30.05.2013 Views

4 youth your #3 yumpu.pdf

You also want an ePaper? Increase the reach of your titles

YUMPU automatically turns print PDFs into web optimized ePapers that Google loves.

2

4 you-th magazine página

Nazjirah Bito

Angelo Engelhart Ebony-Gwen Martis

Brianna-Gwen Martis

Cheyenne Felizie

Arelies Knight

Shurayne Fenny

Janella Mook

Sian Adoptie

Laurys Leander Trisha Passial

Estilista:

Vinanshely Bonovasia

& Ed Ansano

> Publikadó

Fundashon Ban Komuniká

> Kordinashon i diseño gráfiko

Passaat Graphic & Web Design:

Monique Rosalina /

Ramon van Geest

T: 5999 - 465 7266

E: 4you-th@passaatdesign.com

> Hefe di redakshon

Practical Business Solutions:

Jefka Martha-Alberto /

Vinanshely Bonovasia /

Sidalina Bleeker

> Aviso

Madelon Oldeman, T: 465 7266

E: madelon@passaatdesign.com

* editorial

* kolofon

> Portrèt mode reportage

CW photography: Carlo Wallé

> Imprenta: Hi-Printing

> Kantidat: 8.000 ehemplar

> Publikashon: 10 x pa aña

> www.4you-th.com

4-YOU-TH-MAGAZINE

> Hopi hende tin e tendensia di bisa ku sierto hende a nanse destiná

pa ta katibu i ku p’esei nan a nanse katibu. Pues segun nan e

hendenan aki a nanse ku e derechi di ser uzá komo katibu.

Kiko presis ta sklabitut? Sklabitut ta kita un persona su derechi básiko

di ta humano i stèmpel e komo un pertenensha, un opheto. Un persona

su humanidat ta e derechi mas sagrado ku un persona ta nase kuné.

Un shon tabatin 2 diferente manera pa yega na su katibu; dor di skohe un “katibu di paden”

òf un “katibu di pafó”. “Katibu di paden” tabata e hendenan di nan mes pais ku a kometé

akto kriminal i ku mester a risibí kastigu di prizon. E shonnan tabata kumpra e personanan

aki i nan tabata bira katibu di e shon, komo straf. Katibu di pafó ta e grupo di hende ku a

ser eksportá i tresé pa traha den propio pais.

Aki ta sigui algun pregunta difísil tokante sklabitut:

Kua ta tur e maneranan ku hende tabata keda sklabisá?

1. Hende ku tabata den debe tabata ofresé nan mes pa traha komo katibu i pa

asina nan paga nan debe.

2. Dor di hòrta e hendenan for di nan tribu, mayoria bia e tribu enemigu, i bende nan

komo katibu tantu ku tribunan lokal komo ku paisnan internashonal.

3. Mayornan mes tabata bende nan yunan pa motibunan finansiero.

4. Si un mama katibu haña yu outomátikamente e yu tambe tabata bira katibu di e mama

su shon.

5. Durante di guera na Afrika e tribunan tabata purba kue mas tantu persona di e

tribu enemigu prezu. Asina nan tabata bende e prizoneronan aki komo katibu.

Hende kolo kla tambe a wòrdu uzá komo katibu?

Na siglo 15 e mòslemnan tabata uza kristiannan komo katibu, pero nan tabata traha solamente

den kas. Pero mayoria bia a uza hende koló skur komo esklabo, komo konsekuensia di e

pensamentu ‘hende koló skur tin mas forsa i por traha mas duru ku hende koló kla’.

A eksportá katibu òf a eksportá hende for di Afrika?

A eksportá hende ku a keda sklabisá for di Afrika. Tabatin un sisitema di kapturá kaminda e

poder imperialista tabata usa i forma paktonan ku Rei di sierto tribunan Afrikano ku tabata

kapturá otro Afrikanonan. Despues di nan kaptura tabata hiba nan na algun pòst unda nan

tabata warda riba barkunan di eksportashon di katibu kual tabata transportá nan pa Amerikas.

Un di e pòstnan aki, ku ta hopi konosí, ta esun na Ghana ku yama Elmina.

Hende tabata nanse katibu?

Nò, pero lei a stipulá ku e yunan ku nanse di un katibu tambe tabata bira katibu outomátikamente..

Asina pues e shonnan por a uza e yunan komo nan katibu ora nan bira mas grandi.

E úniko kos ku katibunan por a hasi ta kasa ku otro. Diferente persona sklabisá tabata hui via

di e ruta di resistensha (ruta riba laman entre Kòrsou i Coro/ Venezuela) kaminda nan tabata

tuma nan libertat mediante di lei, un papel yamá manumisio. Nan tabata buska trabou, traha

duru i spar nan sèn pa despues biaha bin Kòrsou bèk komo hende liber. Na nan yegada nan

tabata kumpra libertat di nan famianan i bula bai Venezuela bèk. Banda di esaki tabatin e kaso

di e yunan di shon ku un muhé sklabisá. E yunan aki tabata haña nan libertat outomátikamente

i nan tabata ser rekonosé komo yu di shon, pues nan tabata karga e fam di shon.

Nazjira Bito

3

4 you-th magazine | página


4

4 you-th magazine | página

> Promé ku kuminsá splika historia di sklabitut riba nos isla Kòrsou, lo mester splika for di unda sklabitut

a originá. Sklabitut ta un forma di trabou obligatorio, kaminda sernan humano ta wòrdu trata komo

propiedat di otro. Sklabitut semper a eksistí. Den siglo 17 negoshantenan tabata transportá katibunan

for di Afrika pa Kòrsou. Nan tabatin mester di e esklabonan aki pa nan por a traha riba plantashon na “de

Nieuwe Wereld”. E hendenan lokal di “de Nieuwe Wereld”, e arawaknan, no tabata kapasitá komo trahadó.

Den aña 1660 Kòrsou a kombertí den un

sentro pa transporte di esklabonan pa Suramérika

i e otro paisnan den Karibe.

For di 1713 e eksportashon di katibu tabata

bayendo malu, na Kòrsou no tabatin masha

nesesidat mas di katibunan komo ku e

nesesidatnan den agrikultura tabata ménos

grandi. Despues ku e Fransesnan a stòp ku

transportashon di katibu pa un tempu a

lanta un revolushon di katibu na Kòrsou ku

e katibu Tula na kabes.

E revolushon a dura un luna ku hopi lucha

di e katibunan. Pa hopi katibu Tula tabata

un Héroe di Kòrsou!

Kalènder kòrtiku di fechanan importante:

1 di yüli 1863: proklamashon di emansipashon di katibu

na Kòrsou

30 di mei 1969: un gira importante den nos polítika, kultura i

relashonnan sosio-ekonómiko

1 di yüli 2013: desendientenan di katibu ta “on fire”!

Ban mira kon ta bayendo awendia ku desendientenan di katibu na

nivel internashonal:

• E hòmber di mas poderoso na mundu: Barack Obama

• Su kasá i su yunan ta kolo skur: Michelle, Malia, Sasha Obama

• E atletanan di mas eksitoso na mundu: Michael Jordan,

Usain Bolt, Muhamed Ali, Pelé

• E kantantenan mas famá: Michael Jackson, Whitney Houston,

Beyoncé Knowles, Bob Marley

• Músiko: Stevie Wonder, Ray Charles, Diana Ross

• Produktor di músika: Jay-Z, P Diddy

• Aktornan: Denzel Washington, Halle Berry, Samuel Jackson,

Whoopi Goldberg, Morgan Freeman, James Earl Jones,

Will Smith, Eddy Murphey, Jamie Foxx, Cicely Tyson,

Danny Gklover, Cuba Gooding, Wesley Snipes, Ice Cube, Morris

Chestnut, Bill Cosby, Steve Harvey, Martin Lawrence, Mo’nique

Hulanda a prohibí transportashon di katibu

na aña 1814. Hulanda no kier a kita transportashon

di sklabitut paso nan tabatin

miedu ku esaki lo tabatin un efekto riba

ekonomia. E kolonianan di Hulanda a abolí

sklabitut ofisialmente na aña 1863, algun aña

mas lat ku Inglatera (1833) i Fransia (1848).

Pues 11.654 katibu a haña nan libertat na aña

1863.

Doñonan di plantashi, mayoria di nan e eks

shonnan, a tuma e katibunan ku a wòrdu

liberá komo trahadó riba plantashi. Nan no

tabata risibí pago; tabatin un sistema ku

yama "paga tera kontrakt" i esaki tabata

enserá ku e persona tabata traha pa e shon

sin pago pa e por paga pa biba riba su tera.

`

Komo kompensashon na e shonnan, i pa

por a logra pasa e lei di abolishon a paga

e shonnan un suma ku tabata varia entre

125 pa 300 florin pa kada katibu ku e shon

tabatin na momentu di abolishon.

For di e tempu ei ekonomia di Kòrsou tabata

bai di malu pa pió. E personanan ku a

haña nan libertat a ser konsiderá mediokre i

inkapas pa kumpli ku sierto tareanan. P’esei

tabata difisil pa nan a yega na trabou, partikularmente

pa loke ta trata trabounan di

ofisina. Tabata opta pa bai traha na Cuba pa

motibu ku e persona liber tabatin mas opshon

di gana bon sèn na Cuba den plantashi

di kaña, komo kòrtadó di kaña.

Arelies Knight

Kòrsou tambe tin su leyendanan. Tabatin hopi inhustisia ta tuma lugá

pa ku e trato kual hende koló skur tabata haña aki na Kòrsou, apesar

di e emansipashon ku a tuma lugá na aña 1863. Dia 30 di mei na aña

1969 yunan di tera a pone pia abou i for di e dia ei a bini kambionan!

• Promé Gobernadó koló skur: Ben Leito

• Promé “Gezaghebber” koló skur: Arno E. Kibbelaar

• Promé “Gevolmachtigde Minister”: Sheldry Osepa

• Artista yu di tera, konosí internashonalmente: Izaline Calister,

Jandino Asporaat

• Modelonan yu di tera konosí internashonalmente: Deva-dee

Siliee, Stephany Francisca

• Atletanan yu di tera, konosí internashonalmente: Hensley Meulens,

Andrew Jones, Ivanon Coffie, Chulo Simmons, Jair Jurgens,

Churandy Martina, Caimin Douglas, Brian Mariano, Obed Martis,

Jemyma Betrian, Kevin Heyer

Esakinan ta djis algun nòmber di tur e leyendanan di Kòrsou ku ta

markando e diferensia i resaltando tantu na nivel nashonal komo

na nivel internashonal. Esta orguyoso mi ta di por yama mi mes yu

di Kòrsou! I esta orguyoso mi ta di mi koló maron bunita asina i mi

kurvanan krioyo! Abo tambe por ta e diferensha!

Bo por mira bo resultado riba página > 7.

Cheyenne Felizie

4 you-th magazine | página 5


6

4 you-th magazine | página

> Jeanine Sondrejo ta un eks alumno ku tabata

registrá na Sociale Vormingsplicht (SVP). E ta un

hende hopi alegre ku gusta pasa prèt. Tambe e ta

gusta duna konseho i skucha kiko otro tin di bisa.

Den su tempu liber e ta gusta lesa i fuera di esei e

tin dos yu hòmber na kua tur sobrá tempu ta bai.

Apesar ku e tin un bon trabou aktualmente, e tin e

deseo di sigui ku su estudio den futuro.

Jeanine tin dos luna trahando na Sociale Vormingsplicht (SVP). E ta

haña su koleganan hopi “great” i dushi pa traha kuné. Si akaso e

tin un òf otro pregunta e por aserká nan fásilmente. Jeanine su trabou

ta un trabou ideal p’e, ya komo ku e ta di opinion ku ta importante

pa skucha e hóbennan i brinda nan e oportunidat pa ekspresá

nan mes. Ademas di esei e ambiente di trabou tambe ta super!

Loke ku e fundashon ta hasi ta yuda hóbennan ku pa un motibu òf

otro no por bai skol mas ni tampoko nan diploma di skol sekundario,

miéntras ku nan ta menor di 24 aña. Jeanine a splika ku bo tin

ku mèldu na bali si bo ta interesá pa haña yudansa, ya bo por haña

un sita pa huntu diskutí i konkluí si bo por drenta den e programa.

Durante e programa nan por tuma kursonan edukativo pa asina nan

tambe por bai traha.

Nazjira Bito

Peeples 9 Mei '13

Star Trek into the Darkness 16 Mei '13

Epic 23 Mei '13

The Lone Ranger 30 Mei '13

The Great Gatsby 3D 16 Mei '13

Fast and Furious 6 22 Mei '13

The hangover part III 30 Mei '13

Now you see me 31 Mei '13

(Advertorial)

“Semper mi tabata ke hasi trabou di atministrashon i porfin mi a

haña e oportunidat pa hasié. Mi mes tabata un alumno registrá na

SVP i nan a yuda mi hopi bon. Mi a sigui tur mi kursonan nesesario

i mira kon leu mi a logra yega, Jeanine ta konta.

Un tiki di Jeanine su funshon

“Atministrashon ta un trabou fásil pero bo mester tin un struktura.

Bo mester por kòrda ta unda bo a keda djabièrnè atardi,

pa bo kuminsá mesun kaminda bèk su siguiente djaluna mainta.

Mi ta hasi di tur kos un tiki. Si e señora di bali no tei mi mester

funshoná na su lugá. Mi trabou ta un trabou hopi variá i e ta e

kurason di un organisashon!”

> Mi tin ku atmití ku mi no tabata masha sigur na

momentu ku mi a skibi bosnan. Mi ta un hóben ku awor

porfin a aseptá ku mi mester di yudansa. Mi no tin

siguransa propio, loke ta mas pio, apenas mi sa ken mi ta.

Mi no ke gaña mi mes mas, por fabor yuda mi. Ki mi hasi?

Mi ta aploudí e balentia ku bo tabatin pa

skibi nos. Na promé lugá, stima i aseptá bo

mes manera bo ta. No rebahá bo mes ni hasi

bo mes ménos pasó bo no ta ménos ku niun

hende. Kòrda esaki bon: si bo mes no ta kere

den bo mes, ta ken lo por kere den bo?

Puntonan

1 A= 4 pnt B= 0 pnt C=2 pnt

2 A= 4 pnt B= 0 pnt C=2 pnt

3 A= 4 pnt B= 0 pnt C=2 pnt

4 A= 4 pnt B= 0 pnt C=2 pnt

5 A= 4 pnt B= 0 pnt C=2 pnt

6 A= 4 pnt B= 0 pnt C=2 pnt

7 A= 4 pnt B= 0 pnt C=2 pnt

8 A= 4 pnt B= 0 pnt C=2 pnt

9 A= 4 pnt B= 0 pnt C=2 pnt

10 A= 4 pnt B= 0 pnt C=2 pnt

Entre 15 i 21 punto

Bo ta hopi lif i bo ta kla pa

yuda tur hende. Bo sa presis

kiko a pasa den pasado pero

en realidat e no ta molestiá

bo. Bo ta opiná ku ta bon pa

kada hende sa ken nan ta

for di unda nan a bini. Bo ta

stima bo pueblo i e islanan

djafó. Bo ta “chill” ku bo bida.

Danki pa skibi nos tòg apesar ku bo no

tabata masha sigur. Mi ta konsehá bo

kuminsá hasi bo mes sierto pregunta ku por

yuda bo yega na konosé bo mes. Ta di sumo

importansia pa bo konosé bo mes promé ku

bo kere den otro persona, sino asina ei fásilmente

bo por ser influensiá dor di otro.

Entre 0 i 14 punto

Tur kos ta molestiá bo kabes

lihé, bo ta hopi sensitivo.

Bo ke pa tur hende gusta ku

bo i bo ta basta ketu. Bo ta

hunga ròl i hasi mané bo ta

otro hende djis pa hende no

sa ken bo ta di bèrdat. Sea bo

mes! Lokual otro hende pensa

di bo no mester molestiá bo

ni influensiá bo. Bo no ta biba

pa hende!

Entre 22 i 40 punto

Abo no tin kunes ku loke nan

ta pensa di bo. Lokual ku a

pasa den pasado a pasa i ta

tempu pa kambio. Bo sa presis

ken bo ta, ki bo ta gusta i

kiko no; i esei ta bon. Pero,

no sea arogante; personanan

di otro nashonalidat no ta

ménos ku bo.

> Ántes nos grandinan tabata usa remedinan,

produktonan i yerbanan natural pa nan

salú i nan kuido personal.

4 You-th ta bai menshoná algun di nan i e

motibu pa kua nan tabata usa nan. Awendia

hopi hende a bin ta ripará nan benefisio i a

bolbe kuminsá hasi hopi uso di e produktonan,

yerbanan i remedinan natural bèk pa asina

evitá di usa kosnan ku hopi kímiko aden.

Siboyo Konofló Kònkòmber Zeta di

pa ferkout,

asma.

pa baha

preshon.

pa baha

preshon

i limpia kútis.

koko

pa hunta

den kabes.

Zeta di

oleifi

bon pa

kabei i kútis.

Awakati Blachi di

tambe ta bon

pa kabei.

mango

ta bon pa baha

preshon.

4 you-th magazine | página 7

Karawara

ta bon pa

ora kaba di

haña yu.

Moringa Kalbas Aloe vera Blachi di

bon pa asma,

preshon, problema

ku kueru

i e ta kura hopi

malesa mas.

ta bon pa

fèrkout.

ta bon

pa kura

herida.

tuna

ta bon pa pone

na kurpa kaminda

tin doló. E ta trèk

e doló.

Asina tin hopi yerba mas ku ta ser usá komo kura!

Ebony-Gwenn Martis


8

4 you-th magazine | página

Ami ta pensa ku nos tin ku sigui papia di sklabitut pa asina'ki nos hóbennan por sa mas

kiko e ta i forma un opinion over di dje i kon nos por purba na kaba kune den presente.

Ainda tin sklabitut ta tuma luga na diferente pais, asta na Kòrsou mes. Un ehèmpel ta e

kasonan kaminda doño di trabou ta laga un hende hasi trabou ku 2 hende ta supose di

hasi i ta paga e trahadó salario di un persona. Nos tin ku enfrent'é i bringa pa minimalis'é

of kaba kune kompletu!

‘Si, ta nesesario

pa bo papia

tokante di bo

pasado, enfrent'é

i sigui pa dilanti.’

‘Mi ta pensa ku nos tin ku keda papia

tokante di dje. Kada bes ku bo wak bèk

i mira kon un kultura a krese i yega na

loke e ta awor bo ta stimulá e esfera

di orguyo nashonal! Nos tur mester ta

orguyoso di e echo ku nos ta ruman

sin distinshon di koló i rasa apesar di e

historia di sklabitut i deskriminashon. Ta

bunita pa rekòrdá sklabitut ora realisá

ku tin resultadonan positivo i ora analisá

kon nos komo pueblo por kambia e

partinan negativo huntu.’

‘Mi ta kere ku e tema sklabitut no ta pas mas awendia; nos tin ku

laga bai. Pero, temanan manera diskriminashon si nos tin ku keda

kuné paso esei si ta sosodé den tur parti de mundu ainda.’

‘Ami ta haña ku nos mester laga sklabitut nos tras i sigui pa dilanti.

Pasobra nos mester wak presente pa bai dilanti i nos no por keda

wak patras loke a pasa tokante di sklabitut.’

‘Ami ta haña ku nos mester sigui papia

tokante di sklabitut i enfrentá nos

pasado. ya asina nos hóbennan ta sa

mas di nos pasado i kiko i ken tabatin

promé ku nos generashon.’

> E periodo di sklabitut ta un

di e temporadanan di mas difísil

ku Kòrsou mester a enfrentá.

Sinembargo pa hopi hende

ainda e no ta parti di pasado.

Hopi ta esnan ku ta haña ku nos

pueblo mester keda rekòrdá e

tempu difísil aki. Otronan ku sí a

pone e asuntu tras di lomba tin

nan bista fihá riba e siguiente

kambionan i progresonan ku

futuro ta brinda na nos pueblo.

4 You-th a puntra algun hóben

lo siguiente tokante sklabitut:

Laga nos tras i sigui pa dilanti?

Òf sigui papia over di dje i

enfrentá nos pasado?

‘Mi ta di opinion ku ta bon pa bo sa for di kua kultura bo ta bini i kon e bida di nos

antepasadonan tabata. Interesante ta pa sa kon nan a hiba e lucha di libertat. P’esei ta

bon i interesante pa sigui papia tokante sklabitut i enfrentá nos pasado. Por ehèmpel

aki na Bonaire ainda nos tin e kasnan di katibu kual a bira un atrakshon pa habitante i

turistanan ku ta bishitá e isla.’

‘Ami ta kere ku mester sigui papia di dje i enfrentá nos pasado! Asinaki nos por siña

di loke nan ku a pasa, pa asinaki nos por aplika esaki mas miho den presente i futuro.

Maske den boka di nos komunidat e ta wordu mirá komo algu malu.’

‘Ami ta haña ku nos mester laga sklabitut atras i sigui pa dilanti.

Pasobra ora algu malu pasa bo tin ku sigui ku bo bida. No por

keda pèrdè tempu riba dje, miéntras ku tin otro problemanan

importante pa solushoná! Òf e tempu ei por ser usá pa djis

disfrutá di bida, paso bida ta dushi.’


‘Sklabitut ta un forma kruel di trata hende i ehersé dominio

riba nan, limitando hende di tin nan libertat propio. Hopi di

nos no gusta dil ku e tema di sklabitut pasó e ta parti di nos

pasado skur. Pero en realidat nos mester enfrent'é komo parti

di nos historia i wak kiko nos por siña for di dje. Loke nos

antepasado a hasi sea robes òf bon, nos mester por siña fo’i

dje i sigui pa dilanti. Ounke nos no ta biba den sklabitut mas,

bo ta haña hende ku tin mente sklavisá. Pues ainda ta pegá

den pasado i no ta purba di siña di nos pasado pa por krese

komo persona òf nos ta purba di tira falta riba otro. Mi ta kere

nos no tin ku laga e tema atras pero si reflekshoná kon kruel

sklabitut tabata pero alabes purba di siña algu fo’i dje pa por

bai dilanti.’

‘Nos tin ku sigui papia di sklabitut pa

nos komo hóben por sa di nos pasado

asina nos por tin un mihó futuro.’

‘No ta algu ku mester laga atras i sigui

dilanti. Ami ta haña ku tin ku sigui papia

over di dje i enfrentá nos pasado.’

‘Ami ta kere ku nos tin ku lag’é atras i sigui pa dilanti. Pero, nunka

lubidá di unda nos a bini i kiko e ta nifiká pa nos. Nos no mester

dun’é asina tantu atenshon mas.’

Den e último edishon tabatin un palabra ku a kai afó den un di Your

Opinion. Aki ta sigui e korekshon. 4 You-th ker a pidi diskulpa pa kualke

mal komprondementu ku por a presentá.

Mi ta haña ‘social media’ hopi importante pasobra mi por

amplia mi konosementu pa ku mi estudio i mi por haña

sa hopi kos ku ta pasa rònt mundu i rondó di mi. Tambe

mi por komuniká ku amiganan i famianan den eksterior.

E medionan ku ami ta uza ta: Facebook, MSN, Skype,

BBM (BlackBerry Messenger), What’sApp i Twitter.

9

4 you-th magazine | página


10

4 you-th magazine | página

11

4 you-th magazine | página


12

4 you-th magazine | página

> E palabra “slave”, ku ta nifiká esklabo na Papiamentu,

ta un palabra ku a bini dilanti den mundu

di moda na vários okashon. Mihó bisá e palabra

“slave” ta parti di e idioma usá den e mundu di

moda. Un ehèmpel ta e famoso frase: “slave to fashion”,

ku ta nifiká esklabo di moda.

Sklabitut a inspirá diferente diseñadó den kreashon di paña,

asesorio i kèts. Akinan boso ta mira imágen di algun kreashon

inspirá pa sklabitut

Janella Mook

# 4

> Kon orguyoso bo ta di bo

kabei natural i bo koló bunita?

Abo ta balorá loke bo tin?

> Bo a yega di puntra bo mes kon Tula su bida

tabata? Bo a yega di pensa ta den kiko tur e kati-

bunan a pasa? Wèl, ami si a yega di pensa esa-

kinan i mi tabatin e privilegio pa asta ekspe-

rensiá nan. Di mes no durante e tempu ei, pero

sí durante filmashon di e pelíkula ‘Tula the

Revolt’.

Promé ku ami i mi ruman a bai hunga den e pelíkula mi tabatin hopi

pregunta tokante di Tula, i durante di e grabashonnan di e pelíkula

mi a haña kontesta riba tur mi preguntanan.

Nos a partisipá na 8 grabashon di ‘Tula the Revolt’. E parti mas duru

pa mi tabata e echo ku nos mester a lanta hopi trempan pa nos a

kue bus pa bai e grabashonnan, kual tabata kaba te anochi lat. Pero

tabata dushi sí!

Nos a bai graba na diferente kaminda manera entre otro: Hòfi Mango,

San Juan, Cas Abou, Christoffelpark i un par di lugá mas.

Tabata fásil pa sera amistat ku sobra hende i tur hende tabata trata

nos hopi bon!

Algu ku nos hende koló skur mester ta orguyoso

di dje ta nos kabei. Tin yen tipo di kabei

duru. Tin e afro, kabei “curly”, kabei peper

i asta “dreadlocks”. Nos kabei no ta solamente

bunita pero tambe e kabei tin un “texture”

hopi nechi. Nos drachi di kabei ta asina

fuerte ku e ta minimalisá e chèns pa e kabei

kibra. Nos por peña tur sorto di modèl ku su

kabei, por ehèmpel: e por “tang” e kabei,

flèktu e kabei, peñ’é stail di afro, hinka krùl

aden i hopi modèl mas. Ora nan bisa bo ku bo ta un “hende pretu”,

sinti bo hopi orguyoso. Un hende koló skur

ta un hende hopi bunita. Bo ta úniko! “Hende

pretu” ta lusi pa su kabei bunita, koló úniko i

kurvanan ku ta nos so tin.

Algun tep pa kuido di bo kabei:

– Purba di no hinka produkto nan kímiko den

bo kabei pa saka bo krùlnan bunita.

– Tene bo kabei mas vèt posibel. Esaki ta

sòru bo kabei tin ménos chèns di kibra.

– Uza baño di krema i otro produktonan ku

ta saludabel pa bo kabei.

Ebony-Gwenn Martis

Ora bo mira un pelíkula na televishon òf na The Movies lo bo no

pensa nunka ku ta dje tantu preparashon tin ku hasi pa produsí un

pelíkula. Tabatin biaha ku nos mester a graba UN esena TRES biaha!

Mester a asta kana pia bou den sumpiña i den solo kayente pero tòg

mi no tabata sintié, paso mi sa ku e resultado lo bai ta tremendo!

Mi ta haña hopi ‘great’ ku nos a konosé artistanan internashonal

manera Deobia Oparei i Danny Glover.

Despues di e pelíkula aki mi a mira un otro banda di Kòrsou; kon

bunita e ta! “Tula the Revolt” a yuda mi haña mas balor i apresio pa

nos dushi isla Kòrsou.

Brianna-Gwenn Martis

13

4 you-th magazine | página


14

4 you-th magazine | página

> Nos grandinan tabata kere den

yen kos ku awendia ta parse straño

pa hopi hende. Pa otronan e kreensianan

aki ta bèrdat i nan a dal tene

duru na nan. Parti grandi di e generashon

nobo ta yama e kreensianan

aki kos di loko, miéntras ku un parti

chikí ta yama nan sabiduria! Aki ta

sigui un lista kòrtiku di algun kreensia.

Kiko abo mes ta kere?

Man pretu: Ántes tabata bisti e beibinan e

man pretu pasá den un kadena di pipita pretu

ku kòrá pa alehá mal airu for di e kriatura.

Na momentu ku tin vibrashon negativo esaki

lo kibra. No ta bon pa bolbe traha e kadena

aki, mester tir’é afó i kumpra un nobo.

Aros: Esaki ta nifiká abundansia. Ántes

tabata basha esaki dilanti di porta di kas òf

paden pa atraé suerte.

> Hopi ta esnan ku ta puntra

si hende koló skur en realidat

ta dominá e mundu di deporte.

Sientífikonan a demostrá, pa medio

di estudionan ku a ser hasí, ku hende

koló skur tin e tipo di kurpa ku tin

ménos vèt i nan wesunan ta mas

fuerte. Esaki ta un karakterístika ku

genétika di e físiko afrikano a heredá

di su antepasadonan i e área tropikal

di Afrika. Pero, en general tin sierto

rasa ku ta destaká mas ku otro den

deporte.

Ántes no tabata posibel pa hende koló

skur drenta den un tim ku tin hende koló

kla aden. Tampoko no tabata posibel pa un

hende koló skur subi un vèlt di tènis òf di

gòlf. Aworakí, mas ku 50 aña despues, sí ta

posibel pa hende koló skur hunga den tur

ramo di deporte. Den e tabèl aki por mira

algun avanse importante di e aseptashon di

hende koló skur den e deporte di beisbòl.

Awendia bo por ripará ku hende koló skur a

dominá den otro áreanan di deporte, ku no

ta baseball. E hungadó di gòlf Tiger Woods

i tambe e dos rumannan muhé ku ta hunga

tènis kual ta Serena i Venus Williams ta tres

Wowo: Tin bisá ku si bo wowo drechi ta

baila hopi ta pasobra bo ta bai mira un

hende ku hopi tempu bo no a topa, i si ta

bo wowo robes esei ke men ku un hende

yegá di bo ta bai fayesé.

Man grawatá: Man ku ta grawatá hopi

ta nifiká ku algu bon ta na kaminda. Hopi

hende ta interpretá esaki komo sèn.

Salu: T'asina ku ántes ora bo kier a kore ku

un hende for di bo kas, tabata basha salu

su tras pa e no bolbe bo kas mas. Pero salu

tambe por trese berans si bo duna esaki na

un persona.

8 Dia: Despues di morto ta pasa 8 dia siguí

ta hasi orashon pa alma di e defuntu sosegá

na pas. Ora e 8 dianan aki pasa ta sende

un lantèrnu den e kuartu kaminda e defuntu

tabata drumi pa asina saka e spiritu pafó.

tremendo ehèmpel. Hende koló skur a sa

di dominá riba área di bòkseo tambe den

pasado. Mira por ehèmpel e leyendanan Mike

Tyson i Muhammad Ali.

MLB

Te ku 1947 no tabatin niun hende koló skur

den MLB (baseball).

1947: Jackie Robinson tabata promé hende koló

skur ku a firma den un tim di hende koló kla.

1957: e porshon en general di e poblashon

di hende koló skur hungando baseball tabata

aproksimadamente (11-12%).

1998: 15% di e total hungadónan di baseball

tabata hende koló skur.

Kolebra: Ta bisa ku si bo kap e animal aki

den dos, lo bo sinti bo lomba despues di

tempu òf ku lo bo keda sufri te dia e animal

aki muri.

Kasamentu: Pa trese suerte den bo

matrimonio bo mester bisti un paña uzá bou

di bo bistí di kasamentu.

Embaraso: Ántes nan tabata kere ku no ta

bon pa dos hende ku ta na estado ta bou di

e mesun dak. Un di nan lo tin ku bai pa evitá

ku esun lo por pèrdè su barika. Tambe tin

papiá ku si ta yu hòmber e barika ta grandi

i punta, i yu muhé e barika ta chikí i rondó.

Kinipí di morto: Esaki ta un mancha blou

ku ta paresé na momentu ku un hende

yegá di bo ta serka di fayesé. Ta asina ku

e mancha blou aki lo kita bèk si pero te

despues ku e hende fayesé.

Shurayne Fenni

Tin hopi hende ta opiná ku ta e postura di e

hende koló skur ta sòru pa nan tin e poder

i e rapides pa nan dominá hopi di e spòrtnan

ku tin haber ku atletismo. Bo por mira

tambe ku mayoria hende koló kla ta bon den

"hockey" i landamentu. Hopi hende ta bisa

ku tur e kosnan bisá di hende koló skur den

deporte ta un opinion baho òf algu ku tin di

haber ku rasismo.

Den tur sirkunstansia di bida bo ta haña

bo ku un hende mihó ku bo, pero esei no

nesesariamente ta basá riba koló i rasa.

Dor di presta bon lo bo yega un dia sigur

kaminda bo ke yega òf alkansá e meta ku

bo ke logra. Angelo Engelhart

> Abo ta balorá nos héroenan nashonal?

Nos Hóbennan di awendia no ta tene na kuenta kuantu lucha

nos héroenan nashonal a hiba pa nos bienestar.

Awor kiko ta un héroe? Un héroe ta un persona ku ta ehekutá

echonan di balentia pa yuda su komunidat.

Nos tin hopi di gradisí na nos héroenan pasó nan a riska nan

bida pa yuda nos. Ta p’esei ta importante pa balorá nan.

Mas balor nos duna nan mas echonan di balentia nos por spera riba nos isla.

Pedro Wacao

Un di e lidernan

di revolushon di

katibu ku a lucha

kontra sklabitut.

Amador Nita

Tabata un lider

sindikal ku

kurashi, nan no

a wèlga, nan a

forma un movementu

sosial pa

igualdat den

sektor laboral

pa yunan di

Kòrsou. Dia 30

di mei 1969.

Tula Mosa Nena

tabata un gran héroe pa e katibunan

na Kòrsou. El a resultá di ta un dje

katibunan di mas poderoso na Kòrsou

ku tabata lucha kontra di sklabitut.

Pedro Luis

Brion

Un hòmber

fuerte di militar,

ku a sa di bai

studia afó pa

asina regresá su

isla pa evitá ku e

británikonan lo

konkistá Kòrsou.

Papa Godett

Tabata un lider

sindikal ku riba

30 di mei 1969 a

forma parti di un

movementu pa

stòp ku diskriminashon

i pa

duna nos yu’i

tera mihó kondishonnan

laboral.

ta e simbolo di e

resistensha femenino

di e muhenan

esklabisá.

Moises Frumencio

Da Costa Gomez

Mihó konosí komo

Dòktor den boka di

pueblo, tabata un di

e hòmbernan bon

studiá di Kòrsou.

E tabata e hòmber

ku a lanta e partido

polítiko NVP,

na aña 1949, i ku a

lucha pa independensia

i derecho

di voto general.

15

4 you-th magazine | página


16

4 you-th magazine | página

> Giovanni Abath, un persona ku hopi talento riba vários

área artístiko! Konosí komo e kabes di Grupo Kara i un

tremendo aktor. Resientemente el a forma parti di e filmashon

di "Tula the Revolt" i pronto nos lo mir’é riba pantaya grandi.

Nòmber: Giovanni Abath

Edat: 39 aña

Funshon: Artista

Status sivil: Kasá

Dicho favorito: Ki nivelllllll!

Deskribí bo mes den 5 palabra:

Trahadó, kreativo, perseverante, sosial i romántiko.

Kiko bo ta gusta mas di bo mes?

Mi determinashon pa alkansá kosnan ku mi ta deseá den

bida.

Na unda bo ta preferá di “chill”?

Den un café òf un restorant.

Kiko ta e eksperensia di mas úniko ku bo tabatin

últimamente? Konta nos algu di esaki.

E eksperensia di mas úniko ku mi tabatin últimamente tabata

e filmashon di e pelíkula "Tula the Revolt". E ta un pelíkula

na nivel di Hollywood i mi tabatin e plaser di por a aktua ku

aktornan rekonosé mundialmente manera entre otro Danny

Glover i Jeroen Krabe. Ami tabatin e ròl mas grandi den aktornan

lokal; mi ròl tabata esun di Bastiaan Carpata. Loke ta

“great” ta ku pueblo por spera e produkshon aki pronto na

Kòrsou tambe!

Den nos último edishon, nos tema tabata:

“Social media”, Internèt i teknologia,

kiko abo ta pensa di e tema aki?

Mi no ta muchu den e mundu virtual ei, pero mi ta hopi

konsiente di e importansha i influensha ku tur esaki tin riba

humanidat. Mi ta kere ku nan a yuda hopi, den e mesun

rosea mi ta bisa ku nan a kibra òf daña hopi tambe.

Kon nos komo hóben tin ku dil ku esaki?

Mester balansá esaki, bo por hasi hopi bon uzo di “social

media”, Internèt i teknologia pa bo desaroyo personal, pero

bo por hasi hopi daño tambe ku tur esaki.

Bo ta kere ku un mundu sin nan ta posibel

i pakiko bo ta kere esaki?

KLAROOOOOO e ta posibel! Nos mundu a drei miónes di aña

sin niun di esakinan. Ta apénas 100 aña mas o ménos nos tin

ku a desaroyá tur e kosnan aki. Niun di nos avochinan, bai te

na egipsionan, niun no tabatin kòmpiuter ni niun otro aparato

teknológiko. I tur a biba! Ta kiko ta falta nos so?

Nos tema di e luna aki ta sklabitut. Kon abo ta

mir’é?

Mi ta mir’é manera parti di nos historia ku nos mester wak

riba dje pa sa unda nos ta awe i unda nos ke ta mayan. E

mester ta un lès pa nos. I mas ku klaro, e ta un parti hopi

tristu i kruel di historia.

Kon bo ta haña ku nos ta dil ku e tema aki awendia

i kiko nos por kambia na dje?

Ami personalmente ta dediká tur aña na e lucha ku katibunan

a hiba aki na Kòrsou na 1795. Tin un grupo masha chikí ku

ta trata pa hasi e historia konosí pa mas i mas hende por ta

konsiente di dje, pero mi ta kere e hóbennan no ta muchu

interesá den historia di katibu etc.

Kon bo ta mira futuro di Kòrsou

konsiderando e tema aki?

Ami ta pronostiká ku pa e próksimo 10 añanan nos lo no

mira niun kambio signifikante. Tur kos ta sigui manera nan ta

bayendo aworakí. Mester nase un lider nobo pa nos pueblo;

nos mester di dje! Mi ta spera ku e lo yega pronto pa mi por

biba e momentu ei promé mi laga kai!

Kon bo ta mira bo mes aki par di aña?

Bieu, doblá i sin djente, hahahahahah! Oké, ban serio awor.

Mi ta visualisá mi mes komo un hòmber eksitoso den bida,

un tata eksepshonal un djamanta di hòmber pa mi KASÁ!

Tambe un siudadano ku ta traha ku bista fihá riba mehorashon

di nos pais..

Manda un mensahe fuerte pa nos hóbennan.

Hóbennan, sa ku boso tin tur e kalidatnan pa logra tur loke

boso proponé pa logra den bida. Nada no ta imposibel, kere

mi! Tur loke bo hasi, hasié a lo mehor! Tuma mi konseho na

serio i lo bo wak bèk riba tur bo logronan un dia i kòrda riba

mi. Hóben bo por!

Laurys Leander

Hooray! Your file is uploaded and ready to be published.

Saved successfully!

Ooh no, something went wrong!