I basgi d'Ercule

I BASGI
D’ERCULE
Clara Piñero
Rocío Martínez
Traduttu da Patrizia Gattaceca

s
i conta chì tempi passatoni,
s’innamuronu a luna è u mare.
Ogni notte si fighjavanu è s’aspettavanu.

U mare dedicava ogni marosu à a so innamurata,
è a luna dedicava à u mare ogni ragiu soiu.
Sunniavanu d’esse inseme à tuccà si è à basgià si…
Ancu s’elli sapianu ch’ella era impussibile !

À quell’epica
campava vicinu
à u mare
un omu
chjamatu Ercule.
Era figliolu
di u rè di i dii
è tenia una forza
soprumana.
Era capace
cusì à impettà
l’essari più
strasurdinarii…

Una notte, Ercule pigliò u mare nantu à a so barca di pesca.
Era azezu chì s’era leticatu cù a moglie, Megara,
per un affare di nunda, cume di solitu,
chì Ercule si infuriava sempre per cusarelle ridicule.

A so forza ùn era solu impressiunente,
era dinù u so geniu gattivu, tandu era megliu
à batte à a larga quand’ellu s’inzergava.

Quand’ellu ùn vide più a sponda, si piantò di remà
è lampò cun forza a rete in l’acqua per calmà si.
Ma più si affannava à lampà a rete sempre più luntanu
per caccià si di mente i pensamenti scuri
è più a so collera criscia.
Tandu, senza vulè la, lampò a rete cù una forza
tale ch’ella vulò in celu, finu à a luna.

È quella, chì si stava ferma à cuntemplà u so caru Mare,
ùn s’accorse mancu ch’ella era chjappa ind’è una rete,
Ercule nemancu è cuminciò à fà la falà.
Tirò, tirò è tirò, avvicinendu a luna da u mare.
I dui innamurati sentinu tandu qualcosa trà d’elli
à tempu à una gioia immensa.