Paj Denfòmasyon - Countdown to Kindergarten

FOCUS
On Children
Boston Public Schools
I‘m going to
Kindergarten!
www.countdowntokindergarten.org
Lekòl Piblik Boston
Gid Enskripsyon pou JadenDanfan
Pou Ane Lekòl SY 2014-2015
D C c 9 F X C h 8 K n 7

Tout Bagay sou Lekòl Piblik Boston
MISYON NOU
Lekòl Piblik Boston pran angajman pou transfòme lavi tout timoun atravè
yon ansèyman egzanplè nan yon sistèm lekòl akeyan inovatè dènye klas. Nou
asosye ak kominote a, fanmi, ak elèv pou devloe konesans, talan, ak karaktè
lakay chak timoun k ap aprann pou yo ka gen siksè nan inivèsite, nan karyè yo,
ak nan lavi a.
ELÈV AK LEKÒL
Lekòl Piblik Boston ap sèvi pase 58,000 elèv ki soti nan pase 140 diferan peyi
soti nan Afganistan pou rive nan Zimbabwe. Genyen pase 127 lekòl nan BPS
lèfini nan lekòl sa yo genyen:
7 Lekòl matènèl (K-premye ane oubyen twazyèm ane)
46 Lekòl elemantè (K-5)
27 Lekòl elemantè & mwayen (k-8)
9 Lekòl mwayen (6-8)
3 Lekòl mwayen & segondè (6-12)
3 Lekòl ak konkou (7-12)
25 Lekòl segondè (9-12)
7 Lekòl edikasyon espesyal
2 Pwogram altènatif (ak-risk)
www.countdowntokindergarten.org

LÒT VERITE
• Boston garanti yon plas jadendanfan tout jounen pou tout timoun ki gen
senk an. PBS ofri plis pase 2,200 plas lekòl jadendanfan tou nan “K1” pou
timoun ki gen kat ane ak plas limite nan “K0” pou timoun ki gen twazan.
• NAEYC te lisansye 22 pwogram jadendanfan epi genyen 14 lòt pwogram
ki ap travay pou satisfè egzijans yo pou yo lisansye.
• Depi an 2009, BPS kòmanse ogmante kantite lekòl ki gen lè aprantisay
pwolonje soti nan 4 lekòl rive sou 24 lekòl.
• Nan dènye 12 zan ki sot pase la yo, kapasite pwogram apre lekòl nan vil la
prèske double, nou rive sou 48,000 plas, ak plis pase 110 pwogram.
Y D C c 9 F X C 4 h 8 K n 7 2

Prepare pou Lekòl
Pale, fè lekti, ak jwe ak timoun lè yo tou piti ede yo grandi epi sa mete yo
nan bon chemen pou yo gen siksè lekòl. Vil Boston defini yon “timoun ki
pare pou lekòl” kòm yon timoun ki:
1. Kominike pozitivman ak lòt timoun epi granmoun;
2. Kreye epi renmen aprann bagay nouvo;
3. Kapab konsantre epi mete atansyon sou yon lòt moun oubyen
sou yon aktivite;
4. Santi l byen ak tèt li;
5. Kapab kontwole emosyon li;
6. Li an sante, an sekirite, byen repoze epi byen manje;
7. Gen konesans ki apwopriye;
8. Gen kapasite langaj ki apwopriye; epi
9. Gen kapasite fizik ki apwopriye.
Gen twa bagay si ou fè yo ak timoun chak jou – pale, fè lekti, ak jwe – ou
kapab sipòte pitit ou pou li pare pou lekòl.
Poukisa Pale?
Pale se youn nan bagay ki pi enpòtan ou kapab fè pou ede pitit ou aprann
pale epi ogmante vokabilè yo. Pale enpòtan tou pou aprann li ak ekri. Li di
pou timoun ki aprann li ak ekri mo yo poko janm tande se tankou yo t ap
aprann yon lòt lang tou nèf. Angwo, timoun aprann tande anvan, epi pale,
li ak ekri. Tande sa w ap di se premye pa a.
Nòt: pale kapab epi ta dwe pou fèt nan lang ou santi ou pi konfòtab la. Pa
fatige w si lang natif-natal ou se pa Angle.
www.countdowntokindergarten.org

Poukisa pou Fè Lekti?
Fè lekti pou pitit ou se youn nan bagay ki pi enpòtan ou kapab fè
pou ede yo ogmante vokabilè yo epi devlope lanmou pou aprann.
Lekti awotvwa esansyèl tou pou aprann li ak ekri yon fwa pitit ou
kòmanse lekòl.
Ou kapab ede pitit ou pou aprann li lè ou fè lekti pou yo oumenm
depi yo ti bebe. Lekti ede yo vin abitye tande lang, devlope plis
atansyon, plis vokabilè, epi yon anvi pou fè lekti.
Poukisa Jwe?
Jwe ak timoun kapab ba yo opòtinite pou yo kapab jwe pou kò yo
ap ede yo devlope kreyativite, imajinasyon, epi kapasite sosyalemosyonèl.
Timoun bezwen boustè ak entèaksyon pou nouri
devlòpman brenn yo. Se nan jwe timoun kapab rezoud pwoblèm,
apran travay an gwoup, pataje, negosye, pran defans tèt yo, epi
ranfòse kò yo k ap grandi.
Mete tan apa pou timoun jwe ap nouri imajinasyon yo, devlope
kapasite yo pou rezoud pwoblèm, epi ba yo tan pou envestige
tout bagay enteresan y ap aprann sou mond yo a. Ou pa bezwen
genyen okenn jwèt oubyen ekipman chè pou ankouraje jwe. Senp
bagay tankou blòk, bwat vit, oubyen vye rad pou abiye kapab
soulve imajinasyon jenn timoun pandan yon bann tan!
Y D C c 9 F X C 4 h 8 K n 7 4

Sou Konte an Desandan an
www.countdowntokindergarten.org

5. NOVANM – JANVYE: Vizite & Chwazi Lekòl
Fanmi ki ap enskri pitit yo nan jaden danfan pou lòt ane ta dwe vizite
“www.DiscoverBPS.org.”
Rankontre ak direktè lekòl la ak pwofesè, epi wè travay elèv yo nan Egzibisyon
nan Lekòl (16 Novanm) nou nan chak lekòl matènèl, elemantè, ak lekòl K-8.
4. JANVYE – FEVRIYE: Enskri pou Lekòl
Vizite nenpòt Sant Dakèy (WC) pou enskri. Ou kapab ekonomize tan pandan
vizit ou a si ou sèvi ak BPS Express pou enskri davans sou entènèt.
Nou vreman ankouraje w pou make omwens senk lekòl (plis pi bon) nan fòm
en skripsyon an epi pote li ak dokiman ki egzijib yo.
Si Angle se pa premye lang pitit ou a oubyen si yo pale yon lòt lang nan kay la,
epi pitit ou a ap antre nan K2, pandan li nan WC a, y ap tou ba li yon randevou
pou li ale fè yon evalyasyon nan Sant Evalyasyon ak Konsèy pou Moun Nouvo
(NACC).
3. MAS-JEN: Konnen Lekòl ou a
Fanmi ki enskri depi sou premye tou a (6 Janvye – 31 Janvye) ap resevwa
plasman yo pa lapòs nan fen mwa Mas.
Nouvo lekòl pitit ou a ap envite w nan yon Sesyon Byenveni pou vizite sal
klas yo, pale ak direktè a epi pwofesè yo, epi rankontre ak lòt fanmi nouvo yo.
2. JEN – OUT: Pare pou Lekòl
Asire w ou al pran Mayo/ T-shirt ou nan bibliyotèk sou katye w la epi tcheke
aktivite gratis pou fanmi jaden danfan nan vil la.
Plas nan otobis yo ap vin jwenn ou pa lapòs nan fen mwa Out.
1. SEPTANM: Kòmanse Lekòl!
Jeneralman jadendanfan nan Lekòl Piblik Boston kòmanse jou Lendi
apre Jounen Nasyonal Travay (Labor Day), men gen lekòl ki kapab kòmanse
anvan sa.
Y D C c 9 F X C 4 h 8 K n 7
6

Glosè
BPS: BPS se abrevyasyon pou Lekòl Piblik Boston.
Plasman administratif: Lalwa leta mande pou chak timoun k ap gen sizan 31
Desanm dwe kòmanse lekòl an Septanm. Si ou pa resevwa youn nan chwa lekòl
ou yo, oubyen si ou pa voye yon aplikasyon tounen pou yon timoun ki gen sizan
oubyen ki pi gran BPS ap plase elèv sa a nan yon lekòl ki gen plas ki pi pre lakay li.
Sant Dakèy BPS: Anplwaye nan nenpòt nan twa lokal yo (oubyen nan biwo
satelit ki louvri a mwatye tan nan East Boston) kapab esplike w ki chwa ou genyen
epi ede ou enskri pou lekòl.
Sant Evalyasyon ak Konsèy pou Moun Nouvo (NACC): Anplwaye nan NACC
evalye tout elèv ki kapab Elèv K ap Aprann Angle epi ba yo konsèy sou ki pwogram
ki pi kapab sipòte aprantisay elèv.
www.countdowntokindergarten.org

K2: Se yon jounen an antye (6 zèd tan) jadendanfan pou timoun ki gen senk
an premye Septanm. Alòs BPS paka garanti yon plas K2 nan yon lekòl paran an
chwazi, distri a ap bay yon plas K2 nan youn nan lekòl li yo pou chak aplikan ki
bezwen youn.
K1: Sa a se matènèl pou timoun ki gen katran premye Septanm. BPS ogmante
pwogram K1 li yo nan dènye twa zan ki sot pase la yo rive sou 2,200 plas; men,
plas nan pwogram sa yo toujou limite, epi nou paka garanti plasman nan K1.
K0: Yon ti kantite plas nan K0 la pou timoun ki ap gen twazan an Septanm. Tout
plas sa yo ranpli ak timoun ki genyen bezwen espesyal oubyen frè/sè yo se
timoun BPS.
Lekòl Matènèl (EECs) ak Lekòl JadenDanfan (ELCs): Twa lokal BPS sa yo ofri
K0 oubyen K1 rive nan premye ane epi yo genyen gadri anvan epi apre lekòl. Plas
nan pwogram sa yo toujou ranpli anvan premye tou enskripsyon an (6 Janvye –
31 Janvye).
Lekòl Pilòt: Lekòl pilot fè pati Lekòl Piblik Boston men yo pi fleksib nan eseye
nouvo apwòch nan edikasyon.
Y D C c 9 F X C 4 h 8 K n 7
8

Chwazi Lekòl
Kòmanse Janvye 2014, BPS ap sèvi ak yon nouvo regleman pou l bay plas dapre
yon plan Baze-Lakay pou elèv nan jadendanfan rive nan uityèm ane. Li pa sèvi ak
zòn ankò epi li ede elèv jwenn lekòl ki pi pre lakay yo ki gen bonjan kalite.
Plan lekòl Baze-Lakay la:
• Ogmante chans pou yon fanmi resevwa youn nan tòp chwa lekòl li yo
• Ogmante aksè a bonjan kalite lekòl angwo
• Asire li chak timoun jadendanfan k ap rantre lekòl kapab chwazi bonjan
kalite lekòl
• Retire 40% sou kantite distans yon timoun fè pou al lekòl
www.countdowntokindergarten.org

Anvan yo enskri an Janvye, fanmi yo ap gen chwa pou yo sèvi ak Plan Baze-
Lakay pou patisipe nan sezon Chwa Lekòl:
• N ap ofri yon lis chwa lekòl endividyèl pou chak fanmi baze sou adrès lakay
yo. Li gen ladan chak lekòl ki a distans yon mil ak lakay yo, si gen bezwen,
lekòl ki gen pi wo nivo pèfòmans nan MCAS ak pi bon randman.
www.DiscoverBPSorg
• Lis la kapab ogmante, si gen bezwen, pou asire fanmi yo gen opòtinite pou
aplike pou chwa K0, lang doub, enklizyon, ak plis toujou, epitou pou asire nou
kapab ofri chak timoun yon plas nan yon lekòl ki nan lis li a. Lekòl sa yo ap
rele “Chwa Lekòl.”
• Chak fanmi ap gen omwen 6 lekòl yo kapab chwazi ladan yo; anpil ladan yo
ap genyen an mwayèn ant 8-14 chwa.
• Fanmi yo kapab chwazi nan lis lekòl pou tout vil la.
• Menm jan ak premye plan twa-zòn yo, nou pakab garanti yon aplikan w ap
jwenn plas nan youn nan tòp chwa li yo – men tout aplikan nan K2-rive pou
uityèm ane ap jwenn yon lekòl nan lis endividyèl li a. Akòz plas limite, nou
pa kapab garanti yon plas lekòl pou K0 ak oubyen K1, menm jan nou pat ka
garanti sa anvan.
Y D C c 9 F X C 4 h 8 K n 7
10

Chwazi Lekòl
Plan Baze-Lakay la pou ka asire chak fanmi gen bonjan kalite lekòl nan lis
endividyèl yo a. Nou gwoupe lekòl nou yo an kat Nivo MCAS dapre jan elèv yo
pèfòme nan tès MCAS la nan de dènye ane ki sot pase la yo. Nou met an kont ni
pèfòmans angwo ni amelyorasyon, toulede. Chak fanmi genyen pou piti de nan
lekòl ki genyen rezilta ki pi wo yo (Nivo I – tòp 25%) epi pou piti kat lekòl nan tòp
pèfòmans MCAS nan mitan (Nivo I ak Nivo II) nan lis endividyèl yo a. Nivo III nan
51%-75% anba. Nivo IV nan dènye 25% yo. Nou konnen fanmi yo gade plizyè
faktè apre MCAS pou deside si pou yo chwazi yon lekòl ou pa, epi nou ap trvay ak
kominote a pou devlope yon pi bon mezi kalite ki dirab.
Pou Apranti Lang Angle ki andikape, plan Baze-Lakay la mache yon ti jan diferan,
li kreye yon kominote gwoup lekòl pou ede asire elèv yo kapab ale nan lekòl
ki ofri bonjan kalite pwogram ki pi pre lakay yo.
Plan Baze-Lakay la pi previzib epi li bay paran yo opòtinite pou konnen
chwa lekòl yo a davans. Sa vle di fanmi yo kapab aprann plis sou lekòl yo pi
bonè, sa kapab ede yo ranfòse koneksyon ant lekòl, elèv ak fanmi.
www.bostonpublicschools.org/register
www.countdowntokindergarten.org

Y D C c 9 F X C 4 h 8 K n 7
12

Enskri pou Lekòl
Kilès? Si pitit ou a ap gen senk an premye Septanm 2014, l ap elijib
pou Jadendanfan K2. Gen yon kantite plas nan jadendanfan K1 tou pou
timoun k ap genyen katran (4) an Septanm 2014. Gen yon ti kantite plas K0
ki la pou timoun ki ap gen twa zan (3) premye Septanm 2014. Plas K1 ak
K0 yo pa garanti. N ap fè w konnen alòs BPS eseye plase timoun nan lekòl
fanmi yo chwazi, sa pa toujou posib. Aplikan K2 kapab chwazi pou yo plase
yo administratifman pou yo kapab gen garanti yon plas nan fen premye tou
enskripsyon yo. Timoun k ap genyen sizan 31 Desanm ap jwenn yon plas
nan jadendanfan si youn nan chwa aplikan yo pa disponib.
Ki kote? Enskri nan youn nan Sant Dakèy BPS. Si pitit ou a antre nan K2
epi Angle pa lang natif-natal li, etap enskripsyon an ap gen ladan li yon vizit
nan Sant Evalyasyon ak Konsèy (NACC) pou yon evalyasyon nan lang Angle
ak konsèy sou chwa lekòl.
Dorchester
1216 Dorchester Ave.
Dorchester, MA
(617) 635-8015
Roxbury
75 Malcolm X Blvd.
Roxbury, MA
(617) 635-9010
Roslindale
515 Hyde Park Ave.
Roslindale, MA
(617) 635-8040
Lè nou louvri:
Lasemèn 8:30 AM – 5:00 PM
(Eksepte Mèkredi nou louvri a 12:00-7:00 PM)
Sant Evalyasyon ak Konsèy (NACC)
Konplèks Lekòl Segondè Madison Park
55 Malcolm X Blvd.
(617) 635-1565
Lè nou louvri: Lasemèn 9:00 AM – 5:00 PM
Lendi rive Vandredi
www.countdowntokindergarten.org

Kilè? Premye peryòd enskripsyon an kòmanse 6 Janvye, 2014 – 31
Janvye, 2014 dapre yon orè alfabetik (nou montre pi ba a). Enskri nan
peryòd sa a pou ka gen plis chans pou jwenn yon plas nan youn nan
lekòl ou vle yo.
Dapre siyati paran/responsab:
A-I: Jan 6-10
J-Q: Jan 13-17
R-Z: Jan 21-24
Tout: Jan 27-31
Pre-Enskripsyon kòmanse depi byen bonè an Novanm epi l ap kontinye
rive an Janvye. Ou kapab sèvi ak BPS Express pou pre-enskri pitit ou sou sit
entènèt!
“Pa gen twò lontan depi pitit mwen an di m konsa li se yon syantis paske li
renmen fè envestigasyon nan lakou lekòl la epi li fè eksperyans! Apresa li di
m ki diferans ki genyen ant opaq, translisid, ak transparan! Gwo konsèp pou
yon timoun 5 an!” - Paran BPS
Y D C c 9 F X C 4 h 8 K n 7 14

Lis Dokiman Enskripsyon
Tout fanmi k ap enskri yon nouvo elèv nan lekòl piblik Boston dwe pote
dokiman ki egzijib sa yo nan yon Sant Dakèy BPS; yo fè pati etap enskripsyon
an. Aplikasyon an pap kapab vanse san ou pa gen dokiman sa
yo.
TOUT sa yo:
● Batistè orijinal timoun nan, fòm I-94 oubyen paspò*
● Kanè vaksen ki ajou (al gade pi ba a)
● Foto idantifikasyon Paran/Responsab
*Pou sèvi ak Paspò fòk ou ranpli yon Afidavi Paran, w ap jwenn fòmilè a
nan Sant Dakèy BPS yo
Vaksen Obligatwa
Klas
K0 (laj 3 zan)
K1/K2
(laj 4-5 an)
Hepatit B 3 dòz 3 dòz
DtaP/DTP/DT/Td
>4 dòz DtaP/
DTP
5 dòz DtaP/
DTP
Polyo >3 dòz 4 dòz
Hib: 1-4 dòz 0
MMR 1 dòz 2 dòz
Varisèl (Saranpyon) 1 dòz* 2 dòz*
*oubyen dokimantasyon sou maladi a
www.countdowntokindergarten.org

Epi DE nan sa yo:
Dokiman ki pwouve kote w rete fèt pou yo enprime ak non epi adrès
ajou paran/responsab elèv la. Dokiman yo pa dwe dokiman ki nan
menm boul la.
● Yon fakti (se pa dlo oubyen telefòn) ki date nan dènye 60 jou ki sote
pase la yo
● Yon papye lwaye ajou, yon akò seksyon 8, oubyen afidavi prèv ou
rete nan Boston.
● Yon papye kay oubyen resi ou peye kay ou ki date dènye 60 jou ki
sot pase la yo, oubyen yon resi enpo nan dènye ane ki sot pase la yo
● Yon fòm W2 ki date nan ane a, oubyen souch chèk ki date nan dènye
60 jou di sot pase la yo
● Yon papye labank oubyen kat kredi ki date nan dènye 60 jou ki sot
pase la yo
● Yon lèt yon ajans* gouvènman an apwouve ki date nan dènye 60 jou
ki sot pase la yo
*AJANS GOUVÈNMAN KI APWOUVE: Depatman Asistans an Tranzisyon, Revni (DOR),
Sèvis Timoun ak Fanmi (DCF), Asistans an Tranzisyon (DTA), Sèvis Jenn (DYS), Sekirite
Sosyal, ak nenpòt lòt kominikason ak antèt Vil Masachousèt.
Y D C c 9 F X C 4 h 8 K n 7 16

Resous
Konte an Desandan nan Jadendanfan: (617) 635-9288
Nimewo Telefòn Lekòl Piblik Boston (BPS): (617) 635-9000
Sit Entènèt Lekòl Piblik Boston: www.bostonpublicschools.org
BOSTONavigator (jwenn pwogram nan Lè ki pa lè lekòl nan Boston):
www.bostonavigator.org
Komite Lekòl Boston: (617) 635-9014
Apranti Lang Anglè: (617) 635-9435
Sèvis Manje ak Nitrisyon: (617) 635-9144
Sèvis Sante nan: (617) 635-6788
Rezo Resous sou Edikasyon pou Moun Ki Pa Gen Kay: (617) 635-8037
Sant Evalyasyon ak Konsèy Moun Nouvo (NACC): (617) 635-1565
Biwo Angajman Fanmi Ak Elèv: (617) 635-7750
Nimewo 24 sou 24 pou Lekòl (Janvye, Out, ak Septanm): (617) 635-9046
Edikasyon Espesyal: (617) 635-8599
Pale, Fè lekti, Jwe (resous ak aktivite gratis pou fanmi ak jenn timoun):
www.talkreadplay.org
Transpòtasyon: (617) 635-9520
www.countdowntokindergarten.org

Inivèsite Kòmanse nan Jadendanfan
Kounye a w ap enskri pou jadendanfan, li lè pou kòmanse
panse ak chemen inivèsite. MEFA kapab ede ak
plan pou fè ekonomi pou al nan inivèsite. Ou kapab
kòmanse depi kounye a, ak $15 sèlman. Rele nan
800.449.6332 (MEFA) oubyen vizite www.mefa.org pou
plis detay.
Nou la pou nou ede!
Y D C c 9 F X C 4 h 8 K n 7
18

Haitian Kreyole