4 You-th #4 Beursalen

Modelo riba portada: Annelies Hayer
(ganadó promoshon riba Facebook)
Yüni 2013
Kon abo lo sobreviví un bida independiente? \\
Kua direkshon mi tin ku sigui?\\ Kòrsou, Costa Rica òf
Hulanda \\ TrendyJobs 2013\\ Shoppinglist pa bekadonan
\\ Bula prepará ku SSC \\ Scholarship di Girobank i mas!!!

2
4 you-th magazine página
Nazjirah Bito Shurayne Fenny
Angelo Engelhart Ebony-Gwenn Martis
Brianna-Gwenn Martis
Cheyenne Felizie
Janella Mook
Sian Adoptie
Laurys Leander Trisha Passial
* 4 you-th stylists
Vinanshely Bonovasia & Ed Ansano
Ainda mi ta kòrda e ola di emoshon ku tabata
kore den mi paden miéntras mi tabata
prepará mi maletanan, i e anochinan largu
i pensativo. E manera kon mi barika tabata
hasi yen kos straño durante mi último dianan
aki na Kòrsou i kon mi imaginashon
no tabata duna mi un chèns!
“Kon bida na Hulanda lo ta?
E yùfrou i menernan lo ta lif?
Lo ta fásil pa krea amigu i amiga?
Lo mi logra mi meta?
Porfin lo mi tin mi propio kamber!
Porfin mi por ta independiente di mami i
papi! Pero warda! Ta kon ta hala e funchi
atrobe? Esta ko’i baina!” Tur esakinan i mas
tabata zueif den mi kabes, i no laga nos
papia mes di e posibel kontestanan!
> Publikadó
Fundashon Ban Komuniká
> Kordinashon i diseño gráfiko
Passaat Graphic & Web Design:
Monique Rosalina /
Ramon van Geest
T: 5999 - 465 7266
E: 4you-th@passaatdesign.com
> Hefe di redakshon
Practical Business Solutions:
Jefka Martha-Alberto /
Vinanshely Bonovasia /
Sidalina Bleeker
> Portrèt riba portada
CW photography: Carlo Wallé
> Aviso
Madelon Oldeman, T: 465 7266
E: madelon@passaatdesign.com
Ku un sonrisa grandi riba mi kara i ku hopi
determinashon mi a bai studia na tera friu.
Bida ayariba no tabata fásil, e tabatin su
retonan pisá. Pero e tabatin tambe su momentunan
dushi i agradabel.
Momentunan di kresementu i di éksito! I ku
perseveransia mi a logra, i mi a logra muchu
mas di loke mi a spera. Mi logro di mas
grandi ta e echo ku mi por a hasi mi mayornan
orguyoso, dia ku mi a bin bèk ku mi
diploma den mi man. Esakinan ta momentunan
di mi bida ku nunka lo mi lubidá!
Send from Jefka’s iPad!
> Imprenta: Hi-Printing
> Kantidat: 8.000 ehemplar
> Publikashon: 10x pa aña
> Facebook:
4 YOU-TH MAGAZINE
> Finansiadó pa e edishon #4
Ministerie van Sociale
Ontwikkeling, Arbeid en Welzijn
Kon abo lo sobreviví
un bida independiente?
> Na dado momentu nos tur ta bira independiente, sea ta den kas di nos
mayornan òf riba bo mes. E kambio aki por hinka hopi di nos den un estado insigur.
Tin diferente área ku bo tin ku tene kuenta
kuné manera bo estado finansiero, sosialemoshonal,
akadémiko, i bo salú.
Esun di mas importante ta bo estado sosialemoshonal,
ya ku e por bira un reto riba
su mes. Sinembargo no ta difísil pa tene bo
mes kontentu. Bo ta siña disfrutá di kosnan
chikitu i simpel manera kana den parke, saboriá
un kuminda sukulento, skucha muzik
òf un simpel kòmbersashon ku bo sernan
kerí. Tambe bo por drenta un grupo di baile,
arte, deporte òf praktiká kualkier hòbi. Asina
bo ta amplia bo konosementu i bo sírkulo di
amistat. Hasi kosnan kreativo ku bo gusta
pa asina bo tene bo mes kontentu; esaki ta
importante!
Kòrda ku bo ta un studiante i bo tin ku dediká
sufisiente tempu na bo estudio. No ta
difísil pa ta eksitoso den bo estudio.
Ta eksistí solamente 1 tep di oro: traha un
plan di estudio i tene bo mes na esaki!
Inkorporá tur aktividat no akadémiko den bo
plan i kòrda semper riba tempu liber. Si bo
tene bo mes na e plan aki mi por sigurá bo,
di eksperiensha, ku lo no tin hopi kontratempu
pa loke ta trata skol.
Bo finansa tambe ta dependé di bo planifikashon,
presupuesto. Konta kuantu entrada i
kuantu gastu mensual bo tin i plania na kiko
i kuantu sèn bo kier gasta tur luna. SPAR
TUR LUNA! Maske ta un montante chikí.
Kòrda tambe pa ahustá bo presupuesto tur
luna, asin’aki bo ta tene kuenta ku bo patronchi
di entrada i gastu ku ta kambia tur luna.
Al final, pa loke ta trata bo salú bo tin ku
kòrda ku niun hende no por kuida esaki pa
bo, ta bo propio responsabilidat! Kome
salú, buska ideanan i patronchinan di
kome salú riba Internèt i si bo tin e oportunidat
pa bishita un dietista hasi uso di esaki!
Ehersé un deporte semanalmente, sea
ta bo hòbi òf un deporte ku bo ta hasi pa
tene bo mes salú, djis hasié! Deporte huntu
ku un bon dieta ta loke mas nos mester pa
por keda salú.
Sian Adoptie
3
4 you-th magazine | página

4
4 you-th magazine | página
My Future Career pa Hóben
My Future Career ta duna tur hóben ku ta deseá guia personal ku ta:
• ofresé nan un chèns riba un futuro felis;
• siña nan konosé nan mes mihó;
• sòru pa nan haña tur tipo di informashon relevante;
• duna nan e oportunidat pa por interkambiá entre otro tarea i
opinion ku otronan;
• yuda nan traha riba nan propio CV à Portafolio à ‘Lifelog’;
nan por keda hasi uso di esakinan den futuro tambe, miéntras
nan ta sigui dal paso den nan karera di skol i karera profeshonal.
Ademas, aki e hóben por:
• hasi tèstnan i diagnóstiko di interes;
• tene kombersashon individual òf den grupo;
• risibí ayudo pa hasi un análisis di su situashon;
• kòmbersá ku studiantenan ku tin eksperensha ku studia i
biba den eksterior;
• laga traha ku un sistema digital ku ta dun’é espasio pa traha i
reakshoná e momentu ku e por òf segun palabrashon;
• risibí ayudo pa buska e mihó forma pa por logra traha riba
e puntonan ku el a indiká ku e ke traha riba;
• risibí guia den su kresementu i
• haña kontesta riba preguntanan ku e (por) tin.
Pa kiko studia den eksterior si
na Kòrsou mes por?
> Fin di aña eskolar ta yegando i hopi ta esnan ku mester tuma desishonnan
importante pa ku nan estudio! Speshalmente e alumnonan den klas di
èksamen. Preguntanan manera: Unda mi ta bai studia? Kiko mi ta bai studia?
Mi por sigui studia aki na Kòrsou mes? Kua skol mi por bai?, ta tormentá nan
di dia i anochi. Hopi hóben no ta konsiente di e posibilidatnan di estudio aki
na Kòrsou. 4 You-th ke duna nan un man i p’esei nos a hasi un investigashon
chikitu. Aki ta sigui un lista di e universidatnan lokal kaminda bo por sigui
studia ora bo kaba skol sekundario.
University of Curaçao (UNA):
UNA tin hopi estudio (opleiding); por
ehèmpel pa bira yùfrou di skol òf akountent.
Si bo ke haña mas informashon
tokante e skol bo por bishitá nan wèpsait
òf bo por hasi uzo di e oportunidat úniko
di pasa henter un dia na UNA i eksperensiá
un dia komo studiante. E wèpsait di UNA
ta www.una.an. Si bo tin kualke pregunta
bo por manda un e-mail na una@una.an.
Kiko mi ta bai hasi awor?
> My Future Career ta un organisashon ku ta brinda hóbennan
guia tur momentu; sea digital òf personal kaminda ta nesesario
i deseá. E intenshon di e guia aki ta pa duna e hóben klaridat i
yud’é krese, miéntras ku e ta disfrutando di kada paso den e proseso
di desaroyo aki.
My Future Career pa Skol
University of the Dutch Caribean (UDC):
UDC tin diferente estudio den ekonomia
pero tambe lei i deporte. UDC ta un skol
na nivel di HBO. Mas informashon di UDC
bo por haña riba nan wèpsait www.UDC.an
i bo por manda un e-mail na info@udc.an
College of the Dutch Caribean (CDC):
CDC ta un skol na nivel di MBO i e tin
diferente estudio di turismo, atministrashon,
kontabilidat i hopi mas. Por haña hopi informashon
riba nan wèpsait www.collegeofthedutchcaribean.com
i tambe por manda un
e-mail ku pregunta na info@CDC.an.
Skolnan tambe ta benefisiá di My Future Career. Dor di hasi uso
di e sistema digital di My Future Career, skolnan por keda aktual,
spar tempu i tòg logra hopi. Ademas por envolví mayor, stazje i
kompanianan pa medio di e sistema aki; i sòru pa informashon riba
‘prikbord’ i den agènda. Tambe por ‘train’ mentor, dekano, ‘IB-er’ i
otronan.
My Future Career pa ‘Freemovers’
Tur studiante ku kier bai hasi un estudio den eksterior i kier bai hasi
esaki riba nan mes, por hasi uso di yudansa di My Future Career
su servisionan; esaki ta enserá entre otro: regla finansiamentu, skol
den eksterior, bibienda i tambe seguro. Ta hasi tur esaki i mas for di
Kòrsou. My Future Career ta organisá tayernan pa mayor i studiante;
asina ta prepará e studiante pa e bai studia den eksterior.
Facebook: studianakorsou
My Future Career
Kontakto: Jealaine Alexander—Wawoe
Adrès: Rodeweg 174, Curaçao
Telefòn: (5999) 462 9299
E-mail: myfuturecareer2013@gmail.com
Instituto pa Formashon den Enfermeria
(IFE): IFE ta un skol dirigí riba salú i bienestar.
Na e skol aki bo por hasi estudio di
enfermeria; tantu pa den kas di ansiano
komo pa den klínikanan. IFE ta un skol
na nivel di MBO. Pa mas informashon di
IFE bo por bishitá nan wèpsait www.ifecuracao.com
òf bo por manda un e-mail na
info@ifecuracao.com
Caribbean International University (CIU):
CIU ta un skol na nivel di HBO kaminda
bo ta haña lès na spañó òf ingles. Na e
skol aki bo por studia turismo, “business
management”, media i hopi mas. Riba e
wèpsait di CIU: www.ciucuracao.org bo
ta haña tur informashon nesesario. Si bo
tin mas pregunta por manda un e-mail na
info@ciucuracao.org
Inter-Continental University of the
Caribbean (ICUC): na ICUC bo por studia tur
loke tin di haber ku turismo, idioma, “management”,
liderazgo i hopi mas.
E skol ta eksistí ku yudansa di Curaçao
Institute for Social & Economic Studies (CU-
RISES). Por haña mas informashon di e skol
i e instituto riba www.icuc.org. Por tuma
kontakto tambe via e e-mail info@icuc.org.
Cheyenne Felizie
Kua direkshon mi
tin ku sigui?
> Eskoho di karera, ta keda algu hopi importante
i determinante pa bo futuro. Na Kòrsou tin
diferente opshon si bo kier skohe pa sigui ku
bo estudio, despues di skol sekundario. Na kontinuashon
ta sigui un skema di diferente estudio
ku bo por sigui na Kòrsou despues di VSBO,
HAVO òf VWO repartí sigun profil i nivel.
VSBO
Turismo
VWO
SBO
HBO
VSBO
Social
HBO
HAVO
VSBO
Téknika
SBO
VWO
HBO
HAVO
VSBO
VSBO
Ekonomia
SBO
HBO
Universidat
SBO
HBO
Kuido, Bienestar
i Edukashon
Despues di un estudio riba nivel di VSBO bo por sigui ku un estudio
na SBO òf HAVO. Despues di SBO bo por sigui ku HBO. Despues
di HAVO bo por sigui ku HBO òf VWO. Despues di VWO terminá bo
estudio riba nivel di VWO bo por sigui ku un estudio na HBO òf
Universidat. Di kada profil tin diferente tipo di estudio ku ta hiba bo
den un sierto direkshon. P’esei ta nesesario pa bo ta bon informá.
Un tep pa kada hóben: skohe e tipo di estudio ku ta pas mas mihó
serka bo di un manera responsabel. E desishon aki lo influensha bo
futuro di forma permanente.
Janella Mook
Remedinan natural pa suavisá
doló di menstruashon.
Ora nos hende muhé yega na e edat di 12
aña kambionan hormonal ta kuminsá i asina
nos ta yega na komienso di nos menstruashon.
Hopi hóben durante nan dianan di
menstruashon ta sufri di doló di kram kual
sa bini tin biaha hopi fuerte. Tin remedinan
ku dòkter ta duna kontra doló ku por yuda,
pero tambe tin remedinan ku ta asina fuerte
ku por lastimá e stoma. Banda di remedinan
di dòkter tin remedinan natural ku por yuda
aliviá e dolónan di menstruashon.
Kané
Yena un kòpi ku awa i pon’é
herebé ku dos palu di kané.
Ora e awa kuminsá herebé
paga e stof i laga e awa
para 5 minüt. Pone un tiki
suku pa dun’é smak i beb’é
mesora. (No bebe nada friu
despues.)
Djus di wòrtel:
Bebe djus di wòrtel tur dia, un siman promé ku haña
menstruashon.
Zeta di koko:
Duna e barika, lomba i
pianan un masashi ku
zeta di koko.
Yerba bueno:
Herebé un par di blachi di yerba bueno i bebe un kòpi di
e yerba lou kada tres ora.
“Groene thee”:
Bebe dos òf tres
biaha pa dia un kòpi
di “groene thee” lou.
Ebony-Gwenn Martis
4 you-th magazine | página 5

6
4 you-th magazine | página
Studiante na mi propio isla!
E eksperiensia di Steven Beepat aki na Kòrsou
> Awendia tur studiante tin e posibilidat pa por studia aki na Kòrsou
mes, ora nan kaba skol sekundario! Un soño ku a bira realidat pa hopi
mayor i studiante. Pero kon e proseso ta hinká den otro? E diferensha
ta grandi kompará ku VSBO, HAVO i VWO? E aktitut di studiantenan
ta otro? E lèsnan ta mas kompliká? 4 You-th a entrevistá un hóben ku
a kaba skol sekundario na aña 2012 i ku a kuminsá su estudio na UNA
(University of Curaçao) pa haña kontesta riba e preguntanan aki i pa
sa ki su eksperensia ta. Ku hopi orguyo el a konta
nos tokante di su estudio i su skol.
Steven Beepat ta un hóben di 19 aña i e ta den su promé aña di e
estudio “Bouwkunde”. El a skohe pa studia na Kòrsou pa motibu ku
su famia ta biba akinan i e no ta mira dikon e mester bai Hulanda pa
studia “Bouwkunde” si e por hasi su estudio aki mes.
Steven a skohe e estudio di “Bouwkunde” komo ku e ta algu ku e
gusta i banda di esei e tin algun konosementu kaba di e estudio. El
a splika ku e studiantenan di “Bouwkunde” tin nan propio edifisio
inkluso un laboratorio i “studie ruimte” (ku kòmpiuter). Na su opinion
esaki sigur ta fasilitá e studiantenan: “Bo ta yega tur kaminda
fásil i lihé.” Ademas e ta di opinion ku: “Den e promé aña bo ta haña
hopi informashon i lo bo sinti bo mes mané di pròp ku informashon.
E lèsnan ta otro fo’i skol sekundario; e meta ta pa yuda bo i prepará
bo pa bo tèntamennan. Bo mester por traha independientemente;
abo tin ku hasi tur kos, bo tin ku sòru pa studia e materia i bo por
hasi pregunta den lès, si tin algu ku bo no a komprondé.” Steven ta
konsehá tur studiante pa no warda te lastu momentu pa siña: “Siña
fo’i trempan, paga bon tinu durante di lès!! Hasi bon uzo di e “studie
ruimte” tur dia pa pasa dor di e materia ku a keda tratá den lès!”
E estudio ta ofres’é masha hopi mes i e tin entre otro algun materia
teorétiko manera “Wiskunde”, “Bouwfysica”, “Communicatieve Vaardigheden”,
“Grond Mechanica”, “Theoretische Mechanica” i “Bouwmethodiek”.
“Bouwmethodiek” i “Bouwfysika” ta Steven su vaknan
favorito. Pero e estudio no tin teoria so, e tin tareanan práktiko
tambe manera investigashon di tera den laboratorio. Fuera di e estudio
Steven ta haña e ambiente na skol hopi dushi.
Finansiá bo estudio ku
Stichting Studiefinanciering Curaçao!
> Bo ke sigui studia pero mama i papa no tin sufisiente sèn pa finansiá
bo estudio? Stichting Studiefinanciering Curaçao (SSC) tei pa yuda bo!
Finansiamentu di estudio pa studiantenan
di SBO, HBO i WO
For di aña eskolar 2006/2007 SSC a introdusí
un sistema di finansiamentu di estudio nobo
pa tur studiante ku ke sigui un estudio rekonosé
via un instituto di estudio na Kòrsou òf
na Ulanda. Esaki no ta konta pa studiantenan
ku tin finansiamentu promé ku 2006.
E finansiamentu di estudio nobo di SSC aki
yama finansiamentu básiko i ta konsistí di:
un beka básiko, un beka komplementario i
un fiansa básiko. E finansiamentu básiko ta
kubri e gastunan di sèn di skol, sèn pa buki i
seguro. E beka básiko ta un aporte di Gobièrnu
pa stimulá estudio ku bo ta haña komo
fiansa te ora bo kumpli ku sierto kondishonnan.
Ku otro palabra e beka básiko ta mará
na prestashon.
Ta ferwagt di bo mayornan ku nan ta responsabilisá
pa 30% di e gastunan di estudio
esensial. Dependé di e entrada di bo mayornan
Gobièrnu ta supsidiá, segun un skema,
CURAÇAO
STEVEN NIHAILY
E studiantenan di “Bouwkunde” ta uní, manera un famia. Nan
ta yuda otro ku trahamentu di e diferente tarea, algu ku sigur ta
kumbiní nan tur.
Na final di e estudio di “Bouwkunde” bo por hasi hopi kos manera:
“Bouwkundig tekenen”, kalkulá proyektonan di konstrukshon,
manehá den e área di “Bouwkunde” na un ofisina di arkitekto i hopi
mas. E estudio ta dura 4 aña i ora bo kaba bo lo risibí bo diploma
riba nivel di “Bachelor”. Si bo skohe pa sigui studia 2 aña mas bo ta
risibí bo diploma riba nivel di “Master”, na momentu ku bo gradua.
Steven ta rekomendá tur hóben: “Sigui studia, pasó awendia bo no
por hasi hopi sin un diploma!”
Cheyenne Felicia
un parti di e suma òf tur e suma. E suma ku
Gobièrnu ta supsidiá èkstra pa bo mayornan,
yama beka komplementario. Pa e beka komplementario
ta konta e mesun kondishonnan
ku pa e beka básiko. Por skohe solamente
pa beka básiko i beka komplementario. E
fiansa básiko no ta obligatorio. Banda di
esei bo por hasi un petishon pa un èkstra
finansiamentu di estudio, un finansiamentu
pa bibienda i/òf un finansiamentu di estudio
komplementario.
COSTA RICA
Aktualmente Nihaily su estudio ta bayendo hopi bon. E skolnan
ta brinda Nihaily diferente opshon, manera kuantu vak e ke sigui
i esei ta pone ku por ehèmpel e mes ta disidí kon lihé òf ménos
lihé e por bai òf kon e ke paga su lèsnan. I komo ku bo tin e
chèns di skohe, bo por kontrolá e kantidat di strès hopi mas fásil.
Den Nihaily su kaso e ta gusta su estudio hopi, pasobra hopi di e
vaknan tin hopi relevansia, dor ku nan ta hopi spesífiko.
Tambe Nihaily gusta e pais riba su mes hopi. El a ekspresá esei
asin’aki: “Costa Rica ta un pais masha dushi mes. E naturalesa
ta hopi bunita, pues un pais ku ta brinda un bon alimentashon.
Tambe e siudadanonan ta hopi dushi pa anda kuné.” Banda di
skol, tur djasabra ora Nihaily tin tempu liber, e i su amiganan na
Costa Rica ta bai kanta na un kas di ansiano. “Kanta so, nada mas.
Finansiamentu di estudio pa studiantenan di HAVO i VWO
Pa mayornan ku un entrada abou (ANG 50.000,- òf ménos pa aña),
Gobièrnu ta kompensá, òf nos por yam’é un ayudo soshal pa kubri,
e gastunan di estudio. Un kompensashon pa kubri e gastunan di
estudio no ta un finansiamentu di estudio. E studiante òf e mayornan
no mester paga e kompensashon aki bèk. E ta konta solamente pa
studiantenan ku ta sigui un estudio na skolnan sekundario, rekonosé
dor di Gobièrnu Insular di Kòrsou, aki na Kòrsou.
E kompensashon ta kubri: sèn pa skol, te un máksimo di ANG. 2.400,-
pa aña (dependiente di e entrada di e mayornan); buki i material, pa
skol un suma di ANG 800,- pa aña (entrada di mayornan mester ta
No muchu leu fo’i kas!
E eksperensha di Nihaily Maduro na Costa Rica
> Ataaaa!! Aña eskolar 2013 ta bai kaba. Bo a pensa kaba unda bo
ta bai studia; Hulanda òf Merka? Òf kisas bo a pensa pa bai studia
den region, pero bo no ta sigur di esei ainda? Awèl, laga mi duna bo
un tiki mas informashon a base di e eksperensia di Nihaily Maduro.
Nihaily Maduro ta un hóben di 20 aña ku a skohe pa bai studia na Costa Rica. El a gradua
aña pasá na Maria Immaculata Lyceum, un skol riba nivel di HAVO/VWO. Kisas, lo bo ta
puntra bo mes: kon bin Nihaily a disidí di bai studia na Costa Rica?
Komo kontesta riba e pregunta aki Nihaily a duna 3 motibu. E promé motibu tabata, ku
un par di aña pasá tabatin un anochi di informashon kaminda un universidat na Costa
Rica a bin duna informashon na Kòrsou. Despues di esei Nihaily su gana pa bai studia na
Costa Rica a bira mas grandi. E di dos motibu tabata, ku tanten Nihaily tabata buska mas
informashon tokante studia na Costa Rica el a bin será konosí ku un sikólogo i dòkter ku
tambe a studia na Costa Rica. E sikólogo i e dòkter a konta Nihaily di nan eksperensia i
nan a dun’é hopi tep ku a yud’é hopi bon. E di tres motibu tin di haber ku un prima di
Nihaily ku tambe a studia na Costa Rica un par di aña pasá. El a yuda Nihaily tambe ku
kaminda pa keda i otro kosnan ku ta nesesario den preparashon pa bai studia afó. Loke
tambe ta importante pa Nihaily por logra studia na Costa Rica ta un beka. No tabata difísil
pa Nihaily yega na su beka, debí ku nèt den e temporada ku Nihaily a kuminsá prepará su
papelnan p’e bai studia na Costa Rica, SSC a kuminsá ku e plan pa bai studia den region.
Pues nèt na un bon momentu; esaki a pone ku Nihaily a apliká pa e beka i keda kla
relativamente lihé.
Mi ta muchu okupá bibando mi dushi bida”, Nihaily a laga sa.
Nihaily a finalisá ku un mensahe pa nos hóbennan ku ta bisa:
“Studia loke bo ta gusta, no pa e sèn òf pasó nan a bisabo hasi
esei. Pasobra no tin un kos ku mi gusta mas ku ta mi estudio mes,
anto esei ta pasobra mi ta hañando i siñando kosnan ku ta interesá
mi. Esei ta hasi mi añanan di estudio un periodo sin strès.”
Hariendo Nihaily ta sigui bisa: “Ora mi mama puntra mi, ku mi tin
strès pa ku siman di tèntamen, mi kontesta ta NÒ. I esei ta dor ku
mi ta gusta loke mi ta hasi, i e no ta un obligashon!”
Hóben, bo a mira kon studia den region tambe por ta dushi i fásil?
Tuma Nihaily su konseho, i lo bo wak kon dushi i fásil bo estudio
lo bai i kon eksitoso lo bo bira, meskos ku Nihaily.
mas abou ku ANG 50.000,- pa aña). Ta paga e kompensashon den 10
luna i ta prolongá esaki kada aña eskolar segun resultadonan positivo
di prestashon di e studiante.
Pa mas informashon bishitá: www.ssc.an
Ebony-Gwenn Martis
Brianna-Gwenn Martis
4 you-th magazine | página 7

8
4 you-th magazine | página
MUNDU DI DEPORTE
Abo ke spesialisá den deporte?
> Tin hopi manera pa bo bira un deportista profeshonal,
speshalmente si bo ta gusta deporte i bo
ke hasi esaki bo trabou. Primeramente dor di destaká
den bo deporte bo ta mustra bo potensial. Bo
por bira profeshonal ku yudansa di skol tambe; ta
posibel ku skolnan ta duna ‘scholarschip’ si nan
ta mira ku bo ta presta bon na skol i bo tin pashon
pa un deporte. Aki ta sigui un skema di tur e
posibel estudionan i kursonan ku bo por hasi aki
na Kòrsou den e rango deportivo. Tur ta opshonnan
pa ora bo kaba skol sekundario ku e deseo
di sigui ku bo estudio na nivel di SBO òf HBO.
E siguiente opshonnan no tin di haber ku un spòrt pero nan ta
yuda bo ku algun moveshon i tambe disiplina:
• Korps Politie Curaçao, T: 866-6143 / 866-6152
• Kustwacht, www.kustwacht.an
• Koninklijke Marine, www.werkenbijdemarine.nl
Algun eskoho ku por hasi si bo ta mas interesá den moveshon di
e kurpa: Na College of the Dutch Caribbean, wèpsait: www.cdc.an.
“Sport– en bewegingsleider” Nivel 3 2 aña di estudio
“Sport– en bewegingscoördinator” Nivel 4 3 aña di estudio
‘Sociale Vormingsplicht a yuda mi tambe!!’
Elberry Hariquez
> Elberry ta un hóben di 18 aña di edat ku ta gusta
sali, gusta hari i ku ta hopi trankil. Ku su 17 aña el
a stòp di bai skol, e tempu ei St.Paulus College.
Mirando e desishon robes ku el a tuma i preokupá pa
su futuro un miembro di famia a konseh’é pa bishitá
Sociale Vormingsplicht(SVP) pa e por risibí guia i
yudansa. Na promé instante e no tabata sigur si ta
esei tabata su deseo. “Yudansa pa kiko si ya mi a tuma
un desishon?” el a pensa. Pero despues di un par di
siman Elberry a realisá ku e no ke keda kas pòrnada,
pues el a disidí di bai wak ta kiko tin na SVP.
Asina el a kuminsá bai un kurso di 5 siman largu na FEFFIK ku
SVP a duna tur mainta di 8 or pa 12 or. Durante e kurso aki Elberry,
huntu ku 13 otro hóben, tabata siña kon pa dil ku problema,
ku rabia i hopi mas. Despues di e 5 simannan di kurso Ellbery a
slag ku e oportunidat pa skohe e fishi ku e ta deseá di hasi. Asina
el a kuminsá traha na DOK komo un persona ku ta konstruí stèngel
i riba djarason e tabata bai skol (RIMCO) pa siña mas di traha
stèngel. Despues di a sigui lès 3 luna na RIMCO Elberry a kontinuá
ku su trabou na DOK. Na luna di aprel el a haña un apelashon pa
traha na ISLA. Su trabou na ISLA ta pa instalá stèngel den ISLA
i pafó di tereno. Segun Elberry e trabou ta un trabou dushi i e
gusta su koleganan; nan ta trat’é bon!
Si bo ke spesialisá den e área aki bo por hasi HBO na Hulanda. Aki
ta sigui algun ehèmpel:
Studie
“International Lifestyle Studies (B Lifestyle)” 4
“Bewegingstechnologie” 4
“Leraar Lichamelijke Oefening eerste graad V.O.” 4
“Psychomotorische Therapie en Bewegingsagogie” 4
“Sport en Bewegingsinnovatie” 2
“Sport en Bewegen” 4
“Sport en Bewegingseducatie” 4
“Sport, Gezondheid en Management” 4
“Sport-Management” 4
“Sportfysiotherapie” 2.5 pa 3
Su vishon pa aki 4 aña ta ku e lo ta un empleado na ISLA ainda i
un bon siudadano, yudando tur hende kaminda ku e por. Ku e lo
sigui praktiká e deporte di futbòl i ser profeshonal den tur loke ku
e ta hasi. Elberry ke duna un danki speshal na tur e trahadónan di
SVP ku a yud’é yega kaminda ku e ta aworakí. E ta rekonosé ku
sin nan yudansa lo e tabata sin pariba i sin pabou!
Un mensahe di Elberry pa tur hóben:
“SVP a yuda ami bon i e por yuda abo tambe. No keda kas. Sin
edukashon bo no ta yega masha leu! Realmente ami lo konsehá
tur hende ku ke stòp di bai skol pa pasa na SVP pa nan por yuda
bo! Tuma un desishon sabí, ku bista pa futuro.”
Pa mas informashon por yama nos na:
Aña di estudio
Angelo Engelhart
(Advertorial)
Formashon Sosial Obligatorio, Scharlooweg 102, tel.: 465-0249
NEDERLAND
DANIEL
Antisipando pa bai
Hulanda
Ora ku Daniel yega Hulanda e tin
e siguiente gastunan:
– Hür di kamber
– Kontribushon di skol
– Trein
– Mester hasi kompra
– Kontribushon di su klup di futbòl
Daniel su bida nobo i
independiente!
> Daniel* un hóben di 19 aña ku a tèrminá su estudio na Frater Aurelio
MBO (FAMBO), awor ta bai kuminsá un otro estudio na Hulanda.
Esaki ta promé biaha ku Daniel ta bai Hulanda, pues e ta hopi entusiasmá.
Danki Dios e ta dominá hulandes bon; un problema ménos.
Meskos ku mayoria otro hóben ku ta bai studia afó ku Stichting Studiefinanciering
Curaçao (SSC), Daniel ta bayendo diferente ‘training’ pa
e konosé su mes i su karakter. E bida independiente na Hulanda lo ta
un kambio drástiko pa Daniel i e otro studiantenan i e ta bon na altura
di esaki.
Na Kòrsou
Aki na Kòrsou, apesar ku Daniel tabata siña su lèsnan, e tabata kue un djòp na supermerkado.
Ku e sèn ku e haña ei, e sa bai fiesta, sali ku su amigunan, kumpra paña i kèts. Banda di
esaki Daniel no tabatin niun gastu i e no tabata buska esaki tampoko. Ora Daniel tabata
bashí, semper e ta bai fia sèn serka su mama sin nunka paga su mama bèk. Pero Daniel
ta konsiente ku lo no tin ganga mas aya na Hulanda, pasó mama no tei! E lo e mester
kustumbrá ku hopi kos.
Ya el a plania kaba ku e promé kos ku e lo hasi ora ku e yega Hulanda ta drenta un klup di
futbòl manera e ta hasi kaba aki na Kòrsou. “Hungamentu di futbòl lo yuda mi kontrolá mi
nervionan di “heimwee” sigur!”, e ta pensa.
Na Hulanda
Awor ku Daniel a yega Hulanda e no por kontrolá su nervionan. Tur kos ku bai robes i ta
pone Daniel rabia. Daniel no tin kontròl mas i ta pèrdè pasenshi masha lihé mes. E bida
independiente ta mas difísil ku el a pensa! Futbòl no ta yudando mashá na promé instante, e
no tin mashá amistat, sèn ta hopi tiki i ta parse ku tur kos ta bai robes. Segun dia ta bai el a
bin konosé un mucha muhé ku a yud’é hopi bon i asina su nervionan a kuminsá baha i bira
ménos. E ta determiná atrobe. I ku yudansa di su amiga nobo i su mentor el a siña kontrolá
su mes i keda di focus. Asina el a bin siña ku perseveransia i determinashon e por logra hopi!
Mas ku el a pensa. Despues di 4 aña di lucha Daniel a terminá su estudio ku éksito i ku un
sonrisa grandi riba su kara el a bula bai Kòrsou bèk serka su mama i famianan.
Ku nervio i sin pasenshi bo no ta logra nada. Pa por yega na algu bo tin ku gatia, kana i asta
kore pa yega na dje. Pues si abo hóben ta bai studia afó, no permití pa nada stroba bo di
logra bo metanan! Bai i alkansá bo soño!
*Daniel ta un personahe fiktisio
Trisha Passial
Bo a tende kaba di Girobank scholarship?
Bo ta motivá, ku gana di kaba bo estudio i bo ta kumpli ku eksigensianan
nesesario? Wèl kisas un scholarship di Girobank ta algu pa
bo! Girobank ta kubri kosto di inskripshon, kosto di buki, unifòrm,
zakgeld, “bijles” i kualke otro kosto ku por stroba bo estudio. Tin un
grupo di mentor bon di trein pa yuda bo den e trayekto aki.
E eksigensianan ta:
– E beka ta konta solamente si bo ke studia na Kòrsou òf Boneiru
– Bo no a keda sinta nunka
– Average di bo puntonan ta 7.0 òf mas haltu
– Bo ta studiando riba nivel di HAVO, VWO, SBO, HBO òf WO
– Bo tin entre 15- 20 aña
Inskripshon pa e aña eskolar 2014/2015 lo kuminsá na aprel 2014.
Keda alerta pa ma informashon via nos medionan di komunikashon
òf bishitá nos wèpsait www.girobank.an.
Nazjirah Bito
9
4 you-th magazine | página

10
4 you-th magazine | página
Mi ta preferá di
bai studia na
Hulanda komo ku
e nivel di estudio
na Kòrsou no ta
asina avansá.
Pues mi ta
preferá di studia
na Hulanda i ku
fe den Dios lo mi
logra mi meta.
Ami lo a skohe Hulanda, un pais afó
ya mi ta konosé otro parti di mundu
i alabes, mi tin ku bai kustumá ku e
manera di biba ayanan kual ta pone ku
sierto puntonan di mi karakter i manera
di pensa lo kambia. I sigur lo mi sòru pa
nan kambia positivamente!
Ami ta preferá bai studia na Hulanda,
pasobra Hulanda tin hopi mas variashon
den estudio, i tin e posibilidat pa bo
studia i eksperensiá diferente estudio
ku ainda no tin aki na Kòrsou. I kon ku
bai bin na Kòrsou tambe bo por studia,
pero Kòrsou ta hopi mas chikitu i bo tin
mas oportunidat na Hulanda pa bo yega
mas leu, speshalmente si bo ke hasi un
estudio ku no tin na Kòrsou.
Naturalmente lo ta “great” tambe pa bo
eksperensiá e bida i baimentu di skol den
eksterior. Anto kòrda ku semper bo tin e
chèns di bin bo isla bèk.
Ami lo ke hasi mi estudio na Kòrsou mes, pasobra e posibilidat
tei i lo mi por ta serka di mi famia i amistatnan. Ademas di esei e
gastunan di estudio lo ta ménos.
Mi ke bai studia na Merka pasobra ei
e universidatnan ta mas profeshonal i
ademas Merka ta un pais hopi “leuk”.
Mi ta preferá keda na Kòrsou, pasó mi
no tin mester di bai te na Hulanda pa mi
estudio i mi ke keda aki pa yuda Kòrsou
bai dilanti.
Mi ta preferá Kòrsou mes, pasó aki mi tin tur kos kaba
anto mi no ta kla pa bai otro kaminda bai forma un bida
kompletamente di nobo den un otro kultura. Si mi por hasi un
estudio na Kòrsou mes lo mi keda sigur!
Ami lo ke studia lei na nivel di HBO aki
na Kòrsou i ora mi kaba lo mi ke bai
speshalisá pa hues na Hulanda. Mi a
biba na Hulanda i mi ta sinti mi kómodo
bibando na un pais ku mi konosé kaba.
Esei sigur ta hunga un ròl pa mi.
Ademas, Hulanda tin bon skol kaminda
mi tin hopi mas oportunidat pa por
studia i yega leu.
Aña eskolar ta yegando su fin
i hopi ta esnan ku a tuma un
desishon pa bai sigui studia
den eksterior. Danki na SSC e
posibilidatnan pa hasi esaki
a bira mas amplio; awor tin e
posibilidat pa studia den region
tambe! Mas ku klaro, kada hóben
tin nan propio opinion tokante
e asuntu aki. 4 You-th a bishitá
skolnan i a hasi algun hóben e
siguiente pregunta: Unda abo ta
preferá di bai studia i dikon?
Mi ta preferá di
bai studia na
Merka komo ku
ei tin diferente
posibilidat pa
mi por ampliá
mi karera komo
un “business
person”.
Mi ke bai studia na Hulanda pasobra
einan mi tin hopi famia i tin hopi skol
den e sektor ku mi ke skohe. Ademas e
ta hopi “leuk” pa ami i mi famia.
Mi ke sigui mi estudio na Akademia Pedagógiko pasobra den
mi karera di profeshonal mi ke bira un maestra di skol pa
sigui guia i duna nos muchanan un bon edukashon.
213
Lo mi ke bira un arkeólogo. Mi no sa presis unda lo mi lo ke bai studia ainda, pero
lo mi ke bai Hulanda tòg durante e promé añanan. Segun mi sigui studia mi ke sigui
biaha bai otro paisnan pa mi siña konosé mas kultura i eksplorá mundu. Esaki ta
nesesario den e estudio di arkeologia, komo ku e ta un estudio kaminda bo ta eksplorá
historia di diferente pais.
Lo mi ke keda studia na mi mes isla, na Universidat di Kòrsou
(University of Curaçao - UoC anterior UNA), pasó mi por studia
lokual ku mi ke akinan mes. P’esei mi no tin nesesidat di bai
otro pais.
Ami lo tin gana di studia na Hulanda òf un otro pais afó pasobra
einan e posibilidat pa yega mas leu ku mi estudio ta mas grandi.
Banda di esaki mi ta konosé otro partinan di mundu tambe.
Merka, pasó e pais aki ta konosí rònt mundu i einan tin hopi oportunidat pa estudio.
Mi ta preferá keda studia aki na Kòrsou i biba huntu ku mi mama, pasó ora ku
mi bai afó, mi no ta bai dediká tur mi tempu na mi skol tòg. Lo mi bai hasi otro
kos pasó no tin hende pa keda riba mi pa ponemi siña dor ku mi ta riba mi mes.
187
85
11
4 you-th magazine | página

12
4 you-th magazine | página
MODELO: TIZANIA CHRISTINA ROOI
& GYNADRIC ANASTACIA
FOTÓGRAFO: CARLO WALLE
ESTILISTA: ED ANSANO &
VINANSHELY BONOVASIA
PAÑA, SAPATU I ASESORIO TIZANIA: BUY WISE
PAÑA, SAPATU I ASESORIO GYNADRIC:
DESTINY FOR MEN
KU KOPERASHON DI: WTC & HATO AIRPORT
13
4 you-th magazine | página
Fashion shoot

14
4 you-th magazine | página
Slòfnan ku lo yuda bo kòrda riba
bo dushi isla Kòrsou. Optenibel na
Zazou, Punda.
Tas trèndi i hèndi pa abo mucha
hòmber. Pasa busk'é na Timberland
den Punda.
E famoso T-shirt ku palabranan na
papiamentu. Optenibel na diferente koló na
Monart Souveniershop, Riffort.
Bunita leshi pa pone potrèt di abo i
bo famia. Optenibel na Zazou
Un oloshi lo yuda bo yega na tempu
sigur! Optenibel na Noble Jewelers,
Punda.
"Kookboek" hopi "leuk" i variá,
speshal pa studiante. Optenibel na
Mensing’s Caminada.
Oloshi di último moda, optenibel
na Bisjoe4joe, Schottegatweg t/o
Promenade.
Maletin pa warda makiyahe òf
asesorio pa abo mucha muhé.
Optenibel na Benetton Punda i Saliña.
E famoso T-shirt ku palabranan na
papiamentu. Optenibel na diferente koló
riba www.shirtsandwords.com
Bo no por bai sin bo CD di Cache! Royale i
Live optenibel na Tik Tak Punda.
Un dushi buki pa bo lesa den avion òf djis pa
bo tin den bo kolekshon di buki; Herinneringen
aan Curaçao. Optenibel na Mensing's Caminada
i Bruna.
Beats Solo HD On-ear, optenibel na diferente
koló na Computerworld, Zeelandia.
> Porfin mi ta finalisando mi último aña di estudio aki na
Kòrsou ya mi por sigui studia den eksterior. Den promé
mi tabata asina entusiasmá pasobra mi ta bai studia na
un otro pais, pero awor ku e dianan ta aserkando mi no ta
asina sigur mas si mi ke bai. Ki mi hasi?
E sintimentu aki ta lokual ta bini dilanti serka
mayoria hóben. Un di e motibunan prinsipal
i komun ta e echo ku bo mayornan no tei.
Ni maske kuantu nan por ta kansa bo tin
bia, tòg lo bo bai sinti nan falta. Pero bo no
mester pèrdè for di bista ku bo ta bai pa bo
mes bon. No desviá for di riba e kaminda.
Anto kòrda ku Kòrsou su brasanan ta hanchu
habri pa bo. Bai p’e, bo por!
* prikbord
Mi ta deseá bo hopi forsa pa bo tèrminá bo
estudio ku éksito. Mi ta kere ku bo tin un
tiki miedu pa loke bo ta bai enfrentá den
eksterior komo ku bo ta bai kuminsá kompletamente
di nobo. Bo no mester ta spanta
kòrda bo meta i tur e kosnan bon ku bo
tin plania pa futuro. Tempu lo pasa un bes!
fásilmente bo por ser influensiá dor di otro.
Bo ta interesá den komunikashon, bo por duna
informashon na un manera efektivo, bo tin un bon sentido
di humor i bo tin entre 14-21 aña di edat? Awèl, ata bo
chèns! 4 You-th Magazine ta buskando lokutornan hóben i
dinámiko pa un proyekto radial ku ta na kaminda.
Si bo ta interesá tuma kontakto ku nos dor di manda un
e-mail na 4you-th@passaatdesign.com ku bo nòmber,
number di telefòn, edat i skol. Esaki ta bo chèns hóben,
wak pa bo no pèrd'é!
15
4 you-th magazine | página

16
4 you-th magazine | página
Bula bon prepará ku Stichting
Studiefinanciering Curaçao!
Kombersashon rondó di mesa ku: Carla Martina, Lunita Caldera, Hannella Broos, Elton villareal i Maharo Isenia
> Mayoria di nos hóbennan ta bai studia sea na Merka
òf Hulanda. Pa bai studia afó bo mester tin 18 aña òf
mas. Si bo ke bai studia den eksterior i bo edat ta
mas abou ku esaki, bo mester bai ku un tutor (voogd).
Promé ku e studiantenan bai studia afó nan ta hasi dos tèst esaki
nan ta: un tèst di motivashon i un di eksigensha, sa yama esaki
tèst di profil tambe (Motivatietest & Vereis, profiel test). Esakinan
ta 16 motivashon pa wak si lokual e studiante a skohe pa bai studia
ta kuadra kuné. Por ehèmpel, si un studiante skohe pa bai bira
“stewardess”, nos ta wak si e ta bon den “teamwork”, si e ta un
hóben ku gusta move i ku ta hopi lihé. Ademas e studiantenan aki
ta haña diferente ‘training’ kaminda nan ta siña kon pa: plania, ser
asertivo, komuniká, dil ku konflikto, dil ku e kambionan i “heimwee”
den kaso ku mama òf tata no tei, dil ku e kambio di wer i ku soledat,
skohe kiko ta kome, traha presupuesto (budgettering) etc. E
aña aki e studiantenan a kuminsá haña lès di hulandes tambe. Den
e lès di traha presupuesto (budgettering) studiantenan ta siña kon
pa anda ku sèn. Ora ku bo ta biba huntu ku bo mayor den kas i ku
sèn kaba, bo ta kore bai pidi mayor fia bo un montante di sèn. Pero
den eksterior sí bo mayor no tei. Pues bo mester por sa kon bo ta
hinka bo kosnan den otro pa asina e montante di sèn ku bo haña
por yega te fin di luna.
Trainingnan
Durante e trainingnan nan ta siña tambe kon pa atendé ku otro hende,
kon pa solushoná problema sin tin ku pleita òf zundra, i kon pa
atendé ku miedu. Na nan yegada, e studiantenan ta haña un mentor
tambe pa sigui guia nan den kada problema, miedu òf reto ku nan
por tin. Aki ta sigui algun ehèmpel di e konsehonan ku ta bin dilanti
den e diferente ‘training’nan:
Asertividat
Para duru; no laga hende pasa riba bo; sali pa bo mes.
Planifikashon
Siña plania, siña ta na ora ku bo tareanan di entregá pa skol.
“Do not procrastinate!”
Miedu
Si bo bisa bo no por, e no ta bai. Bo balor propio ta baha i bo ta
kuminsá pèrdè konfiansa den bo mes.
Kuminda i nutrishon
Siña kome loke ku bo tin. Siña kome salú. Ora ta hasi friu bo “weerstand”
ta baha, p’esei bo mester kome salú, balansá i konsentrá pa
asina bo kurpa por haña vitamina i por subi bo “weerstand” bèk i
evitá ku bo kurpa ta vulnerabel pa malesa.
“Feedback”
Siña bisa un hende di su mal komportashon na un manera adekuá,
sin ku e persona ta sinti su mes ofendí. Por ehèmpel: En bes di bisa
un hende:“He é bo ta laaat! Wak pa bo bin na ora otro biaha!’’, bo
por bis’é:“ Bo ta kere otro biaha sí bo por yega na tempu?
Pa mas informashon tokante studia den region tuma kontakto ku
Stichting Studiefinanciering Curaçao (SSC). T: 737 8488
Trisha Passial
Kada studiante ku bai Hulanda ta haña 900 euro pa luna den nan
man. Ku e montante aki mester kuminsá na paga hür di kamber, kual
ta 400 euro pa luna. Banda di esaki studiantenan tin e posibilidat pa
por bira miembro di kompania di telefòn kual ta kosta 50 euro pa
luna. Ainda mas tin ku hasi kompra na supermerkado, kumpra kos di
uzo i sòru pa e sobra kosnan ku ta nesesario pa por sobrebibí. Ora
ku studiantenan yega Hulanda nan ta yega den zomer pues ainda e
wer ta un tiki dushi. Ta ora ku tin ku bai atendé ku wenter e ta bira
un tiki ferfelu.
Kondishonnan i kriterionan pa haña
finansiamentu pa region
Pa por risibí finansiamentu pa estudio den region mester tene
kuenta ku entre otro e siguiente puntonan:
• Tantu paisnan den Karibe komo paisnan den kontinente
Merikano ta keda konsiderá komo region;
• Studiante mester bai skol i sigui un estudio di tempu kompletu;
• E finansiamentu ta konsistí di 40% beka i 60% fiansa;
• Finansiamentu ta mará na prestashon di e studiante, pues e
studiante mester manda su resultadonan aka démiko;
• Mayornan mester por proba ku nan por kubri e gastu nan
adishonal ku SSC no ta kubri;
• Dentro di un aña ku e studiante kaba òf stòp di studia, e ta
paga SSC e fiansa bèk den un lapso di 5, 10 òf 15 aña;
• Despues di e estudio, e studiante mester traha 5 aña
konsekutivo na Kòrsou pa su beka bira un regalo.
"Trendy Jobs 2013"
> Ekonomia ta kresiendo dia pa dia mas tantu i trabounan nobo ta subiendo merkado òf
trabounan ménos importante ta birando dia pa dia mas importante. Komo hóben nos tur ke
kuminsá traha riba nos futuro for di awor dor di hasi eskohonan korekto pa ku nos estudio
òf dor di sa kon pa hasi nos talento i pashon nos trabou. Den e artíkulo aki lo bo haña algun
trabou ku ta hopi gustá, importante pa ekonomia i ku ta resultá den un bon entrada. Algun di
nan ta rekerí un diploma i otronan ta rekerí kreatividat i originalidat.
Diseñadó gráfiko
Internèt ta un di e medionan di
komunikashon mas uzá. Uzo di
Internèt por tin un efekto grandi
riba bo produkto. Tur negoshi ku
ke tin su propio wèpsait mester di
personanan ku konosé e área aki
bon pa asina por bini ku diseñonan
atraktivo i dinámiko pa atraé kliente.
E kos di mas “great” ta ku bo por
ehersé e trabou aki unda ku ta
i ki ora ku ta. Bo no ta mará un
ofisina, ni orario di 8 or’ pa 5 or’.
Si bo ta un hende kreativo ku gusta
teknologia esaki ta pas nèt bon ku
bo!
Traduktor
Si bo por dominá mas ku un idioma i bo ta
gusta e trabou di tradusí bo tin chèns pa
haña un trabou fásil awendia! E kresementu
di mundu di negoshi na nivel internashonal
ta hasiendo e trabou di un traduktor hopi
importante. Un traduktor ta nesesario tambe
na un skol, konferensha òf sentro turístiko.
Estilista
E trabou di estilista ta birando kada dia
mas na moda. Un stilista ta un persona
kreativo ku tin e trabou di kolaborá ku e
deseo di por ehèmpel su klientela, fotógrafo
òf makiyadó pa asina yega na e konsepto
visual deseá. Awendia pakusnan renombrá
aki na Kòrsou tin nan propio stilista ku ta
drecha e pakus na un manera ku ta atraé
kliente! Aki kreatividat i originalidat ta konta!
Diseñadó di fiesta
Bo por kombiná koló bon òf tin
ideanan apart? Esaki lo ta un
trabou ku ta fit nèt bon ku bo!
Mayoria persona ta kontratá un
hende pa plania nan fiesta pa
nan ya asina nan tin ménos doló
di kabes. E kos di mas “leuk” ta
ku un estudio no ta nesesario pa
por hasi e trabou aki.
Asistente di dòkter
E profeshonnan ku sigur nunka
no ta bai for di moda ta esnan
den e rango di salubridat.
Bou di e trabou di asistente
di dòkter ta kai tur loke ta
atministrashon, atendé ku
remedi i duna servisio médiko.
Farmakólogo
Tin hopi persona ku ta
dependé di remedi pa
nan por funshoná. Kisas e
trabou no ta unu “wauw”
pero e ta “great” i tin un
nesesidat grandi p’e!
Shurayne Fenny
17
4 you-th magazine | página

18
4 you-th magazine | página
Artista Shartella Santiago di Art Is My Life:
“Sigui bo instinto i hasi bo deseo realidat!”
> Shartella Santiago ta un artista, ku ta traha diferente tipo di
arte, mundialmente konosí. Pa esunnan ku konosé Shartella for di
chikí esaki sigur lo no ta un sorpresa. For di su 8 aña ya e tabata
pinta, kose paña (entre otro pa grupo di Karnaval) i hasi otro
tipo di obra di man. Tambe e tabata partisipá i gana premio den
kompetenshanan di pintamentu. Banda di esaki Shartella tabata
soña di bira un artista i e tabata sigui vários kurso riba tereno
di obra di man i arte, ku su mama tabata enkurash’ é pa hasi.
Despues di tempu Shartella a terminá na
Akademia di Moda (Mode Vakschool) na
Kòrsou. Remarkabel tabata ku pa bo drenta
e Akademia bo mester a sigui un estudio na
nivel mas haltu ku Shartella tabatin. Pero e
maestro di skol a keda asina impreshoná ku
tur loke Shartella ya a traha na e diferente
kurso ku el a sigui, ku el a disidí di dun’é e
chèns pa drenta e Akademia.
Ora ku Shartella tabatin 17 aña el a bai
Hulanda ku e intenshon di pasa su fakansi
ei, pero a resultá ku el a keda biba aya. Na
Hulanda el a sigui studia na diferente Akademia
di Moda, el a hasi un kurso di ‘Sierlasser’
(8 dia) i un estudio di Smet (1 aña i mei);
tur sobra akshon ku el a tuma tabata basa
riba su propio talento i kreatividat. Banda
di esaki el a sigui un estudio di ‘Visagie’ i
el a traha den teatronan grandi hasiendo
makiyahe.
E echo ku Shartella ta e úniko hende muhé
den mundu ku ta ehersé e tipo di arte aki,
pues ‘Sierlasser’ i Smet, el a bira asina famá
ku asta a traha un busto di dje ku ta pará na
Kiev, Ukrania. I e manera kon el a kuminsá na
e kurso di Smet kisas ta ainda mas remarkabel.
Na un evento sosial e maestro ku ta duna
e kurso di Smet tabata presente. Den kombersashon
el a bisa e maestro ku e tambe
por hasi e forma di arte ei. E maestro no
tabata di akuerdo; pues Shartela a kuminsá
sigui e kurso pa demonstr’é lo kontrario, ya
ku e si tabata asina konvensí ku e por.
Mirando bèk riba su karera artístiko Shartella
ta konsehá hóbennan ku lo kier sigui
un karera profeshonal riba tereno di arte pa:
“sigui bo instinto/deseo, i hasi bo deseo bira
realidat; paso ta abo so por hasi esei. Skucha
bo mes!” E karakter impulsivo, motivá, determiná
i ku perseveransha i un deseo propio di
Shartella, a hib’é kaminda e ta awe.
Despues di a biba na Europa (Hulanda i Bèlgika)
pa 26 aña el a bolbe bèk su isla natal.
Aworakí e tin su propio negoshi ku ta bende
entre otro prenda ku e mes a traha, pero
tambe otro tipo di arte. Banda di esaki e ta
tuma tareanan spesífiko tambe serka kliente.
I e ta representá Kòrsou den kompetenshanan
den eksterior. Su ambishonnan ta grandi
i den futuro sigur nos por spera mas di Shartella
Santiago, pues keda pendiente!
NÒMBER:
Shartella Santiago
FISHI:
Artista riba tereno di smet, prenda, pintamentu,
makiyahe, ‘body paint’ i modelahe
E-MAIL:
shatten8@hotmail.com
SELULAR:
695-8335
> Shurminia Martina-Rafaël (30), nasé na Kòrsou,
kasá ku Jonathan Martina, tin dos yu Joshua i Shelomi.
E ta un eks miembro di hefe di redakshon di
4You-th Magazine i aktualmente trahando komo ‘PR
en Communicatie medewerker’ na Stichting voor
Gehandicapten- en Revalidatiezorg (SGR-groep).
E ta un persona amabel i ta sintié bon ora e por yuda
un persona bai dilanti. E ta respetá hende i ta spera
tambe di haña rèspèt. E gusta ta den ambiente
sosial, pero den grupo chikí. E gusta hari i e ta hopi
kreativo. E ta un persona hopi spiritual. E ta kere ku
ta danki Kristu Hesus e tin tur loke e mester.
Kiko bo gusta di bo trabou?
‘Mi trabou ta hopi amplio. Mi ta hasi hopi kos ku mi ta gusta. Loke
mas mi gusta di mi trabou ta pensa strategia kon pa hiba un mensahe
na un grupo di hende di forma ku nan ta komprondé korektamente i
asta nan por aktua danki na e mensahe aki. Mi gusta presentá dilanti
di públiko, i esei tambe ta algu ku mi trabou ta permití mi hasi ora
mi ta moderador òf ora mi presentá un programa di televishon.’
Dikon bo a skohe e profeshon?
‘Semper mi ta un hende ku ta gusta papia. Mi tabata gosa di
mira hendenan ku ta hasi trabou di relashonista públiko. Tempu
mi tabata mucha mi tabata papia hopi. Semper mi rapòrt tabata
bini ku anotashon ku mi ta papia hopi den klas. Aparentemente e
papiamentu hopi no tabata un di malu pa mi;mas bien e ta un don.
Komunikashon ta un don. Tantu di persona pa persona, pero tambe
pa bo por pensa kon pa komuniká ku un grupo. Pues e echo ku awe
mi ta un eksperto den komunikashon ta mas ku tur kos pasobra Dios
a duna mi e don ei.’
Kiko ta e kos ku bo a siña di tur e añanan ku bo a traha?
‘Mi a siña ku den bo trabou bo mester tin plaser. P’esei ta importante
pa skohe bo profeshon bon. Skohe algu ku abo ta gusta. Bo trabou
mester brinda satisfakshon riba tur tereno, no solamente e parti
finansiero. Kaminda ku bo ta sinti ku e ta pèrdè su grasia bo mes
mester hinka bida aden. M’a siña ku bo mester traha ku pashon.
Beibel ta bisa traha den bo trabou manera ta pa Dios bo ta traha.
Algu mas ku mi a siña ta: “Go the extra mile”. Laga bo hefe, bo
koleganan, bo klientenan sinti ku bo ta hasi tur loke ta den bo pa
duna bon servisio i ta produktivo. Sinembargo, no hasié pa hende
so, pero hasié pa bo mes. Reta bo mes, purba hasi kos ku nunka
promé bo a hasi, asina bo ta tene bo mes bei.’
Bo bida eskolar a kana sin problema?
‘Despues di kaba VWO na Radulphus College, sin nunka a keda
sinta. M’a bai studia na Hulanda. Ora mi mira bèk, kisas mi no
a pensa sufisiente promé mi a tuma e paso aki. Mi tabatin hopi
amiga na Hulanda i mi tabata mira esaki mi chèns pa bai i konos’é
mundu. Anto ademas, mi ker a hasi algu den PR i no tabatin un
estudio spesífiko aki na Kòrsou pa mi hasi. Na Hulanda ma bai hasi
un estudio hopi amplio. E promé dos añanan a bai bon, i mi a asta
haña mi “propedeuse”, pero mi no tabata gusta. Mi tabata sinti falta
di mi famia masha hopi mes. I mi no tabata haña sufisiente riba
tereno di PR i komunikashon. Mi a skohe pa regresá Kòrsou, ora mi a
tende di e studio na UNA, “Management Business Communication”.
Na 2010, despues di 6 aña ma finalisá mi estudio na UNA i m’a
optené un diploma di “Bachelor in Business Administration”.
0Ademas mi a bai kore stazje i despues mi a sigui traha. Mi a kasa
tambe durante mi periodo di estudio, pues hopi kos a sosodé pareu.
M’a tuma mas tempu di loke ma pensa riba mi estudio. Pero mirando
bèk esei a sali mi di bon, pasobra ma hasi un estudio i mientrastantu
m’a kue eksperensia relevante pa mi karera. Esei a yuda tambe ora
mi tabata solisitá.’
Ki mensahe bo tin pa tur hóben ku ta bai studia afó?
‘Algu ku mi a siña ta ”choose your battles wisely”. Si bo ta bai studia
afó bo mester ta sigur dikon bo ta hasié. Ya asina ora problema
presentá bo no ta bèk, pasobra bo a skohe konsiente pa bai e
bataya. Puntra bo mes, e lucha aki ta bal e la pena? Ora bo bai
studia afó bo ta wòrdu konfrontá ku mundu. I hopi bia bo ke kue
mundu ku dos man. Kòrda ku no ta tur loke ta lombra ta oro. E tip
number 1: No bai tras di loke ta duna bo satisfakshon temporal, pero
buska un goso duradero. No gasta sèn pa loko, no keda sin bai lès
pasobra bo mester a bai un fiesta, skohe bo amistatnan konsiente
i si bo tin un namorado(a) laga boso relashon ta basá riba rèspèt,
amor i dominio propio. Anto nunka no ta di mas bisa ku Dios mester
ta na promé lugá den bo bida. Sin Dios nos no por logra nada. Ora
bo ta bo so bo no sa ki rumbo bo kue, no stèns riba hende, stèns
riba Dios!’
19
4 you-th magazine | página

20
4 you-th magazine | página
> Nicole van de Wall Arneman-Maduro sigur no ta un kara
deskonosí den nos komunidat. Por mir’é entre otro durante di
TeleNotisia na TeleCuraçao. Abo ta imaginá bo mes hasiendo e
trabou ku Nicole ta hasiendo aktualmente, aki un par di aña?
Kisas bo a yega di puntra bo mes kua estudio el a sigui ku a has’é
adekuá pa e tipo di trabou ei. Wèl, pa medio di algun pregunta nos
ta spera di por laga bo sera konosí un tiki mas di aserka ku Nicole.
Nòmber: Nicole van de Wall Arneman-Maduro
Edat: 30 aña
Funshon: Periodista i produktor di televishon
Status sivil: Kasá
Facebook: Privá
Laurys Leander