Create successful ePaper yourself
Turn your PDF publications into a flip-book with our unique Google optimized e-Paper software.
Vol. XVII Issue No. <strong>51</strong> HNEHNA ENG Phek 3-na<br />
FAPA PEKIN KAN<br />
AWM TA<br />
- Christopher K.Thanga, SAY Leader<br />
'Kan tan naupang a lo piang a, fapa pekin kan awm ta a, rorelna chu a kokiah a chuang anga; a hmingah<br />
chuan Maka, Remruattua, Pathian chaka, Chatuan Pa, Remna Lal an ti dawn si." - Isaia 9:6<br />
Kristiante beisei leh innghahna pawimawh tak mai chu Bible (Pathian thu nung) hi a ni a, Eden<br />
bawhchhiatna avanga rul turin a fan mek hringfa ten, nun kan neih leh theih nan Fapa peka kan awmna tak mai<br />
hi a ni. Sakhaw mite aia ringtute hian chanvo pawimawh bikna chu ni. Chu thilpek hlu tak avang chuan nang<br />
leh kei hian Krismas hun hlimawm tak mai hi kan lo hmang thei chauh zawk a ni.<br />
Unau duh tak, tun hunah hian hei hi I ngaihtuah tlang<br />
ang aw! Tuna kan Krismas hman duh dan leh kan awmdan<br />
hi Kristiante tih atan a inhmeh em Hetianga nung turin em<br />
ni Fapa pekin kan awm Chuti lo ni tase ringlo mia kan ngaih,<br />
milem sakhaw be mite nen eng nge kan danglamna ni ta ang<br />
Tuna a lan danah chuan sakhaw dang beho nen danglamna<br />
kan nei lo niin a lang.<br />
A hming Maka, Remruattua, Pathian chaka, Chatuan<br />
Pa, Remna Lal chu kan biak kan Pathian ngei a ni si a. 'Ka<br />
inkhawm thin, ka zai thin, ka tawngtai thin' I ti maw! Chung<br />
chu keini aiin milem bia sakhawho hian an ti nasa zawk a, an<br />
puithu zawk bawk a, an ti tak zawk bawk. Pathian fak leh<br />
zaia tawngtai hi ringtute chuan kan tih tur a ni teh mauh mai.<br />
Amaherawhchu, Amah tihna tak tak nei hawt si lova, 'miin<br />
an ti thin' tih mai vanga kan ti ve ngawt anih erawh chuan<br />
Pathian bum ni lovin mahni kian inbum tihna a ni ang.<br />
Ringtu ten vanneihna kan neihna chhan leh vohbik<br />
chawimawina kan dawn theihna chhan chu, Fapa peka kan<br />
awmna mai ni lovin, chu min petu ngei kan Pathian Nung<br />
chuan a fa atan min vuah leh min pawm ta mai hi a ni. Chu<br />
tak chu 'A hming Maka' a nihna chhan pawh a ni. Chumi<br />
avang tak chuan a ni 'Keini inralthumnate chu tisa a ni si<br />
lova, kulhpui nghet takte thiatna tura Pathian tihltihtheihna a<br />
ni zawk' kan tih theihna chhan chu ni.<br />
Unau duhtak, engtin nge Krismas hman I tum tak<br />
le <strong>Eng</strong>tin nge Lalpa chibai I buk ve dawn a I tana rawn<br />
kal, I tuar aia tuartu chu I titap dawn nge I tilungngai dawn<br />
Nge Amah fak nan I hun I hmang dawn Tun hi I tan hun tha<br />
leh lawmawm, chhandamna ni chu a ni tih hriain kan tan nau<br />
lo piang chu I chawimawi theuh ang u.<br />
I lungngaihnate, I khawharnate, I manganna zawng<br />
zawngahte hian pui tur leh thlamuan tur chein a nghak reng<br />
che a ni. Amah chu pan la, hlimna leh lawman mai piahah<br />
lungawina famkim chu I hmu dawn si a. thinlung a lamah<br />
hawn la, ro thil dang reng a ngai tawh love. Chuvangin, kan<br />
tan naupang a lo piang ta, fapa pekin kan lo awm ta a ni.<br />
Pathian hming chu fakin awm rawh se. Amen.<br />
ROPUINA A KAISANG<br />
Tv. Vanlaltlana (Vai-a) 32, S/o. Pu H.Lalhmachhuana,<br />
chuan 14’December’2011 (Nilaini) khan chatuan ram min pan<br />
san ta. Ani hi Ailawng-ah sum tuakin hna a thawk a, beisei<br />
piah lamah a hnathawhna hmunah hian Lungphuchawlin a boral<br />
ta a ni. Lusun chhungte tawrhna kan tawmpui a, Sipai Hote<br />
Lalpa’n vengin awmpui zel rawh se.<br />
HAPPY BIRTHDAY<br />
SAY Member zingah 18 - 23 December<br />
inkara piangte kan lawmpuiin duhsakna kan hlan e.<br />
HMING PIAN NI<br />
1. R. Zothanmawia S/o R. Vanlalruata - 22 nd . Dec<br />
2. Vanlaltlani D/o Lalthanmawia - 23 rd , Dec.<br />
SAY Advance Christmas 2012 : 12’Dec, Jingle Nite Co-<br />
Host tur (William & Mali Hlondo) lema chang Co-Host-te<br />
leh Miss & Mister Summer 2012 - Tv. Eric-a leh Nl. Angi.<br />
Gift exchange hun hlimawm tak hman a ni.<br />
SAY Christmas Carol: 4’December (Sunday) Chhandamna<br />
Inkhawm ban khan Corps chhunga khawhar inah Carol neih<br />
a ni a, thalai thawkchhuak an thahnem hle.