Le patois des Marécottes Agriculture

L’élevage de la vache
Le patois des Marécottes
Agriculture
La brava forma dè la tétà : la tétà courte, le more lardze.
La téta. La gordze. La matchuire. Le nâ. Le moufle. Li nari. Le more. Le front. L’ouè.
La dzoute. La cornà. L’oreille. La nuquà. Le cofon. Le cotson. L’a ouna ballà cofouno !
Le petre. La brelère. Le garo. Le raté. La crouèja di rin. La creupà. Oune èpolà. La coutà.
La panfà. La tâtà. Le flanc. L’ure, oune ure. Le tetè. Le cartè. L’antse, oune antse. Le fo.
Le dzenè. Le grachè. Le dzarè. La pyoutà. La botache. Le botachon. Le fèton. Le crin.
Le bètail. La vatse. La bétche. La begorne.Li begorne. Le boutche. Le boeu. Le vé.
Che l’a on boutche, ye traportè dèple què que chèyè ouna vatsètà !
Le modzon. La modze. Le boeillè. Le boeillatson. Oune èkordzi. Ouna bétchà à corne.
Ouna vatse ècornâille. Tchouca. Dè corne dè meuton. Le bouèynou. La vatse chè
dèbouèyenâye la corne.
L’è ball increnâye, l’a dja fé on pâr dè vé. Oune incrënà. La pé.
L’èstomà : La panfe. Le bounè. Le foillè. Le caille.
Panfu. Bouèlardà. La bouèlà. L’a rinquè dè bouèle, L’a ouna chota bouèllà. Li boué.
Dèbotachie.
L’è bègà. La vène dè laché.
La nateurà. Li boton. Le chatson. Li borche. La vardze.
Dè bouvëne.Dè cheu.
Les qualités et les défauts.
On carlavé. Ouna crebeille. Ouna bacan’na.
Bregolo. Grevolo. Pateno. Rodze botsardâille. Tsatagna. Tsatagne.
Pouta. Mau féte. Mondâille. Trapà. L’a rin dè tsambe, l’è trapà.
On bratyè. On de que l’è la marquà di boune vatse, che chon abou !
La creupa d’âne. Imbâto. Le raté plan. L’è plan’na, l’è bin féte. L’a poue pè. Grefà.
L’è dècojoua. Dècollè. Tsambèroua. On camberè. Clopà. Gordà.
Crouèjie li tsambe. L’è oeuvertà, l’è la marquà dè vieillèche !
L’a li coute rare, l’è la marquà di boune vatse ; ye fo povè pachâ li trè dè intrè li coute.
L’a l’ècuchon, l’è ouna bouna vatse. L’a lacaoue londze, l’è bouna dè laché.
L’è on bokwe, l’a rin dè laché. On botyèlin.
Vin croille in vegnin vieille, l’a a pou pré ple dè laché.
Ouna palantse, ouna gordaille. Ouna carogne, ouna crèvaille.
Ouna canaille. On chabre. Ye chabrè to !
Tsareillie. Tètwoua. Deue.
L’étable
Le boeu.
La porta in dou. Le tsègnon. La lantèrnà. Le crojouë.
La claye deu cramo eu cayon. La pieche. Le plantchie di vatse.
L’intrèparti. La rintcha dè rèfi. Le rèfi. Le borgno. Le licol. La tsènà. La bocle dè la tsènà.
Le pya. La chavate. Le fècle.
Fo copâ dè corbal po boutâ dèchu le fèmé.

La litière
Eu mè d’ouè è dè stimbre, on va eu chotie, eu coumon è djue. On prin dè cha è on racle.
On couminchè d’èboutchie, dècombrâ, è apré dè raclâ. Quand on a raclo ouna brecà, on
inchakè li dèjon.
Quand li cha chon plin, on crape dè brantse dè dé, on boutè dèchu è on yètè.On li ménè bâ
avoué on yeudzon à la baraka. On voudjè li cha din le cramo deu chotie.
Quand on va è râpe, on prin on raté dè fè, lè ple èja à amachâ, parsquè y a dè feuille è y in a
mé. On boutè din dè chardze è on portè eu cramo
D’âtre cou on fajè mé dè chotie què ora, on deillè que l’in falivè chin cha pè mènâdze.
Ora, on chotè onco avoué dè paille.
Vouèrie dè chotie ! Ouna chabarlo !
La traite
On prin le chélon è la bréla è on chè chètè dèjo la vatse. On li pânè l’ure. On prin on bocon dè
gréche à mouèdrè po que chè ple èja : on apréchè l’ure è, quand on chin que le laché vin, on
mouè. ( La vatse lè préche, l’è apréchâye) (Mouèdrè à peudze, à poing.)
On couminchè pè la prèmïere mètia è, quand li tètè chon vouide, on aryè la checondà.
(Oun aryeu, On mouèdieu.)
Adon on rèpachè li daou mètia po courâ l’ure. (Ouna vatse courâye). Che, y in a ouna vatse
rèblètseuje que volëchè lèva le laché, la chouille d’apré, le baillè quand mémoue.
Chon pas tote èja à mouèdrè. Y in a que l’èpardzon, adon avoué chle, on peu pas férè tan dè
dzé(bourra).
L’è on plèji d’arya ouna vatse frantse, que l’è deufe è que fé dè byo ré.
Ouna rèblètseuja.
La tsamba dè la brélà.
Le chètcheu.
La charlà.
La maneille.
Le dzarjé.
La tartacha. Chla, mè farë rin dè l’avè, ye brots le laché !
La vatse l’a bien câlo dè laché pè chi tin, l’è pas drole, l’a todzo l’èrba mouvà !
L’è coumin on coeilleu !
L’è durà , fermà, farmà, l’a on grou dèfau , l’è pas èja à mouèdrè.
Ye beudzè to le tin qu’on la mouè !
Tchintchotâ.
Le laché eu bè deu tètè.
Les soins donnés au bétail
A Touchin, li vatse chon à rèfe. Le matin, pè vè li chie j’eure, on l’eu baillè le dèdzon’non è,
on li mouè.Apré, on li pegnè avoué la broche è l’ètreille po li dècratollâ.
( Incratollâ. Ouna cratollà. Ouna cratollo)
(Abèrâ. Abèryeu. Abèrâdze.)
(La trin. Le trinto).
Po li j’abèrâ, on li ménè eutre vè le bui .Y in a, dè cou, que l’amaillon po bèrè .
« T’a pas chè, t’amaille ? » Adon on li tornè imbouâ è on leu baillè le denâ.
On curè la lèja deu fèmé avoué la trin, on intètsè le fèmé din le bario è, on le ménè eu latyé.
(à la courtene). On rèpârè le beu avoué l’ètcheuva dè biolle è, on chotè. Apré on clou le beu.

Dè cou, din la dzornive, le vatsèran va eu beu , achintchenâ li vatse è, li j’acheu .(miteuje).
Lè por chin que che l’avouyon pè dèfoue , ye lon’non !
D’âtre cou , on baillivè la chouille deu bon-deu-dzo dètire apré denâ, à oune heure.
Adon, on li lachievè tanquè à fin heure.
Ora, on couminchè à gouvarnâ à quatre heure.
Dèvan qu’allâ aprestâ, on ch’infilè le bojé.
On leu baillè marindà è, on prèparè li borro po lematin.
Che fo couminchie la tètse, on copè on ban avoué le copa-fin è, on borrotè.
« Chon fran dèyandé, mindzon rin, rèboulon, nillon, chin fé que lè pas mé to à yeu moudà !
Chin mè dzeuyè pas. Fo courâ tui li matin dè rèprè, dè rèmoué, di la rèfe. Mè fo li tornâ boutâ
ayandâ è, leu bailli ple pou. »
Apré, on li deillètè, (dètèle) (dètatse) po li menâ bèrè. Pouè, on leu baillè la cho ( on li
j’achalè), è, le letson, (la lètcha).( Le fin avoué d’abondanche, dè farenne è bin dè crëtse.)
Dè cou on boutè ouna bouillatcha dè rèprè.
Quand l’on lètcha la bouillatse, on li j’otè dè la rèfe è baillè chin’na.(on li j’achin’ne).
Adon, li fo mouèdrè me, dè cou quand l’on dè motse è cawouaton, fo leu j’acrochie la
cawoua avoué ouna fichèle eu cholan déchu.
Y in a que piaton, quand on li j’âryè. Adon fo leu touèrdrè la téta chu li coute.
Quand l’on fournè le borro è, che l’on pas preu, ye branmon.(on branmèré,ouna branmèrélà).
Che y in a dè canaille que cornaton li j’âtre, li fo cornâ.
Quand on a fournè, on li chotè, coumin le matin.
Dèvan qu’allâ dremi, on va revouadâ eu beu che to lè tchè. Che y in a ouna d’a capa, la fo
tornâ atatchie porque batichè pas li j’âtre.
D’euton, quand li vatse chon bâ deu mayen, on li cho in tsan, è rèpâ, dou cou pè dzo.
Quand y in a on bon morché, que y a pas preu po daou chouille, on baillè capà ( on lâche allâ
à lieun’ éje). Me dè cou l’è pas to bon, y in a que trènon le nâ, l’achon’non. (oune
achon’nèrélà).
Li dzo dè mau tin, chleu que von in tsan, che l’on frè, fon le foua. Po pachâ lieu tin, ye
brejoulon dè lemache.
Prinjon dè lemache couverclé è, li bouton chu li braje tanquè chon boune brejoulé. Adon, li
mindzon.
Dè forie, on li cho pas, li vatse, po allâ in tsan. On va férè la paturà. On copè le chanfoin, la
treyolo è, on leu portè à la rèfe.
D’âtre cou, on allâvè bretâ li chequwe è li lètechon dè chleu pro qu’on avè po bailli mindjie è
bétche, parsquè, quand on fajè li fin, l’èrè ple rin, l’èrè dè bou !
Eu mè d’ou, on va ramachâ la feuille po bailli è tchievre d’evè. On fé dè petiou clouè è, on li
boutè chètchie à la tinda.
D’âtre cou, l’alâvon ingrandjie din li mayen, à Planadzeu è è Peuté. Adon, l’èvon le fèmé chu
plache po fèmâ li pro. Ora, l’è pas mé la moudà, ple nion va ingrandjie. On ménè bâ le fin
d’evè, avoué la yeudze.
Quand on a mé d’on beu è d’ouna grandze din le vellâdze, on trèmouè li vatse. On va mindjie
le fin chu plache achebin. On chè veillè d’allâ d’euton dèvan que y aillè troua dè nè à tseula.
Proverbes et dictons.
Ché que l’a dè bétche, l’a dè pè !
Quand y a pas dè vin, le bètail bachè !
Alèvâdze. Invarnâ. Boutâ à l’invernà. Amodillie.
Chi an ne charin troua tsardja, chi an ne charin preu pelo !
Menâ à la fèra, menâ vindrè. Le maquegnon.
Allâ à chon lin. Vire-tè !
Atatâ. Boratchie. Bojâ.

T’â pas fota dè leu bailli bien, quand chon pleine coumin dè vare !
Ch’èdzavetâ.
Le cla deu fèmé. La bourbà, la tchievà. « L’è tote in tchievà ! »
Le chuiron.
L’è chan, êtrè prèmie le fèmé !
Les maladies du bétail
Li vintrère : On èclafâvè dè maron, on li boutâvè avoué dè laché è, on leu j’ingorjèlâvè chin.
La vatse l’è conflà : On leu j’ingorjèlâvè la beujâ.
Fo l’a crèvâ à la fofa coutà !
Le maclè : On fondè la gréche dè cayon è on leu baillivè tsau.
La fouère : Fo leu bailli dè crëtse eu dè fin, dè feuille dè tséne.
La fèvrà : Quand li vatse l’on li j’oreille è li corne frède, l’on dè fèvre, achebin quand l’on li
j’ouè woualo.
La brutà : On leu fajè ouna bouna chègna avoué li lachète, tanquè broeutsichon rondo.
Y avè daou vatse que chè batèvon ; chla que l’a pardu, li è cheuto chu la brutà. Adon , on li a
vite trya dè chan .
Le roeujé : Falivè leu copâ ya le bè dè l’oreille po leu férè dè chan.
Le grou mau : Contre le grou mau , y avè rin.
La vatse faré : Quand chon farè, chon pardouè, li fo touâ.
La vatse erniä : L’a la panfe crèvaye, lè mé po abatre.
La vatse mèjallà : « Ye tëchè » On chavè pas tan què férè. On li j’ ingrachievè po le tieuté.
Li cachin : On lavè avoué chon laché.
La mammità : On fajè ètseudâ ouna pâlla è, on boutâvè dè chindre dèchu. On atindè que li
chindre chèyon tu boune tsode è pouè, on mouèdè le laché dè la vatse chu li chindre. Apré, on
frikchenâvè adrè l’ure avoué li chindre. Chin li fajè dè bin.
La djirdà : Grachievon avoué dè gréche dè cayon.
La tsarpèjon : On li lavâvè avoué dè chavon gnie po leu j’otâ la tsarpèjon.
La botchuire : Fo lachie pachâ, fo atindrè que wouarëchè.
Le crapeau : Quand l’on le crapeau à la cawoua, fo bourlâ avoué d’onguent d’antimoine èbin
d’èspri dè vin. Adon dzirbâvon, leu fajè mau !
Le cofâ : Din le vieu tin, on li lavâvè avoué dè peche po li férè crèvâ. Adon chorton to cholè.
Li fiâ : Le ple grou que ya, fo le yètâ due. Apré, li j’âtre chètson.
La clopèyèri.
La tsamba crapaë : Falivè la palètâ. Boutâ daou palète, di dou lâ po que chè tènoua à cha
plache.
La couta crapaë :Fo férè oun implâtre dè pèyache è pouè charâ due avoué ouna mourtyëre.
La vatse tronclâë :Lavâ avoué d’éwe chalâë.
La vatse chè dèrotcha, lè tu tota tronclaë !
Ouna touèrchà : Fo férè on patcho è yètâ due è boutâ d’éwe chalâë pè déchu.
Le foua : On leu boutâvè dè boure fre din la natërà è, fajè oune injekchon dè té dè motète.
Li cordète.
Li tseveille : On couminche dè li dèjinfectâ avoué dè garjin.Pouè, apré, on li firkchënè avoué
dè gréche dè cayon tèdà.
Li bèrëcle .
La felandre.
Le poue.
La rampà.
L’intsarèyèri.

Intsarèye. Quand li vatse chon intsarèyé, fo leu bailli dè flujin dè fin bèni !
Le vélage
Livatse que chon rèyé vegnon tote li trè chènan’ne à boeu.Adon tsartson à cheutâ chu li j’âtre,
cavallon, ch’imbâjon.
Chle que chon bovère, bruyon è bovaton to le tin, ye peuvon ple tèni le boeu,(tèni le vé)è férè
dè vè parsquè l’on li boton gâto. Ouna bovatèrélla.
Y in a que chon maudouéte à cognètrè quand vegnon à boeu. Fo bien férè atinchon. Fo chovin
li motrâ eu boeu, lui, li cognè , che chon à boeu.
Y a dou boeu din la coumounà po charvi tote li vatse.Fomenâ la vatse lé, vè le nboeu po la
férè bovèye. Apré que l’è tu charvia, fo l’impatchie dè ch’inmouèlâ. Po chin, on la blochè
dèchu le raté.
Che din trè chènan’ne tornè pas à boeu, adon l’è prègne.
Imprègnie. Imprègnie po partinchivà. Ètrè rétà.
Dècou, l’arivè que l’ètè dou à trè mè è que tornè à boeu. Adon on la lachè véjivà. On la ménè
pas tanquè eu mè dè fèvrè po la partinchevâ. Adon charë bien achaijenaye. Achaijenâ.
Chle que vegnon pas à boeu, lè dè tsevèque.
Apré fin mè boutè le vé eu revi. Adon, y in a que chon coumin quand chon à boeu.
Fo jamé chorti li vatse quand l’erba lè dzalâë. Chin li fé avortâ. ( oun avorton).
Dou mè dèvan que vélechè fo la lachie agotâ. On la mouè ple què on cou pè dzo.
On l’intrèchouyè. Adon, boutè le laché chalo.Apré, on la lachè dou trèdzo tanquè on vè que
l’ure lè troua préche. Adon fo tornâ courâ adrè, atramin, lè dandzèreu que boutechè mau à
l’ure. D’ailleu, le laché lè chovin dja plin dè pètson.
Pola férè agotâ, che l’è maudouéte, on li baillè le ple crouè fin qu’on a.
Le rèco, li j’abondanche, li bèrè-blan fo pas bailli parsquè chin li fé boutâ dè laché.
A boue dè catiè tin, couminchè d’achintrè è dè boutâ l’ure pèjin.
Le tin dè l’achintouâ fo bien la chouègni avoué dè bèrè-blan po que puchè boutâ dè laché po
quand vélè.
On anmè pas que ch’avachichon, parsquè, chovin chon pas achë boune dè laché po to l’an.
Po allâ a lieu tin, fo que l’allichon à neu mè, neu dzo
Po que l’alechon à lieu tin, fo que l’alechon à neu mè, neu dzo.
Y in a d’âtre que traporton onco on pâr dè dzo.
Quand li vatse l’on li tsambe infle, on de que l’è la marqua d’oune infekchon dè la natërà.
Ah ! vélèrè preu d’abo, l’è tota inyerenâille.
(Li yèron. Yerenâ.)
Quand fon li yèron clâ, on de que le vé l’è fèmale è, quand chon blan, on boutche, on boeu.
« Ora, l’a implè l’ure è, l’a le mau deu vé, chin fé que wouè vélè. L’a li nè bâ è la caoua
doeufe, l’è prèsta. »
Pyatè è pouè adon, fé la pèteufla dè l’éwe è, apré ye vin la pètefla di pya.
Adon ye fo li aidjie è triye le vé.
Quand le vé l’è foue è fé, on li copè le cordon, che l’è pas crapo cholè, è pouè adon fo
dèjinfektâ le filè avoué dè garjin.
On boutè le vé à chon lin è, dètire on va tsartchie on litre dè vin blanc po la vatse, po li bailli
dè corâdze.
Po férè vèni la nètèyure ple vite, on baillè on bèrè-blanc tède.
On lachè pas alètchie le vé, on implèyè le chélon. Chovin, fo li baillie le dè po couminchie.
Quand la vatse l’è nètèya, on l’a mouè.
Quand pyatè pas l’è dja acorchâye.
Le prèmie è, on le fo eu cayon. La wuitchiema chouille on peu portâ à la laitèri.

Ye fo revouadâ que, quand l’on vélo, ye fachon pas la mâre.
L’è ple prudent dè leu boutâ le bindâdze.
Quand chon caché, on li lâvè avoué lieu laché.
Lè la marquâ di boune vatse.
On boutè on mouraillon eu vé le tin que lè petiou, dèvan que rondzichè.
Apré trè eu quatre mè, on couminchè à li acrètrè le bèrè avoué dè flocon d’avène è dè farëne
qu’on boutè avoué le laché tanquè couminchè à mindjie le fin.
Adon,on li ôtè le bèrè è, on li baillè d’éwe. L’a ouna bailla !
Noutra vatse l’a la tortse. Fo l’a chorti deu boeu è l’a férè roulâ chu on pro on bocon in pinte.
Le vètèrinére, ye roulè avoué, la man din la vatse po provâ che ye peu dèvrëye la matriche.
Che peu pas la dèvrëye, la vatse l’è pardoua. Adon, l’achuranche l’a prin, l’a touè è vin la tsè.
On baillè mindjie le vé crèvo eu rènâ.
Dictons : Li vatse que chon à termoue à la planètà dè l’aragne, fon on boutche.
L’a ouna panfe ènorme , chi an farè preu on boeu !
Traportè bien, charè preu on boutche !
Ouna tardivà. Chè dèrindzè.
L’è portintà. Ouna croillà portuire.
La vatse l’a bien câlo, chin la chaijon.
La vatse l’a bien câlo, va dabo agotâ ! Tchintchotâ.
L’a ouna balla motrà. L’akrè.
Le vé l’è mau vriya. Le vé cho pas lè ! Le vé crèvè !
Chapâ. Le vé alarte !
Chè vé l’è on crouè bareillon !
La vatse rèmètoua.
Le menu bétail
Le tsevo. Le tseval.
Le moulet. Le moulet gagnè l’avèna.
Bâtâ le moulet. Li bechatse.
Oun âne. L’âne coyu. L’ânon.
Proverbe : Le moulet le ple chadze l’a touo chon métrè !
Les chèvres.
La bèquouire.
Li bètiète.
Le bouatson. Oun acheu.
La bardzèri.
Le tsèvrè. Le chècordzon.
Le bèlindzon. Le ratèlè.
Vouardâ ouna bétche vè chè.
Li (ouna) tchievre. Li (ouna) ryamme. Bougre dè ryamme !
Le boquwe. Le boquwe copo.
Chon’nâ le boquwe. Tien chon deu boquwe ! Le matian.
La dyèche. Vin la dyèche, vin ; tè tè tè , bedya, bedya !
La tarcache.
Le berle.
Le tsevri. Le tsevrotin.
Oun èterle.
Le botyèlin.
Bocatâ.

Amenâ la tchievre eu boquwe.
Tsèvrya.
La tchievra, le boquwe tchëquwe.
La barba. Li madyèli.
Ouna motèle blantse.
Motèlin. Rochète.
Li chètse. Li pudzon.
Li couillerette.
Bètyèlâ. Ouna bètyèlèrélla
Râlâ.
Ouna pètolla.
Pètollâ.
Chenaille. On bocon dè chenaillon !
Tsapotâ. L’a tsapoto preu bà !
Allètsenâ : Li tchievre ch’allètson bien avoué la cho !
Kâtà. Mèchaillire.
Les moutons.
Li meuton.
Le bèrâ. Le bèrâ koyu. Le bèrâ pas copo.
La fèya. La këtà. Rochè.L’agné. Agnèllâ. Bi bi bi ouks ouks ouks !
Bèlâ. Treutchie. Tondrè li meuton avoué li forche.
Les porcs.
Le bouaton. Le bouatson. Le cramouo.
La beuje dè cayon.
Le cayon, l’anglé !
Le vèrra. Le cayon mâcle.
La trouille.Le cayënet.
La crèvaille.
In ru. Menâ eu vèrra.
Férè li petiou. Trouillachie
La porto. Li tufe.
Le tsatrecayon.
Tsatrâ.
Tchou, tchou, tchou ! Ché cayon lè dâtà.
Noutre anglé lè bien afublo. Le to.
Le more.
Nâtâ. Reniflâ. Ron’nâ. Bougre dè ron’nèré !
Vouënâ. Férè dè vouëné !
Bouillâtrâ. Le bouillè
La mëtra. La tënà. La bonbonne.
La chouille eu cayon. Le clâ ére.
On baillè dè lapé è cayon.
Crapâ li din è cayënet.
Le fèracayon.
Li bloeuchette.
Le fè à cayon. Oun ano.
Farâ li cayon. Fo le farâ, ye rèboulè !
Dicton : Di chorvinte di prére è di cayon di mounè, Diu m’in prèjèrve !
Les chiens, chat, lapin

Le tsin. Bougre dè tsin ! La pattà.
Tsapâ. Abokâ.
Le tsa. Le matou. La tsatà. Le tsaton. Le bètion.
Ètre à boquwe. Criâ l’aveu.
Tsatenâ. Ouna tsateno.
Pèleu. La griffà. Griffâ.
Mion’nâ. Ye mion’nè. Férè dè mion’ne, dè mion’né. Kroulâ.
Veillie la ratà. Flatâ. Ch’inmouèlâ.
Yapâ. Ch’agorie. Patafioulâ. Carèchie. Magnotâ.
Dicton et proverbes :
Le tsa chin le mau tin, pachè la pattà darè l’oreille.
La noué, tui li tsa chon gris.
Quand li tsa chon ya, li rate danfyon !
Les lapins : Le lapin. La lapinà.
L’achoeu. La gamèllà.
La basse-cour
La poudzenère.
La polayire. Le polayie. L’ètsèlè.
Li polaille. Le peu La dzeneille. La poudzëne.
Le bè. La crètà. Li madieuli. L’âlla. La plonma. Plonmâ.
La pattà. La Griffà. Le grifon. Le croupion.
La câille. Câillâ.
La dzo. Êtrè à dzo. Allâ à dzo. Adzokâ.
Ye adzokon amonpè chu li latte.
Chon adzoké lé !
Ètrè lèvâye.
Ovâ. Le cocon. Le cocon polato. Polatâ.
Atatâ la dzeneille , che l’a le cocon !
Covâ. Cleuchie. Ouna cleuche.
Abandenâ li cocon. La crouèjà.
Le bouillè. La bouillatcha. Pequâ.
Cracolâ. Crouatchie. Covachie.
Chè pudzâ. Gratâ.
Pyalâ.
Dèplemâ.
La bornètta.
Le peu tsantè.
Dictons et Proverbes.
LI dzneille chè pudzon è covachon, chinton le mau tin !
La dzeneille que tsantè le peu, chin le mau tin, fau chin mofiâ !
Li dzeneille que tsanton coumin li peu fau li touâ !
Lifèmale que cheblon, li prére que danfyon, li dzeneille que tsanton le peu, fo chin dèbarachie
le ple vite pochible !( Fo li touâ à petiou bruit !)
Mé y a dè dzeneille, mé y a dè cocon !
La boucherie à domicile

La boutsèri : Dèman ne touin le cayon !È voue vindrè bèrè la gotta !
Le lindèman, on chè lèvè dè boun heure po boutâ couèrè l’éwe din la romaine, è pouè, quand
l’éwe couè, on boutè la pèillache din la mé è, on voudjè l’éwe inmodinte dèchu.
Pindin chè tin, le boutchi va quèrri le cayon, l’intétè, din le tin avoué la pyollà, è, orra avoué
l’assomoua (avoué dè petioude balle),l’ètranyè avoué la lemalle deu tyeuté.
On rèkoquè le chan avoué ouna péllà po boutâ è cheuchëche.
Apré, on boutè le cayon din la mé, le pèllon avoué dè râcle é, po le férè mieu allâ, pâchon la
tsène dèjo è râjon. Quand l’è propre, le lèvon chu le trabetsè.
Le boutchi li râjè li chèye avoué ouna lemallà fin’na, li ôtè li botachon è, copè li piouton.
Copè ya la téta è couminchè à dècopâ pè li dou jambon è li davoue j’èpaule.
L’inlèvè l’ètranyeu, le morché qu’on reutè le dzo dè la boutsèri.
Pouè don, drèfè le cayon chu le trabetsè è copè le bacon dè dèchu le cou.
Partadzè le cayon chu le raté è, l’ôtè don lâ è dè l’âtre li bedan’ne.
L’euvrè, li râchè le raté, l’ôtè la panère è li inlèvè le dedin è la coraille (li pormon, le cornè,
è le tyu.)
Adon li ôtè le fèdze, la meufa, le fè, li rognon, le chinpi , li boué è la pètëfle.
Apré dè chin, li ôtè la chonje,(la pa’na, le mouchon) è la pindolè chu on bâton po la férè dzalâ
po que chè copëchè mieu.
Copè le bacon dè dèjo la panfe, le meilleu. Aprè partadzè la tétà è inlèvè li charvalle, li
dravache è li j’ouè achebin.
Li fèmale prinjon li boué chu ouna trabla po li dèrëdi. Apré parton li lavâ in on torrin.
Bouton la tsené è vouidon li boué, li viron è li rinfon. Apré vegnon li rapâ, mandon chè rapo
po li rènâ è, li grou boué, le chinpi è la meufa, li bouton ingordi po li cheuchëche, pindin que
li j’homoue chon todzo apré la boteille dè la gotà yo lè que fon rin !
Li j’atriau.
Orra fo imbâllâ la machine à hâtchie po pachâ le fèdze, on bocon dè bacon, on bocon dè tsè,
dè porè è d’ëgnon po férè li j’atriau. Fo achaijenâ, brafâ, prindrè la tèlâ è dè petiou taveillon,
l’ètindrè lé dèchu è boutâ ouna feuille dè parchi, ouna couillèro dè chla pâta è li j’intouèrdrè
avoué la tèlà.
Po li cheuchëche, la veille on fé couèrè dè bèterave dè tsourave è dè tsou. On li pachè à la
machine è on li boutè din ouna tèla dè mottà. On pojè le plèyon din ouna crebeille è, on
tsardzè po férè èdzotâ.
Le lindèman, on voudjè le plèyon din on baquet è, on couminchè à hâtchie li grou boué, le
chinpi è li pormon. On achaijënè è on potchënè daou trè cachené dè chan po li baillie la
coyue. On patèyè bien bien è apré chon prè à infati.
On fé li cotwuire avoué li petiou boué.
On ch’installè. L’homoue prin le chechechouè, ouna fèmale po infati le boué, ouna po tèni la
cheuchëche è oune âtra po yètâ avoué li pin’ne.
Apré on li j’aleuyè chu on bâton è li pindole à la borne.
Fo onco férè li greubon.
On prin le reude, la rëgnëno, la chonje ( la pa’nà)è, on li copè in petiou morché.
On boutè din on tseudèron è on fé fondrè. Quand li greubon pèton lè preuvà que chon coué.
Adon on woudjè la gréche din oun oeulà, on èchorè li greubon è, on li mindzè po chepâ, li
j’on avoué dè chocre, li j’âtre avoué dè cho, dè trifle è dè pomme couéte.
Po férè li cheuchëchon, on pachè à la machinà la tsè è, on copè le bacon pè petiou dé. On
mèclè è on tapè dè vin.
La tsè chalâë .
On bonè l’ètchiefoue è on boutè li jambon è la tsè qu’on veu chalâ.
On pèlè d’ail, on li j’èclafe, on li mècle à la cho è on cruvè la tsè.

Che la tsè tirè bien, on li tornè fotrè on bocon dè cho.
Li trëpe
Quand on touè ouna vatse, le boutchie l’oeuvrè la panfe è la widè è la virè. Pouè don, ye la
tyeu yo l’a copo po la wouidâ.
Apré la brafè eu bui po li ôtâ le ple grou. Apré dè chin, l’a boutè din le baquet dè l’éwe
inmodinte avoué dè choude. La lèvè chu on lan è, la fé allâ. Pouè la copè pè petiou bocon è,
la tornè nètèye onco on cou. La boutè dèjo l’éwe po la férè dègordjie.
D’âtre cou, la pètëfla deu cayon ch’implèyvè coumin poche à yache po impatchie li j’abechè.
Boutsèye.
La pouta maille.
Le matcheu. La crechan’ne. La myollà.
Le tokwe dè bacon.
Li tindon. Li coute. Le nebli.
Le tornè. Le fèton. La cravatà.
Le bouéfon.Le boué deu tchu.
La forèttà. Li poeuvron.
Li couyèrèche
La pèyate. Li tsernëcle. Li tsarnëcle.
La couènà. La tsardza.
La rachà dè boutchie.
Le tyutyon.
Ècortchie le vé.
Les travaux des champs
Dè forie, po férè fondrè la nè ple vite, ye fo tarachie, implâtrâ la nè avoué dè tèrrà eu dè
chindre.
Quand l’è tarin, on va férè li pro. On darbounè è on èboutsè
« Ne chin to le tin eu mémoue pro, chi chè tan paru que n’in chortin pas ! »
Quand le pro l’è nètèya, on portè le fèmé avoué la cavagne eu la bènéte eu le panè.
Po povè li tsardjie cholè, on li boutè chu le tsardjeu.
Quand on arrivè chu le pro, on voudjè on cou che, on cou lé. Pouè don fo ègalijâ li mouèlè.
On brëillè le fèmé è on l’èpantsè avoué la trin.
« Eu carreau è à la lëtte ne fèmin pas chi an, chon preu dru ! »
Apré on invètè li tsan.
On èpantsè limoué dè fèmé qu’on a meno l’evè avoué la yeudze. Quand l’è pas troua loin, on
ménè le fèmé avoué le bario .
Apré on choeulèvè avoué le choeulèvieu, on focheurè in n’an è on plantè.
Le focheu.
« N’in pas preu dè tsan, ne chin forche dè ronkâ on pro. »
On ronkè avoué la pëtse èla pâllà. Le ronkwe.
Quand on arrivè coute le vejin, fo férè atinchon dè pas afrontâ chu le tsan apondin è, dè pas
ôtâ li valanti.
On boutè li grouche pïere d’on lâ è, on li tsarèyè chu ouna mourdjire.
Le prèmie an, on plantè dè trifle. Fo rèpachie dèvan què plantâ.
On boutè li bon cartè que l’on li jouè in tèrrà , avoué le capion, è pouè, on pâchè le raté.
Fo chè veilli dè plantâ li trifle eu crè dè leunà.
Li j’abondanche, on li plantè eu mè dè mé. Dâtre cou, on li plantâvè to avoué li planton.
Orra on plantè to oeu gran. On boutè la fichelle por que chèyon on bocon à la lëgnë. Chovin,
y in a que fouin’non.

In mémoue tin què plantâ li j’abondanche , fo nètèye li fre dèvan que cheillon in flue. Adon
on li lâchè tyè è,murâ. Apré la cueillette fo li capiënâ ; tienta corbacha !
Y a dè pro yo chè formè le poue. L’è ouna farmintachon deu tarin. Chon dè bolè que pouchon
din chla mieleunà. Chin chè trèmouè. Le prèmie an y in a rin chu chla mieleunà. L’an d’apré,
y in a dobla prèje !
Po invèti le courti, on couminchè dè férè li toule po la printio : Li chalâde, li patenale, li
j’épinâ, li lètu, li j’ognon è to chè fourbi.
Ye fo revoudâ dè vognie li patenale à la planètà deu pèchon parsquè vegnon ple grouche.
Po plantâ li pè à ranme, ye fo couminchie dè charti le ramé è pouè apré on plantè li pè euto.
To le to deu courti, on vognè dè flue, dè botyè.
Che lè ouna groucha chètcha, fo arrojâ li toule por que la printio flachëchè pas.
Quand chon brave lèvé, adon fo li charclâ. Che on a vogna troua charo, fo li j’arari in mémoue
tin què li charclâ, è, dèblotâ ya li grouche trëtse.
Quand li trifle chon brave lèvé, on li crëvè avoué on raté. Quand chon ple grouche, on li
capyeunè è, on li comble avoué on râcle.
Po li j’abondanche è li tsourave, lè a pou pré la méma tsouje, on li râclè è on li capyeunè
chovin.
Quand le courtëillâdze couminchè à poindrè, ye fo prèparâ la poutchatà po que le tachon
venichè pas ne le ravadjie.
On rèpârè li moue que chotëgnon le tarin, quand on a leji. Che tegnon onco a pou pré, on li
j’acholidè.
Chovin, on plantè ouna chemintère. On prin on tsourave dè l’an pacho è, on le catse in terre.
On le lachè poucha ïntche. Quand la chèmin lè murà, on la ramâchè è, on la frotè din on
lindze po férè chorti li gran que charvon po vognie l’an tchevin.
Quand li plante chon preu grouche, on chè veille dè li rèpëkâ quand la terre lè bouna blètse.
La fenaison
« Chi cou n’in preu la bèlère po férè li fin. Fodrè preu chorti li j’intsaple. »
Fo allâ intsaplâ. Prindrè on cha po chè chètâ, incondrè li j’intsaple in on loua due po que
rèpondëchè è, apremâ.
Quand le cholè lè ya, on partè cheilli parsquè copè ple lè.
On prin la fo, li j’intsaple è, le covè avoué la molèttà è, d’éwe.
Quand le chètre l’a bailla deu trè cou , lè forche dè nètèye la fo po molâ parsquè che copè pas
bien, lâchè todzo dè tseflè. On tseflè.
Che ye vè que la fo l’a la goummà, l’a pas l’idée dè to fotrè bâ, parsquè lè chëgne deu mau
tin.
L’èpin la fo è, fé d’andin monstre. Quand le pro lè fournè dè chèlli, on rèvirè l’andin que ya
contre le vejin, eutre chu chè, po drèfie l’intrèdou d’eunà beuna à l’âtre.
Quand la fèmale l’arrivè po èpantchie, dèmandè eu chètre : « Â te trovo èjâ ? »
- Oh ? na, in chi dèmon dè loua lè fran to fochoro è to tyeufia è dzu ( djouacha)dè tui li lâ.
- Ché forche dè tornâ chu li j’intsaple atramin, yé d’eure à molâ !La fo lè tota pè din, l’è
dintèlâille ! »
Dèvan què couminchie d’èpantchie, la fèmale li portè la boteille è pouè don, chè dèpatsè dè
lardjie li j’andin. Y in a ouna bouna prèje è, dë à l’âtre : « Ne charin preu forche dè povèlâ po
que chètsëchè. Po ané, lè bon, n’in preu travailla, ne chin preu lagna ! »
Quand le chètre chè rètirè deu pro, ye boutè ouna pougna dè fin din le covè po charâ la meulà.
Le lindèman, on partè po le mémoue aférè tanquè chè dérojo, vè li djie j’heure. Adon on va
quèri li raté po le vrëye parsquè quand lè rèbeudja chètsè ple lè.
Che, chu le dèvè-le-tâ ch’in’neublè, fo allâ invallamounâ, bouta in vallamon.

On fé dè grou moué avoué dè fortse. Lè dja bien mô !
Le lindèman matin, quand lè dèrojo, on va lardjie li vallamon. « Maleu tienta patavoya n’in
tu ! »
« Po pas que chobrëchè dè vète mouve, ne chin forche dè le tornâ abadâ ! »
Vè li trè j’heure, fo allâ chorti li chardze eu li fi, le paillet è li raté è, on portè po férè li yadze
è catchie le fin.
Quand on arrivè chu le pro, on couminchè a atatâ che lè preu chè. Che fregnachè, lè preuvà
que lè dèdzalo !
On couminchè a férè li rebaté è li brachë. On chèe li chëquwe è, on nillè le crouè fin.
Fo férè ouna plache po ètindrè la chardze eu le fi.
Che lè drè, fo boutâ li cornè, avoué li trouèye, d’avo po povè charâ è nouâ chin chè touâ, chè
rebatâ.
Quand on a bouto doje à trèje brachë, on yètè le yadze.
Le ple yo boutè le paillet è drèfè le yadze, li fèmale prèste damon le yadze po li abadâ chu.
Lui, chè dèpatsè d’allâ le pojâ à la grandze parsquè lè indzarbo !
Chleu que chobron fournon dè règrevâ, fènon, bouton le restan deu fèno chu chla plèyeno è,
l’atindon que l’homoue l’arrevëchè po prindrè chla meulo.
In vegnin deu pro, y in a todzo on que règrëvè le wouèron que chè acrocha pè li bochené.
Apré, dèyèton li yadze in l’ére è, pachon le fin amon chu la tètse, l’intètson yo y in a todzo on
que va po cougnie , tot in chè veillin dè pas férè availlie.
Quand lè to amon, on brochè la tètse è, on la lachè bouli à chon éje !
On èkeuvè l’ére po rècouilli le flujin. On boutè din on cha po l’èpantchie frë chu on tsan
qu’on voeu lachie gajenâ.
Le tin que li fèmale prèparon la fondoua po la fourgna, li j’homoue rètrinjon li meuble,
nou’on li chardze è, li pindolon à dè tseveille din on coin, è bouton li raté din le bui parsquè
l’on chè, li din parton !
Ouna meulo !
M’a fallu allâ miërè chla revan’ne to le lon doeu tsan.
Yé tu ouna miando !
Vouè, mè fo allâ ètchekâ ché matson que chobrè amon ïntche.
Salutations au faucheur
Bouna copà ! L’è te bouna copà ?
L èrbà. Férè l’èrbà.
Le clëtre.
Ouna blètà dè fin.
Fin mégre. Rècokeilla
Fin mâbre. Rojo. Arojo.
Le fin frëjenne.
Le fin l’è bacagna. Batéjâ.
Ché ovrè l’a fé ouna chota pècacha, quand l’a cheilla, mè convin ple !
Copâ grè. Tsarcouillie.
L’è coumin in on tsan, le pro lè tot abado.
Dèrontrè la fo.
Y a pas mé d’ètsaplo, mè fo allâ dèrontrè la fo !
Amorâ la fo.
Fo prindrè le fin deu bon bie !
Ratèlâ. Inmouèlâ. Patevoiye.
L’arbéje.

Le torouè.
La troeuche.
La coneille.
Ouna patyèto.
Wouèrie.
Le rèprin.
Le foeufie. Le taillin. La vardze. La veroeulla.
La fo l’è troua euverte eu troua clouche.
La fo l’è dètindoua.
La fortcha.
La ratyouda. La pëgne.
Le paillet. Le gonfè. La brëdà.
Le copafin.
Le fin câlè, y a stou ple rin, fo allâ amon à Planadzeu tsartchie ouna yeudja.
Le fin chè dècâlo, l’èrè pas preu mouë.
Le fin l’è acouchegna, l’a fournè dè bouli.
Proverbe.
An dè fin, an dè rin !
On yadze bien yèto,l’è a mètia porto !
La moisson
L’è eu mè d’ou qu’on fé la mèchon.
Fo allâ copâ le blo, ouèrè eu tsan.
On prin le grou volan di bloè, on partè dagâ. Fo couminchie à férè dè petiou patiètin.
Quand on in a preu po on clouè, on chai daou eu trè paille è on yètè !
Quand y a troua dè voloua, dè rëble è dè tsardon, on peu pas l’avi, l’è tot intsarbouilla.
Quand on pojè le clouè, on tire li paille que chon pas tu yètée.
Po drèfie li clouè din on tsan, on in yètè trè infinble è, on lachè ché camberè chètchie lé,
chegnè qu’on volëchè portâ dètire à la tinda eu rèkâ po le férè chètchie lé. Lé, on infatè le fon
deu clouè din la pertse po que l’èpi chobrëchè din la tinda.
Che y a ouna gotère chu li j’èpi, è que puichè pas lè preu èchuiyie, ye l’a le chon dè l’étrëmo.
Apré la mèchon, on ètreuble.
Dèvan què bëtchie, on vougnè l’avène po copâ la brouèye, d’euton, po li vatse.
Dictons.
Fo que l’avène chè balle lèvâye à fétà d’ôu.
Fo pas vognie l’avène eu gnie dè leunà, atramin le gran vin gnie.
Li blo wouèron pas eu tsan, on a preu tin !
L’arétà deu blo.
Ouna yètà.
Le dzotsè.
L’ètroeuble.
Le chèle. Le blo. Le fromin. L’ordze.
Le prinmavo. L’invarno.
La lardja li dè, l’a vogna troua èpe !
Le battage
Quand li clouè chon bon chè, on li rètrin eu rèccâ dè la grâne.
On li j’intètsè coumin le fin din la mètya deu rèccâ.

Quand vin l’ëvè, on l’ètcheu.
Che l’ére lè pas bounà, on boutè dè cha po que le gran partëchè pas.
On couminchè pè le chobattrè contre l’èponde po férè chorti li ple byo gran. Pouè fo boutâ
ètryâ. On prin le flèyé, on bouche d’on lâ è on virè la dzerbà. Quand on a battu dè ché lâ
achebin, on lèvè la dzerbeà.
Dèvan què boutâ la paille batoua din la mètya, fo la yètâ in grouche dzerbe.
Quand on a fournè d’ètieurè, on èkeuvè propre le gran, on le vannè è, on le boutè din la
cartan’ne.
Apré on le woudje din dè cha po le portâ eu mouelin, eu din l’artse po le prèjarvâ di rate.
Le balé que chobrè din l’ére, on l’implèyè coumin chotie. Y in a que le baillon è bétche
avoué dè crëtse coumin lètson.
La paille, on implèyè achebin coumin chotie po choterdrè li vatse eu li cayon.
Proverbe : Peu pas chorti deu cha què chin que ya !
Oun ècochoeu.
Le mandze. La corèye. La vardze.
Yètâ la paille in botte. Dè paille moloua.
T’ècroeutsëré ! L’è po férè le pan.
A la fin deu mè d’ôu, on va férè on to po touâ li tsërnëille, chuto è tsou. « Chin mè fé boufâ,
mè fo ingandi la potse à cation d’âtre ! »
A la fin deu mè d’ôu achebin on couminchè li rèko. Ye fo chè dèpatchie parsquè dou dzo deu
mè d’ôu valon mé què trè dè stimbre !
Le regain
On èpantsè chovin li rèko avoué le raté.
Fo couatsenâ dè cholè !
On couatson.
Po l’ètsarbouillie, on le chatcheu avoué li man.
Chovin, on le boutè in toule po pas tornâ contchie to le pro.
Lè le mè d’ôu que fé le rèko.
Le frètson. Le rèpâ.
Amati. Voutre rèko l’a amati.
Amortâ.
Le chanfoin, on le copè à la fin deu mè po férè patoeurà po li bétche.
La checondà prèje, on l’a fé eu couminchèmin deu mè d’ôu. On peu férè onco ouna trèjiemà
copà a la fin dè stimbre.
Eu mè dè stimbre, on couminchè à crojâ li trifle.
Dèvan què crojâ, ye fo nètèyie le tsan. Li fèmale parton dagâ l’èrbà di trifle è li tsardon è,
inrijon la croille èrbà.
Apré dè chin, on prin on petsâ cholide que dzouguëchè pas, dè bouillatse è dè panè.
Tsacon prin catchè j’inrëya è, in mémoue tin dè crojâ, on li reille, li petioude è li grouche.
L’è bien râ che on treuvè dè trifle que chè chon agoryé, le tarin lè pas preu gras.
Li trifle qu’on a intano, on li boutè avoué li petioude.
Li mâre que chon pas pourië, on li catsè din la rèille.
« La mâma avanchè bien, me y in é atan fé què ye,l’é avindjâ ! »
L’è chovin li fèmale que creujon è l’homoue que tsareillè li trifle avoué le dzerle, la cavagne
èbin avoué on cha.
« Te fé pas peufà, mè chimblè, ne volin tè bailli ouna bouna ècoutcha po povè fourni chla
triflère ! »

« Ah mon Diu, chi an li trifle chon pas boune, chon clare è varmeneuje. L’è pas troua tâ que
chè fournè. N’in preu chavato. L’è ouna boune èstrepâda dè féte ! »
Apré on bourlè li j’èrbe è on rapachè po pouè vognie la gran’nà.
Quand l’arrivè la Chin Mouri, fo que le blo chè vogna po que chè byo apointi dèvan que
vegnëchè la nè.
Quand on a fournè dè vognie, on fé la crouè por que le Bon Diu ne j’invoyëchè ouna bouna
prèjà.
Dè forie, dèvan que chè troua grou, on le copè po li vatse è on arevouadè le morché, yo lè le
min èpe, po lachie murâ.
D’âtre cou, oune an on boutâvè l’avène, l’an d’apré li trifle è, le trèjieme an le blo.
Po rintrâ li j’abondanche è li tsourave, on chè veillè on dzo dè byo tin por que cheillon boune
èchuite po li boutâ à la cavà. Li rave on li lâche tanquè à la nè parsquè crèchon todzo.
On dë que li rave chon chan, que fon pëchie.
Proverbes et dictons.
Li j’an tardi chon todzo li meilleu !
Planta tou, planta tâ, dèvan le mè dè mâ, ye pouchè pas ! La croille èrbà durè todzo !
Eu mètin d’octobre, ye fo que tote li rècolte ye cheillon rintré !
Lè pas to d’avè dè tsou, ye fo onco dè bacon po li j‘adeufie !
Quand lè troua, lè troua ! Quand lè preu, lè bon ! Râva por tè !
Pas dè lardze à trabla è cholè à la campagne ! !
Tè fo pas plantâ li trifle eu gnie dè lënà ! Ye, plante pas li trifle à la leunà !
On pèdzu.
Le pour diable.
Baillie, prindrè à tâtse on travail.
Baillie po dzourè.
Le bin. Lachie vakâ le bin.
Le vakwe.
La tsampagne.
La drèfyere.
La tsantèlo.
La rupà.
La tèjà.= (3.80m)
Beunâ. Abornâ.
Mouèrdrè chu mè !
Dèplachie li beune !
La dèléje.
Dè forie, fo prèparâ li tsan po l’apointya.
L’apointya l’a bouna fachon !
La cheviere.
La trinto.
Couilli li pïere pè li pro.
Ètarpâ.
Èpantchie l’engré.
La blètta.
Bètchie. La bètcha.
La tsaru.
La barclo in fè.
Ouna tcheutse dè chèmin.
L’arojeu.
Intèrrâ.

Dèjerbâ. Le moué dè charclon.
Li frë chè tèpo, mè fo dabo allâ li dètèpâ on bocon.
Grifounâ. N’in tu ouna grifouno po charclâ, y avè on loua !
Li plante chon flape ! Fo lachie bènâ li gran dèvan què li vognie !
Èpyâ. L’è èpyo !
Li légume.
Li pè tsatagne.
Li pè chon plin dè fi.
Li pè nain. Li petiou pè.
La goufà.
Ègrenâ.
Li pèjé.
Li fâve. (li peka- fave)=Habitant de Liddes.
L’èchalotte. L’ail.
Le porè. Fo lachie tètâ li chalâde !
Li tsou partinchi. L’an partinchi. La téta dè tsou. Le trëmé .Le tsou frija. Le tsou rodze.
Li carotte rodze. Li dzote. Li tyeuche. La brindète. Le charfoillè.La rubarbà. Chè tsourave lè
chabou (chaboua) chè copè pas ! Li dzerne.Dzarnâ. Trérè le courti !
Abotchie.
Vouè matin, l’èrè fran impochible dè crojâ,l’èrè fran in pètché !
Y in a onco ouna bouna pëtcha !
Li trifle malâde, on peu pas li bailli eu cayon,l’impétron !
Quand n’arin fournè dè crojâ, ané, ne chin pas mé agorieuje !
L’on fournè dè crojâ on morché, l’on accapo la bétche !
Le noué dè la fourgna deu crojâdze di trifle, on fajè dè bougnè po chëpâ !
Li carambole.
Li j’inmarie.
La pèrga.
La triflà boua. (bu).
Dè trifle tseilleué. Farëninte. Grèpye. Flape.
Dè trifle roeugneuje. Varlinbé.
Le dorifô. La rouille.
Inrijie. Ravechie li j’abondanche.
Dè rave flape. Tsafia. Bouë.
La mâre. Li rapan’ne.
Rètapi la cavagne.
Chè meuble va to d’agaron, l’è dènilla, chè va dèmontâ dabo !
Ye charguëgnè. Dèmandjâ.
Le vardjie. L’ètchillà. L’ètsèlon.
Fo te allâ t’aidjie ?
Ché forche dè m’atèlâ po que chin chè founë chè !
L’a davindze. Férè davindze.
Baradjie. Baragnie.
Fo to le dzo baradjie po rin !
Yé baragna lodja-mè !
N’agrantin pas le dzo ! l’è toton, le tin li è quand mémoue, que chè le matin que chè l’aprédenâ
!
Orra, allin ! L’è toton, n’agrantin pas le dzo !
Bourdyachie. La bourdyachèri.
Gnougnachie. Que te gnougnache lé ? Te châ pas travaillie è tè beudjie !

Din le tin, on arrojâvè li pro coute li torrin. On fajè la bèdère è, quand lèrè on bocon chè, on
arrètâvè l’éwe deu torrin avoué ouna tèppà è, boutâvè ouna groucha pïere dèchu po que l’éwe
l’ âillè pas pu felâ din la bèdère.Di trë à trë, on fajè li tseryètte po povè arrojâ to le pro.
Le biche. La trëjuire.
La bèdère. La cunèttà.
Invreyâ.
La dèlâvre.
Le brëtsè.
Le borné.
Le tënëvalle.
Le tërâle.
L’Alpage
Chu l’étre ? ?
L’a rindu le fouet !
D’abo, la montagne d’Emaney l’èrè pè drè.
Apré, tsaquè drè l’avè quatre fon.
On avè le drè dè boutâ ouna vatse pè fon.
Y in avè vintèquatre drè è vintèquatre tsalè.
Tsacon allâvè chouègnie chon bétail me, y avè on métrè bardji, (on vatsèran). On boutâvè on
gawouè po èdjie eu bardjie, on dzo pè tsalè.
Tsacon fajè chon frui è chon boure din chon tsalè.
In milèvouechinvouetantèouè, le conchortâdze l’a dèchido dè férè ouna lètèri.
Di chin l’è tu pè fon è, on a martchando li domestitche.
L’è di adon que l’on bouto li govargneu ; on, dè la rintcha dè damon, on, dè la rintcha dè
davo.
Ingadzon li bardjie, le fruitchie, le cherachie, li curaboeu, li tsareton, le choeudjie, li ranfo è,
li chècordzon dè vatse è dè vé.
Ye fon li comechon è, porton chin que manquè à la montagne.
Le directeu lè ché que dè chin prindrè choin dè toeu.
Tsacon l’è forche dè férè davoue manoeure pè fon po intrètèni la montagne.
Li fèmale von couillie dè pïere è, li j’homoue von èdrougnie è menâ la dreudze è lakâ.
On ménè la trouyà, ouna fachëne dè brantse dè drougnie eu dè chapin, din le ru avoué ouna
cordà è, on l’arétè yo on veu férè la tseryètà. Adon la dreudze va din le pro.
Li darè dzo, on fé onco dè manoeure po lardjie li boeuje, po menâ le fèmé avoué la chwatà è,
l’èpantchie.
L’è le directeu que chè dè occupâ dè chleu travo.
Le chècretére tin li comtche dè la montagne. Quand vin l’euton, avoué li gouvargneu, ye
comton tui li carnet po vie chin que tsaquè partëcoulie dè avè dè kilo dè frui è dè boure.
Po païe li domestitche, li partëcoulie dèvon païe tan pè vatse d’apré le nombre dè vatse.
Quand li comtche chon fé, le chècretére fé poublèye è crie po l’afinblo po demindze tchevin
apré la mèche.
D’âtre cou, li j’arpian,(li j’armailli) lèron pas achë maudoué què orra, mindjievon la polintà è
le chèré tui li dzo.
Din le tin, y avè ouna bardzèri dè modzon è dè modze(ouna modzonaillèri) di la montagne
d’Emaney, dè Fenestral è dè Barbarëne. On li j’afinblâvè, li trè boutin(tropé), è le vélè è le
vèjevè li menâvon à Tènèverdze.
Le chècordzon di modze. Le modzonè.
A Fènèstral, y a adé li modzon. A Tènèverdze bouton onco li meuton avoué on fèyerou.

D’âtre cou, l’allâvon bien dè chleu mandian à la montagne po chè férè nëri.
Leu baillivon à mindjie tanquè lèron malâde, à pou pré !
Arpâ.
Perdrè bârà !
L’inalpe
On innerpe à la fin juin.
Deillon que le devindre li vatse chon grindze, que l’è pas on bon dzo po innarpà.
Tsacon ménè chon nerin in Emaney. Quand chon amon, on li lachè mèclâ .Adon couminchè
la bare, la bataille di vatse : Chè bornèyon, chè batton, l’ètarpon, chè cavallon.
Quand chè chon bien torminté, couminchon à ch’apeillye è à chè fortseillye è chè pâron po
coudjie êtrè rènà. La plë malënè gagnè !
Me, lè mieu d’avè ouna rène à laché què ouna rène à corne.
Quand l’on fournè dè barâ, on li j’imbouè.
Adon, quand le vëtiére l’a bu la gottà, prin on chélon, fé l’éwe bènite è, avoué on lapé baillè la
bènèdechon à l’alpâdze.
Po cha pâye, on li baillè ouna pèlotà dè boure.
Apré, y a l’afinblo po inscrirè tui li tsavon qu’on a bouto amon.
Lè le chècretére que fé chin.
Dèvan què li particouillie tornëchon parti bâ, li bardjie fon la torno di boeu avoué li
propriétére po cognètrè le bètail.
Bèvon la gottà ché dzo, l’in on ouna pilà, tè garante !
Quand vin eutre eu mètin dè juillet, ye ronton ètâva.Adon li mouèdon le noué apré que l’on
imbouo è li tornon pas chorti.
(mouèdrè à ètâva : Traire à la huitième heure.)
Dent d’Etâva : située au sud-ouest des chalets d’Emaney, elle est un élément du cadran solaire
des bergers. Quand le soleil passe au- dessus de son sommet, ils savent qu'il est 14 heures
environ, et qu’il faut commencer la traite de l’après- midi.)
Li dou prèmie bardjie è li dou kuraboeu mouèdon è, le petiou bardjie portè colâ po tsaquè
particouillie, pèjè è marquè tsaquè chouille.
D’âtre cou pèjâvon trè cou po la chaijon, eu couminchèmin, eu mètin è à la fin.
( Le bèrdzerè. Le darè. (Yapabour eu tapabour ? ? ?)Le boubwe.
La désalpe
La dèjèrpà
Din le tin, la veille dè la dèjerpà on allâvè tsartchie le danré, le rapo deu tsotin, à la montagne
avoué la krietse è le manti eu avoué la crebeille plata è le paillet.
Orra lè to ple èja : On va amon avoué la jeep po le menâ bâ.
Le boure chobrè amon lé tanquè à la dèjèrpe,chè partadzè chè dzo.
A la dèjèrpe, on boutè à la rène deu laché on ruban blancè à la rène à corne on ruban rodze.
Chè que l’a la rène deu laché, dè férè le dënâ è j’arpian, chè que l’a la rène a corne leu pâyè
on vére è bin, dè cou , dou !
Le dzo dè la dèjèrpe, on prin li vatse è, on file po li mayen.
On y êtè ouna djijène dè dzo è on vin bâ che mindjie li rèpâ.
« Li mayintsè chon bâ »
On montagnon. On alpechon.
Li mouraille. Le pacheu. La cleujon. La dèléje.
La tsavanne. La trèmouaille.

Le boui. Le torrin.
La tsanteno. Le trotoi.