-SORONDO,A., LIZARRALDE ALBERDIN, K.: Ermitas de Gipuzkoa. J.M. Barandiaran,<br />
Fundazioa: 2000. 270-272 or.