SGRUNT_extrait

1

1

Sgrunt ! hè pubblicatu incù l’aiutu di a Cullettività di Corsica.
In partinariatu cù l’accademia di Corsica,
in u quadru di u prughjettu d’abbunamenti à prò di i sculari di Corsica, Tanti libri !
Audiolibru
da sente quì :
Compia a stampera
U 30 di ghjinnaghju di u 2026
Stampatu in Italia da Pacini Editore (Pisa).
Depositu legale
1 u trimestru di u 2026
isbn
978-2-8241-1486-6
Albiana
Albiana - carrughju Fred-Scamaroni - 20000 Aiacciu
Tél. : 04 95 50 03 00 info@albiana.fr
www.albiana.fr
Copyright@2021 Sinnos.
Tutti i diritti di traduzzione è d’adattazione pà a versione corsa sò riservati pà tutti i paesi.
Albiana 2026

Daniele Movarelli e Alice Coppini
SGRUNT!
Traduttu da u talianu da Tittò Limongi

4

U SIGNORE SGRUNT hè l’omu
u più azezu ch’ùn appia mai vistu.
Micca ch’eiu appia cunnisciutu assai omi,
ma trà tutti quelli ch’aghju cunnisciutu,
hè di sicuru u più ROZU.
5

Ùn parla mai cun nimu, mai un “bonghjornu”,
un salutu, nunda, mancu cun a manu,
è sè qualchissia li dumanda qualcosa, pocu impreme
a cosa, li risponde sempre è chè di manera secca :
U so veru nome ùn lu cunnoscu ma tutti,
ghjustu per via di u so caratteracciu,
u chjamanu Sgrunt.
6

U SIGNORE SGRUNT era statu
mentre un tempu un piratu,
di quelli accaniti chì passanu
a so vita à mezu à l’oceani
à fà fronte à l’onde nere alte
cum’è muntagne.
Ma, avà ch’ellu hè vechju, u sale li brusgia e nare è li face
pienghje l’ochji. Hè per quessa ch’ellu campa tandu, in ritirata,
in u paese cusì tranquillu di Monte Chietu.
7

À vedelu, mai ùn diceria chì
u Signore Sgrunt sia statu un piratu.
Trà i parastasgi di cuccumeri à u supermercatu.
In una fila
à a posta.
À u parcu à pusà
nant’un bancu...
8
...per voi, si pò assumiglià à un caccaru nurmale appena
bruntunlone. Ma à l’internu, in u più prufondu di u so core
neru, si piatta un vechju bucanieru. Eiu, u possu vede
in i so ochji, ma sopr’à tuttu in u so ochju manca perchè
l’altru hè piattu da una banda nera. Un altru indiziu
chì mostra ch’ellu hè DI SICURU un piratu.

IN MONTE CHIETU ùn simu
tanti : 54 misgi, 37 cani è 345
persone. Trà sti 345, ci hè un solu
piratu, Sgrunt è ci sò 112 zitelli.
Eiu sò unu di quessi, sò GHJUSTINU.
9

Iè, mi chjamu Ghjustinu, cum’è “Ghjustu”
ma chjucu. Aghju i spechjetti, ùn aghju
mai vistu u mare è sò un campione
di matematiche.
Ùn hè tantu aghju amparatu e frazzioni :
Per esempiu,
a sò ch’o misuru
CIRCA UN TERZU
di u Signore Sgrunt.
In più, possu dì cun
certezza, o guasi,
ch’o aghju UN DECESIMU
di a so età.
È ch’o aghju, forse,
UN CENTESIMU
di u so curagiu.
10

U Signore Sgrunt, di fatti, hà passatu
TRE QUARTI di a so vita in mare.
TRE QUARTI d’avventure
maiò, furiose timpeste,
preziosi tesori, sanguinarie
battaglie è mostri marini.
11

Invece chì in MONTE CHIETU ùn si passa
mai nunda. E ghjurnate sò tutte listesse,
e persone sò tutte listesse è in fine
e case sò tutte listesse.
Anu tutte u tettu rossu è giallu.
È l’erba di i giardini hè tagliata tutta
à a listessa altezza.
Ùn ci sò chè fiori rossi o gialli.
Ma a casa di Sgrunt nò. Hè sfarente.
12

U sole si pesa nant’à tutte e case tutti
i ghjorni, piove à ogni morte di papa
è u fattore passa di manera puntuale tutte
e matine, è puntualmente lampa, timurosu,
lettere è giurnali in u giardinu di Sgrunt.
13

À Sgrunt, li piace à stà solu, in casa soia, senza nimu,
hà tagliatu per di veru i fili di u teleffonu.
Perchè hè un vechju piratu chì odia l’omi, tutti l’omi.
O almenu à tutti quelli ch’o cunnoscu eiu, vale à dì 343 abitanti
di Monte Chietu, in poche parulle tutti fora di EIU E ELLU.
Di listessa manera, l’abitanti di Monte Chietu
u trattanu cun sfidatezza, certi cambianu
di tighjata quandu u scontranu è facenu
nice d’ùn vedelu.
14

Eiu, mi sò dumandatu perchè è vegu TRE SPIECAZIONI.
UNU : i pirati ùn godenu d’una bella
reputazione.
Assaltanu è sacchighjanu nave, sequestranu
equipagi, rapiscenu zitelle, ferianu n’importa
chè per un pugnu di baiocche.
DUI : à spessu, Sgrunt musca u pesciu è,
almenu chè t’ùn campi nant’una vechja
galeotta, st’aspettu tende à alluntanà
l’altre persone.
15

TRE : si dice parechje cose nant’u so contu, cose micca troppu
bellucce diceria.
Si raconta chì u Signore Sgrunt
cattura misgi per fassine mantelli
o per manghjalli o allora, sicondu
à u panatteru, per e duie ragioni.
16

Ci n’hè chì, da veru, ghjuranu chì i misgi,
nanzu à a so scalata, eranu 67 è chì,
misteriosamente, sò spariti l’unu appressu
à l’altru, per ghjunghje sin’à i 54 attuali.
St’affare di i misgi hè una vera enimma,
un’ inchiesta di detettivu, di spluratore
avventurosu.
Ma eiu, à l’incuntrariu di u Signore
Sgrunt, ùn sò mancu appena avventurosu,
dunque A SPARIZIONE DI I 13 MISGI
fermerà un misteru irresulutu.
17

Invece, nimu ùn sà perchè u Signore Sgrunt
odia l’omi, cumu dicia prima, tutti tutti : i vicini,
u fattore, u panatteru, u macellaru, u ghjurnalistu.
Ahhr ! Mi vulete dì
chì ùn avete micca
VASCELLI OGHJE ?!
SGRUNT !
À dilla franca,
quì, nimu
ùn lu compra !
18

Credu ch’ellu odia i zitelli, in particulare i so stridi.
Ùn supporta i muschini chì li ronzanu intornu,
imaginate tandu i mucciconi.
Equipagiu
di ciucci,
luntanu da quì !
SGRUNT !
IN FURIA,
SCAPPEMU !
Ma eiu, per qualchì stranu
mutivu, facciu eccessione.
19