GASTRONOMIA - Vesuvioweb

G. DF. – S. A. per www.vesuvioweb.com
'a chianella tene 'o pertuso
nu pertuso affatturato
capecuollo e supressata
nu pertuso ch'è tantillo
pertuselle e pertusillo
e si 'a rinto bbuono 'ncase
mammeta son' 'a 'rattacasa
soreta son' 'o viulino
e comm'è bello stu concertino!
*SA. Chi s’era abbuscáto na mappatella ’i farina, êva mpastáto quacche
pagnuttella, ma senza ammiscarce arinto cicule, supressata,
casocavállo, ovatoste e tutto ll’atu beniddio ca se nfilava na vota
rint’î casatielli.
surzö: s. m. Surchio. Sorso.
etim. Lat. volgare “sorsum”, classico “sorptum”, da “sorbeo, sorpsi”.
*SAN. Ma quando te convita uno signore
per farte grande honore allo manzare
te farà inbrossinare per la bocha
uno o doi perlicoccha amatontate
dui caroze mondate et quatro aulive,
et depuò zurla et vive ad surzo ad surzo.
*BAS. Petrullo pigliaie da na fontanella,
che pisciava a stizza a stizza da na quaquiglia de preta,
no surzo d’acqua e, sbruffatola ’n terra, lloco te vediste
no gruosso shiummo.
*CORT. E mentre ieano tutte zitto e mutto,
No surzo d'acqua vevere voleva
Cerriglio, e s'accostaie a chillo butto
Addove d'acqua na gran furia 'sceva,
Quanno sentìje da dinto a lo connutto
Na voce lagremosa che diceva:
«Io Cecca so', e te cerco perdonanza
Ca te aggio fatta ssa mala crëanza».
*CORT. Damme de ss'acqua fresca n'autro surzo
Azzò scompa sto chillo accommenzato;
Ma creo sarrà na gran doglia de testa
S'io voglio dire mo chello che resta.
*FR. E accussi', na vota ognuno,
sbacantanno 'e bicchierielle,
tra nu surzo e na resata
me cuntaino 'e fattarielle.
*VIV. A nu surzo d’acqua fresca
cirche ‘a carta ‘e identità?
Leva ‘a sete? Te renfresca?
G. DF. – S. A. - Gastronomia. Lettera – S - 36