Nova Vulgata - Pázmány Péter Elektronikus Könyvtár
Nova Vulgata - Pázmány Péter Elektronikus Könyvtár
Nova Vulgata - Pázmány Péter Elektronikus Könyvtár
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
PPEK 680 <strong>Nova</strong> <strong>Vulgata</strong><br />
<strong>Nova</strong> <strong>Vulgata</strong><br />
Bibliorum Sacrorum Editio<br />
mű a <strong>Pázmány</strong> <strong>Péter</strong> <strong>Elektronikus</strong> <strong>Könyvtár</strong> (PPEK)<br />
– a magyarnyelvű keresztény irodalom tárháza – állományában.<br />
Bővebb felvilágosításért és a könyvtárral kapcsolatos legfrissebb hírekért<br />
látogassa meg a http://www.ppek.hu internetes címet.
2 PPEK / <strong>Nova</strong> <strong>Vulgata</strong><br />
Impresszum<br />
<strong>Nova</strong> <strong>Vulgata</strong><br />
Bibliorum Sacrorum Editio<br />
Sacrosancti Oecumenici Concilii Vaticani II<br />
Ratione Habita<br />
Iussu Pauli pp. VI Recognita<br />
Auctoritate Ioannis Pauli pp. II Promulgata<br />
Editio Typica Altera<br />
A könyv elektronikus változata<br />
____________________<br />
Ez a publikáció a Neovulgata, a latin nyelvű Biblia. A szöveg eredete a Vatikán honlapja<br />
a http://www.vatican.va/archive/bible/nova_vulgata/documents/nova-vulgata_novumtestamentum_lt.html<br />
címen. A szöveget 2012. augusztus 8-án és 9-én másoltuk le, a honlapon<br />
található tördelést megtartottuk.<br />
A publikáció függelékben tartalmazza a Magyar Katolikus Lexikon „<strong>Vulgata</strong>” és<br />
„<strong>Vulgata</strong>-revízió Pápai Bizottsága” cikkét.
PPEK / <strong>Nova</strong> <strong>Vulgata</strong> 3<br />
Tartalomjegyzék<br />
Impresszum................................................................................................................................2<br />
Tartalomjegyzék ........................................................................................................................3<br />
Constitutio Apostolica ...............................................................................................................5<br />
Praefatio ad Lectorem................................................................................................................7<br />
Praenotanda..............................................................................................................................11<br />
Vetus Testamentum .................................................................................................................20<br />
Liber Genesis .......................................................................................................................21<br />
Liber Exodus........................................................................................................................78<br />
Liber Leviticus...................................................................................................................124<br />
Liber Numeri......................................................................................................................156<br />
Liber Deuteronomii............................................................................................................203<br />
Liber Iosue .........................................................................................................................244<br />
Liber Iudicum.....................................................................................................................271<br />
Liber Ruth ..........................................................................................................................298<br />
Liber Primus Samuelis.......................................................................................................302<br />
Liber Secundus Samuelis...................................................................................................338<br />
Liber Primus Regum..........................................................................................................369<br />
Liber Secundus Regum......................................................................................................403<br />
Liber Primus Paralipomenon .............................................................................................436<br />
Liber Secundus Paralipomenon .........................................................................................469<br />
Liber Esdrae.......................................................................................................................507<br />
Liber Nehemiae..................................................................................................................518<br />
Liber Thobis.......................................................................................................................535<br />
Liber Iudith ........................................................................................................................549<br />
Liber Esther........................................................................................................................566<br />
Liber Iob.............................................................................................................................579<br />
Liber Psalmorum................................................................................................................625<br />
Liber Proverbiorum............................................................................................................746<br />
Liber Ecclesiastes...............................................................................................................785<br />
Canticum Canticorum ........................................................................................................796<br />
Liber Sapientiae .................................................................................................................805<br />
Liber Ecclesiasticus ...........................................................................................................830<br />
Liber Isaiae.........................................................................................................................903<br />
Liber Ieremiae....................................................................................................................996<br />
Lamentationes..................................................................................................................1080<br />
Liber Baruch ....................................................................................................................1091<br />
Prophetia Ezechielis.........................................................................................................1101<br />
Prophetia Danielis............................................................................................................1161<br />
Prophetia Osee .................................................................................................................1186<br />
Prophetia Ioel...................................................................................................................1201<br />
Prophetia Amos................................................................................................................1208<br />
Prophetia Abdiae..............................................................................................................1220<br />
Prophetia Ionae ................................................................................................................1222<br />
Prophetia Michaeae..........................................................................................................1225<br />
Prophetia Nahum .............................................................................................................1234<br />
Prophetia Habacuc ...........................................................................................................1238
4 PPEK / <strong>Nova</strong> <strong>Vulgata</strong><br />
Prophetia Sophoniae ........................................................................................................1242<br />
Prophetia Aggaei..............................................................................................................1247<br />
Prophetia Zachariae .........................................................................................................1249<br />
Prophetia Malachiae.........................................................................................................1261<br />
Liber Primus Maccabaeorum...........................................................................................1265<br />
Liber Secundus Maccabaeorum.......................................................................................1299<br />
Novum Testamentum...........................................................................................................1323<br />
Evangelium Secundum Matthaeum .................................................................................1324<br />
Evangelium Secundum Marcum......................................................................................1360<br />
Evangelium Secundum Lucam ........................................................................................1383<br />
Evangelium Secundum Ioannem .....................................................................................1422<br />
Actus Apostolorum ..........................................................................................................1451<br />
Apostoli ad Romanos Epistula Sancti Pauli.....................................................................1489<br />
Ad Corinthios Epistula I Sancti Pauli Apostoli ...............................................................1504<br />
Ad Corinthios Epistula II Sancti Pauli Apostoli..............................................................1519<br />
Ad Galatas Epistula Santi Pauli Apostoli ........................................................................1529<br />
Epistula Sancti Pauli Apostoli ad Ephesios .....................................................................1534<br />
Ad Philippenses Epistula Sancti Pauli Apostoli ..............................................................1540<br />
Ad Colossenses Epistula Sancti Pauli Apostoli...............................................................1544<br />
Ad Thessalonicenses Epistula I Sancti Pauli Apostoli ....................................................1548<br />
Ad Thessalonicenses Epistula II Sancti Pauli Apostoli ...................................................1552<br />
Ad Timotheum Epistula I Sancti Pauli Apostoli..............................................................1554<br />
Ad Timotheum Epistula II Sancti Pauli Apostoli ............................................................1558<br />
Ad Titum Epistula Sancti Pauli Apostoli.........................................................................1561<br />
Ad Philemonem Epistula Sancti Pauli Apostoli ..............................................................1563<br />
Ad Hebraeos Epistula Sancti Pauli Apostoli ...................................................................1564<br />
Epistula Iacobi .................................................................................................................1576<br />
Epistula I Petri..................................................................................................................1580<br />
Epistula II Petri ................................................................................................................1585<br />
Epistula I Ioannis .............................................................................................................1588<br />
Epistula II Ioannis............................................................................................................1592<br />
Epistula III Ioannis...........................................................................................................1593<br />
Epistula Iudae...................................................................................................................1594<br />
Apocalypsis Ioannis.........................................................................................................1596<br />
Appendix..............................................................................................................................1614<br />
Decretum de Canonicis Scripturis ...................................................................................1615<br />
Decretum de editione et usu Sacrorum Librorum............................................................1616<br />
Praefatio ad Lectorem (trium editionum Clementinarum)...............................................1617<br />
A Magyar Katolikus Lexikon „<strong>Vulgata</strong>” cikke ...............................................................1620<br />
A Magyar Katolikus Lexikon „<strong>Vulgata</strong>-revízió Pápai Bizottsága” cikke .......................1621
PPEK / <strong>Nova</strong> <strong>Vulgata</strong> 5<br />
Constitutio Apostolica<br />
QUA<br />
NOVA VULGATA BIBLIORUM SACRORUM EDITIO<br />
“TYPICA” DECLARATUR ET PROMULGATUR<br />
IOANNES PAULUS EPISCOPUS<br />
SERVUS SERVORUM DEI<br />
AD PERPETUAM REI MEMORIAM<br />
SCRIPTURARUM THESAURUS, quo salvificus nuntius a Deo hominibus datus continetur<br />
– ait enim recte s. Augustinus: “de illa civitate unde peregrinamur, litterae nobis venerunt:<br />
ipsae sunt... quae nos hortantur ut bene vivamus” (Enarr. in ps. XC, s. 2,1: PL 37, 1159) – ab<br />
Ecclesia merito semper summo in honore est habitus singularique diligentia custoditus. Quae<br />
quidem ab ipsis initiis suis numquam desiit curare, ut populus christianus quam amplissima<br />
frueretur facultate Dei verbum percipiendi, praesertim in sacra Liturgia, in qua celebranda<br />
“maximum est sacrae Scripturae momentum” (Conc. Vat. II, Const. Sacros. Conc., n. 24).<br />
Ecclesia ergo in partibus occidentalibus illam ceteris versionibus anteposuit, quae <strong>Vulgata</strong><br />
solet appellari quaeque maximam partem a s. Hieronymo, doctore praeclaro, confecta, “tot<br />
saeculorum usu in ipsa Ecclesia probata” est (Conc. Trid., sess. IV; Enchir. Bibl., n. 21). Tam<br />
egregiae existimationi documento est etiam cura eius textum ad criticam rationem apparandi,<br />
ac quidem per editionem, quae secundum altiorem doctrinam adhuc concinnatur a monachis<br />
Abbatiae S. Hieronymi in Urbe, a Pio XI, Decessore Nostro fel. rec., ad hoc institutae (Const.<br />
Apost. Inter praecipuas, 15 Iun. 1933; A.A.S. XXVI, 1934, pp. 85 ss.).<br />
Aetate autem nostra Concilium Vaticanum II, honorem confirmans editioni illi, quam<br />
<strong>Vulgata</strong>m vocant, tributum (Const. Dei verbum, n. 22), atque eo contendens, ut in Liturgia<br />
Horarum facilior esset intellectus Psalterii, statuit, ut huius recognoscendi opus, feliciter<br />
inchoatum, “quamprimum perduceretur ad finem, respectu habito latinitatis christianae<br />
necnon totius traditionis Ecclesiae” (Const. Sacros. Conc., n. 91).<br />
His omnibus Paulus Vl, Decessor Noster rec. mem., motus est, ut antequam eidem Concilio<br />
finis imponeretur, id est die XXIX mensis Novembris anno MCMLXV, peculiarem<br />
Pontificiam Commissionem constitueret, cuius esset universalis eiusdem Synodi iussum<br />
perficere atque omnes Sacrae Scripturae libros recognoscere, ut Ecclesia praedita esset<br />
editione Latina, quam progredientia studia biblica postularent quaeque potissimum rei<br />
liturgicae inserviret.<br />
In qua recognitione efficienda “ad verbum ratio habita est veteris textus editionis <strong>Vulgata</strong>e,<br />
ubi videlicet primigenii textus accurate referuntur, quales in hodiernis editionibus, ad criticam<br />
rationem exactis, referuntur; prudenter vero ille est emendatus, ubi de iis deflectit vel minus<br />
recte eosdem interpretatur. Quam ob rem Latinitas biblica christiana est adhibita, ita ut aequa<br />
aestimatio traditionis cum iustis postulationibus artis criticae, his temporibus vigentis,<br />
temperaretur” (cfr. Alloc. Pauli VI, 23 Dec. 1966; A.A.S. LIX, 1967, pp. 53 s.).<br />
Textus, ex hac ipsa recognitione exortus, quae quidem impensior fuit in quibusdam libris<br />
Veteris Testamenti, quibus s. Hieronymus manus non admovit, ab anno MCMLXIX ad<br />
annum MCMLXXVII seiunctis voluminibus est editus, nunc vero editione “typica”, uno
6 PPEK / <strong>Nova</strong> <strong>Vulgata</strong><br />
volumine comprehensa, proponitur. Haec <strong>Nova</strong> <strong>Vulgata</strong> editio etiam huiusmodi esse poterit,<br />
ut ad eam versiones vulgares referantur, quae usui liturgico et pastorali destinantur; atque, ut<br />
verbis utamur Pauli VI, Decessoris Nostri, “cogitare licet eam certum quoddam fundamentum<br />
esse, in quo studia biblica... innitantur, maxime ubi bibliothecae, specialibus disciplinis<br />
patentes, difficilius consuli possunt et congruentium studiorum diffusio est impeditior” (cfr.<br />
Alloc., 22 Dec. 1977; cfr. diarium L'Osservatore Romano, 23 Dec. 1977, p. 1).<br />
Praeteritis temporibus Ecclesia arbitrabatur veterem <strong>Vulgata</strong>m editionem sufficere atque ad<br />
verbum Dei populo christiano impertiendum affatim valere: quod quidem eo satius iam<br />
efficere poterit haec <strong>Nova</strong> <strong>Vulgata</strong> editio.<br />
Itaque opus, quod Paulus VI vehementer optavit neque ad finem absolutum potuit videre,<br />
quod Ioannes Paulus I studiosa voluntate est prosecutus, qui Pentateuchi libros, a praedicta<br />
Pontificia Commissione recognitos, sacrorum Antistitibus in urbem “Puebla” congressuris<br />
muneri mittere statuerat quodque Nosmet ipsi una cum multis ex orbe catholico valde<br />
exspectavimus, typis excusum Ecclesiae iam tradere gaudemus.<br />
Quae cum ita sint, Nos harum Litterarum vi <strong>Nova</strong>m <strong>Vulgata</strong>m Bibliorum Sacrorum<br />
editionem “typicam” declaramus et promulgamus, praesertim in sacra Liturgia utendam, sed<br />
et aliis rebus, ut diximus, accommodatam.<br />
Volumus denique, ut haec Constitutio Nostra firma et efficax semper sit et ab omnibus, ad<br />
quos pertinet, religiose servetur, contrariis quibuslibet nihil obstantibus.<br />
Datum Romae, apud S. Petrum, die XXV mensis APRILIS in festo s. Marci Evangelistae,<br />
anno MCMLXXIX, Pontificatus Nostri primo.<br />
IOANNES PAULUS PP. II
PPEK / <strong>Nova</strong> <strong>Vulgata</strong> 7<br />
Praefatio ad Lectorem<br />
Quoniam sollicitudo pastoralis vera est causa, qua Ecclesia movetur ut id quod fideliter tradit,<br />
renovet, Pius XII mente percipiens tempus advenisse ut in Breviario Romano, a sancto Pio V,<br />
eius decessore, edito, pro Psalterio Gallicano aliud substitueretur, concessit ut, sive in privata<br />
sive in publica recitatione nova interpretatio, a Pontificii Instituti Biblici professoribus<br />
confecta, adhiberetur. Quam deliberationem his verbis explicavit: “ut plenius in dies fidelibus<br />
pateat Sacrarum Litterarum sensus a Spiritu Sancto inspirante datus et hagiographi calamo<br />
expressus, quemadmodum in Encyclicis Litteris Divino afflante Spiritu haud ita multo ante<br />
exposuimus”.<br />
Pius XII sine dubio haud ignoravit “<strong>Vulgata</strong>m quae dicitur interpretationem arctissime esse<br />
cum Sanctorum Patrum scriptis Doctorumque explanationibus conexam, eandemque longo<br />
saeculorum usu summam in Ecclesia nactam esse auctoritatem”, sed prorsus etiam conscius<br />
fuit huius veritatis: “latinae huius interpretationis obscuritates mendaque, a s. Hieronymo<br />
neutiquam expuncta, aetate recentiore idcirco magis magisque manifesta oculis occurrerunt,<br />
quod antiquarum linguarum, imprimisque Hebraicae, cognitio admodum profecit, quod<br />
interpretandi ars perfectior evasit, quod metricae denique ac rhythmicae sermonum<br />
orientalium leges altius fuere investigatae, et ‘criticae textualis' quae dicitur, normae clarius<br />
perspectae sunt”.<br />
Concilium Vaticanum II huiusmodi impulsiones in se recepit iisque obsecundavit, eas ad<br />
illum effectum adducens, quem tempora iam sinebant. Etenim hinc affirmavit: “Maximum est<br />
Sacrae Scripturae momentum in Liturgia celebranda. Ex ea enim lectiones leguntur et in<br />
homilia explicantur, psalmi canuntur, atque ex eius afflatu instinctuque preces, orationes et<br />
carmina liturgica effusa sunt, et ex ea significationem suam, actiones et signa accipiunt. Unde<br />
ad procurandam sacrae Liturgiae instaurationem, progressum et aptationem, oportet ut<br />
promoveatur ille suavis et vivus Sacrae Scripturae affectus, quem testatur venerabilis rituum<br />
cum orientalium tum occidentalium traditio”. Illinc haec congruenter statuit: “Opus<br />
recognitionis Psalterii, feliciter inchoatum, quamprimum perducatur ad finem, respectu habito<br />
latinitatis christianae, usus liturgici etiam in cantu, necnon totius traditionis latinae<br />
Ecclesiae”.<br />
Paulus VI sine mora, cum adhuc celebraretur Concilium, anno 1964 ineunte, Coetum<br />
peritorum nominavit, obnoxium Concilio ad exsequendam Constitutionem de Sacra Liturgia,<br />
qui optatam Psalterii emendationem statim est aggressus.<br />
Die 29 mensis Novembris anno 1965 praedictus Summus Pontifex Paulus VI Pontificiam<br />
Commissionem pro <strong>Nova</strong> <strong>Vulgata</strong> Bibliorum editione instituit, cui Augustinus Cardinalis Bea<br />
praefuit; in quam exeunte anno 1967 Coetus pro Psalterio est insertus.<br />
In allocutione, quam die 23 Decembris 1966 habuit, Summus Pontifex consilium de <strong>Nova</strong><br />
<strong>Vulgata</strong> editione apparanda his verbis exposuit: “Haec editio postulatur progressione<br />
studiorum biblicorum et necessitate tribuendi Ecclesiae et mundo Sacrae Scripturae textum<br />
novum, auctoritate praeditum. Cogitatur de textu, in quo <strong>Vulgata</strong> editio Hieronymiana ad<br />
verbum exprimitur, ubi textum primigenium accurate exhibet, qualis in hodiernis editionibus,<br />
scientifica, ut aiunt, ratione confectis, continetur; prudenter vero emendabitur, ubi ab eo<br />
deflectit vel eum minus recte interpretatur, adhibita lingua Latinitatis biblicae christianae, ita
8 PPEK / <strong>Nova</strong> <strong>Vulgata</strong><br />
ut respectus traditionis temperetur cum postulatis criticis aetatis nostrae. In Liturgiam ergo<br />
Latinam textus inducetur unicus, qui, ad scientiam quod attinet, impugnari non possit quique<br />
traditioni, disciplinae hermeneuticae ac sermoni christiano sit consentaneus. Qui textus erit<br />
etiam huiusmodi ut ad eum versiones vulgares referantur”.<br />
Die 10 Augusti 1969 Liber Psalmorum est editus, qui in Liturgia Horarum in locum versionis<br />
Pianae, quae anno 1945 prodierat, est substitutus. Pontificia Commissio pro <strong>Nova</strong> <strong>Vulgata</strong><br />
Bibliorum editione annis 1970 et 1971, pro more Typis Polyglottis Vaticanis, totum Novum<br />
Testamentum tribus voluminibus edidit.<br />
Moderatio Commissionis pro <strong>Nova</strong> <strong>Vulgata</strong> Bibliorum editione die 3 Iulii 1971 Eduardo<br />
Schick, Episcopo Fuldensi, est credita. Commissio, paene tota e novis constans sodalibus,<br />
opus emendationis ad totum Vetus Testamentum transtulit textumque ita confectum annis<br />
1976 et 1977 quattuor voluminibus edidit.<br />
Die 26 Octobris 1977 Paulo VI postremum volumen, a Commissione paratum, est<br />
propositum. In sermone, quem paulo post ad Patrum Cardinalium Collegium habuit,<br />
affirmavit opus, ad finem perductum, esse eventum, “cuius significatio et momentum omnem<br />
terminum temporis egrederetur”; et addidit: “Textus magna ex parte, ut fieri potuit, in<br />
editiones liturgicas librorum, hisce annis editorum, transiit, atque etiam in sacris sollemnibus,<br />
quibus praesidemus, adhiberi consuevit.<br />
Cogitare libet textum certum esse fundamentum, in quo studia biblica dilectissimi cleri<br />
innitantur, maxime ubi bibliothecae, specialibus disciplinis patentes, difficilius consuli<br />
possunt et congruentium studiorum diffusio est impeditior. Ut autem toto textu, qui nunc in<br />
seiunctas editiones est divisus, omnes valeant uti, is in unicam editionem eamque amplam,<br />
elegantem, habilem, sacro Libro dignam, historicam propter eiusmodi eventum colligetur.<br />
Coetus, ad hoc institutus, iam ad inceptum perficiendum incumbit”.<br />
Post brevem Pontificatum Ioannis Pauli I, Summus Pontifex Ioannes Paulus II die 25 Aprilis<br />
1979 per Constitutionem Apostolicam, a verbis “Scripturarum thesaurus” incipientem, <strong>Nova</strong>e<br />
<strong>Vulgata</strong>e Bibliorum Sacrorum editionem “typicam” declaravit et promulgavit.<br />
Oportet quidem significare editionem illam typicam non ad amussim convenire cum editione<br />
voluminum seiunctorum, quia, ut liquet, Commissio rationem ducere debebat<br />
animadversionum, quae interea a multis ad eam missae erant, secundum methodum, iam in<br />
praeparandis singulis libris servatam, qui “pro manuscripto” antea ad cunctos studiosos,<br />
etiam non catholicos, erant perlati.<br />
In hanc alteram quoque editionem typicam, debito permissu obtento, quaedam retractationes<br />
sunt relatae, quas perspicuitas textus et uniformitas postulabant.<br />
Lectorem ad introductiones peculiares, ad quas res pertinent, remittimus, ut criteria<br />
cognoscat, quae Commissio in emendandis libris est secuta; normae vero generales, quas<br />
Commissio quoad versionem et linguam observabat, hae fuerunt:<br />
1. Religiose servanda est littera <strong>Vulgata</strong>e versionis s. Hieronymi quoties haec sensum textus<br />
primigenii fideliter reddit et facile intellegitur, nec ansam praebet ad eum minus recte<br />
intellegendum vel perperam interpretandum.
PPEK / <strong>Nova</strong> <strong>Vulgata</strong> 9<br />
2. Si quando tamen vel in commentariis s. Hieronymi, ut non raro accidit, vel apud ss. Patres,<br />
vel in Vetere Latina versione textus primigenius verbis magis accommodatis et claris redditur<br />
quam in <strong>Vulgata</strong> editione, tunc hi modi eligendi esse videntur.<br />
3. In vocabulis seligendis et in sensu textus primigenii Latine exprimendo, debito modo ratio<br />
habenda est etiam traditionis exegeticae sive Patrum sive Magisterii Ecclesiae, ita ut nova<br />
recensio <strong>Vulgata</strong>e fideliter reddat sensum “quem tenuit et tenet sancta Mater Ecclesia”.<br />
Cavendum tamen omnino erit ne in vertendos textus Veteris Testamenti inferantur doctrinae<br />
Novi Testamenti; item ne in textus Novi Testamenti inducantur “explicitationes” traditionis<br />
serioris. Ex altera tamen parte, versio singulorum textuum talis sit ut doctrina Novi<br />
Testamenti vel traditionis ecclesiasticae facile cum ea componi possit.<br />
4. Ad “explicitationes” quod attinet, quae sive in versione LXX Interpretum, sive in Vetere<br />
Latina, sive etiam apud s. Hieronymum haud raro inveniuntur, praesertim de Messianismo, in<br />
iis diiudicandis norma textus primigenii servetur, et versio ad regulam praecedentis commatis<br />
(n. 3) fiat. Semper autem caveatur ne libro alicui vel aetati plus tribuatur quam quod revera<br />
habuit, ita ut germanus progressus revelationis perspiciatur. Quod si agatur de textibus, qui<br />
decursu temporum realem progressionem habuerunt, in iis vertendis ea vocabula seligantur<br />
quae eiusmodi progressioni excipiendae sint apta.<br />
5. In libris vel textibus poëticis Latine reddendis ratio est habenda rhythmi et sonori accentus;<br />
vitentur omnino hiatus, cacophoniae, vitiosae verborum consociationes, cetera eiusmodi.<br />
Ratio scilicet est habenda usus textuum, qui fit in Liturgia, sive in recitatione sive in cantu.<br />
6. Idem verbum seu vocabulum Hebraicum vel Graecum non idem omnino verbum Latinum<br />
exposcit nec patitur; eligendum igitur est verbum homologum, quod contextus requirit, vel<br />
pressius verborum significationi respondet. Quod dicendum est etiam de notissimis illis hesed<br />
(gratia, misericordia, benignitas), qâhâl (coetus, conventus, ecclesia), berît (foedus,<br />
testamentum), rûah (ventus, halitus, animus), quae varias significationes habere possunt.<br />
7. Ad morphologiam et ad syntaxin et stilum quod attinet, lingua Latina, qua <strong>Nova</strong> <strong>Vulgata</strong><br />
utitur, similis erit linguae christianae antiquae. Ideo omnia vocabula christianae Latinitatis<br />
servanda sunt, licet aetate classica aliam significationem habuerint, e. g. confiteri, elevare,<br />
iubilare, humiliare, oratio, passio, concupiscentia, gratia, iustitia, salus etc.<br />
Constructiones syntacticae admittuntur, quas auctores aetatis classicae repudiabant, e.g. quod<br />
(vel quia, rarissime quoniam) post verba sentiendi et dicendi, loco accusativi cum infinitivo.<br />
Regula Latinitatis christianae servanda est etiam in usu particularum (praepositionum et<br />
coniunctionum) et pronominum, prae omnibus cauto ut fideliter reddatur sensus textus<br />
primigenii.<br />
8. Huc pertinent haud pauci Hebraismi, qui saepissime occurrunt apud auctores christianos<br />
praesertim in <strong>Vulgata</strong> et in Vetere Latina versione. Difficile videtur rem “a priori “definire.<br />
Universe dici potest quod si agitur de meris Hebraismis, qui Latinitatem undique offendunt<br />
vel sunt Latine parum intellegibiles vel obscuri, tunc manifeste corrigendi sunt. Semitismi ut<br />
“domus sanctitatis”, “via iustitiae”, “filius perditionis”, “canticum canticorum”, “in pace”, “in<br />
sanctitate”, “in iustitia”, “ante faciem”, maiore cum benevolentia diiudicandi videntur;<br />
considerandus est enim in singulis casibus cum usus Latinitatis christianae proprius, tum<br />
genus dicendi vulgare, nec praetermittenda videtur consuetudo hominum nostrae aetatis<br />
eorumque percipiendi facilitas.
10 PPEK / <strong>Nova</strong> <strong>Vulgata</strong><br />
9. Quod ad nomina propria personarum et locorum attinet, opera est data, praesertim in hac<br />
altera editione, ut saltem in eodem libro eademque significatione uniformitas servaretur,<br />
praelato, ut patet, scribendi modo certiore aut, in re dubia, editionis Xystinae–Clementinae<br />
ratione expressa, quae propius accedit ad formam Graecam, quae, ad hoc quod pertinet, est<br />
textu Masoretico antiquior.<br />
Orthographia, attento fine liturgico <strong>Nova</strong>e <strong>Vulgata</strong>e editionis, qui imprimis perspicuitatem<br />
exposcit, non sequitur varietatem exemplarium manu scriptorum, sed usum, qui hac aetate<br />
magis invaluit; qua in re studium est positum in uniformitate.<br />
Interpunctioni, quae potius practicas quasdam rationes sequitur, est propositum ut sive<br />
lectioni sive interpretationi sit adiumento, cum textus sit huiusmodi ut “ad eum versiones<br />
vulgares referantur”.<br />
In <strong>Nova</strong> <strong>Vulgata</strong> editione idem ordo librorum servatur, qui proprius est editionis Xystinae–<br />
Clementinae. Ordo autem numerorum capitum et versiculorurn conformatus est numerandi<br />
rationi, quae in quibusque textibus primigeniis invenitur. In Psalterio ergo ordo textus<br />
Masoretici servatur, ordine <strong>Vulgata</strong>e editionis intra parentheses posito.<br />
Textus denique poetici secundum ordinem versuum sunt typographice dispositi, ratione, ut<br />
decet, habita necessitatum Liturgiae Horarum.<br />
EDUARDUS SCHICK eps.<br />
Praeses Pontificiae Commissionis<br />
pro <strong>Nova</strong> <strong>Vulgata</strong> editione
PPEK / <strong>Nova</strong> <strong>Vulgata</strong> 11<br />
Praenotanda<br />
Ut iudicari possit de recognitione, publico usui in Ecclesia destinatae, Veteris <strong>Vulgata</strong>e<br />
editionis, expedit de modo exponere, qui ad emendandos quosdam libros Sacrae Scripturae<br />
necessarius est visus, necnon de peculiaribus quaestionibus, quae ortae sunt, ac de earum<br />
solutione.<br />
Vetus Testamentum<br />
In arduo emendandi PENTATEUCHUM opere Pontificia Commissio pro <strong>Nova</strong> <strong>Vulgata</strong><br />
Bibliorum editione secuta est s. Hieronymi exemplum, qui sic ad Desiderium scripsit: “Sicubi<br />
tibi in translatione videor errare, interroga Hebraeos, diversarum urbium magistros consule...<br />
Nunc te precor, Desideri carissime, ut qui tantum opus me subire fecisti, et a Genesi<br />
exordium capere, orationibus iuves, quo possim eodem spiritu, quo scripti sunt libri, in<br />
Latinum eos transferre sermonem”.<br />
Magnus Doctor, Damasi Papae mandato, Pentateuchum inter 398–405 ex ipsa “Hebraica<br />
veritate” Latina voce reddidit, quae simplicitate, fidelitate et elegantia generatim excellit.<br />
Tamquam norma sumptus est Textus Masoreticus (= TM), critice editus in Bibliis Hebraicis<br />
Stutgardiensibus. Si a textu Masoretico interdum recessimus, in notis criticis rationem<br />
emendationis protulimus.<br />
Sed etiam ad LXX Interpretum Graecam versionem (= Gr) spectatum est pro antiquitate<br />
eiusque acceptione apud Christianos sermonis Graeci. Huius autem versionis illam<br />
adhibuimus editionem, quam critice paravit Alfredus Rahlfs, quaeque Stutgardiae anno 1962<br />
edita est. Haec editio, maxima ex parte solis codicibus B S A nixa, etiam Origenis et Luciani<br />
recensiones aliosque fontes minores admittit.<br />
Perpensae quoque et adhibitae sunt antiquae versiones Aramaica, seu quam vocant Targum<br />
(= Targ), Syriaca (= Syr), Aquilae (= Aq), Symmachi (= Sym) et Theodotionis (= Theod).<br />
Textus Latinus invenitur in Bibliis Sacris iuxta <strong>Vulgata</strong>m Versionem (= Vg) a Societate<br />
Biblica Virtembergensi, Stutgardiae 1969 editis, quam R. Weber recensuit adiuvantibus B.<br />
Fischer, I. Gribomont, H. F. D. Sparks, W. Thiele (= ed. critica).<br />
In recensendo Pentateucho normas generales secuti sumus, unde <strong>Vulgata</strong>e editionis textum<br />
tunc tantum emendavimus, cum validae rationes sive criticae textualis sive scientiae<br />
philologae id postulare viderentur. Attamen huiusmodi emendationes ita factae sunt, ut novae<br />
elocutiones cum lingua Latina <strong>Vulgata</strong>e editionis concinerent eiusque veluti colorem ac<br />
stilum conservarent. Maximas ergo partes venerandae <strong>Vulgata</strong>e traditioni tribuimus in qua<br />
summe eminent libri Pentateuchi, excepto Levitico. <strong>Vulgata</strong>e verba, ubicumque textum<br />
Hebraicum fideliter reddunt, etiam quoad sensum tantum, ibi servata sunt; sin autem, congrua<br />
elegimus vocabula, quae in aliis libris Veteris et Novi Testamenti occurrunt.<br />
Item eadem vocabula Latina generatim servata sunt pro quibusdam typicis vocibus Hebraicis,<br />
e. g. miskkþn = “habitaculum”, ’ohel mo‘Þd = “tabernaculum conventus “, terûmþh =<br />
“primitiva”, ‰uqqþh = “praeceptum” (non “caeremoniae”), miwþh = “mandatum” (non<br />
“praeceptum”) etc. Conservati etiam sunt semitismi qui dicuntur, e. g. “cornu salutis”, “Deus<br />
iustitiae”, “semen” (= posteritas), “locutus est Dominus dicens” etc.; sic etiam nomina<br />
propria Hebraica, e. g. Meriba, Massa, Mosoch, Misar etc. servata sunt.
12 PPEK / <strong>Nova</strong> <strong>Vulgata</strong><br />
Peculiaris difficultas oritur ex libris THOBIS et IUDITH, quorum videlicet textus in <strong>Vulgata</strong><br />
nulli plane respondet textui primigeniae linguae ac valde quidem distat ab eo, qui in<br />
recentioribus Bibliorum Sacrorum editionibus invenitur.<br />
Etenim primigenia librorum Thobis et Iudith scriptio interiit, eosque ambos ipse sanctus<br />
Hieronymus sine magno negotio convertit: “unius diei laborem arripui”; “huic libro unam<br />
lucubratiunculam dedi magis sensum e sensu quam ex verbo verbum transferens”. Revera<br />
interpretatio libri Thobis ab Hieronymo confecta admodum discrepat a lectione LXX<br />
Interpretum (codd. AB), quae et ipsa vicissim brevior est quam codicis Sinaitici, quem hodie<br />
proximum esse arbitrantur primigeniae scriptioni. Sed Vetus Latina propius accedit ad codicis<br />
Sinaitici textum. Libri Iudith lectio Graeca bene exhibetur tribus in praecipuis formis: BAS;<br />
mss 19.108; ms 58 (similis Veteri Latinae ac Syriaco).<br />
Cum igitur Summus Pontifex permisisset ut in <strong>Nova</strong>m <strong>Vulgata</strong>m induceretur etiam textus<br />
apud recentiores editiones adhibitus (Audientia 30 Martii 1968), Pontificia Commissio fontes<br />
elegit secundum lectionem Veteris Latinae censuitque utendum codice Vercellensi XXII<br />
(saec. X) pro libro Thobis et codice Bernensi (saec. X) pro libro Iudith, quos autem contulit<br />
diligenter antea cum codicibus Latinis et Graecis proprio loco descriptis.<br />
Liber ESTHER in Ecclesia legitur secundum duas formas canonicas. Textus Hebraicus a s.<br />
Hieronymo translatus exstat in editione <strong>Vulgata</strong> in Est 1, 1-10,3. Textus Graecus non est<br />
simplex versio, sed retractatio libri Hebraici, largiter aucta et etiam partim transformata.<br />
Partes, quae in libro Hebraico desunt, s. Hieronymus addidit post versionem textus Hebraici<br />
(in <strong>Vulgata</strong> 10, 4–16, 24). Editio Graeca condicioni Iudaeorum in diaspora degentium aptata<br />
est, ut apparet in transformato decreto regio Mardochaei (8, 12 et 8, 12u-cc = <strong>Vulgata</strong> 16, 17-<br />
24). Huic mutationi congruit in versione Vetere Latina textus Graeci omissio pugnae (9, 1-<br />
2.5-19). In hac omissione et aliis lectionibus variantibus, in quibus distat a textu manu scriptis<br />
Graecis tradito, versio Vetus Latina textum Graecum primigenium conservavit. Textus autem<br />
Graecus in exemplaribus manu scriptis Graecis traditus (exceptis paucis exemplaribus manu<br />
scriptis sic dictis Lucianeis) secundum subscriptionem (10, 31 = <strong>Vulgata</strong> 11, 1) est opus<br />
Lysimachi (filii Ptolemaei Hierosolymitani), qui textum Graecum textui Hebraico assimilavit<br />
supplens omissiones. Haec est subscriptio: “Anno quarto, regnantibus Ptolemaeo et<br />
Cleopatra, attulerunt Dositheus, qui se sacerdotem et levitici generis ferebat, et Ptolemaeus<br />
filius eius hanc epistulam Phurim, quam dixerunt esse (genuinam) et interpretatum esse<br />
Lysimachum Ptolemaei filium in Ierusalem”. Versioni textus Hebraici inseruntur additiones<br />
et aliae quaedam discrepantiae editionis Graecae (= II), quae sunt maioris momenti, in locis<br />
eis convenientibus. Numeratio harum partium fit litteris post numeros positis. Versio autem<br />
supponit textum versionis Veteris Latinae, exceptis duobus decretis regiis (3, 13a–g; 8, 12acc),<br />
in quibus interpretes difficile idioma rhetoricum non plene intellexerunt et quae<br />
Lysimachus fere solum in 8, 12y mutavit, pro die decima quarta Adar secundum editionem<br />
Hebraicam diem decimam tertiam ponens; in 3, 13f autem conservavit diem decimam<br />
quartam, quia iam suo tempore in textu Hebraico (3, 7) dies caedi Iudaeorum assignatus<br />
exciderat. Auctor Graecus diem decimam tertiam Adar in diem decimam quartam mutavit,<br />
quia secundum illum dies excidio destinatus iam ut dies festus celebrandus est (8, 12z-aa) et<br />
decreto regio (8, 12cc) pugna est impedita.<br />
In PSALTERIO recognoscendo normae generales, quae in emendanda <strong>Vulgata</strong> editione<br />
obtinent, accuratius definitae sunt et accommodatae, respectu habito peculiaris indolis<br />
Psalterii, quod est textus poeticus, saepe difficilis, interdum minus recte traditus, a s.<br />
Hieronymo non conversus in Latinum sed solum correctus, denique ex diuturno saeculorum<br />
usu in sacra Liturgia cotidie adhibitus.
PPEK / <strong>Nova</strong> <strong>Vulgata</strong> 13<br />
Ad hasce singillatim normas opus est directum:<br />
1) Textus Psalterii <strong>Vulgata</strong>e editionis (Psalterium Gallicanum, quod dicitur) servatus est,<br />
dummodo Textum Masoreticum (TM) recte, quamvis verbum e verbo materiali quadam<br />
ratione exprimens, redderet.<br />
2) Emendata est <strong>Vulgata</strong> editio, ubi non congruebat cum TM, qui maximam fidem haberet<br />
atque, respectu contextae orationis, optimus esse videretur.<br />
3) Quoties TM apparebat vel videbatur esse corruptus, et versio LXX Interpretum (quam<br />
<strong>Vulgata</strong> editio est secuta) putari poterat quasi certum sensus primitivi testimonium, lectio<br />
versionis LXX Interpretum (atque adeo etiam editionis <strong>Vulgata</strong>e) est accepta.<br />
4) Cum TM intellegi nequibat (sive quod erat corruptus, sive quod nobis facultas iam est<br />
adempta eum interpretandi) atque undique colligi poterat LXX Interpretes et auctores<br />
<strong>Vulgata</strong>e editionis eum esse late interpretatos, ita tamen ut eorum versio cum contextu<br />
orationis conveniret, eiusmodi interpretatio est inducta, quamvis non esset satis perspicua<br />
(veluti in Pss 8, 2c-3a; 9, 7; 16, 3-4; 17, 13; 58, 9-10; 141, 7).<br />
5) Cum TM corruptus apparebat et neque versio LXX Interpretum neque <strong>Vulgata</strong> editio<br />
lectionem probandam exhibebant, textus est emendatus ea ratione, ut a textu Hebraico<br />
consonantico minimum deflecteret atque aptam praeberet significationem.<br />
6) Non receptae sunt textus emendationes, quibus hic solum “melior” efficeretur, atque<br />
tantum exceptionis in modum verbo Hebraico vis, ex alia lingua Semitica deprompta, est<br />
subiecta, quod, in peculiari illo orationis contextu, lectionem magis idoneam exhibet.<br />
7) Epitheta et appellationes Dei, veluti “Rupes”, “Petra”, ex usu exemplorum Graecorum<br />
Latinorumque vocabulis sunt reddita, cuius modi sunt “Refugium”, “locus munitus”, vel<br />
“Praesidium”, “Adiutor”, prout contextus verborum postulabat.<br />
Ad linguam Latinam quod attinet, servatum est illud orationis genus, quod <strong>Vulgata</strong>e<br />
Sacrorum Bibliorum editionis peculiare et proprium esse cognoscitur. Est enim diuturno<br />
Ecclesiae usu probatum et, licet animum ab elegantiis oratoriis alienum eorum testetur, qui,<br />
verbum e verbo exprimentes, Graeca exempla in Latinum converterunt, est tamen sanum,<br />
candidum, significans et eiusmodi, ut minus ingenium quam ipsum cor hominis suaviter<br />
tangat.<br />
Hae igitur proprietates praecipuae linguae Latinae biblicae, quae data opera est condiscenda<br />
(eius enim difficultates non facile evincat, qui solum ad linguam Latinam in scholis, ut fert<br />
consuetudo, incubuerit), in <strong>Nova</strong> <strong>Vulgata</strong> editione reperiuntur:<br />
1) Thesaurus verborum saepe peculiarem omnino indolem praefert. Occurrunt enim:<br />
a) vocabula Latina, quibus auctores ethnici, quod sciamus, non usi sunt, et quae potius<br />
ad vulgarem linguae Latinae rationem pertinere videntur, veluti: ablactare,<br />
approximare, contribulare, elongare (cuius verbi temporalis usus est et transitivus et<br />
intransitivus), fiducialiter, glorificare, humiliare, magnificare, subsannare,<br />
superexaltare, supersperare.
14 PPEK / <strong>Nova</strong> <strong>Vulgata</strong><br />
b) Alia verba Latina in sacris Bibliis novam vim acceperunt ex nova religione<br />
novoque pietatis sensu inductis. Cuius generis sunt: adinventio, calumnia, confiteri,<br />
eructare, iniustitia, iustitia, misericordia, susceptor, sustinere, veritas, testamentum.<br />
c) Non pauca vocabula e Graeco sunt recepta, quamvis interdum vox Latina esset in<br />
promptu, veluti diabolus (i. e. calumniator), erodius (i. e. ardea), neomenia (i.e. nova<br />
luna), nycticorax (i.e. bubo), scandalum (i. e. offendiculum), synagoga (i. e. coetus);<br />
memoratu digna sunt verba christi et ecclesiae (quae idem valent atque unctus et<br />
conventus); quae quidem vocabula, utpote cum apud LXX Interpretes inveniantur,<br />
vim habent christianae aetati anteriorem, quae in Latinum transiit (cfr. Ps 26, 5<br />
“ecclesia malignantium”; Ps 105, 15: “christos meos”). Locutiones quoque singulares<br />
huc pertinent, veluti “in idipsum” (omissis in textu Graeco εις τò αυτό i. e. una,<br />
simul).<br />
d) Verba, quae ex Hebraeo sunt hausta, facile dignoscuntur. Asper autem ille<br />
Hebraismus, ex quo loco neutri generis ponitur femininum, non est receptus (cfr. Ps<br />
27, 4, Vulg.: “unam petii a Domino, hanc requiram”; <strong>Nova</strong> Vulg.: “Unum petii a<br />
Domino, hoc requiram”).<br />
Vocabula igitur, quae in Novo Psalterio continentur, e verborum thesauro Sacrae<br />
Scripturae, et maxime ipsius Psalterii, sunt deprompta, perpaucis exceptis, quae tamen<br />
in Latinitate christiana sunt usitata (e. g.: Ps 2, 7: “decretum”). Praeterea, ut<br />
grammatici sciunt, in lingua Latina posterioris aetatis sub quibusdam Psalterii vocibus<br />
est subiecta sententia, quae haud necessario iis inerat in christiana antiquitate; cuius<br />
modi sunt: anima, exaudire, meditari.<br />
2) Non paucae proprietates sunt servatae, quae ad structuram verborum seu syntaxin spectant;<br />
e quarum genere sunt: nominativus extra structuram enuntiati positus; cfr. Ps 18, 31: “Deus<br />
impolluta via eius” (i. e. Dei via impolluta est); Ps 126, 1: “In convertendo Dominus<br />
captivitatem Sion”; genetivus auctivus, ut “caelum caelorum”, “saeculum saeculi”; genetivus<br />
qualitatis, qui multo magis frequentatur quam in communi lingua Latina, e. g. Ps 78, 54:<br />
“fines sanctificationis”; geminus accusativus cum verbis dandi et ponendi, ut in Ps 2, 8:<br />
“dabo tibi gentes hereditatem tuam”; Ps 18, 12: “posuit tenebras latibulum suum”; vocula<br />
“in” cum ablativo, qua significatur instrumentum, modus, causa, ut in Ps 15, 3: “non egit<br />
dolum in lingua sua”; item vocula “et”, quae non solum est copulativa, sed etiam multiplicem<br />
habet vim e contexta oratione colligendam (causalem, explanatoriam, adversativam,<br />
consecutivam etc.); ellipsis verbi “esse”, quae ex imitatione Hebraeorum multo crebrius<br />
obtinet quam in communi sermone Latino; locutiones adverbiales, i. e. usus verbi temporalis<br />
loco adverbii, e. g. Ps 126, 3: “magnificavit Dominus facere nobiscum” (quod idem valet ac:<br />
Dominus magnifice fecit nobiscum); comparativus, qui positivo addita vocula “prae” vel<br />
“super” efficitur; item superlativus, qui significatur positivo et verbo “nimis” (i.e. valde);<br />
infinitivus finalis, e. g. Ps 96, 13: “quoniam venit iudicare terram”; vox ipsa “quoniam”, quae<br />
saepe est tantum particula affirmans, qua enuntiatum primarium inducitur.<br />
Pernota est difficultas pertinens ad usum temporum, qui, ut in <strong>Vulgata</strong> (et apud LXX<br />
Interpretes) invenitur, saepe nostrae cogitandi rationi obnititur. Servatum est perfectum<br />
(quamvis nonnullis tempus praesens aptius esse videretur), cum ei vis perfecti praesentis,<br />
quod dicitur, aut vis gnomica tribui poterat.<br />
Addendum est <strong>Vulgata</strong>e locutiones praepositionales (i. e. quae ex imitatione Hebraeorum e<br />
praepositione et nomine, loco unius praepositionis, constant), tunc solum mutatas esse, cum<br />
ad res inanimas referrentur, quod asperum quiddam sonarent, veluti “ante faciem venti” (i. e.<br />
ante ventum); quodsi de personis agebatur, non improbandus hic usus est visus.
PPEK / <strong>Nova</strong> <strong>Vulgata</strong> 15<br />
Nec receptus est e <strong>Vulgata</strong> Hebraismus, ex quo in enuntiato relativo supervacaneum ponitur<br />
pronomen demonstrativum, e. g. Ps 68, 17: “Mons, in quo beneplacitum est Deo habitare in<br />
eo”.<br />
Liquet in locis, novam exhibentibus interpretationem, multum operae eo esse collatum, ut<br />
sive quoad vocabula, sive quoad syntaxin, sive quoad stilum ea cum <strong>Vulgata</strong> congrueret.<br />
Quemadmodum studiosi probe noverunt, in <strong>Vulgata</strong> haud raro contingit, ut idem verbum<br />
Hebraicum non uno modo, varietatis causa, reddatur Latine. Quem morem minus secuti,<br />
annisi sumus, ut constans esset eiusdem verbi Hebraici Latina interpretatio, non ita tamen, ut<br />
ea re quasi lege devinciremur.<br />
3) Est denique memorandum in vertendis et eligendis vocabulis Latinis rationem, ut patet,<br />
accurate ductam esse locorum ac textuum parallelorum atque etiam figurarum poeticarum,<br />
maxime chiasmi, e. g.:<br />
Ps 5, 10-11. Versus chiasmi in modum sunt dispositi: 10a-11b; 10-11a.<br />
Quod attinet ad Ps 5, 10, cfr. Eccli 12, 15.<br />
Ps 7, 13a, cfr. Dt 32, 41.<br />
Ps 24, 4b: 4c. Animadverte parallelismum, qui refertur ad Ex 20, 7 (bis); Dt 5, 11.<br />
Ps 41, 10b, cfr. Io 13, 18.<br />
Ps 45, 14b. Ita est in Itala.<br />
Ps 45, 5a, cfr. 2 Reg 9, 18.<br />
Ps 64, 7b, cfr. Ps 5, 10.<br />
Ps 115, 17, cfr. Ps 94, 17, ad verbum ‘silentii’ quod attinet.<br />
Ps 116, 11, ubi scriptum est ‘trepidatione’, cfr. Ps 31, 23.<br />
Ps 132, 17-18. Animadverte chiasmum: 17a-18b; 17b–18a.<br />
Ps 148, 8. Verba chiasmi in modum sunt collocata, ita ut eorum vis et momentum<br />
appareant: ignis, grando || nix, fumus. Vox Hebraica qîtôr reddita est verbo ‘fumi’,<br />
quod, propter parallelismum, congruit cum igne, eo vel magis quod ipsum verbum<br />
eiusque etymon in lingua Hebraica (cfr. Gn 19, 28) et in ceteris sermonibus Semiticis<br />
numquam vim habent ‘nebulae’, sed solum ‘fumi’, ex igne vel ture exorti.<br />
Textus libri ECCLESIASTICI, seu SIRACIDIS, praeter versionem Veteris Latinae,<br />
tribus quoque his praecipuis, quae sequuntur, formis ad nos pervenit:<br />
a) Graeca prior (Gr I = textus codicum maiusculorum, qui brevior est); Graeca altera<br />
(Gr II = textus codicum minusculorum, qui amplior est);<br />
b) Hebraica (H = fragmenta maiora Genizae Memphidis; fragmenta minora Qumran<br />
et Masada; testimonia, quae apud auctores Iudaicos inveniuntur);<br />
c) Syriaca (Syr), quae translatio est e textu Hebraico ac, praeter Veterem Latinam,<br />
maiore auctoritate gaudet quam ceterae antiquae versiones.<br />
Nulla autem ex dictis formis directe a primigenio textu procedit; immo nec H nec Syr integre<br />
ad nos pervenerunt. Propterea nulla ex ipsis prae ceteris magis valere aut eminentiore<br />
auctoritate pollere, sed unaquaeque seorsim exstare atque per se ipsa solum modo<br />
expendenda esse videtur.<br />
Quibus omnibus spectatis, consequitur ut minime effici possit – nec fieri umquam poterat –<br />
quaelibet textus primigenii critica instauratio. Hoc unum igitur faciendum putavimus:<br />
Latinam (La) scilicet versionem suscipere quasi normam, seu quasi textum sui iuris, eamque<br />
recognoscere iuxta quidem principia pro <strong>Nova</strong> <strong>Vulgata</strong> decreta, absque tamen necessitate eam
16 PPEK / <strong>Nova</strong> <strong>Vulgata</strong><br />
plane accommodandi ad formam sive textus Graeci (I vel II) sive textus Hebraici, cum<br />
discrepantiae inter La et Gr vel H, quae identidem occurrunt, habendae sint variae lectiones<br />
alicuius saltem auctoritatis, non vero simpliciter mendosae lectiones, quae sint corrigendae.<br />
Atqui hoc praesertim curavimus, ut scilicet:<br />
a) cum versus quidam in La tantum invenirentur, vel praesertim ex Gr II viderentur<br />
derivati, iidem signarentur respective nota La, vel Gr II, sequente numero capitis et<br />
versus;<br />
b) cum duplicationes quaedam evidentes repetitiones aliorum versiculorum vel<br />
pericoparum evasissent, ipsae simpliciter delerentur;<br />
c) cum autem de duplicationibus verborum ageretur, i. e. cum terminus quidam textus<br />
Graeci (Gr) vel textus Hebraici (H) duobus aut pluribus synonymis expressus<br />
videretur, tunc, pro certo non semper habentes simpliciorem formam Gr vel H<br />
primigeniam esse, servandam mallemus formam La, nisi forte sensus ipse aut alia<br />
evidentiae causa emendationem exigeret vel suaderet;<br />
d) deinde cum La corrupta clare videretur ex falsa lectione vel ex detorto sensu eaque<br />
corrigi posset adiuvante Gr aut H vel etiam eiusdem La opportune codices<br />
comparando, tunc emendatio fieret;<br />
e) item denique, cum La obscuritate laboraret sensumque prorsum deteriorem quam<br />
Gr vel H vel Syr offerret.<br />
Ad nomina Dei quod attinet – Deus, Dominus, Altissimus, Sanctus, Excelsus – quae ne in<br />
aliis quidem libris LXX Interpretum constanter ad verbum redduntur ex originali Masoretico,<br />
ea servavimus, nonnulla facta exceptione, sicut in La tradita sunt.<br />
Ad rationem criticam textus quod pertinet, in libris PROPHETARUM peculiares notae<br />
habentur, quarum quaedam omnibus plus minusve sunt communes (ut, verbi gratia, propensio<br />
illa quae propria videtur esse vetustiorum Christianarum versionum, qua messianice textum<br />
interpretandi amplificatur via), aliae vero uniuscuiusque libri sunt propriae (ut, verbi gratia,<br />
exsistentia, interdum frequentior, locorum corruptorum in textu primigenio vel in<br />
versionibus: quod quidem praesertim patet in ultimis capitibus libri Ezechielis et apud aliquos<br />
Prophetarum minorum, apud scilicet Osee, Michaeam, Habacuc, Zachariam).<br />
Ad hanc recognitionem conficiendam liquet in promptu fuisse, tamquam fundamentum,<br />
textum primigenium (= TM) et <strong>Vulgata</strong>m versionem (= Vg); sed etiam ad Septuaginta<br />
Interpretum versionem (= Gr) admodum spectatum est pro antiquitate eiusque acceptione<br />
apud Christianos sermonis Graeci necnon pro auctoritate, quam habuit in aliis conficiendis<br />
translationibus; eadem tamen, ad Prophetas, praesertim Isaiam, quod attinet, nimiam<br />
libertatem nonnumquam ostendit. Perpensae quoque et adhibitae sunt versiones Aramaica,<br />
seu quam vocant Targum (= Targ), Syriaca (= Syr), Aquilae (= Aq), Symmachi (= Sym) et<br />
Theodotionis (Theod), et aliae (ut “Quinta” in Mich 5, 6 et Hexaplorum transcriptio in Is 26,<br />
3). Praeterea fieri non potuit, ut, copiosis ad textum criticis notis spectatis, sancti Hieronymi<br />
commentarii praeterirentur. Denique in Epistula Ieremiae seu Baruch 6 – iuxta quidem non<br />
paucos doctos viros – accepta est emendatio (v. 71), cuius vis ex alicuius Semitici (Hebraici)<br />
exemplaris coniectura desumenda videtur.<br />
Ex Deserti Iudae codicibus perpauca deduci possunt; copiosa enim fragmenta librorum<br />
propheticorum eorumque commentariorum aliqua tantum vocabula plerumque referunt, nec
PPEK / <strong>Nova</strong> <strong>Vulgata</strong> 17<br />
eadem semper certa fide leguntur. Commentarius, seu Pesher (= 1QpHab), in primum et<br />
secundum caput libri Habacuc usui fuit in Hab 1, 11.17; 2, 5.6.16. Aliter res se habet quoad<br />
librum Isaiae, qui in duobus codicibus reperitur, quorum unus integer est (= 1QIsa), alter<br />
autem mutilus (= 1QIsb). Nam haec pretiosa testimonia, sive per se ipsa sive in aliquo innixa<br />
ex antiquis versionibus, effecerunt ut nonnullarum lectionum certior – quod in bona spe esse<br />
videtur – restitutio haberetur quam lectionum, quae in TM traditae sunt (cfr. Is 11, 6; 14, 30;<br />
21, 8; 23, 10; 29, 5; 33, 8; 37, 20. 25. 27; 40, 17; 48, 11; 49; 17; 53, 9. 11); et in quibusdam<br />
locis 1Qisa cum omnibus fere antiquis lectionibus concinit (cfr. Is 16, 4; 18, 7; 19, 18; 21, 9;<br />
etc.).<br />
Si quis praecipuarum suetarumque <strong>Vulgata</strong>e editionum quandam inter se collationem statuere<br />
conetur, ad hanc conclusionem facile perveniet: variationes quidem in MACCABAEORUM<br />
libris frequentes sunt – fortasse frequentiores – perpaucum tamen novi reapse invenitur.<br />
Sanctus Hieronymus nec in Latinum sermonem vertendos Maccabaeorum libros ipse curavit<br />
nec ullam eorum translationem recognovit aut emendavit. Is enimvero de rebus, quae in<br />
iisdem libris continentur nonnumquam mentionem facit, hanc etiam adhibens locutionem in<br />
quodam loco: Hoc enim Scriptura commemorat; attamen ipsemet expresse confitetur se<br />
Maccabaeorum libros neglexisse: eorum enim nullum versiculum directe unquam protulit.<br />
Praeterea quod de libro primo affirmat, eius scilicet exstare textum primigenium Hebraicum,<br />
hoc potius quam ex cognitione directa fortasse ex Origine coniecit; quam sententiam ea verba<br />
significare videntur, quae in “Prologo galeato “leguntur: Maccabaeorum primum librum,<br />
Hebraicum repperi.<br />
Verumtamen textus a <strong>Vulgata</strong> et inter se discordes iam pridem cognoscebantur; exinde plures<br />
vetustiores Latinas versiones exstitisse putabatur. Nunc autem, praesertim post a Donatiano<br />
De Bruyne edita studia, illa certior esse videtur opinio, quae unam defendit fuisse versionem,<br />
eamque ad nos per plurimas recensiones pervenisse. Ex quibus ob nonnullas peregrinas et<br />
aberrantes lectiones non parum stuporis in mentem ingerit recensio Bononiensis (= B)<br />
itemque <strong>Vulgata</strong>. In hac igitur perficienda recognitione, quotiescumque <strong>Vulgata</strong> versio vel<br />
nimio arbitrio Graecum textum interpretari vel omnino ab eodem differre videbatur, tunc<br />
emendatio plerumque est confecta verbis et pericopis ex ceteris recensionibus desumptis,<br />
praesertim Lugdunensi (= L) et Ambrosiana (= P). Denique ad emendationes definiendas<br />
Graecus textus adhibitus est, quem critice paraverunt et in lucem ediderunt Vernerius Kappler<br />
et Robertus Hanhart (Gottingae 1959/1967); in dubiis tamen quibusdam exsolvendis non<br />
parum etiam profuit editio Alfredi Rahlfs (Stutgardiae 1962).<br />
Novum Testamentum<br />
EVANGELIORUM editioni propositum est, ut versio Latina <strong>Vulgata</strong>e, quae dicitur,<br />
Scripturae Sacrae ad textum Graecum, ut hodie critica arte est restitutus, quam maxime<br />
conformaretur. Quemadmodum olim s. Hieronymus, Damasi Papae mandato, Latinum<br />
Evangeliorum textum recognovit et emendavit secundum codices Graecos, qui essent<br />
antiquissimi ac dignissimi fide, ita nunc Pontificia Commissio pro <strong>Nova</strong> <strong>Vulgata</strong> Sacrorum<br />
Bibliorum editione textum ab eodem s. Hieronymo retractatum, ad reperta artis textus critice<br />
pervidendi, quae nunc obtinet, accommodavit.<br />
Ut norma et archetypus sumptus est textus Graecus Novi Testamenti editus, inde ab anno<br />
1966 cura nonnullarum Societatum biblicarum, a Conrado Aland, M. Black, C. Martini, B.<br />
Metzger, A. Wickgren, qui nostris temporibus, communi consensione, summam habet<br />
auctoritatem.<br />
Ipse vero, qui recognitus est, textus Latinus continetur Bibliis Sacris iuxta <strong>Vulgata</strong>m<br />
Versionem estque anno 1969 a Sodalitate Biblica Virtembergensi, Stutgardiae sedem
18 PPEK / <strong>Nova</strong> <strong>Vulgata</strong><br />
habente, foras datus, adiuvantibus B. Fischer, I. Gribomont, H.F.D. Sparks, W. Thiele et R.<br />
Weber; qui auctores expetierunt atque conisi sunt, ut ipsum exemplum s. Hieronymi nobis<br />
praeberent.<br />
In quo recognoscendo ea servata est methodus, ut textus Latinus cum Graeco, ex criticae artis<br />
praeceptis certo vel saltem probabili, quam maxime concineret; qua in re eo progressi sumus,<br />
ut quantum fieri posset, locutiones Graecas ad verbum exprimeremus, earum veluti imaginem<br />
efficientes, atque normam s. Hieronymi excederemus, qui saepe emendationibus abstinuit, ne<br />
legentium animos turbaret; ait enim ipse: Ne multum (evangelia) a lectionis Latinae<br />
consuetudine discreparent, ita calamo imperavimus ut, his tantum quae sensum videbantur<br />
mutare correctis, reliqua manere pateremur ut fuerant (Praef. ad papam Damasum).<br />
Hoc autem modo conati sumus proprietates quoque, ad stilum cuiusque Evangelistae<br />
pertinentes, quam accuratissime exhibere atque nonnullas rationes sive historicas sive<br />
theologicas, quae in eodem textu inveniuntur, in sua luce collocare, non tamen peculiaria illa<br />
praecepta Latinitatis biblicae-christianae neglegentes, cuius indoles supra, ubi de Psalterio<br />
agitur, breviter est descripta.<br />
In quem sermonem Latinum, ut notum est, non pauci recepti sunt et inserti Semitismi, quos<br />
quidem veluti certum thesaurum verborum locutionumque servavimus, nisi obscuritatem<br />
ingererent (e. g. “filii sponsi”); item curae fuit, ut idiotismi et quae usum populi proprium<br />
redolerent, retinerentur; tamen particulae quod, quia, quibus tantummodo illud hoti<br />
Graecorum prorsus recitativum, ut aiunt, et supervacaneum redditur, expungerentur.<br />
In seligendis vero lectionibus, quae apud criticos in controversia versantur, editionem<br />
Conradi Aland eiusque sociorum sumus ex more secuti, si haec duo excipiuntur: cum enim<br />
lectio aliqua in textu Conradi Aland ut incerta (parenthesi interclusa), sed ut certa in <strong>Vulgata</strong><br />
editione occurrebat, accepta est lectio eiusdem <strong>Vulgata</strong>e (e. g. Mc 1, 1); cum vero codices<br />
<strong>Vulgata</strong>e lectionem quandam non exhibebant, quam tamen Conradus Aland eiusque socii in<br />
suam editionem ut possibilem vel probabilem (parenthesi interclusam) induxerant, <strong>Vulgata</strong>m<br />
secuti sumus (e. g. Mc 15, 12) eo consilio, ut huius indoles quasi magni ponderis testis, ad<br />
textum quod attinet, servaretur.<br />
Lectio vero Latina, quoties ab editione Conradi Aland discrepabat, in apparatu critico, quem<br />
vocant, posita est: a qua tamen norma defleximus in fine Evangelii secundum Marcum (16, 9-<br />
20), in loco quo de sudore sanguinis agitur (Lc 22, 43-44), in narratione de muliere adultera<br />
(Io 8, 1-11); in extrema tamen pagina annotatur locos eiusmodi a criticis in quaestionem esse<br />
vocatos. Ad eundem textum Latinum quod pertinet, propter stilum et ob practicas causas<br />
interdum adducti sumus ut locutionem quandam <strong>Vulgata</strong>e Xystinae-Clementinae, quae<br />
appellatur, diuturno usu probatam, locutioni editionis criticae Stutgardiensis praeferremus<br />
(veluti Mt 9, 38; Mc 4, 7; Lc 11, 28 etc.); item nonnullae lectiones propriae editionis<br />
Xystinae–Clementinae, in quibusdam codicibus propositae, sed editione sive Conradi Aland<br />
sive <strong>Vulgata</strong>e Stutgardiensis reiectae, in apparatum criticum ut notatione dignae sunt relatae<br />
(e. g. Mt 23, 14; Lc 9, 55–56).<br />
Quod ad nomina et scribendi attinet rationem, formam secuti sumus, quae esset usitatissima<br />
et nostra aetate potissimum vigeret.<br />
Legentes cum gaudio accipient sive editionem criticam textus Graeci Novi Testamenti a<br />
Conrado Aland eiusque sociis confectam, sive textum <strong>Vulgata</strong>e Stutgardiensis, sive<br />
retractationem criticam eiusdem, a Pontificia Commissione pro <strong>Nova</strong> <strong>Vulgata</strong> Sacrorum<br />
Bibliorum editione peractam, opus fuisse socium idque oecumenicum virorum hac in re<br />
peritorum.
PPEK / <strong>Nova</strong> <strong>Vulgata</strong> 19<br />
Ad ACTUS APOSTOLORUM quod attinet, dum Graecitas emendatiore forma peracta est,<br />
Latinitas versionis <strong>Vulgata</strong>e duriore stilo ab ignoto nobis auctore confecta est. Cuius libri<br />
cum textualis retractatio opera s. Hieronymi non haberetur, eo factus est recensionis labor<br />
magis necessarius et arduus.<br />
Ad hanc quoque recognitionem efficiendam, textum Graecum qui a C. Aland eiusque sociis<br />
critice apparatus est, tamquam archetypum sumpsimus; pro textu vero Latino princeps<br />
exemplar nobis fuit critica editio <strong>Vulgata</strong>e Stutgardiae anno 1969 prolata.<br />
EPISTULARUM tum S. PAULI tum CATHOLICARUM textus Latinus est prorsus eadem<br />
ratione ac via recognitus, quibus Evangelia; idque eo consilio ut cum exemplari Graeco,<br />
criticae artis ope statuto, quam maxime congrueret atque concineret.<br />
Cum tamen hanc N. T. partem, ut plerique docti censent nosque ipsi experti sumus, beatus<br />
Hieronymus non recensuerit – quae quidem est una e causis cur textus Epistularum N. T.<br />
alicubi obscurus et perplexus appareat – idcirco nobis textus Latinus Vulgatus satis<br />
corrigendus fuit, quem et emendavimus et immutavimus quoties aut critica ratio textus, aut<br />
philologia, aut exegesis poscerent.<br />
Qua in re simul ea studiosius considerata sunt, quae Latini codices et antiquorum scriptorum<br />
christianorum, in primisque Hieronymi commentationes tradiderunt, simul etiam iis scientiae<br />
subsidiis adhibitis, quae haec nostra intulit aetas; ut non solum emendationes criticae artis<br />
fundamento niterentur, sed etiam cum illa lingua ac genere dicendi apte cohaererent, quae<br />
antiquae Ecclesiae propria sunt.<br />
Textus Graecus libri APOCALYPSIS, ut compertum est, Hebraismis et soloecismis redundat;<br />
eius autem Latina versio, diligenter sane, licet mendose aliquando, peracta est, cum et<br />
elocutionem emendare et verborum flexionem efficere conaretur, ut primigenius textus in<br />
recto vividoque Latino sermone redderetur. Etiam huius libri cum textualis retractatio opera s.<br />
Hieronymi non haberetur, eo factus est recensionis labor magis necessarius et arduus.
20 PPEK / <strong>Nova</strong> <strong>Vulgata</strong><br />
Vetus Testamentum
PPEK / <strong>Nova</strong> <strong>Vulgata</strong> 21<br />
Liber Genesis<br />
1<br />
1 In principio creavit Deus caelum et terram.<br />
2 Terra autem erat inanis et vacua, et tenebrae super faciem abyssi, et spiritus Dei ferebatur<br />
super aquas.<br />
3 Dixitque Deus: “Fiat lux”. Et facta est lux.<br />
4 Et vidit Deus lucem quod esset bona et divisit Deus lucem ac tenebras.<br />
5 Appellavitque Deus lucem Diem et tenebras Noctem. Factumque est vespere et mane, dies<br />
unus.<br />
6 Dixit quoque Deus: “Fiat firmamentum in medio aquarum et dividat aquas ab aquis”.<br />
7 Et fecit Deus firmamentum divisitque aquas, quae erant sub firmamento, ab his, quae erant<br />
super firmamentum. Et factum est ita.<br />
8 Vocavitque Deus firmamentum Caelum. Et factum est vespere et mane, dies secundus.<br />
9 Dixit vero Deus: “Congregentur aquae, quae sub caelo sunt, in locum unum, et appareat<br />
arida”. Factumque est ita.<br />
10 Et vocavit Deus aridam Terram congregationesque aquarum appellavit Maria. Et vidit<br />
Deus quod esset bonum.<br />
11 Et ait Deus: “Germinet terra herbam virentem et herbam facientem semen et lignum<br />
pomiferum faciens fructum iuxta genus suum, cuius semen in semetipso sit super terram”. Et<br />
factum est ita.<br />
12 Et protulit terra herbam virentem et herbam afferentem semen iuxta genus suum<br />
lignumque faciens fructum, qui habet in semetipso sementem secundum speciem suam. Et<br />
vidit Deus quod esset bonum.<br />
13 Et factum est vespere et mane, dies tertius.<br />
14 Dixit autem Deus: “Fiant luminaria in firmamento caeli, ut dividant diem ac noctem et sint<br />
in signa et tempora et dies et annos,<br />
15 ut luceant in firmamento caeli et illuminent terram. Et factum est ita.<br />
16 Fecitque Deus duo magna luminaria: luminare maius, ut praeesset diei, et luminare minus,<br />
ut praeesset nocti, et stellas.<br />
17 Et posuit eas Deus in firmamento caeli, ut lucerent super terram<br />
18 et praeessent diei ac nocti et dividerent lucem ac tenebras. Et vidit Deus quod esset<br />
bonum.<br />
19 Et factum est vespere et mane, dies quartus.<br />
20 Dixit etiam Deus: “Pullulent aquae reptile animae viventis, et volatile volet super terram<br />
sub firmamento caeli”.<br />
21 Creavitque Deus cete grandia et omnem animam viventem atque motabilem, quam<br />
pullulant aquae secundum species suas, et omne volatile secundum genus suum. Et vidit Deus<br />
quod esset bonum;<br />
22 benedixitque eis Deus dicens: “Crescite et multiplicamini et replete aquas maris, avesque<br />
multiplicentur super terram”.<br />
23 Et factum est vespere et mane, dies quintus.<br />
24 Dixit quoque Deus: “Producat terra animam viventem in genere suo, iumenta et reptilia et<br />
bestias terrae secundum species suas”. Factumque est ita.<br />
25 Et fecit Deus bestias terrae iuxta species suas et iumenta secundum species suas et omne<br />
reptile terrae in genere suo. Et vidit Deus quod esset bonum.<br />
26 Et ait Deus: “Faciamus hominem ad imaginem et similitudinem nostram; et praesint<br />
piscibus maris et volatilibus caeli et bestiis universaeque terrae omnique reptili, quod<br />
movetur in terra”.
22 PPEK / <strong>Nova</strong> <strong>Vulgata</strong><br />
27 Et creavit Deus hominem ad imaginem suam;<br />
ad imaginem Dei creavit illum;<br />
masculum et feminam creavit eos.<br />
28 Benedixitque illis Deus et ait illis Deus: “Crescite et multiplicamini et replete terram et<br />
subicite eam et dominamini piscibus maris et volatilibus caeli et universis animantibus, quae<br />
moventur super terram”.<br />
29 Dixitque Deus: “Ecce dedi vobis omnem herbam afferentem semen super terram et<br />
universa ligna, quae habent in semetipsis fructum ligni portantem sementem, ut sint vobis in<br />
escam<br />
30 et cunctis animantibus terrae omnique volucri caeli et universis, quae moventur in terra et<br />
in quibus est anima vivens, omnem herbam virentem ad vescendum”. Et factum est ita.<br />
31 Viditque Deus cuncta, quae fecit, et ecce erant valde bona. Et factum est vespere et mane,<br />
dies sextus.<br />
2<br />
1 Igitur perfecti sunt caeli et terra et omnis exercitus eorum.<br />
2 Complevitque Deus die septimo opus suum, quod fecerat, et requievit die septimo ab<br />
universo opere, quod patrarat.<br />
3 Et benedixit Deus diei septimo et sanctificavit illum, quia in ipso requieverat ab omni opere<br />
suo, quod creavit Deus, ut faceret.<br />
4 Istae sunt generationes caeli et terrae, quando creata sunt.<br />
In die quo fecit Dominus Deus terram et caelum -<br />
5 omne virgultum agri, antequam oriretur in terra, omnisque herba regionis, priusquam<br />
germinaret; non enim pluerat Dominus Deus super terram, et homo non erat, qui operaretur<br />
humum,<br />
6 sed fons ascendebat e terra irrigans universam superficiem terrae -<br />
7 tunc formavit Dominus Deus hominem pulverem de humo et inspiravit in nares eius<br />
spiraculum vitae, et factus est homo in animam viventem.<br />
8 Et plantavit Dominus Deus paradisum in Eden ad orientem, in quo posuit hominem, quem<br />
formaverat.<br />
9 Produxitque Dominus Deus de humo omne lignum pulchrum visu et ad vescendum suave,<br />
lignum etiam vitae in medio paradisi lignumque scientiae boni et mali.<br />
10 Et fluvius egrediebatur ex Eden ad irrigandum paradisum, qui inde dividitur in quattuor<br />
capita. 11 Nomen uni Phison: ipse est, qui circuit omnem terram Hevila, ubi est aurum;<br />
12 et aurum terrae illius optimum est; ibi invenitur bdellium et lapis onychinus.<br />
13 Et nomen fluvio secundo Geon: ipse est, qui circuit omnem terram Aethiopiae.<br />
14 Nomen vero fluminis tertii Tigris: ipse vadit ad orientem Assyriae. Fluvius autem quartus<br />
ipse est Euphrates.<br />
15 Tulit ergo Dominus Deus hominem et posuit eum in paradiso Eden, ut operaretur et<br />
custodiret illum;<br />
16 praecepitque Dominus Deus homini dicens: “Ex omni ligno paradisi comede;<br />
17 de ligno autem scientiae boni et mali ne comedas; in quocumque enim die comederis ex<br />
eo, morte morieris”.<br />
18 Dixit quoque Dominus Deus: “Non est bonum esse hominem solum; faciam ei adiutorium<br />
simile sui”.<br />
19 Formatis igitur Dominus Deus de humo cunctis animantibus agri et universis volatilibus<br />
caeli, adduxit ea ad Adam, ut videret quid vocaret ea; omne enim, quod vocavit Adam animae<br />
viventis, ipsum est nomen eius.<br />
20 Appellavitque Adam nominibus suis cuncta pecora et universa volatilia caeli et omnes<br />
bestias agri; Adae vero non inveniebatur adiutor similis eius.
PPEK / <strong>Nova</strong> <strong>Vulgata</strong> 23<br />
21 Immisit ergo Dominus Deus soporem in Adam. Cumque obdormisset, tulit unam de costis<br />
eius et replevit carnem pro ea;<br />
22 et aedificavit Dominus Deus costam, quam tulerat de Adam, in mulierem et adduxit eam<br />
ad Adam.<br />
23 Dixitque Adam:<br />
“Haec nunc os ex ossibus meis<br />
et caro de carne mea!<br />
Haec vocabitur Virago,<br />
quoniam de viro sumpta est haec”.<br />
24 Quam ob rem relinquet vir patrem suum et matrem et adhaerebit uxori suae; et erunt in<br />
carnem unam.<br />
25 Erant autem uterque nudi, Adam scilicet et uxor eius, et non erubescebant.<br />
3<br />
1 Et serpens erat callidior cunctis animantibus agri, quae fecerat Dominus Deus. Qui dixit ad<br />
mulierem: “Verene praecepit vobis Deus, ut non comederetis de omni ligno paradisi?”.<br />
2 Cui respondit mulier: “De fructu lignorum, quae sunt in paradiso, vescimur;<br />
3 de fructu vero ligni, quod est in medio paradisi, praecepit nobis Deus, ne comederemus et<br />
ne tangeremus illud, ne moriamur”.<br />
4 Dixit autem serpens ad mulierem: “Nequaquam morte moriemini!<br />
5 Scit enim Deus quod in quocumque die comederitis ex eo, aperientur oculi vestri, et eritis<br />
sicut Deus scientes bonum et malum”.<br />
6 Vidit igitur mulier quod bonum esset lignum ad vescendum et pulchrum oculis et<br />
desiderabile esset lignum ad intellegendum; et tulit de fructu illius et comedit deditque etiam<br />
viro suo secum, qui comedit.<br />
7 Et aperti sunt oculi amborum. Cumque cognovissent esse se nudos, consuerunt folia ficus et<br />
fecerunt sibi perizomata.<br />
8 Et cum audissent vocem Domini Dei deambulantis in paradiso ad auram post meridiem,<br />
abscondit se Adam et uxor eius a facie Domini Dei in medio ligni paradisi.<br />
9 Vocavitque Dominus Deus Adam et dixit ei: “Ubi es?”.<br />
10 Qui ait: “Vocem tuam audivi in paradiso et timui eo quod nudus essem et abscondi me”.<br />
11 Cui dixit: “Quis enim indicavit tibi quod nudus esses, nisi quod ex ligno, de quo tibi<br />
praeceperam, ne comederes, comedisti?”.<br />
12 Dixitque Adam: “Mulier, quam dedisti sociam mihi, ipsa dedit mihi de ligno, et comedi”.<br />
13 Et dixit Dominus Deus ad mulierem: “Quid hoc fecisti?”. Quae respondit: “Serpens<br />
decepit me, et comedi”.<br />
14 Et ait Dominus Deus ad serpentem:<br />
“Quia fecisti hoc, maledictus es<br />
inter omnia pecora<br />
et omnes bestias agri!<br />
Super pectus tuum gradieris<br />
et pulverem comedes cunctis<br />
diebus vitae tuae.<br />
15 Inimicitias ponam inter te et mulierem<br />
et semen tuum et semen illius;<br />
ipsum conteret caput tuum,<br />
et tu conteres calcaneum eius”.<br />
16 Mulieri dixit:<br />
“Multiplicabo aerumnas tuas<br />
et conceptus tuos:
24 PPEK / <strong>Nova</strong> <strong>Vulgata</strong><br />
in dolore paries filios,<br />
et ad virum tuum erit appetitus tuus,<br />
ipse autem dominabitur tui”.<br />
17 Adae vero dixit: “Quia audisti vocem uxoris tuae et comedisti de ligno, ex quo<br />
praeceperam tibi, ne comederes,<br />
maledicta humus propter te!<br />
In laboribus comedes ex ea<br />
cunctis diebus vitae tuae.<br />
18 Spinas et tribulos germinabit tibi,<br />
et comedes herbas terrae;<br />
19 in sudore vultus tui vesceris pane,<br />
donec revertaris ad humum,<br />
de qua sumptus es,<br />
quia pulvis es et in pulverem reverteris”.<br />
20 Et vocavit Adam nomen uxoris suae Eva, eo quod mater esset cunctorum viventium.<br />
21 Fecit quoque Dominus Deus Adae et uxori eius tunicas pelliceas et induit eos.<br />
22 Et ait Dominus Deus: “Ecce homo factus est quasi unus ex nobis, ut sciat bonum et<br />
malum; nunc ergo, ne mittat manum suam et sumat etiam de ligno vitae et comedat et vivat in<br />
aeternum!”.<br />
23 Emisit eum Dominus Deus de paradiso Eden, ut operaretur humum, de qua sumptus est.<br />
24 Eiecitque hominem et collocavit ad orientem paradisi Eden cherubim et flammeum<br />
gladium atque versatilem ad custodiendam viam ligni vitae.<br />
4<br />
1 Adam vero cognovit Evam uxo rem suam, quae concepit et peperit Cain dicens: “Acquisivi<br />
virum per Dominum”.<br />
2 Rursusque peperit fratrem eius Abel. Et fuit Abel pastor ovium et Cain agricola.<br />
3 Factum est autem post aliquot dies ut offerret Cain de fructibus agri munus Domino.<br />
4 Abel quoque obtulit de primogenitis gregis sui et de adipibus eorum. Et respexit Dominus<br />
ad Abel et ad munus eius,<br />
5 ad Cain vero et ad munus illius non respexit. Iratusque est Cain vehementer, et concidit<br />
vultus eius.<br />
6 Dixitque Dominus ad eum: “Quare iratus es, et cur concidit facies tua?<br />
7 Nonne si bene egeris, vultum attolles? Sin autem male, in foribus peccatum insidiabitur, et<br />
ad te erit appetitus eius, tu autem dominaberis illius”.<br />
8 Dixitque Cain ad Abel fratrem suum: “Egrediamur foras”. Cumque essent in agro,<br />
consurrexit Cain adversus Abel fratrem suum et interfecit eum.<br />
9 Et ait Dominus ad Cain: “Ubi est Abel frater tuus?”. Qui respondit: “Nescio. Num custos<br />
fratris mei sum ego?”.<br />
10 Dixitque ad eum: “Quid fecisti? Vox sanguinis fratris tui clamat ad me de agro.<br />
11 Nunc igitur maledictus eris procul ab agro, qui aperuit os suum et suscepit sanguinem<br />
fratris tui de manu tua!<br />
12 Cum operatus fueris eum, amplius non dabit tibi fructus suos; vagus et profugus eris super<br />
terram”.<br />
13 Dixitque Cain ad Dominum: “Maior est poena mea quam ut portem eam.<br />
14 Ecce eicis me hodie a facie agri, et a facie tua abscondar et ero vagus et profugus in terra;<br />
omnis igitur, qui invenerit me, occidet me”.<br />
15 Dixitque ei Dominus: “Nequaquam ita fiet, sed omnis qui occiderit Cain, septuplum<br />
punietur!”. Posuitque Dominus Cain signum, ut non eum interficeret omnis qui invenisset<br />
eum.
PPEK / <strong>Nova</strong> <strong>Vulgata</strong> 25<br />
16 Egressusque Cain a facie Domini habitavit in terra Nod ad orientalem plagam Eden.<br />
17 Cognovit autem Cain uxorem suam, quae concepit et peperit Henoch. Et aedificavit<br />
civitatem vocavitque nomen eius ex nomine filii sui Henoch.<br />
18 Porro Henoch genuit Irad, et Irad genuit Maviael, et Maviael genuit Mathusael, et<br />
Mathusael genuit Lamech.<br />
19 Qui accepit uxores duas: nomen uni Ada et nomen alteri Sella.<br />
20 Genuitque Ada Iabel, qui fuit pater habitantium in tentoriis atque pastorum.<br />
21 Et nomen fratris eius Iubal; ipse fuit pater omnium canentium cithara et organo.<br />
22 Sella quoque genuit Tubalcain, qui fuit malleator et faber in cuncta opera aeris et ferri.<br />
Soror vero Tubalcain Noema.<br />
23 Dixitque Lamech uxoribus suis:<br />
“Ada et Sella, audite vocem meam; uxores Lamech, auscultate sermonem meum:<br />
occidi virum pro vulnere meo<br />
et adulescentulum pro livore meo;<br />
24 septuplum ultio dabitur de Cain, de Lamech vero septuagies septies”.<br />
25 Cognovit quoque Adam uxorem suam, et peperit filium vocavitque nomen eius Seth<br />
dicens: “Posuit mihi Deus semen aliud pro Abel, quem occidit Cain”.<br />
26 Sed et Seth natus est filius, quem vocavit Enos. Tunc coeperunt invocare nomen Domini.<br />
5<br />
1 Hic est liber generationis Adam. In die qua creavit Deus homi nem, ad similitudinem Dei<br />
fecit illum.<br />
2 Masculum et feminam creavit eos et benedixit illis; et vocavit nomen eorum Adam in die,<br />
quo creati sunt.<br />
3 Vixit autem Adam centum triginta annis et genuit ad similitudinem et imaginem suam<br />
vocavitque nomen eius Seth.<br />
4 Et facti sunt dies Adam, postquam genuit Seth, octingenti anni, genuitque filios et filias.<br />
5 Et factum est omne tempus, quod vixit Adam, anni nongenti triginta, et mortuus est.<br />
6 Vixit quoque Seth centum quinque annos et genuit Enos.<br />
7 Vixitque Seth, postquam genuit Enos, octingentis septem annis genuitque filios et filias.<br />
8 Et facti sunt omnes dies Seth nongentorum duodecim annorum, et mortuus est.<br />
9 Vixit vero Enos nonaginta annis et genuit Cainan.<br />
10 Et vixit Enos, postquam genuit Cainan, octingentis quindecim annis et genuit filios et<br />
filias.<br />
11 Factique sunt omnes dies Enos nongentorum quinque annorum, et mortuus est.<br />
12 Vixit quoque Cainan septuaginta annis et genuit Malaleel.<br />
13 Et vixit Cainan, postquam genuit Malaleel, octingentos quadraginta annos genuitque filios<br />
et filias.<br />
14 Et facti sunt omnes dies Cainan nongenti decem anni, et mortuus est.<br />
15 Vixit autem Malaleel sexaginta quinque annos et genuit Iared.<br />
16 Et vixit Malaleel, postquam genuit Iared, octingentis triginta annis et genuit filios et filias.<br />
17 Et facti sunt omnes dies Malaleel octingenti nonaginta quinque anni, et mortuus est.<br />
18 Vixitque Iared centum sexaginta duobus annis et genuit Henoch.<br />
19 Et vixit Iared, postquam genuit Henoch, octingentos annos et genuit filios et filias.<br />
20 Et facti sunt omnes dies Iared nongenti sexaginta duo anni, et mortuus est.<br />
21 Porro Henoch vixit sexaginta quinque annis et genuit Mathusalam.<br />
22 Et ambulavit Henoch cum Deo, postquam genuit Mathusalam, trecentis annis et genuit<br />
filios et filias.<br />
23 Et facti sunt omnes dies Henoch trecenti sexaginta quinque anni,<br />
24 ambulavitque cum Deo et non apparuit, quia tulit eum Deus.
26 PPEK / <strong>Nova</strong> <strong>Vulgata</strong><br />
25 Vixit quoque Mathusala centum octoginta septem annos et genuit Lamech.<br />
26 Et vixit Mathusala, postquam genuit Lamech, septingentos octoginta duos annos et genuit<br />
filios et filias.<br />
27 Et facti sunt omnes dies Mathusalae nongenti sexaginta novem anni, et mortuus est.<br />
28 Vixit autem Lamech centum octoginta duobus annis et genuit filium<br />
29 vocavitque nomen eius Noe dicens: “Iste consolabitur nos ab operibus nostris et labore<br />
manuum nostrarum in agro, cui maledixit Dominus”.<br />
30 Vixitque Lamech, postquam genuit Noe, quingentos nonaginta quinque annos et genuit<br />
filios et filias.<br />
31 Et facti sunt omnes dies Lamech septingenti septuaginta septem anni, et mortuus est.<br />
32 Noe vero, cum quingentorum esset annorum, genuit Sem, Cham et Iapheth.<br />
6<br />
1 Cumque coepissent homines multiplicari super terram et fi lias procreassent,<br />
2 videntes filii Dei filias hominum quod essent pulchrae, acceperunt sibi uxores ex omnibus,<br />
quas elegerant.<br />
3 Dixitque Deus: “Non permanebit spiritus meus in homine in aeternum, quia caro est;<br />
eruntque dies illius centum viginti annorum”.<br />
4 Gigantes erant super terram in diebus illis et etiam postquam ingressi sunt filii Dei ad filias<br />
hominum, illaeque eis genuerunt: isti sunt potentes a saeculo viri famosi.<br />
5 Videns autem Dominus quod multa malitia hominum esset in terra, et cuncta cogitatio<br />
cordis eorum non intenta esset nisi ad malum omni tempore,<br />
6 paenituit Dominum quod hominem fecisset in terra. Et tactus dolore cordis intrinsecus:<br />
7 “Delebo, inquit, hominem, quem creavi, a facie terrae, ab homine usque ad pecus, usque ad<br />
reptile et usque ad volucres caeli; paenitet enim me fecisse eos”.<br />
8 Noe vero invenit gratiam coram Domino.<br />
9 Hae sunt generationes Noe: Noe vir iustus atque perfectus fuit in generatione sua; cum Deo<br />
ambulavit.<br />
10 Et genuit tres filios: Sem, Cham et Iapheth.<br />
11 Corrupta est autem terra coram Deo et repleta est iniquitate.<br />
12 Cumque vidisset Deus terram esse corruptam - omnis quippe caro corruperat viam suam<br />
super terram -<br />
13 dixit ad Noe: “Finis universae carnis venit coram me; repleta est enim terra iniquitate a<br />
facie eorum, et ecce ego disperdam eos de terra.<br />
14 Fac tibi arcam de lignis cupressinis; mansiunculas in arca facies et bitumine linies eam<br />
intrinsecus et extrinsecus.<br />
15 Et sic facies eam: trecentorum cubitorum erit longitudo arcae, quinquaginta cubitorum<br />
latitudo et triginta cubitorum altitudo illius.<br />
16 Fenestram in arca facies et cubito consummabis summitatem eius. Ostium autem arcae<br />
pones ex latere; tabulatum inferius, medium et superius facies in ea.<br />
17 Ecce ego adducam diluvii aquas super terram, ut interficiam omnem carnem, in qua<br />
spiritus vitae est subter caelum: universa, quae in terra sunt, consumentur.<br />
18 Ponamque foedus meum tecum; et ingredieris arcam tu et filii tui, uxor tua et uxores<br />
filiorum tuorum tecum.<br />
19 Et ex cunctis animantibus universae carnis bina induces in arcam, ut vivant tecum,<br />
masculini sexus et feminini.<br />
20 De volucribus iuxta genus suum et de iumentis in genere suo et ex omni reptili terrae<br />
secundum genus suum: bina de omnibus ingredientur ad te, ut possint vivere.<br />
21 Tu autem tolle tecum ex omnibus escis, quae mandi possunt, et comportabis apud te; et<br />
erunt tam tibi quam illis in cibum”.
PPEK / <strong>Nova</strong> <strong>Vulgata</strong> 27<br />
22 Fecit ergo Noe omnia, quae praeceperat illi Deus; sic fecit.<br />
7<br />
1 Dixitque Dominus ad Noe: “Ingredere tu et omnis domus tua arcam; te enim vidi iustum<br />
coram me in generatione hac.<br />
2 Ex omnibus pecoribus mundis tolle septena septena, masculum et feminam; de pecoribus<br />
vero non mundis duo duo, masculum et feminam.<br />
3 Sed et de volatilibus caeli septena septena, masculum et feminam, ut salvetur semen super<br />
faciem universae terrae.<br />
4 Adhuc enim et post dies septem ego pluam super terram quadraginta diebus et quadraginta<br />
noctibus et delebo omnem substantiam, quam feci, de superficie terrae”.<br />
5 Fecit ergo Noe omnia, quae mandaverat ei Dominus.<br />
6 Eratque Noe sescentorum annorum, quando diluvii aquae inundaverunt super terram.<br />
7 Et ingressus est Noe et filii eius, uxor eius et uxores filiorum eius cum eo in arcam propter<br />
aquas diluvii.<br />
8 De pecoribus mundis et immundis et de volucribus et ex omni, quod movetur super terram,<br />
9 duo et duo ingressa sunt ad Noe in arcam, masculus et femina, sicut praeceperat Deus Noe.<br />
10 Cumque transissent septem dies, aquae diluvii inundaverunt super terram.<br />
11 Anno sescentesimo vitae Noe, mense secundo, septimo decimo die mensis rupti sunt<br />
omnes fontes abyssi magnae, et cataractae caeli apertae sunt;<br />
12 et facta est pluvia super terram quadraginta diebus et quadraginta noctibus.<br />
13 In articulo diei illius ingressus est Noe et Sem et Cham et Iapheth filii eius, uxor illius et<br />
tres uxores filiorum eius cum eis in arcam.<br />
14 Ipsi et omne animal secundum genus suum, universaque iumenta in genere suo, et omne<br />
reptile, quod movetur super terram in genere suo, cunctumque volatile secundum genus<br />
suum, universae aves omnesque volucres<br />
15 ingressae sunt ad Noe in arcam, bina et bina ex omni carne, in qua erat spiritus vitae.<br />
16 Et quae ingressa sunt, masculus et femina ex omni carne introierunt, sicut praeceperat ei<br />
Deus; et inclusit eum Dominus de foris.<br />
17 Factumque est diluvium quadraginta diebus super terram, et multiplicatae sunt aquae et<br />
elevaverunt arcam in sublime a terra.<br />
18 Vehementer enim inundaverunt et omnia repleverunt in superficie terrae; porro arca<br />
ferebatur super aquas.<br />
19 Et aquae praevaluerunt nimis super terram, opertique sunt omnes montes excelsi sub<br />
universo caelo.<br />
20 Quindecim cubitis altior fuit aqua super montes, quos operuerat.<br />
21 Consumptaque est omnis caro, quae movebatur super terram, volucrum, pecorum,<br />
bestiarum omniumque reptilium, quae reptant super terram, et universi homines:<br />
22 cuncta, in quibus spiraculum vitae in terra, mortua sunt.<br />
23 Et delevit omnem substantiam, quae erat super terram, ab homine usque ad pecus, usque<br />
ad reptile et usque ad volucres caeli; et deleta sunt de terra. Remansit autem solus Noe et qui<br />
cum eo erant in arca.<br />
24 Obtinueruntque aquae terram centum quinquaginta diebus.<br />
8<br />
1 Recordatus autem Deus Noe cunctorumque animantium et omnium iumentorum, quae erant<br />
cum eo in arca, adduxit spiritum super terram, et imminutae sunt aquae.<br />
2 Et clausi sunt fontes abyssi et cataractae caeli, et prohibitae sunt pluviae de caelo.
28 PPEK / <strong>Nova</strong> <strong>Vulgata</strong><br />
3 Reversaeque sunt aquae de terra euntes et redeuntes et coeperunt minui post centum<br />
quinquaginta dies.<br />
4 Requievitque arca mense septimo, decima septima die mensis super montes Ararat.<br />
5 At vero aquae ibant et decrescebant usque ad decimum mensem; decimo enim mense,<br />
prima die mensis, apparuerunt cacumina montium.<br />
6 Cumque transissent quadraginta dies, aperiens Noe fenestram arcae, quam fecerat, dimisit<br />
corvum;<br />
7 qui egrediebatur exiens et rediens, donec siccarentur aquae super terram.<br />
8 Emisit quoque columbam a se, ut videret si iam cessassent aquae super faciem terrae.<br />
9 Quae, cum non invenisset, ubi requiesceret pes eius, reversa est ad eum in arcam; aquae<br />
enim erant super universam terram. Extenditque manum et apprehensam intulit in arcam.<br />
10 Exspectatis autem ultra septem diebus aliis, rursum dimisit columbam ex arca.<br />
11 At illa venit ad eum ad vesperam portans ramum olivae virentibus foliis in ore suo.<br />
Intellexit ergo Noe quod cessassent aquae super terram.<br />
12 Exspectavitque nihilominus septem alios dies; et emisit columbam, quae non est reversa<br />
ultra ad eum.<br />
13 Igitur sescentesimo primo anno, primo mense, prima die mensis, siccatae sunt aquae super<br />
terram; et aperiens Noe tectum arcae, et ecce aspexit viditque quod exsiccata erat superficies<br />
terrae.<br />
14 Mense secundo, septima et vicesima die mensis, arefacta est terra.<br />
15 Locutus est autem Deus ad Noe dicens:<br />
16 “Egredere de arca tu et uxor tua, filii tui et uxores filiorum tuorum tecum.<br />
17 Cuncta animantia, quae sunt apud te ex omni carne, tam in volatilibus quam in pecoribus<br />
et in universis reptilibus, quae reptant super terram, educ tecum, ut pullulent super terram et<br />
crescant et multiplicentur super eam”.<br />
18 Egressus est ergo Noe et filii eius, uxor illius et uxores filiorum eius cum eo.<br />
19 Sed et omnia animantia, iumenta, volatilia et reptilia, quae reptant super terram, secundum<br />
genus suum egressa sunt de arca.<br />
20 Aedificavit autem Noe altare Domino; et tollens de cunctis pecoribus mundis et volucribus<br />
mundis obtulit holocausta super altare.<br />
21 Odoratusque est Dominus odorem suavitatis et locutus est Dominus ad cor suum:<br />
“Nequaquam ultra maledicam terrae propter homines, quia cogitatio humani cordis in malum<br />
prona est ab adulescentia sua. Non igitur ultra percutiam omnem animam viventem, sicut<br />
feci.<br />
22 Cunctis diebus terrae, sementis et messis, frigus et aestus, aestas et hiems, dies et nox non<br />
requiescent”.<br />
9<br />
1 Benedixitque Deus Noe et filiis eius et dixit ad eos: “Crescite et multiplicamini et implete<br />
terram.<br />
2 Et terror vester ac tremor sit super cuncta animalia terrae et super omnes volucres caeli cum<br />
universis, quae moventur super terram; omnes pisces maris manui vestrae traditi sunt.<br />
3 Omne, quod movetur et vivit, erit vobis in cibum; quasi holera virentia tradidi vobis omnia,<br />
4 excepto quod carnem cum anima, quae est in sanguine, non comedetis.<br />
5 Sanguinem enim animarum vestrarum requiram de manu cunctarum bestiarum; et de manu<br />
hominis, de manu viri fratris eius requiram animam hominis.<br />
6 Quicumque effuderit humanum sanguinem,<br />
per hominem fundetur sanguis illius;<br />
ad imaginem quippe Dei<br />
factus est homo.
PPEK / <strong>Nova</strong> <strong>Vulgata</strong> 29<br />
7 Vos autem crescite et multiplicamini et pullulate super terram et dominamini ei”.<br />
8 Haec quoque dixit Deus ad Noe et ad filios eius cum eo:<br />
9 “Ecce ego statuam pactum meum vobiscum et cum semine vestro post vos<br />
10 et ad omnem animam viventem, quae est vobiscum tam in volucribus quam in iumentis et<br />
in omnibus bestiis terrae, quae sunt vobiscum, cunctis, quae egressa sunt de arca, universis<br />
bestiis terrae.<br />
11 Statuam pactum meum vobiscum; et nequaquam ultra interficietur omnis caro aquis<br />
diluvii, neque erit deinceps diluvium dissipans terram”.<br />
12 Dixitque Deus: “Hoc signum foederis, quod do inter me et vos et ad omnem animam<br />
viventem, quae est vobiscum, in generationes sempiternas:<br />
13 arcum meum ponam in nubibus, et erit signum foederis inter me et inter terram.<br />
14 Cumque obduxero nubibus caelum, apparebit arcus meus in nubibus,<br />
15 et recordabor foederis mei vobiscum et cum omni anima vivente, quae carnem vegetat; et<br />
non erunt ultra aquae diluvii ad delendum universam carnem.<br />
16 Eritque arcus in nubibus, et videbo illum et recordabor foederis sempiterni, quod pactum<br />
est inter Deum et omnem animam viventem universae carnis, quae est super terram”.<br />
17 Dixitque Deus ad Noe: “Hoc erit signum foederis, quod constitui inter me et omnem<br />
carnem super terram”.<br />
18 Erant ergo filii Noe, qui egressi sunt de arca, Sem, Cham et Iapheth. Porro Cham ipse est<br />
pater Chanaan.<br />
19 Tres isti filii sunt Noe, et ab his disseminatum est omne hominum genus super universam<br />
terram.<br />
20 Coepitque Noe agricola plantare vineam;<br />
21 bibensque vinum inebriatus est et nudatus in tabernaculo suo.<br />
22 Quod cum vidisset Cham pater Chanaan, verenda scilicet patris sui esse nudata, nuntiavit<br />
duobus fratribus suis foras.<br />
23 At vero Sem et Iapheth pallium imposuerunt umeris suis et incedentes retrorsum<br />
operuerunt verecunda patris sui, faciesque eorum aversae erant, et patris virilia non viderunt.<br />
24 Evigilans autem Noe ex vino, cum didicisset, quae fecerat ei filius suus minor,<br />
25 ait:<br />
Maledictus Chanaan!<br />
Servus servorum erit fratribus suis”.<br />
26 Dixitque:<br />
Benedictus Dominus Deus Sem!<br />
Sitque Chanaan servus eius.<br />
27 Dilatet Deus Iapheth,<br />
et habitet in tabernaculis Sem,<br />
sitque Chanaan servus eius”.<br />
28 Vixit autem Noe post diluvium trecentis quinquaginta annis.<br />
29 Et impleti sunt omnes dies eius nongentorum quinquaginta annorum, et mortuus est.<br />
10<br />
1 Hae sunt generationes filio rum Noe, Sem, Cham et Ia pheth; natique sunt eis filii post<br />
diluvium.<br />
2 Filii Iapheth: Gomer et Magog et Madai et Iavan et Thubal et Mosoch et Thiras.<br />
3 Porro filii Gomer: Aschenez et Riphath et Thogorma.<br />
4 Filii autem Iavan: Elisa et Tharsis, Cetthim et Rodanim.<br />
5 Ab his divisae sunt insulae gentium in regionibus suis, unusquisque secundum linguam<br />
suam et familias suas in nationibus suis.<br />
6 Filii autem Cham: Chus et Mesraim et Phut et Chanaan.
30 PPEK / <strong>Nova</strong> <strong>Vulgata</strong><br />
7 Filii Chus: Saba et Hevila et Sabatha et Regma et Sabathacha. Filii Regma: Saba et Dedan.<br />
8 Porro Chus genuit Nemrod: ipse coepit esse potens in terra<br />
9 et erat robustus venator coram Domino. Ob hoc exivit proverbium: “Quasi Nemrod<br />
robustus venator coram Domino”.<br />
10 Fuit autem principium regni eius Babylon et Arach et Achad et Chalanne in terra Sennaar.<br />
11 De terra illa egressus est in Assyriam et aedificavit Nineven et Rohobothir et Chale,<br />
12 Resen quoque inter Nineven et Chale; haec est civitas magna.<br />
13 At vero Mesraim genuit Ludim et Anamim et Laabim, Nephthuim<br />
14 et Phetrusim et Chasluim et Caphtorim, de quibus egressi sunt Philisthim.<br />
15 Chanaan autem genuit Sidonem primogenitum suum, Hetthaeum<br />
16 et Iebusaeum et Amorraeum, Gergesaeum,<br />
17 Hevaeum et Aracaeum, Sinaeum<br />
18 et Aradium, Samaraeum et Emathaeum; et post haec disseminati sunt populi<br />
Chananaeorum.<br />
19 Factique sunt termini Chanaan venientibus a Sidone Geraram usque Gazam, donec<br />
ingrediaris Sodomam et Gomorram et Adamam et Seboim usque Lesa.<br />
20 Hi sunt filii Cham in cognationibus et linguis terrisque et gentibus suis.<br />
21 De Sem quoque nati sunt, patre omnium filiorum Heber, fratre Iapheth maiore.<br />
22 Filii Sem: Elam et Assur et Arphaxad et Lud et Aram.<br />
23 Filii Aram: Us et Hul et Gether et Mes.<br />
24 At vero Arphaxad genuit Sala, de quo ortus est Heber.<br />
25 Natique sunt Heber filii duo: nomen uni Phaleg, eo quod in diebus eius divisa sit terra, et<br />
nomen fratris eius Iectan.<br />
26 Qui Iectan genuit Elmodad et Saleph et Asarmoth, Iare<br />
27 et Adoram et Uzal et Decla<br />
28 et Ebal et Abimael, Saba<br />
29 et Ophir et Hevila et Iobab. Omnes isti filii Iectan;<br />
30 et facta est habitatio eorum de Messa pergentibus usque Sephar montem orientalem.<br />
31 Isti filii Sem secundum cognationes et linguas et regiones in gentibus suis.<br />
32 Hae familiae filiorum Noe iuxta generationes et nationes suas. Ab his divisae sunt gentes<br />
in terra post diluvium.<br />
11<br />
1 Erat autem universa terra labii unius et sermonum eo rundem.<br />
2 Cumque proficiscerentur de oriente, invenerunt campum in terra Sennaar et habitaverunt in<br />
eo.<br />
3 Dixitque alter ad proximum suum: “Venite, faciamus lateres et coquamus eos igni”.<br />
Habueruntque lateres pro saxis et bitumen pro caemento.<br />
4 Et dixerunt: “Venite, faciamus nobis civitatem et turrim, cuius culmen pertingat ad caelum,<br />
et faciamus nobis nomen, ne dividamur super faciem universae terrae”.<br />
5 Descendit autem Dominus, ut videret civitatem et turrim, quam aedificaverunt filii<br />
hominum,<br />
6 et dixit Dominus: “Ecce unus est populus et unum labium omnibus; et hoc est initium<br />
operationis eorum, nec eis erit deinceps difficile, quidquid cogitaverint facere.<br />
7 Venite igitur, descendamus et confundamus ibi linguam eorum, ut non intellegat<br />
unusquisque vocem proximi sui”.<br />
8 Atque ita divisit eos Dominus ex illo loco super faciem universae terrae, et cessaverunt<br />
aedificare civitatem.<br />
9 Et idcirco vocatum est nomen eius Babel, quia ibi confusum est labium universae terrae, et<br />
inde dispersit eos Dominus super faciem universae terrae.
PPEK / <strong>Nova</strong> <strong>Vulgata</strong> 31<br />
10 Hae sunt generationes Sem. Sem centum erat annorum, quando genuit Arphaxad biennio<br />
post diluvium;<br />
11 vixitque Sem, postquam genuit Arphaxad, quingentos annos et genuit filios et filias.<br />
12 Porro Arphaxad vixit triginta quinque annos et genuit Sala.<br />
13 Vixitque Arphaxad, postquam genuit Sala, quadringentis tribus annis et genuit filios et<br />
filias.<br />
14 Sala quoque vixit triginta annis et genuit Heber.<br />
15 Vixitque Sala, postquam genuit Heber, quadringentis tribus annis et genuit filios et filias.<br />
16 Vixit autem Heber triginta quattuor annis et genuit Phaleg.<br />
17 Et vixit Heber, postquam genuit Phaleg, quadringentis triginta annis et genuit filios et<br />
filias.<br />
18 Vixit quoque Phaleg triginta annis et genuit Reu.<br />
19 Vixitque Phaleg, postquam genuit Reu, ducentis novem annis et genuit filios et filias.<br />
20 Vixit autem Reu triginta duobus annis et genuit Seruch.<br />
21 Vixitque Reu, postquam genuit Seruch, ducentis septem annis et genuit filios et filias.<br />
22 Vixit vero Seruch triginta annis et genuit Nachor.<br />
23 Vixitque Seruch, postquam genuit Nachor, ducentos annos et genuit filios et filias.<br />
24 Vixit autem Nachor viginti novem annis et genuit Thare.<br />
25 Vixitque Nachor, postquam genuit Thare, centum decem et novem annos et genuit filios et<br />
filias.<br />
26 Vixitque Thare septuaginta annis et genuit Abram, Nachor et Aran.<br />
27 Hae sunt autem generationes Thare. Thare genuit Abram, Nachor et Aran. Porro Aran<br />
genuit Lot;<br />
28 mortuusque est Aran ante Thare patrem suum in terra nativitatis suae in Ur Chaldaeorum.<br />
29 Duxerunt autem Abram et Nachor uxores: nomen uxoris Abram Sarai, et nomen uxoris<br />
Nachor Melcha, filia Aran patris Melchae et patris Ieschae.<br />
30 Erat autem Sarai sterilis nec habebat liberos.<br />
31 Tulitque Thare Abram filium suum et Lot filium Aran filium filii sui et Sarai nurum suam,<br />
uxorem Abram filii sui, et eduxit eos de Ur Chaldaeorum, ut irent in terram Chanaan.<br />
Veneruntque usque Charran et habitaverunt ibi.<br />
32 Et facti sunt dies Thare ducentorum quinque annorum, et mortuus est in Charran.<br />
12<br />
1 Dixit autem Dominus ad Abram:<br />
“Egredere de terra tua et de cognatione tua<br />
et de domo patris tui<br />
in terram, quam monstrabo tibi.<br />
2 Faciamque te in gentem magnam<br />
et benedicam tibi<br />
et magnificabo nomen tuum,<br />
erisque in benedictionem.<br />
3 Benedicam benedicentibus tibi<br />
et maledicentibus tibi maledicam,<br />
atque in te benedicentur<br />
universae cognationes terrae!”.<br />
4 Egressus est itaque Abram, sicut praeceperat ei Dominus, et ivit cum eo Lot. Septuaginta<br />
quinque annorum erat Abram, cum egrederetur de Charran.<br />
5 Tulitque Sarai uxorem suam et Lot filium fratris sui universamque substantiam, quam<br />
acquisiverant, et animas, quas fecerant in Charran, et egressi sunt, ut irent in terram Chanaan;<br />
et venerunt in terram Chanaan.
32 PPEK / <strong>Nova</strong> <strong>Vulgata</strong><br />
6 Pertransivit Abram terram usque ad locum Sichem, usque ad Quercum Moreh. Chananaeus<br />
autem tunc erat in terra.<br />
7 Apparuit autem Dominus Abram et dixit ei: “Semini tuo dabo terram hanc”. Qui aedificavit<br />
ibi altare Domino, qui apparuerat ei.<br />
8 Et inde transgrediens ad montem, qui erat contra orientem Bethel, tetendit ibi tabernaculum<br />
suum ab occidente habens Bethel et ab oriente Hai; aedificavit quoque ibi altare Domino et<br />
invocavit nomen Domini.<br />
9 Perrexitque Abram de mansione in mansionem usque ad Nageb.<br />
10 Facta est autem fames in terra; descenditque Abram in Aegyptum, ut peregrinaretur ibi;<br />
praevaluerat enim fames in terra.<br />
11 Cumque prope esset, ut ingrederetur Aegyptum, dixit Sarai uxori suae: “Novi quod<br />
pulchra sis mulier<br />
12 et quod, cum viderint te Aegyptii, dicturi sunt: "Uxor ipsius est"; et interficient me et te<br />
reservabunt.<br />
13 Dic ergo, obsecro te, quod soror mea sis, ut bene sit mihi propter te, et vivat anima mea ob<br />
gratiam tui”.<br />
14 Cum itaque ingressus esset Abram Aegyptum, viderunt Aegyptii mulierem quod esset<br />
pulchra nimis,<br />
15 et viderunt eam principes pharaonis et laudaverunt eam apud illum; et sublata est mulier in<br />
domum pharaonis.<br />
16 Abram vero bene usus est propter illam; fueruntque ei oves et boves et asini et servi et<br />
famulae et asinae et cameli.<br />
17 Flagellavit autem Dominus pharaonem plagis maximis et domum eius propter Sarai<br />
uxorem Abram.<br />
18 Vocavitque pharao Abram et dixit ei: “Quidnam est hoc quod fecisti mihi? Quare non<br />
indicasti mihi quod uxor tua esset?<br />
19 Quam ob causam dixisti esse sororem tuam, ut tollerem eam mihi in uxorem? Nunc igitur,<br />
ecce coniux tua: accipe eam et vade!”.<br />
20 Praecepitque pharao super Abram viris; et deduxerunt eum et uxorem illius et omnia, quae<br />
habebat.<br />
13<br />
1 Ascendit ergo Abram de Ae gypto ipse et uxor eius et om nia, quae habebat, et Lot cum eo<br />
ad Nageb.<br />
2 Abram autem erat dives valde in pecoribus, argento et auro.<br />
3 Et profectus est de mansione in mansionem a Nageb in Bethel usque ad locum, ubi prius<br />
fixerat tabernaculum inter Bethel et Hai,<br />
4 in loco altaris, quod fecerat prius, et invocavit ibi nomen Domini.<br />
5 Sed et Lot, qui ibat cum Abram, fuerunt greges ovium et armenta et tabernacula;<br />
6 nec poterat eos capere terra, ut habitarent simul: erat quippe substantia eorum multa, et<br />
nequibant habitare communiter.<br />
7 Unde et facta est rixa inter pastores gregum Abram et pastores gregum Lot. Eo autem<br />
tempore Chananaeus et Pherezaeus habitabant in illa terra.<br />
8 Dixit ergo Abram ad Lot: “Ne, quaeso, sit iurgium inter me et te et inter pastores meos et<br />
pastores tuos: fratres enim sumus.<br />
9 Nonne universa terra coram te est? Recede a me, obsecro: si ad sinistram ieris, ego<br />
dexteram tenebo; si tu dexteram elegeris, ego ad sinistram pergam”.<br />
10 Elevatis itaque Lot oculis, vidit omnem circa regionem Iordanis, quae universa irrigabatur,<br />
antequam subverteret Dominus Sodomam et Gomorram, sicut paradisus Domini et sicut<br />
Aegyptus usque in Segor.
PPEK / <strong>Nova</strong> <strong>Vulgata</strong> 33<br />
11 Elegitque sibi Lot omnem regionem circa Iordanem et recessit ad orientem; divisique sunt<br />
alterutrum a fratre suo.<br />
12 Abram habitavit in terra Chanaan; Lot vero moratus est in oppidis, quae erant circa<br />
Iordanem, et tabernacula movit usque ad Sodomam.<br />
13 Homines autem Sodomitae pessimi erant et peccatores coram Domino nimis.<br />
14 Dixitque Dominus ad Abram, postquam divisus est Lot ab eo: “Leva oculos tuos et vide a<br />
loco, in quo nunc es, ad aquilonem et ad meridiem, ad orientem et ad occidentem:<br />
15 omnem terram, quam conspicis, tibi dabo et semini tuo usque in sempiternum;<br />
16 faciamque semen tuum sicut pulverem terrae: si quis potest hominum numerare pulverem<br />
terrae, semen quoque tuum numerare poterit.<br />
17 Surge et perambula terram in longitudine et in latitudine sua, quia tibi daturus sum eam”.<br />
18 Movens igitur tabernaculum suum, Abram venit et habitavit iuxta Quercus Mambre, quae<br />
sunt in Hebron, aedificavitque ibi altare Domino.<br />
14<br />
1 Factum est autem in illo tempore, ut Amraphel rex Sennaar et Arioch rex Ellasar et<br />
Chodorlahomor rex Elam et Thadal rex gentium<br />
2 inirent bellum contra Bara regem Sodomae et contra Bersa regem Gomorrae et contra<br />
Sennaab regem Adamae et contra Semeber regem Seboim contraque regem Belae; ipsa est<br />
Segor.<br />
3 Omnes hi convenerunt in vallem Siddim, quae nunc est mare Salis.<br />
4 Duodecim annis servierant Chodorlahomor et tertio decimo anno recesserunt ab eo.<br />
5 Igitur anno quarto decimo venit Chodorlahomor et reges, qui erant cum eo, percusseruntque<br />
Raphaim in Astharothcarnaim et Zuzim in Ham et Emim in Savecariathaim<br />
6 et Chorraeos in montibus Seir usque ad Elpharan, quae est in deserto.<br />
7 Reversique sunt et venerunt ad fontem Mesphat; ipsa est Cades. Et percusserunt omnem<br />
regionem Amalecitarum et etiam Amorraeum, qui habitabat in Asasonthamar.<br />
8 Et egressi sunt rex Sodomae et rex Gomorrae rexque Adamae et rex Seboim necnon et rex<br />
Belae, quae est Segor; et direxerunt contra eos aciem in valle Siddim,<br />
9 scilicet adversus Chodorlahomor regem Elam et Thadal regem gentium et Amraphel regem<br />
Sennaar et Arioch regem Ellasar: quattuor reges adversus quinque.<br />
10 Vallis autem Siddim habebat puteos multos bituminis. Itaque rex Sodomae et Gomorrae<br />
terga verterunt cecideruntque illuc; et, qui remanserant, fugerunt ad montem.<br />
11 Tulerunt autem omnem substantiam Sodomae et Gomorrae et universa, quae ad cibum<br />
pertinent, et abierunt;<br />
12 ceperunt et Lot et substantiam eius, filium fratris Abram, qui habitabat in Sodoma.<br />
13 Et ecce unus, qui evaserat, nuntiavit Abram Hebraeo, qui habitabat iuxta Quercus Mambre<br />
Amorraei fratris Eschol et fratris Aner; hi enim pepigerant foedus cum Abram.<br />
14 Quod cum audisset Abram, captum videlicet Lot fratrem suum, numeravit expeditos<br />
vernaculos suos trecentos decem et octo et persecutus est usque Dan;<br />
15 et, divisis sociis, irruit super eos nocte percussitque eos et persecutus est eos usque Hoba,<br />
quae est ad laevam Damasci;<br />
16 reduxitque omnem substantiam, necnon et Lot fratrem suum cum substantia illius,<br />
mulieres quoque et populum.<br />
17 Egressus est autem rex Sodomae in occursum eius, postquam reversus est a caede<br />
Chodorlahomor et regum, qui cum eo erant, in vallem Save, quae est vallis Regis.<br />
18 At vero Melchisedech rex Salem proferens panem et vinum - erat enim sacerdos Dei<br />
altissimi - 19 benedixit ei et ait:<br />
“Benedictus Abram a Deo excelso, qui creavit caelum et terram<br />
20 et benedictus Deus excelsus,
34 PPEK / <strong>Nova</strong> <strong>Vulgata</strong><br />
qui tradidit hostes tuos in manus tuas”.<br />
Et dedit ei decimas ex omnibus.<br />
21 Dixit autem rex Sodomae ad Abram: “Da mihi animas; substantiam tolle tibi”.<br />
22 Qui respondit ei: “Levo manum meam ad Dominum, Deum excelsum, creatorem caeli et<br />
terrae,<br />
23 a filo subteminis usque ad corrigiam caligae non accipiam ex omnibus, quae tua sunt, ne<br />
dicas: "Ego ditavi Abram";<br />
24 exceptis his, quae comederunt iuvenes, et partibus virorum, qui venerunt mecum, Aner,<br />
Eschol et Mambre: isti accipient partes suas”.<br />
15<br />
1 His itaque transactis, factus est sermo Domini ad Abram per visionem dicens: “Noli timere,<br />
Abram! Ego protector tuus sum, et merces tua magna erit nimis”.<br />
2 Dixitque Abram: “Domine Deus, quid dabis mihi? Ego vadam absque liberis, et heres<br />
domus meae erit Damascenus Eliezer”.<br />
3 Addiditque Abram: “En mihi non dedisti semen, et ecce vernaculus meus heres meus erit”.<br />
4 Sed ecce sermo Domini factus est ad eum: “Non erit hic heres tuus, sed qui egredietur de<br />
visceribus tuis, ipsum habebis heredem”.<br />
5 Eduxitque eum foras et ait illi: “Suspice caelum et numera stellas, si potes”. Et dixit ei: “Sic<br />
erit semen tuum”.<br />
6 Credidit Domino, et reputatum est ei ad iustitiam.<br />
7 Dixitque ad eum: “Ego Dominus, qui eduxi te de Ur Chaldaeorum, ut darem tibi terram<br />
istam, et possideres eam”.<br />
8 Et ille ait: “Domine Deus, unde scire possum quod possessurus sim eam?”.<br />
9 Respondens Dominus: “Sume, inquit, mihi vitulam triennem et capram trimam et arietem<br />
annorum trium, turturem quoque et columbam”.<br />
10 Qui tollens universa haec divisit ea per medium et utrasque partes contra se altrinsecus<br />
posuit; aves autem non divisit.<br />
11 Descenderuntque volucres super cadavera, et abigebat eas Abram.<br />
12 Cumque sol occumberet, sopor irruit super Abram, et ecce horror magnus et tenebrosus<br />
invasit eum.<br />
13 Dictumque est ad eum: “Scito praenoscens quod peregrinum futurum sit semen tuum in<br />
terra non sua, et subicient eos servituti et affligent quadringentis annis.<br />
14 Verumtamen et gentem, cui servituri sunt, ego iudicabo, et post haec egredientur cum<br />
magna substantia.<br />
15 Tu autem ibis ad patres tuos in pace, sepultus in senectute bona.<br />
16 Generatione autem quarta revertentur huc; necdum enim completae sunt iniquitates<br />
Amorraeorum usque ad praesens tempus”.<br />
17 Cum ergo occubuisset sol, facta est caligo tenebrosa, et apparuit clibanus fumans et<br />
lampas ignis transiens inter divisiones illas.<br />
18 In illo die pepigit Dominus cum Abram foedus dicens: “Semini tuo dabo terram hanc a<br />
fluvio Aegypti usque ad magnum fluvium Euphraten,<br />
19 Cinaeos et Cenezaeos, Cedmonaeos<br />
20 et Hetthaeos et Pherezaeos, Raphaim quoque<br />
21 et Amorraeos et Chananaeos et Gergesaeos et Iebusaeos”.<br />
16<br />
1 Sarai autem uxor Abram non genuerat ei liberos; sed habens ancillam Aegyptiam nomine<br />
Agar,
PPEK / <strong>Nova</strong> <strong>Vulgata</strong> 35<br />
2 dixit marito suo: “Ecce conclusit me Dominus, ne parerem; ingredere ad ancillam meam, si<br />
forte saltem ex illa suscipiam filios”. Cumque ille acquiesceret deprecanti,<br />
3 tulit Agar Aegyptiam ancillam suam post annos decem quam habitare coeperant in terra<br />
Chanaan, et dedit eam viro suo uxorem.<br />
4 Qui ingressus est ad eam. At illa concepisse se videns despexit dominam suam.<br />
5 Dixitque Sarai ad Abram: “Inique agis contra me; ego dedi ancillam meam in sinum tuum,<br />
quae videns quod conceperit, despectui me habet. Iudicet Dominus inter me et te”.<br />
6 Cui respondens Abram: “Ecce, ait, ancilla tua in manu tua est; utere ea, ut libet”. Affligente<br />
igitur eam Sarai, aufugit ab ea.<br />
7 Cumque invenisset illam angelus Domini iuxta fontem aquae in deserto, ad fontem in via<br />
Sur,<br />
8 dixit: “Agar, ancilla Sarai, unde venis et quo vadis?”. Quae respondit: “A facie Sarai<br />
dominae meae ego fugio”.<br />
9 Dixitque ei angelus Domini: “Revertere ad dominam tuam et humiliare sub manibus<br />
ipsius”.<br />
10 Et dixit ei angelus Domini: “Multiplicans multiplicabo semen tuum, et non numerabitur<br />
prae multitudine”.<br />
11 Et dixit ei angelus Domini:<br />
“Ecce, concepisti et paries filium<br />
vocabisque nomen eius Ismael,<br />
eo quod audierit Dominus afflictionem tuam.<br />
12 Hic erit homo onagro similis;<br />
manus eius contra omnes,<br />
et manus omnium contra eum;<br />
et e regione universorum fratrum suorum figet tabernacula”.<br />
13 Vocavit autem nomen Domini, qui loquebatur ad eam: “Tu Deus, qui vidisti me”. Dixit<br />
enim: “Profecto hic vidi posteriora videntis me”.<br />
14 Propterea appellatur puteus ille Lahairoi (id est Viventis et Videntis me); ipse est inter<br />
Cades et Barad.<br />
15 Peperitque Agar Abrae filium; qui vocavit nomen filii sui, quem pepererat Agar, Ismael.<br />
16 Octoginta et sex annorum erat Abram, quando peperit ei Agar Ismaelem.<br />
17<br />
1 Postquam Abram nonaginta et novem annorum factus est, apparuit ei Dominus dixitque ad<br />
eum: “Ego Deus omnipotens, ambula coram me et esto perfectus.<br />
2 Ponamque foedus meum inter me et te et multiplicabo te vehementer nimis”.<br />
3 Cecidit Abram pronus in faciem.<br />
4 Dixitque ei Deus: “Ecce pactum meum tecum. Erisque pater multarum gentium,<br />
5 nec ultra vocabitur nomen tuum Abram, sed Abraham erit nomen tuum, quia patrem<br />
multarum gentium constitui te.<br />
6 Faciamque te crescere vehementissime et ponam te in gentes; regesque ex te egredientur.<br />
7 Et statuam pactum meum inter me et te et inter semen tuum post te in generationibus suis<br />
foedere sempiterno, ut sim Deus tuus et seminis tui post te.<br />
8 Daboque tibi et semini tuo post te terram peregrinationis tuae, omnem terram Chanaan in<br />
possessionem aeternam; eroque Deus eorum”.<br />
9 Dixit iterum Deus ad Abraham: “Tu autem pactum meum custodies, et semen tuum post te<br />
in generationibus suis.<br />
10 Hoc est pactum meum, quod observabitis, inter me et vos et semen tuum post te.<br />
Circumcidetur ex vobis omne masculinum,<br />
11 et circumcidetis carnem praeputii vestri, ut sit in signum foederis inter me et vos.
36 PPEK / <strong>Nova</strong> <strong>Vulgata</strong><br />
12 Infans octo dierum circumcidetur in vobis: omne masculinum in generationibus vestris,<br />
tam vernaculus quam empticius ex omnibus alienigenis, quicumque non fuerit de stirpe<br />
vestra.<br />
13 Circumcidetur vernaculus et empticius, eritque pactum meum in carne vestra in foedus<br />
aeternum. 14 Masculus, cuius praeputii caro circumcisa non fuerit, delebitur anima illa de<br />
populo suo; pactum meum irritum fecit”.<br />
15 Dixit quoque Deus ad Abraham: “Sarai uxorem tuam non vocabis nomen eius Sarai, sed<br />
Sara erit nomen eius.<br />
16 Et benedicam ei; et ex illa quoque dabo tibi filium. Benedicturus sum eam, eritque in<br />
nationes; reges populorum orientur ex ea”.<br />
17 Cecidit Abraham in faciem suam et risit dicens in corde suo: “Putasne centenario nascetur<br />
filius? Et Sara nonagenaria pariet?”.<br />
18 Dixitque ad Deum: “Utinam Ismael vivat coram te”.<br />
19 Et ait Deus: “Sara uxor tua pariet tibi filium, vocabisque nomen eius Isaac; et constituam<br />
pactum meum illi in foedus sempiternum et semini eius post eum.<br />
20 Super Ismael quoque exaudivi te: ecce benedicam ei et crescere faciam et multiplicabo<br />
eum vehementissime; duodecim duces generabit, et faciam illum in gentem magnam.<br />
21 Pactum vero meum statuam ad Isaac, quem pariet tibi Sara tempore isto in anno altero”.<br />
22 Cumque cessasset loqui cum eo, ascendit Deus ab Abraham.<br />
23 Tulit ergo Abraham Ismael filium suum et omnes vernaculos domus suae universosque,<br />
quos emerat: cunctos mares ex omnibus viris domus suae; et circumcidit carnem praeputii<br />
eorum statim in ipsa die, sicut praeceperat ei Deus.<br />
24 Abraham nonaginta novem erat annorum, quando circumcisus est in carne praeputii sui;<br />
25 et Ismael filius eius tredecim annos impleverat tempore circumcisionis suae.<br />
26 Eadem die circumcisus est Abraham et Ismael filius eius;<br />
27 et omnes viri domus illius, tam vernaculi quam empticii ex alienigenis, circumcisi sunt<br />
cum eo.<br />
18<br />
1 Apparuit autem ei Dominus iuxta Quercus Mambre se denti in ostio tabernaculi sui in ipso<br />
fervore diei.<br />
2 Cumque elevasset oculos, apparuerunt ei tres viri stantes prope eum. Quos cum vidisset,<br />
cucurrit in occursum eorum de ostio tabernaculi et adoravit in terram<br />
3 et dixit: “Domine mi, si inveni gratiam in oculis tuis, ne transeas servum tuum;<br />
4 afferatur pauxillum aquae, et lavate pedes vestros et requiescite sub arbore.<br />
5 Ponamque buccellam panis, et confortate cor vestrum, postea transibitis; idcirco enim<br />
declinastis ad servum vestrum”. Qui dixerunt: “Fac ut locutus es”.<br />
6 Festinavit Abraham in tabernaculum ad Saram dixitque: “Accelera, tria sata similae<br />
commisce et fac subcinericios panes”.<br />
7 Ipse vero ad armentum cucurrit et tulit inde vitulum tenerrimum et optimum deditque<br />
puero; qui festinavit et coxit illum.<br />
8 Tulit quoque butyrum et lac et vitulum, quem coxerat, et posuit coram eis. Ipse vero stabat<br />
iuxta eos sub arbore; et comederunt.<br />
9 Dixeruntque ad eum: “Ubi est Sara uxor tua?”. Ille respondit: “Ecce in tabernaculo est”.<br />
10 Cui dixit: “Revertens veniam ad te tempore isto, et habebit filium Sara uxor tua”. Quo<br />
audito, Sara risit ad ostium tabernaculi, quod erat post eum.<br />
11 Erant autem ambo senes provectaeque aetatis, et desierant Sarae fieri muliebria.<br />
12 Quae risit occulte dicens: “Postquam consenui, et dominus meus vetulus est, voluptas mihi<br />
erit?”.
PPEK / <strong>Nova</strong> <strong>Vulgata</strong> 37<br />
13 Dixit autem Dominus ad Abraham: “Quare risit Sara dicens: "Num vere paritura sum<br />
anus?"”.<br />
14 Numquid Domino est quidquam difficile? Revertar ad te hoc eodem tempore, et habebit<br />
Sara filium”.<br />
15 Negavit Sara dicens: “Non risi”, timore perterrita. Ille autem dixit: “Non; sed risisti”.<br />
16 Cum ergo surrexissent inde viri, direxerunt oculos contra Sodomam; et Abraham simul<br />
gradiebatur deducens eos.<br />
17 Dixitque Dominus: “Num celare potero Abraham, quae gesturus sum,<br />
18 cum futurus sit in gentem magnam ac robustissimam, et benedicendae sint in illo omnes<br />
nationes terrae?<br />
19 Nam elegi eum, ut praecipiat filiis suis et domui suae post se, ut custodiant viam Domini<br />
et faciant iustitiam et iudicium, ut adducat Dominus super Abraham omnia, quae locutus est<br />
ad eum”.<br />
20 Dixit itaque Dominus: “Clamor contra Sodomam et Gomorram multiplicatus est, et<br />
peccatum eorum aggravatum est nimis.<br />
21 Descendam et videbo utrum clamorem, qui venit ad me, opere compleverint an non;<br />
sciam”.<br />
22 Converteruntque se inde viri et abierunt Sodomam; Abraham vero adhuc stabat coram<br />
Domino.<br />
23 Et appropinquans ait: “Numquid vere perdes iustum cum impio?<br />
24 Si forte fuerint quinquaginta iusti in civitate, vere perdes et non parces loco illi propter<br />
quinquaginta iustos, si fuerint in eo?<br />
25 Absit a te, ut rem hanc facias et occidas iustum cum impio, fiatque iustus sicut impius;<br />
absit a te. Nonne iudex universae terrae faciet iudicium?”.<br />
26 Dixitque Dominus: “Si invenero Sodomae quinquaginta iustos in medio civitatis, dimittam<br />
omni loco propter eos”.<br />
27 Respondensque Abraham ait: “Ecce coepi loqui ad Dominum meum, cum sim pulvis et<br />
cinis.<br />
28 Quid, si forte minus quinquaginta iustis quinque fuerint? Delebis propter quinque<br />
universam urbem?”. Et ait: “Non delebo, si invenero ibi quadraginta quinque”.<br />
29 Rursumque locutus est ad eum: “Si forte inventi fuerint ibi quadraginta?”. Ait: “Non<br />
percutiam propter quadraginta”.<br />
30 “Ne, quaeso, inquit, indignetur Dominus meus, si loquar. Si forte ibi inventi fuerint<br />
triginta?”. Respondit: “Non faciam, si invenero ibi triginta”.<br />
31 “Ecce, ait, coepi loqui ad Dominum meum. Si forte inventi fuerint ibi viginti?”. Dixit:<br />
“Non interficiam propter viginti”.<br />
32 “Obsecro, inquit, ne irascatur Dominus meus, si loquar adhuc semel. Si forte inventi<br />
fuerint ibi decem?”. Dixit: “Non delebo propter decem”.<br />
33 Abiit Dominus, postquam cessavit loqui ad Abraham; et ille reversus est in locum suum.<br />
19<br />
1 Veneruntque duo angeli Sodomam vespere, sedente Lot in foribus civitatis. Qui cum<br />
vidisset eos, surrexit et ivit obviam eis adoravitque pronus in terram<br />
2 et dixit: “Obsecro, domini mei, declinate in domum pueri vestri et pernoctate; lavate pedes<br />
vestros et mane proficiscemini in viam vestram”. Qui dixerunt: “Minime, sed in platea<br />
pernoctabimus”.<br />
3 Compulit illos oppido, et diverterunt ad eum. Ingressisque domum illius fecit convivium et<br />
coxit azyma, et comederunt.<br />
4 Prius autem quam irent cubitum, viri civitatis, viri Sodomae, vallaverunt domum a iuvene<br />
usque ad senem, omnis populus simul.
38 PPEK / <strong>Nova</strong> <strong>Vulgata</strong><br />
5 Vocaveruntque Lot et dixerunt ei: “Ubi sunt viri, qui introierunt ad te nocte? Educ illos ad<br />
nos, ut cognoscamus eos”.<br />
6 Egressus ad eos Lot post tergum occludens ostium ait:<br />
7 “Nolite, quaeso, fratres mei, nolite malum hoc facere.<br />
8 Ecce, habeo duas filias, quae necdum cognoverunt virum; educam eas ad vos, et facite eis<br />
sicut placuerit vobis, dummodo viris istis nihil faciatis; ideo enim ingressi sunt sub umbra<br />
tecti mei”.<br />
9 At illi dixerunt: “Recede illuc”. Et rursus: “Unus ingressus est, inquiunt, ut advena et vult<br />
iudicare? Te ergo ipsum magis quam hos affligemus”. Vimque faciebant Lot<br />
vehementissime, iamque prope erat, ut effringerent fores.<br />
10 Et ecce miserunt manum viri et introduxerunt ad se Lot clauseruntque ostium;<br />
11 et eos, qui foris erant, percusserunt caecitate a minimo usque ad maximum, ita ut ostium<br />
invenire non possent.<br />
12 Dixerunt autem viri ad Lot: “Habes hic quempiam tuorum? Generum et filios et filias et<br />
omnes, qui tui sunt in urbe, educ de loco hoc:<br />
13 delebimus enim locum istum, eo quod increverit clamor contra eos coram Domino, qui<br />
misit nos, ut perdamus eam”.<br />
14 Egressus itaque Lot locutus est ad generos suos, qui accepturi erant filias eius, et dixit:<br />
“Surgite, egredimini de loco isto, quia delebit Dominus civitatem”. Et visus est eis quasi<br />
ludens loqui.<br />
15 Cumque esset mane, cogebant eum angeli dicentes: “Surge, tolle uxorem tuam et duas<br />
filias, quas habes hic, ne pereas in scelere civitatis”.<br />
16 Tardante illo, apprehenderunt viri manum eius et manum uxoris ac duarum filiarum eius,<br />
eo quod parceret Dominus illi.<br />
17 Et eduxerunt eum posueruntque extra civitatem. Ibi locutus est: “Salvare, agitur de vita<br />
tua; noli respicere post tergum, nec stes in omni circa regione; sed in monte salvum te fac, ne<br />
pereas”.<br />
18 Dixitque Lot ad eos: “Non, quaeso, Domine.<br />
19 Ecce invenit servus tuus gratiam coram te, et magnificasti misericordiam tuam, quam<br />
fecisti mecum, ut salvares animam meam; nec possum in monte salvari, ne forte apprehendat<br />
me malum et moriar.<br />
20 Ecce, civitas haec iuxta, ad quam possum fugere, parva, et salvabor in ea - numquid non<br />
modica est? - et vivet anima mea”.<br />
21 Dixitque ad eum: “Ecce, etiam in hoc suscepi preces tuas, ut non subvertam urbem, pro<br />
qua locutus es.<br />
22 Festina et salvare ibi, quia non potero facere quidquam, donec ingrediaris illuc”. Idcirco<br />
vocatum est nomen urbis illius Segor.<br />
23 Sol egressus est super terram, et Lot ingressus est Segor.<br />
24 Igitur Dominus pluit super Sodomam et Gomorram sulphur et ignem a Domino de caelo<br />
25 et subvertit civitates has et omnem circa regionem, universos habitatores urbium et cuncta<br />
terrae virentia.<br />
26 Respiciensque uxor eius post se versa est in statuam salis.<br />
27 Abraham autem consurgens mane venit ad locum, ubi steterat prius cum Domino,<br />
28 intuitus est Sodomam et Gomorram et universam terram regionis illius; viditque<br />
ascendentem favillam de terra quasi fornacis fumum.<br />
29 Cum enim subverteret Deus civitates regionis illius, recordatus Abrahae liberavit Lot de<br />
subversione urbium, in quibus habitaverat.<br />
30 Ascenditque Lot de Segor et mansit in monte, duae quoque filiae eius cum eo; timuerat<br />
enim manere in Segor. Et mansit in spelunca ipse et duae filiae eius.
PPEK / <strong>Nova</strong> <strong>Vulgata</strong> 39<br />
31 Dixitque maior ad minorem: “Pater noster senex est, et nullus virorum remansit in terra,<br />
qui possit ingredi ad nos iuxta morem universae terrae.<br />
32 Veni, inebriemus patrem nostrum vino dormiamusque cum eo, ut servare possimus ex<br />
patre nostro semen”.<br />
33 Dederunt itaque patri suo bibere vinum nocte illa, et ingressa est maior dormivitque cum<br />
patre; at ille non sensit, nec quando accubuit filia nec quando surrexit.<br />
34 Altera quoque die dixit maior ad minorem: “Ecce, dormivi heri cum patre meo; demus ei<br />
bibere vinum etiam hac nocte, et ingressa dormies cum eo, ut salvemus semen de patre<br />
nostro”.<br />
35 Dederunt et illa nocte patri suo bibere vinum, ingressaque minor filia dormivit cum eo; et<br />
ne tunc quidem sensit, quando illa concubuerit vel quando surrexerit.<br />
36 Conceperunt ergo duae filiae Lot de patre suo.<br />
37 Peperitque maior filium et vocavit nomen eius Moab; ipse est pater Moabitarum usque in<br />
praesentem diem.<br />
38 Minor quoque peperit filium et vocavit nomen eius Benammi (id est Filius populi mei);<br />
ipse est pater Ammonitarum usque hodie.<br />
20<br />
1 Profectus inde Abraham in terram Nageb, habitavit in ter Cades et Sur et peregrinatus est in<br />
Geraris.<br />
2 Dixitque de Sara uxore sua: “Soror mea est”. Misit ergo Abimelech rex Gerarae et tulit<br />
eam.<br />
3 Venit autem Deus ad Abimelech per somnium nocte et ait illi: “En morieris propter<br />
mulierem, quam tulisti; habet enim virum”.<br />
4 Abimelech vero non tetigerat eam. Et ait: “Domine, num gentem etiam iustam interficies?<br />
5 Nonne ipse dixit mihi: "Soror mea est", et ipsa quoque ait: "Frater meus est"? In<br />
simplicitate cordis mei et munditia manuum mearum feci hoc”.<br />
6 Dixitque ad eum Deus per somnium: “Et ego scio quod simplici corde feceris; et ideo<br />
custodivi te, ne peccares in me, et non dimisi, ut tangeres eam.<br />
7 Nunc igitur redde viro suo uxorem, quia propheta est; et orabit pro te, et vives. Si autem<br />
nolueris reddere, scito quod morte morieris tu et omnia, quae tua sunt”.<br />
8 Statimque de nocte consurgens Abimelech vocavit omnes servos suos et locutus est<br />
universa verba haec in auribus eorum; timueruntque viri valde.<br />
9 Vocavit autem Abimelech etiam Abraham et dixit ei: “Quid fecisti nobis? Quid peccavi in<br />
te, quia induxisti super me et super regnum meum peccatum grande? Quae non debuisti<br />
facere, fecisti mihi”.<br />
10 Rursusque ait: “Quid vidisti, ut hoc faceres?”.<br />
11 Respondit Abraham: “Cogitavi mecum: Certe non est timor Dei in loco isto, et interficient<br />
me propter uxorem meam.<br />
12 Alias autem et vere soror mea est, filia patris mei et non filia matris meae, et duxi eam in<br />
uxorem.<br />
13 Cum autem vagari me faceret Deus de domo patris mei, dixi ad eam: Hanc misericordiam<br />
facies mecum: in omni loco, ad quem ingrediemur, dices quod frater tuus sim”.<br />
14 Tulit igitur Abimelech oves et boves et servos et ancillas et dedit Abraham; reddiditque illi<br />
Saram uxorem suam<br />
15 et ait: “Ecce terra mea coram te; ubicumque tibi placuerit, habita”.<br />
16 Sarae autem dixit: “Ecce mille argenteos dedi fratri tuo; ecce hoc erit tibi in velamen<br />
oculorum ad omnes, qui tecum sunt, et apud omnes iustificaberis”.<br />
17 Orante autem Abraham, sanavit Deus Abimelech et uxorem ancillasque eius et pepererunt;
40 PPEK / <strong>Nova</strong> <strong>Vulgata</strong><br />
18 concluserat enim Dominus omnem vulvam domus Abimelech propter Saram uxorem<br />
Abraham.<br />
21<br />
1 Visitavit autem Dominus Saram, sicut promiserat, et implevit Sarae, quae locutus est;<br />
2 concepitque et peperit Abrahae filium in senectute eius tempore, quo praedixerat ei Deus.<br />
3 Vocavitque Abraham nomen filii sui, quem genuit ei Sara, Isaac<br />
4 et circumcidit eum octavo die, sicut praeceperat ei Deus.<br />
5 Cum Abraham centum esset annorum, natus est ei Isaac filius eius.<br />
6 Dixitque Sara:<br />
“Risum fecit mihi Deus;<br />
quicumque audierit, corridebit mihi ?.<br />
7 Rursumque ait:<br />
? Quis auditurum crederet Abraham<br />
quod Sara lactaret filios,<br />
quia peperit ei filium<br />
iam seni?”.<br />
8 Crevit igitur puer et ablactatus est. Fecitque Abraham grande convivium in die ablactationis<br />
eius.<br />
9 Cumque vidisset Sara filium Agar Aegyptiae iocantem cum Isaac filio suo, dixit ad<br />
Abraham:<br />
10 “Eice ancillam hanc et filium eius; non enim erit heres filius ancillae cum filio meo Isaac”.<br />
11 Dure accepit hoc Abraham propter filium suum.<br />
12 Cui dixit Deus: “Non tibi videatur asperum super puero et super ancilla tua; omnia, quae<br />
dixerit tibi Sara, audi vocem eius, quia in Isaac vocabitur tibi semen.<br />
13 Sed et filium ancillae faciam in gentem magnam, quia semen tuum est”.<br />
14 Surrexit itaque Abraham mane et tollens panem et utrem aquae imposuit scapulae eius<br />
tradiditque puerum et dimisit eam. Quae cum abisset, errabat in deserto Bersabee.<br />
15 Cumque consumpta esset aqua in utre, abiecit puerum subter unum arbustum<br />
16 et abiit; seditque e regione procul, quantum potest arcus iacere. Dixit enim: “Non videbo<br />
morientem puerum”. Et sedens contra levavit vocem suam et flevit.<br />
17 Exaudivit autem Deus vocem pueri; vocavitque angelus Dei Agar de caelo dicens: “Quid<br />
tibi, Agar? Noli timere; exaudivit enim Deus vocem pueri de loco, in quo est.<br />
18 Surge, tolle puerum et tene illum manu tua, quia in gentem magnam faciam eum”.<br />
19 Aperuitque Deus oculos eius; quae videns puteum aquae abiit et implevit utrem deditque<br />
puero bibere.<br />
20 Et fuit Deus cum eo; qui crevit et moratus est in solitudine factusque est iuvenis<br />
sagittarius.<br />
21 Habitavitque in deserto Pharan; et accepit illi mater sua uxorem de terra Aegypti.<br />
22 Eodem tempore dixit Abimelech et Phicol princeps exercitus eius ad Abraham: “Deus<br />
tecum est in universis, quae agis.<br />
23 Iura ergo per Deum, ne noceas mihi et posteris meis stirpique meae; sed iuxta fidem, quam<br />
feci tibi, facies mihi et terrae, in qua versatus es advena”.<br />
24 Dixitque Abraham: “Ego iurabo”.<br />
25 Et increpavit Abraham Abimelech propter puteum aquae, quem vi abstulerant servi eius.<br />
26 Responditque Abimelech: “Nescivi quis fecerit hanc rem; sed et tu non indicasti mihi, et<br />
ego non audivi praeter hodie”.<br />
27 Tulit itaque Abraham oves et boves et dedit Abimelech; percusseruntque ambo foedus.<br />
28 Et statuit Abraham septem agnas gregis seorsum.<br />
29 Cui dixit Abimelech: “Quid sibi volunt septem agnae istae, quas stare fecisti seorsum?”.
PPEK / <strong>Nova</strong> <strong>Vulgata</strong> 41<br />
30 At ille: “Septem, inquit, agnas accipies de manu mea, ut sint in testimonium mihi,<br />
quoniam ego fodi puteum istum”.<br />
31 Idcirco vocatus est locus ille Bersabee, quia ibi uterque iuraverunt.<br />
32 Et inierunt foedus in Bersabee.<br />
33 Surrexit autem Abimelech et Phicol princeps militiae eius reversique sunt in terram<br />
Philisthim. Abraham vero plantavit nemus in Bersabee et invocavit ibi nomen Domini, Dei<br />
aeterni.<br />
34 Et fuit colonus in terra Philisthim diebus multis.<br />
22<br />
1 Quae postquam gesta sunt, tentavit Deus Abraham et di xit ad eum: “Abraham”. Ille<br />
respondit: “Adsum”.<br />
2 Ait: “Tolle filium tuum unigenitum, quem diligis, Isaac et vade in terram Moria; atque offer<br />
eum ibi in holocaustum super unum montium, quem monstravero tibi”.<br />
3 Igitur Abraham de nocte consurgens stravit asinum suum ducens secum duos iuvenes suos<br />
et Isaac filium suum. Cumque concidisset ligna in holocaustum, surrexit et abiit ad locum,<br />
quem praeceperat ei Deus.<br />
4 Die autem tertio, elevatis oculis, vidit locum procul<br />
5 dixitque ad pueros suos: “Exspectate hic cum asino. Ego et puer illuc usque properantes,<br />
postquam adoraverimus, revertemur ad vos”.<br />
6 Tulit quoque ligna holocausti et imposuit super Isaac filium suum; ipse vero portabat in<br />
manibus ignem et cultrum. Cumque duo pergerent simul,<br />
7 dixit Isaac Abrahae patri suo: “Pater mi”. Ille respondit: “Quid vis, fili?”. “Ecce, inquit,<br />
ignis et ligna; ubi est victima holocausti?”.<br />
8 Dixit Abraham: “Deus providebit sibi victimam holocausti, fili mi”.<br />
Pergebant ambo pariter;<br />
9 et venerunt ad locum, quem ostenderat ei Deus, in quo aedificavit Abraham altare et<br />
desuper ligna composuit. Cumque colligasset Isaac filium suum, posuit eum in altari super<br />
struem lignorum<br />
10 extenditque Abraham manum et arripuit cultrum, ut immolaret filium suum.<br />
11 Et ecce angelus Domini de caelo clamavit: “Abraham, Abraham”. Qui respondit:<br />
“Adsum”.<br />
12 Dixitque: “Non extendas manum tuam super puerum neque facias illi quidquam. Nunc<br />
cognovi quod times Deum et non pepercisti filio tuo unigenito propter me”.<br />
13 Levavit Abraham oculos suos viditque arietem unum inter vepres haerentem cornibus;<br />
quem assumens obtulit holocaustum pro filio.<br />
14 Appellavitque nomen loci illius: “Dominus videt”. Unde usque hodie dicitur: “In monte<br />
Dominus videtur”.<br />
15 Vocavit autem angelus Domini Abraham secundo de caelo et dixit:<br />
16 “Per memetipsum iuravi, dicit Dominus: quia fecisti hanc rem et non pepercisti filio tuo<br />
unigenito,<br />
17 benedicam tibi et multiplicabo semen tuum sicut stellas caeli et velut arenam, quae est in<br />
litore maris. Possidebit semen tuum portas inimicorum suorum,<br />
18 et benedicentur in semine tuo omnes gentes terrae, quia oboedisti voci meae”.<br />
19 Reversus est Abraham ad pueros suos, et surrexerunt abieruntque Bersabee simul, et<br />
habitavit Abraham in Bersabee.<br />
20 His ita gestis, nuntiatum est Abrahae quod Melcha quoque genuisset filios Nachor fratri<br />
suo:<br />
21 Us primogenitum et Buz fratrem eius et Camuel patrem Aram<br />
22 et Cased et Azau, Pheldas quoque et Iedlaph
42 PPEK / <strong>Nova</strong> <strong>Vulgata</strong><br />
23 ac Bathuel, de quo nata est Rebecca. Octo istos genuit Melcha Nachor fratri Abrahae.<br />
24 Concubina vero illius, nomine Reuma, peperit Tabee et Gaham et Tahas et Maacha.<br />
23<br />
1 Vixit autem Sara centum viginti septem annis<br />
2 et mortua est in Cariatharbe, quae est Hebron, in terra Chanaan; venitque Abraham, ut<br />
plangeret et fleret eam.<br />
3 Cumque surrexisset ab officio funeris, locutus est ad filios Heth dicens:<br />
4 “Advena sum et inquilinus apud vos; date mihi possessionem sepulcri vobiscum, ut<br />
sepeliam mortuum meum”.<br />
5 Responderunt filii Heth dicentes:<br />
6 “Audi nos, domine, princeps Dei es apud nos: in nobilissimo sepulcrorum nostrorum sepeli<br />
mortuum tuum; nullusque te prohibebit, quin in sepulcro eius sepelias mortuum tuum”.<br />
7 Surrexit Abraham et adoravit populum terrae, filios videlicet Heth,<br />
8 dixitque ad eos: “Si placet animae vestrae, ut sepeliam mortuum meum, audite me et<br />
intercedite pro me apud Ephron filium Seor,<br />
9 ut det mihi speluncam Machpela, quam habet in extrema parte agri sui. Pecunia digna tradat<br />
eam mihi coram vobis in possessionem sepulcri”.<br />
10 Sedebat autem Ephron in medio filiorum Heth. Responditque Ephron Hetthaeus ad<br />
Abraham, filiis Heth audientibus cunctis, qui ingrediebantur portam civitatis illius, dicens:<br />
11 “Nequaquam ita fiat, domine mi, ausculta me. Agrum do tibi et speluncam, quae in eo est,<br />
praesentibus filiis populi mei; sepeli mortuum tuum”.<br />
12 Adoravit Abraham coram populo terrae<br />
13 et locutus est ad Ephron, audiente populo terrae: “Quaeso, ut audias me. Dabo pecuniam<br />
pro agro; suscipe eam, et sic sepeliam mortuum meum in eo”.<br />
14 Respondit Ephron ad Abraham dicens ei:<br />
15 “Domine mi, audi me. Terra quadringentorum siclorum argenti inter me et te quid est hoc?<br />
Sepeli mortuum tuum”.<br />
16 Auscultavit Abraham Ephron et appendit pecuniam, quam Ephron postulaverat,<br />
audientibus filiis Heth, quadringentos siclos argenti, sicut mos erat apud negotiatores.<br />
17 Confirmatusque est ager Ephronis, qui erat in Machpela respiciens Mambre, tam ipse<br />
quam spelunca in eo et omnes arbores eius in cunctis terminis eius per circuitum,<br />
18 Abrahae in possessionem, videntibus filiis Heth cunctis, qui intrabant portam civitatis<br />
illius.<br />
19 Deinde sepelivit Abraham Saram uxorem suam in spelunca agri Machpela, qui respiciebat<br />
Mambre - haec est Hebron - in terra Chanaan.<br />
20 Et confirmatus est ager et antrum, quod erat in eo, Abrahae in possessionem sepulcri a<br />
filiis Heth.<br />
24<br />
1 Erat autem Abraham senex dierumque multorum; et Do minus in cunctis benedixerat ei.<br />
2 Dixitque Abraham ad servum seniorem domus suae, qui praeerat omnibus, quae habebat:<br />
“Pone manum tuam subter femur meum,<br />
3 ut adiurem te per Dominum, Deum caeli et Deum terrae, ut non accipias uxorem filio meo<br />
de filiabus Chananaeorum, inter quos habito;<br />
4 sed ad terram et cognationem meam proficiscaris et inde accipias uxorem filio meo Isaac”.<br />
5 Respondit servus: “Si noluerit mulier venire mecum in terram hanc, num reducere debeo<br />
filium tuum ad terram, a quo tu egressus es?”.<br />
6 Dixit Abraham: “Cave, ne quando reducas illuc filium meum.
PPEK / <strong>Nova</strong> <strong>Vulgata</strong> 43<br />
7 Dominus, Deus caeli, qui tulit me de domo patris mei et de terra nativitatis meae, qui<br />
locutus est mihi et iuravit mihi dicens: "Semini tuo dabo terram hanc", ipse mittet angelum<br />
suum coram te, et accipies inde uxorem filio meo.<br />
8 Sin autem noluerit mulier sequi te, non teneberis iuramento; filium tantum meum ne<br />
reducas illuc”.<br />
9 Posuit ergo servus manum sub femore Abraham domini sui et iuravit illi super hac re.<br />
10 Tulitque servus decem camelos de grege domini sui et abiit ex omnibus bonis eius portans<br />
secum; profectusque perrexit in Aram Naharaim ad urbem Nachor.<br />
11 Cumque camelos fecisset accumbere extra oppidum iuxta puteum aquae vespere, tempore<br />
quo solent mulieres egredi ad hauriendam aquam, dixit:<br />
12 “Domine,Deus domini mei Abraham, occurre obsecro mihi hodie et fac misericordiam<br />
cum domino meo Abraham.<br />
13 Ecce ego sto prope fontem aquae, et filiae habitatorum huius civitatis egredientur ad<br />
hauriendam aquam.<br />
14 Igitur puella, cui ego dixero: "Inclina hydriam tuam, ut bibam", et illa responderit: "Bibe,<br />
quin et camelis tuis dabo potum", ipsa est, quam praeparasti servo tuo Isaac, et per hoc<br />
intellegam quod feceris misericordiam cum domino meo”.<br />
15 Necdum intra se verba compleverat, et ecce Rebecca egrediebatur filia Bathuel filii<br />
Melchae uxoris Nachor fratris Abraham habens hydriam in scapula:<br />
16 puella decora nimis, virgo et incognita viro. Descendit ad fontem et implevit hydriam ac<br />
revertebatur.<br />
17 Occurritque ei servus et ait: “Pauxillum mihi ad sorbendum praebe aquae de hydria tua”.<br />
18 Quae respondit: “Bibe, domine mi”. Celeriterque deposuit hydriam super ulnam suam et<br />
dedit ei potum.<br />
19 Cumque ille bibisset, adiecit: “Quin et camelis tuis hauriam aquam, donec cuncti bibant”.<br />
20 Effundensque hydriam in canalibus recurrit ad puteum, ut hauriret aquam; et haustam<br />
omnibus camelis dedit.<br />
21 Ille autem contemplabatur eam tacitus, scire volens utrum prosperum fecisset iter suum<br />
Dominus an non.<br />
22 Postquam ergo biberunt cameli, protulit vir anulum aureum pondo dimidii sicli pro naribus<br />
et duas armillas pro manibus eius pondo siclorum decem;<br />
23 dixitque: “Cuius es filia? lndica mihi. Est in domo patris tui locus nobis ad<br />
pernoctandum?”.<br />
24 Quae respondit: “Filia Bathuelis sum filii Melchae, quem peperit Nachor”.<br />
25 Et addidit dicens: “Palearum quoque et pabuli plurimum est apud nos et locus ad<br />
pernoctandum”.<br />
26 Inclinavit se homo et adoravit Dominum<br />
27 dicens: “Benedictus Dominus, Deus domini mei Abraham, qui non abstulit misericordiam<br />
et veritatem suam a domino meo et recto itinere me perduxit in domum fratris domini mei”.<br />
28 Cucurrit itaque puella et nuntiavit in domum matris suae omnia, quae evenerant.<br />
29 Habebat autem Rebecca fratrem nomine Laban, qui festinus egressus est ad hominem, ubi<br />
erat fons.<br />
30 Cumque vidisset anulum in naribus et armillas in manibus sororis suae et audisset cuncta<br />
verba referentis: “Haec locutus est mihi homo”, venit ad virum, qui stabat iuxta camelos et<br />
prope fontem aquae;<br />
31 dixitque ad eum: “Ingredere, benedicte Domini, cur foris stas? Praeparavi domum et<br />
locum camelis”.<br />
32 Et introduxit eum in hospitium ac destravit camelos; deditque paleas et pabulum camelis<br />
et aquam ad lavandos pedes eius et virorum, qui venerant cum eo.
44 PPEK / <strong>Nova</strong> <strong>Vulgata</strong><br />
33 Et apposuit in conspectu eius panem. Qui ait: “Non comedam, donec loquar sermones<br />
meos”. Respondit: “Loquere”.<br />
34 At ille: “Servus, inquit, Abraham sum;<br />
35 et Dominus benedixit domino meo valde, magnificatusque est; et dedit ei oves et boves,<br />
argentum et aurum, servos et ancillas, camelos et asinos.<br />
36 Et peperit Sara uxor domini mei filium domino meo in senectute sua; deditque illi omnia,<br />
quae habuerat.<br />
37 Et adiuravit me dominus meus dicens: "Non accipies uxorem filio meo de filiabus<br />
Chananaeorum, in quorum terra habito;<br />
38 sed ad domum patris mei perges et de cognatione mea accipies uxorem filio meo".<br />
39 Ego vero respondi domino meo: Quid, si noluerit venire mecum mulier?<br />
40 "Dominus, ait, in cuius conspectu ambulo, mittet angelum suum tecum et diriget viam<br />
tuam; accipiesque uxorem filio meo de cognatione mea et de domo patris mei.<br />
41 Innocens eris a maledictione mea, cum veneris ad propinquos meos, et non dederint tibi;<br />
tunc innocens eris a maledictione mea".<br />
42 Veni ergo hodie ad fontem et dixi: Domine, Deus domini mei Abraham, si direxisti viam<br />
meam, in qua nunc ambulo,<br />
43 ecce sto iuxta fontem aquae; et virgo, quae egredietur ad hauriendam aquam, audierit a<br />
me: "Da mihi pauxillum aquae ad bibendum ex hydria tua";<br />
44 et dixerit mihi: "Et tu bibe, et camelis tuis hauriam", ipsa est mulier, quam praeparavit<br />
Dominus filio domini mei.<br />
45 Dum haec tacitus mecum volverem, apparuit Rebecca veniens cum hydria, quam portabat<br />
in scapula; descenditque ad fontem et hausit aquam. Et aio ad eam: Da mihi paululum bibere.<br />
46 Quae festina deposuit hydriam de umero et dixit mihi: "Et tu bibe, et camelis tuis potum<br />
tribuam". Bibi, et adaquavit camelos.<br />
47 Interrogavique eam et dixi: Cuius es filia? Quae respondit: "Filia Bathuelis sum filii<br />
Nachor, quem peperit illi Melcha".<br />
Suspendi itaque anulum in naribus eius et armillas posui in manibus eius.<br />
48 Pronusque adoravi Dominum benedicens Domino, Deo domini mei Abraham, qui perduxit<br />
me recto itinere, ut sumerem filiam fratris domini mei filio eius.<br />
49 Quam ob rem, si facitis misericordiam et veritatem cum domino meo, indicate mihi; sin<br />
autem aliud placet, et hoc dicite mihi, ut vadam ad dexteram sive ad sinistram”.<br />
50 Responderunt Laban et Bathuel: “A Domino egressus est sermo; non possumus extra<br />
placitum eius quidquam aliud loqui tecum.<br />
51 En Rebecca coram te est; tolle eam et proficiscere, et sit uxor filii domini tui, sicut locutus<br />
est Dominus”.<br />
52 Quod cum audisset puer Abraham, procidens adoravit in terram Dominum.<br />
53 Prolatisque vasis argenteis et aureis ac vestibus, dedit ea Rebeccae; res pretiosas dedit<br />
fratri eius et matri.<br />
54 Tunc comederunt et biberunt ipse et viri, qui erant cum eo, et pernoctaverunt ibi.<br />
Surgens autem mane locutus est puer: “Dimittite me, ut vadam ad dominum meum”.<br />
55 Responderuntque frater eius et mater: “Maneat puella saltem decem dies apud nos et<br />
postea proficiscetur”.<br />
56 “Nolite, ait, me retinere, quia Dominus direxit viam meam; dimittite me, ut pergam ad<br />
dominum meum”.<br />
57 Dixerunt: “Vocemus puellam et quaeramus ipsius voluntatem”.<br />
58 Cumque vocata venisset, sciscitati sunt: “Vis ire cum homine isto?”. Quae ait: “Vadam”.<br />
59 Dimiserunt ergo Rebeccam sororem eorum et nutricem illius servumque Abraham et<br />
comites eius,<br />
60 imprecantes prospera sorori suae atque dicentes:
PPEK / <strong>Nova</strong> <strong>Vulgata</strong> 45<br />
“Soror nostra es,<br />
crescas in mille milia,<br />
et possideat semen tuum<br />
portas inimicorum suorum!”.<br />
61 Igitur surrexit Rebecca et puellae illius et, ascensis camelis, secutae sunt virum;<br />
sumpsitque servus Rebeccam et abiit.<br />
62 Isaac autem venerat a regione putei Lahairoi et habitabat in terra Nageb.<br />
63 Et egressus est Isaac ad lamentandum in agro, inclinata iam die. Cumque levasset oculos,<br />
vidit camelos venientes.<br />
64 Rebecca quoque levavit oculos et vidit Isaac; descenditque de camelo<br />
65 et ait ad puerum: “Quis est ille homo, qui venit per agrum in occursum nobis?”. Dixitque<br />
ei: “Ipse est dominus meus”. At illa tollens cito velum operuit se.<br />
66 Servus autem cuncta, quae gesserat, narravit Isaac;<br />
67 qui introduxit eam in tabernaculum Sarae matris suae et accepit Rebeccam uxorem; et<br />
dilexit eam et consolatus est a morte matris suae.<br />
25<br />
1 Abraham vero aliam duxit uxorem nomine Ceturam,<br />
2 quae peperit ei Zamran et Iecsan et Madan et Madian et Iesboc et Sue.<br />
3 Iecsan quoque genuit Saba et Dedan. Filii Dedan fuerunt Assurim et Latusim et Loommim.<br />
4 At vero ex Madian ortus est Epha et Opher et Henoch et Abida et Eldaa. Omnes hi filii<br />
Ceturae.<br />
5 Deditque Abraham cuncta, quae possederat, Isaac;<br />
6 filiis autem concubinarum suarum largitus est munera et separavit eos ab Isaac filio suo,<br />
dum adhuc ipse viveret, ad plagam orientalem.<br />
7 Fuerunt autem dies vitae Abrahae centum septuaginta quinque anni.<br />
8 Et deficiens mortuus est Abraham in senectute bona provectaeque aetatis et plenus dierum<br />
congregatusque est ad populum suum.<br />
9 Et sepelierunt eum Isaac et Ismael filii sui in spelunca Machpela, quae sita est in agro<br />
Ephron filii Seor Hetthaei e regione Mambre,<br />
10 quem emerat a filiis Heth. Ibi sepultus est ipse et Sara uxor eius.<br />
11 Et post obitum illius benedixit Deus Isaac filio eius, qui habitabat iuxta puteum Lahairoi.<br />
12 Hae sunt generationes Ismael filii Abrahae, quem peperit ei Agar Aegyptia famula Sarae.<br />
13 Et haec nomina filiorum Ismael in vocabulis et generationibus suis: primogenitus Ismaelis<br />
Nabaioth, dein Cedar et Adbeel et Mabsam,<br />
14 Masma quoque et Duma et Massa,<br />
15 Hadad et Thema, Iethur et Naphis et Cedma.<br />
16 Isti sunt filii Ismaelis, et haec nomina eorum per vicos et mansiones eorum: duodecim<br />
principes tribuum suarum.<br />
17 Et facti sunt anni vitae Ismaelis centum triginta septem; deficiens mortuus est et appositus<br />
ad populum suum.<br />
18 Habitaverunt autem ab Hevila usque Sur, quae respicit Aegyptum introeuntibus Assyriam.<br />
In faciem cunctorum fratrum suorum obiit.<br />
19 Hae sunt generationes Isaac filii Abraham: Abraham genuit Isaac;<br />
20 qui, cum quadraginta esset annorum, duxit uxorem Rebeccam filiam Bathuelis Aramaei de<br />
Paddanaram, sororem Laban Aramaei.<br />
21 Deprecatusque est Isaac Dominum pro uxore sua, eo quod esset sterilis. Qui exaudivit eum<br />
et dedit conceptum Rebeccae.<br />
22 Sed collidebantur in utero eius parvuli. Quae ait: “Si sic est, cur mihi?”. Perrexitque, ut<br />
consuleret Dominum.
46 PPEK / <strong>Nova</strong> <strong>Vulgata</strong><br />
23 Qui respondens ait:<br />
“Duae gentes sunt in utero tuo,<br />
et duo populi ex ventre tuo dividentur;<br />
populusque populum superabit,<br />
et maior serviet minori”.<br />
24 Iam tempus pariendi venerat, et ecce gemini in utero eius.<br />
25 Qui primus egressus est rufus erat et totus quasi pallium pilosum; vocatumque est nomen<br />
eius Esau. Postea frater eius egrediens plantam Esau tenebat manu, et idcirco appellatum est<br />
nomen eius Iacob.<br />
26 Sexagenarius erat Isaac, quando nati sunt parvuli.<br />
27 Quibus adultis, factus est Esau vir gnarus venandi et homo agrestis; Iacob autem vir<br />
compositus et habitans in tabernaculis.<br />
28 Isaac amabat Esau, eo quod de venationibus illius libenter vesceretur; et Rebecca diligebat<br />
Iacob.<br />
29 Coxit autem Iacob pulmentum; ad quem, cum venisset Esau de agro lassus,<br />
30 ait: “Da mihi de coctione hac rufa, quia oppido lassus sum”. Quam ob causam vocatum est<br />
nomen eius Edom (id est Rufus).<br />
31 Cui dixit Iacob: “Vende mihi prius primogenita tua”.<br />
32 Ille respondit: “En morior; quid mihi proderunt primogenita?”.<br />
33 Ait Iacob: “Iura ergo mihi”. Iuravit et vendidit primogenita.<br />
34 Et sic, accepto pane et lentis edulio, comedit et bibit; surrexit et abiit parvipendens quod<br />
primogenita vendidisset.<br />
26<br />
1 Orta autem fame super terram post eam sterilitatem, quae acciderat in diebus Abraham,<br />
abiit Isaac ad Abimelech regem Philisthim in Gerara.<br />
2 Apparuitque ei Dominus et ait: “Ne descendas in Aegyptum, sed habita in terra, quam<br />
dixero tibi,<br />
3 et peregrinare in ea; eroque tecum et benedicam tibi. Tibi enim et semini tuo dabo universas<br />
regiones has complens iuramentum, quod spopondi Abraham patri tuo,<br />
4 et multiplicabo semen tuum sicut stellas caeli daboque posteris tuis universas regiones has;<br />
et benedicentur in semine tuo omnes gentes terrae,<br />
5 eo quod oboedierit Abraham voci meae et custodierit praecepta et mandata mea et<br />
iustificationes legesque servaverit”.<br />
6 Mansit itaque Isaac in Geraris.<br />
7 Qui, cum interrogaretur a viris loci illius super uxore sua, respondit: “Soror mea est”.<br />
Timuerat enim confiteri quod sibi esset sociata coniugio, reputans ne forte interficerent eum<br />
propter illius pulchritudinem.<br />
8 Cumque pertransissent dies plurimi et ibidem moraretur, prospiciens Abimelech rex<br />
Philisthim per fenestram vidit eum iocantem cum Rebecca uxore sua.<br />
9 Et, accersito eo, ait: “Perspicuum est quod uxor tua sit; cur mentitus es eam sororem tuam<br />
esse?”. Respondit: “Timui, ne morerer propter eam”.<br />
10 Dixitque Abimelech: “Quare hoc fecisti nobis? Potuit coire quispiam de populo cum uxore<br />
tua, et induxeras super nos grande peccatum”. Praecepitque omni populo dicens:<br />
11 “Qui tetigerit hominem hunc et uxorem eius, morte morietur”.<br />
12 Sevit autem Isaac in terra illa et invenit in ipso anno centuplum; benedixitque ei Dominus.<br />
13 Et locupletatus est homo et ibat proficiens atque succrescens, donec magnus vehementer<br />
effectus est;<br />
14 habuitque possessionem ovium et armentorum et familiae plurimum.<br />
Ob haec invidentes ei Philisthim
PPEK / <strong>Nova</strong> <strong>Vulgata</strong> 47<br />
15 omnes puteos, quos foderant servi patris illius in diebus Abraham, obstruxerunt implentes<br />
humo,<br />
16 in tantum ut ipse Abimelech diceret ad Isaac: “Recede a nobis, quoniam potentior nostri<br />
factus es valde”.<br />
17 Et ille discedens tentoria fixit ad torrentem Gerarae habitavitque ibi.<br />
18 Rursum fodit puteos, quos foderant in diebus patris sui Abraham et quos, illo mortuo,<br />
obstruxerant Philisthim. Appellavitque eos eisdem nominibus, quibus ante pater vocaverat.<br />
19 Foderunt servi Isaac in torrente et reppererunt ibi puteum aquae vivae.<br />
20 Sed et ibi iurgium fuit pastorum Gerarae adversus pastores Isaac dicentium: “Nostra est<br />
aqua!”. Quam ob rem nomen putei vocavit Esec (id est Iurgium), quia iurgati sunt cum eo.<br />
21 Foderunt autem et alium puteum, et pro illo quoque rixati sunt; appellavitque eum Sitna<br />
(id est Inimicitias).<br />
22 Profectus inde fodit alium puteum, pro quo non contenderunt; itaque vocavit nomen eius<br />
Rehoboth (id est Latitudinem) dicens: “Nunc dilatavit nos Dominus, et crescemus in terra”.<br />
23 Ascendit autem ex illo loco in Bersabee,<br />
24 ubi apparuit ei Dominus in ipsa nocte dicens:<br />
“Ego sum Deus Abraham patris tui.<br />
Noli timere, quia tecum sum;<br />
benedicam tibi<br />
et multiplicabo semen tuum<br />
propter servum meum Abraham”.<br />
25 Itaque aedificavit ibi altare et, invocato nomine Domini, extendit tabernaculum, et servi<br />
Isaac foderunt ibi puteum.<br />
26 Abimelech autem venit ad eum de Geraris et Ochozath amicus illius et Phicol dux<br />
militum,<br />
27 et locutus est eis Isaac: “Quid venistis ad me hominem, quem odistis et expulistis a<br />
vobis?”.<br />
28 Qui responderunt: “Vidimus tecum esse Dominum et idcirco diximus: Sit iuramentum<br />
inter nos et te, et ineamus tecum foedus,<br />
29 ut non facias nobis quidquam mali, sicut et nos non attigimus te et nihil fecimus tibi nisi<br />
bonum et cum pace dimisimus te. Tu es enim benedictus Domini”.<br />
30 Fecit ergo eis convivium, et comederunt et biberunt.<br />
31 Surgentesque mane iuraverunt sibi mutuo. Dimisitque eos Isaac, et profecti sunt ab eo cum<br />
pace.<br />
32 Ecce autem venerunt in ipso die servi Isaac annuntiantes ei de puteo, quem foderant, atque<br />
dicentes: “Invenimus aquam”.<br />
33 Unde appellavit eum Sabee (quod significat Abundantiam); et nomen urbi impositum est<br />
Bersabee usque in praesentem diem.<br />
34 Esau vero quadragenarius duxit uxores Iudith filiam Beeri Hetthaei et Basemath filiam<br />
Elon Hetthaei.<br />
35 Quae ambae offenderant animum Isaac et Rebeccae.<br />
27<br />
1 Senuit autem Isaac, et caligaverunt oculi eius, et videre non poterat. Vocavitque Esau filium<br />
suum maiorem et dixit ei: “Fili mi”. Qui respondit: “Adsum”.<br />
2 Cui pater: “Vides, inquit, quod senuerim et ignorem diem mortis meae;<br />
3 sume arma tua, pharetram et arcum, et egredere in agrum. Cumque venatu aliquid<br />
apprehenderis,<br />
4 fac mihi inde pulmentum, sicut velle me nosti, et affer, ut comedam; et benedicat tibi anima<br />
mea, antequam moriar”.
48 PPEK / <strong>Nova</strong> <strong>Vulgata</strong><br />
5 Rebecca autem audierat Isaac loquentem cum Esau filio suo. Esau ergo abiit in agrum, ut<br />
venationem caperet et offerret eam.<br />
6 Rebecca autem dixit filio suo Iacob: “Ecce, audivi patrem tuum loquentem cum Esau fratre<br />
tuo et dicentem ei:<br />
7 "Affer mihi venationem tuam et fac cibos, ut comedam et benedicam tibi coram Domino,<br />
antequam moriar".<br />
8 Nunc ergo, fili mi, audi vocem meam in eo, quod praecipio tibi.<br />
9 Pergens ad gregem affer mihi duos haedos optimos, ut faciam ex eis escas patri tuo, quibus<br />
libenter vescitur.<br />
10 Quas cum intuleris patri tuo, et comederit, benedicat tibi, priusquam moriatur”.<br />
11 Cui ille respondit: “Nosti quod Esau frater meus homo pilosus sit, et ego lenis.<br />
12 Si attrectaverit me pater meus et senserit, timeo, ne putet me sibi voluisse illudere; et<br />
inducam super me maledictionem pro benedictione”.<br />
13 Ad quem mater: “In me sit, ait, ista maledictio, fili mi; tantum audi vocem meam et perge<br />
afferque, quae dixi”.<br />
14 Abiit et attulit deditque matri. Paravit illa cibos, sicut noverat velle patrem illius.<br />
15 Et vestibus Esau valde bonis, quas apud se habebat domi, induit eum<br />
16 pelliculasque haedorum circumdedit manibus et colli nuda protexit;<br />
17 dedit pulmentum optimum et panes, quos coxerat, in manus filii sui Iacob.<br />
18 Qui ingressus ad patrem suum dixit: “Pater mi”. At ille respondit: “Audio. Quis es tu, fili<br />
mi?”.<br />
19 Dixitque Iacob ad patrem suum: “Ego sum Esau primogenitus tuus. Feci sicut praecepisti<br />
mihi; surge, sede et comede de venatione mea, ut benedicat mihi anima tua”.<br />
20 Rursum Isaac ad filium suum: “Quomodo, inquit, tam cito invenire potuisti, fili mi?”. Qui<br />
respondit: “Voluntas Domini Dei tui fuit, ut occurreret mihi”.<br />
21 Dixitque Isaac ad Iacob: “Accede huc, ut tangam te, fili mi, et probem, utrum tu sis filius<br />
meus Esau an non”.<br />
22 Accessit ille ad patrem, et, palpato eo, dixit Isaac: “Vox quidem, vox Iacob est, sed manus,<br />
manus sunt Esau”.<br />
23 Et non cognovit eum, quia pilosae manus similitudinem maioris expresserant. Benedixit<br />
ergo illi.<br />
24 Ait: “Tu es filius meus Esau?”. Respondit: “Ego sum”.<br />
25 At ille: “Affer, inquit, mihi, et comedam de venatione tua, fili mi, ut benedicat tibi anima<br />
mea”. Quos cum oblatos comedisset, obtulit ei etiam vinum. Quo hausto,<br />
26 dixit ad eum Isaac pater eius: “Accede ad me et da mihi osculum, fili mi”.<br />
27 Accessit et osculatus est eum. Statimque, ut sensit vestimentorum illius fragrantiam,<br />
benedicens illi ait:<br />
“Ecce odor filii mei<br />
sicut odor agri pleni,<br />
cui benedixit Dominus.<br />
28 Det tibi Deus de rore caeli<br />
et de pinguedine terrae<br />
et abundantiam frumenti et vini.<br />
29 Et serviant tibi populi,<br />
et adorent te nationes;<br />
esto dominus fratrum tuorum,<br />
et incurventur ante te filii matris tuae.<br />
Qui maledixerit tibi, sit maledictus;<br />
et, qui benedixerit tibi, sit benedictus!”.
PPEK / <strong>Nova</strong> <strong>Vulgata</strong> 49<br />
30 Vix Isaac benedictionem Iacob finierat, et Iacob egressus erat a patre suo Isaac, venit Esau<br />
frater eius<br />
31 coctosque de venatione cibos intulit patri dicens: “Surge, pater mi, et comede de venatione<br />
filii tui, ut benedicat mihi anima tua”.<br />
32 Dixitque illi Isaac pater eius: “Quis enim es tu?”. Qui respondit: “Ego sum filius tuus<br />
primogenitus Esau”.<br />
33 Expavit Isaac stupore vehementi ultra modum et ait: “Quis igitur ille est, qui dudum<br />
captam venationem attulit mihi, et comedi ex omnibus, priusquam tu venires? Benedixique<br />
ei, et erit benedictus!”.<br />
34 Auditis Esau sermonibus patris, irrugiit clamore magno et amaro ultra modum et ait patri<br />
suo: “Benedic etiam mihi, pater mi!”.<br />
35 Qui ait: “Venit germanus tuus fraudulenter et accepit benedictionem tuam”.<br />
36 At ille subiunxit: “Iuste vocatum est nomen eius Iacob; supplantavit enim me en altera<br />
vice: primogenita mea ante tulit et nunc secundo surripuit benedictionem meam”.<br />
Rursumque ait: “Numquid non reservasti mihi benedictionem?”.<br />
37 Respondit Isaac: “Ecce, dominum tuum illum constitui et omnes fratres eius servituti illius<br />
subiugavi; frumento et vino stabilivi eum. Et tibi post haec, fili mi, ultra quid faciam?”.<br />
38 Dixitque Esau ad patrem suum: “Num unam tantum benedictionem habes, pater mi? Mihi<br />
quoque obsecro, ut benedicas!”. Cumque eiulatu magno fleret,<br />
39 motus Isaac dixit ad eum:<br />
“Ecce, procul a pinguedine terrae erit habitatio tua<br />
et procul a rore caeli desuper.<br />
40 De gladio tuo vives<br />
et fratri tuo servies.<br />
Tempusque veniet, cum excutias<br />
et solvas iugum eius de cervicibus tuis”.<br />
41 Oderat ergo Esau Iacob pro benedictione, qua benedixerat ei pater, dixitque in corde suo:<br />
“Appropinquabunt dies luctus patris mei, et occidam Iacob fratrem meum”.<br />
42 Nuntiata sunt Rebeccae verba Esau filii eius maioris, quae mittens et vocans Iacob filium<br />
suum minorem dixit ad eum: “Ecce, Esau frater tuus minatur, ut occidat te.<br />
43 Nunc ergo, fili mi, audi vocem meam et consurgens fuge ad Laban fratrem meum in<br />
Charran;<br />
44 habitabisque cum eo dies paucos, donec requiescat furor fratris tui,<br />
45 et cesset indignatio eius, obliviscaturque eorum, quae fecisti in eum. Postea mittam et<br />
adducam te inde huc. Cur utroque orbabor filio in uno die?”.<br />
46 Dixit quoque Rebecca ad Isaac: “Taedet me vitae meae propter filias Heth; si acceperit<br />
Iacob uxorem de filiabus Heth sicut istis de filiabus terrae, nolo vivere”.<br />
28<br />
1 Vocavit itaque Isaac Iacob et benedixit eum praecepit que ei dicens: “Noli accipere<br />
coniugem de filiabus Chanaan;<br />
2 surge, vade in Paddanaram ad domum Bathuel patris matris tuae et accipe tibi inde uxorem<br />
de filiabus Laban avunculi tui.<br />
3 Deus autem omnipotens benedicat tibi et crescere te faciat atque multiplicet, ut sis in<br />
multitudinem populorum;<br />
4 et det tibi benedictiones Abraham tibi et semini tuo tecum, ut possideas terram<br />
peregrinationis tuae, quam pollicitus est Deus avo tuo”.<br />
5 Cumque dimisisset eum Isaac, profectus est in Paddanaram ad Laban filium Bathuel<br />
Aramaei fratrem Rebeccae matris Iacob et Esau.
50 PPEK / <strong>Nova</strong> <strong>Vulgata</strong><br />
6 Videns autem Esau quod benedixisset pater suus Iacob et misisset eum in Paddanaram, ut<br />
inde uxorem duceret, et quod post benedictionem praecepisset ei dicens: “Non accipies<br />
uxorem de filiabus Chanaan”,<br />
7 quodque oboediens Iacob parentibus suis isset in Paddanaram;<br />
8 probans quoque quod non libenter aspiceret filias Chanaan pater suus,<br />
9 ivit ad Ismaelem et duxit uxorem, absque iis, quas habebat, Mahalath filiam Ismael filii<br />
Abraham sororem Nabaioth.<br />
10 Igitur egressus Iacob de Bersabee pergebat Charran.<br />
11 Cumque venisset ad quendam locum et vellet in eo requiescere post solis occubitum, tulit<br />
de lapidibus, qui iacebant, et supponens capiti suo dormivit in eodem loco.<br />
12 Viditque in somnio scalam stantem super terram et cacumen illius tangens caelum,<br />
angelos quoque Dei ascendentes et descendentes per eam<br />
13 et Dominum innixum scalae dicentem sibi: “Ego sum Dominus, Deus Abraham patris tui<br />
et Deus Isaac. Terram, in qua dormis, tibi dabo et semini tuo.<br />
14 Eritque semen tuum quasi pulvis terrae; dilataberis ad occidentem et orientem et<br />
septentrionem et meridiem; et benedicentur in te et in semine tuo cunctae tribus terrae.<br />
15 Et ecce, ego tecum sum et custodiam te, quocumque perrexeris, et reducam te in terram<br />
hanc; nec dimittam te, nisi complevero quae dixi tibi”.<br />
16 Cumque evigilasset Iacob de somno, ait: “Vere Dominus est in loco isto, et ego<br />
nesciebam”.<br />
17 Pavensque: “Quam terribilis est, inquit, locus iste! Non est hic aliud nisi domus Dei et<br />
porta caeli”.<br />
18 Surgens ergo Iacob mane tulit lapidem, quem supposuerat capiti suo, et erexit in titulum<br />
fundens oleum desuper.<br />
19 Appellavitque nomen loci illius Bethel; prius autem urbs vocabatur Luza.<br />
20 Vovit Iacob etiam votum dicens: “Si fuerit Deus mecum et custodierit me in via hac, per<br />
quam ambulo, et dederit mihi panem ad vescendum et vestimentum ad induendum,<br />
21 reversusque fuero prospere ad domum patris mei, erit mihi Dominus in Deum,<br />
22 et lapis iste, quem erexi in titulum, erit domus Dei; cunctorumque, quae dederis mihi,<br />
decimas offeram tibi”.<br />
29<br />
1 Profectus ergo Iacob venit in terram orientalium.<br />
2 Et vidit puteum in agro, tres quoque greges ovium accubantes iuxta eum; nam ex illo<br />
adaquabantur pecora, et os eius grandi lapide claudebatur.<br />
3 Morisque erat, ut, cunctis ovibus congregatis, devolverent lapidem et, refectis gregibus,<br />
rursum super os putei ponerent.<br />
4 Dixitque ad pastores: “Fratres, unde estis?”. Qui responderunt: “De Charran”.<br />
5 Quos interrogans: “Numquid, ait, nostis Laban filium Nachor?”. Dixerunt: “Novimus”.<br />
6 “Sanusne est?”, inquit. “Valet, inquiunt, et ecce Rachel filia eius venit cum grege”.<br />
7 Dixitque: “Adhuc multum diei superest, nec est tempus, ut congregentur greges; date potum<br />
ovibus et sic ad pastum eas reducite”.<br />
8 Qui responderunt: “Non possumus, donec omnia pecora congregentur et amoveamus<br />
lapidem de ore putei, ut adaquemus greges”.<br />
9 Adhuc loquebatur cum eis, et ecce Rachel veniebat cum ovibus patris sui; nam gregem ipsa<br />
pascebat.<br />
10 Cum vidisset Iacob Rachel filiam Laban avunculi sui ovesque Laban avunculi sui,<br />
accedens amovit lapidem de ore putei<br />
11 et adaquavit gregem Laban avunculi sui. Tunc Iacob osculatus est Rachel et elevata voce<br />
flevit;
PPEK / <strong>Nova</strong> <strong>Vulgata</strong> 51<br />
12 et indicavit ei quod frater esset patris eius et filius Rebeccae. At illa festinans nuntiavit<br />
patri suo.<br />
13 Qui cum audisset venisse Iacob filium sororis suae, cucurrit obviam ei; complexusque<br />
eum et in oscula ruens duxit in domum suam. Auditis autem omnibus, quae evenerant,<br />
14 respondit: “Vere os meum es et caro mea!”.<br />
Et, postquam Iacob habitavit apud eum per dies mensis unius,<br />
15 dixit ei Laban: “Num, quia frater meus es, gratis servies mihi? Dic quid mercedis<br />
accipias”.<br />
16 Habebat vero filias duas: nomen maioris Lia, minor vero appellabatur Rachel;<br />
17 sed Lia lippis erat oculis, Rachel decora et venusto aspectu.<br />
18 Quam diligens Iacob ait: “Serviam tibi pro Rachel filia tua minore septem annis”.<br />
19 Respondit Laban: “Melius est, ut tibi eam dem quam alteri viro; mane apud me”.<br />
20 Servivit igitur Iacob pro Rachel septem annis, et videbantur illi pauci dies prae amoris<br />
magnitudine.<br />
21 Dixitque ad Laban: “Da mihi uxorem meam, quia iam tempus expletum est, ut ingrediar<br />
ad eam”.<br />
22 Qui, vocatis omnibus viris loci ad convivium, fecit nuptias.<br />
23 Et vespere sumpsit Liam filiam suam et introduxit ad eum, et venit ad eam.<br />
24 Et dedit Laban ancillam filiae Zelpham nomine.<br />
Facto mane, vidit, et ecce erat Lia.<br />
25 Et dixit ad socerum suum: “Quid hoc fecisti mihi? Nonne pro Rachel servivi tibi? Quare<br />
imposuisti mihi?”.<br />
26 Respondit Laban: “Non est in loco nostro consuetudinis, ut minorem ante maiorem<br />
tradamus ad nuptias.<br />
27 Imple hebdomadam hanc, et alteram quoque dabo tibi pro opere, quo serviturus es mihi<br />
septem annis aliis”.<br />
28 Acquievit placito et, hebdomada transacta, dedit ei Laban filiam suam Rachel uxorem,<br />
29 cui servam Bilham tradidit.<br />
30 Et ingressus etiam ad Rachel amavit eam plus quam Liam serviens apud eum septem annis<br />
aliis.<br />
31 Videns autem Dominus quod despiceret Liam, aperuit vulvam eius, Rachel sterili<br />
permanente.<br />
32 Et concepit Lia et genuit filium vocavitque nomen eius Ruben dicens: “Vidit Dominus<br />
humilitatem meam; nunc amabit me vir meus”.<br />
33 Rursumque concepit et peperit filium et ait: “Quoniam audivit me Dominus haberi<br />
contemptui, dedit etiam istum mihi”; vocavitque nomen illius Simeon.<br />
34 Concepit tertio et genuit alium filium dixitque: “Nunc quoque copulabitur mihi maritus<br />
meus, eo quod pepererim ei tres filios”; et idcirco appellavit nomen eius Levi.<br />
35 Quarto concepit et peperit filium et ait: “Modo confitebor Domino”; et ob hoc vocavit<br />
eum Iudam. Cessavitque parere.<br />
30<br />
1 Cernens autem Rachel quod infecunda esset, invidit sorori et ait marito suo: “Da mihi<br />
liberos, alioquin moriar”.<br />
2 Cui iratus respondit Iacob: “Num pro Deo ego sum, qui privavit te fructu ventris?”.<br />
3 At illa: “Ecce, inquit, famula mea Bilha; ingredere ad illam, ut pariat super genua mea, et<br />
habeam ex illa et ego filios”.<br />
4 Deditque illi Bilham famulam suam in coniugium. Quae,<br />
5 ingresso ad se Iacob, concepit et peperit filium.
52 PPEK / <strong>Nova</strong> <strong>Vulgata</strong><br />
6 Dixitque Rachel: “Iudicavit mihi Deus et exaudivit vocem quoque meam dans mihi filium”;<br />
et idcirco appellavit nomen illius Dan.<br />
7 Rursumque Bilha famula Rachel concepit et peperit Iacob alterum filium, et<br />
8 ait Rachel: “Certamina Dei certavi cum sorore mea et invalui”; vocavitque eum Nephthali.<br />
9 Sentiens Lia quod parere desisset, sumpsit Zelpham ancillam suam et tradidit eam Iacob in<br />
uxorem.<br />
10 Quae peperit Iacob filium.<br />
11 Dixitque Lia: “Feliciter!”; et idcirco vocavit nomen eius Gad.<br />
12 Peperit quoque Zelpha ancilla Liae Iacob alterum filium.<br />
13 Dixitque Lia: “Pro beatitudine mea! Beatam quippe me dicent mulieres”; propterea<br />
appellavit eum Aser.<br />
14 Egressus autem Ruben tempore messis triticeae, repperit in agro mandragoras, quas Liae<br />
matri suae detulit. Dixitque Rachel: “Da mihi partem de mandragoris filii tui”.<br />
15 Illa respondit: “Parumne tibi videtur, quod praeripueris maritum mihi, ut etiam<br />
mandragoras filii mei auferas?”. Ait Rachel: “Dormiat ergo tecum hac nocte pro mandragoris<br />
filii tui”.<br />
16 Redeuntique ad vesperam Iacob de agro egressa est in occursum eius Lia et: “Ad me,<br />
inquit, intrabis, quia mercede conduxi te pro mandragoris filii mei”. Dormivitque cum ea<br />
nocte illa.<br />
17 Et exaudivit Deus Liam, concepitque et peperit Iacob filium quintum<br />
18 et ait: “Dedit Deus mercedem mihi, quia dedi ancillam meam viro meo”; appellavitque<br />
nomen illius Issachar.<br />
19 Rursum Lia concepit et peperit Iacob sextum filium<br />
20 et ait: “Donavit me Deus dono bono; hac vice honorabit me maritus meus, eo quod<br />
genuerim ei sex filios”; et idcirco appellavit nomen eius Zabulon.<br />
21 Post quem peperit filiam nomine Dinam.<br />
22 Recordatus quoque Deus Rachelis exaudivit eam Deus et aperuit vulvam illius.<br />
23 Quae concepit et peperit filium dicens: “Abstulit Deus opprobrium meum”;<br />
24 et vocavit nomen illius Ioseph dicens: “Addat mihi Dominus filium alterum!”.<br />
25 Nato autem Ioseph, dixit Iacob ad Laban: “Dimitte me, ut revertar in patriam et ad terram<br />
meam.<br />
26 Da mihi uxores et liberos meos, pro quibus servivi tibi, ut abeam; tu nosti servitutem, qua<br />
servivi tibi”.<br />
27 Ait illi Laban: “Inveniam gratiam in conspectu tuo; augurio didici, quia benedixerit mihi<br />
Deus propter te.<br />
28 Constitue mercedem tuam, quam dem tibi”.<br />
29 At ille respondit: “Tu nosti quomodo servierim tibi et quanti in manibus meis facti sint<br />
greges tui.<br />
30 Modicum habuisti, antequam venirem ad te, et nunc multiplicatum est vehementer,<br />
benedixitque tibi Dominus ad introitum meum. Nunc autem quando providebo etiam domui<br />
meae?”.<br />
31 Dixitque Laban: “Quid tibi dabo?”. At ille ait: “Nihil mihi dabis; si feceris, quod postulo,<br />
iterum pascam et custodiam pecora tua.<br />
32 Gyrabo omnes greges tuos hodie; separa cuncta pecora varia et maculosa et, quodcumque<br />
furvum in ovibus et maculosum variumque in capris fuerit, erit merces mea.<br />
33 Respondebitque mihi cras iustitia mea; quando veneris, ut inspicias mercedem meam,<br />
omnia, quae non fuerint varia et maculosa in capris et furva in ovibus, furti me arguent”.<br />
34 Dixit Laban: “Gratum habeo, quod petis!”.
PPEK / <strong>Nova</strong> <strong>Vulgata</strong> 53<br />
35 Et separavit in die illo hircos striatos atque maculosos et omnes capras varias et<br />
maculosas, omne, in quo album erat, et omne furvum in ovibus, et tradidit in manu filiorum<br />
suorum.<br />
36 Et posuit spatium itineris trium dierum inter se et Iacob, qui pascebat reliquos greges<br />
Laban.<br />
37 Tollens ergo Iacob virgas virides populeas et amygdalinas et ex platanis, ex parte ita<br />
decorticavit eas, ut in his, quae spoliata fuerant, candor appareret.<br />
38 Posuitque virgas, quas ex parte decorticaverat, in canalibus, ubi effundebatur aqua, ut,<br />
cum venissent greges ad bibendum, ante oculos haberent virgas et in aspectu earum<br />
conciperent.<br />
39 Factumque est ut in ipso calore coitus greges intuerentur virgas et parerent striata et varia<br />
et maculosa.<br />
40 Agnos autem segregavit Iacob et posuit gregem ex adverso striatorum et omnium<br />
furvorum in grege Laban et constituit sibi greges seorsum neque statuit eos cum grege Laban.<br />
41 Quotiescumque igitur calefiebant pecora robusta, ponebat Iacob virgas in canalibus<br />
aquarum ante oculos pecorum, ut in earum contemplatione conciperent.<br />
42 Quando vero pecora debilia erant, non ponebat eas. Factaque sunt debilia Laban et robusta<br />
Iacob;<br />
43 ditatusque est homo ultra modum et habuit greges multos, ancillas et servos, camelos et<br />
asinos.<br />
31<br />
1 Postquam autem audivit verba filiorum Laban dicen tium: “Tulit Iacob omnia, quae fuerunt<br />
patris nostri, et de patris nostri facultate acquisivit has divitias”,<br />
2 animadvertit quoque faciem Laban quod non esset erga se sicut heri et nudiustertius.<br />
3 Et dixit Dominus ad Iacob: “Revertere in terram patrum tuorum et ad cognationem tuam,<br />
eroque tecum”.<br />
4 Misit Iacob et vocavit Rachel et Liam in agrum, ubi pascebat greges,<br />
5 dixitque eis: “Video faciem patris vestri quod non sit erga me sicut heri et nudiustertius;<br />
Deus autem patris mei fuit mecum,<br />
6 et ipsae nostis quod totis viribus meis servierim patri vestro.<br />
7 Sed pater vester circumvenit me et mutavit mercedem meam decem vicibus; et tamen non<br />
dimisit eum Deus, ut noceret mihi.<br />
8 Si quando dixit: "Variae erunt mercedes tuae", pariebant omnes oves varios fetus. Quando<br />
vero e contrario ait: "Striata quaeque accipies pro mercede", omnes greges striata pepererunt.<br />
9 Tulitque Deus substantiam patris vestri et dedit mihi.<br />
10 Postquam enim conceptus gregis tempus advenerat, levavi oculos meos et vidi in somnis<br />
ascendentes mares super feminas, striatos et varios et respersos.<br />
11 Dixitque angelus Dei ad me in somnis: "Iacob". Et ego respondi: Adsum.<br />
12 Qui ait: "Leva oculos tuos et vide universos masculos ascendentes super feminas, striatos<br />
et varios atque respersos. Vidi enim omnia, quae fecit tibi Laban.<br />
13 Ego sum Deus Bethel, ubi unxisti lapidem et votum vovisti mihi. Nunc ergo surge et<br />
egredere de terra hac revertens in terram nativitatis tuae"”.<br />
14 Responderunt ei Rachel et Lia: “Numquid habemus adhuc partem et hereditatem in domo<br />
patris nostri?<br />
15 Nonne quasi alienas reputavit nos et vendidit nos comeditque pretium nostrum?<br />
16 Sed omnes opes, quas tulit Deus patri nostro, nobis abstulit ac filiis nostris; unde omnia,<br />
quae praecepit tibi Deus, fac”.<br />
17 Surrexit itaque Iacob et imposuit liberos suos ac coniuges suas super camelos.
54 PPEK / <strong>Nova</strong> <strong>Vulgata</strong><br />
18 Tulitque omnes greges suos et omnem substantiam suam, quidquid in Paddanaram<br />
acquisierat, ut iret ad Isaac patrem suum in terram Chanaan.<br />
19 Eo tempore Laban ierat ad tondendas oves, et Rachel furata est theraphim patris sui.<br />
20 Iacob autem decepit cor Laban, non indicans ei quod fugeret.<br />
21 Cumque fugisset cum omnibus, quae possidebat, et, amne transmisso, pergeret contra<br />
montem Galaad,<br />
22 nuntiatum est Laban die tertio quod fugisset Iacob.<br />
23 Qui, assumptis fratribus suis, persecutus est eum diebus septem et comprehendit eum in<br />
monte Galaad.<br />
24 Venit autem Deus ad Laban Aramaeum per somnium noctis dixitque ei: "Cave, ne<br />
quidquam loquaris contra Iacob!".<br />
25 Iamque Iacob extenderat in monte tabernaculum, cum Laban, consecutus eum cum<br />
fratribus suis, in eodem monte Galaad fixit tentorium.<br />
26 Et dixit ad Iacob: “Quare ita egisti et decepisti cor meum, abigens filias meas quasi<br />
captivas gladio?<br />
27 Cur clam fugisti et decepisti me, non indicans mihi, ut prosequerer te cum gaudio et<br />
canticis et tympanis et citharis?<br />
28 Non es passus, ut oscularer filios meos ac filias; stulte operatus es. Et nunc<br />
29 valet quidem manus mea reddere tibi malum, sed Deus patris vestri heri dixit mihi: “Cave,<br />
ne loquaris contra Iacob quidquam!”.<br />
30 Esto, profectus es, quia desiderio tibi erat domus patris tui; cur furatus es deos meos?”.<br />
31 Respondit Iacob: “Quia timui. Dixi enim, ne forte violenter auferres filias tuas a me.<br />
32 Apud quemcumque inveneris deos tuos, non vivat! Coram fratribus nostris scrutare,<br />
quidquid tuorum apud me inveneris, et aufer”. Ignorabat enim Iacob quod Rachel furata esset<br />
theraphim.<br />
33 Ingressus itaque Laban tabernacula Iacob et Liae et utriusque famulae, non invenit.<br />
Egressus de tentorio Liae, intravit tentorium Rachelis.<br />
34 Illa autem absconderat theraphim in stramento cameli et sedit desuper. Scrutantique omne<br />
tentorium et nihil invenienti<br />
35 ait: “Ne irascatur dominus meus, quod coram te assurgere nequeo, quia iuxta<br />
consuetudinem feminarum nunc accidit mihi”. Quaesivit ergo et non invenit theraphim.<br />
36 Tumensque Iacob cum iurgio ait: “Quam ob culpam meam et ob quod peccatum meum sic<br />
persecutus es me,<br />
37 quia scrutatus es omnem supellectilem meam? Quid invenisti de cuncta substantia domus<br />
tuae? Pone hic coram fratribus meis et fratribus tuis, et iudicent inter me et te.<br />
38 Ecce, viginti annis fui tecum. Oves tuae et caprae non abortiverunt, arietes gregis tui non<br />
comedi;<br />
39 nec dilaceratum a bestia ostendi tibi: ego damnum omne reddebam; quidquid die noctuque<br />
furto perierat, a me exigebas.<br />
40 Die aestu consumebar et nocte gelu, fugiebatque somnus ab oculis meis.<br />
41 Sic per viginti annos in domo tua servivi tibi: quattuordecim pro filiabus et sex pro<br />
gregibus tuis; immutasti quoque mercedem meam decem vicibus.<br />
42 Nisi Deus patris mei, Deus Abraham et Timor Isaac, affuisset mihi, certemodo nudum me<br />
dimisisses; afflictionem meam et laborem manuum mearum respexit Deus et iudicavit heri”.<br />
43 Respondit ei Laban: “Filiae filiae meae et filii filii mei et greges greges mei et omnia, quae<br />
cernis, mea sunt; et filiabus meis quid possum facere illis hodie et filiis earum, quos<br />
genuerunt?<br />
44 Veni ergo, et ineamus foedus ego et tu, ut sit in testimonium inter me et te”.<br />
45 Tulit itaque Iacob lapidem et erexit illum in titulum;
PPEK / <strong>Nova</strong> <strong>Vulgata</strong> 55<br />
46 dixitque fratribus suis: “Afferte lapides”. Qui congregantes fecerunt tumulum<br />
comederuntque ibi super eum.<br />
47 Quem vocavit Laban Iegarsahadutha (id est Tumulus testimonii), et Iacob Galed (uterque<br />
iuxta proprietatem linguae suae).<br />
48 Dixitque Laban: “Tumulus iste testis erit inter me et te hodie”; et idcirco appellatum est<br />
nomen eius Galed (id est Tumulus testis)<br />
49 et etiam Maspha (id est Specula), quia dixit: “Speculetur Dominus inter me et te, quando<br />
absconditi erimus ab invicem.<br />
50 Si afflixeris filias meas et si introduxeris uxores alias super eas, cum nemo nobiscum sit,<br />
vide, Deus est testis inter me et te”.<br />
51 Dixitque Laban ad Iacob: “En tumulus hic et lapis, quem erexi inter me et te.<br />
52 Testis erit tumulus iste et lapis quod ego non transibo tumulum hunc pergens ad te, neque<br />
tu transibis tumulum hunc et lapidem hunc ad malum.<br />
53 Deus Abraham et Deus Nachor iudicent inter nos”.<br />
Iuravit Iacob per Timorem patris sui Isaac;<br />
54 immolatisque victimis in monte, vocavit fratres suos, ut ederent panem. Qui cum<br />
comedissent, pernoctaverunt in monte.<br />
32<br />
1 Laban vero de nocte consur gens osculatus est filios et fi lias suas et benedixit illis<br />
reversusque est in locum suum.<br />
2 Iacob quoque abiit itinere, quo coeperat, fueruntque ei obviam angeli Dei.<br />
3 Quos cum vidisset, ait: “Castra Dei sunt haec”; et appellavit nomen loci illius Mahanaim (id<br />
est Castra).<br />
4 Misit autem nuntios ante se ad Esau fratrem suum in terram Seir, in regionem Edom.<br />
5 Praecepitque eis dicens: “Sic loquimini domino meo Esau: Haec dicit servus tuus Iacob:<br />
Apud Laban peregrinatus sum et fui usque in praesentem diem.<br />
6 Habeo boves et asinos, oves et servos atque ancillas; mittoque nunc legationem ad<br />
dominum meum, ut inveniam gratiam in conspectu tuo”.<br />
7 Reversique sunt nuntii ad Iacob dicentes: “Venimus ad Esau fratrem tuum, et ecce properat<br />
in occursum tibi cum quadringentis viris”.<br />
8 Timuit Iacob valde et perterritus divisit populum, qui secum erat, greges quoque et oves et<br />
boves et camelos in duas turmas<br />
9 dicens: “Si venerit Esau ad unam turmam et percusserit eam, alia turma, quae reliqua est,<br />
salvabitur”.<br />
10 Dixitque Iacob: “Deus patris mei Abraham et Deus patris mei Isaac, Domine, qui dixisti<br />
mihi: "Revertere in terram tuam et in locum nativitatis tuae, et benefaciam tibi",<br />
11 minor sum cunctis miserationibus et cuncta veritate, quam explesti servo tuo. In baculo<br />
meo transivi Iordanem istum et nunc cum duabus turmis regredior.<br />
12 Erue me de manu fratris mei, de manu Esau, quia valde eum timeo; ne forte veniens<br />
percutiat matrem cum filiis.<br />
13 Tu locutus es quod bene mihi faceres et dilatares semen meum sicut arenam maris, quae<br />
prae multitudine numerari non potest”.<br />
14 Mansit ibi nocte illa et sumpsit de his, quae habebat, munera Esau fratri suo:<br />
15 capras ducentas, hircos viginti, oves ducentas et arietes viginti,<br />
16 camelos fetas cum pullis suis triginta, vaccas quadraginta et tauros decem, asinas viginti et<br />
pullos earum decem.<br />
17 Et misit per manus servorum suorum singulos seorsum greges dixitque pueris suis:<br />
“Antecedite me, et sit spatium inter gregem et gregem”.
56 PPEK / <strong>Nova</strong> <strong>Vulgata</strong><br />
18 Et praecepit priori dicens: “Si obvium habueris Esau fratrem meum, et interrogaverit te:<br />
"Cuius es?" et "Quo vadis?" et "Cuius sunt ista, quae sequeris?",<br />
19 respondebis: Servi tui Iacob; munera misit domino meo Esau. Ipse quoque post nos venit”.<br />
20 Similiter mandata dedit secundo ac tertio et cunctis, qui sequebantur greges, dicens:<br />
“Iisdem verbis loquimini ad Esau, cum inveneritis eum,<br />
21 et addetis: Ipse quoque servus tuus Iacob iter nostrum insequitur. Dixit enim: Placabo<br />
illum muneribus, quae praecedunt, et postea videbo faciem eius: forsitan propitiabitur mihi”.<br />
22 Praecesserunt itaque munera ante eum, ipse vero mansit nocte illa in castris.<br />
23 Cumque nocte surrexisset, tulit duas uxores suas et totidem famulas cum undecim filiis et<br />
transivit vadum Iaboc;<br />
24 sumptis ergo traductisque illis et omnibus, quae ad se pertinebant, per torrentem,<br />
25 mansit solus.<br />
Et ecce vir luctabatur cum eo usque mane.<br />
26 Qui cum videret quod eum superare non posset, tetigit acetabulum femoris eius, et statim<br />
luxatum est acetabulum femoris Iacob, cum luctaretur cum illo.<br />
27 Dixitque: “Dimitte me, iam enim ascendit aurora”. Respondit: “Non dimittam te, nisi<br />
benedixeris mihi”.<br />
28 Ait ad eum: “Quod nomen est tibi?”. Respondit: “Iacob”.<br />
29 At ille: “Nequaquam, inquit, Iacob amplius appellabitur nomen tuum, sed Israel: quoniam<br />
certasti cum Deo et cum hominibus et praevaluisti!”.<br />
30 Interrogavit eum Iacob: “Dic mihi, quo appellaris nomine?”. Respondit: “Cur quaeris<br />
nomen meum?”. Et benedixit ei in eodem loco.<br />
31 Vocavitque Iacob nomen loci illius Phanuel dicens: “Vidi Deum facie ad faciem, et salva<br />
facta est anima mea”.<br />
32 Ortusque est ei sol, cum transgrederetur Phanuel; ipse vero claudicabat propter femur.<br />
33 Quam ob causam non comedunt filii Israel nervum, qui est in femore, usque in praesentem<br />
diem, eo quod tetigerit nervum femoris Iacob.<br />
33<br />
1 Elevans autem Iacob oculos suos vidit venientem Esau et cum eo quadringentos viros;<br />
divisitque filios Liae et Rachel ambarumque famularum.<br />
2 Et posuit utramque ancillam et liberos earum in principio, Liam vero et filios eius in<br />
secundo loco, Rachel autem et Ioseph novissimos.<br />
3 Et ipse praegrediens adoravit pronus in terram septies, donec appropinquaret ad fratrem<br />
suum.<br />
4 Currens itaque Esau obviam fratri suo amplexatus est eum; stringensque collum eius<br />
osculatus est eum, et fleverunt.<br />
5 Levatisque oculis, vidit mulieres et liberos earum et ait: “Qui sunt isti tibi?”. Respondit:<br />
“Liberi sunt, quos donavit mihi Deus servo tuo”.<br />
6 Et appropinquantes ancillae et filii earum incurvati sunt.<br />
7 Accessit quoque Lia cum liberis suis et, cum similiter adorassent, extremi Ioseph et Rachel<br />
adoraverunt.<br />
8 “Quaenam sunt, inquit, istae turmae, quas obvias habui?”. Respondit: “Ut invenirem<br />
gratiam coram domino meo”.<br />
9 At ille: “Habeo, ait, plurima, frater mi; sint tua tibi”.<br />
10 Dixit Iacob: “Noli ita, obsecro; sed, si inveni gratiam in oculis tuis, accipe munusculum de<br />
manibus meis; sic enim vidi faciem tuam quasi viderim vultum Dei, et mihi propitius fuisti.<br />
11 Suscipe, quaeso, benedictionem, quae allata est tibi; quia Deus misertus est mihi, et habeo<br />
omnia”.<br />
Et, cum compelleret illum, suscepit
PPEK / <strong>Nova</strong> <strong>Vulgata</strong> 57<br />
12 et ait: “Gradiamur simul, eroque socius itineris tui”.<br />
13 Dixit Iacob: “Nosti, domine mi, quod parvulos habeam teneros et oves et boves fetas<br />
mecum; quas si plus in ambulando fecero laborare vel una die, morientur cuncti greges.<br />
14 Praecedat dominus meus ante servum suum; et ego sequar paulatim secundum gressum<br />
pecorum ante me et secundum gressum parvulorum, donec veniam ad dominum meum in<br />
Seir”.<br />
15 Respondit Esau: “Oro te, ut de populo, qui mecum est, saltem socii remaneant viae tuae”.<br />
“Non est, inquit, necesse; hoc uno indigeo, ut inveniam gratiam in conspectu domini mei”.<br />
16 Reversus est itaque illo die Esau itinere suo in Seir.<br />
17 Et Iacob venit in Succoth, ubi, aedificata sibi domo et fixis tentoriis pro gregibus suis,<br />
appellavit nomen loci illius Succoth (id est Tabernacula).<br />
18 Transivitque Iacob incolumis ad urbem Sichem, quae est in terra Chanaan, cum veniret de<br />
Paddanaram; et habitavit iuxta oppidum.<br />
19 Emitque partem agri, in qua fixerat tabernaculum suum, a filiis Hemmor patris Sichem<br />
centum argenteis.<br />
20 Et erexit ibi altare et vocavit illud: “Deus est Deus Israel”.<br />
34<br />
1 Egressa est autem Dina filia, quam Lia pepererat Iacob, ut videret filias regionis illius.<br />
2 Quam cum vidisset Sichem filius Hemmor Hevaei principis terrae illius, adamavit eam et<br />
rapuit; et dormivit cum illa, vi opprimens illam.<br />
3 Et conglutinata est anima eius cum ea, et amavit puellam et locutus est ad cor eius.<br />
4 Dixitque ad Hemmor patrem suum: “Accipe mihi puellam hanc coniugem”.<br />
5 Cum audisset Iacob quod violasset Dinam filiam suam, absentibus filiis et in pastu pecorum<br />
occupatis, siluit, donec redirent.<br />
6 Egresso autem Hemmor patre Sichem, ut loqueretur ad Iacob,<br />
7 ecce filii Iacob veniebant de agro, auditoque, quod acciderat, contristati et irati sunt valde,<br />
eo quod foedam rem esset operatus in Israel et, violata filia Iacob, rem illicitam perpetrasset.<br />
8 Locutus est itaque Hemmor ad eos: “Sichem filii mei adhaesit anima filiae vestrae; date<br />
eam illi uxorem,<br />
9 et iungamus vicissim conubia: filias vestras tradite nobis et filias nostras accipite vobis.<br />
10 Et habitate nobiscum; terra in potestate vestra est: manete, perambulate et possidete eam”.<br />
11 Sed et Sichem ad patrem et ad fratres eius ait: “Inveniam gratiam coram vobis et,<br />
quaecumque statueritis, dabo.<br />
12 Augete mihi valde dotem et munera; libens tribuam, quod petieritis. Tantum date mihi<br />
puellam hanc uxorem”.<br />
13 Responderunt filii Iacob Sichem et Hemmor patri eius in dolo ob stuprum sororis:<br />
14 “Non possumus facere, quod petitis, dare sororem nostram homini incircumciso,<br />
opprobrium enim esset nobis.<br />
15 In hoc tantum valebimus acquiescere vobis: si esse volueritis similes nostri, circumcidatur<br />
in vobis omne masculini sexus;<br />
16 tunc dabimus et accipiemus mutuo filias nostras ac vestras et habitabimus vobiscum<br />
erimusque unus populus.<br />
17 Si autem circumcidi nolueritis, tollemus filiam nostram et recedemus”.<br />
18 Placuit oblatio eorum Hemmor et Sichem filio eius,<br />
19 nec distulit adulescens quin statim, quod petebatur, expleret; amabat enim filiam Iacob<br />
valde, et ipse erat inclitus in omni domo patris sui.<br />
20 Ingressique portam urbis, Hemmor et Sichem filius eius locuti sunt ad viros civitatis suae:<br />
21 “Viri isti pacifici sunt erga nos; maneant in terra et perambulent eam, quae spatiosa et lata<br />
est eis; filias eorum accipiemus uxores et nostras illis dabimus.
58 PPEK / <strong>Nova</strong> <strong>Vulgata</strong><br />
22 Tantum in hoc valebunt viri acquiescere nobis, ut maneant nobiscum et efficiamur unus<br />
populus, si circumcidamus masculos nostros ritum gentis imitantes;<br />
23 et pecora et substantia et armenta eorum nostra erunt. Tantum in hoc acquiescamus, et<br />
habitabunt nobiscum”.<br />
24 Assensique sunt omnes, circumcisis cunctis maribus, qui egrediebantur e porta civitatis<br />
suae.<br />
25 Et ecce, die tertio, quando gravissimus vulnerum dolor est, arreptis duo filii Iacob Simeon<br />
et Levi fratres Dinae gladiis, ingressi sunt urbem securi; interfectisque omnibus masculis,<br />
26 Hemmor et Sichem pariter necaverunt, tollentes Dinam de domo Sichem sororem suam.<br />
27 Filii Iacob irruerunt super occisos, et depopulati sunt urbem in ultionem stupri.<br />
28 Oves eorum et armenta et asinos cunctaque, quae in civitate et in agris erant, tulerunt.<br />
29 Omnes opes eorum, parvulos quoque et uxores duxerunt captivas et diripuerunt omnia,<br />
quae in domibus erant.<br />
30 Iacob autem dixit ad Simeon et Levi: “Turbastis me et odiosum fecistis me Chananaeis et<br />
Pherezaeis habitatoribus terrae huius. Nos pauci sumus; illi congregati percutient me, et<br />
delebor ego et domus mea”.<br />
31 Responderunt: “Numquid ut scorto abuti debuere sorore nostra?”.<br />
35<br />
1 Locutus est Deus ad Iacob: “Surge et ascende Bethel et habita ibi; facque altare Deo, qui<br />
apparuit tibi, quando fugiebas Esau fratrem tuum”.<br />
2 Iacob vero, convocata omni domo sua, ait: “Abigite deos alienos, qui in medio vestri sunt,<br />
et mundamini ac mutate vestimenta vestra.<br />
3 Surgamus et ascendamus in Bethel, ut faciamus ibi altare Deo, qui exaudivit me in die<br />
tribulationis meae et socius fuit itineris mei”.<br />
4 Dederunt ergo ei omnes deos alienos, quos habebant, et inaures, quae erant in auribus<br />
eorum; at ille infodit ea subter Quercum, quae est prope urbem Sichem.<br />
5 Cumque profecti essent, terror Dei invasit omnes per circuitum civitates, et non sunt ausi<br />
persequi filios Iacob.<br />
6 Venit igitur Iacob Luzam, quae est in terra Chanaan, id est Bethel, ipse et omnis populus<br />
cum eo.<br />
7 Aedificavitque ibi altare et appellavit nomen loci illius Deus Bethel; ibi enim apparuit ei<br />
Deus, cum fugeret fratrem suum.<br />
8 Eodem tempore mortua est Debora nutrix Rebeccae et sepulta est ad radices Bethel subter<br />
quercum; vocatumque est nomen loci illius Quercus fletus.<br />
9 Apparuit iterum Deus Iacob, postquam reversus est de Paddanaram, benedixitque ei<br />
10 dicens: “Non vocaberis ultra Iacob, sed Israel erit nomen tuum”, et appellavit eum Israel.<br />
11 Dixitque ei: “Ego Deus omnipotens. Cresce et multiplicare; gens et congregatio nationum<br />
erunt ex te, reges de lumbis tuis egredientur.<br />
12 Terramque, quam dedi Abraham et Isaac, dabo tibi; et semini tuo post te dabo terram<br />
hanc”.<br />
13 Et ascendit ab eo Deus.<br />
14 Ille vero erexit titulum lapideum in loco, quo locutus ei fuerat Deus, libans super eum<br />
libamina et effundens oleum<br />
15 vocansque nomen loci illius Bethel.<br />
16 Egressi sunt de Bethel. Et adhuc spatium quoddam erat usque ad Ephratham, cum<br />
parturiret Rachel;<br />
17 ob difficultatem partus periclitari coepit, dixitque ei obstetrix: “Noli timere, quia et hac<br />
vice habes filium”.
PPEK / <strong>Nova</strong> <strong>Vulgata</strong> 59<br />
18 Egrediente autem anima et imminente iam morte, vocavit nomen filii sui Benoni (id est<br />
Filius doloris mei); pater vero appellavit eum Beniamin (id est Filius dextrae).<br />
19 Mortua est ergo Rachel et sepulta est in via, quae ducit Ephratham; haec est Bethlehem.<br />
20 Erexitque Iacob titulum super sepulcrum eius; hic est titulus monumenti Rachel usque in<br />
praesentem diem.<br />
21 Egressus inde Israel, fixit tabernaculum trans Magdaleder (id est Turris gregis).<br />
22 Cumque habitaret in illa regione, abiit Ruben et dormivit cum Bilha concubina patris sui;<br />
quod illum minime latuit.<br />
Erant autem filii Iacob duodecim.<br />
23 Filii Liae: primogenitus Ruben et Simeon et Levi et Iudas et Issachar et Zabulon.<br />
24 Filii Rachel: Ioseph et Beniamin.<br />
25 Filii Bilhae ancillae Rachelis: Dan et Nephthali.<br />
26 Filii Zelphae ancillae Liae: Gad et Aser. Hi sunt filii Iacob, qui nati sunt ei in Paddanaram.<br />
27 Venit Iacob ad Isaac patrem suum in Mambre Cariatharbe, id est Hebron, ubi peregrinatus<br />
est Abraham et Isaac.<br />
28 Et completi sunt dies Isaac centum octoginta annorum;<br />
29 consumptusque aetate mortuus est et appositus est populo suo senex et plenus dierum. Et<br />
sepelierunt eum Esau et Iacob filii sui.<br />
36<br />
1 Hae sunt autem generationes Esau. Ipse est Edom.<br />
2 Esau accepit uxores de filiabus Chanaan: Ada filiam Elon Hetthaei et Oolibama filiam Ana<br />
filii Sebeon Horraei;<br />
3 Basemath quoque filiam Ismael sororem Nabaioth.<br />
4 Peperit autem Ada Eliphaz, Basemath genuit Rahuel,<br />
5 Oolibama genuit Iehus et Ialam et Core.<br />
Hi filii Esau, qui nati sunt ei in terra Chanaan.<br />
6 Tulit autem Esau uxores suas et filios et filias et omnes animas domus suae et pecora<br />
armenta et cuncta, quae acquisierat in terra Chanaan, et abiit in terram Seir; recessitque a<br />
fratre suo Iacob.<br />
7 Divites enim erant valde et simul habitare non poterant; nec sustinebat eos terra<br />
peregrinationis eorum prae multitudine gregum.<br />
8 Habitavitque Esau in monte Seir. Ipse est Edom.<br />
9 Hae autem sunt generationes Esau patris Edom in monte Seir,<br />
10 et haec nomina filiorum eius: Eliphaz filius Ada uxoris Esau, Rahuel quoque filius<br />
Basemath uxoris eius.<br />
11 Fueruntque Eliphaz filii: Theman, Omar, Sepho et Gatham et Cenez.<br />
12 Erat autem Thamna concubina Eliphaz filii Esau, quae peperit ei Amalec. Hi sunt filii Ada<br />
uxoris Esau.<br />
13 Filii autem Rahuel: Nahath et Zara, Samma et Meza; hi filii Basemath uxoris Esau.<br />
14 Isti erant filii Oolibama filiae Ana filii Sebeon uxoris Esau, quos genuit ei: Iehus et Ialam<br />
et Core.<br />
15 Hi duces filiorum Esau. Filii Eliphaz primogeniti Esau: dux Theman, dux Omar, dux<br />
Sepho, dux Cenez,<br />
16 dux Core, dux Gatham, dux Amalec. Hi duces Eliphaz in terra Edom; hi filii Ada.<br />
17 Hi filii Rahuel filii Esau: dux Nahath, dux Zara, dux Samma, dux Meza. Hi duces Rahuel<br />
in terra Edom; isti filii Basemath uxoris Esau.<br />
18 Hi filii Oolibama uxoris Esau: dux Iehus, dux Ialam, dux Core. Hi duces Oolibama filiae<br />
Ana uxoris Esau.<br />
19 Isti sunt filii Esau et hi duces eorum. Ipse est Edom.
60 PPEK / <strong>Nova</strong> <strong>Vulgata</strong><br />
20 Isti sunt filii Seir Horraei habitatores terrae: Lotan et Sobal et Sebeon et Ana<br />
21 et Dison et Eser et Disan; hi duces Horraei filii Seir in terra Edom.<br />
22 Facti sunt autem filii Lotan: Hori et Hemam; erat autem soror Lotan Thamna.<br />
23 Et isti filii Sobal: Alvan et Manahath et Ebal, Sepho et Onam.<br />
24 Et hi filii Sebeon: Aia et Ana. Iste est Ana, qui invenit aquas calidas in solitudine, cum<br />
pasceret asinos Sebeon patris sui.<br />
25 Habuitque filium Dison et filiam Oolibama.<br />
26 Et isti filii Dison: Hemdan et Eseban et Iethran et Charran.<br />
27 Hi filii Eser: Bilhan et Zavan et Iacan.<br />
28 Habuit autem filios Disan: Us et Aran.<br />
29 Isti duces Horraeorum: dux Lotan, dux Sobal, dux Sebeon, dux Ana,<br />
30 dux Dison, dux Eser, dux Disan; isti duces Horraeorum secundum tribus eorum in terra<br />
Seir.<br />
31 Reges autem, qui regnaverunt in terra Edom, antequam haberent regem filii Israel, fuerunt<br />
hi.<br />
32 Regnavit in Edom Bela filius Beor, nomenque urbis eius Denaba.<br />
33 Mortuus est autem Bela, et regnavit pro eo Iobab filius Zarae de Bosra.<br />
34 Cumque mortuus esset Iobab, regnavit pro eo Husam de terra Themanorum.<br />
35 Hoc quoque mortuo, regnavit pro eo Adad filius Badad, qui percussit Madian in regione<br />
Moab; et nomen urbis eius Avith.<br />
36 Cumque mortuus esset Adad, regnavit pro eo Semla de Masreca.<br />
37 Hoc quoque mortuo, regnavit pro eo Saul de Rohoboth iuxta fluvium.<br />
38 Cumque et hic obiisset, successit in regnum Baalhanan filius Achobor.<br />
39 Isto quoque mortuo, regnavit pro eo Adad, nomenque urbis eius Phau; et appellabatur uxor<br />
eius Meetabel filia Matred filiae Mezaab.<br />
40 Haec ergo nomina ducum Esau in cognationibus et locis et vocabulis suis: dux Thamna,<br />
dux Alva, dux Ietheth,<br />
41 dux Oolibama, dux Ela, dux Phinon,<br />
42 dux Cenez, dux Theman, dux Mabsar,<br />
43 dux Magdiel, dux Iram.<br />
Hi duces Edom habitantes in terra imperii sui. Ipse est Esau pater Idumaeorum.<br />
37<br />
1 Habitavit autem Iacob in terra Chanaan, in qua pere grinatus est pater suus.<br />
2 Hae sunt generationes Iacob.<br />
Ioseph, cum decem et scptem esset annorum, pascebat gregem cum fratribus suis adhuc puer;<br />
et erat cum filiis Bilhae et Zelphae uxorum patris sui; detulitque patri malam eorum famam.<br />
3 Israel autem diligebat Ioseph super omnes filios suos, eo quod in senectute genuisset eum;<br />
fecitque ei tunicam talarem.<br />
4 Videntes autem fratres eius quod a patre plus cunctis filiis amaretur, oderant eum nec<br />
poterant ei quidquam pacifice loqui.<br />
5 Accidit quoque ut visum somnium referret fratribus suis; quae causa maioris odii<br />
seminarium fuit.<br />
6 Dixitque ad eos: “Audite somnium meum, quod vidi.<br />
7 Putabam ligare nos manipulos in agro, et quasi consurgere manipulum meum et stare,<br />
vestrosque manipulos circumstantes adorare manipulum meum”.<br />
8 Responderunt fratres eius: “Numquid rex noster eris? Aut subiciemur dicioni tuae?”. Haec<br />
ergo causa somniorum atque sermonum, invidiae et odii fomitem ministravit.<br />
9 Aliud quoque vidit somnium, quod narrans fratribus ait: “Vidi per somnium quasi solem et<br />
lunam et stellas undecim adorare me”.
PPEK / <strong>Nova</strong> <strong>Vulgata</strong> 61<br />
10 Quod cum patri suo et fratribus retulisset, increpavit eum pater suus et dixit: “Quid sibi<br />
vult hoc somnium, quod vidisti? Num ego et mater tua et fratres tui adorabimus te proni in<br />
terram?”.<br />
11 Invidebant igitur ei fratres sui; pater vero rem tacitus considerabat.<br />
12 Cumque fratres illius in pascendis gregibus patris morarentur in Sichem,<br />
13 dixit Israel ad Ioseph: “Fratres tui pascunt oves in Sichimis; veni, mittam te ad eos”. Quo<br />
respondente:<br />
14 “Praesto sum”, ait ei: “Vade et vide, si cuncta prospera sint erga fratres tuos et pecora, et<br />
renuntia mihi quid agatur”. Missus de valle Hebron venit in Sichem;<br />
15 invenitque eum vir errantem in agro et interrogavit quid quaereret.<br />
16 At ille respondit: “Fratres meos quaero; indica mihi, ubi pascant greges”.<br />
17 Dixitque ei vir: “Recesserunt de loco isto; audivi autem eos dicentes: "Eamus in<br />
Dothain"”. Perrexit ergo Ioseph post fratres suos et invenit eos in Dothain.<br />
18 Qui cum vidissent eum procul, antequam accederet ad eos, cogitaverunt illum occidere.<br />
19 Et mutuo loquebantur: “Ecce somniator venit;<br />
20 venite, occidamus eum et mittamus in unam cisternarum dicemusque: Fera pessima<br />
devoravit eum. Et tunc apparebit quid illi prosint somnia sua”.<br />
21 Audiens autem hoc Ruben nitebatur liberare eum de manibus eorum et dixit:<br />
22 “Non interficiamus animam eius”. Et dixit ad eos: “Non effundatis sanguinem; sed<br />
proicite eum in cisternam hanc, quae est in solitudine, manusque vestras servate innoxias”.<br />
Hoc autem dicebat volens eripere eum de manibus eorum et reddere patri suo.<br />
23 Confestim igitur, ut pervenit ad fratres suos, nudaverunt eum tunica talari<br />
24 miseruntque eum in cisternam, quae non habebat aquam.<br />
25 Et sederunt, ut comederent panem. Attollentes autem oculos viderunt Ismaelitas viatorcs<br />
venire de Galaad et camelos eorum portantes tragacanthum et masticem et ladanum in<br />
Aegyptum.<br />
26 Dixit ergo Iudas fratribus suis: “Quid nobis prodest, si occiderimus fratrem nostrum et<br />
celaverimus sanguinem ipsius?<br />
27 Melius est ut vendatur Ismaelitis, et manus nostrae non polluantur; frater enim et caro<br />
nostra est”. Acquieverunt fratres sermonibus illius.<br />
28 Et praetereuntibus Madianitis negotiatoribus, extrahentes Ioseph de cisterna, vendiderunt<br />
eum Ismaelitis viginti argenteis. Qui duxerunt eum in Aegyptum.<br />
29 Reversusque Ruben ad cisternam non invenit puerum<br />
30 et, scissis vestibus, pergens ad fratres suos ait: “Puer non comparet, et ego quo ibo?”.<br />
31 Tulerunt autem tunicam eius et in sanguinem haedi, quem occiderant, tinxerunt<br />
32 mittentes, qui ferrent ad patrem et dicerent: “Hanc invenimus; vide, utrum tunica talaris<br />
filii tui sit an non?”.<br />
33 Quam cum agnovisset pater, ait: “Tunica filii mei est; fera pessima comedit eum, bestia<br />
devoravit Ioseph”.<br />
34 Scissisque vestibus, indutus est cilicio lugens filium suum multo tempore.<br />
35 Congregatis autem cunctis liberis eius, ut lenirent dolorem patris, noluit consolationem<br />
accipere et ait: “Descendam ad filium meum lugens in infernum”. Et flevit super eo pater<br />
eius.<br />
36 Madianitae autem vendiderunt Ioseph in Aegypto Putiphari eunucho pharaonis, magistro<br />
satellitum.<br />
38<br />
1 Eo tempore descendens Iudas a fratribus suis divertit ad virum Odollamitem nomine Hiram.<br />
2 Viditque ibi filiam hominis Chananaei vocabulo Sue et, accepta uxore, ingressus est ad<br />
eam.
62 PPEK / <strong>Nova</strong> <strong>Vulgata</strong><br />
3 Quae concepit et peperit filium vocavitque nomen eius Her.<br />
4 Rursumque concepto fetu, natum filium nominavit Onan.<br />
5 Tertium quoque peperit, quem appellavit Sela. Ipsa autem erat in Chasib, quando peperit<br />
illum.<br />
6 Dedit autem Iudas uxorem primogenito suo Her nomine Thamar.<br />
7 Fuit quoque Her primogenitus Iudae nequam in conspectu Domini, et ab eo occisus est.<br />
8 Dixit ergo Iudas ad Onan: “Ingredere ad uxorem fratris tui et sociare illi, ut suscites semen<br />
fratri tuo”.<br />
9 Ille, sciens non sibi nasci hunc filium, introiens ad uxorem fratris sui semen fundebat in<br />
terram, ne proles fratris nomine nasceretur.<br />
10 Et idcirco occidit et eum Dominus, quod rem detestabilem fecerat.<br />
11 Quam ob rem dixit Iudas Thamar nurui suae: “Esto vidua in domo patris tui, donec crescat<br />
Sela filius meus”. Timebat, enim, ne et ipse moreretur sicut fratres eius. Quae abiit et<br />
habitavit in domo patris sui.<br />
12 Evolutis autem multis diebus, mortua est filia Sue uxor Iudae. Qui, post luctum<br />
consolatione suscepta, ascendebat ad tonsores ovium suarum ipse et Hiras amicus suus<br />
Odollamites in Thamnam.<br />
13 Nuntiatumque est Thamar quod socer illius ascenderet in Thamnam ad tondendas oves.<br />
14 Quae, depositis viduitatis vestibus, cooperuit se velo et, mutato habitu, sedit in porta<br />
Enaim in via, quae ducit Thamnam; eo quod crevisset Sela, et non eum accepisset maritum.<br />
15 Quam cum vidisset Iudas, suspicatus est esse meretricem; operuerat enim vultum suum.<br />
16 Declinansque ad eam in via ait: “Veni, coeam tecum”; nesciebat enim quod nurus sua<br />
esset. Qua respondente: “Quid mihi dabis, ut fruaris concubitu meo?”,<br />
17 dixit: “Mittam tibi haedum de gregibus”. Rursum illa dicente: “Si dederis mihi arrabonem,<br />
donec mittas illum”,<br />
18 ait Iudas: “Quid vis tibi pro arrabone dari?”. Respondit: “Sigillum tuum et funiculum et<br />
baculum, quem manu tenes”. Et dedit ei. In coitu cum eo mulier concepit<br />
19 et surgens abiit; depositoque velo, induta est viduitatis vestibus.<br />
20 Misit autem Iudas haedum per amicum suum Odollamitem, ut reciperet pignus, quod<br />
dederat mulieri. Qui cum non invenisset eam,<br />
21 interrogavit homines loci illius: “Ubi est meretrix, quae sedebat in Enaim in via?”.<br />
Respondentibus cunctis: “Non fuit in loco isto meretrix”,<br />
22 reversus est ad Iudam et dixit ei: “Non inveni eam; sed et homines loci illius dixerunt mihi<br />
numquam ibi sedisse scortum”.<br />
23 Ait Iudas: “Habeat sibi; ne simus in ludibrium. Ego misi haedum, quem promiseram, et tu<br />
non invenisti eam”.<br />
24 Ecce autem post tres menses nuntiaverunt Iudae dicentes: “Fornicata est Thamar nurus tua<br />
et gravida est ex fornicatione”. Dixitque Iudas: “Producite eam, ut comburatur”.<br />
25 Quae cum educeretur ad poenam, misit ad socerum suum dicens: “De viro, cuius haec<br />
sunt, concepi; cognosce cuius sit sigillum et funiculus et baculus”.<br />
26 Qui, agnitis pignoribus, ait: “Iustior me est, quia non tradidi eam Sela filio meo”. Attamen<br />
ultra non cognovit illam.<br />
27 Instante autem partu, apparuerunt gemini in utero; atque in ipsa effusione infantium unus<br />
protulit manum, in qua obstetrix ligavit coccinum dicens:<br />
28 “Iste egressus est prior”.<br />
29 Illo vero retrahente manum, egressus est frater eius; dixitque mulier: “Qualem rupisti tibi<br />
rupturam?”. Et ob hanc causam vocatum est nomen eius Phares (id est Ruptura).<br />
30 Postea egressus est frater eius, in cuius manu erat coccinum; qui appellatus est Zara (id est<br />
Ortus solis).
PPEK / <strong>Nova</strong> <strong>Vulgata</strong> 63<br />
39<br />
1 Igitur Ioseph ductus est in Aegyptum; emitque eum Pu tiphar eunuchus pharaonis, princeps<br />
satellitum, vir Aegyptius, de manu Ismaelitarum, a quibus perductus erat.<br />
2 Fuitque Dominus cum eo, et erat vir in cunctis prospere agens habitabatque in domo domini<br />
sui.<br />
3 Qui optime noverat esse Dominum cum eo et omnia, quae gereret, ab eo dirigi in manu<br />
illius.<br />
4 Invenitque loseph gratiam coram domino suo et ministrabat ei. Et factum est, postquam<br />
praeposuit eum domui suae et omnia, quae possidebat, tradidit in manum eius,<br />
5 benedixit Dominus domui Aegyptii propter Ioseph, et benedictio Domini erat in omni<br />
possessione eius tam in aedibus quam in agris.<br />
6 Et reliquit omnia, quae possidebat, in manu Ioseph nec cum eo quidquam aliud noverat nisi<br />
panem, quo vescebatur. Erat autem Ioseph pulchra facie et decorus aspectu.<br />
7 Post haec ergo iniecit uxor domini eius oculos suos in Ioseph et ait: “Dormi mecum”.<br />
8 Qui nequaquam acquiescens dixit ad eam: “Ecce dominus meus, omnibus mihi traditis, non<br />
curat de ulla re in domo sua,<br />
9 nec quisquam maior est in domo hac quam ego, et nihil mihi subtraxit praeter te, quae uxor<br />
eius es. Quomodo ergo possum malum hoc magnum facere et peccare in Deum?”.<br />
10 Huiuscemodi verbis per singulos dies et mulier molesta erat adulescenti, et ille recusabat<br />
stuprum.<br />
11 Accidit autem quadam die, ut intraret Ioseph domum et opus suum absque arbitris faceret;<br />
12 illa, apprehensa lacinia vestimenti eius, dixit: “Dormi mecum”. Qui, relicto in manu illius<br />
pallio, fugit et egressus est foras.<br />
13 Cumque vidisset illum mulier vestem reliquisse in manibus suis et fugisse foras,<br />
14 vocavit homines domus suae et ait ad eos: “En introduxit virum Hebraeum, ut illuderet<br />
nobis; ingressus est ad me, ut coiret mecum. Cumque ego succlamassem,<br />
15 et audisset vocem meam, reliquit pallium, quod tenebam, et fugit foras”.<br />
16 Retentum pallium ostendit marito revertenti domum<br />
17 et secundum verba haec locuta est: “Ingressus est ad me servus Hebraeus, quem adduxisti,<br />
ut illuderet mihi;<br />
18 cumque audisset me clamare, reliquit pallium, quod tenebam, et fugit foras”.<br />
19 Dominus, auditis his verbis coniugis, iratus est valde;<br />
20 tradiditque Ioseph in carcerem, ubi vincti regis custodiebantur. Et erat ibi clausus.<br />
21 Fuit autem Dominus cum Ioseph et misertus illius dedit ei gratiam in conspectu principis<br />
carceris.<br />
22 Qui tradidit in manu Ioseph universos vinctos, qui in custodia tenebantur, et, quidquid ibi<br />
faciendum erat, ipse faciebat,<br />
23 nec princeps carceris spectabat quidquid in manu eius erat: Dominus enim erat cum illo et<br />
omnia opera eius dirigebat.<br />
40<br />
1 His ita gestis, accidit ut peccarent pincerna regis Aegypti et pistor domino suo.<br />
2 Iratusque pharao contra duos eunuchos, praepositum pincernarum et praepositum pistorum,<br />
3 misit eos in carcerem principis satellitum, in quo erat vinctus et Ioseph.<br />
4 Et princeps satellitum tradidit eos Ioseph, qui ministrabat eis. Aliquantulum temporis illi in<br />
custodia tenebantur.<br />
5 Videruntque ambo somnium nocte una iuxta interpretationem congruam sibi.<br />
6 Ad quos cum introisset Ioseph mane et vidisset eos tristes,<br />
7 sciscitatus est eos dicens: “Cur tristior est hodie solito facies vestra?”.
64 PPEK / <strong>Nova</strong> <strong>Vulgata</strong><br />
8 Qui responderunt: “Somnium vidimus, et non est qui interpretetur nobis”. Dixitque ad eos<br />
Ioseph: “Numquid non Dei est interpretatio? Referte mihi quid videritis”.<br />
9 Narravit praepositus pincernarum somnium suum: “Videbam coram me vitem,<br />
10 in qua erant tres propagines, crescere paulatim in gemmas et post flores uvas maturescere;<br />
11 calicemque pharaonis in manu mea. Tuli ergo uvas et expressi in calicem, quem tenebam,<br />
et tradidi poculum pharaoni”.<br />
12 Respondit Ioseph: “Haec est interpretatio somnii: tres propagines, tres adhuc dies sunt,<br />
13 post quos elevabit pharao caput tuum et restituet te in gradum pristinum; dabisque ei<br />
calicem iuxta officium tuum, sicut facere ante consueveras.<br />
14 Tantum memento mei, cum tibi bene fuerit, et facias mecum misericordiam, ut suggeras<br />
pharaoni, ut educat me de isto carcere;<br />
15 quia furto sublatus sum de terra Hebraeorum et hic innocens in lacum missus sum”.<br />
16 Videns pistorum magister quod somnium in bonum dissolvisset, ait: “Et ego vidi<br />
somnium, quod tria canistra farinae haberem super caput meum;<br />
17 et in uno canistro, quod erat excelsius, portare me ex omnibus cibis pharaonis, qui fiunt<br />
arte pistoria, avesque comedere eos”.<br />
18 Respondit Ioseph: “Haec est interpretatio somnii: tria canistra, tres adhuc dies sunt,<br />
19 post quos auferet pharao caput tuum ac suspendet te in patibulo, et comedent volucres<br />
carnes tuas”.<br />
20 Exinde dies tertius natalicius pharaonis erat; qui faciens grande convivium pueris suis<br />
elevavit caput magistri pincernarum et caput pistorum principis in medio puerorum suorum;<br />
21 restituitque alterum in locum suum, ut porrigeret ei poculum,<br />
22 alterum suspendit in patibulo, sicut interpretatus erat eis Ioseph.<br />
23 Attamen praepositus pincernarum non est recordatus Ioseph, sed oblitus est interpretis sui.<br />
41<br />
1 Post duos annos vidit pharao somnium. Putabat se stare super fluvium,<br />
2 de quo ascendebant septem boves pulchrae et crassae et pascebantur in locis palustribus.<br />
3 Aliae quoque septem emergebant post illas de flumine foedae confectaeque macie et<br />
stabant in ipsa amnis ripa;<br />
4 devoraveruntque septem boves pulchras et crassas. Expergefactus pharao<br />
5 rursum dormivit et vidit alterum somnium. Septem spicae pullulabant in culmo uno plenae<br />
atque formosae.<br />
6 Aliae quoque totidem spicae tenues et percussae vento urente oriebantur<br />
7 devorantes omnem priorum pulchritudinem. Evigilavit pharao, et ecce erat somnium!<br />
8 Et, facto mane, pavore perterritus misit ad omnes coniectores Aegypti cunctosque sapientes<br />
suos; et accersitis narravit somnium, nec erat qui interpretaretur.<br />
9 Tunc demum reminiscens pincernarum magister ait: “Confiteor peccatum meum.<br />
10 Iratus rex servis suis me et magistrum pistorum retrudi iussit in carcerem principis<br />
satellitum,<br />
11 ubi una nocte uterque vidimus somnium praesagum futurorum.<br />
12 Erat ibi puer Hebraeus eiusdem ducis satellitum famulus, cui narrantes somnia<br />
13 audivimus quidquid postea rei probavit eventus. Ego enim redditus sum officio meo, et ille<br />
suspensus est in patibulo”.<br />
14 Protinus ad regis imperium eductum de carcere Ioseph totonderunt ac, veste mutata,<br />
obtulerunt ei.<br />
15 Cui ille ait: “Vidi somnia, nec est qui edisserat; quae audivi te sapientissime conicere”.<br />
16 Respondit Ioseph: “Absque me Deus respondebit prospera pharaoni!”.<br />
17 Narravit ergo pharao, quod viderat: “Putabam me stare super ripam fluminis
PPEK / <strong>Nova</strong> <strong>Vulgata</strong> 65<br />
18 et septem boves de amne conscendere pulchras nimis et obesis carnibus, quae in pastu<br />
paludis virecta carpebant.<br />
19 Et ecce has sequebantur aliae septem boves in tantum deformes et macilentae, ut<br />
numquam tales in terra Aegypti viderim;<br />
20 quae, devoratis et consumptis prioribus,<br />
21 nullum saturitatis dedere vestigium; sed simili macie et squalore torpebant. Evigilans,<br />
rursus sopore depressus,<br />
22 vidi somnium: Septem spicae pullulabant in culmo uno plenae atque pulcherrimae.<br />
23 Aliae quoque septem tenues et percussae vento urente oriebantur e stipula;<br />
24 quae priorum pulchritudinem devoraverunt. Narravi coniectoribus somnium, et nemo est<br />
qui edisserat”.<br />
25 Respondit Ioseph: “Somnium regis unum est: quae facturus est, Deus ostendit pharaoni.<br />
26 Septem boves pulchrae et septem spicae plenae septem ubertatis anni sunt; eandemque<br />
vim somnii comprehendunt.<br />
27 Septem quoque boves tenues atque macilentae, quae ascenderunt post eas, et septem<br />
spicae tenues et vento urente percussae septem anni sunt venturae famis,<br />
28 qui hoc ordine complebuntur:<br />
29 ecce septem anni venient fertilitatis magnae in universa terra Aegypti;<br />
30 quos sequentur septem anni alii tantae sterilitatis, ut oblivioni tradatur cuncta retro<br />
abundantia. Consumptura est enim fames omnem terram,<br />
31 et ubertatis magnitudinem perditura est inopiae magnitudo.<br />
32 Quod autem vidisti secundo ad eandem rem pertinens somnium, firmitatis indicium est, eo<br />
quod fiat sermo Dei et velocius a Deo impleatur.<br />
33 Nunc ergo provideat rex virum intellegentem et sapientem et praeficiat eum terrae Aegypti<br />
34 constituatque praepositos per cunctas regiones et quintam partem fructuum per septem<br />
annos fertilitatis,<br />
35 qui iam nunc futuri sunt, congreget in horrea; et omne frumentum sub pharaonis potestate<br />
condatur serveturque in urbibus;<br />
36 et paretur futurae septem annorum fami, quae pressura est Aegyptum, et non consumetur<br />
terra inopia”.<br />
37 Placuit pharaoni consilium et cunctis ministris eius.<br />
38 Locutusque est ad eos: “Num invenire poterimus talem virum, qui spiritu Dei plenus sit?”.<br />
39 Dixit ergo ad Ioseph: “Quia ostendit tibi Deus omnia, quae locutus es, numquid<br />
sapientiorem et consimilem tui invenire potero?<br />
40 Tu eris super domum meam, et ad tui oris imperium cunctus populus meus oboediet; uno<br />
tantum regni solio te praecedam”.<br />
41 Dixitque rursus pharao ad Ioseph: “Ecce, constitui te super universam terram Aegypti”.<br />
42 Tulitque anulum de manu sua et dedit eum in manu eius; vestivitque eum stola byssina et<br />
collo torquem auream circumposuit.<br />
43 Fecitque eum ascendere super currum suum secundum, clamante praecone: “Abrech!”, ut<br />
omnes coram eo genuflecterent et praepositum esse scirent universae terrae Aegypti.<br />
44 Dixit quoque rex ad Ioseph: “Ego sum pharao; absque tuo imperio non movebit quisquam<br />
manum aut pedem in omni terra Aegypti”.<br />
45 Vertitque nomen eius et vocavit eum lingua Aegyptiaca Saphaneth Phanec (quod<br />
interpretatur Salvator mundi) deditque illi uxorem Aseneth filiam Putiphare sacerdotis<br />
Heliopoleos.<br />
Egressus est itaque Ioseph ad terram Aegypti<br />
46 - triginta autem annorum erat quando stetit in conspectu regis pharaonis - et circuivit<br />
omnes regiones Aegypti.<br />
47 Venitque fertilitas septem annorum, et segetes congregavit in horrea Aegypti
66 PPEK / <strong>Nova</strong> <strong>Vulgata</strong><br />
48 condens in singulis urbibus frumentum camporum in circuitu.<br />
49 Tantaque fuit abundantia tritici, ut arenae maris coaequaretur, et copia mensuram<br />
excederet.<br />
50 Nati sunt autem Ioseph filii duo, antequam veniret fames, quos ei peperit Aseneth filia<br />
Putiphare sacerdotis Heliopoleos.<br />
51 Vocavitque nomen primogeniti Manasses dicens: “Oblivisci me fecit Deus omnium<br />
laborum meorum et domus patris mei”.<br />
52 Nomen quoque secundi appellavit Ephraim dicens: “Crescere me fecit Deus in terra<br />
paupertatis meae”.<br />
53 Igitur, transactis septem annis ubertatis, qui fuerant in Aegypto,<br />
54 coeperunt venire septem anni inopiae, quos praedixerat Ioseph, et in universo orbe fames<br />
praevaluit; in cuncta autem terra Aegypti erat panis.<br />
55 Qua esuriente, clamavit populus ad pharaonem alimenta petens. Quibus ille respondit: “Ite<br />
ad Ioseph et, quidquid vobis dixerit, facite”.<br />
56 Et invaluit fames in omni terra Aegypti; aperuitque Ioseph universa horrea et vendebat<br />
Aegyptiis; nam et illos oppresserat fames.<br />
57 Omnesque provinciae veniebant in Aegyptum, ut emerent escas apud Ioseph, quia inopia<br />
invaluerat in universa terra.<br />
42<br />
1 Audiens autem Iacob quod alimenta venderentur in Ae gypto, dixit filiis suis: “Quare<br />
aspicitis vos invicem?<br />
2 Audivi quod triticum venumdetur in Aegypto; descendite et emite nobis necessaria, ut<br />
possimus vivere et non consumamur inopia”.<br />
3 Descenderunt igitur fratres Ioseph decem, ut emerent frumenta in Aegypto,<br />
4 Beniamin fratre Ioseph domi retento a Iacob, qui dixerat fratribus eius: “Ne forte in itinere<br />
quidquam patiatur mali”.<br />
5 Et ingressi sunt filii Israel terram Aegypti cum aliis, qui pergebant ad emendum. Erat autem<br />
fames in terra Chanaan.<br />
6 Et Ioseph erat princeps in terra Aegypti, atque ad eius nutum frumenta populis vendebantur.<br />
Cumque venissent et adorassent eum fratres sui proni in terram,<br />
7 et agnovisset eos, quasi ad alienos durius loquebatur interrogans eos: “Unde venistis?”. Qui<br />
responderunt: “De terra Chanaan, ut emamus victui necessaria”.<br />
8 Et tamen fratres ipse cognoscens non est cognitus ab eis.<br />
9 Recordatusque somniorum, quae aliquando viderat, ait ad eos: “Exploratores estis; ut<br />
videatis infirmiora terrae, venistis!”.<br />
10 Qui dixerunt: “Non est ita, domine; sed servi tui venerunt, ut emerent cibos.<br />
11 Omnes filii unius viri sumus; sinceri sumus, nec quidquam famuli tui machinantur mali”.<br />
12 Quibus ille respondit: “Aliter est; immunita terrae huius considerare venistis!”.<br />
13 At illi: “Duodecim, inquiunt, servi tui fratres sumus filii viri unius in terra Chanaan;<br />
minimus cum patre nostro est, alius non est super”.<br />
14 “Hoc est, ait, quod locutus sum: exploratores estis!<br />
15 Iam nunc experimentum vestri capiam: per salutem pharaonis, non egrediemini hinc,<br />
donec veniat frater vester minimus!<br />
16 Mittite ex vobis unum, et adducat eum; vos autem eritis in vinculis, donec probentur, quae<br />
dixistis, utrum vera an falsa sint. Alioquin, per salutem pharaonis, exploratores estis!”.<br />
17 Tradidit ergo illos custodiae tribus diebus.<br />
18 Die autem tertio eductis de carcere, ait: “Facite, quae dixi, et vivetis; Deum enim timeo.<br />
19 Si sinceri estis, frater vester unus ligetur in carcere; vos autem abite et ferte frumenta, quae<br />
emistis, in domos vestras,
PPEK / <strong>Nova</strong> <strong>Vulgata</strong> 67<br />
20 et fratrem vestrum minimum ad me adducite, ut possim vestros probare sermones, et non<br />
moriamini”.<br />
Fecerunt, ut dixerat,<br />
21 et locuti sunt ad invicem: “Merito haec patimur, quia peccavimus in fratrem nostrum<br />
videntes angustiam animae illius, cum deprecaretur nos, et non audivimus. Idcirco venit super<br />
nos ista tribulatio”.<br />
22 Et Ruben ait: “Numquid non dixi vobis: Nolite peccare in puerum? Et non audistis me. En<br />
sanguis eius exquiritur”.<br />
23 Nesciebant autem quod intellegeret Ioseph, eo quod per interpretem loquebatur ad eos.<br />
24 Avertitque se parumper et flevit; et reversus locutus est ad eos.<br />
25 Tollensque Simeon et ligans, illis praesentibus, iussit ministris, ut implerent eorum saccos<br />
tritico et reponerent pecunias singulorum in sacculis suis, datis supra cibariis in viam. Qui<br />
fecerunt ita.<br />
26 At illi portantes frumenta in asinis suis profecti sunt.<br />
27 Apertoque unus sacco, ut daret iumento pabulum in deversorio, contemplatus pecuniam in<br />
ore sacculi<br />
28 dixit fratribus suis: “Reddita est mihi pecunia: en habetur in sacco!”. Et obstupefacti<br />
turbatique mutuo dixerunt: “Quidnam est hoc, quod fecit nobis Deus?”.<br />
29 Veneruntque ad Iacob patrem suum in terram Chanaan; et narraverunt ei omnia, quae<br />
accidissent sibi, dicentes:<br />
30 “Locutus est nobis dominus terrae dure et putavit nos exploratores esse provinciae”.<br />
31 Cui respondimus: “Sinceri sumus, nec ullas molimur insidias;<br />
32 duodecim fratres uno patre geniti sumus, unus non est super, minimus cum patre nostro est<br />
in terra Chanaan.<br />
33 Et dixit nobis vir, dominus terrae: "Sic probabo quod sinceri sitis: fratrem vestrum unum<br />
dimittite apud me et cibaria domibus vestris necessaria sumite et abite;<br />
34 fratremque vestrum minimum adducite ad me, ut sciam quod non sitis exploratores et<br />
istum, qui tenetur in vinculis, recipere possitis ac deinceps peragrandi terram habeatis<br />
licentiam"”.<br />
35 His dictis, cum frumenta effunderent, singuli reppererunt in ore saccorum ligatas pecunias;<br />
exterritisque simul omnibus,<br />
36 dixit pater Iacob: “Absque liberis me esse fecistis: Ioseph non est super, Simeon tenetur in<br />
vinculis, et Beniamin auferetis. In me haec omnia mala reciderunt”.<br />
37 Cui respondit Ruben: “Duos filios meos interfice, si non reduxero illum tibi; trade illum in<br />
manu mea, et ego eum tibi restituam”.<br />
38 At ille: “Non descendet, inquit, filius meus vobiscum. Frater mortuus est, et ipse solus<br />
remansit; si quid ei adversi acciderit in via, deducetis canos meos cum dolore ad inferos”.<br />
43<br />
1 Interim fames omnem terram vehementer premebat;<br />
2 consumptisque cibis, quos ex Aegypto detulerant, dixit Iacob ad filios suos: “Revertimini et<br />
emite nobis pauxillum escarum”.<br />
3 Respondit Iudas: “Denuntiavit nobis vir ille sub attestatione iurisiurandi dicens: "Non<br />
videbitis faciem meam, nisi fratrem vestrum minimum adduxeritis vobiscum".<br />
4 Si ergo vis eum mittere nobiscum, pergemus pariter et ememus tibi necessaria;<br />
5 sin autem non vis, non ibimus. Vir enim, ut saepe diximus, denuntiavit nobis dicens: "Non<br />
videbitis faciem meam absque fratre vestro minimo"”.<br />
6 Dixit eis Israel: “Cur in meam hoc fecistis miseriam, ut indicaretis ei et alium habere vos<br />
fratrem?”.
68 PPEK / <strong>Nova</strong> <strong>Vulgata</strong><br />
7 At illi responderunt: “Interrogavit nos homo per ordinem nostram progeniem: si pater<br />
viveret, si haberemus fratrem; et nos respondimus ei consequenter iuxta id, quod fuerat<br />
sciscitatus. Numquid scire poteramus quod dicturus esset: "Adducite fratrem vestrum<br />
vobiscum?"”.<br />
8 Iudas quoque dixit patri suo Israel: “Mitte puerum mecum, ut proficiscamur et possimus<br />
vivere, ne moriamur nos et tu et parvuli nostri.<br />
9 Ego spondeo pro puero; de manu mea require illum. Nisi reduxero et reddidero eum tibi,<br />
ero peccati reus in te omni tempore.<br />
10 Si non intercessisset dilatio, iam vice altera venissemus”.<br />
11 Igitur Israel pater eorum dixit ad eos: “Si sic necesse est, facite, quod vultis; sumite de<br />
optimis terrae fructibus in vasis vestris et deferte viro munera: modicum resinae et mellis et<br />
tragacanthum et ladanum, pistacias terebinthi et amygdalas.<br />
12 Pecuniam quoque duplicem ferte vobiscum et illam, quam invenistis in sacculis, reportate,<br />
ne forte errore factum sit;<br />
13 sed et fratrem vestrum tollite et ite ad virum.<br />
14 Deus autem meus omnipotens faciat vobis eum placabilem, et remittat vobiscum fratrem<br />
vestrum, quem tenet, et hunc Beniamin. Ego autem quasi orbatus absque liberis ero”.<br />
15 Tulerunt ergo viri munera et pecuniam duplicem et Beniamin descenderuntque in<br />
Aegyptum; et steterunt coram Ioseph.<br />
16 Quos cum ille vidisset et Beniamin simul, praecepit dispensatori domus suae dicens:<br />
“Introduc viros domum et occide victimas et instrue convivium, quoniam mecum sunt<br />
comesturi meridie”.<br />
17 Fecit ille, quod sibi fuerat imperatum, et introduxit viros in domum Ioseph.<br />
18 Ibique exterriti dixerunt mutuo: “Propter pecuniam, quam rettulimus prius in saccis<br />
nostris, introducti sumus, ut irruant in nos et violenter subiciant servituti et nos et asinos<br />
nostros”.<br />
19 Quam ob rem in ipsis foribus accedentes ad dispensatorem domus<br />
20 locuti sunt: “Oramus, domine, ut audias nos. Iam ante descendimus, ut emeremus escas;<br />
21 quibus emptis, cum venissemus ad deversorium, aperuimus saccos nostros et invenimus<br />
pecuniam in ore saccorum; quam nunc eodem pondere reportavimus.<br />
22 Sed et aliud attulimus argentum, ut emamus, quae nobis necessaria sunt. Non est in nostra<br />
conscientia, quis posuerit argentum in marsupiis nostris”.<br />
23 At ille respondit: “Pax vobiscum, nolite timere. Deus vester et Deus patris vestri dedit<br />
vobis thesauros in saccis vestris; nam pecuniam, quam dedistis mihi, probatam ego habeo”.<br />
Eduxitque ad eos Simeon.<br />
24 Et introductis domum attulit aquam, et laverunt pedes suos; deditque pabulum asinis<br />
eorum.<br />
25 Illi vero parabant munera, donec ingrederetur Ioseph meridie; audierant enim quod ibi<br />
comesturi essent panem.<br />
26 Igitur ingressus est Ioseph domum suam, obtuleruntque ei munera tenentes in manibus<br />
suis; et adoraverunt proni in terram.<br />
27 At ille, clementer resalutatis eis, interrogavit eos dicens: “Salvusne est pater vester senex,<br />
de quo dixeratis mihi? Adhuc vivit?”.<br />
28 Qui responderunt: “Sospes est servus tuus pater noster, adhuc vivit”. Et incurvati<br />
adoraverunt eum.<br />
29 Attollens autem Ioseph oculos vidit Beniamin fratrem suum uterinum et ait: “Iste est frater<br />
vester parvulus, de quo dixeratis mihi?”. Et rursum: “Deus, inquit, misereatur tui, fili mi”.<br />
30 Festinavitque, quia commota fuerant viscera eius super fratre suo, et erumpebant lacrimae;<br />
et introiens cubiculum flevit.<br />
31 Rursumque, lota facie, egressus continuit se et ait: “Ponite panes”.
PPEK / <strong>Nova</strong> <strong>Vulgata</strong> 69<br />
32 Quibus appositis, seorsum Ioseph et seorsum fratribus, Aegyptiis quoque, qui vescebantur<br />
simul, seorsum - illicitum est enim Aegyptiis comedere cum Hebraeis, et profanum putant<br />
huiuscemodi convivium -<br />
33 sederunt coram eo, primogenitus iuxta primogenita sua et minimus iuxta aetatem suam. Et<br />
mirabantur nimis,<br />
34 sumptis partibus, quas ab eo acceperant; maiorque pars venit Beniamin, ita ut quinque<br />
partibus excederet. Biberuntque et inebriati sunt cum eo.<br />
44<br />
1 Praecepit autem Ioseph dispensatori domus suae dicens: “Imple saccos eorum frumento,<br />
quantum possunt capere, et pone pecuniam singulorum in summitate sacci.<br />
2 Scyphum autem meum argenteum et pretium, quod dedit tritici, pone in ore sacci iunioris”.<br />
Factumque est ita.<br />
3 Et, orto mane, dimissi sunt cum asinis suis.<br />
4 Iamque urbem exierant et processerant paululum, tunc Ioseph, arcessito dispensatore<br />
domus: “Surge, inquit, et persequere viros; et apprehensis dicito: "Quare reddidistis malum<br />
pro bono? Cur furati estis mihi scyphum argenteum?<br />
5 Nonne ipse est, in quo bibit dominus meus et in quo augurari solet? Pessimam rem<br />
fecistis!"”.<br />
6 Fecit ille, ut iusserat, et apprehensis per ordinem locutus est.<br />
7 Qui responderunt: “Quare sic loquitur dominus noster? Absit a servis tuis, ut tantum flagitii<br />
commiserimus.<br />
8 Pecuniam, quam invenimus in summitate saccorum, reportavimus ad te de terra Chanaan; et<br />
quomodo consequens est, ut furati simus de domo domini tui aurum vel argentum?<br />
9 Apud quemcumque fuerit inventum servorum tuorum, quod quaeris, moriatur; et nos<br />
erimus servi domini nostri”.<br />
10 Qui dixit eis: “Fiat iuxta vestram sententiam: apud quemcumque fuerit inventum, ipse sit<br />
servus meus; vos autem eritis innoxii”.<br />
11 Itaque festinato deponentes in terram saccos aperuerunt singuli.<br />
12 Quos scrutatus incipiens a maiore usque ad minimum invenit scyphum in sacco Beniamin.<br />
13 At illi, scissis vestibus, oneratisque rursum asinis, reversi sunt in oppidum.<br />
14 Et Iudas cum fratribus ingressus est ad Ioseph - necdum enim de loco abierat - omnesque<br />
ante eum pariter in terram corruerunt.<br />
15 Quibus ille ait: “Cur sic agere voluistis? An ignoratis quod non sit similis mei in augurandi<br />
scientia?”.<br />
16 Cui Iudas: “Quid respondebimus, inquit, domino meo? Vel quid loquemur aut iuste<br />
poterimus obtendere? Deus invenit iniquitatem servorum tuorum; en omnes servi sumus<br />
domini mei, et nos et apud quem inventus est scyphus”.<br />
17 Respondit Ioseph: “Absit a me, ut sic agam! Qui furatus est scyphum, ipse sit servus<br />
meus; vos autem abite liberi ad patrem vestrum”.<br />
18 Accedens autem propius Iudas confidenter ait: “Oro, domine mi, loquatur servus tuus<br />
verbum in auribus tuis, et ne irascaris famulo tuo; tu es enim sicut pharao!<br />
19 Dominus meus interrogavit prius servos suos: "Habetis patrem aut fratrem?".<br />
20 Et nos respondimus domino meo: "Est nobis pater senex et puer parvulus, qui in senectute<br />
illius natus est, cuius uterinus frater mortuus est; et ipse solus superest a matre sua, pater vero<br />
tenere diligit eum"”.<br />
21 Dixistique servis tuis: "Adducite eum ad me, et ponam oculos meos super illum".<br />
22 Suggessimus domino meo: "Non potest puer relinquere patrem suum; si enim illum<br />
dimiserit, morietur".
70 PPEK / <strong>Nova</strong> <strong>Vulgata</strong><br />
23 Et dixisti servis tuis: "Nisi venerit frater vester minimus vobiscum, non videbitis amplius<br />
faciem meam".<br />
24 Cum ergo ascendissemus ad famulum tuum patrem nostrum, narravimus ei omnia, quae<br />
locutus est dominus meus,<br />
25 et dixit pater noster: "Revertimini et emite nobis parum tritici".<br />
26 Cui diximus: "Ire non possumus. Si frater noster minimus descenderit nobiscum,<br />
proficiscemur simul; alioquin, illo absente, non poterimus videre faciem viri".<br />
27 Ad quae servus tuus pater meus respondit: "Vos scitis quod duos genuerit mihi uxor mea.<br />
28 Egressus est unus a me, et dixi: Bestia devoravit eum! Et hucusque non comparet.<br />
29 Si tuleritis et istum a facie mea, et aliquid ei in via contigerit, deducetis canos meos cum<br />
maerore ad inferos".<br />
30 Igitur, si intravero ad servum tuum patrem meum, et puer defuerit - cum anima illius ex<br />
huius anima pendeat -<br />
31 videritque eum non esse nobiscum, morietur; et deducent famuli tui canos eius cum dolore<br />
ad inferos.<br />
32 Servus tuus pro puero patri meo spopondit: Nisi reduxero eum, peccati reus ero in patrem<br />
meum omni tempore.<br />
33 Manebo itaque servus tuus pro puero in ministerio domini mei, et puer ascendat cum<br />
fratribus suis.<br />
34 Non enim possum redire ad patrem meum, absente puero, ne calamitatis, quae oppressura<br />
est patrem meum, testis assistam”.<br />
45<br />
1 Non se poterat ultra cohibere Ioseph omnibus coram astantibus, unde clamavit:<br />
“Egredimini, cuncti, foras!”. Et nemo aderat cum eo, quando manifestavit se fratribus suis.<br />
2 Elevavitque vocem cum fletu, quam audierunt Aegyptii omnisque domus pharaonis.<br />
3 Et dixit Ioseph fratribus suis: “Ego sum Ioseph! Adhuc pater meus vivit?”. Nec poterant<br />
respondere fratres nimio terrore perterriti.<br />
4 Ad quos ille clementer: “Accedite, inquit, ad me”. Et cum accessissent prope: “Ego sum,<br />
ait, Ioseph frater vester, quem vendidistis in Aegyptum.<br />
5 Nolite contristari, neque vobis durum esse videatur quod vendidistis me in his regionibus.<br />
Pro salute enim vestra misit me Deus ante vos in Aegyptum.<br />
6 Biennium est enim quod coepit fames esse in terra, et adhuc quinque anni restant, quibus<br />
nec arari poterit nec meti.<br />
7 Praemisitque me Deus, ut reservemini super terram, et servetur vita vestra in salvationem<br />
magnam.<br />
8 Non vestro consilio, sed Dei voluntate huc missus sum, qui fecit me quasi patrem pharaonis<br />
et dominum universae domus eius ac principem in omni terra Aegypti.<br />
9 Festinate et ascendite ad patrem meum et dicetis ei: "Haec mandat filius tuus Ioseph: Deus<br />
fecit me dominum universae terrae Aegypti; descende ad me, ne moreris.<br />
10 Et habitabis in terra Gessen; erisque iuxta me tu et filii tui et filii filiorum tuorum, oves<br />
tuae et armenta tua et universa, quae possides.<br />
11 Ibique te pascam - adhuc enim quinque anni residui sunt famis - ne et tu pereas et domus<br />
tua et omnia, quae possides".<br />
12 En oculi vestri et oculi fratris mei Beniamin vident quia os meum est, quod loquitur ad<br />
vos.<br />
13 Nuntiate patri meo universam gloriam meam in Aegypto et cuncta, quae vidistis. Festinate<br />
et adducite eum ad me”.<br />
14 Cumque amplexatus recidisset in collum Beniamin fratris sui, flevit, illo quoque similiter<br />
flente, super collum eius.
PPEK / <strong>Nova</strong> <strong>Vulgata</strong> 71<br />
15 Osculatusque est Ioseph omnes fratres suos et ploravit super singulos. Post quae ausi sunt<br />
loqui ad eum.<br />
16 Auditumque est et celebri sermone vulgatum in aula regis: “Venerunt fratres Ioseph!”. Et<br />
gavisus est pharao atque omnis familia eius.<br />
17 Dixitque ad Ioseph, ut imperaret fratribus suis dicens: “Onerantes iumenta ite in terram<br />
Chanaan<br />
18 et tollite inde patrem vestrum et cognationem et venite ad me; et ego dabo vobis omnia<br />
bona Aegypti, ut comedatis medullam terrae.<br />
19 Praecipe etiam: tollite plaustra de terra Aegypti ad subvectionem parvulorum vestrorum ac<br />
coniugum et tollite patrem vestrum et properate quantocius venientes.<br />
20 Nec doleatis super supellectilem vestram, quia omnes opes Aegypti vestrae erunt”.<br />
21 Feceruntque filii Israel, ut eis mandatum fuerat. Quibus dedit Ioseph plaustra secundum<br />
pharaonis imperium et cibaria in itinere.<br />
22 Singulis quoque proferri iussit vestimentum mutatorium; Beniamin vero dedit trecentos<br />
argenteos cum quinque<br />
23 vestimentis mutatoriis. Patri suo misit similiter asinos decem, qui subveherent ex omnibus<br />
divitiis Aegypti, et totidem asinas triticum et panem et cibum pro itinere portantes.<br />
24 Dimisit ergo fratres suos et proficiscentibus ait: “Ne irascamini in via!”.<br />
25 Qui ascendentes ex Aegypto venerunt in terram Chanaan ad patrem suum Iacob<br />
26 et nuntiaverunt ei dicentes: “Ioseph vivit et ipse dominatur in omni terra Aegypti!”. At cor<br />
eius frigidum mansit; non enim credebat eis.<br />
27 Tunc referebant omnia verba Ioseph, quae dixerat eis. Cumque vidisset plaustra et<br />
universa, quae miserat ad adducendum eum, revixit spiritus eius,<br />
28 et ait: “Sufficit mihi, si adhuc Ioseph filius meus vivit. Vadam et videbo illum, antequam<br />
moriar”.<br />
46<br />
1 Profectusque Israel cum omnibus, quae habebat, venit Bersabee et, mactatis ibi victimis<br />
Deo patris sui Isaac,<br />
2 audivit eum per visionem noctis vocantem se: “Iacob, Iacob!”. Cui respondit: “Ecce<br />
adsum!”.<br />
3 Ait illi: “Ego sum Deus, Deus patris tui. Noli timere descendere in Aegyptum, quia in<br />
gentem magnam faciam te ibi.<br />
4 Ego descendam tecum illuc et ego inde adducam te revertentem; Ioseph quoque ponet<br />
manus suas super oculos tuos”.<br />
5 Surrexit igitur Iacob a Bersabee, tuleruntque eum filii cum parvulis et uxoribus suis in<br />
plaustris, quae miserat pharao ad portandum senem,<br />
6 sumpserunt quoque omnia, quae possederant in terra Chanaan; veneruntque in Aegyptum<br />
Iacob et omne semen eius,<br />
7 filii eius et nepotes, filiae et cuncta simul progenies.<br />
8 Haec sunt autem nomina filiorum Israel, qui ingressi sunt in Aegyptum, ipse cum liberis<br />
suis.<br />
Primogenitus Ruben.<br />
9 Filii Ruben: Henoch et Phallu et Hesron et Charmi.<br />
10 Filii Simeon: Iamuel et Iamin et Ahod et Iachin et Sohar et Saul filius Chananitidis.<br />
11 Filii Levi: Gerson et Caath et Merari.<br />
12 Filii Iudae: Her et Onan et Sela et Phares et Zara. Mortui sunt autem Her et Onan in terra<br />
Chanaan. Natique sunt filii Phares: Esrom et Hamul.<br />
13 Filii Issachar: Thola et Phua et Iasub et Semron.<br />
14 Filii Zabulon: Sared et Elon et Iahelel.
72 PPEK / <strong>Nova</strong> <strong>Vulgata</strong><br />
15 Hi filii Liae, quos genuit in Paddanaram, cum Dina filia sua. Omnes animae filiorum eius<br />
et filiarum triginta tres.<br />
16 Filii Gad: Sephon et Haggi, Suni et Esebon, Heri et Arodi et Areli.<br />
17 Filii Aser: Iemna et lesua et Isui et Beria, Sara quoque soror eorum. Filii Beria: Heber et<br />
Melchiel.<br />
18 Hi filii Zelphae, quam dedit Laban Liae filiae suae; et hos genuit Iacob: sedecim animas.<br />
19 Filii Rachel uxoris Iacob: Ioseph et Beniamin.<br />
20 Natique sunt Ioseph filii in terra Aegypti, quos genuit ei Aseneth filia Putiphare sacerdotis<br />
Heliopoleos: Manasses et Ephraim.<br />
21 Filii Beniamin: Bela et Bochor et Asbel, Gera et Naaman et Echi et Ros, Mophim et<br />
Huphim et Ared.<br />
22 Hi filii Rachel, quos genuit Iacob: omnes animae quattuordecim.<br />
23 Filii Dan: Husim.<br />
24 Filii Nephthali: Iasiel et Guni et Ieser et Sellem.<br />
25 Hi filii Bilhae, quam dedit Laban Racheli filiae suae; et hos genuit Iacob: omnes animae<br />
septem.<br />
26 Cunctae animae, quae ingressae sunt cum Iacob in Aegyptum et egressae de femore illius,<br />
absque uxoribus filiorum eius, sexaginta sex.<br />
27 Filii autem Ioseph, qui nati sunt ei in terra Aegypti, animae duae. Omnes animae domus<br />
Iacob, quae ingressae sunt in Aegyptum, fuere septuaginta.<br />
28 Misit autem Iudam ante se ad Ioseph, ut nuntiaret et occurreret in Gessen.<br />
29 Et venerunt in terram Gessen. Iunctoque Ioseph curru suo, ascendit obviam patri suo in<br />
Gessen; vidensque eum irruit super collum eius et inter amplexus diu flevit.<br />
30 Dixitque Israel ad Ioseph: “Iam laetus moriar, quia vidi faciem tuam et superstitem te<br />
relinquo”.<br />
31 Et ille locutus est ad fratres suos et ad omnem domum patris sui: “Ascendam et nuntiabo<br />
pharaoni dicamque ei: Fratres mei et domus patris mei, qui erant in terra Chanaan, venerunt<br />
ad me.<br />
32 Et sunt viri pastores ovium curamque habent alendorum gregum; pecora sua et armenta et<br />
omnia, quae habere potuerunt, adduxerunt secum.<br />
33 Cumque vocaverit vos et dixerit: "Quod est opus vestrum?".<br />
34 Respondebitis: "Viri pastores sumus servi tui ab infantia nostra usque in praesens et nos et<br />
patres nostri". Haec autem dicetis, ut habitare possitis in terra Gessen, quia detestantur<br />
Aegyptii omnes pastores ovium”.<br />
47<br />
1 Ingressus ergo Ioseph nun tiavit pharaoni dicens: “Pater meus et fratres, oves eorum et<br />
armenta et cuncta, quae possident, venerunt de terra Chanaan; et ecce consistunt in terra<br />
Gessen”.<br />
2 Ex omnibus fratribus suis quinque viros statuit coram rege,<br />
3 quos ille interrogavit: “Quid habetis operis?”. Responderunt: “Pastores ovium sumus servi<br />
tui et nos et patres nostri”.<br />
4 Dixeruntque ad pharaonem: “Ad peregrinandum in terra venimus, quoniam non est herba<br />
gregibus servorum tuorum, ingravescente fame, in terra Chanaan petimusque, ut esse nos<br />
iubeas servos tuos in terra Gessen”.<br />
5 Dixit itaque rex ad Ioseph: “Pater tuus et fratres tui venerunt ad te.<br />
6 Terra Aegypti in conspectu tuo est; in optimo loco fac eos habitare et trade eis terram<br />
Gessen. Quod si nosti in eis esse viros industrios, constitue illos magistros pecorum<br />
meorum”.
PPEK / <strong>Nova</strong> <strong>Vulgata</strong> 73<br />
7 Post haec introduxit Ioseph patrem suum ad regem et statuit eum coram eo, qui benedicens<br />
illi<br />
8 et interrogatus ab eo: “Quot sunt dies annorum vitae tuae?”,<br />
9 respondit: “Dies peregrinationis meae centum triginta annorum sunt, parvi et mali; et non<br />
pervenerunt usque ad dies patrum meorum, quibus peregrinati sunt”.<br />
10 Et benedicto rege, egressus est foras.<br />
11 Ioseph vero patri et fratribus suis dedit possessionem in Aegypto in optimo terrae loco, in<br />
terra Ramesses, ut praeceperat pharao;<br />
12 et alebat eos omnemque domum patris sui praebens cibaria singulis.<br />
13 In tota terra panis deerat, et oppresserat fames terram valde, defecitque terra Aegypti et<br />
terra Chanaan prae fame.<br />
14 E quibus omnem pecuniam congregavit pro venditione frumenti et intulit eam in aerarium<br />
regis.<br />
15 Cumque defecisset emptoribus pretium, venit cuncta Aegyptus ad Ioseph dicens: “Da<br />
nobis panes! Quare morimur coram te, deficiente pecunia?”.<br />
16 Quibus ille respondit: “Adducite pecora vestra, et dabo vobis pro eis cibos, si pretium non<br />
habetis”.<br />
17 Quae cum adduxissent, dedit eis alimenta pro equis et ovibus et bobus et asinis;<br />
sustentavitque eos illo anno pro commutatione pecorum.<br />
18 Venerunt quoque anno secundo et dixerunt ei: “Non celamus dominum nostrum quod,<br />
deficiente pecunia, pecora transierunt ad dominum nostrum; nec clam te est quod absque<br />
corporibus et terra nihil habeamus.<br />
19 Cur ergo moriemur, te vidente, et nos et terra nostra? Eme nos et terram nostram in<br />
servitutem regiam et praebe semina, ne, pereunte cultore, redigatur terra in solitudinem”.<br />
20 Emit igitur Ioseph omnem terram Aegypti, vendentibus singulis possessiones suas prae<br />
magnitudine famis. Subiecitque eam pharaoni<br />
21 et cunctos populos eius redegit ei in servitutem, a novissimis terminis Aegypti usque ad<br />
extremos fines eius.<br />
22 Terram autem sacerdotum non emit, qui cibariis a rege statutis fruebantur, et idcirco non<br />
sunt compulsi vendere possessiones suas.<br />
23 Dixit ergo Ioseph ad populos: “En, ut cernitis, et vos et terram vestram pharao possidet;<br />
accipite semina et serite agros,<br />
24 ut fruges habere possitis. Quintam partem regi dabitis; quattuor reliquas permitto vobis in<br />
sementem et in cibum familiis et liberis vestris”.<br />
25 Qui responderunt: “Tu salvasti nos! Respiciat nos tantum dominus noster, et laeti<br />
serviemus regi”.<br />
26 Ex eo tempore usque in praesentem diem in universa terra Aegypti regibus quinta pars<br />
solvitur; et factum est a Ioseph in legem absque terra sacerdotali, quae libera ab hac<br />
condicione est.<br />
27 Habitavit ergo Israel in Aegypto, id est in terra Gessen, et possedit eam; auctusque est et<br />
multiplicatus nimis.<br />
28 Et vixit Iacob in terra Aegypti decem et septem annis; factique sunt omnes dies vitae illius<br />
centum quadraginta septem annorum.<br />
29 Cumque appropinquare cerneret diem mortis suae, vocavit filium suum Ioseph et dixit ad<br />
eum: “Si inveni gratiam in conspectu tuo, pone manum tuam sub femore meo et facies mihi<br />
misericordiam et veritatem, ut non sepelias me in Aegypto,<br />
30 sed dormiam cum patribus meis, et auferas me de terra hac condasque in sepulcro<br />
maiorum meorum”. Cui respondit Ioseph: “Ego faciam, quod iussisti”.<br />
31 Et ille: “Iura ergo, inquit, mihi!”. Quo iurante, adoravit Israel conversus ad lectuli caput.
74 PPEK / <strong>Nova</strong> <strong>Vulgata</strong><br />
48<br />
1 His ita transactis, nuntiatum est Ioseph quod aegrotaret pater suus. Et assumpsit secum duos<br />
filios Manasse et Ephraim.<br />
2 Dictumque est seni: “Ecce filius tuus Ioseph venit ad te”. Qui confortatus sedit in lectulo<br />
3 et ingresso ad se ait: “Deus omnipotens apparuit mihi in Luza, quae est in terra Chanaan,<br />
benedixitque mihi<br />
4 et ait: "Ego te augebo et multiplicabo et faciam te in multitudinem populorum; daboque tibi<br />
terram hanc et semini tuo post te in possessionem sempiternam".<br />
5 Duo ergo filii tui, qui nati sunt tibi in terra Aegypti, antequam huc venirem ad te, mei erunt:<br />
Ephraim et Manasses sicut Ruben et Simeon reputabuntur mihi.<br />
6 Reliquos autem, quos genueris post eos, tui erunt et nomine fratrum suorum vocabuntur in<br />
possessionibus suis.<br />
7 Mihi enim, quando veniebam de Paddanaram, mortua est Rachel mater tua in terra Chanaan<br />
in ipso itinere, cum adhuc esset spatium aliquod usque ad Ephratham, et sepelivi eam iuxta<br />
viam Ephrathae, quae alio nomine appellatur Bethlehem”.<br />
8 Videns autem filios eius dixit ad eum: “Qui sunt isti?”.<br />
9 Respondit: “Filii mei sunt, quos donavit mihi Deus in hoc loco”. “Adduc, inquit, eos ad me,<br />
ut benedicam illis!”.<br />
10 Oculi enim Israel caligabant prae nimia senectute, et clare videre non poterat.<br />
Applicitosque ad se deosculatus et circumplexus eos<br />
11 dixit ad filium suum: “Non sum fraudatus aspectu tuo; insuper ostendit mihi Deus semen<br />
tuum”.<br />
12 Cumque tulisset eos Ioseph de gremio patris, adoravit pronus in terram.<br />
13 Et posuit Ephraim ad dexteram suam, id est ad sinistram Israel, Manassen vero in sinistra<br />
sua, ad dexteram scilicet patris; applicuitque ambos ad eum.<br />
14 Qui extendens manum dexteram, posuit super caput Ephraim minoris fratris, sinistram<br />
autem super caput Manasse, qui maior natu erat, commutans manus.<br />
15 Benedixitque Iacob Ioseph et ait:<br />
“Deus, in cuius conspectu ambulaverunt<br />
patres mei Abraham et Isaac,<br />
Deus, qui pascit me ab adulescentia mea<br />
usque in praesentem diem,<br />
16 Angelus, qui eruit me de cunctis malis,<br />
benedicat pueris istis!<br />
Et invocetur super eos nomen meum,<br />
nomina quoque patrum meorum Abraham et Isaac,<br />
et crescant in multitudinem<br />
super terram!”.<br />
17 Videns autem Ioseph quod posuisset pater suus dexteram manum super caput Ephraim,<br />
graviter accepit et apprehensam manum patris levare conatus est de capite Ephraim et<br />
transferre super caput Manasse.<br />
18 Dixitque ad patrem: “Non ita convenit, pater, quia hic est primogenitus; pone dexteram<br />
tuam super caput eius!”.<br />
19 Qui renuens ait: “Scio, fili mi, scio; et iste quidem erit in populos et multiplicabitur, sed<br />
frater eius minor maior erit illo, et semen illius crescet in plenitudinem gentium”.<br />
20 Benedixitque eis in die illo dicens:<br />
“In te benedicet Israel atque dicet: "Faciat te Deus sicut Ephraim et sicut Manasse!"”.<br />
Constituitque Ephraim ante Manassen.<br />
21 Et ait ad Ioseph filium suum: “En ego morior, et erit Deus vobiscum reducetque vos ad<br />
terram patrum vestrorum.
PPEK / <strong>Nova</strong> <strong>Vulgata</strong> 75<br />
22 Do tibi partem unam extra fratres tuos, quam tuli de manu Amorraei in gladio et arcu<br />
meo”.<br />
49<br />
1 Vocavit autem Iacob filios suos et ait eis: “Congrega mini, ut annuntiem, quae ventura sunt<br />
vobis in diebus novissimis.<br />
2 Congregamini et audite, filii Iacob,<br />
audite Israel patrem vestrum!<br />
3 Ruben primogenitus meus,<br />
tu fortitudo mea et principium roboris mei;<br />
prior in dignitate, maior in robore!<br />
4 Ebulliens sicut aqua non excellas,<br />
quia ascendisti cubile patris tui<br />
et maculasti stratum meum.<br />
5 Simeon et Levi fratres,<br />
vasa violentiae arma eorum.<br />
6 In consilium eorum ne veniat anima mea,<br />
et in coetu illorum non sit gloria mea;<br />
quia in furore suo occiderunt virum<br />
et in voluntate sua subnervaverunt tauros.<br />
7 Maledictus furor eorum, quia pertinax,<br />
et indignatio eorum, quia dura!<br />
Dividam eos in Iacob<br />
et dispergam eos in Israel.<br />
8 Iuda, te laudabunt fratres tui;<br />
manus tua in cervicibus inimicorum tuorum;<br />
adorabunt te filii patris tui.<br />
9 Catulus leonis Iuda:<br />
a praeda, fili mi, ascendisti;<br />
requiescens accubuit ut leo<br />
et quasi leaena; quis suscitabit eum?<br />
10 Non auferetur sceptrum de Iuda<br />
et baculus ducis de pedibus eius,<br />
donec veniat ille, cuius est,<br />
et cui erit oboedientia gentium;<br />
11 ligans ad vineam pullum suum<br />
et ad vitem filium asinae suae,<br />
lavabit in vino stolam suam<br />
et in sanguine uvae pallium suum;<br />
12 nigriores sunt oculi eius vino<br />
et dentes eius lacte candidiores.<br />
13 Zabulon in litore maris habitabit<br />
et in statione navium,<br />
pertingens usque ad Sidonem.<br />
14 Issachar asinus fortis,<br />
accubans inter caulas<br />
15 vidit requiem quod esset bona,<br />
et terram quod optima;<br />
et supposuit umerum suum ad portandum<br />
factusque est tributis serviens.
76 PPEK / <strong>Nova</strong> <strong>Vulgata</strong><br />
16 Dan iudicabit populum suum<br />
sicut una tribuum Israel.<br />
17 Fiat Dan coluber in via,<br />
cerastes in semita,<br />
mordens calcanea equi,<br />
ut cadat ascensor eius retro.<br />
18 Salutare tuum exspectabo, Domine!<br />
19 Gad, latrones aggredientur eum,<br />
ipse autem aggredietur calcaneum eorum.<br />
20 Aser, pinguis panis eius,<br />
et praebebit delicias regales.<br />
21 Nephthali cerva emissa,<br />
dans cornua pulchra.<br />
22 Arbor fructifera Ioseph,<br />
arbor fructifera super fontem:<br />
rami transcendunt murum.<br />
23 Sed exasperaverunt eum et iurgati sunt,<br />
et adversati sunt illi habentes iacula.<br />
24 Et confractus est arcus eorum,<br />
et dissoluti sunt nervi brachiorum eorum<br />
per manus Potentis Iacob,<br />
per nomen Pastoris, Lapidis Israel.<br />
25 Deus patris tui erit adiutor tuus,<br />
et Omnipotens benedicet tibi<br />
benedictionibus caeli desuper,<br />
benedictionibus abyssi iacentis<br />
deorsum,<br />
benedictionibus uberum et vulvae.<br />
26 Benedictiones patris tui confortatae sunt<br />
super benedictiones montium aeternorum,<br />
desiderium collium antiquorum;<br />
fiant in capite Ioseph<br />
et in vertice nazaraei inter fratres suos.<br />
27 Beniamin lupus rapax;<br />
mane comedet praedam<br />
et vespere dividet spolia”.<br />
28 Omnes hi in tribubus Israel duodecim. Haec locutus est eis pater suus benedixitque<br />
singulis benedictionibus propriis.<br />
29 Et praecepit eis dicens: “Ego congregor ad populum meum; sepelite me cum patribus meis<br />
in spelunca Machpela, quae est in agro Ephron Hetthaei<br />
30 contra Mambre in terra Chanaan, quam emit Abraham cum agro ab Ephron Hetthaeo in<br />
possessionem sepulcri;<br />
31 ibi sepelierunt eum et Saram uxorem eius, ibi sepultus est Isaac cum Rebecca coniuge sua,<br />
ibi et Lia condita iacet”.<br />
32 Finitisque mandatis, quibus filios instruebat, collegit pedes suos super lectulum et obiit;<br />
appositusque est ad populum suum.<br />
50<br />
1 Ioseph ruit super faciem patris flens et deosculans eum.<br />
2 Praecepitque servis suis medicis, ut aromatibus condirent patrem.
PPEK / <strong>Nova</strong> <strong>Vulgata</strong> 77<br />
3 Quibus iussa explentibus, transierunt quadraginta dies; iste quippe mos erat cadaverum<br />
conditorum. Flevitque eum Aegyptus septuaginta diebus.<br />
4 Et, expleto planctus tempore, locutus est Ioseph ad familiam pharaonis: “Si inveni gratiam<br />
in conspectu vestro, loquimini in auribus pharaonis,<br />
5 eo quod pater meus adiuraverit me dicens: "En morior; in sepulcro meo, quod fodi mihi in<br />
terra Chanaan, sepelies me"; ascendam nunc et sepeliam patrem meum ac revertar”.<br />
6 Dixitque ei pharao: “Ascende et sepeli patrem tuum, sicut adiuratus es”.<br />
7 Quo ascendente, ierunt cum eo omnes servi pharaonis, senes domus eius cunctique maiores<br />
natu terrae Aegypti,<br />
8 domus Ioseph cum fratribus suis, absque parvulis et gregibus atque armentis, quae<br />
dereliquerant in terra Gessen.<br />
9 Habuit quoque in comitatu currus et equites; et facta est turba non modica.<br />
10 Veneruntque ad Gorenatad (id est Aream rhamni), quae sita est trans Iordanem; ubi<br />
celebrantes exsequias planctu magno atque vehementi impleverunt septem dies.<br />
11 Quod cum vidissent habitatores terrae Chanaan, dixerunt: “Planctus magnus est iste<br />
Aegyptiis”; et idcirco vocatum est nomen loci illius Abelmesraim (id est Planctus Aegypti).<br />
12 Fecerunt ergo filii Iacob, sicut praeceperat eis;<br />
13 et portantes eum in terram Chanaan sepelierunt eum in spelunca Machpela, quam emerat<br />
Abraham cum agro in possessionem sepulcri ab Ephron Hetthaeo contra faciem Mambre.<br />
14 Reversusque est Ioseph in Aegyptum cum fratribus suis et omni comitatu, sepulto patre.<br />
15 Quo mortuo, timentes fratres eius et mutuo colloquentes: “Ne forte memor sit iniuriae,<br />
quam passus est, et reddat nobis omne malum, quod fecimus”,<br />
16 mandaverunt ei dicentes: “Pater tuus praecepit nobis, antequam moreretur,<br />
17 ut haec tibi verbis illius diceremus: "Obsecro, ut obliviscaris sceleris fratrum tuorum et<br />
peccati atque malitiae, quam exercuerunt in te". Nos quoque oramus, ut servis Dei patris tui<br />
dimittas iniquitatem hanc”. Quibus auditis, flevit Ioseph.<br />
18 Veneruntque ad eum fratres sui et proni coram eo dixerunt: “Servi tui sumus”.<br />
19 Quibus ille respondit: “Nolite timere. Num Dei possumus resistere voluntati?<br />
20 Vos cogitastis de me malum; sed Deus vertit illud in bonum, ut exaltaret me, sicut in<br />
praesentiarum cernitis, et salvos faceret multos populos.<br />
21 Nolite timere: ego pascam vos et parvulos vestros”. Consolatusque est eos et blande ac<br />
leniter est locutus.<br />
22 Et habitavit in Aegypto cum omni domo patris sui; vixitque centum decem annis<br />
23 et vidit Ephraim filios usque ad tertiam generationem; filii quoque Machir filii Manasse<br />
nati sunt in genibus Ioseph.<br />
24 Quibus transactis, locutus est fratribus suis: “Post mortem meam Deus visitabit vos et<br />
ascendere vos faciet de terra ista ad terram, quam iuravit Abraham, Isaac et Iacob”.<br />
25 Cumque adiurasset eos atque dixisset: “Deus visitabit vos; asportate ossa mea vobiscum<br />
de loco isto”,<br />
26 mortuus est, expletis centum decem vitae suae annis. Et conditus aromatibus repositus est<br />
in loculo in Aegypto.
78 PPEK / <strong>Nova</strong> <strong>Vulgata</strong><br />
Liber Exodus<br />
1<br />
1 Haec sunt nomina filiorum Is rael, qui ingressi sunt Aegyp tum cum Iacob; singuli cum<br />
domibus suis introierunt:<br />
2 Ruben, Simeon, Levi, Iuda,<br />
3 Issachar, Zabulon et Beniamin,<br />
4 Dan et Nephthali, Gad et Aser.<br />
5 Erant igitur omnes animae eorum, qui egressi sunt de femore Iacob, septuaginta; Ioseph<br />
autem in Aegypto erat.<br />
6 Quo mortuo et universis fratribus eius omnique cognatione illa,<br />
7 filii Israel creverunt et pullulantes multiplicati sunt ac roborati nimis impleverunt terram.<br />
8 Surrexit interea rex novus super Aegyptum, qui ignorabat Ioseph;<br />
9 et ait ad populum suum: “Ecce, populus filiorum Israel multus et fortior nobis est;<br />
10 venite, prudenter agamus cum eo, ne forte multiplicetur et, si ingruerit contra nos bellum,<br />
addatur inimicis nostris, expugnatisque nobis, egrediatur de terra”.<br />
11 Praeposuit itaque eis magistros operum, ut affligerent eos oneribus; aedificaveruntque<br />
urbes promptuarias pharaoni, Phithom et Ramesses.<br />
12 Quantoque opprimebant eos, tanto magis multiplicabantur et crescebant.<br />
13 Formidaveruntque filios Israel Aegyptii et in servitutem redegerunt eos<br />
14 atque ad amaritudinem perducebant vitam eorum operibus duris luti et lateris omnique<br />
famulatu, quo in terrae operibus premebantur.<br />
15 Dixit autem rex Aegypti obstetricibus Hebraeorum, quarum una vocabatur Sephra, altera<br />
Phua,<br />
16 praecipiens eis: “Quando obstetricabitis Hebraeas, et partus tempus advenerit, si masculus<br />
fuerit, interficite eum; si femina, reservate”.<br />
17 Timuerunt autem obstetrices Deum et non fecerunt iuxta praeceptum regis Aegypti, sed<br />
conservabant mares.<br />
18 Quibus ad se accersitis rex ait: “Quidnam est hoc, quod facere voluistis, ut pueros<br />
servaretis?”.<br />
19 Quae responderunt: “Non sunt Hebraeae sicut Aegyptiae mulieres; ipsae enim robustae<br />
sunt et, priusquam veniamus ad eas, pariunt”.<br />
20 Bene ergo fecit Deus obstetricibus, et crevit populus confortatusque est nimis;<br />
21 et, quia timuerunt obstetrices Deum, aedificavit illis domos.<br />
22 Praecepit ergo pharao omni populo suo dicens: “Quidquid masculini sexus natum fuerit, in<br />
flumen proicite; quidquid feminei, reservate”.<br />
2<br />
1 Egressus est vir de domo Levi et accepit uxorem stirpis suae;<br />
2 quae concepit et peperit filium et videns eum elegantem abscondit tribus mensibus.<br />
3 Cumque iam celare non posset, sumpsit fiscellam scirpeam et linivit eam bitumine ac pice;<br />
posuitque intus infantulum et exposuit eum in carecto ripae fluminis,<br />
4 stante procul sorore eius et considerante eventum rei.<br />
5 Ecce autem descendebat filia pharaonis, ut lavaretur in flumine, et puellae eius gradiebantur<br />
per crepidinem alvei. Quae cum vidisset fiscellam in papyrione, misit unam e famulabus suis;<br />
et allatam<br />
6 aperiens cernensque in ea parvulum vagientem, miserta eius ait: “De infantibus<br />
Hebraeorum est hic”.
PPEK / <strong>Nova</strong> <strong>Vulgata</strong> 79<br />
7 Cui soror pueri: “Vis, inquit, ut vadam et vocem tibi mulierem Hebraeam, quae nutrire<br />
possit tibi infantulum?”.<br />
8 Respondit: “Vade”. Perrexit puella et vocavit matrem infantis.<br />
9 Ad quam locuta filia pharaonis: “Accipe, ait, puerum istum et nutri mihi; ego dabo tibi<br />
mercedem tuam”. Suscepit mulier et nutrivit puerum adultumque tradidit filiae pharaonis.<br />
10 Quem illa adoptavit in locum filii vocavitque nomen eius Moysen dicens: “Quia de aqua<br />
tuli eum”.<br />
11 In diebus illis, postquam creverat, Moyses egressus est ad fratres suos; viditque<br />
afflictionem eorum et virum Aegyptium percutientem quendam de Hebraeis fratribus suis.<br />
12 Cumque circumspexisset huc atque illuc et nullum adesse vidisset, percussum Aegyptium<br />
abscondit sabulo.<br />
13 Et egressus die altero conspexit duos Hebraeos rixantes dixitque ei, qui faciebat iniuriam:<br />
“Quare percutis proximum tuum?”.<br />
14 Qui respondit: “Quis te constituit principem et iudicem super nos? Num occidere me tu<br />
vis, sicut occidisti Aegyptium?”. Timuit Moyses et ait: “Quomodo palam factum est verbum<br />
istud?”.<br />
15 Audivitque pharao sermonem hunc et quaerebat occidere Moysen. Qui fugiens de<br />
conspectu eius moratus est in terra Madian; venit ergo in terram Madian et sedit iuxta<br />
puteum.<br />
16 Erant autem sacerdoti Madian septem filiae, quae venerunt ad hauriendam aquam; et<br />
impletis canalibus adaquare cupiebant greges patris sui.<br />
17 Supervenere pastores et eiecerunt eas: surrexitque Moyses et, defensis puellis, adaquavit<br />
oves earum.<br />
18 Quae cum revertissent ad Raguel patrem suum, dixit ad eas: “Cur velocius venistis<br />
solito?”.<br />
19 Responderunt: “Vir Aegyptius liberavit nos de manu pastorum; insuper et hausit aquam<br />
nobis potumque dedit ovibus”.<br />
20 At ille: “Ubi est?”, inquit. “Quare dimisistis hominem? Vocate eum, ut comedat panem”.<br />
21 Consensit ergo Moyses habitare cum eo accepitque Sephoram filiam eius uxorem.<br />
22 Quae peperit ei filium, quem vocavit Gersam dicens: “Advena sum in terra aliena”.<br />
23 Post multum vero temporis mortuus est rex Aegypti; et ingemiscentes filii Israel propter<br />
opera vociferati sunt, ascenditque clamor eorum ad Deum ab operibus.<br />
24 Et audivit gemitum eorum ac recordatus est foederis, quod pepigit cum Abraham, Isaac et<br />
Iacob;<br />
25 et respexit Dominus filios Israel et apparuit eis.<br />
3<br />
1 Moyses autem pascebat oves Iethro soceri sui sacerdotis Ma dian; cumque minasset gregem<br />
ultra desertum, venit ad montem Dei Horeb.<br />
2 Apparuitque ei angelus Domini in flamma ignis de medio rubi; et videbat quod rubus<br />
arderet et non combureretur.<br />
3 Dixit ergo Moyses: “Vadam et videbo visionem hanc magnam, quare non comburatur<br />
rubus”.<br />
4 Cernens autem Dominus quod pergeret ad videndum, vocavit eum Deus de medio rubi et<br />
ait: “Moyses, Moyses”. Qui respondit: “Adsum”.<br />
5 At ille: “Ne appropies, inquit, huc; solve calceamentum de pedibus tuis; locus enim, in quo<br />
stas, terra sancta est”.<br />
6 Et ait: “Ego sum Deus patris tui, Deus Abraham, Deus Isaac et Deus Iacob”. Abscondit<br />
Moyses faciem suam; non enim audebat aspicere contra Deum.
80 PPEK / <strong>Nova</strong> <strong>Vulgata</strong><br />
7 Cui ait Dominus: “Vidi afflictionem populi mei in Aegypto et clamorem eius audivi propter<br />
duritiam exactorum eorum.<br />
8 Et sciens dolorem eius descendi, ut liberem eum de manibus Aegyptiorum et educam de<br />
terra illa in terram bonam et spatiosam, in terram, quae fluit lacte et melle, ad loca Chananaei<br />
et Hetthaei et Amorraei et Pherezaei et Hevaei et Iebusaei.<br />
9 Clamor ergo filiorum Israel venit ad me, vidique afflictionem eorum, qua ab Aegyptiis<br />
opprimuntur;<br />
10 sed veni, mittam te ad pharaonem, ut educas populum meum, filios Israel, de Aegypto”.<br />
11 Dixitque Moyses ad Deum: “Quis sum ego, ut vadam ad pharaonem et educam filios<br />
Israel de Aegypto?”.<br />
12 Qui dixit ei: “Ego ero tecum; et hoc habebis signum quod miserim te: cum eduxeris<br />
populum de Aegypto, servietis Deo super montem istum”.<br />
13 Ait Moyses ad Deum: “Ecce, ego vadam ad filios Israel et dicam eis: Deus patrum<br />
vestrorum misit me ad vos. Si dixerint mihi: "Quod est nomen eius?" quid dicam eis?”.<br />
14 Dixit Deus ad Moysen: “Ego sum qui sum”. Ait: “Sic dices filiis Israel: Qui sum misit me<br />
ad vos”.<br />
15 Dixitque iterum Deus ad Moysen: “Haec dices filiis Israel: Dominus, Deus patrum<br />
vestrorum, Deus Abraham, Deus Isaac et Deus lacob, misit me ad vos; hoc nomen mihi est in<br />
aeternum, et hoc memoriale meum in generationem et generationem.<br />
16 Vade et congrega seniores Israel et dices ad eos: Dominus, Deus patrum vestrorum,<br />
apparuit mihi, Deus Abraham, Deus Isaac et Deus Iacob, dicens: Visitans visitavi vos et vidi<br />
omnia, quae acciderunt vobis in Aegypto;<br />
17 et dixi: Educam vos de afflictione Aegypti in terram Chananaei et Hetthaei et Amorraei et<br />
Pherezaei et Hevaei et Iebusaei, ad terram fluentem lacte et melle.<br />
18 Et audient vocem tuam; ingredierisque tu et seniores Israel ad regem Aegypti, et dicetis ad<br />
eum: Dominus, Deus Hebraeorum, occurrit nobis; et nunc eamus viam trium dierum in<br />
solitudinem, ut immolemus Domino Deo nostro.<br />
19 Sed ego scio quod non dimittet vos rex Aegypti, ut eatis, nisi per manum validam.<br />
20 Extendam enim manum meam et percutiam Aegyptum in cunctis mirabilibus meis, quae<br />
facturus sum in medio eius; post haec dimittet vos.<br />
21 Daboque gratiam populo huic coram Aegyptiis, et, cum egrediemini, non exibitis vacui.<br />
22 Sed postulabit mulier a vicina sua et ab hospita sua vasa argentea et aurea ac vestes;<br />
ponetisque eas super filios et filias vestras et spoliabitis Aegyptum”.<br />
4<br />
1 Respondens Moyses ait: “Quid autem, si non credent mihi ne que audient vocem meam, sed<br />
dicent: "Non apparuit tibi Dominus?"”.<br />
2 Dixit ergo ad eum: “Quid est quod tenes in manu tua?”. Respondit: “Virga”.<br />
3 Dixitque Dominus: “Proice eam in terram!”. Proiecit, et versa est in serpentem, ita ut<br />
fugeret Moyses.<br />
4 Dixitque Dominus: “Extende manum tuam et apprehende caudam eius!”. Extendit et tenuit,<br />
versaque est in virgam.<br />
5 “Ut credant, inquit, quod apparuerit tibi Dominus, Deus patrum suorum, Deus Abraham,<br />
Deus Isaac et Deus Iacob”.<br />
6 Dixitque Dominus rursum: “Mitte manum tuam in sinum tuum!”. Quam cum misisset in<br />
sinum, protulit leprosam instar nivis.<br />
7 “Retrahe, ait, manum tuam in sinum tuum!”. Retraxit et protulit iterum, et erat similis carni<br />
reliquae.<br />
8 “Si non crediderint, inquit, tibi, neque audierint sermonem signi prioris, credent verbo signi<br />
sequentis.
PPEK / <strong>Nova</strong> <strong>Vulgata</strong> 81<br />
9 Quod si nec duobus quidem his signis crediderint neque audierint vocem tuam, sume<br />
aquam fluminis et effunde eam super aridam, et, quidquid hauseris de fluvio, vertetur in<br />
sanguinem”.<br />
10 Ait Moyses: “Obsecro, Domine, non sum eloquens ab heri et nudiustertius et ex quo<br />
locutus es ad servum tuum, nam impeditioris et tardioris linguae sum”.<br />
11 Dixit Dominus ad eum: “Quis fecit os hominis? Aut quis fabricatus est mutum vel surdum<br />
vel videntem vel caecum? Nonne ego?<br />
12 Perge igitur, et ego ero in ore tuo; doceboque te quid loquaris”.<br />
13 At ille: “Obsecro, inquit, Domine, mitte quem missurus es”.<br />
14 Iratus Dominus in Moysen ait: “Aaron, frater tuus Levites, scio quod eloquens sit; ecce<br />
ipse egreditur in occursum tuum vidensque te laetabitur corde.<br />
15 Loquere ad eum et pone verba mea in ore eius; et ego ero in ore tuo et in ore illius et<br />
ostendam vobis quid agere debeatis.<br />
16 Ipse loquetur pro te ad populum et erit os tuum; tu autem eris ei ut Deus.<br />
17 Virgam quoque hanc sume in manu tua, in qua facturus es signa”.<br />
18 Abiit Moyses et reversus est ad Iethro socerum suum dixitque ei: “Vadam, quaeso, et<br />
revertar ad fratres meos in Aegyptum, ut videam, si adhuc vivant”. Cui ait Iethro: “Vade in<br />
pace”.<br />
19 Dixit ergo Dominus ad Moysen in Madian: “Vade, revertere in Aegyptum; mortui sunt<br />
enim omnes, qui quaerebant animam tuam”.<br />
20 Tulit Moyses uxorem suam et filios suos et imposuit eos super asinum; reversusque est in<br />
Aegyptum portans virgam Dei in manu sua.<br />
21 Dixitque ei Dominus revertenti in Aegyptum: “Vide, ut omnia ostenta, quae posui in manu<br />
tua, facias coram pharaone; ego indurabo cor eius, et non dimittet populum.<br />
22 Dicesque ad eum: Haec dicit Dominus: Filius meus primogenitus Israel.<br />
23 Dico tibi: Dimitte filium meum, ut serviat mihi; si autem non vis dimittere eum, ecce ego<br />
interficiam filium tuum primogenitum”.<br />
24 Cumque esset in itinere, in deversorio, occurrit ei Dominus et volebat occidere eum.<br />
25 Tulit ilico Sephora acutissimam petram et circumcidit praeputium filii sui; tetigitque pedes<br />
eius et ait: “Sponsus sanguinum tu mihi es”.<br />
26 Et dimisit eum, postquam dixerat: “Sponsus sanguinum”, ob circumcisionem.<br />
27 Dixit autem Dominus ad Aaron: “Vade in occursum Moysi in desertum”. Qui perrexit<br />
obviam ei in montem Dei et osculatus est eum.<br />
28 Narravitque Moyses Aaron omnia verba Domini, quibus miserat eum, et signa, quae<br />
mandaverat.<br />
29 Veneruntque simul et congregaverunt cunctos seniores filiorum Israel.<br />
30 Locutusque est Aaron omnia verba, quae dixerat Dominus ad Moysen, et fecit signa coram<br />
populo.<br />
31 Et credidit populus, audieruntque quod visitasset Dominus filios Israel et quod respexisset<br />
afflictionem eorum; et proni adoraverunt.<br />
5<br />
1 Post haec ingressi sunt Moyses et Aaron et dixerunt pharaoni: “Haec dicit Dominus, Deus<br />
Israel: Dimitte populum meum, ut sacrificet mihi in deserto”.<br />
2 At ille responclit: “Quis est Dominus, ut audiam vocem eius et dimittam Israel? Nescio<br />
Dominum et Israel non dimittam”.<br />
3 Dixeruntque: “Deus Hebraeorum occurrit nobis; eamus, quaeso, viam trium dierum in<br />
solitudinem et sacrificemus Domino Deo nostro, ne forte accidat nobis pestis aut gladius”.<br />
4 Ait ad eos rex Aegypti: “Quare, Moyses et Aaron, sollicitatis populum ab operibus suis? Ite<br />
ad onera vestra”.
82 PPEK / <strong>Nova</strong> <strong>Vulgata</strong><br />
5 Dixitque pharao: “Multus nimis iam est populus terrae; videtis quod turba succreverit;<br />
quanto magis si dederitis eis requiem ab operibus?”.<br />
6 Praecepit ergo in die illo exactoribus populi et praefectis eius dicens:<br />
7 “Nequaquam ultra dabitis paleas populo ad conficiendos lateres sicut prius, sed ipsi vadant<br />
et colligant stipulas.<br />
8 Et mensuram laterum, quam prius faciebant, imponetis super eos; nec minuetis quidquam.<br />
Vacant enim et idcirco vociferantur dicentes: "Eamus et sacrificemus Deo nostro".<br />
9 Opprimantur operibus et expleant ea, ut non acquiescant verbis mendacibus”.<br />
10 Igitur egressi exactores populi et praefecti eius dixerunt ad populum: “Sic dicit pharao:<br />
"Non do vobis paleas.<br />
11 Ite et colligite, sicubi invenire poteritis, nec minuetur quid quam de opere vestro"”.<br />
12 Dispersusque est populus per omnem terram Aegypti ad colligendas paleas.<br />
13 Exactores quoque instabant dicentes: “Complete opus vestrum cotidie, ut prius facere<br />
solebatis, quando dabantur vobis paleae”.<br />
14 Flagellatique sunt praefecti filiorum Israel, quos constituerant super eos exactores<br />
pharaonis dicentes: “Quare non implestis mensuram laterum sicut prius, nec heri nec hodie?”.<br />
15 Veneruntque praefecti filiorum Israel et vociferati sunt ad pharaonem dicentes: “Cur ita<br />
agis contra servos tuos?<br />
16 Paleae non dantur nobis, et lateres similiter imperantur; en famuli tui flagellis caedimur, et<br />
populus tuus est in culpa”.<br />
17 Qui ait: “Vacatis otio et idcirco dicitis: "Eamus et sacrificemus Domino".<br />
18 Ite ergo et operamini; paleae non dabuntur vobis, et reddetis consuetum numerum<br />
laterum”.<br />
19 Videbantque se praefecti filiorum Israel in malo, eo quod diceretur eis: “Non minuetur<br />
quidquam de lateribus per singulos dies”;<br />
20 occurreruntque Moysi et Aaron, qui stabant ex adverso egredientibus a pharaone,<br />
21 et dixerunt ad eos: “Videat Dominus et iudicet, quoniam foetere fecistis odorem nostrum<br />
coram pharaone et servis eius; et praebuistis ei gladium, ut occideret nos”.<br />
22 Reversusque est Moyses ad Dominum et ait: “Domine, cur afflixisti populum istum?<br />
Quare misisti me?<br />
23 Ex eo enim quo ingressus sum ad pharaonem, ut loquerer in nomine tuo, afflixit populum<br />
tuum; et non liberasti eos”.<br />
6<br />
1 Dixitque Dominus ad Moysen: “Nunc videbis quae facturus sim pharaoni; per manum enim<br />
fortem dimittet eos et in manu robusta eiciet illos de terra sua”.<br />
2 Locutusque est Dominus ad Moysen dicens: “Ego Dominus,<br />
3 qui apparui Abraham, Isaac et Iacob ut Deus omnipotens; et nomen meum Dominum non<br />
indicavi eis.<br />
4 Pepigique cum eis foedus, ut darem illis terram Chanaan, terram peregrinationis eorum, in<br />
qua fuerunt advenae.<br />
5 Ego audivi gemitum filiorum Israel, quia Aegyptii oppresserunt eos, et recordatus sum pacti<br />
mei.<br />
6 Ideo dic filiis Israel: Ego Dominus, qui educam vos de ergastulo Aegyptiorum; et eruam de<br />
servitute ac redimam in brachio excelso et iudiciis magnis.<br />
7 Et assumam vos mihi in populum et ero vester Deus; et scietis quod ego sum Dominus<br />
Deus vester, qui eduxerim vos de ergastulo Aegyptiorum<br />
8 et induxerim in terram, super quam levavi manum meam, ut darem eam Abraham, Isaac et<br />
Iacob; daboque illam vobis possidendam, ego Dominus”.
PPEK / <strong>Nova</strong> <strong>Vulgata</strong> 83<br />
9 Narravit ergo Moyses omnia filiis Israel; qui non acquieverunt ei propter angustiam spiritus<br />
et opus durissimum.<br />
10 Locutusque est Dominus ad Moysen dicens:<br />
11 “Ingredere et loquere ad pharaonem regem Aegypti, ut dimittat filios Israel de terra sua”.<br />
12 Respondit Moyses coram Domino: “Ecce, filii Israel non audiunt me, et quomodo audiet<br />
me pharao, praesertim cum incircumcisus sim labiis?”.<br />
13 Locutusque est Dominus ad Moysen et Aaron et dedit mandatum ad filios Israel et ad<br />
pharaonem regem Aegypti, ut educerent filios Israel de terra Aegypti.<br />
14 Isti sunt principes domorum per familias suas.<br />
Filii Ruben primogeniti Israelis: Henoch et Phallu, Hesron et Charmi; hae cognationes<br />
Ruben.<br />
15 Filii Simeon: Iamuel et Iamin et Ahod et Iachin et Sohar er Saul filius Chananitidis; hae<br />
progenies Simeon.<br />
16 Et haec nomina filiorum Levi per cognationes suas: Gerson et Caath et Merari; anni autem<br />
vitae Levi fuerunt centum triginta septem.<br />
17 Filii Gerson: Lobni et Semei per cognationes suas.<br />
18 Filii Caath: Amram et Isaar et Hebron et Oziel; anni quoque vitae Caath centum triginta<br />
tres.<br />
19 Filii Merari: Moholi et Musi; hae cognationes Levi per familias suas.<br />
20 Accepit autem Amram uxorem Iochabed amitam suam, quae peperit ei Aaron et Moysen;<br />
fueruntque anni vitae Amram centum triginta septem.<br />
21 Filii quoque Isaar: Core et Napheg et Zechri.<br />
22 Filii quoque Oziel: Misael et Elisaphan et Sethri.<br />
23 Accepit autem Aaron uxorem Elisabeth filiam Aminadab sororem Naasson, quae peperit<br />
ei Nadab et Abiu et Eleazar et Ithamar.<br />
24 Filii quoque Core: Asir et Elcana et Abiasaph; hae sunt cognationes Coritarum.<br />
25 At vero Eleazar filius Aaron accepit uxorem de filiabus Phutiel, quae peperit ei Phinees; hi<br />
sunt principes familiarum Leviticarum per cognationes suas.<br />
26 Iste est Aaron et Moyses, quibus praecepit Dominus, ut educerent filios Israel de terra<br />
Aegypti per turmas suas.<br />
27 Hi sunt qui loquuntur ad pharaonem regem Aegypti, ut educant filios Israel de Aegypto;<br />
iste est Moyses et Aaron<br />
28 in die, qua locutus est Dominus ad Moysen in terra Aegypti.<br />
29 Et locutus est Dominus ad Moysen dicens: “Ego Dominus; loquere ad pharaonem regem<br />
Aegypti omnia, quae ego loquor tibi”.<br />
30 Et ait Moyses coram Domino: “En incircumcisus labiis sum. Quomodo audiet me<br />
pharao?”.<br />
7<br />
1 Dixitque Dominus ad Moysen: “Ecce constitui te deum pha raonis, et Aaron frater tuus erit<br />
propheta tuus.<br />
2 Tu loqueris omnia, quae mando tibi; et ille loquetur ad pharaonem, ut dimittat filios Israel<br />
de terra sua.<br />
3 Sed ego indurabo cor eius et multiplicabo signa et ostenta mea in terra Aegypti.<br />
4 Et non audiet vos; immittamque manum meam super Aegyptum et educam exercitum et<br />
populum meum, filios Israel, de terra Aegypti per iudicia maxima.<br />
5 Et scient Aegyptii quia ego sum Dominus, qui extenderim manum meam super Aegyptum<br />
et eduxerim filios Israel de medio eorum”.<br />
6 Fecit itaque Moyses et Aaron, sicut praeceperat Dominus; ita egerunt.
84 PPEK / <strong>Nova</strong> <strong>Vulgata</strong><br />
7 Erat autem Moyses octoginta annorum, et Aaron octoginta trium, quando locuti sunt ad<br />
pharaonem.<br />
8 Dixitque Dominus ad Moysen et Aaron:<br />
9 “Cum dixerit vobis pharao: "Ostendite signum", dices ad Aaron: Tolle virgam tuam et<br />
proice eam coram pharaone, ac vertetur in colubrum”.<br />
10 Ingressi itaque Moyses et Aaron ad pharaonem fecerunt, sicut praeceperat Dominus;<br />
proiecitque Aaron virgam coram pharaone et servis eius, quae versa est in colubrum.<br />
11 Vocavit autem pharao sapientes et maleficos, et fecerunt etiam ipsi magi Aegypti per<br />
incantationes suas similiter.<br />
12 Proieceruntque singuli virgas suas, quae versae sunt in colubros; sed devoravit virga<br />
Aaron virgas eorum.<br />
13 Induratumque est cor pharaonis, et non audivit eos, sicut dixerat Dominus.<br />
14 Dixit autem Dominus ad Moysen: “Ingravatum est cor pharaonis: non vult dimittere<br />
populum.<br />
15 Vade ad eum mane. Ecce egredietur ad aquas; et stabis in occursum eius super ripam<br />
fluminis. Et virgam, quae conversa est in serpentem, tolles in manu tua<br />
16 dicesque ad eum: Dominus, Deus Hebraeorum, misit me ad te dicens: Dimitte populum<br />
meum, ut sacrificet mihi in deserto; et usque ad praesens audire noluisti.<br />
17 Haec igitur dicit Dominus: In hoc scies quod sim Dominus: ecce percutiam virga, quae in<br />
manu mea est, aquam fluminis; et vertetur in sanguinem.<br />
18 Pisces quoque, qui sunt in fluvio, morientur, et computrescent aquae, et taedebit<br />
Aegyptios bibere aquam fluminis”.<br />
19 Dixit quoque Dominus ad Moysen: “Dic ad Aaron: Tolle virgam tuam et extende manum<br />
tuam super aquas Aegypti, super fluvios eorum et rivos ac paludes et omnes lacus aquarum,<br />
ut vertantur in sanguinem; et sit cruor in omni terra Aegypti, tam in ligneis vasis quam in<br />
saxeis”.<br />
20 Feceruntque ita Moyses et Aaron, sicut praeceperat Dominus. Et elevans virgam percussit<br />
aquam fluminis coram pharaone et servis eius; quae versa est in sanguinem.<br />
21 Et pisces, qui erant in flumine, mortui sunt, computruitque fluvius, et non poterant<br />
Aegyptii bibere aquam fluminis; et fuit sanguis in tota terra Aegypti.<br />
22 Feceruntque similiter malefici Aegyptiorum incantationibus suis; et induratum est cor<br />
pharaonis, nec audivit eos, sicut dixerat Dominus.<br />
23 Avertitque se et ingressus est domum suam nec ad hoc apposuit cor suum.<br />
24 Foderunt autem omnes Aegyptii per circuitum fluminis aquam, ut biberent; non enim<br />
poterant bibere de aqua fluminis.<br />
25 Impletique sunt septem dies, postquam percussit Dominus fluvium.<br />
26 Dixit quoque Dominus ad Moysen: “Ingredere ad pharaonem et dices ad eum: Haec dicit<br />
Dominus: Dimitte populum meum, ut sacrificet mihi.<br />
27 Sin autem nolueris dimittere, ecce ego percutiam omnes terminos tuos ranis.<br />
28 Et ebulliet fluvius ranas, quae ascendent et ingredientur domum tuam et cubiculum lectuli<br />
tui et super stratum tuum et in domos servorum tuorum et in populum tuum et in furnos tuos<br />
et in pistrina tua;<br />
29 et ad te et ad populum tuum et ad omnes servos tuos intrabunt ranae”.<br />
8<br />
1 Dixitque Dominus ad Moysen: “Dic ad Aaron: Extende ma num tuam cum baculo tuo super<br />
fluvios, super rivos ac paludes et educ ranas super terram Aegypti”.<br />
2 Et extendit Aaron manum super aquas Aegypti, et ascenderunt ranae operueruntque terram<br />
Aegypti.
PPEK / <strong>Nova</strong> <strong>Vulgata</strong> 85<br />
3 Fecerunt autem et malefici per incantationes suas similiter eduxeruntque ranas super terram<br />
Aegypti.<br />
4 Vocavit autem pharao Moysen et Aaron et dixit: “Orate Dominum, ut auferat ranas a me et<br />
a populo meo, et dimittam populum, ut sacrificet Domino”.<br />
5 Dixitque Moyses ad pharaonem: “Constitue mihi, quando deprecer pro te et pro servis et<br />
pro populo tuo, ut abigantur ranae a te et a domo tua et tantum in flumine remaneant”.<br />
6 Qui respondit: “Cras”. At ille: “Iuxta verbum, inquit, tuum faciam, ut scias quoniam non est<br />
sicut Dominus Deus noster.<br />
7 Et recedent ranae a te et a domo tua et a servis tuis et a populo tuo; tantum in flumine<br />
remanebunt”.<br />
8 Egressique sunt Moyses et Aaron a pharaone; et clamavit Moyses ad Dominum pro<br />
sponsione ranarum, quam condixerat pharaoni.<br />
9 Fecitque Dominus iuxta verbum Moysi, et mortuae sunt ranae de domibus et de villis et de<br />
agris;<br />
10 congregaveruntque eas in immensos aggeres, et computruit terra.<br />
11 Videns autem pharao quod data esset requies, ingravavit cor suum et non audivit eos, sicut<br />
dixerat Dominus.<br />
12 Dixitque Dominus ad Moysen: “Loquere ad Aaron: Extende virgam tuam et percute<br />
pulverem terrae, et sint scinifes in universa terra Aegypti”.<br />
13 Feceruntque ita; et extendit Aaron manum virgam tenens percussitque pulverem terrae. Et<br />
facti sunt scinifes in hominibus et in iumentis; omnis pulvis terrae versus est in scinifes per<br />
totam terram Aegypti.<br />
14 Feceruntque similiter malefici incantationibus suis, ut educerent scinifes; et non potuerunt.<br />
Erantque scinifes tam in hominibus quam in iumentis;<br />
15 et dixerunt malefici ad pharaonem: “Digitus Dei est hic”. Induratumque est cor pharaonis<br />
et non audivit eos, sicut praeceperat Dominus.<br />
16 Dixit quoque Dominus ad Moysen: “Consurge diluculo et sta coram pharaone. Egredietur<br />
enim ad aquas, et dices ad eum: Haec dicit Dominus: Dimitte populum meum, ut sacrificet<br />
mihi.<br />
17 Quod si non dimiseris eum, ecce ego immittam in te et in servos tuos et in populum tuum<br />
et in domos tuas omne genus muscarum; et implebuntur domus Aegyptiorum muscis et etiam<br />
humus, in qua fuerint.<br />
18 Et segregabo in die illa terram Gessen, in qua populus meus est, ut non sint ibi muscae, et<br />
scias quoniam ego Dominus in medio terrae;<br />
19 ponamque divi sionem inter populum meum et populum tuum; cras erit signum istud”.<br />
20 Fecitque Dominus ita; et venit musca gravissima in domos pharaonis et servorum eius et<br />
in omnem terram Aegypti, corruptaque est terra ab huiuscemodi muscis.<br />
21 Vocavitque pharao Moysen et Aaron et ait eis: “Ite, sacrificate Deo vestro in terra”.<br />
22 Et ait Moyses: “Non potest ita fieri: abominationes enim Aegyptiorum immolabimus<br />
Domino Deo nostro; quod si mactaverimus ea, quae colunt Aegyptii, coram eis, lapidibus nos<br />
obruent.<br />
23 Viam trium dierum pergemus in solitudinem et sacrificabimus Domino Deo nostro, sicut<br />
praecepit nobis”.<br />
24 Dixitque pharao: “Ego dimittam vos, ut sacrificetis Domino Deo vestro in deserto,<br />
verumtamen longius ne abeatis; rogate pro me”.<br />
25 Et ait Moyses: “Egressus a te, orabo Dominum, et recedet musca a pharaone et a servis<br />
suis et a populo eius cras; verumtamen noli ultra fallere, ut non dimittas populum sacrificare<br />
Domino”.<br />
26 Egressusque Moyses a pharaone oravit Dominum;
86 PPEK / <strong>Nova</strong> <strong>Vulgata</strong><br />
27 qui fecit iuxta verbum illius et abstulit muscas a pharaone et a servis suis et a populo eius;<br />
non superfuit ne una quidem.<br />
28 Et ingravatum est cor pharaonis, ita ut ne hac quidem vice dimitteret populum.<br />
9<br />
1 Dixit autem Dominus ad Moysen: “Ingredere ad pharaonem et loquere ad eum: Haec dicit<br />
Dominus, Deus Hebraeorum: Dimitte populum meum, ut sacrificet mihi.<br />
2 Quod si adhuc renuis et retines eos,<br />
3 ecce manus Domini erit super possessionem tuam in agris, super equos et asinos et camelos<br />
et boves et oves, pestis valde gravis;<br />
4 et distinguet Dominus inter possessiones Israel et possessiones Aegyptiorum, ut nihil<br />
omnino pereat ex his, quae pertinent ad filios Israel.<br />
5 Constituitque Dominus tempus dicens: Cras faciet Dominus verbum istud in terra”.<br />
6 Fecit ergo Dominus verbum hoc altera die, mortuaque sunt omnia animantia Aegyptiorum;<br />
de animalibus vero filiorum Israel nihil omnino periit.<br />
7 Et misit pharao ad videndum; nec erat quidquam mortuum de his, quae possidebat Israel.<br />
Ingravatumque est cor pharaonis, et non dimisit populum.<br />
8 Et dixit Dominus ad Moysen et Aaron: “Tollite plenas manus cineris de camino, et spargat<br />
illum Moyses in caelum coram pharaone;<br />
9 sitque pulvis super omnem terram Aegypti; erunt enim in hominibus et iumentis ulcera et<br />
vesicae turgentes in universa terra Aegypti”.<br />
10 Tuleruntque cinerem de camino et steterunt coram pharaone, et sparsit illum Moyses in<br />
caelum; factaque sunt ulcera vesicarum turgentium in hominibus et iumentis.<br />
11 Nec poterant malefici stare coram Moyse propter ulcera, quae in illis erant et in omni terra<br />
Aegypti.<br />
12 Induravitque Dominus cor pharaonis, et non audivit eos, sicut locutus est Dominus ad<br />
Moysen.<br />
13 Dixitque Dominus ad Moysen: “Mane consurge et sta coram pharaone et dices ad eum:<br />
Haec dicit Dominus, Deus Hebraeorum: Dimitte populum meum, ut sacrificet mihi;<br />
14 quia in hac vice mittam omnes plagas meas super cor tuum et super servos tuos et super<br />
populum tuum, ut scias quod non sit similis mei in omni terra.<br />
15 Nunc enim extendens manum si percussissem te et populum tuum peste, perisses de terra.<br />
16 Idcirco autem servavi te, ut ostendam in te fortitudinem meam, et narretur nomen meum in<br />
omni terra.<br />
17 Adhuc retines populum meum et non vis dimittere eum?<br />
18 En pluam cras, hac ipsa hora, grandinem multam nimis, qualis non fuit in Aegypto a die,<br />
qua fundata est, usque in praesens tempus.<br />
19 Mitte ergo iam nunc et congrega iumenta tua et omnia, quae habes in agro; homines enim<br />
et iumenta universa, quae inventa fuerint foris nec congregata de agris, cadet super ea grando,<br />
et morientur”.<br />
20 Qui timuit verbum Domini de servis pharaonis, fecit confugere servos suos et iumenta in<br />
domos;<br />
21 qui autem neglexit sermonem Domini, dimisit servos suos et iumenta in agris.<br />
22 Et dixit Dominus ad Moysen: “Extende manum tuam in caelum, ut fiat grando in universa<br />
terra Aegypti super homines et super iumenta et super omnem herbam agri in terra Aegypti”.<br />
23 Extenditque Moyses virgam in caelum, et Dominus dedit tonitrua et grandinem ac<br />
discurrentia fulgura super terram; pluitque Dominus grandinem super terram Aegypti.<br />
24 Et grando et ignis immixta pariter ferebantur; tantaeque fuit magnitudinis, quanta ante<br />
numquam apparuit in universa terra Aegypti, ex quo gens illa condita est.
PPEK / <strong>Nova</strong> <strong>Vulgata</strong> 87<br />
25 Et percussit grando in omni terra Aegypti cuncta, quae fuerunt in agris, ab homine usque<br />
ad iumentum; cunctamque herbam agri percussit grando et omne lignum regionis confregit.<br />
26 Tantum in terra Gessen, ubi erant filii Israel, grando non cecidit.<br />
27 Misitque pharao et vocavit Moysen et Aaron dicens ad eos: “Nunc peccavi; Dominus<br />
iustus, ego et populus meus rei.<br />
28 Orate Dominum, ut desinant tonitrua Dei et grando, et dimittam vos, et nequaquam hic<br />
ultra manebitis”.<br />
29 Ait Moyses: “Cum egressus fuero de urbe, extendam palmas meas ad Dominum; et<br />
cessabunt tonitrua, et grando non erit, ut scias quia Domini est terra.<br />
30 Novi autem quod et tu et servi tui necdum timeatis Dominum Deum”.<br />
31 Linum ergo et hordeum laesum est, eo quod hordeum iam spicas et linum iam folliculos<br />
germinaret;<br />
32 triticum autem et far non sunt laesa, quia serotina erant.<br />
33 Egressusque Moyses a pharaone ex urbe tetendit manus ad Dominum; et cessaverunt<br />
tonitrua et grando, nec ultra effundebatur pluvia super terram.<br />
34 Videns autem pharao quod cessasset pluvia et grando et tonitrua, auxit peccatum;<br />
35 et ingravatum est cor eius et servorum illius et induratum nimis; nec dimisit filios Israel,<br />
sicut dixerat Dominus per manum Moysi.<br />
10<br />
1 Et dixit Dominus ad Moy sen: “Ingredere ad pharao nem: ego enim induravi cor eius et<br />
servorum illius, ut faciam signa mea haec in medio eorum, 2 et narres in auribus filii tui et<br />
nepotum tuorum, quotiens contriverim Aegyptios et signa mea fecerim in eis; et sciatis quia<br />
ego Dominus”.<br />
3 Introierunt ergo Moyses et Aaron ad pharaonem et dixerunt ei: “Haec dicit Dominus, Deus<br />
Hebraeorum: Usquequo non vis subici mihi? Dimitte populum meum, ut sacrificet mihi.<br />
4 Sin autem resistis et non vis dimittere eum, ecce ego inducam cras locustam in fines tuos,<br />
5 quae operiat superficiem terrae, ne quidquam eius appareat, sed comedatur, quod residuum<br />
fuerit grandini; corrodet enim omnia ligna, quae germinant in agris.<br />
6 Et implebunt domos tuas et servorum tuorum et omnium Aegyptiorum, quantam non<br />
viderunt patres tui et avi, ex quo orti sunt super terram usque in praesentem diem”.<br />
Avertitque se et egressus est a pharaone.<br />
7 Dixerunt autem servi pharaonis ad eum: “Usquequo patiemur hoc scandalum? Dimitte<br />
homines, ut sacrificent Domino Deo suo; nonne vides quod perierit Aegyptus?”. 8<br />
Revocaveruntque Moysen et Aaron ad pharaonem, qui dixit eis: “Ite, sacrificate Domino Deo<br />
vestro. Quinam sunt qui ituri sunt?”. 9 Ait Moyses: “Cum parvulis nostris et senioribus<br />
pergemus, cum filiis et filiabus, cum ovibus et armentis; est enim sollemnitas Domini nobis”.<br />
10 Et respondit eis: “Sic Dominus sit vobiscum, quomodo ego dimittam vos et parvulos<br />
vestros. Cui dubium est quod pessime cogitetis? 11 Non fiet ita, sed ite tantum viri et<br />
sacrificate Domino; hoc enim et ipsi petistis”. Statimque eiecti sunt de conspectu pharaonis.<br />
12 Dixit autem Dominus ad Moysen: “Extende manum tuam super terram Aegypti, ut veniat<br />
locusta et ascendat super eam et devoret omnem herbam, quidquid residuum fuerit grandini”.<br />
13 Et extendit Moyses virgam super terram Aegypti, et Dominus induxit ventum urentem tota<br />
die illa et nocte. Et mane facto, ventus urens levavit locustas;<br />
14 quae ascenderunt super universam terram Aegypti et sederunt in cunctis finibus<br />
Aegyptiorum innumerabiles, quales ante illud tempus non fuerant nec postea futurae sunt.<br />
15 Operueruntque universam superficiem terrae, et obscurata est terra. Devoraverunt igitur<br />
omnem herbam terrae et, quidquid pomorum in arboribus fuit, quae grando dimiserat;<br />
nihilque omnino virens relictum est in lignis et in herbis terrae in cuncta Aegypto.
88 PPEK / <strong>Nova</strong> <strong>Vulgata</strong><br />
16 Quam ob rem festinus pharao vocavit Moysen et Aaron et dixit eis: “Peccavi in Dominum<br />
Deum vestrum et in vos.<br />
17 Sed nunc dimittite peccatum mihi tantum hac vice et rogate Dominum Deum vestrum, ut<br />
auferat a me saltem mortem istam”.<br />
18 Egressusque Moyses de conspectu pharaonis oravit Dominum,<br />
19 qui flare fecit ventum ab occidente vehementissimum et arreptam locustam proiecit in<br />
mare Rubrum; non remansit ne una quidem in cunctis finibus Aegypti.<br />
20 Et induravit Dominus cor pharaonis, nec dimisit filios Israel.<br />
21 Dixit autem Dominus ad Moysen: “Extende manum tuam in caelum, et sint tenebrae super<br />
terram Aegypti tam densae ut palpari queant”.<br />
22 Extenditque Moyses manum in caelum, et factae sunt tenebrae horribiles in universa terra<br />
Aegypti tribus diebus.<br />
23 Nemo vidit fratrem suum nec movit se de loco, in quo erat. Ubicumque autem habitabant<br />
filii Israel, lux erat.<br />
24 Vocavitque pharao Moysen et Aaron et dixit eis: “Ite, sacrificate Domino; oves tantum<br />
vestrae et armenta remaneant, parvuli vestri eant vobiscum”.<br />
25 Ait Moyses: “Etiamsi tu hostias et holocausta dares nobis, quae offeramus Domino Deo<br />
nostro,<br />
26 tamen et greges nostri pergent nobiscum; non remanebit ex eis ungula, quoniam ex ipsis<br />
sumemus, quae necessaria sunt in cultum Domini Dei nostri; praesertim cum ignoremus quid<br />
debeat immolari, donec ad ipsum locum perveniamus”.<br />
27 Induravit autem Dominus cor pharaonis, et noluit dimittere eos.<br />
28 Dixitque pharao ad eum: “Recede a me. Cave, ne ultra videas faciem meam; quocumque<br />
die apparueris mihi, morieris”.<br />
29 Respondit Moyses: “Ita fiet, ut locutus es; non videbo ultra faciem tuam”.<br />
11<br />
1 Et dixit Dominus ad Moy sen: “Adhuc una plaga tan gam pharaonem et Aegyptum, et post<br />
haec dimittet vos utique, immo et exire compellet.<br />
2 Dices ergo omni plebi, ut postulet vir ab amico suo et mulier a vicina sua vasa argentea et<br />
aurea;<br />
3 dabit autem Dominus gratiam populo coram Aegyptiis”. Fuitque Moyses vir magnus valde<br />
in terra Aegypti coram servis pharaonis et omni populo.<br />
4 Et ait Moyses: “Haec dicit Dominus: Media nocte egrediar in Aegyptum;<br />
5 et morietur omne primogenitum in terra Aegyptiorum, a primogenito pharaonis, qui sedet in<br />
solio eius, usque ad primogenitum ancillae, quae est ad molam, et omnia primogenita<br />
iumentorum.<br />
6 Eritque clamor magnus in universa terra Aegypti, qualis nec ante fuit nec postea futurus est.<br />
7 Apud omnes autem filios Israel non mutiet canis contra hominem et pecus, ut sciatis quanto<br />
miraculo dividat Dominus Aegyptios et Israel.<br />
8 Descendentque omnes servi tui isti ad me et adorabunt me dicentes: "Egredere tu et omnis<br />
populus, qui sequitur te". Post haec egrediar”. Et exivit a pharaone iratus nimis.<br />
9 Dixit autem Dominus ad Moysen: “Non audiet vos pharao, ut multa signa fiant in terra<br />
Aegypti”.<br />
10 Moyses autem et Aaron fecerunt omnia ostenta haec coram pharaone; et induravit<br />
Dominus cor pharaonis, nec dimisit filios Israel de terra sua.<br />
12<br />
1 Dixit Dominus ad Moysen et Aaron in terra Aegypti:
PPEK / <strong>Nova</strong> <strong>Vulgata</strong> 89<br />
2 “Mensis iste vobis principium mensium, primus erit in mensibus anni.<br />
3 Loquimini ad universum coetum filiorum Israel et dicite eis: Decima die mensis huius tollat<br />
unusquisque agnum per familias et domos suas.<br />
4 Sin autem minor est numerus, ut sufficere possit ad vescendum agnum, assumet vicinum<br />
suum, qui iunctus est domui suae, iuxta numerum animarum, quae sufficere possunt ad esum<br />
agni.<br />
5 Erit autem vobis agnus absque macula, masculus, anniculus; quem de agnis vel haedis<br />
tolletis<br />
6 et servabitis eum usque ad quartam decimam diem mensis huius; immolabitque eum<br />
universa congregatio filiorum Israel ad vesperam.<br />
7 Et sument de sanguine eius ac ponent super utrumque postem et in superliminaribus<br />
domorum, in quibus comedent illum;<br />
8 et edent carnes nocte illa assas igni et azymos panes cum lactucis amaris.<br />
9 Non comedetis ex eo crudum quid nec coctum aqua, sed tantum assum igni; caput cum<br />
pedibus eius et intestinis vorabitis.<br />
10 Nec remanebit quidquam ex eo usque mane; si quid residuum fuerit, igne comburetis.<br />
11 Sic autem comedetis illum: renes vestros accingetis, calceamenta habebitis in pedibus,<br />
tenentes baculos in manibus, et comedetis festinanter; est enim Pascha (id est Transitus)<br />
Domini!<br />
12 Et transibo per terram Aegypti nocte illa percutiamque omne primogenitum in terra<br />
Aegypti ab homine usque ad pecus; et in cunctis diis Aegypti faciam iudicia, ego Dominus.<br />
13 Erit autem sanguis vobis in signum in aedibus, in quibus eritis; et videbo sanguinem et<br />
transibo vos, nec erit in vobis plaga disperdens, quando percussero terram Aegypti.<br />
14 Habebitis autem hanc diem in monumentum et celebrabitis eam sollemnem Domino in<br />
generationibus vestris cultu sempiterno.<br />
15 Septem diebus azyma comedetis. Iam in die primo non erit fermentum in domibus vestris;<br />
quicumque comederit fermentatum, a primo die usque ad diem septimum, peribit anima illa<br />
de Israel.<br />
16 Dies prima erit sancta atque sollemnis, et dies septima eadem festivitate venerabilis. Nihil<br />
operis facietis in eis, exceptis his, quae ad vescendum pertinent.<br />
17 Et observabitis azyma, in eadem enim ipsa die eduxi exercitum vestrum de terra Aegypti;<br />
et custodietis diem istum in generationes vestras ritu perpetuo.<br />
18 Primo mense, quarta decima die mensis ad vesperam comedetis azyma; usque ad diem<br />
vicesimam primam eiusdem mensis ad vesperam.<br />
19 Septem diebus fermentum non invenietur in domibus vestris. Qui comederit fermentatum,<br />
peribit anima eius de coetu Israel, tam de advenis quam de indigenis terrae.<br />
20 Omne fermentatum non comedetis; in cunctis habitaculis vestris edetis azyma”.<br />
21 Vocavit autem Moyses omnes seniores filiorum Israel et dixit ad eos: “Ite tollentes animal<br />
per familias vestras et immolate Pascha.<br />
22 Fasciculumque hyssopi tingite in sanguine, qui est in pelvi, et aspergite ex eo<br />
superliminare et utrumque postem. Nullus vestrum egrediatur ostium domus suae usque<br />
mane.<br />
23 Transibit enim Dominus percutiens Aegyptios; cumque viderit sanguinem in superliminari<br />
et in utroque poste, transcendet ostium et non sinet percussorem ingredi domos vestras et<br />
laedere.<br />
24 Custodite verbum istud legitimum tibi et filiis tuis usque in aeternum.<br />
25 Cumque introieritis terram, quam Dominus daturus est vobis, ut pollicitus est, observabitis<br />
caeremonias istas;<br />
26 et, cum dixerint vobis filii vestri: "Quae est ista religio?",
90 PPEK / <strong>Nova</strong> <strong>Vulgata</strong><br />
27 dicetis eis: "Victima Paschae Domino est, quando transivit super domos filiorum Israel in<br />
Aegypto percutiens Aegyptios et domos nostras liberans"”. Incurvatusque populus adoravit;<br />
28 et egressi filii Israel fecerunt, sicut praeceperat Dominus Moysi et Aaron.<br />
29 Factum est autem in noctis medio, percussit Dominus omne primogenitum in terra<br />
Aegypti, a primogenito pharaonis, qui in solio eius sedebat, usque ad primogenitum captivi,<br />
qui erat in carcere, et omne primogenitum iumentorum.<br />
30 Surrexitque pharao nocte et omnes servi eius cunctaque Aegyptus, et ortus est clamor<br />
magnus in Aegypto, neque enim erat domus, in qua non iaceret mortuus.<br />
31 Vocatisque pharao Moyse et Aaron nocte, ait: “Surgite, egredimini a populo meo, vos et<br />
filii Israel; ite, immolate Domino, sicut dicitis.<br />
32 Oves vestras et armenta assumite, ut petieratis, et abeuntes benedicite mihi”.<br />
33 Urgebantque Aegyptii populum de terra exire velociter dicentes: “Omnes moriemur”.<br />
34 Tulit igitur populus conspersam farinam, antequam fermentaretur; et ligans pistrina in<br />
palliis suis posuit super umeros suos.<br />
35 Feceruntque filii Israel, sicut praeceperat Moyses, et petierunt ab Aegyptiis vasa argentea<br />
et aurea vestemque plurimam.<br />
36 Dominus autem dedit gratiam populo coram Aegyptiis, ut commodarent eis; et<br />
spoliaverunt Aegyptios.<br />
37 Profectique sunt filii Israel de Ramesse in Succoth, sescenta fere milia peditum virorum<br />
absque parvulis.<br />
38 Sed et vulgus promiscuum innumerabile ascendit cum eis, oves et armenta, animantia<br />
multa nimis.<br />
39 Coxeruntque farinam, quam dudum de Aegypto conspersam tulerant, et fecerunt<br />
subcinericios panes azymos; neque enim poterant fermentari, cogentibus exire Aegyptiis et<br />
nullam facere sinentibus moram; nec pulmenti quidquam occurrerant praeparare.<br />
40 Habitatio autem filiorum Israel, qua manserant in Aegypto, fuit quadringentorum triginta<br />
annorum.<br />
41 Quibus expletis, eadem die egressus est omnis exercitus Domini de terra Aegypti.<br />
42 Nox ista vigiliarum Domino, quando eduxit eos de terra Aegypti: hanc observare debent<br />
Domino omnes filii Israel in generationibus suis.<br />
43 Dixitque Dominus ad Moysen et Aaron: “Haec est religio Paschae: Omnis alienigena non<br />
comedet ex eo;<br />
44 omnis autem servus empticius circumcidetur et sic comedet;<br />
45 advena et mercennarius non edent ex eo.<br />
46 In una domo comedetur, nec efferetis de carnibus eius foras nec os illius confringetis.<br />
47 Omnis coetus filiorum Israel faciet illud.<br />
48 Quod si quis peregrinorum in vestram voluerit transire coloniam et facere Pascha Domini,<br />
circumcidetur prius omne masculinum eius, et tunc rite celebrabit eritque sicut indigena<br />
terrae; si quis autem circumcisus non fuerit, non vescetur ex eo.<br />
49 Eadem lex erit indigenae et colono, qui peregrinatur apud vos”.<br />
50 Feceruntque omnes filii Israel, sicut praeceperat Dominus Moysi et Aaron;<br />
51 et in eadem die eduxit Dominus filios Israel de terra Aegypti per turmas suas.<br />
13<br />
1 Locutusque est Dominus ad Moysen dicens:<br />
2 “Sanctifica mihi omne primogenitum, quod aperit vulvam in filiis Israel, tam de hominibus<br />
quam de iumentis: mea sunt enim omnia”.<br />
3 Et ait Moyses ad populum: “Mementote diei huius, in qua egressi estis de Aegypto et de<br />
domo servitutis, quoniam in manu forti eduxit vos Dominus de loco isto, ut non comedatis<br />
fermentatum panem.
PPEK / <strong>Nova</strong> <strong>Vulgata</strong> 91<br />
4 Hodie egredimini, mense Abib (id est novarum Frugum).<br />
5 Cumque introduxerit te Dominus in terram Chananaei et Hetthaei et Amorraei et Hevaei et<br />
Iebusaei, quam iuravit patribus tuis, ut daret tibi, terram fluentem lacte et melle; celebrabis<br />
hunc morem sacrorum mense isto.<br />
6 Septem diebus vesceris azymis, et in die septimo erit sollemnitas Domini.<br />
7 Azyma comedetis septem diebus: non apparebit apud te aliquid fermentatum nec in cunctis<br />
finibus tuis.<br />
8 Narrabisque filio tuo in die illo dicens: "Propter hoc, quod fecit mihi Dominus, quando<br />
egressus sum de Aegypto".<br />
9 Et erit quasi signum in manu tua et quasi monumentum inter oculos tuos, ut lex Domini<br />
semper sit in ore tuo; in manu enim forti eduxit te Dominus de Aegypto.<br />
10 Custodies huiuscemodi cultum statuto tempore a diebus in dies.<br />
11 Cumque introduxerit te Dominus in terram Chananaei, sicut iuravit tibi et patribus tuis, et<br />
dederit tibi eam,<br />
12 separabis omne, quod aperit vulvam, Domino et quod primitivum est in pecoribus tuis;<br />
quidquid habueris masculini sexus, consecrabis Domino.<br />
13 Primogenitum asini mutabis ove; quod, si non redemeris, interficies. Omne autem<br />
primogenitum hominis de filiis tuis pretio redimes.<br />
14 Cumque interrogaverit te filius tuus cras dicens: "Quid est hoc?", respondebis ei: "In manu<br />
forti eduxit nos Dominus de Aegypto, de domo servitutis.<br />
15 Nam, cum induratus esset pharao et nollet nos dimittere, occidit Dominus omne<br />
primogenitum in terra Aegypti, a primogenito hominis usque ad primogenitum iumentorum;<br />
idcirco immolo Domino omne, quod aperit vulvam, masculini sexus, et omnia primogenita<br />
filiorum meorum redimo".<br />
16 Erit igitur quasi signum in manu tua et quasi appensum quid ob recordationem inter oculos<br />
tuos, eo quod in manu forti eduxit nos Dominus de Aegypto”.<br />
17 Igitur cum emisisset pharao populum, non eos duxit Deus per viam terrae Philisthim, quae<br />
vicina est, reputans ne forte paeniteret populum, si vidisset adversum se bella consurgere, et<br />
reverteretur in Aegyptum,<br />
18 sed circumduxit per viam deserti, quae est iuxta mare Rubrum. Et armati ascenderunt filii<br />
Israel de terra Aegypti.<br />
19 Tulit quoque Moyses ossa Ioseph secum, eo quod adiurasset filios Israel dicens: “Visitabit<br />
vos Deus; efferte ossa mea hinc vobiscum”.<br />
20 Profectique de Succoth castrametati sunt in Etham, in extremis finibus solitudinis.<br />
21 Dominus autem praecedebat eos ad ostendendam viam per diem in columna nubis et per<br />
noctem in columna ignis, ut dux esset itineris utroque tempore.<br />
22 Nunquam defuit columna nubis per diem, nec columna ignis per noctem, coram populo.<br />
14<br />
1 Locutus est autem Dominus ad Moysen dicens:<br />
2 “Lo quere filiis Israel: Reversi castrametentur e regione Phihahiroth, quae est inter<br />
Magdolum et mare contra Beelsephon; in conspectu eius castra ponetis super mare.<br />
3 Dicturusque est pharao super filiis Israel: "Errant in terra, conclusit eos desertum".<br />
4 Et indurabo cor eius, ac persequetur eos, et glorificabor in pharaone et in omni exercitu<br />
eius; scientque Aegyptii quia ego sum Dominus”. Feceruntque ita.<br />
5 Et nuntiatum est regi Aegyptiorum quod fugisset populus; immutatumque est cor pharaonis<br />
et servorum eius super populo, et dixerunt: “Quid hoc fecimus, ut dimitteremus Israel, ne<br />
servirent nobis?”.<br />
6 Iunxit ergo currum et omnem populum suum assumpsit secum;
92 PPEK / <strong>Nova</strong> <strong>Vulgata</strong><br />
7 tulitque sescentos currus electos et quidquid in Aegypto curruum fuit et bellatores in<br />
singulis curribus.<br />
8 Induravitque Dominus cor pharaonis regis Aegypti, et persecutus est filios Israel; at illi<br />
egressi erant in manu excelsa.<br />
9 Cumque persequerentur Aegyptii vestigia praecedentium, reppererunt eos in castris super<br />
mare; omnes equi et currus pharaonis, equites et exercitus eius erant in Phihahiroth contra<br />
Beelsephon.<br />
10 Cumque appropinquasset pharao, levantes filii Israel oculos viderunt Aegyptios post se et<br />
timuerunt valde clamaveruntque ad Dominum<br />
11 et dixerunt ad Moysen: “Forsitan non erant sepulcra in Aegypto? Ideo tulisti nos, ut<br />
moreremur in solitudine. Quid hoc fecisti, ut educeres nos ex Aegypto?<br />
12 Nonne iste est sermo, quem loquebamur ad te in Aegypto dicentes: Recede a nobis, ut<br />
serviamus Aegyptiis? Multo enim melius erat servire eis quam mori in solitudine”.<br />
13 Et ait Moyses ad populum: “Nolite timere; state et videte salutem Domini, quam facturus<br />
est vobis hodie; Aegyptios enim, quos nunc videtis, nequaquam ultra videbitis usque in<br />
sempiternum.<br />
14 Dominus pugnabit pro vobis, et vos silebitis”.<br />
15 Dixitque Dominus ad Moysen: “Quid clamas ad me? Loquere filiis Israel, ut<br />
proficiscantur.<br />
16 Tu autem eleva virgam tuam et extende manum tuam super mare et divide illud, ut<br />
gradiantur filii Israel in medio mari per siccum.<br />
17 Ego autem indurabo cor Aegyptiorum, ut persequantur eos; et glorificabor in pharaone et<br />
in omni exercitu eius, in curribus et in equitibus illius.<br />
18 Et scient Aegyptii quia ego sum Dominus, cum glorificatus fuero in pharaone, in curribus<br />
atque in equitibus eius”.<br />
19 Tollensque se angelus Dei, qui praecedebat castra Israel, abiit post eos; et cum eo pariter<br />
columna nubis, priora dimittens, post tergum.<br />
20 Stetit inter castra Aegyptiorum et castra Israel; et erat nubes tenebrosa et illuminans<br />
noctem, ita ut ad se invicem toto noctis tempore accedere non valerent.<br />
21 Cumque extendisset Moyses manum super mare, reppulit illud Dominus, flante vento<br />
vehementi et urente tota nocte, et vertit in siccum; divisaque est aqua.<br />
22 Et ingressi sunt filii Israel per medium maris sicci; erat enim aqua quasi murus a dextra<br />
eorum et laeva.<br />
23 Persequentesque Aegyptii ingressi sunt post eos, omnis equitatus pharaonis, currus eius et<br />
equites per medium maris.<br />
24 Iamque advenerat vigilia matutina, et ecce respiciens Dominus super castra Aegyptiorum<br />
per columnam ignis et nubis perturbavit exercitum eorum;<br />
25 et impedivit rotas curruum, ita ut difficile moverentur. Dixerunt ergo Aegyptii: “Fugiamus<br />
Israelem! Dominus enim pugnat pro eis contra nos”.<br />
26 Et ait Dominus ad Moysen: “Extende manum tuam super mare, ut revertantur aquae ad<br />
Aegyptios super currus et equites eorum”.<br />
27 Cumque extendisset Moyses manum contra mare, reversum est primo diluculo ad priorem<br />
locum; fugientibusque Aegyptiis occurrerunt aquae, et involvit eos Dominus in mediis<br />
fluctibus.<br />
28 Reversaeque sunt aquae et operuerunt currus et equites cuncti exercitus pharaonis, qui<br />
sequentes ingressi fuerant mare; ne unus quidem superfuit ex eis.<br />
29 Filii autem Israel perrexerunt per medium sicci maris, et aquae eis erant quasi pro muro a<br />
dextris et a sinistris.<br />
30 Liberavitque Dominus in die illo Israel de manu Aegyptiorum. Et viderunt Aegyptios<br />
mortuos super litus maris
PPEK / <strong>Nova</strong> <strong>Vulgata</strong> 93<br />
31 et manum magnam, quam exercuerat Dominus contra eos; timuitque populus Dominum et<br />
crediderunt Domino et Moysi servo eius.<br />
15<br />
1 Tunc cecinit Moyses et filii Israel carmen hoc Domino, et dixerunt:<br />
“Cantemus Domino,<br />
gloriose enim magnificatus est:<br />
equum et ascensorem eius<br />
deiecit in mare!<br />
2 Fortitudo mea et robur meum Dominus,<br />
et factus est mihi in salutem.<br />
Iste Deus meus,<br />
et glorificabo eum;<br />
Deus patris mei,<br />
et exaltabo eum!<br />
3 Dominus quasi vir pugnator;<br />
Dominus nomen eius!<br />
4 Currus pharaonis et exercitum eius<br />
proiecit in mare;<br />
electi bellatores eius<br />
submersi sunt in mari Rubro.<br />
5 Abyssi operuerunt eos,<br />
descenderunt in profundum quasi lapis.<br />
6 Dextera tua, Domine,<br />
magnifice in fortitudine,<br />
dextera tua, Domine,<br />
percussit inimicum.<br />
7 Et in multitudine gloriae tuae<br />
deposuisti adversarios tuos;<br />
misisti iram tuam,<br />
quae devoravit eos sicut stipulam.<br />
8 Et in spiritu furoris tui<br />
congregatae sunt aquae;<br />
stetit ut agger<br />
unda fluens,<br />
coagulatae sunt abyssi<br />
in medio mari.<br />
9 Dixit inimicus:<br />
"Persequar, comprehendam,<br />
dividam spolia,<br />
implebitur anima mea;<br />
evaginabo gladium meum,<br />
interficiet eos manus mea!".<br />
10 Flavit spiritus tuus,<br />
et operuit eos mare;<br />
submersi sunt quasi plumbum<br />
in aquis vehementibus.<br />
11 Quis similis tui<br />
in diis, Domine?<br />
Quis similis tui,
94 PPEK / <strong>Nova</strong> <strong>Vulgata</strong><br />
magnificus in sanctitate,<br />
terribilis atque laudabilis,<br />
faciens mirabilia?<br />
12 Extendisti manum tuam,<br />
devoravit eos terra.<br />
13 Dux fuisti in misericordia tua<br />
populo, quem redemisti,<br />
et portasti eum in fortitudine tua<br />
ad habitaculum sanctum tuum.<br />
14 Attenderunt populi et commoti sunt,<br />
dolores obtinuerunt habitatores Philisthaeae.<br />
15 Tunc conturbati sunt principes Edom,<br />
potentes Moab obtinuit tremor,<br />
obriguerunt omnes habitatores Chanaan.<br />
16 Irruit super eos<br />
formido et pavor;<br />
in magnitudine brachii tui<br />
fiunt immobiles quasi lapis,<br />
donec pertranseat populus tuus, Domine,<br />
donec pertranseat populus tuus iste,<br />
quem possedisti.<br />
17 Introduces eos et plantabis<br />
in monte hereditatis tuae,<br />
firmissimo habitaculo tuo,<br />
quod operatus es, Domine,<br />
sanctuario, Domine,<br />
quod firmaverunt manus tuae.<br />
18 Dominus regnabit<br />
in aeternum et ultra!”.<br />
19 Ingressi sunt enim equi pharaonis cum curribus et equitibus eius in mare, et reduxit super<br />
eos Dominus aquas maris; filii autem Israel ambu laverunt per siccum in medio eius.<br />
20 Sumpsit ergo Maria prophetissa soror Aaron tympanum in manu sua; egressaeque sunt<br />
omnes mulieres post eam cum tympanis et choris,<br />
21 quibus praecinebat dicens:<br />
“Cantemus Domino,<br />
gloriose enim magnificatus est:<br />
equum et ascensorem eius<br />
deiecit in mare!”.<br />
22 Tulit autem Moyses Israel de mari Rubro, et egressi sunt in desertum Sur;<br />
ambulaveruntque tribus diebus per solitudinem et non inveniebant aquam.<br />
23 Et venerunt in Mara nec poterant bibere aquas de Mara, eo quod essent amarae; unde<br />
vocatum est nomen eius Mara (id est Amaritudo).<br />
24 Et murmuravit populus contra Moysen dicens: “Quid bibemus?”.<br />
25 At ille clamavit ad Dominum, qui ostendit ei lignum; quod cum misisset in aquas, in<br />
dulcedinem versae sunt. Ibi constituit ei praecepta atque iudicia et ibi tentavit eum<br />
26 dicens: “Si audieris vocem Domini Dei tui et, quod rectum est coram eo, feceris et<br />
oboedieris mandatis eius custodierisque omnia praecepta illius, cunctum languorem, quem<br />
posui in Aegypto, non inducam super te: Ego enim Dominus sanator tuus”.<br />
27 Venerunt autem in Elim, ubi erant duodecim fontes aquarum et septuaginta palmae; et<br />
castrametati sunt iuxta aquas.
PPEK / <strong>Nova</strong> <strong>Vulgata</strong> 95<br />
16<br />
1 Profectique sunt de Elim, et venit omnis congregatio filio rum Israel in desertum Sin, quod<br />
est inter Elim et Sinai, quinto decimo die mensis secundi postquam egressi sunt de terra<br />
Aegypti.<br />
2 Et murmuravit omnis congregatio filiorum Israel contra Moysen et Aaron in solitudine,<br />
3 dixeruntque filii Israel ad eos: “Utinam mortui essemus per manum Domini in terra<br />
Aegypti, quando sedebamus super ollas carnium et comedebamus panem in saturitate. Cur<br />
eduxistis nos in desertum istud, ut occideretis omnem coetum fame?”.<br />
4 Dixit autem Dominus ad Moysen: “Ecce ego pluam vobis panes de caelo; egrediatur<br />
populus et colligat, quae sufficiunt per singulos dies, ut tentem eum, utrum ambulet in lege<br />
mea an non.<br />
5 Die autem sexta parabunt quod intulerint, et duplum erit quam colligere solebant per<br />
singulos dies”.<br />
6 Dixeruntque Moyses et Aaron ad omnes filios Israel:<br />
“Vespere scietis<br />
quod Dominus eduxerit vos<br />
de terra Aegypti;<br />
7 et mane videbitis<br />
gloriam Domini.<br />
Audivit enim murmur vestrum contra Dominum. Nos vero quid sumus, quia mussitatis contra<br />
nos?”.<br />
8 Et ait Moyses:<br />
“Dabit Dominus vobis<br />
vespere carnes edere<br />
et mane panes in saturitate,<br />
eo quod audierit murmurationes vestras, quibus murmurati estis contra eum. Nos enim quid<br />
sumus? Nec contra nos est murmur vestrum, sed contra Dominum”.<br />
9 Dixitque Moyses ad Aaron: “Dic universae congregationi filiorum Israel: Accedite coram<br />
Domino; audivit enim murmur ve strum”.<br />
10 Cumque loqueretur Aaron ad omnem coetum filiorum Israel, respexerunt ad solitudinem,<br />
et ecce gloria Domini apparuit in nube.<br />
11 Locutus est autem Dominus ad Moysen dicens:<br />
12 “Audivi murmurationes filiorum Israel. Loquere ad eos: Vespere comedetis carnes et<br />
mane saturabimini panibus scietisque quod ego sum Dominus Deus vester”.<br />
13 Factum est ergo vespere, et ascendens coturnix operuit castra; mane quoque ros iacuit per<br />
circuitum castrorum.<br />
14 Cumque operuisset superficiem deserti, apparuit minutum et squamatum in similitudinem<br />
pruinae super terram.<br />
15 Quod cum vidissent filii Israel, dixerunt ad invicem: “Manhu?” (quod significat: “Quid est<br />
hoc?”). Ignorabant enim quid esset. Quibus ait Moyses: “Iste est panis, quem dedit Dominus<br />
vobis ad vescendum.<br />
16 Hic est sermo, quem praecepit Dominus: "Colligat ex eo unusquisque quantum sufficiat ad<br />
vescendum; gomor per singula capita iuxta numerum animarum vestrarum, quae habitant in<br />
tabernaculo, sic tolletis"”.<br />
17 Feceruntque ita filii Israel; et collegerunt alius plus, alius minus.<br />
18 Et mensi sunt ad mensuram gomor; nec qui plus collegerat, habuit amplius, nec qui minus<br />
paraverat, repperit minus, sed singuli, iuxta id quod edere poterant, congregaverunt.<br />
19 Dixitque Moyses ad eos: “Nullus relinquat ex eo in mane”.
96 PPEK / <strong>Nova</strong> <strong>Vulgata</strong><br />
20 Qui non audierunt eum, sed dimiserunt quidam ex eis usque mane, et scatere coepit<br />
vermibus atque computruit; et iratus est contra eos Moyses.<br />
21 Colligebant autem mane singuli, quantum sufficere poterat ad vescendum; cumque<br />
incaluisset sol, liquefiebat.<br />
22 In die autem sexta collegerunt cibos duplices, id est duo gomor per singulos homines.<br />
Venerunt autem omnes principes congregationis et narraverunt Moysi.<br />
23 Qui ait eis: “Hoc est quod locutus est Dominus: Requies, sabbatum sanctum Domino cras;<br />
quodcumque torrendum est, torrete et, quae coquenda sunt, coquite; quidquid autem reliquum<br />
fuerit, reponite usque in mane”.<br />
24 Feceruntque ita, ut praeceperat Moyses, et non computruit, neque vermis inventus est in<br />
eo.<br />
25 Dixitque Moyses: “Comedite illud hodie, quia sabbatum est Domino; non invenietur hodie<br />
in agro.<br />
26 Sex diebus colligite; in die autem septimo sabbatum est Domino, idcirco non invenietur in<br />
eo”.<br />
27 Venitque septima dies; et egressi de populo, ut colligerent, non invenerunt.<br />
28 Dixit autem Dominus ad Moysen: “Usquequo non vultis custodire mandata mea et legem<br />
meam?<br />
29 Videte quod Dominus dederit vobis sabbatum et propter hoc die sexta tribuit vobis cibos<br />
duplices; maneat unusquisque apud semetipsum, nullus egrediatur de loco suo die septimo”.<br />
30 Et sabbatizavit populus die septimo.<br />
31 Appellavitque domus Israel nomen eius Man: quod erat quasi semen coriandri album,<br />
gustusque eius quasi similae cum melle.<br />
32 Dixit autem Moyses: “Iste est sermo, quem praecepit Dominus: "Imple gomor ex eo, et<br />
custodiatur in generationes vestras, ut noverint panem, quo alui vos in solitudine, quando<br />
educti estis de terra Aegypti"”.<br />
33 Dixitque Moyses ad Aaron: “Sume vas unum et mitte ibi man, quantum potest capere<br />
gomor; et repone coram Domino ad servandum in generationes vestras”.<br />
34 Sicut praecepit Dominus Moysi, posuit illud Aaron coram testimonio reservandum.<br />
35 Filii autem Israel comederunt man quadraginta annis, donec venirent in terram<br />
habitabilem; hoc cibo aliti sunt, usquequo tangerent fines terrae Chanaan.<br />
36 Gomor autem decima pars est ephi.<br />
17<br />
1 Igitur profecta omnis congregatio filiorum Israel de deserto Sin per mansiones suas iuxta<br />
sermonem Domini, castrametati sunt in Raphidim, ubi non erat aqua ad bibendum populo.<br />
2 Qui iurgatus contra Moysen ait: “Da nobis aquam, ut bibamus”. Quibus respondit Moyses:<br />
“Quid iurgamini contra me? Cur tentatis Dominum?”.<br />
3 Sitivit ergo ibi populus prae aquae penuria et murmuravit contra Moysen dicens: “Cur<br />
fecisti nos exire de Aegypto, ut occideres nos et liberos nostros ac iumenta siti?”.<br />
4 Clamavit autem Moyses ad Dominum dicens: “Quid faciam populo huic? Adhuc paululum<br />
et lapidabunt me”.<br />
5 Et ait Dominus ad Moysen: “Antecede populum et sume tecum de senioribus Israel, et<br />
virgam, qua percussisti fluvium, tolle in manu tua et vade.<br />
6 En ego stabo coram te ibi super petram Horeb; percutiesque petram, et exibit ex ea aqua, ut<br />
bibat populus”. Fecit Moyses ita coram senioribus Israel.<br />
7 Et vocavit nomen loci illius Massa et Meriba, propter iurgium filiorum Israel et quia<br />
tentaverunt Dominum dicentes: “Estne Dominus in nobis an non?”.<br />
8 Venit autem Amalec et pugnabat contra Israel in Raphidim.
PPEK / <strong>Nova</strong> <strong>Vulgata</strong> 97<br />
9 Dixitque Moyses ad Iosue: “Elige nobis viros et egressus pugna contra Amalec; cras ego<br />
stabo in vertice collis habens virgam Dei in manu mea”.<br />
10 Fecit Iosue, ut locutus erat ei Moyses, et pugnavit contra Amalec; Moyses autem et Aaron<br />
et Hur ascenderunt super verticem collis.<br />
11 Cumque levaret Moyses manus, vincebat Israel; sin autem remisisset, superabat Amalec.<br />
12 Manus autem Moysi erant graves; sumentes igitur lapidem posuerunt subter eum, in quo<br />
sedit; Aaron autem et Hur sustentabant manus eius ex utraque parte. Et factum est ut manus<br />
eius non lassarentur usque ad occasum solis.<br />
13 Vicitque Iosue Amalec et populum eius in ore gladii.<br />
14 Dixit autem Dominus ad Moysen: “Scribe hoc ob monumentum in libro et trade auribus<br />
Iosue; delebo enim memoriam Amalec sub caelo”.<br />
15 Aedificavitque Moyses altare et vocavit nomen eius Dominus Nissi (Dominus vexillum<br />
meum)<br />
16 dicens:<br />
“Quia manus contra solium Domini:<br />
bellum Domino erit contra Amalec a generatione in generationem”.<br />
18<br />
1 Cumque audisset Iethro sacerdos Madian socer Moysi omnia, quae fecerat Deus Moysi et<br />
Israel populo suo, eo quod eduxisset Dominus Israel de Aegypto,<br />
2 tulit Sephoram uxorem Moysi, quam remiserat,<br />
3 et duos filios eius, quorum unus vocabatur Gersam, dicente patre: “Advena fui in terra<br />
aliena”,<br />
4 alter vero Eliezer: “Deus enim, ait, patris mei adiutor meus, et eruit me de gladio<br />
pharaonis”.<br />
5 Venit ergo Iethro socer Moysi et filii eius et uxor eius ad Moysen in desertum, ubi erat<br />
castrametatus iuxta montem Dei;<br />
6 et mandavit Moysi dicens: “Ego socer tuus Iethro venio ad te et uxor tua et duo filii tui cum<br />
ea”.<br />
7 Qui egressus in occursum soceri sui adoravit et osculatus est eum, salutaveruntque se<br />
mutuo verbis pacificis. Cumque intrasset tabernaculum,<br />
8 narravit Moyses socero suo cuncta, quae fecerat Dominus pharaoni et Aegyptiis propter<br />
Israel, universumque laborem, qui accidisset eis in itinere, et quod liberaverat eos Dominus.<br />
9 Laetatusque est Iethro super omnibus bonis, quae fecerat Dominus Israel, eo quod eruisset<br />
eum de manu Aegyptiorum,<br />
10 et ait: “Benedictus Dominus, qui liberavit vos de manu Aegyptiorum et de manu<br />
pharaonis.<br />
11 Nunc cognovi quia magnus Dominus super omnes deos, eo quod eruerit populum de manu<br />
Aegyptiorum, qui superbe egerunt contra illos”.<br />
12 Obtulit ergo Iethro socer Moysi holocausta et hostias Deo; veneruntque Aaron et omnes<br />
seniores Israel, ut comederent panem cum eo coram Deo.<br />
13 Altero autem die sedit Moyses, ut iudicaret populum, qui assistebat Moysi de mane usque<br />
ad vesperam.<br />
14 Quod cum vidisset socer eius, omnia scilicet, quae agebat in populo, ait: “Quid est hoc,<br />
quod facis in plebe? Cur solus sedes, et omnis populus praestolatur de mane usque ad<br />
vesperam?”.<br />
15 Cui respondit Moyses: “Venit ad me populus quaerens sententiam Dei.<br />
16 Cumque acciderit eis aliqua disceptatio, veniunt ad me, ut iudicem inter eos et ostendam<br />
praecepta Dei et leges eius”.<br />
17 At ille: “Non bonam, inquit, rem facis.
98 PPEK / <strong>Nova</strong> <strong>Vulgata</strong><br />
18 Consumeris et tu et populus iste, qui tecum est. Ultra vires tuas est negotium; solus illud<br />
non poteris sustinere.<br />
19 Sed audi verba mea atque consilia, et erit Deus tecum: Esto tu populo in his, quae ad<br />
Deum pertinent, ut referas causas ad Deum<br />
20 ostendasque populo praecepta et leges viamque, per quam ingredi debeant, et opus, quod<br />
facere debeant.<br />
21 Provide autem de omni plebe viros strenuos et timentes Deum, in quibus sit veritas, et qui<br />
oderint avaritiam, et constitue ex eis tribunos et centuriones et quinquagenarios et decanos,<br />
22 qui iudicent populum omni tempore. Quidquid autem maius fuerit, referant ad te, et ipsi<br />
minora tantummodo iudicent; leviusque sit tibi, partito cum aliis onere.<br />
23 Si hoc feceris, implebis imperium Dei et praecepta eius poteris sustentare, et omnis hic<br />
populus revertetur ad loca sua cum pace”.<br />
24 Quibus auditis, Moyses fecit omnia, quae ille suggesserat;<br />
25 et, electis viris strenuis de cuncto Israel, constituit eos principes populi, tribunos et<br />
centuriones et quinquagenarios et decanos,<br />
26 qui iudicabant plebem omni tempore. Quidquid autem gravius erat, referebant ad eum,<br />
faciliora tantummodo iudicantes.<br />
27 Dimisitque socerum suum, qui reversus abiit in terram suam.<br />
19<br />
1 Mense tertio egressionis Israel de terra Aegypti, in die hac venerunt in solitudinem Sinai.<br />
2 Nam profecti de Raphidim et pervenientes usque in desertum Sinai, castrametati sunt in<br />
eodem loco,ibique Israel fixit tentoria e regione montis.<br />
3 Moyses autem ascendit ad Deum, vocavitque eum Dominus de monte et ait:<br />
“Haec dices domui Iacob<br />
et annuntiabis filiis Israel:<br />
4 Vos ipsi vidistis, quae fecerim Aegyptiis,<br />
quomodo portaverim vos super alas aquilarum<br />
et adduxerim ad me.<br />
5 Si ergo audieritis vocem meam<br />
et custodieritis pactum meum,<br />
eritis mihi in peculium de cunctis populis;<br />
mea est enim omnis terra.<br />
6 Et vos eritis mihi regnum sacerdotum<br />
et gens sancta.<br />
Haec sunt verba, quae loqueris ad filios Israel”.<br />
7 Venit Moyses et, convocatis maioribus natu populi, exposuit omnes sermones, quos<br />
mandaverat Dominus.<br />
8 Responditque universus populus simul: “Cuncta, quae locutus est Dominus, faciemus”.<br />
Cumque rettulisset Moyses verba populi ad Dominum,<br />
9 ait ei Dominus: “Ecce ego veniam ad te in caligine nubis, ut audiat me populus loquentem<br />
ad te et tibi quoque credat in perpetuum”.<br />
Nuntiavit ergo Moyses verba populi ad Dominum,<br />
10 qui dixit ei: “Vade ad populum et sanctifica illos hodie et cras; laventque vestimenta sua<br />
11 et sint parati in diem tertium. In die enim tertio descendet Dominus coram omni plebe<br />
super montem Sinai.<br />
12 Constituesque terminos populo per circuitum et dices: Cavete, ne ascendatis in montem<br />
nec tangatis fines illius; omnis, qui tetigerit montem, morte morietur.<br />
13 Manus non tanget eum, sed lapidibus opprimetur aut confodietur iaculis; sive iumentum<br />
fuerit, sive homo, non vivet. Cum coeperit clangere bucina, tunc ascendant in montem”.
PPEK / <strong>Nova</strong> <strong>Vulgata</strong> 99<br />
14 Descenditque Moyses de monte ad populum et sanctificavit eum; cumque lavissent<br />
vestimenta sua,<br />
15 ait ad eos: “Estote parati in diem tertium; ne appropinquetis uxoribus vestris”.<br />
16 Iamque advenerat tertius dies, et mane inclaruerat; et ecce coeperunt audiri tonitrua ac<br />
micare fulgura et nubes densissima operire montem, clangorque bucinae vehementius<br />
perstrepebat; et timuit populus, qui erat in castris.<br />
17 Cumque eduxisset eos Moyses in occursum Dei de loco castrorum, steterunt ad radices<br />
montis.<br />
18 Totus autem mons Sinai fumabat, eo quod descendisset Dominus super eum in igne, et<br />
ascenderet fumus ex eo quasi de fornace. Et tremuit omnis mons vehementer.<br />
19 Et sonitus bucinae paulatim crescebat in maius; Moyses loquebatur, et Deus respondebat<br />
ei cum voce.<br />
20 Descenditque Dominus super montem Sinai in ipso montis vertice et vocavit Moysen in<br />
cacumen eius. Quo cum ascendisset,<br />
21 dixit ad eum: “Descende et contestare populum, ne velit transcendere terminos ad<br />
videndum Dominum, et pereat ex eis plurima multitudo.<br />
22 Sacerdotes quoque, qui accedunt ad Dominum, sanctificentur, ne percutiat eos”.<br />
23 Dixitque Moyses ad Dominum: “Non poterit vulgus ascendere in montem Sinai, tu enim<br />
testificatus es et iussisti dicens: "Pone terminos circa montem et sanctifica illum"”.<br />
24 Cui ait Dominus: “Vade, descende; ascendesque tu et Aaron tecum, sacerdotes autem et<br />
populus ne transeant terminos nec ascendant ad Dominum, ne interficiat illos”.<br />
25 Descenditque Moyses ad populum et omnia narravit eis.<br />
20<br />
1 Locutusque est Deus cunctos sermones hos:<br />
2 “Ego sum Dominus Deus tuus, qui eduxi te de terra Aegypti, de domo servitutis.<br />
3 Non habebis deos alienos coram me.<br />
4 Non facies tibi sculptile neque omnem similitudinem eorum, quae sunt in caelo desuper et<br />
quae in terra deorsum et quae in aquis sub terra.<br />
5 Non adorabis ea neque coles, quia ego sum Dominus Deus tuus, Deus zelotes, visitans<br />
iniquitatem patrum in filiis in tertiam et quartam generationem eorum, qui oderunt me,<br />
6 et faciens misericordiam in milia his, qui diligunt me et custodiunt praecepta mea.<br />
7 Non assumes nomen Domini Dei tui in vanum, nec enim habebit insontem Dominus eum,<br />
qui assumpserit nomen Domini Dei sui frustra.<br />
8 Memento, ut diem sabbati sanctifices.<br />
9 Sex diebus operaberis et facies omnia opera tua;<br />
10 septimus autem dies sabbatum Domino Deo tuo est; non facies omne opus tu et filius tuus<br />
et filia tua, servus tuus et ancilla tua, iumentum tuum et advena, qui est intra portas tuas.<br />
11 Sex enim diebus fecit Dominus caelum et terram et mare et omnia, quae in eis sunt, et<br />
requievit in die septimo; idcirco benedixit Dominus diei sabbati et sanctificavit eum.<br />
12 Honora patrem tuum et matrem tuam, ut sis longaevus super terram, quam Dominus Deus<br />
tuus dabit tibi.<br />
13 Non occides.<br />
14 Non moechaberis.<br />
15 Non furtum facies.<br />
16 Non loqueris contra proximum tuum falsum testimonium.<br />
17 Non concupisces domum proximi tui: non desiderabis uxorem eius, non servum, non<br />
ancillam, non bovem, non asinum nec omnia, quae illius sunt”.<br />
18 Cunctus autem populus videbat voces et lampades et sonitum bucinae montemque<br />
fumantem; et perterriti ac pavore concussi steterunt procul
100 PPEK / <strong>Nova</strong> <strong>Vulgata</strong><br />
19 dicentes Moysi: “Loquere tu nobis, et audiemus; non loquatur nobis Deus, ne moriamur”.<br />
20 Et ait Moyses ad populum: “Nolite timere; ut enim probaret vos, venit Deus, et ut timor<br />
illius esset in vobis, ne peccaretis”.<br />
21 Stetitque populus de longe; Moyses autem accessit ad caliginem, in qua erat Deus.<br />
22 Dixit praeterea Dominus ad Moysen: “Haec dices filiis Israel: Vos vidistis quod de caelo<br />
locutus sim vobis.<br />
23 Non facietis praeter me deos argenteos nec deos aureos facietis vobis.<br />
24 Altare de terra facietis mihi et offeretis super eo holocausta et pacifica vestra, oves vestras<br />
et boves; in omni loco, in quo memoriam fecero nominis mei, veniam ad te et benedicam tibi.<br />
25 Quod si altare lapideum feceris mihi, non aedificabis illud de sectis lapidibus; si enim<br />
levaveris cultrum super eo, polluetur.<br />
26 Non ascendes per gradus ad altare meum, ne reveletur turpitudo tua.<br />
21<br />
1 Haec sunt iudicia, quae propones eis:<br />
2 Si emeris servum Hebraeum, sex annis serviet tibi; in septimo egredietur liber gratis.<br />
3 Si solus intraverit, solus exeat; si habens uxorem, et uxor egredietur simul.<br />
4 Sin autem dominus dederit illi uxorem, et pepererit filios et filias, mulier et liberi eius erunt<br />
domini sui; ipse vero exibit solus.<br />
5 Quod si dixerit servus: "Diligo dominum meum et uxorem ac liberos, non egrediar liber",<br />
6 afferet eum dominus ad Deum et applicabit eum ad ostium vel postes perforabitque aurem<br />
eius subula; et erit ei servus in saeculum.<br />
7 Si quis vendiderit filiam suam in famulam, non egredietur sicut servi exire consueverunt.<br />
8 Si displicuerit oculis domini sui, cui tradita fuerat, faciat eam redimi; populo autem alieno<br />
vendendi non habebit potestatem, quia fraudavit eam.<br />
9 Sin autem filio suo desponderit eam, iuxta morem filiarum faciet illi.<br />
10 Quod si alteram sibi acceperit, cibum et vestimentum et concubitum non negabit.<br />
11 Si tria ista non fecerit ei, egredietur gratis absque pretio.<br />
12 Qui percusserit hominem, et ille mortuus fuerit, morte moriatur.<br />
13 Qui autem non est insidiatus, sed Deus illum tradidit in manus eius, constituam tibi locum,<br />
in quem fugere debeat.<br />
14 Si quis de industria occiderit proximum suum et per insidias, ab altari meo evelles eum, ut<br />
moriatur.<br />
15 Qui percusserit patrem suum aut matrem, morte moriatur.<br />
16 Qui furatus fuerit hominem sive vendiderit eum sive inventus fuerit in manu eius, morte<br />
moriatur.<br />
17 Qui maledixerit patri suo vel matri, morte moriatur.<br />
18 Si rixati fuerint viri, et percusserit alter proximum suum lapide vel pugno, et ille mortuus<br />
non fuerit, sed iacuerit in lectulo,<br />
19 si surrexerit et ambulaverit foris super baculum suum, impunitus erit, qui percusserit, ita<br />
tamen, ut operas eius deperditas et impensas pro medela restituat.<br />
20 Qui percusserit servum suum vel ancillam virga, et mortui fuerint in manibus eius, ultioni<br />
subiacetur.<br />
21 Sin autem uno die vel duobus supervixerit, non subiacebit poenae, quia pecunia illius est.<br />
22 Si rixati fuerint viri, et percusserit quis mulierem praegnantem et abortivum quidem<br />
fecerit, sed aliud quid adversi non acciderit, subiacebit damno, quantum maritus mulieris<br />
expetierit, et arbitri iudicaverint.<br />
23 Sin autem quid adversi acciderit, reddet animam pro anima,<br />
24 oculum pro oculo, dentem pro dente, manum pro manu, pedem pro pede,<br />
25 adustionem pro adustione, vulnus pro vulnere, livorem pro livore.
PPEK / <strong>Nova</strong> <strong>Vulgata</strong> 101<br />
26 Si percusserit quispiam oculum servi sui aut ancillae et luscos eos fecerit, dimittet eos<br />
liberos pro oculo.<br />
27 Dentem quoque si excusserit servo vel ancillae suae, dimittet eos liberos pro dente.<br />
28 Si bos cornu percusserit virum aut mulierem, et mortui fuerint, lapidibus obruetur, et non<br />
comedentur carnes eius; dominus autem bovis innocens erit.<br />
29 Quod si bos cornupeta fuerit ab heri et nudiustertius, et contestati sunt dominum eius, nec<br />
recluserit eum, occideritque virum aut mulierem: et bos lapidibus obruetur, et dominum illius<br />
occident.<br />
30 Quod si pretium ei fuerit impositum, dabit pro anima sua, quidquid fuerit postulatus.<br />
31 Filium quoque vel filiam si cornu percusserit, simili sententiae subiacebit.<br />
32 Si servum vel ancillam invaserit, triginta siclos argenti dabit domino; bos vero lapidibus<br />
opprimetur.<br />
33 Si quis aperuerit cisternam vel foderit et non operuerit eam, cedideritque bos vel asinus in<br />
eam,<br />
34 dominus cisternae reddet pretium iumentorum; quod autem mortuum est, ipsius erit.<br />
35 Si bos alienus bovem alterius vulneraverit, et ille mortuus fuerit, vendent bovem vivum et<br />
divident pretium; cadaver autem mortui inter se dispertient.<br />
36 Sin autem notum erat quod bos cornupeta esset ab heri et nudiustertius, et non custodivit<br />
eum dominus suus, reddet bovem pro bove et cadaver integrum accipiet.<br />
37 Si quis furatus fuerit bovem aut ovem et occiderit vel vendiderit, quinque boves pro uno<br />
bove restituet et quattuor oves pro una ove.<br />
22<br />
1 Si effringens fur domum sive suffodiens fuerit inventus et, accepto vulnere, mortuus fuerit,<br />
percussor non erit reus sanguinis.<br />
2 Quod si orto sole hoc fecerit, erit reus sanguinis. Fur plene restituet. Si non habuerit, quod<br />
reddat, venumdabitur pro furto.<br />
3 Si inventum fuerit apud eum, quod furatus est, vivens sive bos sive asinus sive ovis,<br />
duplum restituet.<br />
4 Si quispiam depasci permiserit agrum vel vineam et dimiserit iumentum suum, ut<br />
depascatur agrum alienum, restituet plene ex agro suo secundum fruges eius; si autem totum<br />
agrum depastum fuerit, quidquid optimum habuerit in agro suo vel in vinea, restituet.<br />
5 Si egressus ignis invenerit spinas et comprehenderit acervos frugum sive stantes segetes<br />
sive agrum, reddet damnum, qui ignem succenderit.<br />
6 Si quis commendaverit amico pecuniam aut vasa in custodiam, et ab eo, qui susceperat,<br />
furto ablata fuerint, si invenitur fur, duplum reddet.<br />
7 Si latet fur, dominus domus applicabitur ad Deum et iurabit quod non extenderit manum in<br />
rem proximi sui.<br />
8 In omni causa fraudis tam de bove quam de asino et ove ac vestimento et, quidquid<br />
damnum inferre potest, si quis dixerit: “Hoc est!”, ad Deum utriusque causa perveniet, et,<br />
quem Deus condemnaverit, duplum restituet proximo suo.<br />
9 Si quis commendaverit proximo suo asinum, bovem, ovem vel omne iumentum ad<br />
custodiam, et mortuum fuerit aut fractum vel captum ab hostibus, nullusque hoc viderit,<br />
10 iusiurandum per Dominum erit in medio quod non extenderit manum ad rem proximi sui;<br />
suscipietque dominus iuramentum, et ille reddere non cogetur.<br />
11 Quod si furto ablatum fuerit, restituet damnum domino;<br />
12 si dilaceratum a bestia, deferat, quod occisum est, in testimonium et non restituet.<br />
13 Qui a proximo suo quidquam horum mutuo postulaverit, et fractum aut mortuum fuerit,<br />
domino non praesente, reddere compelletur.
102 PPEK / <strong>Nova</strong> <strong>Vulgata</strong><br />
14 Quod si impraesentiarum dominus fuerit, non restituet. Si mercennarius est, venit in<br />
mercedem operis sui.<br />
15 Si seduxerit quis virginem necdum desponsatam dormieritque cum ea, pretio acquiret eam<br />
sibi uxorem.<br />
16 Si pater virginis eam dare noluerit, appendet ei pecuniam iuxta pretium pro virginibus<br />
dandum.<br />
17 Maleficam non patieris vivere.<br />
18 Qui coierit cum iumento, morte moriatur.<br />
19 Qui immolat diis, occidetur, praeter Domino soli.<br />
20 Advenam non opprimes neque affliges eum; advenae enim et ipsi fuistis in terra Aegypti.<br />
21 Viduae et pupillo non nocebitis.<br />
22 Si laeseritis eos, vociferabuntur ad me, et ego audiam clamorem eorum;<br />
23 et indignabitur furor meus, percutiamque vos gladio, et erunt uxores vestrae viduae et filii<br />
vestri pupilli.<br />
24 Si pecuniam mutuam dederis in populo meo pauperi, qui habitat tecum, non eris ei quasi<br />
creditor; non imponetis ei usuram.<br />
25 Si pignus a proximo tuo acceperis pallium, ante solis occasum reddes ei;<br />
26 ipsum enim est solum, quo operitur, indumentum carnis eius, nec habet aliud, in quo<br />
dormiat; si clamaverit ad me, exaudiam eum, quia misericors sum.<br />
27 Deo non detrahes et principi populi tui non maledices.<br />
28 Abundantiam areae tuae et torcularis tui non tardabis reddere.<br />
Primogenitum filiorum tuorum dabis mihi.<br />
29 De bobus quoque et ovibus similiter facies: septem diebus sit cum matre sua, die octavo<br />
reddes illum mihi.<br />
30 Viri sancti eritis mihi; carnem animalis in agro dilacerati non comedetis, sed proicietis<br />
canibus.<br />
23<br />
1 Non suscipies famam falsam nec iunges manum tuam cum impio, ut dicas falsum<br />
testimonium.<br />
2 Non sequeris turbam ad faciendum malum; nec in iudicio plurimorum acquiesces<br />
sententiae, ut a vero devies.<br />
3 Pauperis quoque non misereberis in iudicio.<br />
4 Si occurreris bovi inimici tui aut asino erranti, reduc ad eum.<br />
5 Si videris asinum odientis te iacere sub onere suo, non pertransibis, sed sublevabis cum eo.<br />
6 Non pervertes iudicium pauperis in lite eius.<br />
7 Mendacium fugies. Insontem et iustum non occides, quia aversor impium.<br />
8 Nec accipies munera, quae excaecant etiam prudentes et subvertunt verba iustorum.<br />
9 Peregrinum non opprimes; scitis enim advenarum animas, quia et ipsi peregrini fuistis in<br />
terra Aegypti.<br />
10 Sex annis seminabis terram tuam et congregabis fruges eius.<br />
11 Anno autem septimo dimittes eam et requiescere facies, ut comedant pauperes populi tui;<br />
et quidquid reliquum fuerit, edant bestiae agri. Ita facies in vinea et in oliveto tuo.<br />
12 Sex diebus operaberis; septima die cessabis, ut requiescat bos et asinus tuus, et refrigeretur<br />
filius ancillae tuae et advena.<br />
13 Omnia, quae dixi vobis, custodite, et nomen externorum deorum non invocabitis, neque<br />
audietur ex ore tuo.<br />
14 Tribus vicibus per singulos annos mihi festa celebrabitis.<br />
15 Sollemnitatem Azymorum custodies: septem diebus comedes azyma, sicut praecepi tibi,<br />
tempore statuto mensis Abib, quando egressus es de Aegypto.
PPEK / <strong>Nova</strong> <strong>Vulgata</strong> 103<br />
Non apparebis in conspectu meo vacuus.<br />
16 Et sollemnitatem Messis primitivorum operis tui, quaecumque seminaveris in agro;<br />
sollemnitatem quoque Collectae in exitu anni, quando congregaveris omnes fruges tuas de<br />
agro.<br />
17 Ter in anno apparebit omne masculinum tuum coram Domino Deo.<br />
18 Non immolabis super fermento sanguinem victimae meae, nec remanebit adeps<br />
sollemnitatis meae usque mane.<br />
19 Primitias primarum frugum terrae tuae deferes in domum Domini Dei tui.<br />
Non coques haedum in lacte matris suae.<br />
20 Ecce ego mittam angelum, qui praecedat te et custodiat in via et introducat ad locum,<br />
quem paravi.<br />
21 Observa eum et audi vocem eius nec contemnendum putes; quia non dimittet, cum<br />
peccaveritis, quia est nomen meum in illo.<br />
22 Quod si audieris vocem eius et feceris omnia, quae loquor, inimicus ero inimicis tuis et<br />
affligam affligentes te.<br />
23 Praecedet enim te angelus meus et introducet te ad Amorraeum et Hetthaeum et<br />
Pherezaeum Chananaeumque et Hevaeum et Iebusaeum, quos ego conteram.<br />
24 Non adorabis deos eorum nec coles eos; non facies secundum opera eorum, sed destrues<br />
eos et confringes lapides eorum.<br />
25 Servietisque Domino Deo vestro, ut benedicam panibus tuis et aquis et auferam<br />
infirmitatem de medio tui.<br />
26 Non erit abortiens nec sterilis in terra tua; numerum dierum tuorum implebo.<br />
27 Terrorem meum mittam in praecursum tuum et perturbabo omnem populum, ad quem<br />
ingre dieris; cunctorumque inimicorum tuorum coram te terga vertam<br />
28 emittens crabrones prius, qui fugabunt Hevaeum et Chananaeum et Hetthaeum, antequam<br />
introeas.<br />
29 Non eiciam eos a facie tua anno uno, ne terra in solitudinem redigatur, et multiplicentur<br />
contra te bestiae agri.<br />
30 Paulatim expellam eos de conspectu tuo, donec augearis et possideas terram.<br />
31 Ponam autem terminos tuos a mari Rubro usque ad mare Palaestinorum et a deserto usque<br />
ad Fluvium. Tradam manibus vestris habitatores terrae et eiciam eos de conspectu vestro.<br />
32 Non inibis cum eis foedus nec cum diis eorum.<br />
33 Non habitent in terra tua, ne peccare te faciant in me, si servieris diis eorum; quod tibi<br />
certo erit in scandalum”.<br />
24<br />
1 Moysi quoque dixit: “Ascende ad Dominum, tu et Aa ron, Nadab et Abiu et septuaginta<br />
senes ex Israel, et adorabitis procul.<br />
2 Solusque Moyses ascendet ad Dominum, et illi non appropinquabunt, nec populus ascendet<br />
cum eo”.<br />
3 Venit ergo Moyses et narravit plebi omnia verba Domini atque iudicia; responditque omnis<br />
populus una voce: “Omnia verba Domini, quae locutus est, faciemus”.<br />
4 Scripsit autem Moyses universos sermones Domini; et mane consurgens aedificavit altare<br />
ad radices montis et duodecim lapides per duodecim tribus Israel.<br />
5 Misitque iuvenes de filiis Israel, et obtulerunt holocausta; immolaveruntque victimas<br />
pacificas Domino vitulos.<br />
6 Tulit itaque Moyses dimidiam partem sanguinis et misit in crateras; partem autem residuam<br />
respersit super altare.<br />
7 Assumensque volumen foederis legit, audiente populo, qui dixerunt: “Omnia, quae locutus<br />
est Dominus, faciemus et erimus oboedientes”.
104 PPEK / <strong>Nova</strong> <strong>Vulgata</strong><br />
8 Ille vero sumptum sanguinem respersit in populum et ait: “Hic est sanguis foederis, quod<br />
pepigit Dominus vobiscum super cunctis sermonibus his”.<br />
9 Ascenderuntque Moyses et Aaron, Nadab et Abiu et septuaginta de senioribus Israel.<br />
10 Et viderunt Deum Israel, et sub pedibus eius quasi opus lapidis sapphirini et quasi ipsum<br />
caelum, cum serenum est.<br />
11 Nec in electos filiorum Israel misit manum suam; videruntque Deum et comederunt ac<br />
biberunt.<br />
12 Dixit autem Dominus ad Moysen: “Ascende ad me in montem et esto ibi; daboque tibi<br />
tabulas lapideas et legem ac mandata, quae scripsi, ut doceas eos”.<br />
13 Surrexerunt Moyses et Iosue minister eius; ascendensque Moyses in montem Dei<br />
14 senioribus ait: “Exspectate hic, donec revertamur ad vos. Habetis Aaron et Hur vobiscum;<br />
si quid natum fuerit quaestionis, referetis ad eos”.<br />
15 Cumque ascendisset Moyses in montem, operuit nubes montem;<br />
16 et habitavit gloria Domini super Sinai tegens illum nube sex diebus; septimo autem die<br />
vocavit eum de medio caliginis.<br />
17 Erat autem species gloriae Domini quasi ignis ardens super verticem montis in conspectu<br />
filiorum Israel.<br />
18 Ingressusque Moyses medium nebulae ascendit in montem; et fuit ibi quadraginta diebus<br />
et quadraginta noctibus.<br />
25<br />
1 Locutusque est Dominus ad Moysen dicens:<br />
2 “Loquere filiis Israel, ut tollant mihi donaria; ab omni homine, qui offert ultroneus,<br />
accipietis ea.<br />
3 Haec sunt autem, quae accipere debetis: aurum et argentum et aes,<br />
4 hyacinthum et purpuram coccumque et byssum, pilos caprarum<br />
5 et pelles arietum rubricatas pellesque delphini et ligna acaciae,<br />
6 oleum ad luminaria concinnanda, aromata in unguentum et in thymiama boni odoris,<br />
7 lapides onychinos et gemmas ad ornandum ephod ac pectorale.<br />
8 Facientque mihi sanctuarium, et habitabo in medio eorum.<br />
9 Iuxta omnem similitudinem habitaculi, quam ostendam tibi, et omnium vasorum in cultum<br />
eius: sicque facietis illud.<br />
10 Arcam de lignis acaciae compingent; cuius longitudo habeat duos semis cubitos, latitudo<br />
cubitum et dimidium, altitudo cubitum similiter ac semissem.<br />
11 Et deaurabis eam auro mundissimo intus et foris; faciesque supra coronam auream per<br />
circuitum<br />
12 et conflabis ei quattuor circulos aureos, quos pones in quattuor arcae pedibus: duo circuli<br />
sint in latere uno et duo in altero.<br />
13 Facies quoque vectes de lignis acaciae et operies eos auro;<br />
14 inducesque per circulos, qui sunt in arcae lateribus, ut portetur in eis;<br />
15 qui semper erunt in circulis nec umquam extrahentur ab eis.<br />
16 Ponesque in arcam testimonium, quod dabo tibi.<br />
17 Facies et propitiatorium de auro mundissimo; duos cubitos et dimidium tenebit longitudo<br />
eius, et cubitum ac semissem latitudo.<br />
18 Duos quoque cherubim aureos et productiles facies ex utraque parte propitiatorii,<br />
19 cherub unus sit in latere uno et alter in altero; ex propitiatorio facies cherubim in utraque<br />
parte eius.<br />
20 Expandent alas sursum et operient alis suis propitiatorium; respicientque se mutuo, versis<br />
vultibus in propitiatorium,<br />
21 quo operienda est arca, in qua pones testimonium, quod dabo tibi.
PPEK / <strong>Nova</strong> <strong>Vulgata</strong> 105<br />
22 Et conveniam te ibi et loquar ad te supra propitiatorium de medio duorum cherubim, qui<br />
erunt super arcam testimonii, cuncta, quae mandabo per te filiis Israel.<br />
23 Facies et mensam de lignis acaciae habentem duos cubitos longitudinis et in latitudine<br />
cubitum et in altitudine cubitum ac semissem.<br />
24 Et inaurabis eam auro purissimo; faciesque illi coronam auream per circuitum.<br />
25 Facies quoque ei limbum altum quattuor digitis per circuitum et super illum coronam<br />
auream.<br />
26 Quattuor quoque circulos aureos praeparabis et pones eos in quattuor angulis eiusdem<br />
mensae per singulos pedes.<br />
27 Iuxta limbum erunt circuli aurei, ut mittantur vectes per eos, et possit mensa portari.<br />
28 Ipsosque vectes facies de lignis acaciae et circumdabis auro, et per ipsos subvehitur<br />
mensa.<br />
29 Parabis et acetabula ac phialas, vasa et cyathos, in quibus offerenda sunt libamina, ex auro<br />
purissimo.<br />
30 Et pones super mensam panes propositionis in conspectu meo semper.<br />
31 Facies et candelabrum ductile de auro mundissimo: basis et hastile eius, scyphi et<br />
sphaerulae ac flores in unum efformentur.<br />
32 Sex calami egredientur de lateribus, tres ex uno latere et tres ex altero.<br />
33 Tres scyphi quasi in nucis modum in calamo uno sphaerulaeque simul et flores; et tres<br />
similiter scyphi instar nucis in calamo altero sphaerulaeque simul et flores: hoc erit opus sex<br />
calamorum, qui producendi sunt de hastili.<br />
34 In ipso autem hastili candelabri erunt quattuor scyphi in nucis modum sphaerulaeque et<br />
flores.<br />
35 Singulae sphaerulae sub binis calamis per tria loca, qui simul sex fiunt, procedentes de<br />
hastili uno.<br />
36 Sphaerulae igitur et calami unum cum ipso erunt, totum ductile de auro purissimo.<br />
37 Facies et lucernas septem et pones eas super candelabrum, ut luceant in locum ex adverso.<br />
38 Emunctoria quoque et vasa, in quibus emuncta condantur, fient de auro purissimo.<br />
39 Omne pondus candelabri cum universis vasis suis habebit talentum auri purissimi.<br />
40 Inspice et fac secundum exemplar, quod tibi in monte monstratum est.<br />
26<br />
1 Habitaculum vero ita facies: decem cortinas de bysso re torta et hyacintho ac purpura<br />
coccoque cum cherubim opere polymito facies.<br />
2 Longitudo cortinae unius habebit viginti octo cubitos, latitudo quattuor cubitorum erit.<br />
Unius mensurae fient universae cortinae.<br />
3 Quinque cortinae sibi iungentur mutuo, et aliae quinque nexu simili cohaerebunt.<br />
4 Ansulas hyacinthinas in latere facies cortinae unius in extremitate iuncturae et similiter<br />
facies in latere cortinae extremae in iunctura altera.<br />
5 Quinquaginta ansulas facies in cortina una et quinquaginta ansulas facies in summitate<br />
cortinae, quae est in iunctura altera, ita insertas, ut ansa contra ansam veniat.<br />
6 Facies et quinquaginta fibulas aureas, quibus cortinarum vela iungenda sunt, ut unum<br />
habitaculum fiat.<br />
7 Facies et saga cilicina undecim pro tabernaculo super habitaculum.<br />
8 Longitudo sagi unius habebit triginta cubitos et latitudo quattuor; aequa erit mensura<br />
sagorum omnium.<br />
9 E quibus quinque iunges seorsum et sex sibi mutuo copulabis, ita ut sextum sagum in fronte<br />
tecti duplices.<br />
10 Facies et quinquaginta ansas in ora sagi ultimi iuncturae unius et quinquaginta ansas in ora<br />
sagi iuncturae alterius.
106 PPEK / <strong>Nova</strong> <strong>Vulgata</strong><br />
11 Facies et quinquaginta fibulas aeneas, quibus iungantur ansae, ut unum ex omnibus<br />
tabernaculum fiat.<br />
12 Quod autem superfuerit in sagis, quae parantur tecto, id est unum sagum, quod amplius<br />
est, ex medietate eius operies posteriora habitaculi;<br />
13 et cubitus ex una parte pendebit, et alter ex altera, qui plus est in longitudine sagorum<br />
tabernaculi utrumque latus habitaculi protegens.<br />
14 Facies et operimentum aliud pro tabernaculo de pellibus arietum rubricatis et super hoc<br />
rursum aliud operimentum de pellibus delphini.<br />
15 Facies et tabulas stantes habitaculi de lignis acaciae,<br />
16 quae singulae denos cubitos in longitudine habeant et in latitudine singulos ac semissem.<br />
17 In tabula una duo pedes fient, quibus tabula alteri tabulae conectatur; atque in hunc<br />
modum cunctae tabulae habitaculi parabuntur.<br />
18 Quarum viginti erunt in latere meridiano, quod vergit ad austrum;<br />
19 quibus quadraginta bases argenteas fundes, ut binae bases singulis pedibus singularum<br />
tabularum subiciantur.<br />
20 In latere quoque secundo habitaculi, quod vergit ad aquilonem, viginti tabulae erunt,<br />
21 quadraginta habentes bases argenteas; binae bases singulis tabulis supponentur.<br />
22 Ad occidentalem vero plagam in tergo habitaculi facies sex tabulas;<br />
23 et rursum alias duas, quae in angulis erigantur, post tergum habitaculi.<br />
24 Eruntque geminae a deorsum usque sursum in compaginem unam; ita erit duabus istis, pro<br />
duabus angulis erunt.<br />
25 Et erunt simul tabulae octo, bases earum argenteae sedecim, duabus basibus per unam<br />
tabulam supputatis.<br />
26 Facies et vectes de lignis acaciae, quinque ad continendas tabulas in uno latere habitaculi<br />
27 et quinque alios in altero et eiusdem numeri in tergo ad occidentalem plagam;<br />
28 vectis autem medius transibit per medias tabulas a summo usque ad summum.<br />
29 Ipsasque tabulas deaurabis et fundes eis anulos aureos, per quos vectes tabulata<br />
contineant, quos operies laminis aureis.<br />
30 Et eriges habitaculum iuxta exemplar, quod tibi in monte monstratum est.<br />
31 Facies et velum de hyacintho et purpura coccoque et bysso retorta, opere polymito, cum<br />
cherubim intextis.<br />
32 Quod appendes in quattuor columnis de lignis acaciae, quae ipsae quidem deauratae erunt<br />
et habebunt uncos aureos, sed bases argenteas.<br />
33 Inseres autem velum subter fibulas, intra quod pones arcam testimonii et quo sanctum et<br />
sanctum sanctorum dividentur.<br />
34 Pones et propitiatorium super arcam testimonii in sancto sanctorum<br />
35 mensamque extra velum et contra mensam candelabrum in latere habitaculi meridiano;<br />
mensa enim stabit in parte aquilonis.<br />
36 Facies et velum in introitu tabernaculi de hyacintho et purpura coccoque et bysso retorta<br />
opere plumarii.<br />
37 Et quinque columnas deaurabis lignorum acaciae, ante quas ducetur velum, quarum erunt<br />
unci aurei et bases aeneae.<br />
27<br />
1 Facies et altare de lignis acaciae, quod habebit quinque cubitos in longitudine et totidem in<br />
latitudine, id est quadrum, et tres cubitos in altitudine.<br />
2 Cornua autem per quattuor angulos ex ipso erunt, et operies illud aere.<br />
3 Faciesque in usus eius lebetes ad suscipiendos cineres et vatilla et pateras atque fuscinulas<br />
et ignium receptacula; omnia vasa ex aere fabricabis.
PPEK / <strong>Nova</strong> <strong>Vulgata</strong> 107<br />
4 Craticulamque facies ei in modum retis aeneam, per cuius quattuor angulos erunt quattuor<br />
anuli aenei,<br />
5 et pones eam subter marginem altaris; eritque craticula usque ad altaris medium.<br />
6 Facies et vectes altaris de lignis acaciae duos, quos operies laminis aeneis,<br />
7 et induces per anulos; eruntque ex utroque latere altaris ad portandum.<br />
8 Cavum ex tabulis facies illud; sicut tibi in monte monstratum est, sic facient.<br />
9 Facies et atrium habitaculi, in cuius plaga australi contra meridiem erunt tentoria de bysso<br />
retorta: centum cubitos unum latus tenebit in longitudine<br />
10 et columnas viginti et bases totidem aeneas et uncos columnarum anulosque earum<br />
argenteos.<br />
11 Similiter in latere aquilonis: per longum erunt tentoria centum cubitorum, columnae<br />
viginti et bases aeneae eiusdem numeri et unci columnarum anulique earum argentei.<br />
12 In latitudine vero atrii, quae respicit ad occidentem, erunt tentoria per quinquaginta<br />
cubitos et columnae decem basesque totidem.<br />
13 In ea quoque atrii latitudine, quae respicit ad orientem, quinquaginta cubiti erunt,<br />
14 in quibus quindecim cubitorum tentoria lateri uno deputabuntur columnaeque tres et bases<br />
totidem;<br />
15 et in latere altero erunt tentoria, cubitos obtinentia quindecim, columnae tres et bases<br />
totidem.<br />
16 In introitu vero atrii fiet velum cubitorum viginti, ex hyacintho et purpura coccoque et<br />
bysso retorta opere plumarii; columnas habebit quattuor cum basibus totidem.<br />
17 Omnes columnae atrii per circuitum cinctae erunt anulis argenteis, et unci earum erunt<br />
argentei et bases aeneae.<br />
18 In longitudine occupabit atrium cubitos centum, in latitudine quinquaginta, altitudo<br />
quinque cubitorum erit; fietque de bysso retorta, et habebit bases aeneas.<br />
19 Cuncta vasa habitaculi in omnes usus eius et omnes paxillos eius et omnes paxillos atrii ex<br />
aere facies.<br />
20 Praecipe filiis Israel, ut afferant tibi oleum de arboribus olivarum purissimum piloque<br />
contusum, ut ardeat lucerna semper<br />
21 in tabernaculo conventus, extra velum, quod oppansum est testimonio. Et parabunt eam<br />
Aaron et filii eius, ut a vespere usque mane luceat coram Domino. Perpetuus erit cultus per<br />
successiones eorum a filiis Israel.<br />
28<br />
1 Applica quoque ad te Aaron fratrem tuum cum filiis suis de medio filiorum Israel, ut<br />
sacerdotio fungantur mihi: Aaron, Nadab et Abiu, Eleazar et Ithamar.<br />
2 Faciesque vestes sanctas Aaron fratri tuo in gloriam et decorem;<br />
3 et loqueris cunctis sapientibus corde, quos replevi spiritu prudentiae, ut faciant vestes<br />
Aaron, in quibus sanctificatus ministret mihi.<br />
4 Haec autem erunt vestimenta, quae facient: pectorale et ephod, tunicam et subuculam<br />
textam, tiaram et balteum. Facient vestimenta sancta Aaron fratri tuo et filiis eius, ut<br />
sacerdotio fungantur mihi;<br />
5 accipientque aurum et hyacinthum et purpuram coccumque et byssum.<br />
6 Facient autem ephod de auro et hyacintho ac purpura coccoque bysso retorta opere<br />
polymito.<br />
7 Duas fascias umerales habebit et in utroque latere summitatum suarum copulabitur cum eis.<br />
8 Et balteus super ephod ad constringendum, eiusdem operis et unum cum eo, erit ex auro et<br />
hyacintho et purpura coccoque et bysso retorta.<br />
9 Sumesque duos lapides onychinos et sculpes in eis nomina filiorum Israel:<br />
10 sex nomina in lapide uno et sex reliqua in altero, iuxta ordinem nativitatis eorum.
108 PPEK / <strong>Nova</strong> <strong>Vulgata</strong><br />
11 Opere sculptoris et caelatura gemmarii sculpes eos nominibus filiorum Israel, inclusos<br />
textura aurea;<br />
12 et pones duos lapides super fascias umerales ephod, lapides memorialis filiorum Israel.<br />
Portabitque Aaron nomina eorum coram Domino super utrumque umerum ob recordationem.<br />
13 Facies ergo margines textas ex auro<br />
14 et duas catenulas ex auro purissimo quasi funiculos opus tortile et inseres catenulas tortas<br />
marginibus.<br />
15 Pectorale quoque iudicii facies opere polymito, iuxta texturam ephod, ex auro, hyacintho<br />
et purpura coccoque et bysso retorta.<br />
16 Quadrangulum erit et duplex; mensuram palmi habebit tam in longitudine quam in<br />
latitudine.<br />
17 Ponesque in eo quattuor ordines lapidum: in primo versu erit lapis sardius et topazius et<br />
smaragdus;<br />
18 in secundo carbunculus, sapphirus et iaspis;<br />
19 in tertio hyacinthus, achates et amethystus;<br />
20 in quarto chrysolithus, onychinus et beryllus. Inclusi auro erunt per ordines suos.<br />
21 Habebuntque nomina filiorum Israel: duodecim nominibus caelabuntur, singuli lapides<br />
nominibus singulorum per duodecim tribus.<br />
22 Facies in pectorali catenas quasi funiculos, opus tortile, ex auro purissimo;<br />
23 et duos anulos aureos, quos pones in utraque pectoralis summitate;<br />
24 catenasque aureas iunges anulis, qui sunt in marginalibus eius;<br />
25 et ipsarum catenarum extrema duobus copulabis marginibus in fasciis umeralibus ephod in<br />
parte eius anteriore.<br />
26 Facies et duos anulos aureos, quos pones in summitatibus pectoralis in ora interiore, quae<br />
respicit ephod.<br />
27 Necnon et alios duos anulos aureos, qui ponendi sunt in utraque fascia umerali ephod<br />
deorsum, versus partem anteriorem eius iuxta iuncturam eius supra balteum ephod,<br />
28 et stringatur pectorale anulis suis cum anulis ephod vitta hyacinthina, ut maneat supra<br />
balteum ephod, et a se invicem pectorale et ephod nequeant separari.<br />
29 Portabitque Aaron nomina filiorum Israel in pectorali iudicii super cor suum, quando<br />
ingredietur sanctuarium: memoriale coram Domino in aeternum.<br />
30 Pones autem in pectorali iudicii Urim et Tummim, quae erunt super cor Aaron, quando<br />
ingredietur coram Domino; et gestabit iudicium filiorum Israel super cor suum in conspectu<br />
Domini semper.<br />
31 Facies et pallium ephod totum hyacinthinum,<br />
32 in cuius medio supra erit capitium et ora per gyrum eius textilis, sicut in capitio loricae, ne<br />
rumpatur.<br />
33 Deorsum vero, ad pedes eiusdem pallii per circuitum, quasi mala punica facies ex<br />
hyacintho et purpura et cocco, mixtis in medio tintinnabulis aureis;<br />
34 ita ut sit tintinnabulum aureum inter singula mala punica.<br />
35 Et vestietur eo Aaron in officio ministerii, ut audiatur sonitus, quando ingreditur et<br />
egreditur sanctuarium in conspectu Domini, et non moriatur.<br />
36 Facies et laminam de auro purissimo, in qua sculpes opere caelatoris: "Sanctum Domino".<br />
37 Ligabisque eam vitta hyacinthina, et erit super tiaram<br />
38 super frontem Aaron. Portabitque Aaron iniquitatem contra sancta, quae sanctificabunt<br />
filii Israel in cunctis muneribus et donariis suis. Eritque lamina semper in fronte eius, ut<br />
placatus eis sit Dominus.<br />
39 Texesque tunicam bysso et tiaram byssinam facies et balteum opere plumarii.<br />
40 Porro filiis Aaron tunicas lineas parabis et balteos ac mitras in gloriam et decorem;
PPEK / <strong>Nova</strong> <strong>Vulgata</strong> 109<br />
41 vestiesque his omnibus Aaron fratrem tuum et filios eius cum eo. Et unges eos et implebis<br />
manus eorum sanctificabisque illos, ut sacerdotio fungantur mihi.<br />
42 Facies eis et feminalia linea, ut operiant carnem turpitudinis suae a renibus usque ad<br />
femora;<br />
43 et utentur eis Aaron et filii eius, quando ingredientur tabernaculum conventus, vel quando<br />
appropinquant ad altare, ut ministrent in sanctuario, ne iniquitatis rei moriantur: legitimum<br />
sempiternum erit Aaron et semini eius post eum.<br />
29<br />
1 Sed et hoc facies eis, ut mihi in sacerdotio consecrentur: tolle vitulum unum de armento et<br />
arietes duos immaculatos<br />
2 panesque azymos et crustulas absque fermento, quae conspersa sint oleo, lagana quoque<br />
azyma oleo lita; de simila triticea cuncta facies<br />
3 et posita in canistro offeres, vitulum quoque et duos arietes.<br />
4 Aaron ac filios eius applicabis ad ostium tabernaculi conventus. Cumque laveris patrem<br />
cum filiis suis aqua,<br />
5 indues Aaron vestimentis suis, id est subucula et tunica ephod et ephod et pectorali, quod<br />
constringes ei cingulo ephod;<br />
6 et pones tiaram in capite eius et diadema sanctum super tiaram<br />
7 et oleum unctionis fundes super caput eius; atque hoc ritu consecrabitur.<br />
8 Filios quoque illius applicabis et indues tunicis lineis cingesque balteo<br />
9 et impones eis mitras; eruntque sacerdotes mihi iure perpetuo.<br />
Postquam impleveris manus Aaron et filiorum eius,<br />
10 applicabis et vitulum coram tabernaculo conventus; imponentque Aaron et filii eius manus<br />
super caput illius,<br />
11 et mactabis eum in conspectu Domini, iuxta ostium tabernaculi conventus.<br />
12 Sumptumque de sanguine vituli, pones super cornua altaris digito tuo, reliquum autem<br />
sanguinem fundes iuxta basim eius.<br />
13 Sumes et adipem totum, qui operit intestina, et reticulum iecoris ac duos renes et adipem,<br />
qui super eos est, et offeres comburens super altare;<br />
14 carnes vero vituli et corium et fimum combures foris extra castra, eo quod pro peccato sit.<br />
15 Unum quoque arietem sumes, super cuius caput ponent Aaron et filii eius manus;<br />
16 quem cum mactaveris, tolles sanguinem eius et fundes super altare per circuitum.<br />
17 Ipsum autem arietem secabis in frusta lotaque intestina eius ac pedes pones super concisas<br />
carnes et super caput illius.<br />
18 Et adolebis totum arietem super altare: holocaustum est Domino, odor suavissimus,<br />
incensum est Domino.<br />
19 Tolles quoque arietem alterum, super cuius caput Aaron et filii eius ponent manus;<br />
20 quem cum immolaveris, sumes de sanguine ipsius et pones super extremum auriculae<br />
dextrae Aaron et filiorum eius et super pollices manus eorum ac pedis dextri; fundesque<br />
sanguinem super altare per circuitum.<br />
21 Cumque tuleris de sanguine, qui est super altare, et de oleo unctionis, asperges Aaron et<br />
vestes eius, filios et vestimenta eorum cum ipso. Et sanctus erit ipse et vestimenta eius et filii<br />
eius et vestimenta eorum cum ipso.<br />
22 Tollesque adipem de ariete et caudam et arvinam, quae operit intestina, ac reticulum<br />
iecoris et duos renes atque adipem, qui super eos est, armumque dextrum, eo quod sit aries<br />
consecrationis,<br />
23 tortamque panis unam, crustulam unam conspersam oleo, laganum unum de canistro<br />
azymorum, quod positum est in conspectu Domini;<br />
24 ponesque omnia super manus Aaron et filiorum eius, ut agitent ea coram Domino.
110 PPEK / <strong>Nova</strong> <strong>Vulgata</strong><br />
25 Suscipiesque universa de manibus eorum et incendes in altari super holocausto in odorem<br />
suavissimum in conspectu Domini; quia incensum est Domino.<br />
26 Sumes quoque pectusculum de ariete, quo initiatus est Aaron, elevabisque illud coram<br />
Domino; et cedet in partem tuam.<br />
27 Sanctificabisque pectusculum elevatum et armum oblatum, quem de ariete separasti,<br />
28 quo initiatus est Aaron et filii eius; cedentque in partem Aaron et filiorum eius iure<br />
perpetuo a filiis Israel; quia oblatio est et oblatio erit a filiis Israel de victimis eorum pacificis,<br />
oblatio eorum Domino.<br />
29 Vestem autem sanctam, qua utetur Aaron, habebunt filii eius post eum, ut ungantur in ea,<br />
et impleantur in ea manus eorum.<br />
30 Septem diebus utetur illa, qui pontifex pro eo fuerit constitutus de filiis eius, qui<br />
ingredietur tabernaculum conventus, ut ministret in sanctuario.<br />
31 Arietem autem consecrationis tolles et coques carnes eius in loco sancto.<br />
32 Et vescetur Aaron et filii eius carnibus arietis et panibus, qui sunt in canistro, in vestibulo<br />
tabernaculi conventus.<br />
33 Et comedent ea, quibus expiatio facta fuerit ad implendum manus eorum, ad<br />
sanctificandum eos. Alienigena non vescetur ex eis, quia sancta sunt.<br />
34 Quod si remanserit de carnibus consecrationis sive de panibus usque mane, combures<br />
reliquias igni; non comedentur, quia sancta sunt.<br />
35 Omnia, quae praecepi tibi, facies super Aaron et filiis eius. Septem diebus consecrabis<br />
manus eorum<br />
36 et vitulum pro peccato offeres per singulos dies ad expiandum. Mundabisque altare<br />
expians illud et unges illud in sanctificationem.<br />
37 Septem diebus expiabis altare et sanctificabis; et erit sanctum sanctorum: omnis, qui<br />
tetigerit illud, sanctificabitur.<br />
38 Hoc est quod facies in altari: agnos anniculos duos per singulos dies iugiter,<br />
39 unum agnum mane et alterum vespere;<br />
40 decimam partem similae conspersae oleo tunso, quod habeat mensuram quartam partem<br />
hin, et vinum ad libandum eiusdem mensurae in agno uno.<br />
41 Alterum vero agnum offeres ad vesperam iuxta ritum matutinae oblationis et libationis in<br />
odorem suavitatis, incensum Domino,<br />
42 holocaustum perpetuum in generationes vestras, ad ostium tabernaculi conventus coram<br />
Domino, ubi conveniam vos, ut loquar ad te.<br />
43 Ibi conveniam filios Israel, et sanctificabitur locus in gloria mea.<br />
44 Sanctificabo et tabernaculum conventus cum altari et Aaron cum filiis eius, ut sacerdotio<br />
fungantur mihi.<br />
45 Et habitabo in medio filiorum Israel eroque eis Deus;<br />
46 et scient quia ego Dominus Deus eorum, qui eduxi eos de terra Aegypti, ut manerem inter<br />
illos: ego Dominus Deus ipsorum.<br />
30<br />
1 Facies quoque altare ad adolendum thymiama de lignis acaciae<br />
2 habens cubitum longitudinis et alterum latitudinis, id est quadrangulum, et duos cubitos in<br />
altitudine; cornua ex ipso procedent.<br />
3 Vestiesque illud auro purissimo, tam craticulam eius quam parietes per circuitum et cornua.<br />
Faciesque ei coronam aureolam per gyrum<br />
4 et duos anulos aureos sub corona in duobus lateribus, ut mittantur in eos vectes, et altare<br />
portetur.<br />
5 Ipsos quoque vectes facies de lignis acaciae et inaurabis.
PPEK / <strong>Nova</strong> <strong>Vulgata</strong> 111<br />
6 Ponesque altare contra velum, quod ante arcam pendet testimonii, coram propitiatorio, quo<br />
tegitur testimonium, ubi conveniam ad te.<br />
7 Et adolebit incensum super eo Aaron suave fragrans mane. Quando componet lucernas,<br />
incendet illud;<br />
8 et quando collocabit eas ad vesperum, uret thymiama sempiternum coram Domino in<br />
generationes vestras.<br />
9 Non offeretis super eo thymiama compositionis alterius nec holocaustum nec oblationem,<br />
nec libabitis libamina.<br />
10 Et expiabit Aaron super cornua eius semel per annum in sanguine sacrificii pro peccato; et<br />
placabit super eo in generationibus vestris: sanctum sanctorum erit Domino”.<br />
11 Locutusque est Dominus ad Moysen dicens:<br />
12 “Quando tuleris summam filiorum Israel iuxta numerum, dabunt singuli pretium<br />
expiationis pro animabus suis Domino; et non erit plaga in eis, cum fuerint recensiti.<br />
13 Hoc autem dabit omnis, qui transit ad censum, dimidium sicli iuxta mensuram sanctuarii -<br />
siclus viginti obolos habet -; media pars sicli offeretur Domino.<br />
14 Qui habetur in numero a viginti annis et supra, dabit pretium;<br />
15 dives non addet ad medium sicli, et pauper nihil minuet, quando dabitis oblationem<br />
Domino in expiationem animarum vestrarum.<br />
16 Susceptamque expiationis pecuniam, quae collata est a filiis Israel, trades in usus<br />
tabernaculi conventus, ut sit monumentum eorum coram Domino et propitietur animabus<br />
illorum”.<br />
17 Locutusque est Dominus ad Moysen dicens:<br />
18 “Facies et labrum aeneum cum basi aenea ad lavandum; ponesque illud inter tabernaculum<br />
conventus et altare. Et, missa aqua,<br />
19 lavabunt in eo Aaron et filii eius manus suas ac pedes.<br />
20 Quando ingressuri sunt tabernaculum conventus, lavabunt se aqua, ne moriantur; vel<br />
quando accessuri sunt ad altare, ut ministrent, ut adoleant victimam Domino.<br />
21 Et lavabunt manus et pedes, ne moriantur: legitimum sempiternum erit, ipsi et semini eius<br />
per successiones”.<br />
22 Locutusque est Dominus ad Moysen<br />
23 dicens: “Sume tibi aromata prima myrrhae electae quingentos siclos et cinnamomi boni<br />
odoris medium, id est ducentos quinquaginta siclos, calami suave olentis similiter ducentos<br />
quinquaginta,<br />
24 casiae autem quingentos siclos, in pondere sanctuarii, olei de olivetis mensuram hin.<br />
25 Faciesque unctionis oleum sanctum, unguentum compositum opere unguentarii; unctionis<br />
oleum sanctum erit.<br />
26 Et unges ex eo tabernaculum conventus et arcam testamenti<br />
27 mensamque cum vasis suis, candelabrum et utensilia eius, altaria thymiamatis<br />
28 et holocausti et universam supellectilem, quae ad cultum eorum pertinet, et labrum cum<br />
basi sua.<br />
29 Sanctificabisque omnia, et erunt sancta sanctorum: qui tetigerit ea, sanctificabitur.<br />
30 Aaron et filios eius unges sanctificabisque eos, ut sacerdotio fungantur mihi.<br />
31 Filiis quoque Israel dices: Hoc oleum unctionis sanctum erit mihi in generationes vestras.<br />
32 Caro hominis non ungetur ex eo, et iuxta compositionem eius non facietis aliud, quia<br />
sanctum est et sanctum erit vobis.<br />
33 Homo quicumque tale composuerit et dederit ex eo super alienum, exterminabitur de<br />
populo suo”.<br />
34 Dixitque Dominus ad Moysen: “Sume tibi aromata, stacten et onycha, galbanum boni<br />
odoris et tus lucidissimum; aequalis ponderis erunt omnia.<br />
35 Faciesque thymiama compositum opere unguentarii, sale conditum et purum et sanctum.
112 PPEK / <strong>Nova</strong> <strong>Vulgata</strong><br />
36 Cumque in tenuissimum pulverem ex parte contuderis, pones ex eo coram testimonio in<br />
tabernaculo conventus, in quo conveniam ad te: sanctum sanctorum erit vobis thymiama.<br />
37 Talem compositionem non facietis in usus vestros, quia tibi sanctum erit pro Domino;<br />
38 homo quicumque fecerit simile, ut odore illius perfruatur, peribit de populis suis”.<br />
31<br />
1 Locutusque est Dominus ad Moysen dicens:<br />
2 “Ecce voca vi ex nomine Beseleel filium Uri filii Hur de tribu Iudae<br />
3 et implevi eum spiritu Dei, sapientia et intellegentia et scientia in omni opere<br />
4 ad excogitandum, quidquid fabrefieri potest ex auro et argento et aere,<br />
5 ad scindendum et includendum gemmas et ad sculpendum ligna, ad faciendum omne opus;<br />
6 dedique ei socium Ooliab filium Achisamech de tribu Dan et in corde omnis eruditi posui<br />
sapientiam, ut faciant cuncta, quae praecepi tibi:<br />
7 tabernaculum conventus et arcam testimonii et propitiatorium, quod super eam est, et<br />
cuncta vasa tabernaculi<br />
8 mensamque et vasa eius, candelabrum purissimum cum vasis suis et altaria thymiamatis<br />
9 et holocausti et omnia vasa eorum, labrum cum basi sua<br />
10 et vestes textas et vestes sanctas Aaron sacerdoti et vestes filiorum eius, ut fungantur<br />
officio suo in sacris,<br />
11 oleum unctionis et thymiama aromatum in sanctuario: omnia, quae praecepi tibi, facient”.<br />
12 Et locutus est Dominus ad Moysen dicens:<br />
13 “Loquere filiis Israel et dices ad eos: Videte ut sabbatum meum custodiatis, quia signum<br />
est inter me et vos in generationibus vestris, ut sciatis quia ego Dominus, qui sanctifico vos.<br />
14 Custodite sabbatum, sanctum est enim vobis. Qui polluerit illud, morte morietur; qui<br />
fecerit in eo opus, peribit anima illius de medio populi sui.<br />
15 Sex diebus facietis opus; in die septimo sabbatum est, requies sancta Domino: omnis, qui<br />
fecerit opus in hac die, morietur.<br />
16 Custodiant filii Israel sabbatum et celebrent illud in generationibus suis: pactum est<br />
sempiternum<br />
17 inter me et filios Israel signumque perpetuum; sex enim diebus fecit Dominus caelum et<br />
terram et in septimo ab opere cessavit et respiravit”.<br />
18 Deditque Dominus Moysi, completis huiuscemodi sermonibus in monte Sinai, duas<br />
tabulas testimonii lapideas scriptas digito Dei.<br />
32<br />
1 Videns autem populus quod moram faceret descendendi de monte Moyses, congregatus ad<br />
Aaron dixit: “Surge, fac nobis deos, qui nos praecedant; Moysi enim, huic viro, qui nos<br />
eduxit de terra Aegypti, ignoramus quid acciderit”.<br />
2 Dixitque ad eos Aaron: “Tollite inaures aureas de uxorum filiorumque et filiarum vestrarum<br />
auribus et afferte ad me”.<br />
3 Fecitque omnis populus, quae iusserat, deferens inaures ad Aaron.<br />
4 Quas cum ille accepisset, formavit stilo imaginem et fecit ex eis vitulum conflatilem.<br />
Dixeruntque: “Hi sunt dii tui, Israel, qui te eduxerunt de terra Aegypti!”.<br />
5 Quod cum vidisset Aaron, aedificavit altare coram eo et praeconis voce clamavit dicens:<br />
“Cras sollemnitas Domini est”.<br />
6 Surgen tesque mane altero die obtulerunt holocausta et hostias pacificas; et sedit populus<br />
manducare et bibere et surrexerunt ludere.<br />
7 Locutus est autem Dominus ad Moysen: “Vade, descende; peccavit populus tuus, quem<br />
eduxisti de terra Aegypti.
PPEK / <strong>Nova</strong> <strong>Vulgata</strong> 113<br />
8 Recesserunt cito de via, quam praecepi eis, feceruntque sibi vitulum conflatilem et<br />
adoraverunt atque immolantes ei hostias dixerunt: "Isti sunt dii tui, Israel, qui te eduxerunt de<br />
terra Aegypti!"”.<br />
9 Rursumque ait Dominus ad Moysen: “Cerno quod populus iste durae cervicis sit;<br />
10 dimitte me, ut irascatur furor meus contra eos et deleam eos faciamque te in gentem<br />
magnam”.<br />
11 Moyses autem orabat Dominum Deum suum dicens: “Cur, Domine, irascitur furor tuus<br />
contra populum tuum, quem eduxisti de terra Aegypti in fortitudine magna et in manu<br />
robusta?<br />
12 Ne, quaeso, dicant Aegyptii: "Callide eduxit eos, ut interficeret in montibus et deleret e<br />
terra". Quiescat ira tua, et esto placabilis super nequitia populi tui.<br />
13 Recordare Abraham, Isaac et Israel servorum tuorum, quibus iurasti per temetipsum<br />
dicens: "Multiplicabo semen vestrum sicut stellas caeli; et universam terram hanc, de qua<br />
locutus sum, dabo semini vestro, et possidebitis eam semper"”.<br />
14 Placatusque est Dominus, ne faceret malum, quod locutus fuerat adversus populum suum.<br />
15 Et reversus est Moyses de monte portans duas tabulas testimonii in manu sua scriptas ex<br />
utraque parte<br />
16 et factas opere Dei; scriptura quoque Dei erat sculpta in tabulis.<br />
17 Audiens autem Iosue tumultum populi vociferantis dixit ad Moysen: “Ululatus pugnae<br />
auditur in castris”.<br />
18 Qui respondit:<br />
“Non est clamor vincentium<br />
neque clamor fugientium,<br />
sed clamorem cantantium<br />
ego audio”.<br />
19 Cumque appropinquasset ad castra, vidit vitulum et choros; iratusque valde proiecit de<br />
manu tabulas et confregit eas ad radices montis.<br />
20 Arripiensque vitulum, quem fecerant, combussit et contrivit usque ad pulverem, quem<br />
sparsit in aquam et dedit ex eo potum filiis Israel.<br />
21 Dixitque ad Aaron: “Quid tibi fecit hic populus, ut induceres super eum peccatum<br />
maximum?”.<br />
22 Cui ille respondit: “Ne indignetur dominus meus; tu enim nosti populum istum, quod<br />
pronus sit ad malum.<br />
23 Dixerunt mihi: "Fac nobis deos, qui nos praecedant; huic enim Moysi, qui nos eduxit de<br />
terra Aegypti, nescimus quid acciderit".<br />
24 Quibus ego dixi: Quis vestrum habet aurum? Abstulerunt et dederunt mihi, et proieci illud<br />
in ignem; egressusque est hic vitulus”.<br />
25 Vidit ergo Moyses populum quod esset effrenatus; relaxaverat enim ei Aaron frenum in<br />
ludibrium hostium eorum.<br />
26 Et stans in porta castrorum ait: “Si quis est Domini, iungatur mihi!”. Congregatique sunt<br />
ad eum omnes filii Levi.<br />
27 Quibus ait: “Haec dicit Dominus, Deus Israel: Ponat unusquisque gladium super femur<br />
suum. Ite et redite de porta usque ad portam per medium castrorum, et occidat unusquisque<br />
fratrem et amicum et proximum suum”.<br />
28 Fecerunt filii Levi iuxta sermonem Moysi; cecideruntque de populo in die illa quasi tria<br />
milia hominum.<br />
29 Et ait Moyses: “Implestis manus vestras hodie Domino unusquisque in filio et in fratre<br />
suo, ut detur vobis benedictio”.<br />
30 Facto autem altero die, locutus est Moyses ad populum: “Peccastis peccatum maximum;<br />
ascendam ad Dominum, si quo modo quivero eum deprecari pro scelere vestro”.
114 PPEK / <strong>Nova</strong> <strong>Vulgata</strong><br />
31 Reversusque ad Dominum ait: “Obsecro, peccavit populus iste peccatum maximum,<br />
feceruntque sibi deos aureos; aut dimitte eis hanc noxam<br />
32 aut, si non facis, dele me de libro tuo, quem scripsisti”.<br />
33 Cui respondit Dominus: “Qui peccaverit mihi, delebo eum de libro meo.<br />
34 Tu autem vade et duc populum istum, quo locutus sum tibi: angelus meus praecedet te;<br />
ego autem in die ultionis visitabo et hoc peccatum eorum”.<br />
35 Percussit ergo Dominus populum pro reatu vituli, quem fecerat Aaron.<br />
33<br />
1 Locutusque est Dominus ad Moysen: “Vade, ascende de loco isto, tu et populus tuus, quem<br />
eduxisti de terra Aegypti, in terram, quam iuravi Abraham, Isaac et Iacob dicens: Semini tuo<br />
dabo eam.<br />
2 Et mittam praecursorem tui angelum et eiciam Chananaeum et Amorraeum et Hetthaeum et<br />
Pherezaeum et Hevaeum et Iebusaeum,<br />
3 et intres in terram fluentem lacte et melle. Non enim ascendam tecum, quia populus durae<br />
cervicis es, ne forte disperdam te in via”.<br />
4 Audiens populus sermonem hunc pessimum luxit, et nullus ex more indutus est cultu suo.<br />
5 Dixitque Dominus ad Moysen: “Loquere filiis Israel: Populus durae cervicis es; uno<br />
momento, si ascendam in medio tui, delebo te. Nunc autem depone ornatum tuum, ut sciam<br />
quid faciam tibi”.<br />
6 Deposuerunt ergo filii Israel ornatum suum a monte Horeb.<br />
7 Moyses autem tollens tabernaculum tetendit ei extra castra procul; vocavitque nomen eius<br />
Tabernaculum conventus. Et omnis, qui quaerebat Dominum, egrediebatur ad tabernaculum<br />
conventus extra castra.<br />
8 Cumque egrederetur Moyses ad tabernaculum, surgebat universa plebs, et stabat<br />
unusquisque in ostio papilionis sui; aspiciebantque tergum Moysi, donec ingrederetur<br />
tabernaculum.<br />
9 Ingresso autem illo tabernaculum, descendebat columna nubis et stabat ad ostium;<br />
loquebaturque cum Moyse,<br />
10 cernentibus universis quod columna nubis staret ad ostium tabernaculi. Stabantque ipsi et<br />
adorabant per fores tabernaculorum suorum.<br />
11 Loquebatur autem Dominus ad Moysen facie ad faciem, sicut solet loqui homo ad amicum<br />
suum. Cumque ille reverteretur in castra, minister eius Iosue filius Nun puer non recedebat de<br />
medio tabernaculi.<br />
12 Dixit autem Moyses ad Dominum: “Praecipis, ut educam populum istum, et non indicas<br />
mihi, quem missurus es mecum; cum dixeris: "Novi te ex nomine, et invenisti gratiam coram<br />
me".<br />
13 Si ergo inveni gratiam in conspectu tuo, ostende mihi viam tuam, ut sciam te et inveniam<br />
gratiam ante oculos tuos; respice quia populus tuus est natio haec”.<br />
14 Dixitque Dominus: “Facies mea ibit, et requiem dabo tibi”.<br />
15 Et ait Moyses: “Si non tu ipse eas, ne educas nos de loco isto;<br />
16 in quo enim scietur me et populum tuum invenisse gratiam in conspectu tuo, nisi<br />
ambulaveris nobiscum, ut glorificemur ego et populus tuus prae omnibus populis, qui<br />
habitant super terram?”.<br />
17 Dixitque Dominus ad Moysen: “Et verbum istud, quod locutus es, faciam; invenisti enim<br />
gratiam coram me, et teipsum novi ex nomine”.<br />
18 Qui ait: “Ostende mihi gloriam tuam”.<br />
19 Respondit: “Ego ostendam omne bonum tibi et vocabo in nomine Domini coram te; et<br />
miserebor, cui voluero, et clemens ero, in quem mihi placuerit”.<br />
20 Rursumque ait: “Non poteris videre faciem meam; non enim videbit me homo et vivet”.
PPEK / <strong>Nova</strong> <strong>Vulgata</strong> 115<br />
21 Et iterum: “Ecce, inquit, est locus apud me, stabis super petram;<br />
22 cumque transibit gloria mea, ponam te in foramine petrae et protegam dextera mea, donec<br />
transeam;<br />
23 tollamque manum meam, et videbis posteriora mea; faciem autem meam videre non<br />
poteris”.<br />
34<br />
1 Dixitque Dominus ad Moy sen: “Praecide tibi duas ta bulas lapideas instar priorum, et<br />
scribam super eas verba, quae habuerunt tabulae, quas fregisti.<br />
2 Esto paratus mane, ut ascendas statim in montem Sinai; stabisque mihi super verticem<br />
montis.<br />
3 Nullus ascendat tecum, nec videatur quispiam per totum montem; oves quoque et boves<br />
non pascantur e contra”.<br />
4 Excidit ergo duas tabulas lapideas, quales antea fuerant; et de nocte consurgens ascendit in<br />
montem Sinai, sicut praeceperat ei Dominus, portans secum tabulas.<br />
5 Cumque descendisset Dominus per nubem, stetit cum eo vocans in nomine Domini.<br />
6 Et transiens coram eo clamavit: “Dominus, Dominus Deus, misericors et clemens, patiens<br />
et multae miserationis ac verax,<br />
7 qui custodit misericordiam in milia, qui aufert iniquitatem et scelera atque peccata, nihil<br />
autem impunitum sinit, qui reddit iniquitatem patrum in filiis ac nepotibus in tertiam et<br />
quartam progeniem”.<br />
8 Festinusque Moyses curvatus est pronus in terram et adorans<br />
9 ait: “Si inveni gratiam in conspectu tuo, Domine, obsecro, ut gradiaris nobiscum; populus<br />
quidem durae cervicis est, sed tu auferes iniquitates nostras atque peccata nosque possidebis”.<br />
10 Respondit Dominus: “Ego inibo pactum coram universo populo tuo; mirabilia faciam,<br />
quae numquam visa sunt super totam terram nec in ullis gentibus, ut cernat cunctus populus,<br />
in cuius es medio, opus Domini terribile, quod facturus sum tecum.<br />
11 Observa cuncta, quae hodie mando tibi: ego ipse eiciam ante faciem tuam Amorraeum et<br />
Chananaeum et Hetthaeum, Pherezaeum quoque et Hevaeum et Iebusaeum.<br />
12 Cave, ne umquam cum habitatoribus terrae, quam intraveris, iungas amicitias, quae tibi<br />
sint in ruinam;<br />
13 sed aras eorum destrue, confringe lapides palosque succide.<br />
14 Noli adorare deum alienum: Dominus Zelotes nomen eius, Deus est aemulator.<br />
15 Ne ineas pactum cum hominibus illarum regionum, ne, cum fornicati fuerint cum diis suis<br />
et sacrificaverint eis, vocet te quispiam, et comedas de immolatis.<br />
16 Nec uxorem de filiabus eorum accipies filiis tuis, ne, postquam ipsae fuerint fornicatae<br />
cum diis suis, fornicari faciant et filios tuos in deos suos.<br />
17 Deos conflatiles non facies tibi.<br />
18 Sollemnitatem Azymorum custodies: septem diebus vesceris azymis, sicut praecepi tibi, in<br />
tempore constituto mensis Abib; mense enim verni temporis egressus es de Aegypto.<br />
19 Omne, quod aperit vulvam generis masculini, meum erit; de cuncto grege tuo tam de<br />
bobus quam de ovibus meum erit.<br />
20 Primogenitum asini redimes ove, sin autem nec pretium pro eo dederis, franges cervicem<br />
eius. Primogenitum filiorum tuorum redimes; nec apparebis in conspectu meo vacuus.<br />
21 Sex diebus operaberis, die septimo cessabis etiam arare et metere.<br />
22 Sollemnitatem Hebdomadarum facies tibi in primitiis frugum messis tuae triticeae et<br />
sollemnitatem Collectae, quando, redeunte anni tempore, cuncta conduntur.<br />
23 Tribus temporibus anni apparebit omne masculinum tuum in conspectu omnipotentis<br />
Domini, Dei Israel.
116 PPEK / <strong>Nova</strong> <strong>Vulgata</strong><br />
24 Cum enim tulero gentes a facie tua et dilatavero terminos tuos, nullus insidiabitur terrae<br />
tuae, ascendente te et apparente in conspectu Domini Dei tui ter in anno.<br />
25 Non immolabis super fermento sanguinem hostiae meae; neque residebit mane de victima<br />
sollemnitatis Paschae.<br />
26 Primitias frugum terrae tuae afferes in domum Domini Dei tui.<br />
Non coques haedum in lacte matris suae”.<br />
27 Dixitque Dominus ad Moysen: “Scribe tibi verba haec, quibus et tecum et cum Israel<br />
pepigi foedus”.<br />
28 Fuit ergo ibi cum Domino quadraginta dies et quadraginta noctes; panem non comedit et<br />
aquam non bibit et scripsit in tabulis verba foederis, decem verba.<br />
29 Cumque descenderet Moyses de monte Sinai, tenebat duas tabulas testimonii et ignorabat<br />
quod resplenderet cutis faciei suae ex consortio sermonis Domini.<br />
30 Videntes autem Aaron et filii Israel resplendere cutem faciei Moysi, timuerunt prope<br />
accedere;<br />
31 vocatique ab eo reversi sunt tam Aaron quam principes synagogae. Et postquam locutus<br />
est ad eos,<br />
32 venerunt ad eum etiam omnes filii Israel; quibus praecepit cuncta, quae audierat a Domino<br />
in monte Sinai.<br />
33 Impletisque sermonibus, posuit velamen super faciem suam,<br />
34 quod ingressus ad Dominum et loquens cum eo auferebat, donec exiret; et tunc loquebatur<br />
ad filios Israel omnia, quae sibi fuerant imperata.<br />
35 Qui videbant cutem faciei Moysi resplendere, sed operiebat ille rursus faciem suam, donec<br />
ingressus loqueretur cum eo.<br />
35<br />
1 Igitur, congregato omni coetu filiorum Israel, dixit ad eos: “Haec sunt, quae iussit Dominus<br />
fieri:<br />
2 sex diebus facietis opus, septimus dies erit vobis sanctus, sabbatum et requies Domino; qui<br />
fecerit opus in eo, occidetur.<br />
3 Non succendetis ignem in omnibus habitaculis vestris per diem sabbati”.<br />
4 Et ait Moyses ad omnem coetum filiorum Israel: “Iste est sermo, quem praecepit Dominus<br />
dicens:<br />
5 "Separate apud vos donaria Domino". Omnis voluntarius et proni animi offerat ea Domino:<br />
aurum et argentum et aes,<br />
6 hyacinthum et purpuram coccumque et byssum, pilos caprarum<br />
7 et pelles arietum rubricatas et pelles delphini, ligna acaciae<br />
8 et oleum ad luminaria concinnanda et aromata, ut conficiatur unguentum et thymiama<br />
suavissimum,<br />
9 lapides onychinos et gemmas ad ornatum ephod et pectoralis.<br />
10 Quisquis vestrum sapiens est, veniat et faciat, quod Dominus imperavit,<br />
11 habitaculum scilicet et tentorium eius atque operimentum, fibulas et tabulata cum<br />
vectibus, columnas et bases;<br />
12 arcam et vectes, propitiatorium et velum, quod ante illud oppanditur;<br />
13 mensam cum vectibus et vasis et propositionis panibus;<br />
14 candelabrum ad luminaria sustentanda, vasa illius et lucernas et oleum ad nutrimenta<br />
luminarium;<br />
15 altare thymiamatis et vectes et oleum unctionis et thymiama ex aromatibus; velum ad<br />
ostium habitaculi;<br />
16 altare holocausti et craticulam eius aeneam cum vectibus et vasis suis, labrum et basim<br />
eius;
PPEK / <strong>Nova</strong> <strong>Vulgata</strong> 117<br />
17 cortinas atrii cum columnis et basibus, velum in foribus atrii;<br />
18 paxillos habitaculi et atrii cum funiculis suis;<br />
19 vestimenta texta, quorum usus est in ministerio sanctuarii, vestes sanctas Aaron pontificis<br />
ac vestes filiorum eius, ut sacerdotio fungantur mihi”.<br />
20 Egressus est omnis coetus filiorum Israel de conspectu Moysi,<br />
21 et venit, quisquis erat mentis promptissimae, et attulit sponte sua donaria Domino ad<br />
faciendum opus tabernaculi conventus et quidquid ad cultum et ad vestes sanctas necessarium<br />
erat.<br />
22 Viri cum mulieribus, omnes voluntarii praebuerunt fibulas et inaures, anulos et dextralia;<br />
omne vas aureum in donaria Domini separatum est.<br />
23 Si quis habebat hyacinthum et purpuram coccumque, byssum et pilos caprarum, pelles<br />
arietum rubricatas et pelles delphini,<br />
24 argenti aerisque metalla, obtulerunt Domino lignaque acaciae in varios usus.<br />
25 Sed et mulieres eruditae dederunt, quae neverant, hyacinthum, purpuram et coccum ac<br />
byssum<br />
26 et pilos caprarum, sponte propria cuncta tribuentes.<br />
27 Principes vero obtulerunt lapides onychinos et gemmas ad ephod et pectorale<br />
28 aromataque et oleum ad luminaria concinnanda et ad praeparandum unguentum ac<br />
thymiama odoris suavissimi componendum.<br />
29 Omnes viri et mulieres mente prompta obtulerunt donaria, ut fierent opera, quae iusserat<br />
Dominus per manum Moysi. Cuncti filii Israel voluntaria Domino dedicaverunt.<br />
30 Dixitque Moyses ad filios Israel: “Ecce vocavit Dominus ex nomine Beseleel filium Uri<br />
filii Hur de tribu Iudae;<br />
31 implevitque eum spiritu Dei, sapientia et intellegentia et scientia ad omne opus,<br />
32 ad excogitandum et faciendum opus in auro et argento et aere,<br />
33 ad scindendum et includendum gemmas et ad sculpendum ligna, quidquid fabre adinveniri<br />
potest.<br />
34 Dedit quoque in corde eius, ut alios doceret, ipsi et Ooliab filio Achisamech de tribu Dan.<br />
35 Ambos implevit sapientia, ut faciant opera fabri polymitarii ac plumarii de hyacintho ac<br />
purpura coccoque et bysso et textoris, facientes omne opus ac nova quaeque reperientes”.<br />
36<br />
1 Fecit ergo Beseleel et Ooliab et omnis vir sapiens, quibus dedit Dominus sapientiam et<br />
intellectum, ut scirent fabre operari, quae in usus sanctuarii necessaria sunt et quae praecepit<br />
Dominus.<br />
2 Cumque vocasset Moyses Beseleel et Ooliab et omnem eruditum virum, cui dederat<br />
Dominus sapientiam, omnes, qui sponte sua obtulerant se ad faciendum opus,<br />
3 acceperunt ab ipso universa donaria, quae attulerant filii Israel ad faciendum opus in cultum<br />
sanctuarii. Ipsi autem cotidie mane donaria ei offerebant.<br />
4 Unde omnes sapientes artifices venerunt singuli de opere suo pro sanctuario<br />
5 et dixerunt Moysi: “Plus offert populus quam necessarium est operi, quod Dominus iussit<br />
facere”.<br />
6 Iussit ergo Moyses praeconis voce per castra clamari: “Nec vir nec mulier quidquam offerat<br />
ultra pro omni opere sanctuario”. Sicque cessatum est a muneribus offerendis,<br />
7 eo quod oblata sufficerent et superabundarent.<br />
8 Feceruntque omnes corde sapientes inter artifices habitaculi cortinas decem de bysso retorta<br />
et hyacintho et purpura coccoque, cum cherubim intextis arte polymita;<br />
9 quarum una habebat in longitudine viginti octo cubitos et in latitudine quattuor: una<br />
mensura erat omnium cortinarum.<br />
10 Coniunxitque cortinas quinque alteram alteri et alias quinque sibi invicem copulavit.
118 PPEK / <strong>Nova</strong> <strong>Vulgata</strong><br />
11 Fecit et ansas hyacinthinas in ora cortinae unius in extremitate iuncturae et in ora cortinae<br />
extremae in iunctura altera similiter.<br />
12 Quinquagenas ansas fecit pro utraque cortina, ut contra se invicem venirent ansae et<br />
mutuo iungerentur.<br />
13 Unde et quinquaginta fudit fibulas aureas, quae morderent cortinarum ansas, et fieret<br />
unum habitaculum.<br />
14 Fecit et saga undecim de pilis caprarum pro tentorio super habitaculum;<br />
15 unum sagum in longitudine habebat cubitos triginta et in latitudine cubitos quattuor: unius<br />
mensurae erant omnia saga.<br />
16 Quorum quinque iunxit seorsum et sex alia separatim.<br />
17 Fecitque ansas quinquaginta in ora sagi ultimi iuncturae unius et quinquaginta in ora sagi<br />
iuncturae alterius, ut sibi invicem iungerentur;<br />
18 et fecit fibulas aeneas quinquaginta, quibus necteretur tentorium, ut esset unum.<br />
19 Fecit et opertorium tentorio de pellibus arietum rubricatis aliudque desuper velamentum<br />
de pellibus delphini.<br />
20 Fecit et tabulas habitaculi de lignis acaciae stantes.<br />
21 Decem cubitorum erat longitudo tabulae unius, et unum ac semis cubitum latitudo<br />
retinebat.<br />
22 Bini pedes erant per singulas tabulas, ut altera alteri iungeretur: sic fecit in omnibus tabulis<br />
habitaculi.<br />
23 E quibus viginti ad plagam meridianam erant contra austrum<br />
24 cum quadraginta basibus argenteis. Duae bases sub singulis tabulis ponebantur pro duabus<br />
pedibus.<br />
25 Ad plagam quoque habitaculi, quae respicit ad aquilonem, fecit viginti tabulas<br />
26 cum quadraginta basibus argenteis: duas bases per singulas tabulas.<br />
27 Contra occidentem vero, id est ad eam partem habitaculi quae mare respicit, fecit sex<br />
tabulas<br />
28 et duas alias per singulos angulos habitaculi retro;<br />
29 quae gemellae erant a deorsum usque sursum in unam compaginem. Ita fecit duas tabulas<br />
in duobus angulis,<br />
30 ut octo essent simul tabulae et haberent bases argenteas sedecim: binas scilicet bases sub<br />
singulis tabulis.<br />
31 Fecit et vectes de lignis acaciae quinque ad continendas tabulas unius lateris habitaculi<br />
32 et quinque alios ad alterius lateris coaptandas tabulas; et extra hos quinque alios vectes ad<br />
occidentalem plagam habitaculi contra mare.<br />
33 Fecit autem vectem medium, qui per medias tabulas ab una extremitate usque ad alteram<br />
perveniret.<br />
34 Ipsa autem tabulata deauravit. Et anulos eorum fecit aureos, per quos vectes induci<br />
possent; quos et ipsos laminis aureis operuit.<br />
35 Fecit et velum de hyacintho et purpura coccoque ac bysso retorta, opere polymitario, cum<br />
cherubim intextis;<br />
36 et quattuor columnas de lignis acaciae, quas cum uncis suis deauravit, fusis basibus earum<br />
argenteis.<br />
37 Fecit et velum in introitu tabernaculi ex hyacintho, purpura, cocco byssoque retorta opere<br />
plumarii;<br />
38 et columnas quinque cum uncis suis. Et operuit auro capita et anulos earum basesque<br />
earum fudit aeneas.
PPEK / <strong>Nova</strong> <strong>Vulgata</strong> 119<br />
37<br />
1 Fecit autem Beseleel et ar cam de lignis acaciae haben tem duos semis cubitos in<br />
longitudine et cubitum ac semissem in latitudine, altitudo quoque unius cubiti fuit et dimidii;<br />
vestivitque eam auro purissimo intus ac foris.<br />
2 Et fecit illi coronam auream per gyrum,<br />
3 conflans quattuor anulos aureos in quattuor pedibus eius; duos anulos in latere uno et duos<br />
in altero.<br />
4 Vectes quoque fecit de lignis acaciae, quos vestivit auro<br />
5 et quos misit in anulos, qui erant in lateribus arcae, ad portandum eam.<br />
6 Fecit et propitiatorium de auro mundissimo: duorum cubitorum et dimidii in longitudine et<br />
cubiti ac semis in latitudine.<br />
7 Duos etiam cherubim ex auro ductili fecit ex utraque parte propitiatorii:<br />
8 cherub unum ex summitate unius partis et cherub alterum ex summitate partis alterius; duos<br />
cherubim ex singulis summitatibus propitiatorii<br />
9 extendentes alas sursum et tegentes alis suis propitiatorium seque mutuo et illud<br />
respicientes.<br />
10 Fecit et mensam de lignis acaciae in longitudine duorum cubitorum et in latitudine unius<br />
cubiti, quae habebat in altitudine cubitum ac semissem;<br />
11 circumdeditque eam auro mundissimo et fecit illi coronam auream per gyrum.<br />
12 Fecit ei quoque limbum aureum quattuor digitorum per circuitum et super illum coronam<br />
auream.<br />
13 Fudit et quattuor circulos aureos, quos posuit in quattuor angulis per singulos pedes<br />
mensae<br />
14 iuxta limbum; misitque in eos vectes, ut possit mensa portari.<br />
15 Ipsos quoque vectes fecit de lignis acaciae et circumdedit eos auro;<br />
16 et vasa ad diversos usus mensae, acetabula, phialas et cyathos et crateras ex auro puro, in<br />
quibus offerenda sunt libamina.<br />
17 Fecit et candelabrum ductile de auro mundissimo, basim et hastile eius; scyphi<br />
sphaerulaeque ac flores unum cum ipso erant:<br />
18 sex in utroque latere, tres calami ex parte una et tres ex altera;<br />
19 tres scyphi in nucis modum in calamo uno sphaerulaeque simul et flores et tres scyphi<br />
instar nucis in calamo altero sphaerulaeque simul et flores. Aequum erat opus sex<br />
calamorum, qui procedebant de hastili candelabri.<br />
20 In ipso autem hastili erant quattuor scyphi in nucis modum sphaerulaeque et flores;<br />
21 singulae sphaerulae sub binis calamis per loca tria, qui simul sex fiunt calami procedentes<br />
de hastili uno.<br />
22 Sphaerulae igitur et calami unum cum ipso erant, totum ductile ex auro purissimo.<br />
23 Fecit et lucernas septem cum emunctoriis suis et vasa, ubi emuncta condantur, de auro<br />
mundissimo.<br />
24 Talentum auri purissimi appendebat candelabrum cum omnibus vasis suis.<br />
25 Fecit et altare thymiamatis de lignis acaciae habens per quadrum singulos cubitos et in<br />
altitudine duos; e cuius angulis procedebant cornua.<br />
26 Vestivitque illud auro purissimo cum craticula ac parietibus et cornibus.<br />
27 Fecitque ei coronam aureolam per gyrum et binos anulos aureos sub corona in duobus<br />
lateribus, ut mittantur in eos vectes, et possit altare portari.<br />
28 Ipsos autem vectes fecit de lignis acaciae et operuit laminis aureis.<br />
29 Composuit et oleum ad sanctificationis unguentum et thymiama de aromatibus<br />
mundissimis opere pigmentarii.
120 PPEK / <strong>Nova</strong> <strong>Vulgata</strong><br />
38<br />
1 Fecit et altare holocausti de lignis acaciae quinque cubi torum per quadrum et trium in<br />
altitudine,<br />
2 cuius cornua de angulis procedebant; operuitque illud laminis aeneis.<br />
3 Et in usus eius paravit ex aere vasa diversa: lebetes, vatilla et pateras, fuscinulas et ignium<br />
receptacula.<br />
4 Craticulamque eius in modum retis fecit aeneam subter marginem altaris ab imo usque ad<br />
medium eius,<br />
5 fusis quattuor anulis per totidem craticulae summitates, ad immittendos vectes ad<br />
portandum.<br />
6 Quos et ipsos fecit de lignis acaciae et operuit laminis aeneis;<br />
7 induxitque in circulos, qui in lateribus altaris eminebant. Ipsum autem altare non erat<br />
solidum, sed cavum ex tabulis et intus vacuum.<br />
8 Fecit et labrum aeneum cum basi sua de speculis mulierum, quae excubabant in ostio<br />
tabernaculi conventus.<br />
9 Fecit et atrium, in cuius australi plaga erant tentoria de bysso retorta cubitorum centum;<br />
10 columnae aeneae viginti cum basibus suis; unci columnarum et anuli earum argentei.<br />
11 Aeque ad septentrionalem plagam tentoria, columnae basesque et unci anulique<br />
columnarum eiusdem mensurae et operis ac metalli erant.<br />
12 In ea vero plaga, quae ad occidentem respicit, fuerunt tentoria cubitorum quinquaginta,<br />
columnae decem cum basibus suis; et unci columnarum anulique earum argentei.<br />
13 Porro contra orientem quinquaginta cubitorum paravit tentoria,<br />
14 e quibus quindecim cubitos columnarum trium cum basibus suis unum tenebat latus;<br />
15 et in parte altera - quia inter utraque introitum tabernaculi fecit - quindecim aeque<br />
cubitorum erant tentoria columnaeque tres et bases totidem.<br />
16 Cuncta atrii tentoria in circuitu ex bysso retorta texuerat.<br />
17 Bases columnarum fuere aeneae, unci autem earum et anuli earum argentei et capita<br />
earum vestivit argento et omnes columnas atrii cinxit anulis argenteis.<br />
18 Et in introitu eius opere plumario fecit velum ex hyacintho, purpura, cocco ac bysso<br />
retorta; quod habebat viginti cubitos in longitudine, altitudo vero quinque cubitorum erat<br />
iuxta mensuram, quam cuncta atrii tentoria habebant.<br />
19 Columnae autem in ingressu fuere quattuor cum basibus aeneis, uncis argenteis; capitaque<br />
et anulos earum vestivit argento.<br />
20 Paxillos quoque habitaculi et atrii per gyrum fecit aeneos.<br />
21 Hic est census habitaculi, habitaculi testimonii, qui recensitus est iuxta praeceptum Moysi<br />
ministerio Levitarum per manum Ithamar filii Aaron sacerdotis.<br />
22 Beseleel filius Uri filii Hur de tribu Iudae fecit cuncta, quae praeceperat Dominus Moysi,<br />
23 iuncto sibi socio Ooliab filio Achisamech de tribu Dan fabro et polymitario atque<br />
plumario ex hyacintho, purpura, cocco et bysso.<br />
24 Omne aurum, quod expensum est in opere sanctuarii et quod oblatum est in donariis,<br />
viginti novem talentorum fuit et septingentorum triginta siclorum ad mensuram sicli<br />
sanctuarii.<br />
25 Argentum autem eorum, qui in congregatione recensiti sunt, centum talentorum fuit et<br />
mille septingentorum et septuaginta quinque siclorum ad mensuram sicli sanctuarii.<br />
26 Beca, id est dimidium sicli iuxta mensuram sicli sanctuarii, dedit quisquis transit ad<br />
censum a viginti annis et supra, de sescentis tribus milibus et quingentis quinquaginta<br />
armatorum.<br />
27 De talentis centum argenti conflatae sunt bases sanctuarii et veli, singulis talentis per bases<br />
singulas supputatis.
PPEK / <strong>Nova</strong> <strong>Vulgata</strong> 121<br />
28 De mille autem septingentis et septuaginta quinque siclis fecit uncos columnarum et<br />
vestivit capita earum et cinxit eas argento.<br />
29 Aeris quoque oblata sunt septuaginta talenta et duo milia et quadringenti sicli,<br />
30 ex quibus fecit bases in introitu tabernaculi conventus et altare aeneum cum craticula sua<br />
omniaque vasa, quae ad usum eius pertinent,<br />
31 et bases atrii tam in circuitu quam in ingressu eius et omnes paxillos habitaculi atque atrii<br />
per gyrum.<br />
39<br />
1 De hyacintho vero et purpura, cocco ac bysso fecerunt vestes textas pro ministerio<br />
sanctuarii. Et fecerunt vestes sacras Aaron, sicut praecepit Dominus Moysi.<br />
2 Fecerunt igitur ephod de auro, hyacintho et purpura coccoque et bysso retorta<br />
3 opere polymitario tundentes bratteas aureas et extenuantes in fila, ut possent torqueri cum<br />
priorum colorum subtegmine.<br />
4 Fasciasque umerales fecerunt ei, cum quibus in utroque latere summitatum suarum<br />
copulabatur,<br />
5 et balteum, quo constringebatur ephod, eiusdem operis et unum cum eo ex auro, et<br />
hyacintho et purpura coccoque et bysso retorta, sicut praeceperat Dominus Moysi.<br />
6 Paraverunt et duos lapides onychinos, inclusos texturis aureis et sculptos arte gemmaria<br />
nominibus filiorum Israel;<br />
7 posueruntque eos in fasciis umeralibus ephod, lapides memorialis filiorum Israel, sicut<br />
praeceperat Dominus Moysi.<br />
8 Fecerunt et pectorale opere polymito iuxta opus ephod ex auro, hyacintho, purpura<br />
coccoque et bysso retorta,<br />
9 quadrangulum duplex mensurae palmi.<br />
10 Et posuerunt in eo gemmarum ordines quattuor: in primo versu erat sardius, topazius,<br />
smaragdus;<br />
11 in secundo carbunculus, sapphirus et iaspis;<br />
12 in tertio hyacinthus, achates et amethystus;<br />
13 in quarto chrysolithus, onychinus et beryllus: inclusi textura aurea per ordines suos.<br />
14 Ipsique lapides duodecim sculpti erant nominibus duodecim tribuum Israel, singuli per<br />
nomina singulorum.<br />
15 Fecerunt in pectorali catenulas quasi funiculos opus tortile de auro purissimo<br />
16 et duos margines aureos totidemque anulos aureos. Porro duos anulos posuerunt in utraque<br />
summitate pectoralis;<br />
17 duos funiculos aureos inseruerunt anulis, qui in pectoralis angulis eminebant.<br />
18 Duas summitates amborum funiculorum colligaverunt duobus marginibus in fasciis<br />
umeralibus ephod in parte eius anteriore.<br />
19 Et fecerunt duos anulos aureos et posuerunt super duas summitates pectoralis in eius<br />
margine interiore contra ephod, sicut praecepit Dominus Moysi.<br />
20 Feceruntque duos anulos aureos, quos posuerunt in duabus fasciis umeralibus ephod<br />
deorsum in latere eius anteriore secus iuncturam eius super balteum ephod.<br />
21 Et strinxerunt pectorale anulis eius ad anulos ephod vitta hyacinthina, ut esset super<br />
balteum ephod, ne amoveretur ab ephod, sicut praecepit Dominus Moysi.<br />
22 Fecerunt quoque pallium ephod opere textili totum hyacinthinum<br />
23 et capitium in medio eius supra oramque per gyrum sicut in capitio loricae;<br />
24 deorsum autem ad pedes mala punica ex hyacintho, purpura, cocco ac bysso retorta<br />
25 et tintinnabula de auro purissimo, quae posuerunt inter malogranata in inferiore parte pallii<br />
per gyrum,
122 PPEK / <strong>Nova</strong> <strong>Vulgata</strong><br />
26 ut sit tintinnabulum inter singula mala punica, quibus ornatus incedebat pontifex, quando<br />
ministerio fungebatur, sicut praeceperat Dominus Moysi.<br />
27 Fecerunt et tunicas byssinas opere textili Aaron et filiis eius<br />
28 et tiaram et ornatum mitrarum ex bysso, feminalia quoque linea ex bysso retorta,<br />
29 cingulum vero de bysso retorta, hyacintho, purpura ac cocco, arte plumaria, sicut<br />
praeceperat Dominus Moysi.<br />
30 Fecerunt et laminam diadema sanctitatis de auro purissimo; scripseruntque in ea opere<br />
caelatoris: “Sanctum Domino”;<br />
31 et strinxerunt eam desuper cum tiara vitta hyacinthina, sicut praeceperat Dominus Moysi.<br />
32 Perfectum est igitur omne opus habitaculi et tabernaculi conventus; feceruntque filii Israel<br />
cuncta, quae praeceperat Dominus Moysi: sic fecerunt.<br />
33 Et obtulerunt habitaculum et tabernaculum et universam supellectilem, fibulas, tabulas,<br />
vectes, columnas ac bases,<br />
34 opertorium de pellibus arietum rubricatis et operimentum de pellibus delphini, velum,<br />
35 arcam testimonii, vectes, propitiatorium,<br />
36 mensam cum vasis suis et propositionis panibus,<br />
37 candelabrum ex auro puro, lucernas in ordine earum et utensilia earum cum oleo<br />
candelabri,<br />
38 altare aureum et unguentum et thymiama ex aromatibus et velum in introitu tabernaculi,<br />
39 altare aeneum, craticulam aeneam, vectes et vasa eius omnia, labrum cum basi sua,<br />
40 tentoria atrii et columnas cum basibus suis, velum in introitu atrii funiculosque illius et<br />
paxillos. Nihil ex vasis defuit, quae in ministerium habitaculi in tabernaculo conventus iussa<br />
sunt fieri.<br />
41 Vestes quoque textas, quibus sacerdotes utuntur in sanctuario, et vestes sacras Aaron<br />
sacerdotis et vestes filiorum eius<br />
42 obtulerunt filii Israel, sicut praeceperat Dominus Moysi.<br />
43 Quae postquam Moyses cuncta vidit completa, benedixit eis.<br />
40<br />
1 Locutusque est Dominus ad Moysen dicens:<br />
2 “Mense pri mo, die prima mensis eriges habitaculum, tabernaculum conventus,<br />
3 et pones in eo arcam testimonii, abscondes illam velo;<br />
4 et, illata mensa, pones super eam, quae rite praecepta sunt. Candelabrum stabit cum lucernis<br />
suis<br />
5 et altare aureum, in quo adoletur incensum, coram arca testimonii. Velum in introitu<br />
habitaculi pones,<br />
6 et ante tabernaculum conventus altare holocausti,<br />
7 et labrum inter altare et tabernaculum conventus et implebis illud aqua.<br />
8 Circumdabisque atrium tentoriis et pones velum in porta eius.<br />
9 Et, assumpto unctionis oleo, unges habitaculum et omnia, quae in eo sunt, et consecrabis<br />
illud cum vasis suis, et erit sanctum.<br />
10 Unges quoque altare holocausti et omnia vasa eius et consecrabis altare, et erit sanctum<br />
sanctorum.<br />
11 Et unges labrum cum basi sua et consecrabis illud.<br />
12 Applicabisque Aaron et filios eius ad fores tabernaculi conventus; et lotos aqua<br />
13 indues Aaron sanctis vestibus, unges et consecrabis eum, ut mihi sacerdotio fungatur;<br />
14 filios eius applicabis et vesties eos tunicis<br />
15 et unges eos, sicut unxisti patrem eorum, ut mihi sacerdotio fungantur, et unctio eorum erit<br />
eis in sacerdotium sempiternum in generationibus eorum”.<br />
16 Fecitque Moyses omnia, quae praeceperat ei Dominus: sic fecit.
PPEK / <strong>Nova</strong> <strong>Vulgata</strong> 123<br />
17 Igitur mense primo anni secundi, prima die mensis collocatum est habitaculum.<br />
18 Erexitque Moyses illud et posuit bases ac tabulas et vectes statuitque columnas<br />
19 et expandit tentorium super habitaculum, imposito desuper operimento, sicut Dominus<br />
imperaverat Moysi.<br />
20 Sumpsit et posuit testimonium in arca et, subditis infra vectibus, posuit propitiatorium<br />
desuper.<br />
21 Cumque intulisset arcam in habitaculum, appendit ante eam velum, sicut iusserat Dominus<br />
Moysi.<br />
22 Posuit et mensam in tabernaculo conventus ad plagam septentrionalem extra velum,<br />
23 ordinatis coram propositionis panibus, sicut praeceperat Dominus Moysi.<br />
24 Posuit et candelabrum in tabernaculo conventus e regione mensae in parte australi,<br />
25 locatis per ordinem lucernis, sicut praeceperat Dominus Moysi.<br />
26 Posuit et altare aureum in tabernaculo conventus coram propitiatorio<br />
27 et adolevit super eo incensum aromatum, sicut iusserat Dominus Moysi.<br />
28 Posuit et velum in introitu habitaculi<br />
29 et altare holocausti in vestibulo habitaculi, tabernaculi conventus, offerens in eo<br />
holocaustum et sacrificium, sicut Dominus imperaverat Moysi.<br />
30 Labrum quoque statuit inter tabernaculum conventus et altare implens illud aqua;<br />
31 laveruntque Moyses et Aaron ac filii eius manus suas et pedes,<br />
32 cum ingrederentur tabernaculum conventus et accederent ad altare, sicut praeceperat<br />
Dominus Moysi.<br />
33 Erexit et atrium per gyrum habitaculi et altaris, ducto in introitu eius velo. Sic complevit<br />
opus.<br />
34 Et operuit nubes tabernaculum conventus, et gloria Domini implevit habitaculum.<br />
35 Nec poterat Moyses ingredi tabernaculum conventus, quia habitavit nubes super illud, et<br />
gloria Domini replevit habitaculum.<br />
36 Si quando nubes de tabernaculo ascendebat, proficiscebantur filii Israel in omnibus<br />
stationibus suis;<br />
37 si autem non ascendebat nubes, non proficiscebantur usque in diem, quo levabatur.<br />
38 Nubes quippe Domini incubabat per diem habitaculo, et ignis in nocte, ante oculos<br />
universae domus Israel per cunctas mansiones suas.
124 PPEK / <strong>Nova</strong> <strong>Vulgata</strong><br />
Liber Leviticus<br />
1<br />
1 Vocavit autem Moysen et locu tus est ei Dominus de tabernacu lo conventus dicens:<br />
2 “Loquere filiis Israel et dices ad eos: Homo, qui obtulerit ex vobis hostiam Domino de<br />
animalibus domesticis, de bobus et pecoribus offerens victimas,<br />
3 si holocaustum fuerit eius oblatio de armento, masculum immaculatum offeret ad ostium<br />
tabernaculi conventus ad placandum sibi Dominum;<br />
4 ponetque manum super caput hostiae, et acceptabilis erit atque in expiationem eius<br />
proficiens.<br />
5 Immolabitque vitulum coram Domino, et offerent filii Aaron sacerdotes sanguinem eius<br />
aspergentes per altaris circuitum, quod est ante ostium tabernaculi conventus.<br />
6 Detracta pelle, hostiam offerens in frusta concidet;<br />
7 et filii Aaron sacerdotis ponent in altari ignem, strueque lignorum super ignem composita,<br />
8 membra, quae caesa sunt, desuper ordinabunt, caput videlicet et adipem.<br />
9 Intestina autem et crura offerens lavabit aqua adolebitque ea sacerdos super altare in<br />
holocaustum, incensum suavissimi odoris Domino.<br />
10 Quod si de pecoribus eius oblatio est, de ovibus sive de capris holocaustum, masculum<br />
absque macula offeret;<br />
11 immolabitque ad latus altaris, quod respicit ad aquilonem, coram Domino. Sanguinem<br />
vero illius aspergent contra altare filii Aaron sacerdotes per circuitum;<br />
12 dividetque offerens membra, caput et adipem, et sacerdos imponet ea super ligna, quibus<br />
subest ignis in altari.<br />
13 Intestina vero et crura lavabit offerens aqua, et oblata omnia adolebit sacerdos super<br />
altare: holocaustum est et incensum odoris suavissimi Domino.<br />
14 Sin autem de avibus holocausti oblatio fuerit Domino, offeret de turturibus aut pullis<br />
columbae oblationem suam.<br />
15 Et sacerdos afferet eam ad altare; retortum ad collum caput adolebit in altari, sanguisque<br />
eius exprimetur contra parietem altaris.<br />
16 Vesiculam vero gutturis et plumas proiciet offerens prope altare ad orientalem plagam in<br />
loco, in quo cineres effundi solent;<br />
17 confringetque eam inter alas, quas non secabit, et adolebit eam sacerdos super altare,<br />
lignis super ignem positis: holocaustum est et incensum suavissimi odoris Domino.<br />
2<br />
1 Anima cum obtulerit oblationem sacrificii farinae Domino, simila erit eius oblatio,<br />
fundetque super eam oleum et ponet tus<br />
2 ac deferet ad filios Aaron sacerdotes, tolletque ex eo pugillum plenum similae et olei ac<br />
totum tus, et sacerdos adolebit memoriale super altare, incensum odoris suavissimi Domino.<br />
3 Quod autem reliquum fuerit de sacrificio, erit Aaron et filiorum eius: sanctum sanctorum de<br />
incensis Domini.<br />
4 Cum autem obtuleris sacrificium similae coctum in clibano: de simila erunt panes, scilicet<br />
absque fermento conspersi oleo et lagana azyma oleo lita;<br />
5 si oblatio tua fuerit de sartagine, simila erit, conspersa oleo et absque fermento;<br />
6 divides eam minutatim et fundes super eam oleum: oblatio similae est.<br />
7 Sin autem de frixorio fuerit sacrificium, aeque simila oleo conspergetur.<br />
8 Et deferes oblationem ex his Domino factam tradens manibus sacerdotis,
PPEK / <strong>Nova</strong> <strong>Vulgata</strong> 125<br />
9 qui afferet eam ad altare, tollet memoriale de sacrificio et adolebit super altare: incensum<br />
odoris suavissimi Domino.<br />
10 Quidquid autem reliquum est, erit Aaron et filiorum eius: sanctum sanctorum de incensis<br />
Domini.<br />
11 Omnis oblatio similae, quam offeretis Domino, absque fermento fiet, quia nihil fermenti<br />
ac mellis adolebitis incensum Domino.<br />
12 Primitias tantum eorum offeretis tamquam munera Domino; super altare vero non<br />
ponentur in odorem suavitatis.<br />
13 Quidquid obtuleris sacrificii, similae sale condies nec auferes sal foederis Dei tui de<br />
sacrificio tuo: in omni oblatione tua offeres sal.<br />
14 Sin autem obtuleris munus primarum frugum tuarum Domino, spicas tostas igni et grana<br />
fracta farris recentis offeres in sacrificium primarum frugum tuarum<br />
15 fundens supra oleum et tus imponens: similae oblatio est.<br />
16 De qua adolebit sacerdos tamquam memoriale partem farris fracti et olei ac totum tus.<br />
3<br />
1 Quod si hostia pacificorum fue rit eius oblatio et de bobus vo luerit offerre marem sive<br />
feminam, immaculata offeret coram Domino.<br />
2 Ponetque manum super caput victimae suae, quam immolabit ad ostium tabernaculi<br />
conventus, fundentque filii Aaron sacerdotes sanguinem per circuitum altaris<br />
3 et offerent de hostia pacificorum tamquam incensum Domino adipem, qui operit vitalia, et<br />
quidquid pinguedinis eis adhaeret,<br />
4 duos renes cum adipe, quo teguntur iuxta ilia, et reticulum iecoris, quem iuxta renes,<br />
auferet.<br />
5 Adolebuntque ea filii Aaron in altari super holocausto, quod est super lignis et igne:<br />
incensum suavissimi odoris Domino.<br />
6 Si vero de pecoribus fuerit Domino eius oblatio, pacificorum scilicet hostia, sive masculum<br />
sive feminam obtulerit, immaculata erunt.<br />
7 Si agnum obtulerit coram Domino,<br />
8 ponet manum super caput victimae suae, quam immolabit coram tabernaculo conventus;<br />
fundentque filii Aaron sanguinem eius per altaris circuitum;<br />
9 et offeret de pacificorum hostia incensum Domino adipem et caudam totam, quam iuxta<br />
tergum, auferet, et pinguedinem, quae operit ventrem, atque universum adipem, qui vitalibus<br />
adhaeret,<br />
10 et utrumque renunculum cum adipe, qui est iuxta ilia, reticulumque iecoris, quem iuxta<br />
renunculos, auferet.<br />
11 Et adolebit ea sacerdos super altare: panis et incensum Domino.<br />
12 Si capra fuerit eius oblatio, offeret eam coram Domino,<br />
13 ponet manum suam super caput eius immolabitque eam coram tabernaculo conventus. Et<br />
fundent filii Aaron sanguinem eius per altaris circuitum,<br />
14 tolletque ex ea oblationem suam, incensum Domino, adipem scilicet, qui operit ventrem,<br />
et universum, qui vitalibus adhaeret,<br />
15 duos renunculos cum adipe, qui est super eos iuxta ilia, et reticulum iecoris, quem iuxta<br />
renunculos, auferet;<br />
16 adolebitque ea sacerdos super altare: panis et incensum suavissimi odoris omnis adeps<br />
Domino.<br />
17 Iure perpetuo in generationibus et cunctis habitaculis vestris, nec adipem nec sanguinem<br />
omnino comedetis”.
126 PPEK / <strong>Nova</strong> <strong>Vulgata</strong><br />
4<br />
1 Locutusque est Dominus ad Moysen dicens:<br />
2 “Loquere filiis Israel: Anima cum peccaverit per ignorantiam et de universis mandatis<br />
Domini, quae praecepit ut non fierent, quippiam fecerit,<br />
3 si sacerdos, qui est unctus, peccaverit, delinquere faciens populum, offeret pro peccato suo<br />
vitulum immaculatum Domino sacrificium pro peccato;<br />
4 et adducet illum ad ostium tabernaculi conventus coram Domino ponetque manum super<br />
caput eius et immolabit eum coram Domino.<br />
5 Hauriet quoque sacerdos unctus de sanguine vituli inferens illum in tabernaculum<br />
conventus;<br />
6 cumque intinxerit digitum in sanguinem, asperget eo septies coram Domino contra velum<br />
sanctuarii;<br />
7 ponetque de eodem sanguine super cornua altaris thymiamatis gratissimi coram Domino,<br />
quod est in tabernaculo conventus; omnem autem reliquum sanguinem fundet in basim altaris<br />
holocausti in introitu tabernaculi.<br />
8 Et omnem adipem vituli pro peccato auferet tam eum, qui operit vitalia, quam omnem, qui<br />
vitalibus adhaeret,<br />
9 duos renunculos et adipem, qui est super eos iuxta ilia, et reticulum iecoris, quem iuxta<br />
renunculos, auferet,<br />
10 sicut aufertur de vitulo hostiae pacificorum; et adolebit ea sacerdos super altare holocausti.<br />
11 Pellem vero et omnes carnes cum capite et pedibus et intestinis et fimo,<br />
12 totum vitulum efferet extra castra in locum mundum, ubi cineres effundi solent;<br />
incendetque eum super lignorum struem igne: in loco effusorum cinerum cremabitur.<br />
13 Quod si omnis coetus Israel ignoraverit, et res abscondita fuerit ab oculis congregationis,<br />
feceritque quod contra mandatum Domini est et deliquerit,<br />
14 et postea intellexerit peccatum suum, offeret congregatio vitulum pro peccato adducetque<br />
eum ad ostium tabernaculi conventus.<br />
15 Et ponent seniores coetus populi manus super caput eius coram Domino, immolatoque<br />
vitulo in conspectu Domini,<br />
16 inferet sacerdos, qui unctus est, de sanguine eius in tabernaculum conventus,<br />
17 tincto digito aspergens septies contra velum;<br />
18 ponetque de eodem sanguine in cornibus altaris, quod est coram Domino in tabernaculo<br />
conventus. Reliquum autem sanguinem fundet iuxta basim altaris holocaustorum, quod est in<br />
ostio tabernaculi conventus;<br />
19 omnemque eius adipem tollet et adolebit super altare.<br />
20 Sic faciens et de hoc vitulo quomodo fecit de vitulo pro peccato; sic faciet ei. Expiante eos<br />
sacerdote, propitius erit Dominus.<br />
21 Ipsum autem vitulum efferet extra castra atque comburet sicut et priorem vitulum:<br />
sacrificium pro peccato est congregationis.<br />
22 Si peccaverit princeps et fecerit unum ex omnibus per ignorantiam, quod Domini Dei sui<br />
lege prohibetur, deliqueritque,<br />
23 aut indicatum ei fuerit peccatum suum, offeret hostiam Domino hircum de capris<br />
immaculatum<br />
24 ponetque manum suam super caput eius et immolabit eum in loco, ubi solet mactari<br />
holocaustum coram Domino: sacrificium pro peccato est.<br />
25 Et tinguat sacerdos digitum in sanguine hostiae pro peccato ponetque super cornua altaris<br />
holocausti et reliquum fundet ad basim eius.<br />
26 Adipem vero adolebit supra, sicut in victimis pacificorum fieri solet; expiabitque eum a<br />
peccato eius, ac dimittetur ei.
PPEK / <strong>Nova</strong> <strong>Vulgata</strong> 127<br />
27 Quod si peccaverit anima per ignorantiam de populo terrae, ut faciat quidquam ex his,<br />
quae Domini lege prohibentur, atque delinquat,<br />
28 aut indicatum ei fuerit peccatum suum, offeret capram immaculatam;<br />
29 ponetque manum super caput hostiae pro peccato et immolabit eam in loco holocausti.<br />
30 Tolletque sacerdos de sanguine in digito suo et ponet super cornua altaris holocausti et<br />
reliquum fundet ad basim eius.<br />
31 Omnem autem auferens adipem, sicut auferri solet de victimis pacificorum, adolebit super<br />
altare in odorem suavitatis Domino, expiabitque eum, et propitius erit Dominus.<br />
32 Sin autem de ovibus obtulerit victimam pro peccato, adducet agnam immaculatam;<br />
33 ponet manum super caput eius et immolabit eam in loco, ubi solent holocaustorum caedi<br />
hostiae.<br />
34 Sumetque sacerdos de sanguine eius digito suo et ponens super cornua altaris holocausti<br />
reliquum fundet ad basim eius.<br />
35 Omnem quoque auferens adipem, sicut auferri solet adeps agni, qui immolatur pro<br />
pacificis, cremabit in altari super incensis Domini; expiabitque eum et peccatum eius, et<br />
dimittetur illi.<br />
5<br />
1 Si peccaverit anima et audiverit vocem iurantis testisque fuerit, quod aut ipse vidit aut<br />
comperit, si non indicaverit, iniquitatem portabit;<br />
2 vel si anima tetigerit aliquid immundum, sive cadaver bestiae sit aut iumenti vel reptilis, et<br />
absconditum fuerit ab eo, ipse immundus et reus erit;<br />
3 aut si tetigerit quidquam de immunditia hominis iuxta omnem impuritatem, qua pollui solet,<br />
absconditumque fuerit ab eo, sed ipse cognoverit postea, subiacebit delicto;<br />
4 aut si anima temere iuraverit et protulerit labiis suis, ut vel male quid faceret vel bene iuxta<br />
omnia, quae homines temere iurant, absconditumque fuerit ab eo, sed ipse postea intellexerit,<br />
delicto subiacebit;<br />
5 si ergo reus factus fuerit uno ex istis, confiteatur peccatum suum<br />
6 et offerat Domino sacrificium delicti pro peccato suo agnam de gregibus sive capram ut<br />
sacrificium pro peccato; expiabitque eum sacerdos a peccato eius.<br />
7 Sin autem non potuerit offerre pecus, offerat ut sacrificium pro delicto duos turtures vel<br />
duos pullos columbarum Domino: unum in sacrificium pro peccato et alterum in<br />
holocaustum;<br />
8 dabitque eos sacerdoti, qui primum offerens ut sacrificium pro peccato retorquebit caput<br />
eius ad pennulas, ita ut collo haereat et non penitus abrumpatur;<br />
9 et asperget de sanguine eius parietem altaris; quidquid autem reliquum fuerit, faciet<br />
destillare ad fundamentum eius: sacrificium pro peccato est.<br />
10 Alterum vero adolebit holocaustum, ut fieri solet; expiabitque eum sacerdos a peccato<br />
eius, et dimittetur ei.<br />
11 Quod si non quiverit manus eius offerre duos turtures aut duos pullos columbarum, offeret<br />
pro peccato suo similae partem ephi decimam in sacrificium pro peccato; non mittet in eam<br />
oleum, nec turis aliquid imponet, quia sacrificium pro peccato est.<br />
12 Tradetque eam sacerdoti, qui, plenum ex toto pugillum in memoriale hauriens, cremabit in<br />
altari super incensis Domini: sacrificium pro peccato est.<br />
13 Et expiabit eum sacerdos et peccatum eius in uno ex his casibus, et propitius erit Dominus.<br />
Reliquam vero partem sacerdos habebit sicut in oblatione similae”.<br />
14 Locutus est Dominus ad Moysen dicens:<br />
15 “Anima, si praevaricans per errorem in his, quae Domino sunt sanctificata, peccaverit,<br />
offeret sacrificium pro delicto arietem immaculatum de gregibus iuxta aestimationem argenti<br />
siclorum pondere sanctuarii in paenitentiam;
128 PPEK / <strong>Nova</strong> <strong>Vulgata</strong><br />
16 ipsumque, quod intulit damni, restituet et quintam partem ponet supra tradens sacerdoti,<br />
qui expiabit eum offerens arietem, et dimittetur ei.<br />
17 Anima, si peccaverit per ignorantiam feceritque unum ex his, quae Domini lege<br />
prohibentur, et peccati rea portaverit iniquitatem suam,<br />
18 offeret arietem immaculatum de gregibus iuxta aestimationem sacerdoti, qui expiabit eum<br />
ab eo, quod nesciens fecerit, et dimittetur ei:<br />
19 sacrificium pro delicto est, delinquens deliquit in Dominum”.<br />
20 Locutus est Dominus ad Moysen dicens:<br />
21 “Anima, quae peccaverit et, contempto Domino, negaverit proximo suo depositum, quod<br />
fidei eius creditum fuerat, vel vi aliquid extorserit aut calumniam fecerit,<br />
22 sive rem perditam invenerit et infitians insuper peierarit in uno ex omnibus, in quibus<br />
peccare solent homines,<br />
23 si quis sic peccaverit et deliquerit, reddet omnia, quae per rapinam vel calumniam<br />
abstulerit vel deposita retinuerit vel perdita invenerit<br />
24 vel de quibus peierarit, et restituet integra et quintam insuper addet partem domino, cui<br />
damnum intulerat, in die sacrificii pro delicto.<br />
25 Sacrificium pro delicto offeret Domino: arietem immaculatum de grege iuxta<br />
aestimationem;<br />
26 qui expiabit eum coram Domino, et dimittetur illi pro singulis, quae faciendo peccaverit”.<br />
6<br />
1 Locutus est Dominus ad Moysen dicens:<br />
2 “Praecipe Aaron et filiis eius: Haec est lex holocausti: cremabitur in foco altaris tota nocte<br />
usque mane; ignis altaris in eo ardebit.<br />
3 Vestietur sacerdos tunica et feminalibus lineis super verecunda sua; tolletque cineres, quos<br />
vorans ignis exussit, et ponet iuxta altare.<br />
4 Porro spoliabitur prioribus vestimentis; indutusque aliis efferet cineres extra castra in locum<br />
mundum.<br />
5 Ignis autem in altari semper ardebit, non exstinguetur, quem nutriet sacerdos subiciens<br />
ligna mane per singulos dies et, imposito holocausto, desuper adolebit adipes pacificorum.<br />
6 Ignis est iste perpetuus, qui numquam deficiet in altari.<br />
7 Haec est lex sacrificii similae, quod offerent filii Aaron coram Domino et coram altare:<br />
8 tollet sacerdos ex eo pugillum similae, quae conspersa est oleo, et totum tus, quod super<br />
similam positum est; adolebitque illud in altari in odorem suavissimum, memoriale Domino.<br />
9 Reliquam autem partem similae comedet Aaron cum filiis suis, et panis absque fermento<br />
comedetur in loco sancto; in atrio tabernaculi conventus comedent illam.<br />
10 Ideo autem non coquetur fermentata, quia ut partem eorum dedi illam ex incensis meis:<br />
sanctum sanctorum est, sicut sacrificium pro peccato atque pro delicto;<br />
11 mares tantum stirpis Aaron comedent illud. Legitimum sempiternum est in generationibus<br />
vestris de incensis Domini; omnis, qui tetigerit illa, sanctificabitur”.<br />
12 Et locutus est Dominus ad Moysen dicens:<br />
13 “Haec est oblatio Aaron et filiorum eius, quam offerre debent Domino in die unctionis<br />
ipsius: decimam partem ephi offerent similae in sacrificio sempiterno medium eius mane et<br />
medium vespere;<br />
14 quae in sartagine oleo conspersa frigetur. Afferes eam calidam et offeres divisam<br />
minutatim, sacrificium in odorem suavissimum Domino.<br />
15 Sacerdos unctus, qui patri iure successerit, faciet illud. Legitimum sempiternum: Domino<br />
tota cremabitur;<br />
16 omne enim sacrificium similae sacerdotum igne consumetur, nec quisquam comedet ex<br />
eo”.
PPEK / <strong>Nova</strong> <strong>Vulgata</strong> 129<br />
17 Locutus est Dominus ad Moysen dicens:<br />
18 “Loquere Aaron et filiis eius: Ista est lex sacrificii pro peccato: in loco, ubi mactatur<br />
holocaustum, mactabitur coram Domino: sanctum sanctorum est.<br />
19 Sacerdos, qui offert, comedet illud in loco sancto, in atrio tabernaculi conventus.<br />
20 Quidquid tetigerit carnes eius, sanctificabitur: si de sanguine illius vestis fuerit aspersa,<br />
lavabitur in loco sancto;<br />
21 vas autem fictile, in quo coctum est, confringetur; quod si vas aeneum fuerit, defricabitur<br />
et lavabitur aqua.<br />
22 Omnis masculus de genere sacerdotali vescetur carnibus eius, quia sanctum sanctorum est.<br />
23 Omne autem sacrificium pro peccato, de cuius sanguine infertur in tabernaculum<br />
conventus ad expiandum in sanctuario, non comedetur, sed comburetur igni.<br />
7<br />
1 Haec quoque est lex sacrificii pro delicto: sanctum sanctorum est,<br />
2 idcirco, ubi immolatur holocaustum, mactabitur et victima pro delicto; sanguis eius per<br />
gyrum fundetur altaris.<br />
3 Omnemque adipem offeret ex ea, caudam scilicet et adipem, qui operit vitalia,<br />
4 duos renunculos et pinguedinem, quae super eos iuxta ilia est, reticulumque iecoris, quem<br />
iuxta renunculos, auferet;<br />
5 et adolebit ea sacerdos super altare ut incensum Domino: sacrificium pro delicto est.<br />
6 Omnis masculus de sacerdotali genere in loco sancto vescetur his carnibus, quia sanctum<br />
sanctorum est.<br />
7 Sicut sacrificium pro peccato, ita et sacrificium pro delicto, utriusque hostiae lex una est; ad<br />
sacerdotem, qui eam obtulerit, pertinebit.<br />
8 Sacerdos, qui offert holocaustum cuiusdam viri, habebit pellem victimae,<br />
9 et omne sacrificium similae, quod coquitur in clibano, et, quidquid in frixorio vel in<br />
sartagine praeparatur, eius erit sacerdotis, a quo offertur;<br />
10 et omne sacrificium similae sive oleo conspersum sive aridum fuerit, cunctis filiis Aaron<br />
aequa mensura per singulos dividetur.<br />
11 Haec est lex hostiae pacificorum quae offertur Domino;<br />
12 si pro gratiarum actione fuerit oblatio, offerent panes absque fermento conspersos oleo et<br />
lagana azyma uncta oleo coctamque similam ut collyridas olei admixtione conspersas,<br />
13 panes quoque fermentatos cum hostia pacificorum pro gratiarum actione,<br />
14 ex quibus unus offeretur munus Domino et erit sacerdotis, qui fundet hostiae sanguinem.<br />
15 Cuius carnes eadem comedentur die, nec remanebit ex eis quidquam usque mane.<br />
16 Si voto vel sponte quisquam obtulerit hostiam, eadem similiter edetur die; sed et si quid in<br />
crastinum remanserit, vesci licitum est;<br />
17 quidquid autem tertius invenerit dies, ignis absumet.<br />
18 Si quis de carnibus victimae pacificorum die tertio comederit, irrita fiet oblatio nec<br />
proderit offerenti; quin potius, quaecumque anima tali se edulio contaminarit,<br />
praevaricationis rea erit.<br />
19 Caro, quae aliquid tetigerit immundum, non comedetur, sed comburetur igni; ceterum<br />
carne, qui fuerit mundus, vescetur.<br />
20 Anima polluta, quae ederit de carnibus hostiae pacificorum, quae oblata est Domino,<br />
peribit de populis suis;<br />
21 et, quae tetigerit immunditiam hominis vel iumenti, sive omnis rei abominabilis, quae<br />
polluere potest, et comederit de huiuscemodi carnibus, interibit de populis suis”.<br />
22 Locutusque est Dominus ad Moysen dicens:<br />
23 “Loquere filiis Israel: Adipem bovis et ovis et caprae non comedetis.
130 PPEK / <strong>Nova</strong> <strong>Vulgata</strong><br />
24 Adipem cadaveris morticini et eius animalis, quod a bestia laceratum est, habebitis in usus<br />
varios, sed non comedetis.<br />
25 Si quis adipem, qui offertur in incensum Domini, comederit, peribit de populo suo.<br />
26 Sanguinem quoque omnis animalis non sumetis in cibo, tam de avibus quam de pecoribus;<br />
27 omnis anima, quae ederit sanguinem, peribit de populis suis”.<br />
28 Locutus est Dominus ad Moysen dicens:<br />
29 “Loquere filiis Israel: Qui offert victimam pacificorum Domino, afferat oblationem suam<br />
Domino de victima pacificorum.<br />
30 Tenebit manibus incensa Domini, adipem scilicet et pectusculum afferet; pectusculum, ut<br />
elevetur coram Domino.<br />
31 Et sacerdos adolebit adipem super altare; pectusculum autem erit Aaron et filiorum eius.<br />
32 Armus quoque dexter de pacificorum hostiis cedet in munus sacerdotis.<br />
33 Qui de filiis Aaron obtulerit sanguinem et adipem victimae pacificorum, ipse habebit<br />
armum dextrum in portione sua;<br />
34 pectusculum enim elationis et armum donationis tuli a filiis Israel de hostiis eorum<br />
pacificis et dedi Aaron sacerdoti ac filiis eius, lege perpetua, ab omni populo Israel”.<br />
35 Haec est portio Aaron et filiorum eius de incensis Domini die, qua applicavit eos, ut<br />
sacerdotio fungerentur;<br />
36 et quae praecepit dari eis Dominus a filiis Israel die, qua unxit eos, religione perpetua in<br />
generationibus eorum.<br />
37 Ista est lex holocausti et oblationis similae et sacrificii pro peccato atque delicto et pro<br />
consecratione et pacificorum victimis,<br />
38 quam constituit Dominus Moysi in monte Sinai, quando mandavit filiis Israel, ut offerrent<br />
oblationes suas Domino in deserto Sinai.<br />
8<br />
1 Locutusque est Dominus ad Moysen dicens:<br />
2 “Tolle Aaron cum filiis suis, vestes eorum et unctionis oleum, vitulum pro peccato, duos<br />
arietes, canistrum cum azymis;<br />
3 et congregabis omnem coetum ad ostium tabernaculi conventus”.<br />
4 Fecit Moyses, ut Dominus imperarat; congregatoque omni coetu ante fores tabernaculi<br />
conventus,<br />
5 ait: “Iste est sermo, quem iussit Dominus fieri”.<br />
6 Statimque applicavit Aaron et filios eius. Cumque lavisset eos aqua,<br />
7 vestivit pontificem subucula linea accingens eum balteo et induens tunica hyacinthina et<br />
desuper ephod imposuit,<br />
8 quod astrinxit cingulo ephod firmiter; et imposuit ei pectorale, in quo dedit Urim et<br />
Tummim.<br />
9 Cidari quoque texit caput et super eam contra frontem posuit laminam auream, diadema<br />
sanctum, sicut praeceperat Dominus Moysi.<br />
10 Tulit et unctionis oleum, quo levit habitaculum cum omni supellectili sua et sanctificavit<br />
ea.<br />
11 Cumque de eo aspersisset altare septem vicibus, unxit illud et omnia vasa eius labrumque<br />
cum basi sua sanctificavit oleo.<br />
12 Quod fundens super caput Aaron, unxit eum et consecravit;<br />
13 filios quoque eius applicatos vestivit subuculis lineis et cinxit balteo imposuitque mitras,<br />
ut iusserat Dominus Moysi.<br />
14 Adduxit et vitulum pro peccato; cumque super caput eius posuissent Aaron et filii eius<br />
manus suas,
PPEK / <strong>Nova</strong> <strong>Vulgata</strong> 131<br />
15 immolavit eum; et hauriens Moyses sanguinem tincto digito tetigit cornua altaris per<br />
gyrum et mundavit illud; fuditque reliquum sanguinem ad fundamenta eius et sanctificavit<br />
illud expiando.<br />
16 Adipem autem, qui erat super vitalia, et reticulum iecoris duosque renunculos cum<br />
arvinulis suis adolevit super altare;<br />
17 vitulum cum pelle, carnibus et fimo cremans extra castra, sicut praeceperat Dominus<br />
Moysi.<br />
18 Attulit et arietem in holocaustum, super cuius caput cum imposuissent Aaron et filii eius<br />
manus suas,<br />
19 immolavit eum et fudit sanguinem eius per altaris circuitum.<br />
20 Ipsumque arietem in frusta concidens, caput eius et artus et adipem adolevit igni;<br />
21 lotis prius intestinis et pedibus, totumque simul arietem adolevit super altare, eo quod<br />
esset holocaustum suavissimi odoris, incensum Domino, sicut praeceperat Dominus Moysi.<br />
22 Attulit et arietem secundum in consecrationem sacerdotum; posueruntque super caput<br />
illius Aaron et filii eius manus suas.<br />
23 Quem cum immolasset Moyses, sumens de sanguine tetigit extremum auriculae dextrae<br />
Aaron et pollicem manus eius dextrae, similiter et pedis.<br />
24 Applicavit et filios Aaron; cumque de sanguine arietis immolati tetigisset extremum<br />
auriculae singulorum dextrae et pollices manus ac pedis dextri, reliquum fudit super altare per<br />
circuitum.<br />
25 Tulitque adipem et caudam omnemque pinguedinem, quae operit intestina reticulumque<br />
iecoris, et duos renes cum adipibus suis et armo dextro.<br />
26 Tollens autem de canistro azymorum, quod erat coram Domino, panem absque fermento<br />
et collyridam conspersam oleo laganumque posuit super adipes et armum dextrum,<br />
27 tradens simul omnia super manus Aaron et filiorum eius. Qui, postquam levaverunt ea<br />
coram Domino,<br />
28 rursum suscepta de manibus eorum adolevit in altari super holocausto, eo quod illa essent<br />
consecrationis oblatio, in odorem suavitatis: incensum erat Domino.<br />
29 Tulit et pectusculum elevans illud coram Domino de ariete consecrationis in partem suam,<br />
sicut praeceperat Dominus Moysi.<br />
30 Assumensque de unguento et sanguine, qui erat in altari, aspersit super Aaron et<br />
vestimenta eius et super filios illius ac vestes eorum.<br />
31 Cumque sanctificasset eos in vestitu suo, praecepit eis dicens: “Coquite carnes ante fores<br />
tabernaculi et ibi comedite eas; panes quoque consecrationis edite, qui positi sunt in canistro,<br />
sicut mihi praeceptum est: "Aaron et filii eius comedent eos;<br />
32 quidquid autem reliquum fuerit de carne et panibus, ignis absumet".<br />
33 De ostio quoque tabernaculi conventus non exibitis septem diebus usque ad diem, quo<br />
complebitur tempus consecrationis vestrae; septem enim diebus finitur consecratio.<br />
34 Sicut et impraesentiarum factum est, praecepit Dominus, ut fieret in expiationem eorum.<br />
35 Die ac nocte manebitis in ostio tabernaculi conventus observantes observationem Domini,<br />
ne moriamini: sic enim mihi praeceptum est”.<br />
36 Feceruntque Aaron et filii eius cuncta, quae locutus est Dominus per manum Moysi.<br />
9<br />
1 Facto autem octavo die, vocavit Moyses Aaron et filios eius ac maiores natu Israel dixitque<br />
ad Aaron:<br />
2 “Tolle de armento vitulum pro peccato et arietem in holocaustum, utrumque immaculatum,<br />
et affer illos coram Domino.<br />
3 Et ad filios Israel loqueris: "Tollite hircum pro peccato et vitulum atque agnum anniculos et<br />
sine macula in holocaustum,
132 PPEK / <strong>Nova</strong> <strong>Vulgata</strong><br />
4 bovem et arietem pro pacificis, et immolate eos coram Domino, et sacrificium similae oleo<br />
conspersae: hodie enim Dominus apparebit vobis"”.<br />
5 Tulerunt ergo cuncta, quae iusserat Moyses, ad ostium tabernaculi conventus; ubi, cum<br />
omnis coetus accessisset et staret coram Domino,<br />
6 ait Moyses: “Iste est sermo, quem praecepit Dominus: facite, et apparebit vobis gloria<br />
eius”.<br />
7 Dixit et ad Aaron: “Accede ad altare et immola pro peccato tuo; offer holocaustum et expia<br />
te et populum. Et fac hostiam populi et expia eum, sicut praecepit Dominus”.<br />
8 Statimque Aaron accedens ad altare immolavit vitulum pro peccato suo,<br />
9 cuius sanguinem obtulerunt ei filii sui; in quo tinguens digitum tetigit cornua altaris et fudit<br />
residuum ad basim eius.<br />
10 Adipemque et renunculos ac reticulum iecoris, quae sunt de sacrificio pro peccato,<br />
adolevit super altare, sicut praeceperat Dominus Moysi.<br />
11 Carnes vero et pellem eius extra castra combussit igni.<br />
12 Immolavit et holocausti victimam; obtuleruntque ei filii sui sanguinem eius, quem fudit<br />
per altaris circuitum.<br />
13 Ipsam etiam hostiam in frusta concisam cum capite ei obtulerunt, quae omnia super altare<br />
cremavit igni;<br />
14 lavit quoque aqua intestina cruraque et adolevit super holocausto in altari.<br />
15 Et applicavit oblationem populi sumensque hircum pro peccato populi mactavit et obtulit<br />
in expiationem sicut priorem;<br />
16 fecit quoque holocaustum secundum ritum<br />
17 et addens sacrificium similae implevit manum ex illa et adolevit super altare praeter<br />
holocaustum matutinum.<br />
18 Immolavit et bovem atque arietem, hostias pacificas populi; obtuleruntque ei filii sui<br />
sanguinem, quem fudit super altare in circuitu.<br />
19 Adipes autem bovis et caudam arietis renunculosque cum adipibus suis et reticulum<br />
iecoris<br />
20 posuerunt super pectora; cumque cremati essent adipes in altari,<br />
21 pectora eorum et armos dextros Aaron elevavit coram Domino, sicut praeceperat Moyses.<br />
22 Et elevans Aaron manus ad populum benedixit eis. Sicque, completis hostiis pro peccato<br />
et holocaustis et pacificis, descendit.<br />
23 Ingressi autem Moyses et Aaron tabernaculum conventus et deinceps egressi benedixerunt<br />
populo. Apparuitque gloria Domini omni populo;<br />
24 et ecce egressus ignis a Domino devoravit holocaustum et adipes, qui erant super altare.<br />
Quod cum vidissent turbae, exultaverunt ruentes in facies suas.<br />
10<br />
1 Arreptisque Nadab et Abiu filii Aaron turibulis, posue runt ignem et incensum desuper<br />
offerentes coram Domino ignem alienum, qui eis praeceptus non erat.<br />
2 Egressusque ignis a Domino devoravit eos, et mortui sunt coram Domino.<br />
3 Dixitque Moyses ad Aaron: “Hoc est, quod locutus est Dominus: "Sanctificabor in his, qui<br />
appropinquant mihi, et in conspectu omnis populi glorificabor"”. Quod audiens tacuit Aaron.<br />
4 Vocatis autem Moyses Misael et Elisaphan filiis Oziel patrui Aaron, ait ad eos: “Ite et<br />
tollite fratres vestros de conspectu sanctuarii et asportate extra castra”.<br />
5 Confestimque pergentes tulerunt eos, sicut iacebant vestitos subuculis suis, foras, ut sibi<br />
fuerat imperatum.<br />
6 Locutus est Moyses ad Aaron et ad Eleazar atque Ithamar filios eius: “Comas vestras nolite<br />
excutere et vestimenta nolite scindere, ne moriamini, et super omnem coetum oriatur<br />
indignatio. Fratres vestri, omnis domus Israel, plangant incendium, quod Dominus suscitavit.
PPEK / <strong>Nova</strong> <strong>Vulgata</strong> 133<br />
7 Vos autem non egredimini fores tabernaculi conventus, alioquin peribitis; oleum quippe<br />
unctionis Domini est super vos”. Qui fecerunt omnia iuxta praeceptum Moysi.<br />
8 Dixit quoque Dominus ad Aaron:<br />
9 “Vinum et omne, quod inebriare potest, non bibetis tu et filii tui, quando intratis<br />
tabernaculum conventus, ne moriamini - praeceptum est sempiternum in generationes vestras<br />
10 et ut habeatis scientiam discernendi inter sanctum et profanum, inter pollutum et mundum,<br />
11 doceatisque filios Israel omnia legitima mea, quae locutus est Dominus ad eos per manum<br />
Moysi”.<br />
12 Locutusque est Moyses ad Aaron et ad Eleazar atque Ithamar filios eius, qui residui erant:<br />
“Tollite oblationem similae, quae remansit de incensis Domini, et comedite illam absque<br />
fermento iuxta altare, quia sanctum sanctorum est.<br />
13 Comedetis autem in loco sancto, quia data est tibi et filiis tuis de incensis Domini, sicut<br />
praeceptum est mihi.<br />
14 Pectusculum quoque elationis et armum donationis edetis in loco mundissimo, tu et filii<br />
tui ac filiae tuae tecum; tibi enim ac liberis tuis reposita sunt de hostiis pacificis filiorum<br />
Israel.<br />
15 Armum et pectus cum incensis adipum afferent ad elationem coram Domino, et pertineant<br />
ad te et ad filios tuos lege perpetua, sicut praecepit Dominus”.<br />
16 De hirco autem pro peccato cum quaereret Moyses, exustum repperit; iratusque contra<br />
Eleazar et Ithamar filios Aaron, qui remanserant, ait:<br />
17 “Cur non comedistis sacrificium pro peccato in loco sancto? Quod sanctum sanctorum est,<br />
et datum vobis, ut portetis iniquitatem coetus in expiationem eorum in conspectu Domini;<br />
18 praesertim cum de sanguine illius non sit illatum intra sancta, comedere eam debuistis in<br />
sanctuario, sicut praeceptum est mihi”.<br />
19 Respondit Aaron: “Oblata est hodie victima pro peccato et holocaustum eorum coram<br />
Domino; mihi autem accidit, quod vides. Quomodo potui comedere eam et placere<br />
Domino?”.<br />
20 Quod cum audisset Moyses, recepit satisfactionem.<br />
11<br />
1 Locutus est Dominus ad Moysen et Aaron dicens:<br />
2 “Dicite filiis Israel: Haec sunt animalia, quae comedere debetis de cunctis animantibus<br />
terrae.<br />
3 Omne, quod habet plene divisam ungulam et ruminat in pecoribus, comedetis.<br />
4 Haec autem non comedetis ex ruminantibus vel dividentibus ungulam: camelum, quia<br />
ruminat quidem, sed non dividit ungulam, inter immunda reputabis;<br />
5 hyracem, qui ruminat ungulamque non dividit, immundus est;<br />
6 leporem quoque, nam et ipse ruminat, sed ungulam non dividit;<br />
7 et suem, qui, cum ungulam plene dividat, non ruminat.<br />
8 Horum carnibus non vescemini nec cadavera contingetis, quia immunda sunt vobis.<br />
9 Haec sunt, quae gignuntur in aquis et vesci licitum est: omne, quod habet pinnulas et<br />
squamas, tam in mari quam in fluminibus et torrentibus, comedetis.<br />
10 Quidquid autem pinnulas et squamas non habet, reptilium vel quorumlibet aliorum<br />
animalium, quae in aquis moventur, abominabile vobis<br />
11 et execrandum erit; carnes eorum non comedetis et morticina vitabitis.<br />
12 Cuncta, quae non habent pinnulas et squamas in aquis, polluta erunt vobis.<br />
13 Haec sunt, quae de avibus comedere non debetis, et vitanda sunt vobis: aquilam et grypem<br />
et haliaeetum,<br />
14 milvum ac vulturem iuxta genus suum<br />
15 et omne corvini generis,
134 PPEK / <strong>Nova</strong> <strong>Vulgata</strong><br />
16 struthionem et noctuam et larum et accipitrem iuxta genus suum,<br />
17 bubonem et mergulum et ibin,<br />
18 cycnum et nyctocoracem et porphyrionem,<br />
19 erodionem et charadrion iuxta genus suum, upupam quoque et vespertilionem.<br />
20 Omne de volucribus, quod reptat super quattuor pedes, abominabile erit vobis.<br />
21 Quidquid autem ambulat quidem super quattuor pedes, sed habet longiora retro crura, per<br />
quae salit super terram,<br />
22 comedere debetis; ut est bruchus in genere suo et attacus atque ophiomachus ac locusta,<br />
singula iuxta genus suum.<br />
23 Quidquid autem ex volucribus reptantibus quattuor tantum habet pedes, execrabile erit<br />
vobis.<br />
24 Et quicumque morticina eorum tetigerit, polluetur et erit immundus usque ad vesperum.<br />
25 Et si necesse fuerit, ut portet quippiam horum mortuum, lavabit vestimenta sua et<br />
immundus erit usque ad solis occasum.<br />
26 Omne animal, quod habet quidem ungulam, sed non dividit eam nec ruminat, immundum<br />
erit vobis; et, qui tetigerit illud, contaminabitur.<br />
27 Quod ambulat super plantas pedum ex cunctis animantibus, quae incedunt quadrupedia,<br />
immundum erit; qui tetigerit morticina eorum, polluetur usque ad vesperum.<br />
28 Et, qui portaverit huiuscemodi cadavera, lavabit vestimenta sua et immundus erit usque ad<br />
vesperum; quia omnia haec immunda sunt vobis.<br />
29 Haec quoque inter polluta reputabuntur de his, quae reptant in terra: mustela et mus et<br />
lacerta iuxta genus suum,<br />
30 mygale et testudo et stellio et talpa et chamaeleon:<br />
31 omnia haec immunda sunt.<br />
Qui tetigerit morticina eorum, immundus erit usque ad vesperum;<br />
32 et super quod ceciderit quidquam de morticinis eorum, polluetur tam vas ligneum et<br />
vestimentum quam pelles et cilicia, et in quocumque fit opus; tinguentur aqua et polluta erunt<br />
usque ad vesperum et postea munda.<br />
33 Vas autem fictile, in quo horum quidquam intro ceciderit, polluetur et frangendum est.<br />
34 Omnis cibus, quem comedetis, si fusa fuerit exinde super eum aqua, immundus erit; et<br />
omne liquens, quod bibitur de tali vase, immundum erit.<br />
35 Et quidquid de morticinis istiusmodi ceciderit super illud, immundum erit; sive clibani<br />
sive chytropodes destruentur: immundi sunt et immundi erunt vobis.<br />
36 Fontes tamen et cisternae et omnis aquarum congregatio munda erit. Qui vero morticinum<br />
eorum tetigerit, polluetur.<br />
37 Si ceciderint super sementem, non polluent eam;<br />
38 sin autem quispiam aqua sementem perfuderit, et postea morticinis tacta fuerit, immunda<br />
erit vobis.<br />
39 Si mortuum fuerit animal, quod licet vobis comedere, qui cadaver eius tetigerit, immundus<br />
erit usque ad vesperum;<br />
40 et, qui comederit ex eo quippiam sive portaverit cadaver eius, lavabit vestimenta sua et<br />
immundus erit usque ad vesperum.<br />
41 Omne, quod reptat super terram, abominabile erit nec assumetur in cibum.<br />
42 Quidquid super pectus et quidquid quadrupes graditur, vel multos habet pedes sive per<br />
humum trahitur, non comedetis, quia abominabile est.<br />
43 Nolite contaminare animas vestras nec tangatis quidquam eorum, ne immundi sitis.<br />
44 Ego enim sum Dominus Deus vester; sanctificamini et sancti estote, quoniam et ego<br />
sanctus sum. Ne polluatis animas vestras in omni reptili, quod movetur super terram.<br />
45 Ego enim sum Dominus, qui eduxi vos de terra Aegypti, ut essem vobis in Deum: sancti<br />
eritis, quia et ego sanctus sum.
PPEK / <strong>Nova</strong> <strong>Vulgata</strong> 135<br />
46 Ista est lex animantium et volucrum et omnis animae viventis, quae movetur in aqua et<br />
reptat in terra,<br />
47 ut differentias noveritis mundi et immundi, et sciatis quid comedere et quid respuere<br />
debeatis”.<br />
12<br />
1 Locutus est Dominus ad Moysen dicens:<br />
2 “Loquere fi liis Israel et dices ad eos: Mulier, si, suscepto semine, pepererit masculum,<br />
immunda erit septem diebus iuxta dies separationis menstruae,<br />
3 et die octavo circumcidetur infantulus;<br />
4 ipsa vero triginta tribus diebus manebit in sanguine purificationis suae; omne sanctum non<br />
tanget nec ingredietur sanctuarium, donec impleantur dies purificationis eius.<br />
5 Sin autem feminam pepererit, immunda erit duabus hebdomadibus iuxta ritum fluxus<br />
menstrui, et sexaginta ac sex diebus manebit in sanguine purificationis suae.<br />
6 Cumque expleti fuerint dies purificationis suae pro filio sive pro filia, deferet agnum<br />
anniculum in holocaustum et pullum columbae sive turturem pro peccato ad ostium<br />
tabernaculi conventus et tradet sacerdoti.<br />
7 Qui offeret illa coram Domino et expiabit eam; et sic mundabitur a profluvio sanguinis sui:<br />
ista est lex parientis masculum aut feminam.<br />
8 Quod si non invenerit manus eius, nec potuerit offerre agnum, sumet duos turtures vel duos<br />
pullos columbae, unum in holocaustum et alterum pro peccato; expiabitque eam sacerdos, et<br />
sic mundabitur”.<br />
13<br />
1 Locutus est Dominus ad Moysen et Aaron dicens:<br />
2 “Homo, in cuius carne et cute ortus fuerit tumor sive pustula aut quasi lucens quippiam, id<br />
est plaga leprae, adducetur ad Aaron sacerdotem vel ad unum quemlibet filiorum eius<br />
sacerdotum.<br />
3 Qui cum viderit plagam in cute et pilos in album mutatos colorem ipsamque speciem plagae<br />
humiliorem cute et carne reliqua: plaga leprae est; quod cum viderit sacerdos, eum<br />
immundum esse decernet.<br />
4 Sin autem lucens candor fuerit in cute nec humilior carne reliqua, et pili coloris pristini,<br />
recludet eum sacerdos septem diebus.<br />
5 Et considerabit eum die septimo: et, siquidem plaga ultra non creverit nec transierit in cute<br />
priores terminos, rursum recludet eum septem diebus aliis.<br />
6 Et die septimo contemplabitur eum iterum: si obscurior fuerit plaga et non creverit in cute,<br />
eum mundum esse decernet, quia scabies est. Lavabitque homo vestimenta sua et mundus<br />
erit.<br />
7 Quod si, postquam a sacerdote visus est et redditus munditiae, iterum scabies creverit,<br />
adducetur ad eum;<br />
8 et, si viderit ita esse, immunditiae condemnabitur: est lepra.<br />
9 Plaga leprae si fuerit in homine, adducetur ad sacerdotem,<br />
10 et videbit eum. Cumque tumor albus in cute fuerit et capillorum mutaverit aspectum in<br />
album, caro quoque viva creverit in tumore,<br />
11 lepra vetustissima iudicabitur atque inolita cuti. Contaminabit itaque eum sacerdos et non<br />
recludet, quia perspicue immunditia est.<br />
12 Sin autem effloruerit discurrens lepra in cute et operuerit omnem cutem a capite usque ad<br />
pedes, quidquid sub aspectu oculorum cadit,
136 PPEK / <strong>Nova</strong> <strong>Vulgata</strong><br />
13 considerabit eum sacerdos et teneri lepra mundissima iudicabit, eo quod omnis in<br />
candorem versa sit, et idcirco homo mundus erit.<br />
14 Quando vero caro vivens in eo apparuerit, immundus erit.<br />
15 Quod cum sacerdos viderit, inter immundos reputabit; caro enim viva immunda est: lepra<br />
est.<br />
16 Quod si rursum versa fuerit in alborem, veniet ad sacerdotem,<br />
17 qui cum hoc consideraverit, eum mundum esse decernet.<br />
18 Caro et cutis, in qua ulcus natum est et sanatum,<br />
19 et in loco ulceris tumor apparuerit albus sive macula subrufa, ostendet se homo sacerdoti.<br />
20 Qui cum viderit locum maculae humiliorem carne reliqua et pilos versos in candorem,<br />
contaminabit eum: plaga enim leprae orta est in ulcere.<br />
21 Quod si pilus coloris est pristini et cicatrix subobscura et vicina carne non est humilior,<br />
recludet eum septem diebus.<br />
22 Et, siquidem creverit, adiudicabit eum leprae;<br />
23 sin autem steterit in loco suo macula nec creverit, ulceris est cicatrix, et sacerdos eum<br />
mundum esse decernet.<br />
24 Vel si alicuius cutem ignis exusserit, et locus exustionis subrufam sive albam habuerit<br />
maculam,<br />
25 considerabit eam sacerdos; et ecce pilus versus est in alborem, et locus eius reliqua cute<br />
humilior, contaminabit eum, quia plaga leprae in cicatrice orta est.<br />
26 Quod si pilorum color non fuerit immutatus, nec humilior macula carne reliqua, et ipsa<br />
leprae species fuerit subobscura, recludet eum septem diebus.<br />
27 Et die septimo contemplabitur eum; si creverit in cute macula, contaminabit eum: plaga<br />
est leprae;<br />
28 sin autem in loco suo macula steterit non satis clara, tumor combustionis est, et idcirco<br />
mundabit eum, quia cicatrix est combusturae.<br />
29 Vir sive mulier, in cuius capite vel barba germinarit plaga, videbit eam sacerdos.<br />
30 Et, siquidem humilior fuerit locus carne reliqua, et capillus flavus solitoque subtilior,<br />
contaminabit eos, quia scabies est, lepra capitis vel barbae.<br />
31 Sin autem viderit plagam scabiei aequalem vicinae carni nec capillum nigrum in ea,<br />
recludet eos septem diebus.<br />
32 Et die septimo intuebitur plagam: si non creverit scabies, nec capillus flavus fuerit in ea, et<br />
locus plagae carni reliquae aequalis,<br />
33 radetur homo absque loco maculae, et includet eum sacerdos septem diebus aliis.<br />
34 Si die septimo visa fuerit stetisse plaga in loco suo nec humilior carne reliqua, mundabit<br />
eum sacerdos; lotisque vestibus mundus erit.<br />
35 Sin autem post emundationem rursus creverit scabies in cute,<br />
36 non quaeret amplius utrum capillus in flavum colorem sit commutatus, quia aperte<br />
immundus est.<br />
37 Porro si steterit macula, et capilli nigri fuerint, noverit hominem esse sanatum et<br />
confidenter eum pronuntiet mundum.<br />
38 Vir et mulier, in cuius cute maculae, maculae albae apparuerint,<br />
39 intuebitur eos sacerdos. Si deprehenderit subobscurum alborem lucere in cute, sciat<br />
impetiginem ortam esse in cute; mundus est.<br />
40 Vir, de cuius capite capilli fluunt, calvus ac mundus est;<br />
41 et, si a fronte ceciderint pili, recalvaster et mundus est.<br />
42 Sin autem in calvitio sive in recalvatione plaga alba vel subrufa fuerit exorta, lepra est<br />
capitis.<br />
43 Sacerdos eum videbit, et ecce tumor plagae subrufus secundum aspectum leprae cutis<br />
carnis.
PPEK / <strong>Nova</strong> <strong>Vulgata</strong> 137<br />
44 Vir maculatus est lepra, et sacerdos omnino decernet eum esse immundum; plaga est in<br />
capite eius.<br />
45 Leprosus hac plaga percussus habebit vestimenta dissuta, comam capitis excussam,<br />
barbam contectam; clamabit: "Immundus! Immundus!".<br />
46 Omni tempore, quo leprosus est immundus, immundus est et solus habitabit extra castra.<br />
47 Si in veste lanea sive linea lepra fuerit,<br />
48 in stamine sive subtemine lineo vel laneo aut in pelle vel quolibet ex pelle confecto,<br />
49 si macula pallida aut rufa fuerit, lepra reputabitur ostendeturque sacerdoti.<br />
50 Qui considerabit macula infectum et recludet septem diebus;<br />
51 et die septimo rursus aspiciens, si crevisse deprehenderit, lepra maligna est; pollutum<br />
iudicabit vestimentum et omne, in quo fuerit inventa,<br />
52 et idcirco comburetur flammis.<br />
53 Quod si eam viderit non crevisse,<br />
54 praecipiet, et lavabunt id, in quo plaga est; recludetque illud septem diebus aliis.<br />
55 Et cum viderit post lavationem faciem quidem pristinam non mutatam, nec tamen crevisse<br />
plagam, immunda est res, et igne combures eam, eo quod infusa sit plaga in superficie rei vel<br />
in parte aversa.<br />
56 Sin autem obscurior fuerit locus plagae, postquam res est lota, sacerdos abrumpet eum et a<br />
solido dividet.<br />
57 Quod si macula ultra apparuerit in his rebus, quae prius immaculata erant, lepra volatilis et<br />
vaga, igne combures illas.<br />
58 Quas vero laveris et a quibus cessaverit plaga, illas lavabis secundo, et mundae erunt.<br />
59 Ista est lex leprae vestimenti lanei et linei, staminis atque subteminis, omnisque<br />
supellectilis pelliceae, quomodo mundari debeat vel contaminari”.<br />
14<br />
1 Locutusque est Dominus ad Moysen dicens:<br />
2 “Hic est ri tus leprosi, quando mundandus est: adducetur ad sacerdotem,<br />
3 qui egressus e castris, cum invenerit lepram esse sanatam,<br />
4 praecipiet, ut sumant pro eo, qui purificatur, duas aves vivas, mundas et lignum cedrinum<br />
vermiculumque et hyssopum.<br />
5 Et unam ex avibus immolari iubebit in vase fictili super aquas viventes.<br />
6 Aliam autem vivam cum ligno cedrino et cocco et hyssopo tinguet in sanguine avis super<br />
aquas viventes immolatae,<br />
7 quo asperget illum, qui a lepra mundandus est, septies, ut iure purgetur; et dimittet avem<br />
vivam, ut in agrum avolet.<br />
8 Cumque laverit homo vestimenta sua, radet omnes pilos corporis, et lavabitur aqua;<br />
purificatusque ingredietur castra, ita dumtaxat ut maneat extra tabernaculum suum septem<br />
diebus.<br />
9 Et die septimo radet capillos capitis barbamque et supercilia ac totius corporis pilos et<br />
lavabit vestimenta carnemque suam aqua, et mundus erit.<br />
10 Die octavo assumet duos agnos immaculatos et ovem anniculam absque macula et tres<br />
decimas ephi similae in sacrificium, quae conspersa sit oleo, et log olei.<br />
11 Cumque sacerdos purificans hominem statuerit eum et haec omnia coram Domino in ostio<br />
tabernaculi conventus,<br />
12 tollet agnum unum et offeret eum in sacrificium pro delicto, oleique log et, elevatis ante<br />
Dominum omnibus,<br />
13 immolabit agnum, ubi immolari solet hostia pro peccato et holocaustum, id est in loco<br />
sancto. Sicut enim pro peccato ita et pro delicto ad sacerdotem pertinet sacrificium: sanctum<br />
sanctorum est.
138 PPEK / <strong>Nova</strong> <strong>Vulgata</strong><br />
14 Assumensque sacerdos de sanguine hostiae pro delicto ponet super extremum auriculae<br />
dextrae eius, qui mundatur, et super pollices manus dextrae et pedis;<br />
15 et de olei log mittet in manum suam sinistram<br />
16 tinguetque digitum dextrum in eo et asperget septies coram Domino.<br />
17 Quod autem reliquum est olei in laeva manu, fundet super extremum auriculae dextrae<br />
eius, qui mundatur, et super pollices manus ac pedis dextri et super sanguinem sacrificii pro<br />
delicto<br />
18 et super caput eius, qui mundatur; expiabitque eum coram Domino<br />
19 et faciet sacrificium pro peccato. Tunc immolabit holocaustum<br />
20 et ponet illud in altari cum sacrificio similae, et homo rite mundabitur.<br />
21 Quod si pauper est, et non potest manus eius invenire, quae dicta sunt, assumet agnum pro<br />
delicto ad elationem, ut expiet eum sacerdos, decimamque partem similae conspersae oleo in<br />
sacrificium et olei log<br />
22 duosque turtures sive duos pullos columbae, quos manus eius invenire poterit, unum pro<br />
peccato et alterum in holocaustum.<br />
23 Offeretque ea die octavo purificationis suae sacerdoti ad ostium tabernaculi conventus<br />
coram Domino.<br />
24 Qui suscipiens agnum pro delicto et log olei levabit simul coram Domino;<br />
25 immolatoque agno pro delicto, de sanguine eius ponet super extremum auriculae dextrae<br />
illius, qui mundatur, et super pollices manus eius ac pedis dextri;<br />
26 olei vero partem mittet in manum suam sinistram.<br />
27 In quo tinguens digitum dextrae manus asperget septies coram Domino;<br />
28 tangetque extremum auriculae dextrae illius, qui mundatur, et pollices manus ac pedis<br />
dextri super locum sanguinis, qui effusus est pro delicto.<br />
29 Reliquam autem partem olei, quae est in sinistra manu, mittet super caput hominis, qui<br />
purificatur, in expiationem eius coram Domino;<br />
30 et turtures sive pullos columbae, quos manus illius invenerit, offeret,<br />
31 unum pro delicto et alterum in holocaustum cum sacrificio similae, et sic expiabit eum<br />
sacerdos coram Domino.<br />
32 Hoc est sacrificium leprosi, qui habere non potest omnia in emundationem sui”.<br />
33 Locutus est Dominus ad Moysen et Aaron dicens:<br />
34 “Cum ingressi fueritis terram Chanaan, quam ego dabo vobis in possessionem, si fuerit<br />
plaga leprae in aedibus terrae possessionis vestrae,<br />
35 ibit, cuius est domus, nuntians sacerdoti et dicet: "Quasi plaga videtur mihi esse in domo<br />
mea".<br />
36 At ille praecipiet, ut efferant universa de domo, priusquam ingrediatur eam, et videat<br />
plagam, ne immunda fiant omnia, quae in domo sunt. Intrabitque postea, ut consideret<br />
domum;<br />
37 et, cum viderit in parietibus illius quasi valliculas pallore sive rubore deformes et<br />
humiliores superficie reliqua,<br />
38 egredietur ostium domus et statim claudet eam septem diebus.<br />
39 Reversusque die septimo considerabit eam; si invenerit crevisse plagam,<br />
40 iubebit erui lapides, in quibus plaga est, et proici eos extra civitatem in loco immundo;<br />
41 domum autem ipsam radi intrinsecus per circuitum et spargi pulverem rasurae extra urbem<br />
in locum immundum<br />
42 lapidesque alios reponi pro his, qui ablati fuerint, et luto alio liniri domum.<br />
43 Sin autem plaga rursum effloruerit in domo, postquam eruti sunt lapides et pulvis erasus et<br />
alia terra lita,<br />
44 et ingressus sacerdos viderit crevisse plagam in domo: lepra est maligna et domus<br />
immunda.
PPEK / <strong>Nova</strong> <strong>Vulgata</strong> 139<br />
45 Quam statim destruent et lapides eius ac ligna atque universum pulverem domus proicient<br />
extra oppidum in loco immundo.<br />
46 Qui intraverit domum, quando clausa est, immundus erit usque ad vesperum;<br />
47 et, qui dormierit in ea vel comederit quippiam, lavabit vestimenta sua.<br />
48 Quod si introiens sacerdos viderit plagam non crevisse in domo, postquam denuo lita est,<br />
mundam eam esse decernet, reddita sanitate.<br />
49 Et in purificationem eius sumet duas aves lignumque cedrinum et vermiculum atque<br />
hyssopum<br />
50 et, immolata una avi in vase fictili super aquas vivas,<br />
51 tollet lignum cedrinum et hyssopum et coccum et avem vivam et intinguet omnia in<br />
sanguine avis immolatae atque in aquis viventibus et asperget domum septies;<br />
52 purificabitque eam tam in sanguine avis quam in aquis viventibus et in avi viva lignoque<br />
cedrino et hyssopo atque vermiculo;<br />
53 cumque dimiserit avem avolare extra urbem in agrum libere, expiabit domum, et erit<br />
munda.<br />
54 Ista est lex omnis leprae et scabiei,<br />
55 leprae vestium et domorum,<br />
56 tumoris et pustulae et lucentis maculae,<br />
57 ut possit sciri quo tempore immundum quid vel mundum sit”.<br />
15<br />
1 Locutus est Dominus ad Moysen et Aaron dicens:<br />
2 “Loquimini filiis Israel et dicite eis: Vir, si patitur fluxum seminis, immundus erit.<br />
3 Et tunc iudicabitur huic vitio subiacere: sive emiserit caro eius fluxum suum vel occluserit<br />
se a fluxu.<br />
4 Omne stratum, in quo iacuerit, immundum erit, et ubicumque sederit.<br />
5 Si quis hominum tetigerit lectum eius, lavabit vestimenta sua, et ipse lotus aqua immundus<br />
erit usque ad vesperum.<br />
6 Si sederit, ubi ille sederat, et ipse lavabit vestimenta sua et lotus aqua immundus erit usque<br />
ad vesperum.<br />
7 Qui tetigerit carnem eius, lavabit vestimenta sua et ipse lotus aqua immundus erit usque ad<br />
vesperum.<br />
8 Si salivam huiuscemodi homo iecerit super eum, qui mundus est, hic lavabit vestem suam<br />
et lotus aqua immundus erit usque ad vesperum.<br />
9 Sagma, super quo sederit, immundum erit;<br />
10 et quicumque tetigerit omne, quod sub eo fuerit, qui fluxum seminis patitur, pollutus erit<br />
usque ad vesperum. Qui portaverit horum aliquid, lavabit vestem suam et ipse lotus aqua<br />
immundus erit usque ad vesperum.<br />
11 Omnis, quem tetigerit, qui fluxum patitur, non lotis ante manibus, lavabit vestimenta sua<br />
et lotus aqua immundus erit usque ad vesperum.<br />
12 Vas fictile, quod tetigerit, confringetur; vas autem ligneum lavabitur aqua.<br />
13 Si sanatus fuerit, qui huiuscemodi sustinet passionem, numerabit septem dies ad<br />
emundationem sui et, lotis vestibus ac toto corpore in aquis viventibus, erit mundus.<br />
14 Die autem octavo sumet duos turtures aut duos pullos columbae et veniet in conspectu<br />
Domini ad ostium tabernaculi conventus dabitque eos sacerdoti.<br />
15 Qui faciet unum in sacrificium pro peccato et alterum in holocaustum; expiabitque eum<br />
coram Domino et emundabitur a fluxu seminis sui.<br />
16 Vir, de quo egreditur semen, lavabit aqua omne corpus suum et immundus erit usque ad<br />
vesperum.
140 PPEK / <strong>Nova</strong> <strong>Vulgata</strong><br />
17 Vestem et pellem, super quam fuerit semen effusum, lavabitur aqua et immunda erit usque<br />
ad vesperum.<br />
18 Si cum muliere coierit vir, lavabunt se aqua et immundi erunt usque ad vesperum.<br />
19 Mulier, quae redeunte mense patitur fluxum sanguinis, septem diebus separabitur. Omnis,<br />
qui tetigerit eam, immundus erit usque ad vesperum;<br />
20 et in quo iacuerit vel sederit diebus separationis suae, polluetur.<br />
21 Qui tetigerit lectum eius, lavabit vestimenta sua et ipse lotus aqua immundus erit usque ad<br />
vesperum.<br />
22 Omne vas, super quo illa sederit, quisquis attigerit, lavabit vestimenta sua et ipse lotus<br />
aqua pollutus erit usque ad vesperum.<br />
23 Et quicumque tetigerit omne, quod fuerit super lectum vel supellectilem, in qua illa<br />
sederit, immundus erit usque ad vesperum.<br />
24 Si coierit cum ea vir tempore sanguinis menstrualis, immundus erit septem diebus, et<br />
omne stratum, in quo dormierit, polluetur.<br />
25 Mulier, quae patitur multis diebus fluxum sanguinis non in tempore menstruali vel quae<br />
post menstruum sanguinem fluere non cessat, quamdiu huic subiacet passioni, immunda erit<br />
quasi sit in tempore menstruo.<br />
26 Omne stratum, in quo dormierit, et vas, in quo sederit, pollutum erit.<br />
27 Quicumque tetigerit ea, polluetur; lavabit vestimenta sua et ipse lotus aqua immundus erit<br />
usque ad vesperum.<br />
28 Si steterit sanguis et fluere cessarit, numerabit septem dies et deinde munda erit.<br />
29 Et octavo die assumet pro se duos turtures vel duos pullos columbae afferetque sacerdoti<br />
ad ostium tabernaculi conventus.<br />
30 Qui unum faciet in sacrificium pro peccato et alterum in holocaustum; expiabitque eam<br />
coram Domino a fluxu immunditiae eius.<br />
31 Docebitis ergo filios Israel, ut caveant immunditiam, ne moriantur in sordibus suis, cum<br />
polluerint habitaculum meum, quod est inter eos.<br />
32 Ista est lex eius, qui patitur fluxum seminis et de quo egreditur semen et polluitur,<br />
33 et quae menstruis temporibus separatur vel quae iugi fluit sanguine, et hominis, qui<br />
dormierit cum immunda”.<br />
16<br />
1 Locutusque est Dominus ad Moysen post mortem duum filiorum Aaron, quando<br />
appropinquantes in conspectum Domini interfecti sunt,<br />
2 et praecepit ei dicens: “Loquere ad Aaron fratrem tuum, ne omni tempore ingrediatur<br />
sanctuarium, quod est intra velum coram propitiatorio, quo tegitur arca, ut non moriatur, quia<br />
in nube apparebo super propitiatorium;<br />
3 sed hoc modo ingrediatur: vitulum offeret pro peccato et arietem in holocaustum;<br />
4 subucula linea sancta vestietur, feminalibus lineis verecunda celabit, accingetur zona linea,<br />
cidarim lineam imponet capiti. Haec enim vestimenta sunt sancta, quibus cunctis, cum lotus<br />
fuerit, induetur.<br />
5 Suscipietque a coetu filiorum Israel duos hircos in sacrificium pro peccato et unum arietem<br />
in holocaustum.<br />
6 Cumque obtulerit vitulum in sacrificium suum pro peccato et expiaverit se et domum suam,<br />
7 duos hircos stare faciet coram Domino in ostio tabernaculi conventus,<br />
8 mittens super utrumque sortem, unam Domino et alteram Azazel.<br />
9 Cuius sors exierit Domino, offeret illum pro peccato;<br />
10 cuius autem in Azazel, statuet eum vivum coram Domino in expiationem, ut emittat illum<br />
ad Azazel in solitudinem.<br />
11 Afferet ergo Aaron vitulum pro peccato et expians se et domum suam immolabit eum;
PPEK / <strong>Nova</strong> <strong>Vulgata</strong> 141<br />
12 assumptoque turibulo, quod de prunis altaris coram Domino impleverit, et hauriens manu<br />
compositum thymiama in incensum ultra velum intrabit in sancta,<br />
13 ut, positis super ignem aromatibus coram Domino, nebula eorum et vapor operiat<br />
propitiatorium, quod est super testimonium, et non moriatur.<br />
14 Tollet quoque de sanguine vituli et asperget digito septies contra frontem propitiatorii.<br />
15 Cumque mactaverit hircum pro peccato populi, inferet sanguinem eius intra velum, sicut<br />
praeceptum est de sanguine vituli, ut aspergat e regione propitiatorii<br />
16 et expiet sanctuarium ab immunditiis filiorum Israel et a praevaricationibus eorum<br />
cunctisque peccatis. Iuxta hunc ritum faciet tabernaculo conventus, quod fixum est inter eos<br />
in medio sordium habitationis eorum.<br />
17 Nullus hominum sit in tabernaculo conventus, quando pontifex ingreditur sanctuarium, ut<br />
expiet se et domum suam et universam congregationem Israel, donec egrediatur.<br />
18 Cum autem exierit ad altare, quod coram Domino est, expiabit illud et sumptum<br />
sanguinem vituli atque hirci fundet super cornua eius per gyrum;<br />
19 aspergensque de sanguine digito septies mundabit sanctificabitque illud ab immunditiis<br />
filiorum Israel.<br />
20 Et postquam compleverit expiationem sanctuarii et tabernaculi conventus et altaris, tunc<br />
afferat hircum viventem;<br />
21 et, posita utraque manu super caput eius, confiteatur Aaron super eum omnes iniquitates<br />
filiorum Israel et universa delicta atque peccata eorum; quae ponens super caput eius emittet<br />
illum per hominem paratum in desertum.<br />
22 Cumque portaverit hircus super se omnes iniquitates eorum in terram solitariam et<br />
dimissus fuerit in desertum,<br />
23 ingredietur Aaron in tabernaculum conventus; et, depositis vestibus lineis, quibus prius<br />
indutus erat, cum intraret sanctuarium, relictisque ibi,<br />
24 lavabit carnem suam aqua in loco sancto indueturque vestimentis suis. Et postquam<br />
egressus obtulerit holocaustum suum ac plebis, expiabit se et populum;<br />
25 et adipem sacrificii pro peccato adolebit super altare.<br />
26 Ille vero, qui dimiserit caprum emissarium ad Azazel, lavabit vestimenta sua et corpus<br />
aqua et postea ingredietur in castra.<br />
27 Vitulum autem et hircum, qui pro peccato fuerant immolati, et quorum sanguis illatus est,<br />
ut in sanctuario expiatio compleretur, asportabunt foras castra et comburent igni tam pelles<br />
quam carnes eorum et fimum;<br />
28 et quicumque combusserit ea, lavabit vestimenta sua et carnem aqua et postea ingredietur<br />
in castra.<br />
29 Eritque hoc vobis legitimum sempiternum: mense septimo, decima die mensis affligetis<br />
animas vestras nullumque facietis opus sive indigena sive advena, qui peregrinatur inter vos.<br />
30 In hac die expiatio erit vestri atque mundatio; ab omnibus peccatis vestris coram Domino<br />
mundabimini.<br />
31 Sabbatum requietionis est vobis, et affligetis animas vestras religione perpetua.<br />
32 Expiabit autem sacerdos, qui unctus fuerit, et cuius initiatae manus, ut sacerdotio fungatur<br />
pro patre suo; indueturque vestimentis lineis, vestibus sanctis,<br />
33 et expiabit sanctuarium sanctissimum et tabernaculum conventus atque altare, sacerdotes<br />
quoque et universum populum congregationis.<br />
34 Eritque hoc vobis legitimum sempiternum, ut expietis filios Israel a cunctis peccatis eorum<br />
semel in anno”.<br />
Fecit igitur, sicut praeceperat Dominus Moysi.<br />
17<br />
1 Et locutus est Dominus ad Moysen dicens:
142 PPEK / <strong>Nova</strong> <strong>Vulgata</strong><br />
2 “Loquere Aaron et filiis eius et cunctis filiis Israel et dices ad eos: Iste est sermo, quem<br />
mandavit Dominus dicens:<br />
3 Homo quilibet de domo Israel, si occiderit bovem aut ovem sive capram in castris vel extra<br />
castra<br />
4 et non attulerit ad ostium tabernaculi conventus in oblationem Domino coram habitaculo<br />
Domini, sanguinis reus erit; sanguinem fudit et peribit de medio populi sui.<br />
5 Ideo offerre debent sacerdoti filii Israel hostias suas, quas occidunt in agro, ut afferant<br />
Domino ante ostium tabernaculi conventus et immolent eas hostias pacificas Domino.<br />
6 Fundetque sacerdos sanguinem super altare Domini ad ostium tabernaculi conventus et<br />
adolebit adipem in odorem suavitatis Domino;<br />
7 et nequaquam ultra immolabunt hostias suas daemonibus, cum quibus fornicati sunt:<br />
legitimum sempiternum erit hoc illis et posteris eorum”.<br />
8 Et ad ipsos dices: “Homo de domo Israel et de advenis, qui peregrinantur apud vos, qui<br />
obtulerit holocaustum sive sacrificium<br />
9 et ad ostium tabernaculi conventus non adduxerit victimam, ut offeratur Domino, interibit<br />
de populo suo.<br />
10 Homo quilibet de domo Israel et de advenis, qui peregrinantur inter eos, si comederit<br />
sanguinem, confirmabo faciem meam contra talem animam et disperdam eam de populo suo.<br />
11 Quia anima carnis in sanguine est, et ego dedi illum vobis, ut super altare in eo expietis<br />
pro animabus vestris, quia sanguis ipse per animam expiat.<br />
12 Idcirco dixi filiis Israel: Omnis anima ex vobis non comedet sanguinem, nec ex advenis,<br />
qui peregrinantur inter vos.<br />
13 Homo quicumque de filiis Israel et de advenis, qui peregrinantur apud vos, si venatione<br />
ceperit feram vel avem, quibus vesci licitum est, fundat sanguinem eius et operiat illum terra.<br />
14 Anima enim omnis carnis, sanguis est anima eius, unde dixi filiis Israel: Sanguinem<br />
universae carnis non comedetis, quia anima omnis carnis sanguis eius est; et, quicumque<br />
comederit illum, interibit.<br />
15 Anima, quae comederit morticinum vel captum a bestia, tam de indigenis quam de<br />
advenis, lavabit vestes suas et semetipsum aqua, et contaminatus erit usque ad vesperum; et<br />
hoc ordine mundus fiet.<br />
16 Quod si non laverit vestimenta sua nec corpus, portabit iniquitatem suam”.<br />
18<br />
1 Locutus est Dominus ad Moysen dicens:<br />
2 “Loquere fi liis Israel et dices ad eos: Ego Dominus Deus vester.<br />
3 Iuxta consuetudinem terrae Aegypti, in qua habitastis, non facietis; et iuxta morem regionis<br />
Chanaan, ad quam ego introducturus sum vos, non agetis nec in legitimis eorum ambulabitis.<br />
4 Facietis iudicia mea et praecepta mea servabitis et ambulabitis in eis. Ego Dominus Deus<br />
vester.<br />
5 Custodite leges meas atque iudicia; quae faciens homo vivet in eis. Ego Dominus.<br />
6 Omnis homo ad consanguineum suum non accedet, ut revelet turpitudinem eius. Ego<br />
Dominus.<br />
7 Turpitudinem patris et turpitudinem matris tuae non discooperies: mater tua est, non<br />
revelabis turpitudinem eius.<br />
8 Turpitudinem uxoris patris tui non discooperies, turpitudo enim patris tui est.<br />
9 Turpitudinem sororis tuae ex patre sive ex matre, quae domi vel foris genita est, non<br />
revelabis.<br />
10 Turpitudinem filiae filii tui vel neptis ex filia non revelabis, quia turpitudo tua est.<br />
11 Turpitudinem filiae uxoris patris tui, quam peperit patri tuo et est soror tua, non revelabis.<br />
12 Turpitudinem sororis patris tui non discooperies, quia caro est patris tui.
PPEK / <strong>Nova</strong> <strong>Vulgata</strong> 143<br />
13 Turpitudinem sororis matris tuae non revelabis, eo quod caro sit matris tuae.<br />
14 Turpitudinem patrui tui non revelabis nec accedes ad uxorem eius, quae tibi affinitate<br />
coniungitur.<br />
15 Turpitudinem nurus tuae non revelabis, quia uxor filii tui est, nec discooperies<br />
ignominiam eius.<br />
16 Turpitudinem uxoris fratris tui non revelabis, quia turpitudo fratris tui est.<br />
17 Turpitudinem mulieris et filiae eius non revelabis. Filiam filii eius et filiam filiae illius non<br />
sumes, ut reveles ignominiam eius, quia caro illius sunt: nefas est.<br />
18 Sororem uxoris tuae aemulam illius non accipies nec revelabis turpitudinem eius, adhuc<br />
illa vivente.<br />
19 Ad mulierem, quae patitur menstrua, non accedes nec revelabis foeditatem eius.<br />
20 Cum uxore proximi tui non coibis nec seminis commixtione maculaberis.<br />
21 De semine tuo non dabis, ut consecretur idolo Moloch, nec pollues nomen Dei tui. Ego<br />
Dominus.<br />
22 Cum masculo non commisceberis coitu femineo: abominatio est.<br />
23 Cum omni pecore non coibis nec maculaberis cum eo. Mulier non succumbet iumento nec<br />
miscebitur ei, quia scelus est.<br />
24 Ne polluamini in omnibus his, quibus contaminatae sunt universae gentes, quas ego<br />
eiciam ante conspectum vestrum<br />
25 et quibus polluta est terra, cuius ego scelera visitavi, et evomuit habitatores suos.<br />
26 Vos autem custodite legitima mea atque iudicia et non faciatis ex omnibus<br />
abominationibus istis tam indigena quam colonus, qui peregrinatur apud vos.<br />
27 Omnes enim execrationes istas fecerunt accolae terrae, qui fuerunt ante vos, et polluerunt<br />
eam.<br />
28 Cavete ergo, ne et vos similiter evomat, cum pollueritis eam, sicut evomuit gentem, quae<br />
fuit ante vos.<br />
29 Omnis enim anima, quae fecerit de abominationibus his quippiam, peribit de medio populi<br />
sui.<br />
30 Custodite mandata mea. Nolite facere legitima abominabilia, quae fecerunt hi, qui fuerunt<br />
ante vos, et ne polluamini in eis. Ego Dominus Deus vester”.<br />
19<br />
1 Locutus est Dominus ad Moysen dicens:<br />
2 “Loquere ad omnem coetum filiorum Israel et dices ad eos: Sancti estote, quia sanctus sum<br />
ego, Dominus Deus vester.<br />
3 Unusquisque matrem et patrem suum timeat. Sabbata mea custodite. Ego Dominus Deus<br />
vester.<br />
4 Nolite converti ad idola nec deos conflatiles faciatis vobis. Ego Dominus Deus vester.<br />
5 Si immolaveritis hostiam pacificorum Domino, immolabitis eam ita ut sit vobis placabilis.<br />
6 Eo die, quo fuerit immolata, comedetur et die altero; quidquid autem residuum fuerit in<br />
diem tertium, igne comburetur.<br />
7 Si quid post biduum comestum fuerit, profanum erit neque acceptabile.<br />
8 Qui manducaverit illud, portabit iniquitatem suam, quia sanctum Domini polluit, et peribit<br />
anima illa de populo suo.<br />
9 Cum messueris segetes terrae tuae, non tondebis usque ad marginem agri tui nec<br />
remanentes spicas colliges.<br />
10 Neque in vinea tua racemos et grana decidentia congregabis, sed pauperibus et peregrinis<br />
carpenda dimittes. Ego Dominus Deus vester.<br />
11 Non facietis furtum. Non mentiemini, nec decipiet unusquisque proximum suum.<br />
12 Non periurabis in nomine meo nec pollues nomen Dei tui. Ego Dominus.
144 PPEK / <strong>Nova</strong> <strong>Vulgata</strong><br />
13 Non facies calumniam proximo tuo nec spoliabis eum. Non morabitur merces mercennarii<br />
apud te usque mane.<br />
14 Non maledices surdo nec coram caeco pones offendiculum; sed timebis Deum tuum. Ego<br />
Dominus.<br />
15 Non facietis, quod iniquum est in iudicio. Non consideres personam pauperis nec honores<br />
vultum potentis. Iuste iudica proximo tuo.<br />
16 Non eris criminator et susurro in populo tuo. Non stabis contra sanguinem proximi tui.<br />
Ego Dominus.<br />
17 Ne oderis fratrem tuum in corde tuo; argue eum, ne habeas super illo peccatum.<br />
18 Non quaeres ultionem nec irasceris civibus tuis. Diliges proximum tuum sicut teipsum.<br />
Ego Dominus.<br />
19 Leges meas custodite.<br />
Iumenta tua non facies coire cum alterius generis animantibus. Agrum tuum non seres diverso<br />
semine. Veste, quae ex duobus texta est, non indueris.<br />
20 Homo, si dormierit cum muliere coitu seminis, quae sit ancilla destinata viro et tamen<br />
pretio non redempta nec libertate donata, vapulabunt ambo et non morientur, quia non fuit<br />
libera.<br />
21 Et in sacrificium suum pro delicto offeret Domino ad ostium tabernaculi conventus<br />
arietem;<br />
22 expiabitque eum sacerdos ariete a peccato eius coram Domino, et dimittetur ei peccatum,<br />
quod peccavit.<br />
23 Quando ingressi fueritis terram et plantaveritis omnimoda ligna pomifera, non auferetis<br />
praeputia eorum, id est poma, quae germinant; tribus annis erunt vobis immunda ut praeputia,<br />
nec edetis ex eis.<br />
24 Quarto anno omnis fructus eorum sanctificabitur laudabilis Domino.<br />
25 Quinto autem anno comedetis fructus eorum, ut augeatur vobis proventus eorum. Ego<br />
Dominus Deus vester.<br />
26 Non comedetis cum sanguine.<br />
Non augurabimini nec observabitis omina.<br />
27 Neque in rotundum attondebitis marginem comae nec truncabis barbam.<br />
28 Et super mortuo non incidetis carnem vestram neque figuras aliquas in cute incidetis<br />
vobis. Ego Dominus.<br />
29 Ne polluas et prostituas filiam tuam, ne contaminetur terra et impleatur piaculo.<br />
30 Sabbata mea custodite et sanctuarium meum metuite. Ego Dominus.<br />
31 Non declinetis ad pythones nec ab hariolis aliquid sciscitemini, ut polluamini per eos. Ego<br />
Dominus Deus vester.<br />
32 Coram cano capite consurge et honora personam senis; et time Deum tuum. Ego Dominus.<br />
33 Si habitaverit tecum advena in terra vestra, non opprimetis eum;<br />
34 sed sit inter vos quasi indigena, et diliges eum sicut teipsum: fuistis enim et vos advenae in<br />
terra Aegypti. Ego Dominus Deus vester.<br />
35 Nolite facere iniquum aliquid in iudicio, in regula, in pondere, in mensura. 36 Statera<br />
iusta, aequa pondera, iustum ephi aequumque hin sint vobis. Ego Dominus Deus vester, qui<br />
eduxi vos de terra Aegypti.<br />
37 Custodite omnia praecepta mea et universa iudicia et facite ea. Ego Dominus”.<br />
20<br />
1 Locutusque est Dominus ad Moysen dicens:<br />
2 “Haec lo queris filiis Israel: Homo de filiis Israel et de advenis, qui habitant in Israel, si<br />
dederit de semine suo idolo Moloch, morte moriatur: populus terrae lapidabit eum.
PPEK / <strong>Nova</strong> <strong>Vulgata</strong> 145<br />
3 Et ego ponam faciem meam contra illum; succidamque eum de medio populi sui, eo quod<br />
dederit de semine suo Moloch et contaminaverit sanctuarium meum ac polluerit nomen<br />
sanctum meum.<br />
4 Quod si clauserit populus terrae oculos suos, ne videat hominem illum, qui dederit de<br />
semine suo Moloch, nec voluerit eum occidere,<br />
5 ponam ego faciem meam super hominem illum et cognationem eius succidamque et ipsum<br />
et omnes, qui consenserunt ei, ut fornicarentur cum Moloch, de medio populi sui.<br />
6 Anima, quae declinaverit ad pythones et hariolos et fornicata fuerit cum eis, ponam faciem<br />
meam contra eam et interficiam illam de medio populi sui.<br />
7 Sanctificamini et estote sancti, quia ego Dominus Deus vester.<br />
8 Custodite praecepta mea et facite ea. Ego Dominus, qui sanctifico vos.<br />
9 Qui maledixerit patri suo et matri, morte moriatur; qui patri matrique maledixit, sanguis<br />
eius sit super eum.<br />
10 Si moechatus quis fuerit cum uxore alterius et adulterium perpetrarit cum coniuge proximi<br />
sui, morte moriantur et moechus et adultera.<br />
11 Qui dormierit cum noverca sua et revelaverit ignominiam patris sui, morte moriantur<br />
ambo: sanguis eorum sit super eos.<br />
12 Si quis dormierit cum nuru sua, uterque moriatur, quia scelus operati sunt: sanguis eorum<br />
sit super eos.<br />
13 Qui dormierit cum masculo coitu femineo, uterque operatus est nefas, morte moriantur: sit<br />
sanguis eorum super eos.<br />
14 Qui supra uxorem filiam duxerit matrem eius, scelus operatus est: vivus ardebit cum eis,<br />
nec permanebit tantum nefas in medio vestri.<br />
15 Qui cum iumento et pecore coierit, morte moriatur; pecus quoque occidite.<br />
16 Mulier, quae succubuerit cuilibet iumento, simul interficies illam cum eo, morte<br />
moriantur: sanguis eorum sit super eos.<br />
17 Qui acceperit sororem suam filiam patris sui vel filiam matris suae et viderit turpitudinem<br />
eius, illaque conspexerit fratris ignominiam, nefaria res est; occidentur in conspectu populi<br />
sui, eo quod turpitudinem sororis suae revelaverit, portabit iniquitatem suam.<br />
18 Qui coierit cum muliere in fluxu menstruo et revelaverit turpitudinem eius - fontem eius<br />
nudavit, ipsaque aperuit fontem sanguinis sui - interficientur ambo de medio populi sui.<br />
19 Turpitudinem materterae et amitae tuae non discooperies; qui hoc fecerit, ignominiam<br />
carnis suae nudavit; portabunt ambo iniquitatem suam.<br />
20 Qui coierit cum uxore patrui vel avunculi sui et revelaverit ignominiam cognationis suae,<br />
portabunt ambo peccatum suum: absque liberis morientur.<br />
21 Qui duxerit uxorem fratris sui, immunditia est, turpitudinem fratris sui revelavit: absque<br />
liberis erunt.<br />
22 Custodite omnes leges meas atque omnia iudicia et facite ea, ne et vos evomat terra, quam<br />
intraturi estis et habitaturi.<br />
23 Nolite ambulare in legitimis nationum, quas ego expulsurus sum ante vos. Omnia enim<br />
haec fecerunt, et abominatus sum eas<br />
24 locutusque sum vobis: Vos possidebitis terram eorum, et ego dabo eam vobis in<br />
hereditatem, terram fluentem lacte et melle. Ego Dominus Deus vester, qui separavi vos a<br />
ceteris populis.<br />
25 Separate ergo et vos iumentum mundum ab immundo et avem immundam a munda, ne<br />
polluatis animas vestras in pecore et in avibus et cunctis, quae moventur in terra, et quae<br />
vobis separavi tamquam immunda.<br />
26 Eritis mihi sancti, quia sanctus sum ego Dominus et separavi vos a ceteris populis, ut<br />
essetis mei.
146 PPEK / <strong>Nova</strong> <strong>Vulgata</strong><br />
27 Vir sive mulier, in quibus pythonicus vel divinationis fuerit spiritus, morte moriantur;<br />
lapidibus obruent eos: sanguis eorum sit super illos”.<br />
21<br />
1 Dixit quoque Dominus ad Moysen: “Loquere ad sacer dotes filios Aaron et dices eis: Ne<br />
contaminetur sacerdos in mortibus civium suorum,<br />
2 nisi tantum in consanguineis propinquis, id est super matre et patre et filio ac filia, fratre<br />
quoque<br />
3 et sorore virgine propinqua, quae non est nupta viro; in ipsa contaminabitur.<br />
4 Non contaminabitur ut maritus in cognatis suis, ne profanetur.<br />
5 Non radent caput nec barbam neque in carne sua facient incisuras.<br />
6 Sancti erunt Deo suo et non polluent nomen eius: incensa enim Domini et panem Dei sui<br />
offerunt et ideo sancti erunt.<br />
7 Scortum et oppressam non ducent uxorem nec eam, quae repudiata est a marito, quia<br />
consecratus est Deo suo.<br />
8 Et sanctificabis eum, quia panem Dei sui offert. Sit ergo sanctus tibi, quia ego sanctus sum,<br />
Dominus, qui sanctifico vos.<br />
9 Sacerdotis filia, si profanaverit se stupro, profanat nomen patris sui; flammis exuretur.<br />