Counting Down to Kindergarten: - Countdown to Kindergarten

Counting Down to
Kindergarten:
Yon Manyel itil pou fanmi matenel (KO-
K1) nan Lekòl Piblik Boston yo
Produced by the Department of Early Childhood in the Boston Public Schools and Countdown to Kindergarten.
Countdown to Kindergarten is sponsored by Mayor Thomas M. Menino, the Boston School Committee, the Boston
Public Schools and our community partners.

BOSTON PUBLIC SCHOOLS
Chè Fanmi,
Byenvni nan Lekòl Piblik Boston yo! “Department of Early Childhood” pran plezi pou l kòmanse
vwayaj edikatif long sa a avèk nou. Se ak anpil eksitasyon n ap asosye avèk ou pou n plase pitit
ou yo sou yon chemen siksè kòm etidyan e kòm sitwayen.
Avèk gid sa a, n ap entwodui ou nan salklas matènèl “K0” ak “K1” nou yo pou timoun ki nan laj 3
ak 4 an yo, ak tout kourikoulòm modèn n ap itilize avèk yo an: “Opening the World of Learning
(OWL)” e “Building Blocks”. Nou devlope kourikoulòm sa a pou n ka bay pitit ou an konesans pratik
ki pi rich lan, e ki baze sou rezilta rechèch konsènan kijan jenn timoun yo aprann kòrèkteman.
Nou kouramman ap devlope tou yon kourikoulòm tounèf pou pwogram kindègadenn timoun 5 an yo.
Konsa nou pral angaje pitit ou an nan yon eksperyans edikatif serye ki pral ba li yon fondasyon
akademik, sosyal, e emosyonèl ki nesesè pou asire siksè sou tout wout lekòl li ak tout lòt aktivite
aprè lekòl nan lavi li.
Nou ta renmen tande tout reyaksyon ou gen nan lespri pa w e atravè tout eksperyans ou nan
pwogram pou timoun sa a (Early Childhood) nan Lekòl Piblik Boston lan yo. Tanpri rele depatman
an nan 617-635-6768 oubyen voye pou mwen yon mesaj “email” nan jsachs@boston.k12.ma.us. Ou
kapab pwofite tou de anpil resous sa yo nou enskri pou ou nan lis sa a w ap jwenn nan lafen gid sa
a. Ou ka jwenn enfòmasyon tou nan “Countdown to Kindergarten”, nou devlope pou ede w tou nan
tranzisyon enpòtan sa a. Tanpri, pa ezite rele “Countdown to Kindergarten” nan nimewo 617-
635-6816 oubyen vizite “website” nou nan www.countdowntokindergarten.org.
Nou voye meyè souwè nou yo ba ou pou lane lekòl sa a k ap pwoche an,
Jason Sachs
Dr. Jason Sachs
Director, Department of Early Childhood
(Direktè Depatman Klas Matènèl yo)
Denise Snyder
Denise Snyder
Director, Countdown to Kindergarten
(Direktè Kont Arebou Sou Matènèl)

Timoun yo Kòmanse
Aprann Lakay
Konte sou sa a! Chak bagay fanmi yo fè pou yo elve
e pwoteje pitit yo make yon diferans. A kèlkeswa
laj yon timoun kòmanse frekante lekòl, paran yo ak
lòt fanmi yo se premye moun nan lavi timoun sa a ki
kapab apresye ki kalite moun li ye, ak kisa li kapab fè.
Lè paran ankouraje kiryozite lakay timoun yo, kominike
yo valè nan fanmi an, epi montre yo yon apresiyasyon
sensè, fanmi sa yo etabli yon fondasyon solid e dirab
pou timoun lan aprann.
Timoun grandi e devlope
byen lè paran yo, lòt
manb nan fanmi an
ak lòt grandèt koze
epi jwe avèk yo. Se
grandèt lakay yo ki
premye pwofesè timoun
yo. Grandèt yo montre
timoun yo pale yon
lang pandan y ap koze
ansanm, youn rakonte lòt
istwa, youn chante pou
lòt, elatriye.
Jenn timoun kapab reyisi pi fasilman nan lekòl lè yo
aprann anpil mo e ke yo kapab eksprime ide yo ak
nesesite yo. Si ou pran tan pou w jwe epi pale ak
pitit ou yo, ou ede yo ogmante vokabilè yo, ou ede
yo santi yo konfòtab, ou ede yo kòmanse lekòl ak
antouzyasm, e konsa yo prepare pou yo kontinye
aprann.
1

Lè ou pran tan pou w pale ak pitit ou, ou montre
timoun sa a ou renmen li, ou ba li valè, epi w ap pran
swen li. Anplis asirans ak konfò atansyon w sa a asire
lakay pitit ou an, ou bati yon sans pèsonalite solid
lakay li, e li pral apiye sou karaklteristik sa a pandan
tout rès lavi li.
Jwèt ki pou Ede Pitit ou an
Aprann
Aktivite sa yo koute kòb, yo pa boule kalori, e yo pa
bezwen batri!
Anpil pami bagay sa yo w ap fè pou w ede timoun
ou an li yo, yo fasil, yo gratis, epi yo anmizan. Ou
pwobableman akonpli anpil pami yo san ou pa menm
rann ou kont. 20 minit sèlman pa jou kapab make yon
gwo diferans.
PALE
Pale souvan ak pitit ou epi tande swayezman kisa
limenm li gen pou l di w pou w ka ankouraje l koze avèk
ou tou. Plis timoun lan tande mo ak fraz ou yo, plis
limenm li pratike yo nan koze avèk ou, se plis l ap konprann kijan langaj fonksyone.
Aranje w pou youn di lòt istwa, pou youn bay lòt blag.
Aktivite: “Te gen yon fwa” Ba li yon listwa sou oumenm. Di li ki moun zansèt ou yo
te ye, oubyen di li yon listwa nan lavi pa w lè w te timoun. Lè pitit ou
an ap tande w ap di li kisa ki te rive w nan lavi pa w, l ap aprann divès
mo nouvo. Istwa w yo ede l renmen istwa, e sa ede li aprann li lekti
tou! Mande l di w yon listwa, limenm.
Depi nan tan lontan, youn rakonte lòt listwa, se te toujou yon fason
pou nou transmèt valè, kwayans, epi konesans sou fanmi yo. Rakontaj
listwa gen anpil enpòtans kote paran, lòt manb nan fanmi an, ak lòt
grandèt kapab ede timoun yo aprann pale, epi pou yo jwe wòl yo kòm
manb nan avansman kominote an.
2

JWE
Pèmèt pitit oan jwenn anpil tan pou l jwe. Lè timoun
la nap fè kozman pandan l ap jwe ak ti oto, ak blòk,
oubyen ak lòt jwèt, l ap itilize imajinasyon li, l ap
pratike langaj, epi l ap anmize li tou. Lè w ap jwe ak
pitit ou, se yon gran moman pou nou de an—oubyen
pou tout fanmi an—pou nou pataje anpil mo ak ide.
Chwazi oumenm
pwogram TV ak jwèt
video pou timoun yo.
Plase limit nan kantite
tan ak ki tip pwogram
TV pitit ou an kapab
gade. Byenke gen
pwogram TV ki edikatif, rechèch montre tou ke timoun
ki pase mwens tan ap gade televizyon travay pibyen
nan lekòl. Epi tou, lè timoun yo chita twò lontan devan
yon TV, sa redui kantite ekzèsis kote yo ta dwe ap
itilize kò yo ak imajinasyon yo.
ALE PONMENNEN
Lè nou nan pwomnad, nou souvan gen yon bann
bagay nouvo ki pou f è nou koze. Sonje, anpil bagay
ki regilye pou ou se kozman nèf pou pitit ou an.
Menm lè nou chanje wout pou n ale nan estasyon
otobis lan, nan boutik lan, oubyen nan “landri” ou
“Laundromat” lan, sa ap ban nou bagay tou nèf pou n
wè.
FÈ DESEN OU “EKRI”
Se nan fè majigridi ak trase desen timoun yo kòmanse
aprann ekri, konsa ekri e trase desen ak timoun yo.
Lè w ap ekri lis pou w al achte, mande pitit ou an pou l
“ekris” pwòp lis pa li tou, menm si lis li an se majigridi.
Se senpleman papye blan, ou papye ize, ak kreyon
koulè oubyen makè efasab, pitit ou an bezwen pou
li kreye “pyès metrès” li yo. Tout timoun renmen fè
majigridi, trase dessen, oubyen fè
tankou se ekri y ap ekri—e tout aktivite sa yo bay
timoun yo tan pou yo devlope adrès ak imajinasyon
yo.
Aktivie: “Chante
yon Chanson”
Chante pou pitit ou,
e avèk li. Mizik se
yon kozman inivèsèl
e li anmizan pou
tout moun. Mizik kalme e
rekonfòte timoun. Mizik
an jeneral, mizik popiplè ou
chanson pou timoun, se yon
bon fason pou timoun yo
konekte mo yo ak sans yo.
Aktivite:
“Ann fè
Tankou” Fè
tankou ou
pral ponmenmen ak pitit ou
an, oubyen imite aktivite
ki entetrese li. Ou ka fè
tankou w ap òganize yon fèt
anivèsè, ou prale nan yon
restoran, pran avyon, ale
naje, ou nan difikilte. Ou pa
bezwen konsidere sezon an.
Sonje, se sèlman imitasyon.
Aktivite: “M ap Espyone”
Ou ka fè jwèt sa a tout jan:
nan oto an, nan otobis lan, ou
nan boutik lan. Chwazi yon
lèt nan non pitit ou an, epi
wè si ou ka jwenn yon bagay
ki gen menm fòm ak lèt sa a,
oubyen pran lèt sa a nan yon
ansèy. “Eske ou ka jwenn
lèt M?” “S”,
“T”, “V”, “C”,
“O”, “E”, epi
“H” se lòt lèt
fasil pou w
kòmanse.
3

Aktivite: “Ekri yon Lèt” ede
pitit ou an trase yon desen.
Ansuit ekri sa li di w ekri
sou desen sa a. Li
sa w ekri an pou
li. Kite timoun lan
limenm deside a kilès
moun li pral voye foto an
bay: yon paran, yon zanmi,
yon pwofesè. Mete foto an
nan yon anvlòp, epi bay ou
poste l bay moun lan.
Aktivite:
“W ap di
Mwen”
Aprè ou
rakonte yon
listwa ou li
yon liv pou pitit ou an, mande
li kisa ki te rive. Ankouraje l
pou l rakonte w menm istwa
a nan pwòp mo pa li. Kite li
pran tout plezi li vle. Si w
wè gen kote li pa t konprann,
pa pase l nan betiz pou sa.
Pale senpleman piplis sou
listwa a. Kite li itilize pwòp
imajinasyon pa li pou li bati
pwòp istwa pa li.
LI (LEKTI)
Byen o kòmansman, paran, manb fanmi, ak lòt
grandèt bezwen bay jenn timoun yo liv pou yo li.
Yon fason pou n ede timoun yo bay liv valè, se
mete pou n mete liv yo nan yon plas espesyal pou
n ka ankouraje timoun yo pran liv sa yo, yomenm,
sèvi avèk yo jan yo vle. Lè gen opòtinite pou
distribye kado, mande fanmi ak zanmi yo pou yo fè
timoun yo kado liv. Se pa sèlman lè yon liv nèf ki
fè li se yon gran liv. nou ka itilize liv gran frè, gran
sè, ou liv kouzen, oubyen nou ka achte yo nan
etalaj kote y ap vann liv dezyèm men!
Paran, manb fanmi, ak lòt grandèt k ap gade
timoun dwe bay timoun yo liv depi yo ti katkat.
Yon fason pou n entwodui abitid li lakay timoun yo
pou rès lavi yo se lè n ap gade foto yo nan liv lan
pandan n ap pale sou yo. Grandèt yo ka montre
timoun yo kijan pou yo itilize yon liv lè grandèt ap
montre timoun yo kijan pou yo kenbe liv yo pandan
y ap tounen paj yo. Jenn timoun yo aprann
apresye liv apati grandèt ki plase ekzanp sa yo.
Anplis aprann yo aprann kijan pou yo bay liv yo
valè, anpil timoun pran plezi nan atansyon yo
jwenn lè y ap eseye pale avèk yon grandèt k ap
pataje plezi li yon liv avèk yo.
Aktivite: “Pran yon ti Poz”
Aprè nou li yon liv plizyè fwa,
fè yon poze, epi kite timoun
lan repete kèk pami mo yo epi
li avèk ou. Touche kèk pòtrè
pou w ba li yon ti apèsi.
Aktivite: “Pati sa m Pi
Renmen an” Aprè ou li
yon liv, koze ak pitit ou an
sou chak pati nan istwa a
ou pi renmen.
4

Fè tèt ou pwomès pou w li ak timoun yo chak jou.
Ou ka fè sa nenpòt lè nan jounen an. Men si w fè
yon lekti ak yo kèk minit anvan y al kouche, se yon
bon fasòn pou nou mete yon bout nan yon jounen
nou pase ansanm. Sa kapab tradui an pibon 20
minit pandan yon jounen.
Aktivite: “Rime Mo yo” Liv
ki gen rim anmizan pou timoun
yo. Li nenpòt nan liv “Mother
Goose” ou “Dr. Seuss” yo.
Aprè ou li yon liv ak rim, ou
ka fè kèk rim komik, oubyen
nou ka jwe pwòp jwèt pa nou,
kote n ap bati rim ak mo nou
konnen yo. Pa ekzanp, “dime,”
“time,” “rhyme” ou “lime.”
Ajoute piplis rim pou nou ka
mete piplis kouplè nan yon
chanson.
Aktivite: “An n Wè sa k
rive” Se pou kirye avèk pitit
ou an. Chèche nan liv pou nou
jwenn piplis enfòmasyon sou
nenpòt bagay — ke seswa liv
lakay, ke seswa nan bibliyotèk
lan.
Rezime Kourikoulòm
Bi pwogram Lekòl Piblik Boston (BPS)
pou timoun piti yo (early childhood) se
pou li plase timoun yo sou yon wout kote
yo pral gen siksè pou tout lavi yo kòm
etidyan e sitwayen. Pou yo rive nan bi sa
a, timoun yo dwe reyalize fondasyon sa
yo ki pral ede yo asire siksè akademik,
menmjan yo dwe bati abilte pèsonèl ak
sosyal ki nesesè nan kominote nan salklas
lan. Kourikoulòm nan klas matènèl “K0”
an (salklas pou timoun ki gen 3 zan) epi
“K1” (salklas pou timoun ki gen 4 an)
satisfè rekòmandasyon “Massachusetts
Guidelines” pou “Preschool Learning
Experiences (MA Dept of Early Education
and Care)” yo. Nou te chwazi rekòmandasyon sa yo espesyalman pou n akonpli bi
sa a.
5

Nou baze kourikoulòm “K0” ak “K1” lan sou rechèch ki chita sou fason senpl nou
konnen timoun pran konesans: timoun aprann pibyen lè y ap chwazi, lè yo okipe ak
materyèl, ak lè y ap pale ak grandèt epi ak lòt timoun. Lekòl Piblik Boaton yo itilize
yon konbinezon kourikoulòm pou matematik avèk zèv tankou “Opening the World of
Learning (OWL)” e “Building Blocks (BB)”. Atravè kourikoulòm “OWL/BB” an, timoun
yo aprann abilte nan fondman lekti, devlòpman sosyal e emosyonèl, rezònman nan
syans ak nan matematik. Pandan yon jounen nòmal, timoun yo pral mennen aktivite
pou gwoup antye (jwe, chante, resite pwezi), patisipe an gwoup nan ti aktivite kote
y ap bati abilte yo, epi chwazi divès pami anpil opsyon nan mitan jounen an. Nou
anvizaje kourikoulòm sa a pou nou sipòte devlòpman langaj, ak abilte nan lekti ak
nan matematik.
Aktivite yo kapab varye si n ap travay ak timoun “K0/K1” nou plase ansanm nan yon
menm salklas, selon laj timoun lan yo.
Anba a, nou prezante yon rezime konpozan kourikoulòm pou klas “K1” an.
APRANN LI
Gen senk (5) abilte nan fondman pou timoun aprann li, e yo tout yo trese atravè
kourikoulòm “OWL” lan. De (2) premye abilte yo ede timoun yo jwenn siyifikasyon
nan itilizasyon langaj.
1. NAN LANGAJ PALE/KONPREYANSYON
nou refere nou a abilte pou elèv lan angaje li
nan konvèzasyon a 2 sans (back-and-forth)
kote n ap pale sou sijè ki depase sa k ap rive
koulye la a (here-and-now). Nan aktivite sa
yo, nou itilize langaj pou konvèzasyon, pou
solisyone konfli, rakonte istwa e imite jwèt,
epi aprann enfòmasyon epi teknik pou nou
konstwi yon bagay.
Ekzanp: “Peter pa kontan paske li vle soufle,”
oubyen “Maten an, mwen te wè refleksyon
otobis lan nan fenèt lan!”
2. VOKABILÈ ki vle di kantite, varyete, ak
konpleksite mo timoun yo konprann e itilize e
vokabilè vle di tou pou w okouran mo familye
yo, menmjan ak anpil mo ki pa familye, e ke
nou pa tande nan kozman n ap koze chak jou
yo.
Ekzanp: “Sandwich sa a te delisye,” ou
“Sandwich sa a te apetisan!”
6

Nou itilize twa abilte piba yo pou n dekòde, oubyen pou
nou bay kòd ekri pou langaj pale an sans. Chak jou,
timoun ap jwe jwèt nan gwo oubyen nan ti gwoup piti,
e pafwa endividyèlman, e jwèt sa yo kapab ranfòse
konesans timoun yo nan lèt alfabè yo, nan son lèt sa yo,
epi ak kisa lèt yo sanble lè nou enprime yo.
3. KONESANS LÈT ENPRIME gen anndan
li konesans ke lèt alfabè yo ak nonb yo gen
siyifikasyon, ke lèt enprime ale de goch a dwat, e
ke gen espas ki separe mo yo.
Ekzanp: Timoun kenbe liv tèt anlè e tounen paj yo
sòti de goch a dwat.
4. KONESANS ALFABÈ an se konesans fòm ak non lèt yo. Li gen ladan li
kijan pou nou diferansye lèt yo youn de lòtepi pou nou konnen non yo.
Ekzanp: “Hey, mwenmenm tou, mwen gen ‘J’ nan non pa m tou!”
5. KONESANS FONOLOJIKAL (PHONOLOGICAL AWARENESS) gen
anndan li fason timoun lan konprann tout son ki konbine pou fòme mo yo. Nan
konesans sa a, timoun lan kapab divize mo yo an silab, idantifye premye son
nan yon mo (tankou /t/ nan tòp), rekonèt rim (rhymes) epi distinge mo yo youn
de lòt. Li enpòtan tou pou yon timoun aprann kijan pou li idantifye lèt yo ak
son yo.
Ekzanp. “Jelly (jele), belly (vant), Nelly (Nelie) – yo rime!” ou “Samaya ak
Sara, yo tou 2 kòmanse avèk /s/!”
Chak jou timoun yo tande yon listwa ak yon vokabilè
rich e yon devlòpman enteresan. Pandan yon peryòd
tan kout, nou li menm istwa a 3 ou 4 fwa pou yo. Yon
fwa timoun yo familyarize yo ase avèk istwa a, n ap
tann pou yo sonje sekans lan yo, diskite karaktè yo,
santiman yo, epi siyifikasyon istwa a.
Anplis aktivite tande e pale sou liv istwa yo, pwofesè
an ap li liv ki gen enfòmasyon reyèl (non-fiction)
pandan yon peryòd daktivite nou rele “Let’s Find Out About It (An Al Wè Sa k Pase).”
Lekti ki baze sou syans ogmante rezèvwa konesans timoun yo pandan l ap alonje
vokabilè yo.
7

MATEMATIK
Metòd “Building Blocks (BB)” an suiv pwogresyon devlòpmantal naturèl yon an
ansèyman matematik. “BB” santre li sou:
• NONB: konte, korespondans youn-a-youn, konparezon ansanm
nonb, rekonesans ti koleksyon yo, konpozisyon (konsèpt mòso [‘parts’]
ak antye [‘wholes’]), adisyon/soustraksyon;
• FIGI JEOMETRIK: rekonèt et idantifye yo, matchye e konpare yo
figi yo; epi
• FÒM TRASE E MEZIRAJ.
Apwòch fondamantal nan kourikoulòm sa a, se pou nou jwenn matematik nan
aktivite timoun yo, epi pou nou devlope matematik
apati menm aktivite sa yo. Materyèl yo plase
aksan sou pwoblèm matematik ki gen sans, epi yo
eksplore konsèpt matematik yo an pwofondè.
Pou w aprann piplis sou kozman “Building Blocks”
lan, vizite paj fanmi an yon an “TRIAD web site,
www.ubtriad.org.”
DEVLÒPMAN SOSYAL & EMOSYONÈL
A ki pwen sentiman timoun yo osi enpòtan ke fason yo panse, patikilyèman nan
preparasyon yo pou lekòl. Siksè nan lekòl (Academic), mache kole kole ak abilte
sosyal e emosyonèl byen devlope. Jenn timoun yo aprann trè byen nan anviwònman
kote ki gen relasyon pozitif, e yo pa pral aprann kote yo santi yo pa an sekirite, kote
lòt moun pa renmen yo e ofri yo sipò.
WOUTIN/ABITID
Pwofesè yo etabli woutin nan salklas yo pou ede elèv yo konnen kisa k ap rive, e sa
ede yo regilarize yomenm pwòp aktivite pa yo. Pa ekzanp, divès pwofesè itilize yon
chanson pou ede timoun yo sonje ke li lè pou netwayaj, oubyen pou yo kwoke yon
tablo sou mi an ki endike orè pou travay lajounen an.
ÒGANIZASYON KOMINOTÈ
Pwofesè ede timoun yo aprann ke yo fè pati de yon kominote kote yo dwe devlope
yon sans de responsablite youn pou lòt pandan dewoulman konvèzasyon ak
règleman sou sekirite, konnen plas pa w, pataj, ofri èd, e jwenn solisyon pou
konfli. Nan divès salklas, nou bay timoun yo “djyòb” tankou monitè (“line leader”)
ou gadyen pòt (“door holder.”) Pandan reyinyon an gwoup yo, timoun yo jwenn
opòtinite pou yo pataje ide, panse, epi eksperyans yo antre yo.
8

SIJÈ INITE YO (UNIT THEMES)
Alò ke lavi nan salklas lan ofri divès opòtinite pou timoun yo konprann mond sa a
kote y ap viv lan ak tout moun ladan li, gen inite avèk sijè espesifik nan kourikoulòm
lan ki santre sou topik sa a. Nan Inite #1 an Sou Fanmi, pa ekzanp, elèv yo aprann
divès wòl manb fanmi an yo kapab jwe, divès tip fanmi, e kisa sa vle di pou w se yon
pati nan yon fanmi. Inite #2 Sou Zanmi an ede timoun yo konprann kilès ki se yon
zanmi, ak kisa divès zanmi kapab fè ansanm. Timoun yo vini okouran divès kalite
travay plizyè moun reyalize tou, ansanm ak wòl, responsablite, epi sèvis moun k ap
travay nan kominote an reyalize. Lòt Inite “OWL” yo eksplore Van avèk Dlo, Mond
lan ak Divès Koulè li yo, ak Lonbray, epi Refleksyon, epi Bagay k ap Grandi. Anvan
chak Inite “OWL” ou “BB” kòmanse, w ap resevwa enfòmasyon sou pwochen Inite
k ap vini an, e ide konsènan aktivite ou ka mennen avèk pitit ou pou w sipòte l nan
leson l ap aprann yo.
SYANS
Atravè aktivite ti gwoup piti ak tan santral, menmjan
ak diskisyon nan gwo gwoup, timoun yo gen
opòtinite pou yo aprann e pratike sa syantifik yo fè:
obsève, eksplore, predi, mezire, reflechi e anrejistre
eksperyans yo avèk materyèl, epi objè nan anviwònm,
an kote y ap viv lan. Pa ekzanp, lè elèv yo ap etidye
“Mond lan ak Divès Koulè li yo”, y ap aprann koulè
distenk lan yo nan fwi, nan legim, ak nan zannimo, epi
siyifikasyon koulè yo nan kominikasyon (limyè trafik
nan lari, siy ki endike danje, elatriye).
DEVLÒPMAN FIZIK
Abiolte timoun yo pou yo souke kò yo devlope
rapidman, e yo bezwen dives opòtinite pou yo mouv
kò yo pou yo ede kozman grandi sa a.
GWO MOUVMAN: Timoun yo devope abilte gwo
aksyon yo atravè aktivite mouvman nan salklas lan
menmjan ak lè y ap jwe andeyò salklas lan yo. Kèk
ekzanp se danse, sote kòd, grenpe, sote alapèch,
jwe boul, glise, balance sou teren jwèt lan.
TI MOUVMAN: Timoun yo devlope abilte yo pou ti aksyon atravè aktivite y ap
reyalize ak men yo tankou lè y ap fè desen, y ap ekri, pentire, koupe, konstwi,
jwe ak “puzzle”, epi ak ti materyèl piti tankou aranjman kare kole yo (legos), ak
eksplorasyon materyèl pou sans tankou dlo ak pat ajil.
9

AKTIVITE ATISTIK & MIZIK
Anplis abilte nan lekti ak nan matematik, “art” ak mizik ofri opòtinite pou timoun yo
eksplore kreyativite yo, e pou yo eksprime ide yo ak santiman yo.
Timoun yo chante e eksplore chema ritmik (rhythmic patterns) pandan aktivite nan
reyinyon gwo gwoup yo. Aktivite ak ti gwoup piti nan mitan jounen an antre nan
eksplorasyon nan domèn mizik e enstwiman.
Anpil aktivite nan mitan jounen an e ak ti gwoup
piti ofri opòtinite pou timoun yo eksplore materyèl e
devlope reprezantasyon vizyèl. Trase desen, desine
an koulè, reyalize kolaj, epi travay ak pat a modle,
ajil ak lakòl, se kèk ekzanp pami aktivite sa yo.
Pwofesè yo pale ak elèv yo tou sou ilistrasyon ki nan
liv lan yo.
Anpil lekòl ofri piplis pwogramasyon pou aktivite
atistik, mizik, edikasyon fizik, oubyen kèk konbinezon ak tout kozman piwo sa yo.
Anviwònman Salklas lan
Nou ranje salklas “K1” yo yon fason pou yo ofri bonjan opòtinite pou gwoup antye, ti
gwoup piti, epi elèv endividyèlman, aprann. Eksepte nan tan repo, salklas “K1” yo
pa fasilman trankil. Nou angaje timoun yo aktivman nan opòtinite ansèyman, kote
nou ankouraje yo pale, eksplore, epi travay an kooperasyon.
KARE REYINYON (MEETING AREA RUG): Se yon zòn kote nou reyini timoun yo
pou yo mennen aktivite anba direksyon pwofesè yo, e nan zòn sa a, nou gen pratik
istwa, chanson, jwèt ak lòt mouvman konbine ak lekti epi matematik. Nou souvan
itilize kare sa a pou jwèt an blòk, oubyen pou fouyaj nan liv yo.
enterè timoun yo tou.
SANT DANSÈYMAN: Nou divize salklas lan an
divès sant dansèyman tankou sant ansèyman an
blòk, sant atistik ak facilitatè, sant sabl ak dlo, sant
redaksyon, sant matematik ak konte, sant pou
teyat, epi yon sant pou liv. Gen salklas ki gen sant
pou konpyoutè tou, sant pou syans, epi oubyen
yon sant pou odisyon. Nou bay timoun yo opòtinite
pou yo chwazi pami yon pati nan sant yo, ou pami
tout sant yo. Pwofesè yo chanje elèv nan aktivite
nan sant sa yo, selon sijè y ap etidye yo, e selon
10

Yon Jounen Kòm Echantiyon nan “K1”
DEJENE
REYINYON NAN MATEN
Gwoup lan chante yon chanson byenveni. Pwofesè an li plan pou jounen
an, epi li entwodui timoun yo nan sant ki pral disponib lan.
NAN MITAN JOUNEN AN
Timoun yo chwazi pami divès sant ansèyman yo tankou blòk, aktivite
atistik, redaksyon, liv, puzzle, epi manyèl, matematik, sabl/dlo, teyat, epi
syans.
CHANSON, JWÈT AK MO & LÈT
Nan yon gwo gwoup, timoun yo chante e jwe jwèt enstwiksyon ki gen
kapasite pou konstwiksyon konesans lèt yo, vokabilè, epi konesasn
fonolojik.
MATEMATIK POU GWOUP ANTYE & SANT MATH
Pwofesè an ofri yon varyete aktivite matematik pratik pou timoun yo chwazi
l ap travay ak ti gwoup piti kote l ap anseye e evalye konsèp matematik
yo.
REPA
TAN POU TRAVAY MOUVMANTE/ANDEYÒ
TAN POU ISTWA
Pwofesè li e diskite liv ki gen rapò a sijè Inite an.
REPO
ESPÒ, MIZIC, KONPYOUTÈ OU ESPESYALIS NAN “ART”
Aktivite sa yo varye selon lekòl lan.
TI GWOUP PITI
Pwofesè an ofri e gide yon bann aktivite nan lekti ak nan syans kote
timooun yo ap chanje (rotation) de plas an plas.
REYINYON OREVWA & LAGE KLAS
11

Antre nan “Kindergarten” (Transition)
Transitions” kapab yon gran defi pou tout moun,
grandèt kòm timoun, espesyalman antre ou
kòmanse nan klas matènèl, ke timoun lan ap antre
nan K0, K1 ou K2. Sepandan, anpil fwa, antre nan
klas matènèl pi di pou paran an ke pou timoun lan.
Pwogram “Countdown to Kindergarten” ak “BPS
Department of Early Childhood” ofri kèk sigjesyon
pou aktivite ki ka fasilite tranzisyon an pou paran
ak timoun lan nan klas matènèl ou kindergarten
lan.
MENNEN TIMOUN LAN AVÈK OU ALE VIZITE LEKÒL NOUVÈL LAN.
Se yon pati enpòtan pwosesis tranzisyon an. Chak Lekòl Piblik nan Boston ap
ofri yon Sesyon Byenvni pou nouvèl fanmi matènèl yo abityèlman ant mwa avril
e mwa jen. Se yon opòtinite sipèb pou paran yo rankontre prensipal lekòl lan ak
pwofesè matènèl lan, epi dekouvri lekòl lan. Si se posib, vizite lekòl lan plizyè fwa
pandan sezon lete an, epi kite pitit ou an jwe sou teren jwèt lan. Pitit ou an ap vini
familyarize li ak anviwònman lekòl lan, e lè mwa septanm lan rive, lekòl lan p ap yon
milye etranj pou timoun sa a.
KOZMAN KONSÈNAN TRANZISYON. Pa ekzanp, “nou prale nan bibliyotèk lan.
Aprè sa, n ap pase nan sipèmakèt lan kote n ap achte kèk atik, e pou fini, n ap antre
lakay kote nou pral manje kèk bagay, epi fè yon ti dòmi.”
KREYASYON ABITID (ROUTINES). Fikse lè pou n kouche dòmi e lè pou n leve,
epi pa chanje lè sa yo. “Routine” sa a ap ede timoun lan konnen kisa pou l
fè, e l ap asire pou timoun lan gen ase repo tou.
LI DIVÈS LIV sou ale lekòl, men tou, kontinye
li avèk pitit ou an pou plezi lekti an tou. Si pitit ou
an renmen yon liv, li liv sa ak plizyè fwa ak timoun
lan. Si w bezwen yon lis liv nou rekòmande yo,
ale nan paj resous nou an, nan fen ti livrè sa
a. Pandan n ap li, poze kesyon, “Kilès?” “Kisa?”
“Kilè?” epi “Kikote?” pou w ede pitit ou an gen
konpreyansyon. Kite pitit lan li istwa pou ou. Li
kapab di w kisa li wè nan desen ilistrasyon yo.
Mande l pou predi kisa ki pral rive aprè. Vizite
souvan bibliyotèk nan zòn lakay ou an. Yo
gen yon seri pwogram lekti sipèb e gratis pandan
sezon l ete an.
KIJAN POUM
JWENN YON KAT
BIBLIYOTÈK?
Chak branch bibliyotèk nan
vwazinaj lan gen yon Biwo
Sikilasyon. Jeneralman, Biwo
sa a lokalize li nan antre chak
batiman. Pou w jwenn yon kat
bibliyotèk, ou dwe ranpli yon
fòmilè aplikasyon bibliyotèk
lizibleman, epi pòte fòmilè sa
a ak idantifikasyon ki gen non
ou, adrès ou, epi siyati ou nan
Biwo an.
12

ANKOURAJE ENDEPANDANS. Bay pitit ou
lespas pou l chwazi fè kèk bagay pou kont li pou w
ka devlope endepandans nan abitid li yo. Mande
l si l vle mete chemiz wouj lan ou chemiz jòn lan?
Kite l abiye pwòp tèt li. Si l pankò janm ouvri bwat
manje li oubyen tèmòs ji li an pou kont li, montre
li kijan pou li ouvri yo. Timoun yo gen dwa pòte
pwòp repa pa yo nan lekòl lan, e nan ka sa a, yo
dwe aprann kijan pou yo ouvri pwòp bwat manje
yo ak pwòp boutèy ji pa yo. Konsa tou, si pitit ou
an gen pou li mete soulye ak lasèt, ou dwe anseye
li kijan pou li lase soulye li e mare lasèt li yo.
KONPLETE KESYONÈ POU PARAN YO Nou
attaché kesyonè an nan pakè sa a, ou ka jwenn li
nan pakè lekòl la nap ba ou an tou. Enfòmasyon
sa a pral ede pwofesè an konnen timoun ou an
pibyen.
APÈSI: Premye jou lekòl
lan, abiye pitit ou an
konfòtabman. Mete
pantalon ak kilòt ak senti
elastik sou timoun lan
(zip, sentiwon, epi bouton
ka twò jenan pou timoun lan
pandan kèk jou). Yo ka kreye
pwoblèm si ti moun lan tann
lontan pou l di li bezwen
twalèt. L ap pi fasil si timoun
lan ka rale yo desann. Si
timoun ou an pa konnen kijan
pou li lase soulye li, mete
soulye ak fèmti elastik nan
pye li. Lè timoun ou an gen
plis matirite pou l debouye l
pou kont li nan aktivite rad ak
soulye, wa kite l abiye jan li pi
pito.
SELEBRASYON TRANZISYON NAN
KINDÈGADENN. “Countdown to Kindergarten”
ofri yon kantite evènman atravè lavil lan pou ede
nan selebrasyon kozman enpòtan sa a. Pase
pran pakè “Kindergarten Readiness” gratis pa w
ki gen anndan li mayo “I’m going to Kindergarten”,
DVD “I’m Ready!”, epi yon gid “Aktivite” ki gen yon
lis evènman gratis atravè lavil lan. Nou mete pake
say o disponib nan bibliyotèk bò lakay ou an.
KALANDRIYE TRANZISYON
“COUNTDOWN TO KINDERGARTEN”
AVRIL-JEN: Patisipe nan yon Sesyon Byenvni nan lekòl pitit
ou an. Lekòl pitit ou an pral voye yon envitasyon ba ou.
ME-JEN: Pase pakè preparasyon w lan (readiness packet) ki
gen mayo gratis lan (free t-shirt) ak DVD an nan bibliyotèk bò
lakay ou an.
JIYÈ-OUT: Patisipe nan evènman lete gratis atravè tout
lavil lan, avèk ladan li pwogram lekti lete an (Summer Reading
Program) nan bibliyotèk bò lakay ou an. Mande bibliyotekè w lan
enfòmasyon konsènan kat gratis (free passes) pou dives mize (museums).
OUT: Selebre jounen matènèl (Kindergarten Days) nan bibliyotèk
bò lakay ou an. Patisipe nan Selebrasyon Kindègadenn nan “Children’s
Museum” lan. W ap resevwa envitasyon de “Countdown” nan Out ou visite
www.countdowntokindergarten.org pou evènman anvi yo.
SEPTANM: Premye jou kindègadenn lan se premye lendi aprè “Labor
Day” an.
13

DEVLOPE YON PLAN POU PREMYE JOU KINDÈGADENN LAN. Lè ou vizite
lekòl pitit ou an nan sezon prentan an, mande prensipal lan pou l ba ou yon kopi
ajanda (guidelines) pou premye jou lekòl lan. Èske yo pral pèmèt pou w mennen
pitit ou an antre anndan lekòl lan? Gen lekòl ki gen yon règleman serye kote yo
prefere pou paran an rete deyò pou li di timoun lan “good-bye”. Ou kapab prepare
timoun ou an davans pou li ka konnen kisa k ap rive. Ou kapab tou mete yon sijè
fanmi w nan sak timoun lan. Si lekòl pitit ou an gen yon politik ki otorize w antre
nan salklas lan, mande yo pou konbyen tan ou pral la (ou ka senpleman bezwen
10-15 minit). Lè w di “good-bye”, di li tout bon vre.
Si ou panse davans yon difikilte ka rive avèk pitit ou an, pandan peryòd repo
oubyen separasyon nan maten, bay tèt ou yon ti tan pou w diskite l avèk pwofesè
pitit ou an oubyen prensipal lekòl lan, yon fason pou nou ka mete ansanm pou nou
fasilite tranzisyon an poupitit ou an. Sonje, se oumenm ki konnen pitit ou an
pibyen pase tout lòt moun.
Ou pral remake yon postè ki make “Inivèsite Kòmanse nan Klas Matènèl”
(“College Begins In Kindergarten”) nan salklas pitit ou an. Postè sa ap fè w
sonje ke lane sa k ap vini an nan yon salklas kindègadenn nan BPS se yon pa
pwochen nan vwayaj edikatif pitit ou an. Se vole tan an ap vole, e anvan lontan
ou pral genyen pou w di pitit ou an good-bye lè w ap kite l nan inivèsite. Anmize w
byen! N ap di w mèsi pou tèt ou chwazi Lekòl Piblik Boston.
14

Kesyonè Pou Paran “Kindergarten” yo
Nou priye w pran detwa minit pou w reponn kesyon piba yo, epi voye kesyonè
konplete an tounen bay pwofesè tounèf klas “kindergarten” pitit ou an. Kesyonè
sa a pral ede pwofesè an konnen pitit ou an pi byen epi tou l ap fasilite pwogram
enstwiksyon pou li. Mèsi!
NON TIMOUN LAN: __________________ DAT NESANS: _________
KOTE L TE FÈT: ___________________________ LAJ LI: ________
1. Nou priye ou ekri yon lis ki gen non ak laj tout frè ak tout sè pitit ou an, epitou tout
lòt timoun k ap viv nan kay lan.
2. Kilès langaj nou pale piplis nan kay lan? Èske gen lòt lang nou pale tou? Èske
pitit ou an pale piplis pase yon langaj?
3. Avèk kilès moun pitit ou an ap viv (nou vle di: manman, papa, granmè, ou lòt
moun)?
4. Èske ou antrene pitit ou an pou li ale nan twalèt pou kont li? Si non, nan ki pwen
li ye?
5. Dabitid a ki lè pitit ou an ale kouche?
6. Ki responsablite pitit ou an genyen nan kay kote n ap viv lan?
17 15

7. Tanpri di nou kisa ki ka fè pitit ou an pè (chen? Lè li pou kont li? Kisa?, etc).
8. Lè pitit ou an fache oubyen pa kontan, kisa ki kapab kalme li, ki ka fè kè li kontan?
9. Kisa pitit ou an renmen genyen ou renmen fè (interests and hobbies)?
10. Èske gen yon lòt bagay konsènan pitit ou an ou ta renmen pataje avèk nou
(«routine quotidienne», sa li renmen/sa li pa renmen)?
11. Èske pitit ou an gen alèji? Eksplike nou kisa ki ba li alèji an. Kijan sa rive.
12. Èske nan fanmi w gen selebrasyon espesyal ke ou ta renmen pataje avèk nou?
13. Èske pittit ou an te gen eksperyans anvan nan yon gadri oubyen nan yon lekòl
matènèl (preschool or daycare setting)? Si w reponn wi, di nou non etablisman sa
yo.
14. Kisa ou ta renmen pou pitit ou an jwenn nan pwogram “Kindergarten” pa nou
an? Ki aktivite espesifik ou ta renmen wè nou kondui ane sa a? Kisa ou ta renmen
wè rive?
15. Nou priye ou pataje kèk bagay espesyal konsènan piitit ou an avèk nou.
Èske gen kèk lòt enfòmasyon enpòtan ou ta renmen pataje yon ti jan pi an prive
oubyen pi an sekrè avèk nou. Nan ka sa a, tanpri plase yon randevou avèk pwofesè
pitit ou an.
Nou voye meyè souwè nou ba ou pou yon lane eskolè eksitan k ap pwoche! Mèsi
anpil pou tan sa ou pran pou w ranpli kesyonè sa a.
16

Resous pou Paran yo
“Websites”:
http://www.ed.gov/pubs/CompactforReading/tablek.html
Kondui aktivite an pwofondè avèk pitit ou an pou ankourajman devlopman lekti.
http://www.familyeducation.com/home/
Enseye paran yo sou sa an jeneral y ap tann nan pwogram kindègadenn lan. Gen
rankont tou (forums) avèk konsèy lòt paran yo bay.
http://www.kinderart.com/littles/
Anba sijè ki gen jwèt pou itilize sans, pou devlope santé, ak pou idantifye e konpare,
nou kategorize divès aktivite ou ka eseye avèk timoun ou yo.
http://www.seussville.com/
Gen divès aktivite entegre ki anmizan e edikatif pou pitit ou an.
http://www.jstart.org/
“Jumpstart’s website” sa a prezante yon gid chak mwa pou preparasyon timoun
yo pou lekòl, e gen lòt zouti tou pou fanmi yo.
http://www.ubtriad.org/
Plis enfòmasyon konsènan pwogram kourikoulòm math “Building Blocks” lan.
http://www.ncela.gwu.edu/pathways/reading/index.htm
Anpil pratik pou w anseye timoun bileng yo kijan pou yo li (lekti).
http://www.rif.org/leer
Aktivite “Reading is Fundamental” pou fanmi ki pale panyòl lan yo.
Resous:
Boston Public Schools
Telefòn prensipal: (617) 635-9000
http://www.bostonpublicschools.org
Countdown to Kindergarten
Telefòn “hotline”: (617) 63LEARN
http://www.countdowntokindergarten.org
School Hotline
(617) 635-9046
(Out & Septanm)
Special Education
(617) 635-8599
Transportation
(617) 635-9520
BOSTNET
(Rele pou opsyon anvan & aprè klas)
(617) 720-1290
English Language Learners
617-635-9435
Food & Nutrition Services
(617) 635-9144
Boston School Committee
(617) 635-9014
Citywide Parents’ Council
(617) 635-9210
Childcare Choices of Boston
(Rele pou posiblite gadri)
(617) 542-5437
17

Resous pou Paran yo
Liv
Piba, nou prezante yon lis liv nou sigjere pou w li avèk pitit ou an. Vizite
nenpòt bibliyotèk nan Boston (Boston Public Library) pou w prete liv sa
yo!
Jamaica’s Blue Marker
pa Juanita Havill
A, My Name is Alice pa Jane Bayer
When a Line Bends... A Shape Begins
pa Rhonda Gowler Greene
Arf! Beg! Catch!: Dogs from A to Z
pa Henry Horenstein
Mouse Paint pa Ellen Stoll Walsh
Giraffes Can’t Dance pa
Giles Andreae & Guy
Parker-Rees
When I Grow Up
pa Mercer Mayer
Little Blue and Little
Yellow pa Leo Lionni
Mama Always Comes
Home pa Karma Wilson
How Big is a Pig?
pa Clare Beaton & Stella Blackstone
Brown Bear, Brown Bear,
What Do You See? pa Eric
Carle
Amazon Alphabet
pa Martin Jordan & Tanis
Jordan
Uncle Nacho’s Hat/El sombrero del tío
Nacho pa Harriet Rohmer
We Share Everything! pa Robert N.
Munsch & Michael Martchenko
Morris the Moose pa Bernard
Wiseman
Eating the Alphabet pa Lois Ehlert
Shape Space pa Cathryn Falwell
Bear’s Picture pa Daniel Pinkwater
De colores: Bright with Colors
pa David Diaz
Minji’s Salon pa Eun-hee Choung
(Also El Salón de Minji)
Oh! The Places You’ll Go!
pa Dr. Seuss
I Love Saturdays y Domingos
pa Alma Flor Ada
The First Strawberries
pa Joseph Bruchac
Lily Brown’s Paintings
pa Angela Johnson
18

THANK YOU
Countdown to Kindergarten and Boston Public Schools Early Childhood
Department extends it sincere gratitude to the Early Childhood Coaches
and the following Boston Public Schools Kindergarten Programs:
East Boston Early Education Center
Richard J. Murphy K-8 School
Baldwin Early Education Center
John Marshall Elementary School
Maurice J. Tobin K-8 School
William E. Russell Elementary School

1 2 3 4 5 6 7 8 9
c M L b a
p C A E
PRODUCED BY:
Sonia Gómez-Banrey
Program Manager
Countdown to Kindergarten
Chris Bucco
Early Childhood Coach
Boston Public Schools
Karen Sheaffer
Early Literacy Facilitator
Hanson Initiative for Language and Literacy (HILL)
MGH Institute of Health Professions
Carol Darcy
Hanson Initiative for Language and Literacy (HILL)
MGH Institute of Health Professions
Krystal Beaulieu
Program Assistant
Countdown to Kindergarten