A_siconda_Arca_Extrait

Sergio Olivotti
Traduttu da u talianu da Lisandru Filippi

INTRÒITU
Se assai di noi sapemi di l’Arca
di Noè è di i so avventuri stupenti,
menu cunnisciuti è misteriosi
anch’eddi, sò l’infurmazioni nantu a
“Siconda Arca”, quidda custruita da
u so cuginu Bartulumèu.
Quissu u libru voli metta un sùppulu
d’òrdini in i numarosi lighjendi chì
a cuncèrnani è hè dunqua u fruttu di annati di studii
trà vistighi archeulògichi, ducumenti stòrichi è miti chì,
oghji sempri di più pagani, avarìani fundamenti reali.
Ancu i disegni prisintati quì fàcini parti di
i ducumenti trovi in quidda longa ricerca
ma ùn hè statu pussìbuli di ricuddà à i varii
autori. Ci piaci à pinsà ch’edda sarà vera
a tiurìa di Bonomo da Caserta sicondu u
quali sarìani da veru archerutippi, vali à
dì disignati da manu non umana.

- U POLPU RUMÀNTICU -
- U POLPU RUMÀNTICU -
Innamuratu di una stedda di u sinemà, a famosa Stedda Marina, li
lasciava màzzuli di milorbi davanti a porta di a casa è li cantava
sirinati splènditi trà i quali a rinuminata “Ti stringneraghju
trà i me tentàculi”, “Un musculinu scemu di tè” è “Middi vintosi
d'amori”.

L’ARCA
L’arca di Bartulumèu pari ch’edda fussi un òpara di
maestrìa d’ascia mastudòntica. Longa 180 bisonti è alta
4 giraffi, avìa un tunnilaghju uguali à 320 ippoputami
pangrassoni. Prima di custruì la Bartulumèu era andatu
in un magazenu di fama vichingu da circà ne una dighjà
pronta pà u muntami : scuprì ch’eddi ni avìani un tippu,
u mudelu Arcva,
¨ ¨ ma chì ùn ci n’era più, è di stizza si
manghjò setti chilò di pulpettini vichinghi. Po, eppuru,
si missi in anda è, aiutatu da l’animali,
in menu di una settimana custruì a
so arca. Li vinìa cusì bè chì sùbitu
si pinsò à apprufittà ni, fendu pagà
u bigliettu à tutti l’animali, ma una
saetta in u celu sirenu li brusgiò u
cappeddu. Bartulumèu u presi com’è
un avvertimentu divinu è dicisi di fà
imbarcà l’animali gràtisi.
Nantu à u batteddu c’era di
tuttu : 4 sali di ristoranti cù menù
arbivoru-vighjetarianu, 4 sali cù
U Castoru Tuttufarru,
capicantieru
di a Siconda Arca.
7

menù carnivoru (posti bè distinti di manera chì à li
animali carnivori ùn li vensi micca à menti di magnà si
l’erbivori com’è dulcimi) ; una sala tamanta di ghjòculi
cù ghjumeddi di lana pà i ghjatti, bastoni da riportu
pà i ghjàcari, quatretti di tennis, toli di ping-pong è
ancu un puligonu di tiru induva i culombi si pudìani
intrinà à fà la contru à un bersaglieru. C’era dinò una
sala sinematugràfica chì ùn trasmittìa solu filmi di Rin
Tin Tin, u Cummissariu Rex è Flipper u delfinu, un
ponti cù littini pà fà piglià u soli à i rettili,
durmitoghji pà i ghjiri è animali

letàrghjichi varii, è altri cumudità di u gènaru. In a sala
mutori c’èrini 10 tapetti rutulanti induva à facìani ghjirà
Levrieri Incuntinenti, Ghepardi Ipercinètichi, Pinguini
à ròtuli è Rinuceronti Cingulati currìani à a scimiesca
dendu u muvimentu à l’èlici.
Era una navi maravigliosa, chì ùn si n’era mai vista
una cusì !

- A GIRAFFA ACCATASTÀBILI -
Utilissima da risparmià spaziu è chisià ingorghi in a savana,
era pràtica da veru ancu nantu à u batteddu chì in una sola cabina
Bartulumèu ni pudìa accatastà ancu 7 o 8, è da tandu decisi di
imbarcà ni eccezziunalamenti una vintina.
12

L’IMBARCU
I babbi chì ani appruntatu a vittura pà andà in vacanzi
sani quantu hè difìciuli di sfruttà pà u megliu u spaziu
pà a cappiddarìa di a minnana o u beauty-case di a
mamma. Figureti vi tandu ciò ch’edda pobbi significà di
riempia d’animali l’arca ! Qualchì animali suffrìini di u
mal di mari, dunqua li fù risirvatu u ponti superiori. A
maiò parti di l’aceddi si appuddoni nantu à i mastaloni
è i curdimi, di più svulacciàiani da quindi è da culandi
in cuntìnuu, dunqua adduccà li fù sìmplici.
13

Naturalamenti fù nicissariu
à chisià di metta u
Simpatopu (tupucchju
cù una risa
stridulosa)
vicinu
à i Mammuttonti,
pachidermi
chì
s’innamuravani
faciulmenti di i
Simpatopi è pò i
si ritruvavani à
pienghja cù u cori
frantu appughjati à un baobab.
I Levrieri Incuntinenti (Levrierum Possuscirem)
comu l’emi dighjà ditta utulìssimi pà a propulsioni di
l’arca, èbbini à cabina vicinu à i cabinetti, è à li fini si
capiscia parchì currìani sempri tantu.
I Puzzoli-Chanel, pà furtuna, t’avìani a caratterìstica
di cappià, inveci di a gattiva puzza di i so più cèlebri
cugini, un prufumu raffinatu di lavanda, è par ciò funi
chjusi in i tiretti di i calzunetti di Bartulumèu.
À i Maghjaluth, antenati giganti di i nostri maghjali, fù
risirvatu un spaziu à u bordu di a piscina nantu u ponti
principali, ma li fù difesu di ciuttà si da u trampulinu.
14

I Giraffi Accatastàbili, chì uccupàvani menu spaziu,
funi priferiti à a Giraffa Tatuata chì cù u so coddu longu
pichjava da tutti i canti (u cuginu di Darwin dici chì hè
caghjoni di quissa ch’eddi si dèvini i dui corni-gobbi).
Dunqua, ancu cù tanti sforzi, tuttu si risolsi è l’imbarcu,
à li fini, si tarminò.
- ATTRAZZI USITATI NANTU A SICONDA ARCA -
In più di l'animali, Bartulumèu imbarcò nantu à l'arca assai
assai attrazzi indispinsèvuli à a manutenzioni urdinaria è à u
curà di i passaghjeri. Trà quisti èrini di primura : 1) a Snùrbula,
vali à dì scaldacoddu stinzèvuli pà i giraffi ; 2) una tràppularindrizzabìzzichi
; 3) U Snaùzzu : portaovu ammurtizzatu da salvà
l'ovi in tempi di timpesti ; 4) U Cacciapulgi.
15

In quissa l'àntica incisioni unipochi di l'imprubàbili passaghjeri
di l'Arca. Si nòtani trà altru ; u Fringhellu à molla, chì u so coddu
li parmittìa di amurtiscia i cascati à capunghjò da l'àrburu ;
Paradox, u ghjattu-acquariu (chì si ritrova ancu in a mitulugìa
greca : cundannatu à campà tinendu a panza piena à pesci rossi senza
pussibilità di chjappà li) ; a Bighjaddina ; l'Aceddu multibìzzicu chì

da una bizzicata sola si pudìa taglià in sei parti un lumbriconu ; u
Cuccudrillu stortu (nulla di spiciali : era cascatu in i scali, prima
era drittu) ; Gina Urata cù a so Scimia Paracqua ; a Giraffa Mondriàn,
sticchita stragna di caràtteru ; u Mammutu Pacifista (s'era fattu
piigà i sanni in daretu da ùn fà mali à nimu) ; u Trampaleru Mughjonu.

- SUPERCIOP È MICRUCIP -
Superciop era un Passarotu-Bumbardieru. L'aspettu sbaglia : ùn
era tripputu ma si duvìa pona un ovu di 200 chilò. U so amicu fidu
Microcip era chjucu chjucu ma t'avìa una mimoria spripusitata.
Sicondu à Plinu u Vechju, compia l'alerta meteò avarìa apartu in
sucità una rivèndita di gròmbuli di granonu in Honolulu.
18

- I BASSOTTI-PERISCUPIATI -
Ghjàcari anfibi, circatori famosi di taratrufi subàcquei,
par vìa di u so coddu stinzitoghju (periscopiu) èrini capaci di
sculinnà barboni fèmini in bichinì ancu à grandi distanzi.
19

À CHÌ CODDA È À CHÌ NÒ
Una di i quistioni di i quali ùn si ni parla di sòlitu
quandu si conta a storia di u Diluviu Universali hè,
com’è funi scelti i coppii d’animali da salvà ?
Decida di quali à fà cuddà nantu à l’arca, è quali innò,
duvìa crià da veru prublemi à u corciu Bartulumèu. I
bulabuleddi à setti punti chèrsini di tirà à l’imbusca, sicuri
di a so furtuna sfacciata. I Gurilli Spaccaossi avarìani
vulsutu risolva tuttu cù una bedda cazzuttata.
A manca : baruffa trà elefantoìdi pà sapè quali codda u primu
nantu à l'arca.
21