4 YOU-TH #2 Social media

Monique.Rosalina

Modelonan di portada: Rayona Estanista & Dave Rosalia

Digital version

Aprel 2013

Grátis

É úniko revista di

hóbennan di Kòrsou!

KATÈRN #2

Investigashon ISLA

Technologia di komunikashon

"Social Media" t'e kos!

Catfish Story\\ Rúbrika nobo: "Bo salú" \\ Tur kos di: Twitter,

Facebook, Instagram & Pinterest \\ DJ Krokzz \\ "Tweeting" na

papiamentu\\ Kua telefòn bo ta skohe? \\ Chris Strick i mas…


2

4 you-th magazine página

Nazjirah Bito

* redakshon

Angelo Engelhart Ebony-Gwen Martis

Brianna-Gwen Martis

Cheyenne Felizie

Vinanshely Bonovasia

Shurayne Fenny

Janella Mook

Sian Adoptie

Laurys Leander Trisha Passial

1992

Ki tremendo invento! Mi a kaba di haña sa ku

mi por transmití un yamada telefóniko den forma

di un karta òf un potrèt, pa medio di un

Faks. Nada kompará ku e dianan ku mi mester

a kana bai na un telefòn públiko pa mi por hasi

yamada.

1994

Esta cool! Na mi trabou tin un manera nobo pa

manda karta pa mi kolega via kòmpiuter. Dor

ku ta un karta elektróniko nan ta yam’é E-mail.

1996

Ata! Inkreibel! Awor mi por hasi yamada fásilmente

via un telefòn ku no tin kabel mes.

Nan ta yam’é telefòn selular òf telefòn mobil.

Ademas di esei, yamadanan internashonal ta

birando mas barata! Sí, barata i fásil!

1998

Algun hende a konta mi di algu ku yama Internèt.

Mi a komprondé ku via di e kos nobo

aki bo por wak informashon unda ku ta na

mundu, riba bo kòmpiuter. Pero e ta un doló

di kabes si! Mi mester buska hoooopi promé

mi haña e informashon ku mi mester. Pero un

kos sí, ku Internèt mi por haña i manda E-mail

pa hende rònt mundu i no djis den ofisina so.

Mi mester ta mashá eksakto si ora di skibi e

E-mail adrès, djis mi skibi ku lèter kapital na

lugá di lèter chikí i e E-mail no ta yega!

> Publikadó

Fundashon Ban Komuniká

> Kordinashon i diseño gráfiko

Passaat Graphic & Web Design:

Monique Rosalina /

Ramon van Geest

T: 5999 - 465 7266

E: 4you-th@passaatdesign.com

> Hefe di redakshon

Practical Business Solutions:

Jefka Martha-Alberto /

Vinanshely Bonovasia /

Sidalina Bleeker

> Aviso

Madelon Oldeman,

T: 465 7266

E: madelon@passaatdesign.com

> Portrèt riba portada

CW photography: Carlo Wallé

> Imprenta: Hi-Printing

> Kantidat: 8.000 ehemplar

> Publikashon: 10 x pa aña

> Facebook: 4-YOU-TH MAGAZINE

* editorial

1999

Yes! Mi a kaba di deskubrí algu ku yama Google.

E ta un “search engine” ku ta sòru pa buskamentu

di informashon riba Internèt bai rápido

mes. No ta nesesario pa mi sinta oranan largu

den biblioteka i buska den e ensiklopedia diki

i grandi mas. Ku djis algun “click” mi ta “ready

to go”!

2007

Ata awor mi telefòn a para bira sabí: nan ta

yam’é tambe “smart phone”, pasó awor mi tin

internèt riba dje. Imaginá bo: internèt "on the

go". Mi no tin nodi di bai wak e-mail mas te

na mi ofisina. Mi por hasi esaki, miéntras mi

ta hasiendo ehersisio na SDK.

2009

Internèt ta birando dia pa dia mas grandi i útil.

Anto awor e ta yuda mi tin kontakto ku mi “old

friends” di for di skol básiko i skol sekundario

tambe, via e supuesto “social media”. Mi a siña

resientemente kon pa traha un profil riba Facebook

ya mi por buska mi amigunan i “share”

entre otro potrèt ku nan. Great!

Waw! Pa bo mira kon nos mundu a kambia.

Mi a eksperensiá un berdadero revolushon

teknológiko. Awendia no ta nada kompará

ku tempu di mi hubentut! Aworakí tur kos ta

sosodé hopi mas fásil i lihé! Ta kon lo ta aki

20 aña?!

From Jefka’s i pad

!

* kolofon

> Finansiadó pa e edishon #2

Masha danki Refineria Isla


Shariviënne Goodnes mihó konosí komo Shari tin 17 aña. E ta un mucha muhé hopi amabel ku alabes ta

adikto na Internèt. Henter ora na skol e ta den su Blackberry riba Facebook. Ora e ta na kas, na lugá di

traha hùiswèrk i laba tayó e ta riba su “laptop” ta “chat” riba Facebook ku su amigu i amiganan pero tambe

kreando amistatnan nobo. Riba un dia Junnyman Cornales a “add” Shari riba Facebook. Shari a sintié hopi

bon paso el a mira ku ta un gai hopi dushi a “add” e. E no a ni pensa dos tres bia, mesora el a asept’é.

Mesora Junny a manda un mensahe pa Shari bisando:

‘Konta mami? M'a mira ku bo ta un peiki hopi bunita. P’esei mi

a “add” bo. Ta posibel ku nos por a konosé otro mas mihó?’

Shari no a tarda pa kontestá:

Bon tardi dushi, mi tambe a haña bo “leuk” i ta p’esei

mi a “accept” bo, klaro ku bo tin mag di konosé mi!

Ami ta Shariviënne Goodnes, mi tin 17 aña di edat.

Mi ta bai SGO i mi ta biba na Seru Fortuna. Abo ?

Junny a lesa e mensahe i a ripará ku Shari ta un mucha muhé hopi fásil pa

haña. P’esei e no a pèrdè pa gana i el a disidí di pega riba Shari. Shari na

su turno tampoko no a pèrdè pa gana i asina nan a sigui kòmbersá ku otro

durante 3 luna. Despues di 3 luna di kòmbersashonnan superfisial i amistoso

Junnyman Cornales a manda un mensahe pa Shari.

Junnyman Cornales:

‘Mami bo sa, nos konosé otro basta bon

kaba. Nos tin kasi tres luna i mei ta “chat”

sin nunka a wak otro. Awe nochi mi tin gana

di bai Cinemas ku bo. Ki bo ta pensa?’

Shariviënne Goodnes:

‘Si baby, “leuk”! Ban Cinemas bèrdat. Mi tambe tin gana

di wak bo personal. Kua pelíkula nos ta ban wak?’

Junnyman Cornales:

‘Ohm dushi nos ta bai einan mitar di 9 i

nos ta wak kua pelíkula ta aden e or’ei.’

Junnyman Cornales:

‘Mi mester bin buska bo òf bo mes ta bini ?’

Junnyman Cornales:

‘Bon. Mami manda bo “ping” pa mi

ya bo por splika mi unda bo ta biba.’

Shariviënne Goodnes:

‘Okay, mi ta sòru di tei na ora!’

Shariviënne Goodnes:

‘Si dushi, ta mas fásil si bo por pasa buska mi.’

Shariviënne Goodnes:

‘2784FDEE’

21:00 a bati i Shari ta sintá kla, paden tras di bentana, ta warda Junny

bin busk’é. Masha ora e ta mira un outo kolo hel ku glas skur ta pasa slo i

sigui bai. E di tres bia e outo a para i un “ping” ta drenta: ‘Dushi, segun mi

m'a yega bo kas aki. Bin pafó.’ Shari ta sali i e bentana di outo ta baha. Un

yònkuman deskonosí a rèk kabes i bisa Shari: ‘Bonochi dushi.’

Shari a kana bai mas aserka pa e wak e kara bon i pa su sorpresa e ta mira

ku di bèrdat ta un hende deskonosí... no ta e Junny ku e konosé di FB!

Shari:

‘Bonochi, ta ami bo mester?’

Shari:

‘Uhm, mi a keda di bai Cinemas ku Junny... mi no konosé abo.’

Junny:

‘Awel dushi… ta Junny mes!’

Shari ta keda wak e duru den su kara i e ta realisá ku e kos aki tabata

un engaño!

E gai aki no ta e Junny ku tabata tin riba e potrètnan di FB.

E ta zundra e supuesto Junny i kore kuné na mal òrdu.

Anochi drumí riba su kama e ta pensa riba tur e kosnan ku por a bai

robes si e lo a drenta den outo ku Junny. “Inkreibel! Kon mi por a hasi

algu dòm asina?!”, e ta pensa. Shari sigur a siña su lès i for di e dia ei

e no ta “add” niun hende straño riba Facebook mas.

Moral di e historia:

Facebook ta un “site” hopi “leuk”. Pero meskos ku tur otro kos e tambe tin

su bentaha i desbentahanan. Tin hende ku ta uz’é ku mal intenshon. Paga

bon tinu i wak bon ken bo ta “add” riba Facebook, prinsipalmente si bo no

konosé e persona. Si bo ta un hende ku ta gusta krea amistatnan nobo riba

Internèt, bo mester wak bon ta kiko ta e persona su intenshonnan. No laga

niun hende gaña bo òf tuma bo hasi. E kaso di Junny i Shari por pasa ku abo

tambe, i te asta mas pió!

Junny a kontest’é ku un smail riba su kara:

‘Si dushi, no ta abo ta Shari?

Nos a keda di bai Cinemas tòg?’

Djis kòrda ku bo por haña desapunto

di esun ku ménos bo ta spera!

Trisha Passial

3

4 you-th magazine | página


4

4 you-th magazine | página

> Akné ta pèshinan ku ta sali na un persona

su kara òf kurpa, dor ku “talgklieren” ta verstòp

dor di diferente faktor. Mayoria biaha

acne ta presentá den pubertat, for di 12 aña,

pero tambe serka hende mas grandi entre 30

pa 40 aña di edat. E motibunan ku akné por

presentá ta dor di kambionan den hormona,

bakterianan, strès, problema ku igra, nir, tripanan,

pulmon i falta di vitamina.

Kiko bo NO mester hasi?

No mester primi e pèshinan pasobra asina bo ta transportá

bakteria. Tampoko no ta bon pa bo atendé ku bo dedenan

na bo kara. Ora primí e pèshinan nan ta bira manchanan

mahos despues di tempu na e kara i e por krea asta sikatris.

Mester tené e kútis limpi, preferibel no laba e kara ku

habon.

Kon pa kombatí akné?

Tin vários método ku ta ser uza pa kombatí akné.

Aki ta sigui algun di esnan mas konosí:

- Antibiotika (Dòkternan ta usa esaki)

- Scrub pa kombatí akné

- Tratamentu “laser resurfacing”

- Inyekshon pa normalisá nivel di kueru

Den e kaso di akné króniko, mayoria di e kasonan ta bin di

mal nutrishon, strès i tiki moveshon. Ora bo ta kome “junk

food”, ”fast food” i bo kurpa ta yen di tóksikonan malu, e

tóksikonan ta keda ekshibí via di e kútis/kueru.

Teps

Ta rekomendabel pa tene e kútis limpi, no usa tur

sorto di makiyahe sin protehá bo kara promé i usa

makiyahe a base di mineral.

No primi pèshi den bo kara, no usa kua krema ku ta,

bebe hopi awa, kome salú, move hopi, hiba un bida

relahante i usa vitamina.

Ebony-Gwenn Martis

> Awendia hopi hende ta hasi uso di un “smartphone”,

hopi bes ta difísil pa skohe e mihó. Sinembargo

esaki no mester ta un problema, mirando e echo

ku kada un dje marka di telefonnan aki ta pa

diferente persona ku diferente nesesidat.

En general tin 3 kos prinsipal entre e telefònnan aki ku ta

marka un diferensha:

1. Diseño

2. Spesifikashon

3. Preis

Blackberry ta hopi konosí na Kòrsou, sinembargo

Samsung Galaxy ta hañando mas fama.

Kisas ta e echo ku Samsung su sistema di operá ta

hopi fásil, efisiente i digitalmente aksesibel. Nos por

mira ku e ”touch screen” di iPhone i Samsung tambe

ta un faktor ku ta hala hopi fanátiko.

Téknikamente Samsung tin diferente punto fuerte

tambe, manera kalidat di pantaya, kalidat di zonido

i spit di Internèt.

iPhone a krea un bon reputashon

durante añanan danki

na su sistema di operá figo i

stabil. Kalidat di e aparatonan

ta haltu i diseño di e produktonan aki ta hopi

detayá. Ya pa korto tempu Apple tambe a lanta

su propio servisio di mensahe, potrèt etc. Pero

esaki no a kue fama ainda. Nos por mira, entre

otro den nos komunidat, ku empresarionan ta

hasi mas uso di iPhone òf Blackberry, miéntras

ku e hóbennan ta skohe mas pa Samsung òf

Blackberry.

Por nota ku Blackberry su preis ta relativamente

abou kompará ku e otro modèlnan i e teklado pa

sierto hende ta keda un punto di atenshon. Tambe

Blackberry tin un bon reputashon komo medio sosial

dor di su propio servisio ku ta fasilitá interkambio di

mensahe, mensahe di bos (voice message), potrèt,

dokumentu i awendia bo por asta papia pòrnada via

Wi-fi via di e servisio aki.

Di bèrdat, no ta eksistí ku un di e markanan aki ta mihó ku

e otro. Bo preferensha ta basa riba bo nesesidat. Ora bo

ta bai skohe un di e telefonnan aki ta bon pa para ketu na

e tres preguntanan aki:

1. Kua ami ta haña mas nèchi?

2. Pa kiko mi ta bai usa e aparato?

3. Kuantu sèn mi ta dispuesto na gasta?

Sian Adoptie


Twitter ta un “social media” kaminda bo por publiká mensahenan, di máksimo 140 lèter,

pa komuniká i kompartí informashon ku bo siguidónan (followers). E mensahe ku bo publiká

yama "tweet". Twitter a ser inisiá na aña 2006 i a krese hopi lihé komo ku hopi hende a apliká

pa uza e sosial media. Twitter ta konosí rònt mundu komo un di e 10 wèpsaitnan mas bishitá

riba Internèt i tin e nòmber “the SMS of the Internet”. Bo por instalá Twitter riba bo telefòn, si

bo tin un “smartphone”.

> Ta un programa ku bo por instalá grátis

riba bo telefòn kaminda bo ta saka potrèt

i publiká e potrèt. Bo por kambi’é i diseñ’é

mané bo ke i pone riba otro páginanan sosial,

> Ta un “social network site” ku Mark Zuckerberg

a lansa na aña 2004. Na promé

instante e “site” tabata pa alumnonan di

Harvard so, pero poko poko el a krese di

tal forma ku nan no por a kontené djis pa

Harvard so. Awor Facebook ta konsistí di 1

manera Facebook. Bo por instal’é solamente si

bo tin un “smartphone” (un produkto di Apple

òf un Android).

> Ta un “social media” kaminda bo por

kompartí tur bo potrètnan ku bo “friends” i

otro miembronan. E ta habrí di forma ku tur

hende por wak kiko bo ta kompartí riba bo

“pinboard”. Bo por kompartí e potrètnan den

e siguiente kategorianan: kuminda, moda,

bion miembro aktivo. Kada miembro tin e

posibilidat pa skohe entre 56 idioma ora

nan ta aktivá nan Facebook. Bo por in-

stalá Facebook riba bo telefòn, si bo tin un

"smartphone".

deporte, interesnan, hòbinan i hopi mas.

Miembronan tin e posibilidat di buska potrèt

riba otro su “pinboard” di kosnan ku ta interesá

nan. E idioma di e wèpsait ta ingles.

Nazjira Bito

4 you-th magazine | página 5


4 you-th magazine | página 6

Abo komo hóben a yega di para ketu i puntra bo mes kon

mundu lo ta si no tabatin teknologia? Bo por imaginá bo un

bida sin bo selular, un kòmpiuter òf un televishon?

> Kiko ta teknologia?

Teknologia ta tur kos ku hende a inventá pa hasi nos mundu

mas i mas moderno. Por ehèmpel: si hende no a inventá selular,

lo tabata mas difísil pa komuniká ku otro, òf si hende no

a inventá kòmpiuter nos lo no ta por a manda un “e-mail” i si

nos lo tabatin komunikashon ku otro via karta so e proseso

di komunikashon lo tarda muchu mas.

Nos konosé entre otro:

- Teknologia Sosial

- Teknologia Biomédika

- BioTeknologia

- Teknologia di Alimentashon

- Nanoteknologia

- “HighTech” i hopi mas.

Teknologia ta sigui desaroyá mas i mas durante añanan.

Esei ta pa motibu di evolushon.

Kiko ta evolushon?

Evolushon ta ora algu ta kambia konstantemente i bira mas

nobo kada bia. Esaki ta pasando ku nos mundu i nos teknologia.

Tur selular, kòmpiuter, televishon, radio, i sobrá

teknologia ta birando mas i mas nobo.

> Twitter ta un wèpsait, paresido

na Facebook, kaminda bo tin ku

traha un “account” pa forma parti

di dje. Riba Twitter bo por hasi

algu un trènt fásilmente, komuniká

fásil ku hopi hende pareu,

kompartí potrèt i hopi mas.

"Tweeting" na papiamentu ta algu ku hopi

hóbennan ku tin Twitter na Kòrsou i otro islanan

ku ta papia papiamentu ta hasi. No djis

pasó e ta mas fásil komo ku bo ta papia

papiamentu tur dia pero tambe pasó bo

ta haña hopi reakshon i “followers” dor di

e idioma. Naturalmente e hendenan ku ta

“tweet” na papiamentu ta tiki pero e hendenan

ku no sa papiamentu ta haña e idioma

interesante. Tin sierto hende ta bisa ku

nunka nan a haña reakshon riba e idioma

pero e ta dependé di kuantu siguidó bo tin i

kuantu bo ta “tweet” na papiamentu.

Hopi hende di Kòrsou, Boneiru i Aruba ku ta

“tweet” na papiamentu ta haña reakshonnan

manera: Kua idioma papiamentu ta?

Kua pais ta papi’é? Tambe ta mas fásil pa

dos hende komuniká ku otro den papiamentu,

spesialmente ora ku nan ta papia

kos un tiki mas personal i nan no ke pa tur

nan “followers” sa.

Ta mas fásil pa bo kompartí kos riba Twitter

ku riba Facebook. Apesar di ku e ta mas

fásil, hopi hende mas por hañ’é dor ku ta

mas fásil pa “retweet” ku pa “share”. Pero e

ta dependé tambe kuantu hende tin ta sigui

bo. Normalmente hopi hende ta “tweet” nan

Internèt

Internèt ta un di e teknologianan mas konosí i uzá rònt

mundu. Riba Internèt bo por haña tur tipo di informashon

ku bo mester. Lamentablemente nos hendenan mes ta hasi

mal uzo di Internèt.

Pa bo por hasi uzo di Internèt bo mester skibi dilanti di tur

wèpsait “www”.

"www" ta para pa “world wide web”. Esei ta nifiká ku rònt

mundu ta i por hasi uzo di Internèt. World wide web ta un

invento di un ingeniero ingles ku yama “Sir Tim Berners-

Lee”. Na aña 1989 e hòmber aki a skibi un artíkulo ku ta

bisa ku mester uza e “www” dilanti tur wèpsait.

Asina'ki bo ta mira ku hende no por sin teknologia. Nos ta

dependé di teknologia i ta birando dia pa dia mas dependiente

di teknologia. Si no tabatin teknologia mundu lo no

tabata asina avansá mané e ta aworakí. Teknologia ta tur

kos.

Ebony-Gwenn Martis

pensamentunan, kosnan ku nan a pasa aden,

kosnan ku ta na moda òf algu ku ta hala

atenshon .

Pues “tweet” na papiamentu no ta algu ku ta

sosodé hopi, esnan ku hasié konosé otro òf

tin mas konfiansa dor ku bo ta papia mesun

idioma i bo por topa ku nan den bida real

mas fásil ku un hende di afó.

"Retweet" ta un manera pa bo bira mas

konosí. Si bo menshoná un hende ku bo

konosé, òf un deskonosí ora bo "follow" e,

e hende por disidí di "follow" bo bèk òf no.

Haña siguidónan riba Twitter ta kasi meskos

ku haña "friends" riba Facebook, pero riba

Twitter ta konta; mas "followers" bo tin, mas

importante bo ta!

Abo tambe ta ON riba Twitter?

Laurys Leander


1

Rift

Den e wega aki bo tin

ku protehá planeta

Telara for di diferente

hende ku ta purba

destruí e planeta. Abo

ta kere bo por salba

Telara?

2

World of Warcraft

Bo lo pasa den un aven-

tura inkreibel kaminda

bo mester buska moda

di sobreviví. Tin e posi-

bilidat di sera un aliansa

ku un otro “gamer” i

forma un “power team”.

Mayoria mucha hòmber ta gusta hunga “online games”.

Mane nan haña un kòmpiuter nan ta subi nan wèpsait di

“online gaming” faborito i hunga bai gol, lubidando tur

kos rònt di nan i pèrdiendo noshon di tempu. Aki ta sigui

e tòp 5 weganan di “online gaming” speshal pa boso

i algun informashon adishonal.

3 4 5

Guildwars 2

Algun ehèmpel di fishinan ku tabatin ántes i ku no ta eksistí

awor mas, pa motibu di avanse di teknologia ta:

> TIPISTA:

Hende ku ta tik riba mashin, skibiendo por ehèmpel karta òf buki pa

hende. Esaki tabata un fishi masha kompliká ku tabata eksigí hopi

konsentrashon. Paso si bo tik algu robes bo mester a kuminsá kompletamente

di nobo.

> KRIADÓ:

Di pòst duif pa "post bode".

Den Guild War 2 bo ta

drenta un mundu hopi

bruá. Abo ta mei mei di

yen kos pareu i bo tin

ku bringa pa bo keda

na bida. Den e wega aki

tur hende tin un chèns

pa ta esun mas mihó.

Leage of Legends

E mundu di L.O.L. ta un

mundu di hopi imaginashon.

Meta di e wega

ta pa mata bo enemigunan

promé ku nan mata

abo. E wega aki ta hopi

popular i mané nan ta

bisa den e mundu di

“online games”; e ta un

“Must Play”.

Maple Story

Bo ta biaha den “Maple

World” i bo tin ku enfrentá

diferente mònster.

Aki bo tin e posibilidat

di sera kontakto ku

otro partisipantenan di

e wega via “chatbox”

i “minigames” i asta

forma un tim pa huntu

boso por kombatí e

mònsternan.

Tin hopi fishi ku tabata eksistí ántes, pero ku awor no tei mas òf a kambia kompletamente. I fishinan ku

no tabata eksistí ántes, pero awor si. Un di e motibunan prinsipal di esaki ta avanse di teknologia.

Algun ehèmpel di fishinan ku tin awor i ku no tabatin ántes ta:

> “WEBDESIGNER”:

Un persona ku su trabou ta diseñá wèpsait pa su klientenan.

> “GAME TESTER”:

Persona ku ta studia i hunga weganan promé ku nan sali riba

merkado. Despues di su estudio e ta duna remarke pa ku kambionan

ku mester hasi.

> “DISEÑADÓ GRÁFIKO 3D”:

Trabou kaminda bo ta diseñá wega, pelíkula òf wèpsait.

> SERVISIO PA KLIENTE (CUSTOMER SERVICE):

Trabou telefóniko kaminda bo ta yuda klientenan di un empresa ku ta

yama hasi pregunta òf duna sugerensia/ reklamo ku nan tin.

Bo por imaginá bo kiko tur nos por spera pa futuro?

Nazjira Bito

4 you-th magazine | página 7


8

4 you-th magazine | página

> Komo hóbennan di e era digital nos ta hopi aktivo riba un òf otro

“social media”. Tin di nos ta asta adikto! Kada un di nos ta uza “social

media” ku un propósito diferente i no ta tur hende ta aktivo riba e mesun

“social media” nan. 4 You-th a subi kaya i a bai investigá e situashon aki un

poko mas. A puntra e hóbennan lo siguiente: Kiko “social media” ta nifiká

pa bo? I kua ta e medionan ku abo ta uza? Mira e resultadonan pa bo mes!

Pa ami "social media" ta nifiká 2 parti ku nos tur komo hóben por konfrontá kuné den bida; e parti positivo i

esun negativo. E parti positivo ta ku bo ta sera konosí ku hopi persona, bo ta sa i atmirá diferente karakter i bo

por komuniká ku amistatnan ku ta leu for di bo. I tambe e ta hasi bo bida mas fásil i dushi komo ku bo tin mas

kontakto sosial ku otro. Pero e parti negativo ta ku bo por ta asina okupá ku e medio sosial te ku bo por lubidá

kon pa papia abiertamente i personalmente ku esnan rondó di bo. Tambe tin e parti kaminda un persona ta hasi

mal uzo, pa por abusá di e bida sosial di un persona.

E medionan sosial ku ami ta uza ta: Facebook, SMS, BB-messenger i WhatsApp’.

‘Pa ami “social media” ta nifiká un otro medio, ku no ta interpersonal,

pa komuniká ku hendenan. Mi ta uza di kasi tur kos un

tiki: Facebook, Twitter, MSN i naturalmente BB PIN’.

‘Media ta un instrumento di komunikashon.

Por ehèmpel: korant, televishon i

radio. Pues “social media” ta un instrumento

di komunikashon kaminda kada

hende individual por sosialisá ku otro.

Riba entre otro: Facebook i Twitter. Esnan

ku ami ta uza ta: Facebook, Twitter, MSN

Hotmail, Youtube’.

Social media” pa ami ta un medio ku kua bo ta sosialisá ku otro

hendenan, sera amistat, kompartí sierto kosnan ku amigu i konosí

nan. I tambe e ta un parti di distraishon pa ora bo tin tempu liber.

Ami ta uza esnan ku ta “in” den e sierto temporada. Awor aki mi

ta hopi aktivo riba Facebook i Twitter’.

Social media” ta un medio di informashon pa bo sa tópikonan

interesante na nivel mundial i ku ta entretené. Ami ta usa Internèt,

Facebook, Whatsapp, Email i tur otro medionan ku ta trese mi den

kontakto ku mi famia i konosínan’.

Social media” pa ami ta nifiká tur lokual ku bo por saka informashon for

di dje i tur lokual ku ta tene bo alkansabel. Nos por hasi uzo di Internèt,

televishon i radio pa saka informashon for di dje. I pa tene mi alkansabel,

mi ta uza mi telefòn pa “ping” i Whatsapp. Pa e parti di Internèt mi ta uza

Facebook i mas den futuro mi lo ta alkansabel riba Twitter tambe’.

Social media” pa ami ta nifiká diferente manera pa komuniká ku

hende di bo mes pais òf pais afó. Dependé tambe di e hende si e

ta uz’é positivo òf negativo. Por ehèmpel negativo dor di insultá

otro. Pero fuera di esei e ta algu bon pa tur hende’.

‘Pa mi e ta un forma di

mantené kontakto ku hopi

hende ku porta bo no ta

mira personal fásil i asina

mantené bo mes informá di

kosnan ku ta pasa tambe.

Mi mes ta uza Internèt i

Blackberry’.


"Social Media"

ta algu ku mi ta

usa pa komuniká

i haña informashon

tokante loke

ta interesante pa

mi. Ami ta usa

Facebook i Twitter’.

Pa mi "social media" ta nifiká un

manera pa mi konektá ku mi famia i

amigunan. Si nan ta na distansia largu

i tambe un manera pa ta “up to date”

na loke tur hende ta hasiendo òf kon

nan ta sinti nan mes. E ta tambe un

kaminda ku bo por “share” loke abo

gusta libremente sin hende ta stòp bo i

tambe pa bo ta bo mes.

Ami ta uza Twitter, MSN, Intsagram,

Facebook, Youtube i Skype’.

‘Mi ta haña ‘social media’ hopi pasobra kune mi por amplia mi konosementu pa ku mi estudio i mi por haña sa

hopi kos ku ta pasa rònt mundu i rondó di mi. Tambe mi por komuniká ku amiganan i famianan den eksterior.

E medionan ku ami ta uza ta: Facebook, MSN, Skype, BBM (BlackBerry Messenger), What’sApp i Twitter’.

‘P’ami “social media” ta algu hopi

importante pasobra sin dje nos no por

ta na altura di tur loke ta pasa rondó

di nos. Ku “social media” bo por siña

konosé hende nobo tambe. Ami personalmente

ta uza Facebook, televishon,

radio i hopi mas. For di kada un tin algu

diferente ku bo por siña for di dje’.

Social media ta algu ku hopi di nos ta uza awendia pa sera

konosí, pa sa mas, pa hasi propaganda etc. Mi ta hañ’é algu

positivo pasó e por yuda bo di diferente manera, hasiendo bo

bida mas fásil. Dikon mi mes ta uz’é? Pa mi por tin kontakto ku

mi amistatnan’.

Social media” pa ami ta algu ku ta yuda hende komuniká ku nan

famia i amigunan pero ami mes no ta un hende ku ta uz’é hopi.'

Social media” ta nifiká hopi p’ami pasobra

asina bo por sosialisá i komuniká ku

tur hende rondó di bo. I asina tambe bo

por sa ki tur ta pasa na mundu. Ami ta

uza Twitter mas tantu. Kasi tur bo por

bisa pasobra for di kada un bo por sa

algu nobo’.

Social media” awendia ta algu ku a bira hopi importante den nos komunidat i tambe rònt

mundu, ku esaki bo por sosialisá bo mes i aparte di esaki e ta hopi ekonómiko ounke e

tin su banda negativo ku mester traha riba dje. Ami ta uz’é ku mi amigunan i pa keda na

altura di loke ta pasa rònt mundu’.

‘Via "social media" mi ta tene kontakto

ku famia i amigunan ku ta leu for di mi i

tambe mi ta tene kontakto ku hendenan

ku mi tin hopi tempu sin mira.

Ami ta uza e medionan Facebook i Twitter

mas tantu’.

Social media” ta masha importante mi

por komuniká hopi lihé. Bo ta haña sa

hopi informashon di tur e kosnan ku ta

pasa rondó di bo.

Mi ta uza Facebook i Twitter’.

9

4 you-th magazine | página


10

4 you-th magazine | página

CHECK THE FB PAGE OF 4 -YOUTH MAGAZINE FOR THE BEHIND THE SCENES MOVIE

MODELO: ESTHER NIEUWKERK & AARON ALBERTO

FOTÓGRAFO: CARLO WALLE

ESTILISTA: VINANSHELY BONOVASIA

MAKE-UP: EBONY GWENN MARTIS

PAÑA, SAPATU I ASESORIO: CONVERSE

(HANCHI SNOA, PUNDA)

KU KOPERASHON DI: MAMBO BEACH


11

4 you-th magazine | página

Fashion shoot

Fashion shoot


12

4 you-th magazine | página

# 1 Asesorio bonita

Na Bisjoe4joe bo tin e posibilidat di

traha bo propio ármbant i renchi.

Bisjoe4joe, Saliña.

# 2 Sandalia

Sandalia plat i kómodo, na diferente

kolo i stail. Optenibel na Rue No. 9 na

un preis rasonabel.

#3 Same glass as Rihanna

Ken no konosé e famoso brelnan aki?

Sí, ta e mesun brel ku Rihanna ta bisti!

Super Glam! Optenibel na Optica Aña

na Saliña.

#4 Cover pa bo telefòn

Kua ta pas mas ku bo "outfit" di awe?

Pasa buska esun di bo na La Curaçao.

#5 Make-up from Inglot

Bo mester di make-up na kalidat i na

bon preis? Wèl ta na Inglot bo mester ta!

Hanchi Snoa, Punda.

#6 Bòkser

Bòkser na diferente koló i size.

Optenibel na Changes Punda.

#7 Oloshi Gshock

E oloshi Gshock di Casio aki ta di bon

kalidat i e no ta daña lihé. Optenibel na

Royal Gems.

#8 Skull Candy

Vários koló i diferente stail, kombiná

ku zonido di kalidat haltu. Optenibel na

L'amiga.

#9 Kèts Levis

Bo mester di un kèts pretu úniko i den

stail? Ta na Schoemax bo mester ta!

#10 Pela den stail!

Komo mucha hòmber ta nesesario pa bo

tene e pelá "fresh"!

Strak Strak Barbershop tei pa yuda bo!

# 6

# 4

# 10

# 1

#5

# 9

# 3

# 8

# 7

# 2


E mundu di deporte ta desaroyá

kontinuamente durante dékadanan

i uso di teknologia a bin ta hasi un

impakto grandi den deportenan

moderno. Algu remarkabel di uso di

teknologia ta ku e por slo e rapides

di e wega i na e otro banda e ta hasi e

spòrt mas dushi pa wak miéntras ku

e desishonnan korekto ta ser tumá.

Mayoria spòrt profeshonal ta usa ‘’replay

systems” (fasilidat pa wak grabashon bèk di

loke a pasa den e weganan)’ i tambe ‘’hightech

aids”, sistema pa mehorá e imágennan

ku bo ta mira, pa yuda e rèfrinan tuma e

desishonnan ku ta korekto. Por ehèmpel

den e wega di futbòl e rèfrinan tabata den

nesesidat di un teknologia ku ta midi e

liñanan di gol durante weganan di futbòl,

mirando ku mayoria bia e rèfrinan tabata tuma

desishonnan robes.

A introdusí tambe un ‘’goal-line sensor’’,esaki

lo duna un desishon definitivo ora ku e

bala pasa e liña. Un kámara lo saka potrèt

riba e liñanan di gol, lo analisá e potrèt via

kòmpiuter i despues lo manda e resultado pa

e rèfrinan via nan ‘’headset’’.

Durante añanan a bini ku un teknologia ku

yama ‘’hawk-eye’’, esaki ta un sistema di un

kòmpiuter i kámara ku ta siguí e trayektoria

di un bala. Ta hasi uzo di e sistema aki den

deportenan manera ‘’cricket’’ i tènis. Tambe tin

diferente software pa kòmpiuter ku ta ser usá

pa training i nutrishon, un par di ehèmpel di

esakinan ta: ‘’Team Beep Test’’ i ‘’BodyByte’’.

Bo por mira tambe ku telefònnan ta bini ku

sistemanan pa kalkulá kuantu bo a kana,

kore òf kore baiskel. Tin diferente sistemanan

ku ta wòrdu usa pa tur okashon manera e

“Pedometer”, “Iwalk”, “Cyclemeter”, “Bike

Gears” i tambe “Pedalbrain”.

Mi kier kuminsá na gradisí boso pa e oportunidat aki.

Mi ta un gran fanátiko di 4 You-th magazine. Mi ta

mandando boso mi karta komo ku mi ta hopi preokupá;

mi no ta gusta e frei di mi mihó amiga. Mi ta haña

ku kada bes nan tin diskushon sin motibu i esaki ta

perhudikando su estudio, kasi e no ta konsentrá mas den

klas. Mi tin miedu di bis’é algu pa e kos no afektá nos

amistat. Ki mi hasi? Yuda mi!!

Masha danki pa bo karta, pero

den e kaso aki mi ta kere ku lo

bo por konsehá bo amiga, pero kòrda ku nan

ta un pareha i ku nan lo por purba regla e

problema nan mes!

* prikbord

Mi ta kontentu di por yuda bo ku bo problema

i mas ainda si bo ta un lektor fiel di

nos. Mi por imaginá mi ku den tur relashon

por tin algun diskushon pero nan no mester

ta asina hopi te ku e ta stroba bo amiga

ku su studio! Mi ta konsehá bo sinta un dia

i kont’é bo preokupashon. Komo un amiga

sigur lo e komprondé ku bo ta bis’é pa su

bon.

Awendia bo no tin problema mas si bo pèrdè

na kaminda òf si bo no sa kuantu bo a kana

durante dia òf kuantu kos bo a kome durante

dia, paso ku teknologia tur e kosnan aki ta

posibel.

Teknologia a desaroyá asina lihé ku asta

dòkternan ta usa sistemanan pa kontrolá bo

salu. Imaginá bo mes kuantu mas nos lo por

hasi aki dies aña ku e poder di teknologia!

Angelo Engelhart

13

4 you-th magazine | página


14

4 you-th magazine | página

Hurchently Pardo mihó konosí komo Dj Krokzz, ta un

hóben di 18 aña ku semper ta kontentu, gusta yuda te

kaminda ku e por, gusta bai fiesta, gosa, pasa prèt i hari.

Krokzz a kuminsá ku músika na un edat basta yòn, komo ku e no

tabata gusta silensio. Pues tur kos ku e tabata hasi mester tabatin

músika aden. Ku no ta gusta silensio, pues tur kos ku e tabata hasi

mester tin músika aden. Hustamente einan su amor pa músika a

krese. Dj Krokzz a kuminsá toka na su èks skol kual ta St.Jozef VSBO,

bou di oula den pousa pa entretené alumnonan òf ora tin aktividat

na skol. Despues di bon reakshonnan ku el a haña el a gusta i a hasi

esaki un hòbi. Tambe e sintimentu ku Dj Krokzz ta haña na momentu

ku e ta toka ta algu masha dushi mes pa eksperensiá. E ta sintié den

un otro mundu kaminda no tin doló, ni preokupashon solamente

felisidat, mas ainda si e músika ta “House music”. Segun Dj Krokzz

“House Music” ta lag’é sinti mané e ta den espasio ta zueif.

Kisas bo ta puntrando bo mes ta di unda e nòmber Krokzz a bini si

e yama Hurchently??

Wèl un amigu di dje tabata yam’é krokodel for di chikitu anto e

nòmber a pega i a bira mas chikitu “Kròki”. Dia el a kuminsá ku

Dj komo algu serio e tabata haña ku “Kròki” no tabata zona bon i

despues di tantu kibramentu di kabes el a logra inventá e nòmber

“Krokzz”.

Ántes hopi hende no tabata tumé na serio dor di su edat. Pero e no a

laga esaki strobé di sigui krese den su pashon pa músika. Awor'aki Dj

Krokzz ta toka na fiestanan privá i lugánan públiko manera restorant,

bar, i happy hour. Dj Krokzz ta toka Urban, House, Bootlegg, Dembow,

Reggeaton, Dancehall, Moombahton, Dubstep i tambe Bachata.

Pa esnan ku no sa “Moombahton” ta un meskla di house ku

April 2013

Dj Krokzz

Dia 30 di aprel Kòrsou kompletu ta selebrá aña di la reina manera

kustumber i 4 You-th Magazine no ta keda afó! 4 You-th ta selebrá

dor di brinda abo e oportunidat pa gana un “covershoot”! Sí, asina

mes! Pasa na nos tènt den Punda i saka bo potrèt. Nos lo pone tur

e potrètnan riba nos Facebook page i esun ku haña mas likes lo ta

e felis ganadó! Que corra la voz!!!

Reaggeton. “Bootlegg” ta un meskla di house ku kantika brasileño,

pues algu baliabel, i “Dubstep” ta músika elektróniko ku ta ser krea

ku zonido i stèm.

Algun di Krokzz su “rolemodelnan” ta Chukie, Afrojack i Swedish

House Mafia. Banda di tur esakinan Dj Krokzz ta toka via Twitter

tambe uzando “livestream”. E ta kompartí su músika pa alegrá su

“followersnan” i hasi “livestream” algu agradabel. algu agradabel.

Esaki sigur ta un logro remarkabel i úniko!

Su mensahe pa nos tur komo hóben ta pa nos ser NOS MES! Hasi

semper bai loke bo ta gusta i si ta algu ku lo bo kier yega leu kuné

invertí tempu aden sin spera nada a kambio, ku tempu lo bo mira

ku kos bon ta na kaminda. Gosa di bida pero kòrda ku tin mañan!

aktie

Shurayne Fenny

4 you-th

find us @

wilhelmina plein


Esaki ta e rúbrika kaminda hóbennan ku a stòp

di bai skol pa un motibu òf otro ta konta di nan

eksperensia despues ku nan a haña yudansa di

Sociale Vormingsplicht.

Tur kos a kuminsá ora ku no tabata bayendo bon ku mi na skol.

Nan a manda mi bai hasi un tèst kaminda nan ta mi na skol i nan a

manda karta pa mi bai hasi un tèst. Un tèst kaminda nan ta evaluá

i wak si bo ta un hóben adekuá pa e nivel di kazèrne. Mi a bai di

akuerdo i esaki a tuma lugá for di 29 di ougùstùs 2012 te dia 3 di

sèptèmber. Komo ku ma tuma e desishon kaba mi a kuminsá trein

riba mi mes pa mi por ta kla prepará ora ta asina leu. I enbèrdat e

tèst no tabata difísil!

Mi ta hopi kontentu ku mi a tuma e desishon aki. E 2 lunanan ku a

pasa ma haña training militar intensivo. Aworakí mi ta na “Curmilitie”,

den preparashon pa mi bira un korporal.

Pa un hende bira korporal e mester finalisá Curmil. For di durante

e training militar ya mi tabata sa kaba ku ta korporal mi ke bira.

E promé dianan tabata duru pero den e di 2 siman ya mi a kustumá

ku e reglanan i e aktividatnan. Mi gusta ora nos ta drenta mondi, loke

bo ta kome ta bleki ku kuminda. Bo mes tin ku traha bo kandela,

keinta e bleki i bo ta kla pa disfrutá di bo kuminda. Tambe nos sa

haña “magic box”.

The marriage counseler 28 Mart '13

Scary movie 5 11 Aprel '12

The Big Wedding 25 Aprel '12

OBLIVION 18 Aprel '13

Gi Joe 27 Mart '13

Fast & Furious 22 Mart '13

Esaki ta un kahita ku mangel, bals, chukulati i mas pasa boka.

Ami lo rekomendá tur hóben maskulino ku ta kere ku “Militaire

Opleiding” ta pa nan bai e. Te ainda ta hende hòmber so por drenta

kazèrne pero ora ku e infrastruktura kambia nos ta kla pa risibí

hende muhé.

Si bo tin 18 aña edat, bo a kaba skol sekundario i bo tin interes den

kursonan Militar, pasa tira un bista serka nos!

Pa mas informashon por yama nos na:

(Advertorial)

Nazjirah Bito

Formashon Sosial Obligatorio, Scharlooweg 102, tel.: 465-0249

15

4 you-th magazine | página


16

4 you-th magazine | página

Un artista hóben i talentoso, konosí den e mundu di

produkshon i media. Un inspirashon pa hopi hóben!

Nòmber: Chris Strick

Edat: 31 aña

Funshon: Artista / MC / DJ / Kompositor di kantika /

Produktor / Lokutor

Status sivil: den relashon

Twitter: @chrisstrick

Kon lo bo deskribí bo karakter?

Mi ta un hende hopi trankil i normal. Hopi hende ta bisa ku

mi tin 'skeit' òf idea, pero mi ta nèt kontrali. Mi ta hopi sosial

i mi ta un hende ku semper ta kontentu.

Kiko bo gusta hasi den bo tempu liber?

Mi ta un hende hopi drùk i mi tin tiki tempu liber. Pero di e

tiki tempu ku mi tin mi ta pas’é dedikando tempu na mi yu,

hasiendo kosnan “leuk” huntu. Naturalmente mi ta dediká

tempu na muzik tambe.

Kiko ta e kosnan ku bo gusta i kiko ta e kosnan ku

bo no ta gusta di bo mes?

Lokual ku mi gusta di mi mes......hmmm, e echo ku mi ta un

persona di hopi hende apesar ku mi ta drùk i ku sirkunstansianan

di bida no a kambia mi. Ku mi a keda meskos i ku mi

a purba di mantené mi mes normal i igual na otronan. No tin

nada ku mi no gusta di mi mes.

Kua ta e meta ku bo ke logra den futuro?

Pa ta sinsero, mi a logra hopi di mi metanan kaba. Mi a kaba

di saka un CD i mi ta kere ku esei ta e delaster CD ku mi ta

saka. Kisas mi saka mas den futuro pero ku ménos kantika.

Mi ke sigui ta MC i mi deseo ta pa mi MC maske ta un bia pa

artistanan internashonal. Mi sa ku mi por hasi esaki hopi mas

mihó ku loke mi a mira pues si mi haña un chèns di demostrá

kiko mi por lo e bira algu hopi grandi!

Kiko “social media” ta nifiká pa bo?

Pa ami e ta nifiká hopi. E ta mi konekshon ku mi 'fans' paso

asina nan tin chèns pa laga mi sa kiko nan ta pensa i meskos

ami por laga nan sa kiko ami ta pensa. E konekshon entre

nos ta hopi bon, danki na medionan sosial.

Kua ta e medionan di komunikashon sosial ku bo

ta uza?

Mi ta uza Facebook, Twitter, Instagram i E-mail; pero mi ta

uza Twitter i Instagram mas tantu.

Kua mensahe bo tin pa esnan ku tin gana di

drenta e mundu di muzik i kua mensahe bo tin

pa esnan ku ta uza “social media”?

Pa esnan ku ke drenta den e mundu di muzik mi ta konsehá

nan pa prepará nan mes bon pa hinka 200% di nan

mes den dje. No hasié pa fama, pa sèn, material etc. Hasié

pasó bo gust’é. E ta meskos ku skol; bo tin ku siña traha

hùiswèrk, bai tur dia, blòk pa un èksamen i keda den espera

di resultado ku no ta tur bia ta mes dushi pa tende. Anto pa

e hóbennan ku ta hasi uzo di “social media” mi ta konsehá

nan pa siña kon ta traha ku “social media” paso meskos ku

tur otro kos tin nan parti positivo i negativo, “social media

tambe tin nan, pero ta bo mester sa kon pa dil kuné na e

manera korekto.

hot question

Kua ta e método ku abo a uza pa konkistá

bo frei??

Ma purba di aserk’é promé pero e no a aster mi. Poko aña

pasá mi a bolbe top’é na e video clip shoot di e kantika

Modelá di Area 51, anto einan nos a kuminsá diskutí. Despues

di esei nos a kuminsá papia ku otro. Pues mi no sa

sigur ku nos manera di diskutí tabata nos manera di “flirt” ku

otro, pero asina e kos a bai si hahahha!

Laurys Leander

More magazines by this user
Similar magazines