Energiewende ya Ujerumani

© dpa
Energiewende ya Ujerumani | 11
Nishati endelevu huimarisha uzalishaji wa nishati na utunzaji wa tabianchi
Viwango vinavyolengwa vya 2015
Wastani Viwanda vya uzalishaji umeme
milioni 1.6
kutokana na fedha za Sheria
ya Vyanzo vya Nishati Endelevu
Saa za terawati 196.2
za umeme uliozalishwa
sawa na kiwango cha umeme
unaozalishwa nchini Ukraini
Tani milioni 156 –
kwa usawa wa CO 2
zimeokolewa
sawa na jumla ya gesijoto iliyotolewa New Zealand, Ureno na Latvia mwaka wa 2013.
Tangu kupitishwa kwa Sheria ya Vyanzo Endelevu vya Nishati,
uwekezaji wa kila mwaka umekuwa ukipanda kila mara hasa katika
mashamba mapya ya umeme wa upepo, viwanda vya Fotovolti na pia
viwanda vya kuchoma makaa na gesi ya mimea. Kiwango kikubwa
cha matumizi ya nishati kimesababisha kuwapo kwa sekta mpya
iliyo na zaidi ya 330,000 za kazi nchini Ujerumani pekee. Imekuza
utengezaji fanisi kwa wingi wa teknolojia ya nishati endelevu hivyo
kuwezesha upungufu wa bei duniani kote. Kwa mfano, mfumo wa
miale ya jua katika mwaka wa 2014 uligharimu asilimia 75 chini ya
gharama yake ya miaka mitano mbeleni. Saa ya kilowati ya umeme
wa miale ya jua ilipokea sawa na senti za euro 50 za kuwekeza mwaka
wa 2000 - sasa inapokea kati ya senti saba na kumi na mbili za euro.
Ingawa Ulaya ya Kati inapata jua kwa kiasi cha wastani, nishati ya
miale ya jua imekuwa chanzo muhimu cha umeme nchini Ujerumani.
Mifumo ya fotovolti sasa inachangia zaidi ya asilimia 20 ya umeme
unaotokana na nishati endelevu.
Kwa sasa nguvu ya upepo ndiyo chanzo muhimu sana cha umeme wa
nishati endelevu. Umeme kutoka vinu vya upepo katika nchi kavu
sasa unagharimu kati ya senti za euro 4.7 na 8.4 kwa saa ya kilowati -
kwa wastani.
Changamoto kuu inayoikabili nchi ya Ujerumani ni kuendeleza
ukuaji wa nishati ya upepo na miale ya jua ili vyanzo hivi viendelee
kuwa nafuu na viongeze utoaji unaoweza kutegemewa zaidi. Hiyo
ndiyo sababu Serikali ya Ujerumani imepanga upya utoaji wa fedha
kwa nishati endelevu katika sekta ya umeme. Upanuzi unalenga
teknolojia nafuu za nishati ya upepo na miale ya jua. Upanuzi wa kila
mwaka wa teknolojia mahususi unafanya hali kuwa rahisi kupanga na
kuelekeza maendeleo ya nishati endelevu. Wasimamizi wa viwanda
vya nishati endelevu sasa wanalazimika kuuza kiwango cha ziada cha
umeme kwenye soko, kama wasimamizi wengine wa viwanda, hivyo
kuchukua jukumu zaidi la kufanikisha mfumo wa utoaji nishati.
Kufikia mwaka wa 2017, fedha zinaotolewa kwa viwanda vyote
vinavyozalisha zaidi ya kilowati 750 zimekokotolewa kupitia tenda za
teknolojia maalum. Hii inaathiri karibu asilimia 80 ya uzalishaji wa
kila mwaka. Pia kuna tofauti za kimaeneo katika uzalizaji wa nishati
Wakati kuna upungufu katika gridi ya umeme, viwango vya tenda
hupungua. Hatua hizi zitawezesha ufanisi wa nishati endelevu katika
sekta ya umeme kuendelea.
1990
Serikali ya Ujerumani ilizindua mpango wa mapaa elfu moja kusimamia
fedha za viwanda vya fotovolti (PV). Ujerumani ya Mashariki na Magharibi
ziliungana tena. Jopo la Kiserikali la Mabadiliko ya Tabianchi (IPCC)
lilichapisha ripoti yake ya kwanza ya ukadiriaji kuhusu tabianchi duniani.
1991
Sheria ya Kusambaza Umeme kwenye Gridi inawalazimu
watoaji wote wa nishati nchini Ujerumani kununua
umeme unaozalishwa kutokana na nishati endelevu.