74 you-<strong>th</strong> magazine | página 6 4 you-<strong>th</strong> magazine | página Promé impreshon ta konta! > Nos tur sa ku e promé impreshon ku bo ta duna ta hopi importante. Speshalmente ora bo ta bai por ehèmpel un entrevista di trabou òf riba e promé dia di skol. Manera tur hende bo ke pa bo promé impreshon ta esun mihó. Pero, kon bo por hasi esei? 4 <strong>You</strong>-<strong>th</strong> tin un par di tep espesialmente pa bo. • Lenguahe Korporal Bo lenguahe korporal (body language) semper ta duna un mensahe tokante bo mes. Por ehèmpel, si bo mannan ta krusá e ta mustra ku bo no ta habrí. E ta mustra ku bo no ta kla pa papia ni atendé ku hende fásil. Ora bo mannan ta gewon los na bo kurpa e ta mustra ku bo ta mas habrí i sosial i un hende lo aserká bo pa kombersá ku bo mas lihé. • Sonrisa Hopi importante pa bo promé impreshon ta bo sonrisa! Tur hende gusta wak un sonrisa riba un kara alegre. Si bo kara ta será e ta mustra ku bo ta rabiá i niun hende no ke papia ku un hende straño ku su kara rabiá. Sòru pa bo tin un kara alegre i sigur lo tin un hende ku lo smail bèk ku bo. • “Dress Code” Bo bistí tambe ta importante. No ta nesesario pa bo tin paña eksageradamente karu, pero algu barata i “leuk” tambe ta bon. Si bo bistí di un forma representabel tambe bo por laga un bon impreshon atras. • Personalidat Propio Sea bo mes! Por ta bo ta kere bo no ta interesante sufisiente òf porta bo ta haña bo mes straño, pero ser bo mes. Esaki ta e mihó kos ku bo por hasi. Pretendé di ta un otro persona, lo kansa bo eventualmente i un dia e bèrdat lo sali na kla. Pues, sea bo mes i nos ta garantisá ku tin hende ku lo gusta bo mané bo ta! • Sosial Sea habrí pa papia ku hende i ser un hende ku ta fásil pa papia kuné. Hasi pregunta i introdusí bo mes, maske kon nervioso bo ta. Cheyenne Felicia MUNDU DI DEPORTE Tin diferensia den e manera di komuniká ku bo mayornan, amigu òf bo yùfrou di skol? Un relashon ku bo mayornan ta diferente for di un relashon ku bo amigunan. E motibu di esaki ta simpel, mayoria bia abo i bo amigunan ta di mesun generashon. Esaki ta nifiká ku tin mas konfiansa ku otro i boso ta komprondé otro mas fásil. Komo hóbennan ku a lanta riba un isla chikí ku un dushi kultura, nos antepasadonan a sa di eduká nos for di chikí siñando nos norma i balor importante. Un di e normanan prinsipal ta ku mester respetá personanan di edat mas grandi. E siñansa ku nos a risibí serka nos antepasadonan a influensiá kondukta di hopi hóben. Na otro banda tin hóben ku no a tuma e siñansanan aki na pechu i ku ta opiná ku no mester tin diferensia den e manera di komuniká entre nan i nan mayornan, amigunan òf yùfrou di skol. Yesssssss, un djis ta fakansi atrobe despues di algun luna di trabou duru na skol! Bo a pensa algu “leuk” pa hasi kaba? Wèl no tin nada mas dushi ku keda kas i malkriá bo mes ku un dushi máskara pa kara, ku bo mes por traha na kas. E máskara pa kara tin hopi bentaha. 1. E ta salú pa bo kara. 2. E ta yuda duna bo kara e limpiesa nesesario. 3. Si bo hasi uzo di e máskara konstante, e ta evitá ku bo ta haña pèshi no deseá na bo kara. 4. E ta algu “leuk” i dushi pa bo hasi bo so na kas, òf abo ku bo amiganan huntu. Aki ta sigui un reseta pa bo traha bo propio máskara pa kara. Seña ta importante? Bo no a yega di puntra bo mes ta kon e personanan ku ta sambuyá òf hunga baseball ta komuniká ku otro? Kon e trainer ta komuniká ku su atletanan durante wega pa nan kontrinkante no rekonosé e téknikanan usá? Aki ta sigui algun ehèmpel di señalnan usá durante dos diferente deporte. Sambuyá Ora ku bo ta bou di awa ta difísil pa komuniká, p’esei mayoria bia ta usa señalnan ku ta indiká na un otro persona si algu ta bon òf nò. Ta usa señal pa bisa OK. Tin señal tambe pa ora bo ta den peliger. Baseball Den e deporte aki ta usa señal pa e otro kontrinkante no sa ki téknika ta usa ora di bati òf picha. Aki ta sigui djis un par di ehèmpel mirando ku tin hopi. Pa roba base nan ta usa e señal aki. Kècher tambe ta hasi uzo di seña ku su picher pa indiká kiko e tin ku tira, sea ta “fast ball”, “curve ball”, “slider” òf “change up”. Un dede ta nifiká ku e picher tin ku tira “fast ball”. No ta den e deportenan aki so ta komuniká ku otro na e forma aki, pero tin diferente otro deporte mas ku ta hasi uzo di seña pa por komuniká ku otro. Pa mas informashon tokante uzo di sena den deporte bishita e siguiente wèpsaitnan: http://nl.wikipedia.org/wiki/Duiksignaal http://www.infosports.com/baseball/arch/650.htm / http://www.baseball-catcher.com/guide/signals.htm Angelo Engelhart Na final di kuenta e ta dependé ta ki relashon bo tin ku bo yùfrou di skol i mayornan. Kisas bo ta komuniká ku nan mané ta un amigu òf persona di konfiansa nan ta di bo i nan no tin niun klase di problema ku esaki. Arelies Knight Bo ta kere nos no por skibi? Nos hóbennan ta komuniká ku otro den nos mes lenguahe. Pero nos abilidat di skibi bon Papiamentu ta bai atras. Kiko esaki ta nifiká? Pa motibu ku nos ta skibi i lesa den e “WhatsappTaal” un hende su mente por kuminsá lubidá e manera korekto di skibi. “Whatsapp Taal” ta e manera di skibi ora bo ta “chat online”. E meta ta pa hasi e palabranan mas kòrtiku posibel. Hopi bia adultonan no ta komprondé e manera di komuniká aki komo ku den nan tempu no tabata tin e posibilidat pa “chat” ku otro. Lamentablemente studiantenan a kuminsá uza “Whatsapp Taal” na skol i mas ku klaro e konsekuensianan no por ta masha positivo. Abo ta kere nos por sigui skibi asin’aki? Nazjira Bito Máskara di honing ku yògùrt* Tipo di kueru: E ta pa tur tipo di kueru. Loke bo tin mester: 1. un telep di honing. 2. un telep di yògùrt. Preparashon: Brua e dos ingrediente nan aki den otro i apliká e meks riba bo kara. Laga para 15 minüt i despues limpia bo kara ku un sèrbètè lou. Si bo tin kueru seku, pone un telep di honing èkstra den e meskla. Si bo tin kueru vèt, primi un tiki djus di lamunchi den e meks. *) Kòrda kòrta bo kònkòmber na slais, pa bo pone riba bo wowonan. Enjoy! Teps: • Pa kueru di kara ta vèt i/òf ku tin hopi pèshi, maskernan ku ta trahá ku lodo i klei ta e máskaranan ideal. • Pa kueru di kara ta seku, máskaranan ku ta trahá ku honing i zeta ta adekuá. • Si bo kueru di kara ta suave, máskaranan traha ku te bèrdè i Ginseng ta mas apropiá. • Mayoria di e máskaranan trahá na kas mes, mester keda 10 pa 15 minüt riba bo kara. Ora bo ta bai kita e máskara, bo tin ku laba bo kara ku awa lou i apliká un tiki krema di anochi òf di dia riba bo kara. Ebony-Gwenn Martis