pdf 2.7 Mb - Edizioni Scantabauchi

4 Anno V - Numero 19 - OTTOBRE 2010
ZE PENA VEGNU’ FORA EL
NOVO DIZIONARIO DA SCARSÈA
VENETO – ITALIANO 2
De Walter Basso, rinovà, anplià, co sirca 8.000
parole, proverbi, modi de dire, indovineli, curiosità
etimologiche e altro. Infi n un picolo CORSO
DE VÈNETO PAR VÈNETI E FORESTI par
conóssare un poco mèjo la nostra lengua!!! Ecolo
qua:
Se no te lo trovi nele librerie te poi senpre ordinarlo
a
Ed. Scantabauchi srl V. Straelle di Rustega
20 – 35012 Camposampiero PD o richiederlo via
fax al 049.5794781 o via email: info@edizioniscantabauchi.it
Te vegnarà spedìo a casa al presso de copertina
( 19,50) co pagamento tramite boletin postale o
contrassegno, più le spese de spedission ( 3,00
con boletin - 10,00 contrassegno)
AUGURI A
RENATO
ZERO
Anca se in ritardo ghe fasemo i nostri mejo
auguri par i so 60 ani e ghe dedichemo na
bellissima poesia scrita dal grande Dino Durante
El li studia tuti
da matina a sera
i sistemi par far cariera.
El specula col rimmel sule sejone,
sui caveji longhi
come quei dele done.
El specula sula boca rossa rossa,
el specula fasendo anca la mossa,
el specula sule còtole a spacheto,
el specula metendose el rosseto.
Vardando ben, sto Renato Zero,
el ze proprio un gran speculatiero!
AH
AH
AH
Periodico Bimestrale Umoristico Veneto
AH Periodico Bimestrale Umoristico Veneto
AH AH
TRISTE HISTORIA
De Gianni Stefani
Rivista di satira, cultura, informazione
LE BARZELETE DE NA VOLTA
Ghe ze un vecioto che va a comprare el pan in bicicleta.
El riva davanti a la botega, el posa la bici
bianchi sù par el muro e el va dentro a comprarse do
ciope co’l’ ojo. Quindi el paga, el buta là do parole
par scherso, el saluda e el vien fora. Co’l ze fora no’l
cata pi’ la bici.
- ‘Ndo casso la goi messa... Porca malora... - el taca
tarocare.
El varda a destra, el varda a sinistra, de qua, de là...
ma gnente. La bici la ze sparìa. Sparìa nel gnente.
Gnente e così sia.
El gira uncora un poco co’l sacheto in man, par védare
se magari qualche semo el ghe ga fato un
scherso èbete e ghe la ga sconta là vissin da n’altra
parte. E magari el semo el ze sconto drio qualche canton
a spiare la comedia e se la ride come un mato.
Invesse gnente. Sparìa. Dissolta. Vaporisà. Sepelìa.
Volà via… Chi lo sa... E intanto tuto el mondo continua
a girare torno instesso. Anca sensa un’ostia de bici
bianchi che poco prima la jera posà serena e tranquila
sù par na mura e che desso chissà dove che la ze.
De bòto al vecio ghe diventa tuto ciaro:
- Ostregheta… I me la ga robà!... Robà... Nò, no
posso crédarghe... Chi ze che me ga fato na roba cussì
bruta?... Fregarme a me bici bianchi squasi nova? La
ga solamente sinquant’ani… A mi!... Mi, che no che
gò mai fato del male a nessuni e che qualche volta
pago parfi n le tasse!
Man a man che’l se convinse de èssare stà tanponà
analmente, sensa volerlo, ghe vien le làgrime ai oci.
Ste brute viliache de làgrime...
Lagrimoni longhi e s-cieti che i ghe sbrissia zo par
le massele e come se no bastasse no’l ga gnanca un
fassoleto drio, visto che so mojere ghe li ciava tuti par
vardare la soppopera a la tivu’.
El fi n che’l ze là chel pianse el se vergogna come un
ladro (restando in tema de ladri)… Intanto quei che
passa par la strada i taca spiociare el so tormento.
E lu, poro can d’un vecio, no’l sa pi’ come fare par
scóndare par fora l’inferno che ghe brusa par dentro.
Ma proprio quando che’l sente prepotenti i sengioti
vegnerghe sù dal gargato, proprio alora, el destin el
fà passare par de là un funerale e cussì, aprofi tando
dela situassion favorevole, el se mete in coa e el ghe da
drento criando de gran gusto. E dàghela co sto crioto
che vian vanti senpre pi’ come na brentana… Tanto
che quei che segue mestamente el funerale i pensa:
- Ma ti varda ti che mestiero quelo là: el ze rivà par
ùltimo e el ze pi’ bravo de tuti nialtri a desperarse...
El ga da èssere o un parente streto o un gran professionista...
Finché un sior, che ghe caminava par dadrìo, parente
streto de la defunta, comosso da tanta passion, el ghe
posa na man so la spala e ghe la strense un poco. Po’
ciapa forsa e ghe dise:
- Corajo sior, sù sù, in fondo la jera anca pitosto vecia,
ormai... Cossa se poe fare… La gaveva i so ani… Ze
robe che capita!
Al che el vecieto, strensendo forte el sacheto co dentro
le do ciope de pan co’l’ojo, risponde tirando sù i
snaroci col naso:
- Sì, sì... El ga razon sior… Ze vero… La jera vecia
e anca un poco zo de caena… Ma la me dava ancora
tante sodisfassion: salo, sior, na ponpadina ala matina
e una ala sera me la fasevo sempre. E desso, digo mi,
come farò sensa?
UN NOME; UN PROGRAMA!
De Walter Basso
Far Uest... drento el solito spussolente e infumegà de
salun ghe ze Pecos Bil drio ciavarse un uischi CarI
Grant, quando inprovisamente entra un foresto co
l’aria de quelo che sa, ansi che spara, più de tuti.. El se
avissina al tavolin indove ghe ze Pecos e taca boton.
Dopo un poche de ciàcole Pecos taca tegnerse in bon
(“tenersi in buono” in talian) par via dela mira:
- Mi, - e taca criare - go un ocio mostruoso, na mira
VACHE A
SOTOMARINA???
Ciao Walter, cuesta ze ea foto che gò fato
qualche tempo fà al lido de “Sottomarina
bicc” all’ultimo bagno tacà ala diga
come che te poi védare infati la diga ze
sula destra... mi jero spal al mare coi pie’
che pociava intel la melma salmastra
de l’Adriatico.. davanti se poe notare la
distesa de sabia dove che, secondo le
indicassion del cartelo, se trà (in senso
lato) le vaccasse e vaccone e vacchette
e tutte e altre vacche de varie dimension
colori e formati… Come se poe védare
all’estremo nord ghe ze el chiosco dele
bibite, panini ristorante pissaria ecc. ecc.
No gò ben capìo come mai se consilia de
stare ben tenti… Ma zele davero pericolose
tute ste vache che gira in spiaja?
E come mai sto cartelo no vien messo
longo le strade indove le cosidete
vache fa mercimonio dela fritela come
se el carnevale durasse dodese mesi
al’ano???
a cura di Angelo R.
incredibile...
- Ma va... - risponde el foresto - me piasariìa proprio
védare...
- Sò qua aposta, caro, - risponde Pecos - védito sto
euro-dolaro de fero? Lo trao pararla, ghe trao na pistoletada
e lo sbusò par metà, sto schifoso sassin!
E dal dito al fato trà el scheo, ghe sbara e el scheo
cade in tera sconsolatamente sbuso in centro.
- Mi invesse, - rilancia el foresto - gò n’altra specialità
– vedito chele tre escor (putanasse)? (in salun ghe ze
senpre le escor!)... Vuto védare che mi le armo tute e
tre in contenporanea???...
- No ghe credo!!! - siga Pecos intavanà e ofesisimo...
Ma el foresto sbassa le braghesse, se smudanda e vualà:
tre tegone e sie balote apare ai oci stupìi de Pecos...
El foresto salta in coste ale tre put… escor e in men
che non si dica le tronba co determinassion.
Col ga fi nìo, Pecos tuto molo se avissina:
- Incredibile; mai vista na roba cussì... ma dime, straniero,
ti chi sito, can bestia? come te ciamito???
- Chi mi?... Ze presto dito: MI SO’ CERNOS BIL!!!
...IN TEMA DE ALLOUEN...
Un vampiro co do cadavari in spala davanti ala porta
del’obitorio el bussa.
Da dentro:- Cossa vòlo?
:-Go portà indrìo i vodi!
Un scheletro se presenta dal medego e questi
:- Ciò, ma no el podeva presentarse prima?!?