Albertu, Austinu è L'OSSU

Albertu, Austinu è l’OSSU hè pubblicatu incù l’aiutu di a Cullettività di Corsica.
In partinariatu cù l’accademia di Corsica,
in u quadru di u prughjettu d’abbunamenti à prò di i sculari di Corsica, Tanti libri !
Audiolibru
da sente quì
Cù a voce
di Patrizia Gattaceca :

Traduttu da Patrizia Gattaceca

Albertu è Austinu ùn ci la facianu
à arricurdà si l’ultima volta ch’elli
avianu manghjatu qualcosa.

Eranu cusì famiti chì ùn avianu mancu
a forza di lagnà si di a sfurtuna chì
i seguitava cum’è un’ombra.

A so panza sempre più viota cuminciava
à fà scarzacci à Albertu è Austinu.

Ma un ghjornu, quandu ogni sperenza
era smarita, a furtuna s’arricurdò puru
d’elli. Un ossone appitittosu era quì,
di punta à elli. Sta volta ùn si trattava
d’un allucinu, era propiu vera !

S’affacava a notte è ùn pudianu purtà
cun elli l’ossu ch’era troppu grande.
Albertu è Austinu decisenu di piattà
lu è di vultà u lindumane à l’alba
pè runzicà si lu tranquilli.

Albertu pensò ch’ellu era propiu
furtunatu d’avè un amicu cum’è Austinu.

U lindumane, i dui amichi vultonu sopr’à locu
cun l’acqua in bocca, ma l’ossu ùn c’era più.
Era sparitu. Albertu ebbe subbitu un suspettu…
Tandu Albertu è Austinu
andonu finu à a tana di u lupu.

Ma u lupu ùn c’era...