Inspirasie - Weebly

Inspirasie

INSPIRASIE INFO
Inspirasie word uitgegee deur Carstens Uitgewers
E-pos – info@carstensuitgewers.co.za
Webwerf: www.carstensuitgewers.co.za
Die menings wat in Inspirasie uitgespreek word, is nie noodwendig dié van die redaksie
of Carstens Uitgewers nie. Ons aanvaar geen verantwoordelikheid vir onjuisthede nie,
alhoewel ons alles in ons vermoë doen om te verseker dat die inhoud feitelik korrek is.
Alle regte voorbehou.
Laai die nuutste Inspirasie Uitgawe elke maand gratis af!
www.inspirasie.weebly.com
WENKE☺ VERHALE ☺ WEN!!! ☺ KOS
Onthou om gereeld in te gaan op Inspirasie se webwerf om te loer na die nuwe verhale,
blogs en gebeurtenisse by Carstens Uitgewers en Inspirasie. Sodoende sal jy op hoogte
gehou word van heerlike dames oggende, Inspirerende dinge en bekendstellings vir
nuwe boeke!
Ps. Onthou, elke fout wat u in hierdie Tydskrif mag vind is daar met ’n doel.
Daar is diegene wat altyd opsoek is na ’n ou foutjie. Soos ek sê ons wil graag
almal bedien en hulle daarom nie teleurstel nie

Inhoud
Uit die pen van die Redaktrise
Cansa deel met ons
Evan, jou vriendin in Jesus
Hulle weet nie wat hulle vir my beteken nie
Haantjie kraai op ’n ander se werf
Ode vir Pa
In gesprek met: ’n Man in diens van God
Sag oppie tong
Kinderhoekie: Visvang saam met Pappa
Ontmoet vir Brokkel en Bam-Bam
Die Pappa
Tracy-Lee’s Arts & Craft
Adrenalien jagters
Wie is Pappa
Tiener dinge
Leef jou droom
’n Man, n man, oh ’n net ’n man
Die ontstaan van Vadersdag
Plekke om te besoek – Annex Kloof
Vadersdag kompetisie
Tuinmannewales.
Men, Rose-Petals & True Balance
Velsorg vir mans
Die man in my lewe
’n Tikkie Inspirasie

Uit die pen van die Redaktrise
Sjoe dit is ’n eerste. ’n Inspirasie propvol manne goeters, maar ja hulle moet ook ’n beurt
kry. My lewe is vol van manne. Daar is my man, my drie seuns en ’n pragtige kleinseun.
My pa het ek ongelukkig so 9 jaar terug aan die dood afgestaan. Ek mis hom baie, maar
soos baie ander dinge is daar ook nie keer aan die dood nie.
Gelukkig is ek in die posisie om handige mans in my lewe te hê. Hulle
hande staan vir niks verkeerd nie. Van ’n motor se binneste tot sy
buitenste kan hulle reg toor. In die tuin, oral, plaas maar net ’n stuk
gereedskap in hulle hande en hulle raak doenig. So was my pa ook.
Dan is daardie ander dinge waarvan hulle hou. My man hou van
hengel, die oudste seun gaan graag uit om snoek te vang. Die middel een is lief vir vinnige
motorfietse en die jongste vir vinnige motors My kleinseun word Juliemaand 4. Hy drentel
oral agter sy oupa aan en is net besig om kind te wees.
Dit is oor al hierdie dinge wat ’n man sy Vadersdag verdien. Alle mans is nie die doen dit
jouself mens nie, maar waar my mans so is, is ander weer uitblinkers op sportterrein,
agter die stoof en vele ander. So waar jou man se forté ook al lê ek hoop jy bederf hom
lekker hierdie Vadersdag en moenie vergeet om ons Vader in die hemel te dank vir die
man of mans in jou lewe nie.
Aan elke Vader in ons land en ja ook hulle wat Vadersdag alleen moes deurbring. Ek wens
julle net die beste toe,
Dan het ons ook ’n dubbeldosis vir ons kleinspan. Hierdie maand ontmoet ons vir Brokkel
en Bam-Bam. ’n Moet vir elke kleuter. Ook maak ons kennis met Tracy-Lee van
Manchester in Verenigde Koninkryk. Sy gaan ons leer om die mooiste en kunstige goedjies
te maak. Cansa maak ook ’n draai om ons in te lig oor mans gesondheids maand.
Lees ook die rubriek van Daleen Venter Leef jou droom “My pa is ’n monster.” Mog ’n
eerste vir die Inspirasie is die tiener skrywer Dreyer Rall wat by die skrywer span
aangesluit het. Hy skryf oor Tiener dinge.
Inspirasie groete
Tot volgende keer.
Elsabe

Dit is Junie en Julie mans gesondheids maande by KANSA. Om vas te stel of daar enige
abnormaliteite is, moet mans 'n PSA ( prostaat spesifieke antigene) toets laat doen.
Indien hulle dit by 'n dokter laat doen, moet hulle 'n konsultasie fooi en die ontleding van
die bloede betaal. Ons onderhandel met ons plaaslike dokters om die bloed gratis te trek
en met Path Care om die ontleding van die bloede teen R80.00 te doen. Mans kan
tydens Junie en Julie 'n afspraak by enige van ons plaaslike dokters maak vir 'n PSA toets.
Dit sal slegs R80.00 kos. Dus 'n groot besparing. Vir enige navrae i.v.m. die PSA toetse
kontak Hester Smit by 022 482-1111.
TESTIKULÊRE KANKER
Het jy geweet?
Testikulêre kanker is die algemeenste kanker by jong manne!
V: Wat is testikulêre kanker?
A: Dit is 'n kwaadaardige gewas in een of beide testes.
V: Hoe gereeld kom testikulêre kanker voor?
A: Dit is die mees algemene kanker wat by jong manne voorkom tussen ouderdom 15 en
39.
V: Wat is die risiko faktore van testikulêre kanker?
• Babas met onafgedaalde testes – die risiko bly dieselfde ongeag
chirurgiese herstel
• Mediese toestande wat tydens kinderjare aanwesig is, soos liesbreuke, “
kalbassies” na pampoentjies en testikulêre torsie
• Aangebore abnormaliteite van die testes, penis of niere
• 'n Familiegeskiedenis van testikulêre kanker
• 'n Vasektomie verhoog nie die risiko nie
V: Wat is die simptome van testikulêre kanker?
A: Die onderstaande simptome kan 'n indikasie van testikulêre kanker wees, maar kan
ook deur ander toestande veroorsaak word. Dit is belangrik om 'n dokter te spreek om
die oorsaak van enige van hierdie simptome te bepaal:
• 'n Pynlose swelsel of knop in een van die testes
• Pyn of swaar gevoel in die testis
• Liespyn, lae rugpyn of buikpyn

V: Is vroeë diagnose belangrik?
A Ja,. Indien vroeg gediagnoseer, kan testikulêre kanker effektief behandel word.
V: Hoe word testikulêre kanker behandel?
A: Die presiese behandeling sal afhang van die soort testikulêre kanker en hoe vêr
gevorder dit is. Dit is belangrik om te onthou dat die verlies van 'n testis nie 'n man se
vermoë om 'n ereksie te hê, of om kinders te verwek beïnvloed nie. 'n Prostetiese testis
kan in die skrotum geplaas word vir 'n normale voorkoms.
KANSA moedig mans aan om elke maand 10 minute te spandeer om hul testes te
ondersoek en sodoende in hul gesondheid te belê.
Vir meer besonderhede oor mans kankers besoek
www.cansa.org.za of skakel KANSA tolvry by 00800 22 66 22

God het ’n besonderse manier om mense te kies om sy Woord uit te dra of om te getuig.
As ’n mens in ons menslike manier moes dink sou ons gedink
het Jesus moes net die beste edelmanne, rykes, sterkstes, leiers,
ens. gekies het om mee te assosieer, want Hy was ten minste die
Seun van die Allerhoogste, maar nee nie hierdie Man nie. Hy
het ’n anderse manier gehad van dink. As hy soos die menslike
brein moes dink, dink net hoeveel mense sou nie die voorreg
gehad het om Hom te ken nie.
As ons kyk na die twaalf manne wat Hy gekies het om in sy
diens te staan sou ons ons neuse kon optrek van afkeur. Hoe
kan hy as edelman, Koningskind, Hom met die laer klas van mens bemoei, maar
gelukkig het stand nog nooit saak gemaak by ons Here nie. Kom ons vat hulle so op die
ry af. Simon Petrus was voortvarend, maar ’n kragtige prediker. Jakobus was
ambisieus, lief om te oordeel, kort van draad, maar baie getrou aan Jesus. Johannes was
ook baie ambisieus en veroordelend, maar tog lieftallig. Andreas het graag mense na
Jesus toe gebring. Filippus, ai hy was ook maar baie heethoofdig, het alles betwyfel en
Jesus bevraagteken. Bartholomeus hy was ’n eerlike outjie en baie reguit. Wat van
Mattheus wat deur so baie mense gehaat is, maar tog was hy baie vertrouenswaardig.
Ou ongelowige Thomas, maar tog ’n dapper ou. Moenie vir Judas vergeet nie, die
verraaier en so kan ons voortgaan. Elkeen van die manne is deur Jesus met die hand
uitgekies, want Hy kon sien wat in hulle steek. Hy het nie mense op hul uiterlike
getakseer nie, nee Hy het dieper gekyk as dit. Hy het hulle potensiaal raakgesien. Hulle
was gewone ouens met baie foute, maar Jesus het oor daardie foute gekyk.
’n Ander voorbeeld en ek dink die grootste, was Paulus. Voorheen genoem Saulus. Hy
was ’n wrede ou. Hy het mense vervolg wie, luister nou mooi, Jesus gevolg het. Wat het
Jesus met hom gemaak. Hom met blindheid beslaan terwyl
hy op pad was om mense te gaan vervolg en ja selfs met die
dood. Jesus het hom vir drie dae gefolter, geestelik en hom
tot oorgawe gedwing en waar het ons ’n groter prediker as
Paulus gekry.
’n Ander een was Dawid. Hy het ’n man na sy dood gestuur
omdat hy die man se vrou begeer het en God het Dawid ’n
man so na sy hart genoem. Hiermee wil ek nie sê dit is reg
om ’n ander man se vrou te begeer nie. Ek wil vir jou sê
indien jy dit wel gedoen het en berou daaroor het, sal God

jou vergewe en jou aanvaar en jy daarna die verkeerde sal vermy. Noag het hom
vergryp aan die wingerdstok, Saggeüs was kort en moes in ’n vyeboom klim, en tog
het Jesus vir hom gesê: “Saggeüs, kom gou af, want Ek moet vandag in jou huis tuis
gaan.” Luk. 19:5Moses het gestotter en ons almal weet wat het Moses bereik. Wat ek
eintlik wil sê is dat maak nie saak hoe groot jou te kort
kominge is nie God is lief vir jou en hy wag om jou dit te
laat insien. Hy is net ’n gebed vêr.
Kom ons beweeg ’n bietjie weg van die Bybel en kyk so
bietjie na die wêreld hier buite. In die film Bruce
Almighty gebeur die snaakse ding van die ou wat gedink
het hy is so goed dat hy selfs God se werk kon doen en
God gee hom die kans om te doen. Nodeloos om te sê:
Hy het ’n groot gemors daarvan gemaak, maar tog in sy
“ek weet alles en ken alles wêreld van selfvoldaanheid”
het die Here hom ’n les geleer wat hy nooit in sy lewe
sou vergeet nie, maar teen die einde aan die einde van sy kragte val hy op sy knieë neer
en roep: “ God, thy will be done. I’ll surrender.” Die mooiste woorde ooit!
So manne daarbuite, as julle enigsins twyfel of julle sondes of foute te groot en hewig is
en dat jy nie aanvaarbaar sal wees in die oë van die Here nie, dink weer. Jesus oordeel
nie, Hy vergewe en al skuur Hy jou hart en wese tot dit voel of jy rou is, heel Hy jou met
die salf van sy vergifnis en aanvaarding wanneer jy die dag op jou knieë gaan en erken
dat God jou Redder is en ook vir jou sondes aan die kruis gesterf het en jy jou met alle
oorgawe aan die Here se genade sal oorlaat met die woorde “Jesus ek gee oor. Doen
slegs u wil Heer U wil met my.” Dan my liewe vriend gaan jy weet Jesus het jou lank
tevore met sy eie hand gekies.

Hulle weet nie wat hulle vir my beteken nie.
Dagsê aan almal. Sjoe maar dis koud. Dit lyk vir my asof ons die jaar ‘n koue Vadersdag
gaan hê. Persoonlik dink ek dat dit nie net vaders en pa’s is wat die dag moet geniet nie.
Ek dink aan elke manlike person wat iets in jou
lewe beteken en mening aan jou lewe gee. Mense
soos broers en vriende wat altyd, maar altyd daar
vir jou is en wat jou enige tyd van die dag of nag
sal help. Ek is gelukkig genoeg om sulke mense in
my eie lewe te hê en wat hulle vir my doen en
beteken kan nie regtig goed genoeg in woorde
beskryf word nie
Hulle staan altyd reg om my by te staan met hulp
of leiding en waarskuwings meestal is dit ook een
van hulle wat nie huiwer om my reg te ruk en
hard op my te wees nie, want elkeen van ons
dwaal tog ook soms van die pad en dan waardeer
ons dit as iemand na aan jou die moed het om jou weer reg te help. Baie keer hou ons nie
van wat ons hoor of wat gesê word nie en dan dink ons die ander persoon is verkeerd.
Wanneer ons dan gaan sit en na dink oor als sien ons dan in dat ons verkeerd was en hulle
reg. Op sulke tye waardeer mens dan die manlike persoon wat jou so netjies op jou plek
gesit het.
Ek persoonlik dink ook nou aan my broer en ‘n paar vriende wat nie sal huiwer om my
vining en netjies op my plek te sit nie. Wat hulle alles vir my doen en beteken sal ek ewig
dankbaar voor wees. Ook hoop ek dat ek hulle voorbeeld sal kan volg en hulle sal kan help
en vir hulle kan beteken wat hulle vir my beteken. Baie keer is dit ook een van hulle wat
my laat glimlag of laat lag wanneer ek ‘n moeilike dag het of gehad het. Sonder hulle sou
my lewe leeg en betekenloos gewees het en sou ek nooit dieselfde gewees het nie.
So vir al my vriende en my broer en vir die wat vir my soos ‘n pa is wil ek baie dankie ê.
Julle weet presies wie julle is. Ek hoef julle nie by name te noem nie, maar julle weet. Aan
elkeen wat so iemand in sy of haar lewe het waardeer hulle ten volle en gee hulle
erkenning daarvoor. Onthou die lewe is kort en kosbaar. Waardeer hulle, want hulle is
more miskien nie meer by ons nie .Enige iets kan gebeur. Al maak die ouens jou kwaad en
al voel dit of hulle jou baie keer teen die mure kan uitdryf, waardeer hulle opreg.
Wel hier sluit ek vir eers af.
Geniet Vadersdag en ook die res van die yskoue winter .Bly veilig en pas julself op.
Vriendelike groete
Ryno Herbert

: Haantjie kraai op ‘n ander se werf.
Geen hoender haantjie se vere het hier gewaai nie. Net een van my verbeeldingsvlugte.
Dit is 16h30 Vrydagmiddag. Ek slaak ‘n sug van verligting terwyl ek my kantoordeur agter
my toe klik. Dit is my naweek af en ek sien baie uit na ‘n rustige naweek by die huis. Van
stilte, rus en vrede. Ek doen gou eers by ‘n paar winkels
aan om die nodige te kry en vat dan die pad na my klein
Mykonos styl huisie aan die onderpunt van die
doodloopstraat net betyds om die bure te sien vertrek
met al hul kampeertoerusting gepak op die dak rooster
van hulle 4x4 aangedrewe Jeep. My beker loop oor. Ek
kan die stilte proe. Ek parkeer my klein sportmotortjie
onder die veranda langs die huis en met my aankope
huppel ek na my voordeur.. Ek stap my huisie binne en
kyk rond. Ek is trots op wat ek sien. Hard gewerk
hiervoor en nou kan ek dit met genoegdoening geniet,
Nadat ek vir my ‘n ligte slaaitjie aanmekaar geslaan het
stap ek met ‘n glasie wit wyn na my sitkamer toe en vlei
my voor my televisie op my wol mat neer tot ek moeg
gekyk is en opstaan om in ‘n heerlike skuimbad te gaan ontspan en dan gaan kennis maak
met my wagtende bed en slaap tot die son my wakker maak.
Ek skrik wakker van ‘n vreeslike lawaai reg onder my kamervenster. Daar is dit weer.
Kokkeldoedeldooooooh. My oog vang die wekker op my bedkassie. 05.00. Dit is nog
donker buite. Kokkeldoedeldoooooh raas die vervlakste ding weer hier buite en skielik
tref dit my. My nagmerrie. Die bure se kapokhaantjie wat al weer koning kraai hier op my
werf. In al my opgewondenheid oor my lekker naweek het ek skoon vergeet van Haantjie,
wat al ‘n geruime tyd my lewe versuur. Die geklaery het nog altyd om dowe ore geval. Ek
vlieg uit die bed uit en nael op die deur af en gaan na buite met die tuinpaadjie af om die
dierasie te verwilder, maar in my haastigheid het ek skoon vergeet om my pantoffels aan
te trek en trap reg in die slagyster in die middel van my tuinpaadjie. Dit peul warm deur
my tone en ek los ‘n gil wat my misnoeë duidelik laat hoor. Ek gryp na van die klippies wat
in my tuinpaadjie lê en peper die verestoffer onder klippe en hy verdwyn die werf uit. Ek
is nou helder wakker en boos. Vreeslik boos. ‘n Koppie
boeretroos kon my nie tot bedaring bring nie. Wraak
gedagtes stoom deur my woedende gemoed en besluit om
maar eers die bewyse van my hoender jag tussen my tone te
gaan was.
Die res van die dag verloop heel rustig, dat ek skoon vergeet
van my onderonsie met hoender se kind tot ek teen 16h00
weer wreed ontnugter word. Ek staan met hartseer en
verslaenheid en staar na wat eens my prag groente tuintjie

was. Wortels lê oopgekrap. My aartappel stoele platgetrap en my pietersielie plantjies lyk
soos ‘n muisnes en my tamaties lyk gehawend. Ek volg die verwoesting en vind die
onomstootlike bewys van die hoenderpoot. My humeur stoot met 100grade op. Ek sien
sterretjies terwyl ek huis toe loop met smeulende wraakgedagtes om my groentemandjie
te gaan haal om te red wat te redde is. ’n Klompie wortels
en baba aartappels kry plek in die mandjie, ‘n bossie
pietersielie en drie tamaties vind ook ‘n plekkie. Ek hark
my tuintjie weer mooi sodat dit weer respektabel kan lyk.
Later daardie aand sit ek met ‘n glimlag op my gesig terwyl
kapokhaantjie weer heerlik op my werf staan en kraai en
ek, ek weet wat ek weet.
Dit is donker. ‘n Gekromde gestalte glip deur die gat in die
heining met ‘n sak in die hand….. Die son skyn heerlik deur
my kamervenster en ek rek my uit. ‘n Heerlike nagrus my belonging.
Dit is 12.30 Sondagmiddag en ek sit aan by my kombuis tafeltjie vir ‘n heerlike maal. Die
geur van pietersielie-aartappeltjies, soet vla wortels, tamatieslaai en potgebraaide ...........
hang in die kombuis.
Jacques: 39, elektrisiën
Sommer net vir interessantheid
Volgens hom moet ’n vrou iets om die lyf hê. Hy hou nie van ’n meisie wat te maer is nie.
Ook nie blond nie. Daaroor is hy baie pertinent. Verder moet sy beslis vir hom ’n maat kan
wees.
Schalk: 29,
Hy het net een vereiste. Vir hom is enige vrou ’n mooi vrou as sy goed versorgde tande
het.

Ode vir Pa
Matt. 6:9. Ons Vader wat in die hemel is.
Vadersdag.
Vandag is Vadersdag en ek het nie meer 'n vader vir wie ek 'n
gelukkige Vadersdag kan toewens nie. Ek het my vader so
agt jaar terug as gevolg van beroerte verloor. Nou kan ek net
blomme op sy graf gaan sit. My hart is seer en ek verlang.
My grootste vrees was altyd hoe ek dit sou hanteer as ek
iemand in my familie aan die dood sou moes afstaan en die
blote gedagte daaraan laat my sidder en toe gebeur dit - my pa. Gelukkig het ek nog 'n
Vader ontdek nie te lank voor my pa se dood nie en in my vrees en in my hartseer het
hierdie Vader my gedra. Ek kon berus in die wete dat hierdie Vader wat my so getrou
gedra het nou na my oorlede pa omsien.
Die wete dat God, ons Vader, so liefdevol en geduldig is gee my die gemoedsrus dat my
pa veilig is. Daarom wil ek vandag my aardse vader 'n gelukkige Vadersdag toewens daar
by die grootste Vader van almal.
Om met 'n man soos Pa getroud te wees.
Spr. 6:20. Hou vas aan wat jou Vader jou voorskryf.
Tydens ons weeklikse Bybelstudie kom daar 'n gesprek oor die
statistieke getal oor hoeveel vrouens met 'n man soos pa getroud
wil wees. 90% wil nie met iemand soos hul pa getroud wees nie.
Bekommernis waardig is dit nie. Is pa's dan so aaklig.Net daar
besef ek dat ek onder die tien persent val wat graag met 'n man
soos my pa getroud sou wou wees, ten spyte van die feit dat my
pa nie 'n "drukkie" pa was nie, 'n raad vra-pa was nie of 'n aandag gee pa nie, maar hy was
'n goeie pa, 'n vlytige pa, 'n standvastige pa. Streng en befoeterd, maar nie 'n afskeep pa
nie.
Ek is baie lief vir my man en hy doen weer die dinge wat my pa nie gedoen het nie. By
hom kan ons raad soek en teen hom nestel. Twee jaar na my pa se dood besef ek eers ek
het my pa geëer en respekteer. Dankie pappa dat u my geleer het om standvastig te wees
en geleer het om te werk vir dit wat ek wil hê en Heer, dankie dat U geweet het dat my pa
die beste by my sou pas.

In Gespek met: ’n Man in diens van God
Pastoor Piet Smit AGS Corpus Christi Malmesbury
Beskryf vir ons ’n tipiese dag in Piet Smit se lewe.
My dag begin om 03:30. Ek bid en lees ‘n stukkie Bybel, want Jesus moet altyd eerste wees
in my lewe. En dan van 04:00 is ek besig om te draf en te bid. Ek het geleer om wanneer ek
oefen ook te bid. Ek het van my mooiste openbaringe tydens drafsessie gekry.
Om 06:00 is ek reeds in die kerkkantoor en stuur die Epos Inval Gedagte van die dag uit.
Vele mense ontvang elke weeksdag ‘n boodskap van inspirasie van ons. Daar is selfs ‘n
Engelse vertaling van die boodskap wat na die buiteland gaan. Ek plaas ook die boodskap
op Facebook en op my persoonlike Facebook blad probeer ek ‘n geestelike gesprek aan die
gang kry.
Ek bid en lees in die kerk tot so 07:30. Dan eet ek vinnig en is teug in die Woord sodat ek
09:00 in die kerkkantoor is vir amptelik ure. Dan is ek daar en doen die nodige
administrasie en korrespondensie en berading selfs d.m.v. die internet. Die namiddag
gebruik ek gewoonlik om boodskappies te skryf. Die aand doen ek huisbesoeke tot so
21:00. Dan kom ek huis toe en lees nog Bybel en bid en probeer so by 22:30 in die bed
kom. Vrydagaande is gesinsaand en spandeer ek met my vrou.
Hoe skei u u bediening en persoonlike lewe van mekaar?
Daar is nie regtig ‘n skeiding nie. Alles wat ek doen, is vir die Here en staan dus eintlik in
Sy diens. Dis soos ons lees in 1 Kor. 10:31 – “Of julle dan eet of drink of enigiets doen, doen
alles tot verheerliking van God.”
Wat doen julle as gesin saam wanneer u amptelike ure verby is?
Ek draf en sing en speel kitaar en spandeer tyd met my vrou of res van die gesin wat kom
kuier. Ek was ‘n houtwerk onderwyser en is steeds lief vir houtwerk en het op ‘n stadium
hout skryfpenne uitgedraai, maar nou het dit eers gestop.
Wil u, u gesin aan ons bekendstel.
My vrou Susan is oorspronklik van Malmesbury en haar ouers het al die jare die Kwekery
gehad. Johanna, my oudste dogter, is getroud met Donovan Kleinhans en woon ook nou in
Malmesbury. Dan is daar Ester, getroud met Dirk Havenga van Swellendam. My seun
Petrus is ‘n Down Sindroom en is in Sunfield te Wellington. My jongste is Tabita, getroud
met Hendrik Havenga in Somerset Wes. Ek het ook al twee kleinseuns Ethan en Francois.
Vertel ons ’n bietjie van u agtergrond. Waar u grootgeword het en so meer.

Ek kom van die plaas Coenradenberg naby Hopefield. Die Smitte boer al daar vanaf 1749.
Ek is die 8ste geslag Smit op die plaas. My broer se seun is die 9de op die plaas en hy het
ook al ‘n seun wat die 10de is. Sovêr ek kon vasstel, is dit die langste wat ‘n plaas aan een
geslag behoort in S.A.
U het ’n ongelooflike aanvoeling vir musiek en het alreeds twee CD’s laat
verskyn. Vertel ons bietjie meer daarvan. (Ek neem aan dit was in
samewerking met die gemeente)
Ek het myself leer speel en in wêreldse orkeste gespeel. Ja ,ek is baie lief vir mooi musiek.
D.w.s. ‘n mooi melodie, met mooi woorde en ‘n mooi ritme. Iets wat nie aan daardie
kriteria voldoen nie, beskou ek nie as musiek nie.
Ons kerk se akoestiek moet verbeter word en gevolglik het ons ‘n eerste gospel cd (Dankie
Vir Ons Aanbidding sentrum) en daarna nog een opgeneem (Iets Beter). Deur die Here se
genade het ek ‘n groot aandeel aan die skryf daarvan gehad.
Deel u gesin u liefde vir sport en sang?
My drie dogters is ook musikaal en sing. My jongste dogter, Tabita, speel in ‘n Gospel
orkes en tree gereeld op. My tweede dogter, Ester draf saam met my as hulle die slag kom
kuier en dan is dit baie spesiaal.
Daar is ’n kinder orkes. Het hulle al gehoor en hulle klink ongelooflik. Wie rig hulle af?
Ons Gospel Musiekskool het goed gedoen deur die jare. Dis maar kinders wat die lede van
ons kerk orkes hier by die kerk op ‘n Vrydag namiddag leer speel en ons
tree gereeld op by die jaarlikse Kersliggie Mark van Malmesbury.
U is ’n baie sportiewe mens en neem gereeld deel aan padwedlope en het al
nege keer die Kasteel berg geklim. Waar in u besige skedule kry u nog tyd
hiervoor?
Dis deel van my Christenskap en kerk aktiwiteite en ek probeer alle mense motiveer om ‘n
gesonde balans te handhaaf deur te besef dat ons nie net gees is nie maar dat ons ook ‘n
liggaam het en anders om.
Wanneer u die berg so uitklim, laat dit u ooit dink aan hoe Moses
gevoel het toe hy die Sinai-gebergte moes uit na God toe?
Die bergklim ervaring is elke keer iets onbeskryflik wonderlik! Die
skoon lug, ongerepte natuurskoon en afsondering, leen hom
daartoe dat jou gedagtes net beter op die Here kan konsentreer.

Dis vir my by uitstek ‘n geestelike ervaring met die Here, benewens die liggaamlike
oefening. Ek bid terwyl ek klim en wanneer daar ‘n rus kansie aanbreek, bid ons as groep
oor die Swartland en sy mense. Met die roete van Goedgedacht, is daar bo-op die kruin ‘n
altaar, waar ons elke keer ‘n paar klippe by pak en elke klip verteenwoordig ‘n versoek tot
die Here.
Het u van die begin af geweet u wou in die diens van die Here staan?
My ma het met my geboorte ‘n belofte aan die Here gemaak dat indien dit ‘n seun is, sy
hom aan die Here sou wy. Dit het alles waar geword.
Pastoor het ook al boeke geskryf. Vertel bietjie meer.
Deur die Here se genade het ek drie boekies geskryf:
o Die Waarheid Maak Seer Of Vry
o Bou Jou Huis Op Die rots
o Lewenslesse
Ek sou graag nog wou uitgee, maar die koste is die groot faktor wat mens beperk. Maar
nou d.m.v. die internet stuur ek elke dag ‘n boodskap sonder noemenswaardige koste aan
vele in ons land. So, eintlik is dit meer effektief. Enig een kan dit gratis ontvang. Vra vir jou
gratis boodskap deur jou skrywe te rig aan corpuschristi@cybersmart.co.za
U was ook al by die Radio-wese betrokke. Radio Namakwaland as ek reg onthou.
Ek het vele boodskappe gepreek op Radio Namakwaland toe ons nog in Vredendal was en
ek verneem dat hulle nog steeds van die boodskappe van tyd tot tyd herhaal. Ek het ook ‘n
hele paar boeke voorgelees en ‘n jeug program gedoen en dan ook op die Direksie gedien.
Tans is ek baie bevoorreg om saam met ander predikers die Siel gedagte op RSG te kan
bedien.
Wat sal u nog graag in die lewe wil bereik of sien waar word.
Ek wens dat ons kerkdienste wyer kon uitkring en dat meer mense daaraan kon deel kry.
Miskien droom ek te groot, maar as ons op televisie kon gaan, sal ‘n groot ideaal van my
verwesenlik word.
En dan moet ‘n mens nooit so groot in jouself word dat jy meen jy nie kan struikel nie.
Gevolglik my begeerte: As ek maar net hierdie pas kan volhou tot die einde toe!
’n Paar vragies weg van u beroep af. U gunsteling eetplek, gunsteling kos, musiek voorkeur en
leesstof.
Barry’s Beef And Barrel in Malmesbury bly vir my die beste eetplek.

Niks kom by ‘n kerrie skaapafval met al die bykosse daarby nie.
Gospel is my gunsteling musiek en die mooiste stem is die van Oscar
Erensperger.
Die Bybel bly nog steeds my gunsteling boek. Ek lees byna nie meer
ander boeke nie.
As u vyf mense kon nooi vir ete wie sal dit wees en waaroor sou u met hulle wou gesels.
1. Moses: Ek sou hom graag wou vra na sy ervaring om droogvoets deur die Rooi See
te trek
2. Dawid: Hoe het dit gevoel om met die reus Goliat kragte te
meet
3. Petrus: Ek sou eerstehands wou hoor hoe het dit gevoel om op
die golwe van die see te loop’
4. Johannes: Hy het mos op die bors van Jesus gelê; ek sou graag
wou weet wat het hy beleef
5. Paulus: Ek sou hom wou uitvra oor sy insigte en kennis oor die eind tye.
U gunsteling spreekwoord.
Ek het vele. Die meeste is maar Skrif waarhede. As mense my vra hoe gaan dit? Dan
antwoord ek dikwels:
o “Sterk en onbeperk ... in Christus! (Sien Fil. 4:13)
o “Sterk in Jesus krag, buite duiwels mag, onder Sy gesag!”
As u een besonderse gebeurtenis kon uitsonder en ek is seker daar is baie, wat sal dit wees.
Die dag toe ek my hart vir die Here Jesus gegee het, 1 Mei 1977. Daar sonder is ek verlore
en sou niks van die ander dinge tot stand kon kom nie.
’n Boodskap aan die wêreld daar buite.
Kom na Jesus! Al jou sonde skeld Hy kwyt en daaroor is jy tog nooit spyt!

Klop, klop, klop...
Klop, klop, klop...
Welkom, tag maar julle is vroeg hierdie maand om te kom kuier!
Stap deur vrinne, ons beweeg sommer reguit kombuis toe. Ek het rooibostee op die stoof
so as julle solank by die kombuistafel stelling inneem, kry ek ons bekers reg want koppies
is darem te klein vir ‘n lekker rooibosteetjie... J
Nadat julle laat weet het dat julle die resepte en foto’s wil kom haal het ek begin wonder
wat ons hierdie maand vir die Inspirasie-lesers gaan voorsit. Die ekonomie is nog nie na
wense nie wat beteken dat ons nie genoeg geldjies in die sak het vir die duurder lekkernye
nie. Ek het dus gedink dat meneer en mevrou hoender maar hierdie maand verby moet
kom met die kos wat ons gaan voorsit. Skink julle sommer self van die tee terwyl ek die
stoof aan die gang kry...
Kerriehoender met klappermelk:
Bestanddele:
8 x stukkies hoender (mooi skoon gemaak)
5 x aartappels (blokkies gesny)
1 x koppie macaroni
4 x wortels (plat skywe gesny)
3 x tamaties (in blokkies gesny)
1 x blikkie klappermelk
3 lourier blare
1 x eetlepel kerrie pasta (Packo het ‘n goeie produk in ‘n
glas potjie)
3 naeltjies
1 x teelepel varsgekapte gemmer
1 x teelepel borrie
½ koppie pitlose rosyne
hoenderspeserye
worcestersous
½ koppie gedroogte perskes (opsioneel)

Braai die hoenderstukke, uie, tamatie en gemmer saam in die kerrie pasta,
borrie, lourierblare, naeltjies en rosyne totdat die hoender ‘n mooi
gebraaide kleur het en so 70% gaar behoort te wees. Geur met sout,
varsgemaalde swartpeper, hoenderspeserye en worcestersous.
Voeg die aartappel stukke nou by en skink solank vir jouself ‘n glasie wyn
want jy verdien dit! Maak seker daar is genoeg vog in die pot – indien ‘n bietjie min, vul
aan met water (‘n skeut wyn sal nie skade doen nie). Kook die pot verder
totdat die aartappels baie na aan gaar is.
Voeg die hand vol macaroni by (en die gedroogte perskes) en maak
weereens seker dat daar genoeg vog is aangesien die macaroni baie van die
vog opneem.
Vang sommer gou ‘n lekker tip: wanneer julle in die toekoms ‘n potjie maak of selfs ‘n
“stew” en jy ondervind te veel vloeistof in jou pot, voeg net ‘’n hand vol macaroni (of
enige ander pasta) by wat die oortollige vloeistof vir jou vinnig-vinnig uit sal
sorteer. Hou die wenk ook ingedagte met die maak van sop, wanneer te
waterig: ‘n bietjie fyn gebreekte pasta en Bob’s u’r uncle!
Neem gou weer ‘n slukkie van jou wyn en skink sommer vir jou bure ook
ietsie want wie gaan al hierdie kos opeet vra ek jou?!...
Sodra die aartappels en pasta goed gaar is, voeg ‘n blikkie klappermelk by en
laat prut vir so 10 minute voor opdien.
Bedien die kerrie met balsamiese rys of net ‘n lekker vars Franse brood wat in
dik skywe gesny is.
Ek het gedink om sommer ook ‘n vinnige nagereg te maak wat heel sag oppie tong is... J
Kaneel bolletjies in room:
Bestanddele:
1 x pak deeg (te koop by supermarkte wat hul eie bakkery binne
het)
1 x bakkie vars room
kaneelsuiker (heelwat kaneel en nie te veel suiker)
knypie sout
bietjie sonneblom- of olyfolie
Neem die deeg en rol dit uit op ‘n plat oppervlak.

Strooi die kaneelsuiker (nie te veel suiker) oor die deeg en vou die
deeg weer toe. Rol die deeg weer uit en sny die deeg in blokkies
waarmee jy die bolletjies gaan maak.
Nadat die bolletjies gemaak is, klad dit met ‘n bietjie olie en pak in ‘n
gesmeerde bak. Gooi die bakkie room oor die bolletjies en
strooi weer ‘n bietjie van die kaneelsuiker oor.
Bak in die oond teen 180 grade vir 35 tot 40 minute.
Bedien saam met vars gemaakte vla of roomys.
Ek kom nou eers agter ek is tans op die wynkan en julle nog steeds op die tee! Skink gou
vinnig vir jul elkeen ‘n glasie wyn terwyl ek opskep.
Bon appétit,
Michael

Visvang saam met pappa
Opgedra aan Nicky en Janique van der Westhuisen
Dit is n lekker warm naweek , net reg vir visvang. Janique sit saam met haar pappa langs
die dam en visvang. Dit is vir haar tog te lekker , want dan kan sy en pappa rustig kuier
sonder kleinsus en boetie. Hulle twee gesels altyd kopstukke en pappa vertel altyd mooi
stories. Pappa sê sy is sy visvang maatjie. Janique het al twee visse uitgetrek en is baie
opgewonde daaroor.
“Janique , weet jy jou twee visse laat my aan die vier Bybelstories dink oor visse, ‘gesels
pappa met sy dogtertjie.” Regtig pappa , vertel my groot asseblief toe”, smeek Janique
haar pappa.
Deel 1: Jesus en die vissermanne.
Janique, die eerste storie gaan oor Jesus se dissipels. Hulle was vissermanne van beroep .
Jesus het langs die see geloop toe hy n klomp jong
manne sien wat besig was om n visnet in die see uit te
gooi. Jesus het na hulle geroep en gesê hulle moet sy
dissipels word ,Hy sal hulle vissers van mense maak . Hulle
het alles net so gelos en en Jesus gevolg. n Entjie verder
was nog twee seuns hulle was besig om nette reg te maak
en Jesus het hulle ook geroep en hulle het Hom dadelik
gevolg. Jesus het ook van sy ander dissipels op die see
van Galilea gekry , hulle het vreeslik gesukkel om vis te vang. Jesus het na hulle geroep en
gesê om weer hulle net in te gooi , daar was so baie vis dat die net geskeur het. Die
manne het ook vir Jesus gevolg . So het Jesus Sy dissipels gekry en hulle vissers van
mense gemaak. Daar was twaalf dissipels.
“Dis awesome pappa , maar hoe word jy n visser van mense?” vra Janique haar pappa . “
Jy vertel al jou maats van Jesus my skat”. sê pappa. “ Maak dit my ook n dissipel paps ? “
O, ja Janique jy moet altyd oor Jesus praat , Hy is jou beste Vriend “ sê pappa vir
Janique. Pappa vertel my asseblief die volgende storie ook toe.
Deel 2 : Eerste vermeerdering van die brode en visse.
“Janique , Jesus het na n afgeleë plek naby die woestyn gegaan en n klomp mense het
hom gevolg. Hy het siek mense gesond gemaak, blindes laat sien en nog baie ander

wonderwerke gedoen. So word dit laat en die mense honger ,
niemand het daaraan gedink om kos te bring nie. Al wat die
dissipels kon kry was vyf brode en twee visse. Dit was te min vir
die baie mense en die dissipels wou hulle huis toe stuur . Jesus
het hulle jammer gekry en die brode en visse geneem en vir Sy
Pappa , God gebid om die kos te seën. Daarna het hy dit gebreek en almal het te lekker
geëet . Daar het oor die vyfduisend pappas kos gekry en toe is die mammas en kinders
nog nie bygetel nie. Daar het nog twaalf mandjies kos oorgebly .”
“Cool , Jesus is so awesome pappa “, sê Janique .” Vyf brode , twee visse , baie mense
en twaalf mandjies kos wat oorbly. Pappa ek is so bly ek is Jesus se maatjie .” “Sjoe ja my
kind , nou is ek honger.” Kom ons gaan eet ook eers. Ons kan netnou weer kom visvang ,
dan vertel ek jou die ander stories.
Deel 3 Tweede vermeerdering van visse en brode.
Janique en haar pappa het lekker geëet en sit weer langs die
viswaters. “ Pappa vertel my meer van die vissers ek is nou baie
nuuskierig “, vra Janique haar pappa.
Pappa vertel verder van die tweede vermeerdering van die brode en
visse. “Die tweede storie is soortgelyk aan die eerste vermeerdering maar die keer was
hulle by die see van Galilea en hulle het sewe brode en twee visse gehad. Vierduisend
pappas het kos gekry en weer is die mammas en kinders nie bygetel nie. Die keer is sewe
mandjies kos opgetel.” “ Sjoe , pappa dink net vir elke pappa is daar n mamma en so
twee tot vier kinders , dis baie mense sê Janique verbaas vir pappa.” “Ja my skat, dit is ne
!”
“Pappa , papa! help ek het nog ‘n vis aan my lyn “, roep Janique haar pappa om haar te
help inkatrol. “Dis n groot vis jong se pappa. Nou vir n lekker koeldrank en dan die vierde
storie,” sê pappa. “Jippee , ek kan nie wag nie .”
Deel 4 : Die wonderlike visvangs.
“Janique ,die volgende storie gaan oor Jesus wat aan sy
dissipels verskyn het na Hy uit die dood opgestaan het. Jesus
het op die strand gestaan en sewe van sy dissipels sien visvang
op die see van Galilea . Hulle het die hele nag gesukkel en nog
niks gevang nie . Hulle was baie moeg en wou net ophou .
Jesus het vir hulle gesê om die net aan die regterkant van die
boot uitgegooi. Die dissipels hert dit maar traag gedoen nes jy
as ek en mamma vir jou n opdrag gee.” “Was daar toe visse
pappa ?” vra Janique.
“Ja , Janique hulle net was so swaar hulle het gesukkel om die net in te sleep. Daar was
honderd drie en vyftig groot visse in hul net. Toe hulle op die land kom besef hulle dit
was Jesus wat by hulle is. Daar was n vuurtjie met n vis daarop en n broodjie. Jesus het
vir Sy Pappa in die hemel gevra om die kos te seen. Toe het Jesus het die vis en die brood
geneem en dit gebreek en met sy dissipels gedeel . Hulle het lekker ontbyt geëet. Jesus

het aan sy dissipels gesê om almal van Hom en God te vertel. So het die dissipels bekend
geword as vissers van mense ,” eindig pappa sy stories.
“Awesome stories pappa , ek wil ook my maatjies van Jesus vertel en ek gaan hulle vertel
van ons storie naweek langs die vis maatjies sê Janique. Ek wil nog baie vis maatjies vir
Jesus inkatrol sê Janique opgewonde. Dis mooi Janique ek is bly jy is nou ook Jesus se
visser maatjie. Jy gaan Jesus se hartjie baie bly maak sê pappa vir sy dogter Janique , ek
sal vanaand vir jou die stories in die Bybel lees.
1)Jesus maak vissers van mense van sy dissipels ,
die wonderlike visvangs :
Lukas 5; 7-11 en Markus 1:16 -19
2)Eerste vermeerdering van visse en brode
Matteus 14; 13 -21
3) Tweede vermeerdering van visse en brode
Matteus 15 :29 – 39
4) Die groot visvangs 153 visse
Johannes 21: 3-14
Maats vra vir pappa om die mooi stories in die Bybel vir julle te lees sê Janique . Dankie
pappa dit was n lekker visvang naweek met die pragtige vis stories vol inspirasie.
Liewe Jesus, ek bid dat al die maatjies ook U visser maatjies sal word en hulle ook
maatjies vir U sal inkatrol. Dankie Jesus dat u my inkatrol het. Jesus , U en Pappa God is
die beste.
Amen.

Hoe verduidelik 'n mens die konsep van 'God' aan iemand
wat nog nooit van Hom gehoor het nie? Hoe stel 'n mens die
belangrikste 'Persoon' in die heelal voor as Hy onsigbaar is?
How do you explain the concept of ‘God’ to someone who
has never heard of Him before? How do you introduce the
most impor...
Hierdie is 'n lekker luister CD vir kinders! Die kinderstories is geskryf saam met musiek wat
God van 'scratch' af vir kinders verduidelik. Die reaksie op hierdie CD is GEWELDIG
POSITIEF! As jy 'n kind het of weet van iemand wat het ouderdomme 3 - 8 jaar, doen
jouself 'n guns en bestel hierdie CD by my! Hy kos net R60 (plus R20 vir posgeld) op die
oomblik.
Lees ‘n bietjie meer van die CD op die page self en laat my weet of jy belangstel. As jy
daarvan hou, ‘suggest’ asb die page vir al jou vriende met kinders en help my om hierdie
prettige stukkie evangelie met kinders oor die hele land te deel!
This is something really really cool!
Dankie vir jou tyd.
Pierre Vee.
http://www.facebook.com/pages/Brokkel-Bam-bam/106253379430153?ref=ts

DIE PAPPA deur Pierre Vee
Eendag, lank lank gelede was daar 2 nagapies. “Nagapies” is klein diertjies – so groot soos
‘n man se hand. Hulle het lang sterte en groot blink bruin oë. Nagapies slaap dwarsdeur
die dag in groot bome van die bos, maar as dit donker word en dis tyd vir kinders se
slaaptyd, dan begin die avonture van nagapies eers. Ons storie gaan oor 2 nagapies met
die name van Brokkel & Bam-bam.
Brokkel en Bam-bam is 2 maatjies wat in 2 bome langs mekaar bly. Brokkel is die
mannetjie nagapie en hy is partykeer nogal ‘n stoute karnallie! Bam-bam is die vroutjie
nagapie en sy is baie soet en baie, baie mooi met ‘n pragtige lang wollerige stert. Brokkel
hou nogal daarvan om aan haar stert te trek van tyd tot tyd. Dan jaag Bam-bam hom in
die bos. Elke aand wanneer die groot geel son sak, kom Brokkel en Bam-bam bymekaar
om saam te speel. Hulle speel sommer baie lekker saam en dan, wanneer die son weer
opkom is dit slaaptyd vir hulle. Dan gaan hulle na hulle bedjies toe in die hoë bome en
Brokkel skree vir Bam-bam: “Nag apie!” en Bam-bam
antwoord terug: “Nag apie!” en dan lag hulle te lekker – Ha ha
ha ha ha!
Een aand toe Brokkel wakker word (want nagapies draai mos
hulle dag en nag om), soek hy sy pappa, want hy was lekker
honger. Brokkel hardloop op met die boom en af met die
boom, maar die pappa nagapie is nêrens te vinde nie. “Pappa!
Pappaaaa!” roep hy, maar pappa is weg.
“Wat gaan aan Brokkel?” vra Bam-bam. Sy kom
aangehardloop nadat sy die geraas hoor.
“Ek is honger en my pappa is weg” snik Brokkel.
“Dalk is hy in die bos besig om kos in die bos te soek, kom ons gaan soek hom” sê Bambam.
En daar gaan die 2 nagapies in die donker nag die bosse in opsoek na die pappa nagapie.
Hulle soek hierdie kant en daardie kant, hulle gaan kyk tussen die lang gras, hulle kyk
onder die klippe, hulle gaan kyk daar ver by die stroompie, hulle gaan kyk selfs in al die
gaatjies, maar hulle kry niks.
Brokkel begin te huil. “Wat as my pappa vir altyd weg is?”
“Moenie huil nie Brokkel,” sê Bam-bam “Ek is seker ons sal hom wel kry. Hier! Ek het vir
jou ‘n stukkie heuning by die bye gekry om te eet.”
Nagapies sê nooit nee dankie vir heuning nie! Hulle hou baie van die soet soet smaak wat
so op hulle tongetjies smelt.
Maar Brokkel is nie nou lus vir soetigheid nie! Sy pappa is weg en dis al waaraan hy kan
dink!
“Ek weet wat ons kan doen!” sê Bam-bam opgewonde “Kom ons gaan na die Wit Duif toe
wat in die boom bly wat op die berg is. Hy sal weet waar jou pappa is.”
Dit was nie lank nie, of die 2 nagapies hardloop so vinnig as wat hulle kan die berg op.

Die Wit Duif sit op ‘n takkie van die enigste boom wat bo-op die berg is. Vandaar af kan hy
maklik alles raaksien wat in die bos gebeur. Almal hardloop altyd na die Wit Duif toe as
daar iets verkeerd gaan.
“Hallo Brokkel. Hallo Bam-bam” groet die Wit Duif vriendelik. “Ek sien julle is opsoek na
iets.”
“Oom, my pappa is weg en ons kry hom nêrens nie” begin Brokkel sommer dadelik weer
te huil.
“Hoekom is jy so bekommerd Brokkel? Ek is seker hy is maar net iewers in die bos.” sê die
Wit Duif.
“Maar oom, wat as hy nooit weer terugkom nie? Wie gaan vir my kossies gee? Wat gaan
van my word?” sê Brokkel, terwyl die traantjies by sy klein nagapie-wangetjies afloop.
“Brokkel, ek wil jou van God vertel” sê die Wit Duif.
“Wat is ‘n god?” vra Brokkel.
“God is die heel eerste Pappa wat ooit bestaan het. Hy is die Pappa wat alle ander pappas
gemaak het.” sê die Wit Duif met sy mooi warm stem.
“Het hy my pappa ook gemaak, oom?” vra Brokkel.
“Ja, hy het jou pappa gemaak en ook elke ding in die hele
wêreld – elke klip, elke diertjie, elke mens, vir Bam-bam en
Hy het vir jou ook gemaak, Brokkel.”
“Waar is Hy oom? Dalk kan ons vir hom gaan vra waar my
pappa is.”
“’n Mens kan Hom nie sien nie, Brokkel, Hy steek Homself
weg. ‘n Mens kan ook nie aan Hom vat nie, Hy is soos die
wind. Sy huis is hoog daarbo, waar niemand kan bykom nie.”
Sê die slim Wit duif.
“Agge nee! Hy gaan my nooit kan help nie – hy is te ver! En hy klink vir my na ‘n kwaai
pappa! My eie pappa gaan nooit weer terugkom nie en dan gaan ek doodgaan, want
niemand gaan vir my sorg nie!” kla Brokkel.
“Brokkel, God is ‘n Pappa wat baie lief is vir alles wat Hy gemaak het. En omdat Hy so lief
is vir alles wat Hy gemaak het, is Hy ook baie lief vir al die pappas wat Hy gemaak het.
Daardie lekker heuning wat Bam-bam nou-nou by die bye gaan haal het, wie het dit
gemaak?”
“Die pappa by natuurlik.” sê Bekkie ewe slim.
“Heeltemal reg, Bam-bam. En wie het die pappa by gemaak?”
“Seker God, die Pappa wat al die pappas gemaak het.” begin Brokkel stadig maar seker te
verstaan.
“God is baie lief vir jou Brokkel. Al kan jy Hom nie sien nie, sien Hy jou altyd raak van Sy
huis daarbo af. Hy het die pappa by gemaak om te sorg dat jy altyd lekker heuning het om
te eet. As jou pappa ooit weggaan en nooit weer terugkom nie, het jy altyd ‘n Pappa wat
lief is vir jou en wat mooi na jou sal kyk – God, die Pappa wat alle pappas gemaak het.” sê
die Wit Duif.
Brokkel weet nou dat hy nooit alleen is nie. Hy weet dat God sy regte Pappa is, al het hy
Hom nog nooit eers gesien nie. Die Pappa wat alle pappas gemaak het is lief vir Brokkel en

sal altyd vir hom sorg. Hy is ook lief vir Bam-bam en Hy is haar Pappa ook, want Hy het
alles gemaak!
“Brokkel! Brokkel!” roep ‘n stem uit die bos. Dis Brokkel se nagapie pappa! Brokkel se
pappa het terug gekom! Jippie! Jippie!
“Pappa! Pappa! Waar was pappa? Ons het oral gesoek!”
Brokkel se pappa was maar net in die bos opsoek na kos. Hy was toe nooit ver weg nie.
Daardie môre vroeg, net toe die groot geel son sy koppie wou uitsteek, het die nagapies
almal in die bome gaan slaap (want nagapies draai mos altyd hulle dag en nag om). Toe
skree Brokkel vir Bam-bam: “Nag apie!” en Bam-bam antwoord terug: “Nag apie!” en
hulle lag te lekker – Ha ha ha ha ha!

Dear Inspirasie readers,
I am Tracy-Lee Rowley I am 28 years old (although people who know me would beg to
differ). I currently live in the UK. I was born in Cape Town and raised there until the age of
16. Afrikaans was always my first language. But 12 years of fluent English has made me a
little nervous to speak Afrikaans again. Reading Inspirasie and with a little help from my
best friend I am back on track with the reading side and read it well again. So much thanks
to them I feel a lot more connected with my home land. Which I miss ever so much and
hope to visit in the near future.
I have 3 beautiful children, my son Tristan age 7 and my daughters Nevaeh-Rose aged 2
and a half, Dakota-Sky my baby is now 1. They are my world, they are my biggest
inspiration. And they are the funniest and the most fun filled little people to be around.
I have loved and enjoyed creating and crafting and drawing as long as I can remember. I
learn as I go, and enjoy the challenge greatly. With that I would like to thank Inspirasie for
inviting me to join them so that I can share ideas, creations, and sometimes my crazy
learning adventures with you all. So I hope you are all intrigued and inspired but mostly I
hope you have great fun.
Wine glass charms
Step 1. What you will need. Wire around 0.8 mm thickness and a pair of
small needle nose pliers. And beads of you’re choosing.
Step 2. Cut off about 10 and a half centimeters of the wire. Shape
your wire into a circle at one end make a little eye hole and at the
other leave it straight until you have placed beads on, then bend
the wire into a half hook shape. So that it latches together. Or
alternately you can buy already made wine glass charm rings off perhaps EBay or craft
companies

Step 3. Pick your beads. Colour coded or as bright and different as you
like.
Step 4. Lay the beads out ready to place on the wire hoop.
Step 5. Be sure to now bend the straight end into the half hook
shape. So your beads don’t come off. And you’re done!!!
They make lovely little gifts for birthdays, anniversaries, and simply thank you gifts to the
ones you love. Very thoughtful, homemade and easy gifts to make. And you can make
them to suit your style or the style of the person you are making them for. I recently made
this for the celebratory/toasting glasses for my sister’s wedding. They went down a treat.
The guest loved having a little memento from the day to take home.

Hulle bly in groepe
bymekaar. Die een laat nie
die ander uit hulle sig nie. Vir ingeval iemand êrens sand trap,
want die spreekwoordelike kleitrap sal nie hier sy woord
gestand doen nie. Dit is sand net waar jy kyk. Die manne stop
op die eerste duin om die kat uit die boom te kyk of sal ek sê
uit die sand te kyk. Hulle klim terug in hul vurige
vierwielaangedrewe speelgoed om die eerste hindernis aan
te pak.
Maar die duiwel bly ook nie agter nie. Hy klim altyd
ongenooid by een van die manne in. Soms pak hy sommer
twee gelyk aan. Van die manne kom deur. maar almal is nie
so gelukkig nie. Die wiele val diep weg in die sand. Die ander
moet inspring om te help en met twee koppe beter as een is
hulle sommer vinnig weer aan die gang. Niks stuit die manne.
’n Vassit demp nie hulle geesdrif nie.
Adrenalien jagters
Wanneer die manne rusteloos raak na al die geswoeg
van die week is dit wanneer die telefoon op ’n
Sondagoggend lui en die een aan die ander kant sê:
“Gaan jy saam?” Dan is dit ’n geskarrel om klaar te
maak en die pad te vat. Nie sommer ’n gewone pad nie.
Nee, ’n pad van avontuur en waar die adrenalien vinnig
deur hul are pomp. Agter die groot bloekomlaning hou
hulle stil en klim uit om die wêreld voor hulle te
bespied. Daar word gekoukus en koffie gedrink. Dan vat
die manne pad.
Die sand staan in boë agter die rygoed uit. Die manne
is aan die gang. Hulle klim die duine uit teen
gevaarlike hellings, maar een vir een steek hulle die
een na die ander hindernis oor. Dieper en dieper
beweeg hulle hierdie oerwoud van sand binne.
Nuuskierig wat aan die agterkant lê. Misien ’n groter
hindernis, ’n groter sandhoop.

By een van die duine kom die konvooi tot ’n stilstand en
die manne .......en ja sowaar my oë bedrieg my nie, vroue
klim uit om hul bene te rek. Hulle is ewe gemaklik in die
voertuie terwyl die mans hul gate uit geniet in die berge
sand.
Een duin na die ander word oorgesteek, maar dan
misgis een van die manne hulle lelik met die helling en
gly teen die skuinste af, maar weereens is die manne by
om ’n mede jagter in nood te help. Geen
noemenswaardige skade nie. Hulle beur vorentoe en
bly soos musketiers bymekaar. Een vir almal en almal
vir een
Oral waar ’n mens kyk is net sand. Ek het nog nooit
soveel sand op een plek gesien nie. Dooie onvrugbare
sand en dit is hier waar die jagters van hulle ingehoue
frustrasie ontslae kom raak en batterye kom laai vir die
week van swoeg en sweet wat voorlê. Soos kinders dit
geniet om met grafies en emmertjies sandkastele te
bou word daar ge tiekie draai totdat ek selfs net van die
kyk daarna dronk in die kop word tot hulle dan weer ’n
skuinser bult aandurf.
En wanneer die son agter hulle begin sak begin die manne
hulle speelgoed se neuse in die rigting van die uitgang draai en
hulle weet dit is nou tyd vir huiswaarts keer. En asof soos ’n
afgespreekte saak beweeg hulle nader en vorm ’n formasie
soos Silwervalke en beweeg hulle soos een tussen die duine
uit. Nie een probeer die ander verbygaan of uit die formasie
wegbreek nie. Gedwee en rustig. Gelaai en Gereed en ek
glimlag en dink..... mans en hul speelgoed.
deur Johan v d Westhuizen

Wie is Pappa
Seuns wil altyd soos hulle pa wees en doen net wat pappa doen. Dogters wil
eendag met n man trou wat presies is soos wat hulle pa is. En dis maklik om
te sien hoekom hulle so voel.
’n Pa laat jou altyd so veilig voel en jy weet dat hy
jou altyd sal beskerm. En terwyl pa by jou is sal
niks jou kan seer maak nie. Jy weet dat hy alles sal
doen om jou veilig te hou.
Soms is n pa te beskermd oor jou en soms laat dit
jou voel jy het geen beweeg spasie nie. Maar neem
in ag dit is n pa se instink en eer om sy kinders te
beskerm. Hulle is tog n deel van hom en vir hom is hulle sy hele bestaan. So
in sy eie manier het hy sy kinders liewer as enige iets anders.
Tessa van der Walt
’n Vriendin vertel my nou die dag:
Tong in die kies
“Ek hou nog steeds daarvan om die liefde in my lewe te bederf !!
As hy laat werk in die aand dan bel hy my en sê hy’s op pad ! Dan
tap ek lekker warm water met skuim solank in, sodat as hy
instap, kan hy dadelik die skottelgoed begin was!”

Jou “cool” pa…
Laat ek raai, jy glo jou pa is op die aarde gesit om jou voor jou vriende
skaam te maak en dat hy nie verstaan wat aangaan in jou lewe nie want
hy is oud en ou mense verstaan mos nie tieners nie.
Ek weet hoe jy voel, dit is nie altyd lekker om met jou pa oor persoonlike
dinge te praat nie en dan voel dit asof hy voor jou vriende probeer soos
die “cool” pa lyk.
Ek dink pa’s voel partykeer uit die groepie uit, soos iemand by die skool wat nie deel voel
van die vriende kring nie, dis daai onaangename gevoel waar as jy iets sê om net te wys jy
bestaan, dan kyk jou hulle jou net aan en jy dink dat hulle net vir jou wil vra wat jy by
hulle maak.
Dis daai gevoel van wanneer almal om jou met mekaar iets sal deel oor
wat in hulle lewens aangaan maar niemand deel met jou nie.
Glo dit of nie maar al is jou pa hoe oud, daai gevoel is nooit lekker nie en
veral nie as dit van jou eie familie af kom nie.
Wetenskaplikes het gesê dat daar is geen verhouding soos ʼn ma en haar
kind sin nie, maar ek wil bietjie daarteen stry, ek dink pa’s wil net so
sterk verhouding met hulle kinders hê.
Ons word groot met die beeld in ons kop van ons pa’s wat die persoon is wat die inbrekers
weghou en ma’s is die persone na wie ons gaan as ons oor iets wil praat, iets wat ons glo
ons pa’s nie sal verstaan nie.
Ek dink dit is waar daai gevoel van niemand wat dinge met jou deel nie inkom, want elke
keer as iets in jou persoonlike lewe gebeur dan gaan praat jy met jou ma wat verstaan.
Begin so bietjie met jou pa oor die dinge wat aangaan in jou lewe gesels, jy sal sien jou pa
is nie so oud soos wat jy dink nie en hy verstaan meer as wat jy sal verwag.
Om deel van ʼn groep te wees, lekker saam te praat en om te weet wat in mekaar se
lewens aangaan is een van die beste dinge wat jy kan ervaar, so moenie dit van jou pa af
wegneem nie want hy sal dit nooit van jou af wil neem nie.
Ek wil jou uitdaag om met jou pa te gaan gesels en hom deel te maak van jou kringetjie, ʼn
mens se pa beteken baie en partykeer weet jy dit nie tot jy dit nie meer het nie.

My Pa is ‘n Monster
Liewe Daleen
Vadersdag lê om die draai en ek is glad nie opgewonde
daaroor nie. Die hele samelewing maak so ‘n groot
ophef daarvan. Om elke hoek en draai sien ek iets van
Vadersdag.
Ek kan nie deel wees daarvan nie want my pa is ‘n
monster. My pa sit in die tronk oor onmenslike dinge wat hy aan onskuldige kindertjies
gedoen het. Ek haat my pa. My probleem is dat ek begin kerk toe gaan en my lewe wil reg
ruk. Die predikant praat gereeld oor vergifnis en dat ek my ouers moet eer. Maar hy weet
“obviously” nie waste tiepe pa ek het nie.
Ek het begin kerk toe gaan om my lewe reg te ruk maar in plaas daarvan voel dit vir my of
my lewe al hoe meer uit mekaar geruk word. Ek begin selfs wonder oor God. Watse tiepe
God skep so ‘n monster soos my pa? Hoekom laat God toe dat kindertjies wat nog nie
sonde ken nie en wat se ouers God aanbid se lewe verwoes
word deur ‘n monster soos die man wat my pa is.
Ek kry so seer elke keer as ek tik “my pa”. Ek wil hom nie eers
dit noem nie…ter selfde tyd het ek hierdie ontsettende
verlange om net ‘n pa te hê wat my lief het en beskerm. ‘n Pa
vir wie ek ‘n “Best dad in the World” koffie beker kan koop. ‘n
Pa saam met wie ek ‘n vleisie kan braai, grappies kan vertel,
my kinders se foto’s kan wys. ‘n Pa na wie toe ek kan
hardloop as ek seerkry. ‘n Pa wat al die antwoorde ken. ‘n Pa wat my net vashou, wat ruik
na skeerroom en aftershave wat ek laas jaar met Vadersdag vir hom gekoop het.
Van ’n Monster se kind
Epos : daleenventer@live.com

Liewe Monstertjie
Jou brief het my beslis diep geraak. Soveel seer en verwarring. Jou afsluitings woorde tref
my egter tussen die oë. In die enkele sin lê vir my die versigting van ’n seer kind om net ’n
Pappa te hê maar ook die diepe skok: Jy kyk met monster oë na jouself. Nie net dink jy dat
die wêreld jou gebrandmerk het nie maar jy het self jouself gedegradeer tot ’n monster se
kind.
Ek wil begin deur vir jou te sê hoe verskriklik jammer ek is dat jy deur hierdie seer moet
gaan. Net soos wat geen kind verdien om gemolesteer te word nie verdien geen kind om
die kind van ’n molesteerder te wees nie. Ek voel baie trots op jou dat jy reeds begin werk
maak het daaraan om jou lewe reg te ruk. Dit is glad nie vreemd dat jy nou erger en
deurmekaar voel nie. Wanneer ons begin werk aan die seer in ons lewe raak dinge eers
baie erger voordat dit beter word. Ek is lief daarvoor om
dit te vergelyk met ’n knie operasie.
Voor die tyd is die knie seer en gee probleme (Ons het
seer en tree destruktief op teenoor ander as gevolg van
die seer wat ons opgedoen het in die lewe.) Wanneer
die dokter besluit dat ons ’n knie operasie moet
ondergaan is ons baie positief want die dokter sê dat die
operasie my lewenskwaliteit gaan verbeter en ek sal selfs weer kan oefen. Die kanse dat
die operasie suksesvol gaan wees is ook baie goed en ons is positief. (Wanneer ons besef
ons moet werk aan hierdie seer en die seermaak gedrag teen ander voel ons baie positief
veral as ons uitreik vir hulp en die berader of leraar verstaan en gee ons hoop deur te sê
dat daar genesing is en dat hul kan help om daar uit te kom)
Na die operasie beleef die pasiënt ongelooflike pyn. Dit is seer , ons is broos. As iemand
ons vra sê ons :As ek weer moet kies sal ek nie weer ’n knie operasie kry nie. As ek geweet
het dit gaan so seer wees sou ek dit nóóit gedoen het nie. (Wanneer ons begin krap in ons
verlede en die berader wys seerkry uit en ons kom in kontak met die seer is dit soos om ’n
knie oop te sny en ’n knieskyf uit te haal en ’n nuwe een in te sit... dit is flippen seer. Ons
voel spyt dat ons hierdie wond oopgemaak het. Ons wens die lewe kon net weer wees
soos voor ek begin krap het.) Weke later is die pyn beter maar die frustrasie oor ek nie
kan voluit beweeg en weer in volle vaart kan aangaan nie maak my ongeduldig.
Een van twee dinge kan gebeur.
1 Ek bly geduldig druk deur met die rustyd en ’n jaar later leef ek voluit en die operasie
word beskryf as ’n sukses. 2 Ek voel so goed. Ek is seker ek is nou gesond. My been het
geheg. Die dokter weet nie regtig waarvan hy praat nie hy wil my net straf. Ek gaan voluit
met my lewe aan en ’n jaar later is die dokter ’n regte geldwolf wat my deur onnodige hel

gesit het sodat sy seun universiteit toe kon gaan Dieselfde geld vir ons hartoperasies. Na
’n paar sessies by die berader voel ek so goed ek kan berge
versit. Ek sien nie meer die nodigheid om te krap aan dinge
van die verlede. Ek dink ek is genees.
Een van twee dinge gebeur.
1. Ek hou moed druk deur , werk deur al my seerkry en ’n
jaar later is ek ’n emosioneel gesonde mens wat die aanslae
van die lewe suksesvol hanteer, ander bemoedig en my
doelwitte in die lewe bereik. 2. Ek voel baie beter die
berader wil nou net aan karring oor goed wat nie meer saak
maak nie. Weke later beleef ek ’n diep swart gat en kruip
terug na die berader en ons moet weer van vooraf begin want ek twyfel aan myself en ek
weet nie meer wat gaan vir wat in my lewe. Of ek rebelleer, begin drink want berading
werk in anyway nie!)
Dit is so bietjie van ’n lang storie maar ek dink baie belangrik sodat jy kan besef dit is
normaal om so te voel en dat jy ’n lang pad het wat nog voor jou lê en dat jy hulp nodig
het van iemand wat jou kan begelei. Gaan sien jou predikant of maak ’n afspraak by ’n
betroubare berader.
Ek gaan kort ’n paar begrippe weergee op jou stellings in die brief.
- Ons aardse Vader speel ’n ontsettende belangrike rol in
ons lewe . Die rol wat ons pa’s in ons lewe speel gaan bepaal
hoe ons oor God dink. Hoe positief ons die lewe beleef. Hoe
ons kyk na onsself. Wanneer ons aardse pa onbetroubaar is, sal
ons , ons Hemelse Vader dikwels ook so sien. Wanneer ons
aardse pa nie vertroue inboesem nie sal ons sukkel om ander
mense te vertrou. Wanneer my aardse pa my nie respekteer
nie gaan ek sukkel om myself te respekteer en lief te hê.
Die herstel lê dan ook nie daarin om ons aardse pa ’n paar klappe te gaan gee nie. Die
herstel lê daarin om ons Godsbegrippe te herstel. Deur te gaan hoor wat sê God van
Homself in Sy Woord. Die genesing kom wanneer Jesus ons waarde kom herstel tot die
van ’n koningskind. Eers dan kan ons die maklik geuiterde woorde : Ek vergewe my
naaste, met ’n ondersoekende hart leef deur met liefde na ons menslike pa te kyk. Deur
die doel bewuste keuse te maak om sê: Ek keer nie goed wat my pa gedoen het nie. Ek
besef egter dat ons almal menslik is. Ons almal maak foute. As dit nie was vir my Hemelse
Pa se genade vir my nie was ek dalk in dieselfde posisie as my aardse pa.
- God is nie die skepper van slegte dinge nie. Dit is teen Sy natuur en HY kan nie teen
Sy eie natuur ingaan nie. God het die mens geskep na Sy Beeld sodat ons kan heers saam

met Hom. Ons eerste aardse pa Adam het gesondig en die sonde het die wêreld ingekom.
Daarna is ons almal in sonde gebore. Die duiwel was verheug en het ons aangekla by God.
God kon nie teen Sy natuur ingaan en die sonde maar net oorsien nie. God het ons egter
so lief dat Hy ’n plan gemaak het. Hy stuur Sy enigste Seun om mens te word. Mens wat
seerkry. Mens wat verwerp word deur sy vriende en selfs sy eie broers. Mens wat bespot
word, verraai word. Mens wat fisies gemartel word. Mens wat Sy Vader se rug beleef. God
draai sy rug op Sy Seun. Geen mens het nog die rug van God beleef. God straf die sonde
en Sy seun sterf. God straf Sy Seun vir my ontrouheid, my seksuele wellus, my moord
gedagtes, my pornografie verslawing, my haat, my onvergewensgesindheid, my diefstal.
Jesus dra my straf aan die kruishout en beleef die
angs van die hel omdat geen mens dit kon doen nie.
Jesus gaan vat die sleutels van die hel en oorwin so
die satan. Die satan is woedend en loop soos ’n
brullende leeu op die aarde. God het gewen. Sy plan
is “foolproof”. Hy beloof om terug te kom en die
satan en almal wat nie die paspoort van Jesus
aanvaar het nie in die ewige hel te gooi. Die duiwel
loop nie rond en kyk hoeveel siele kan hy wen om
eendag in die hel te martel nie. Nee, hy loop rond
soos ’n beseerde leeu om te kyk hoeveel siele kan hy kry om saam met hom hel toe te
gaan. Die hel is nie satan se plek nie. Die hel is die afwesigheid van God. God se rug is op
die hel gekeer en dit is hoekom dit so ’n vreesaanjaende, ongoddelike plek is.
- So wat moet ek doen? Hoe kry ek hierdie paspoort? In Johannes 3 v 16 lees ons
dat wanneer ons Jesus aanneem het ons die ewige lewe. Net dit.
Ja, dit is so eenvoudig. Maar dit is nie maklik nie. Ek het nodig om gestroop te word van
alle pretensie en valse waardes. Ek het nodig om te besef ek is niks. Niks wat ek kan doen,
kan my in die Hemel bring nie. Ek het nodig om te besef dat Jesus gee nie om of ek vet of
lelik, ’n predikant of ’n moordenaar, ’n kindermolesteerder of ’n Monster se kind is nie, Hy
het my so lief dat Hy Sy lewe vir my gegee het. Dit verg van my om myself
onvoorwaardelik lief te kry, my naaste sonder veroordeel lief te hê en God met my hele
hart en siel te bemin.
Is dit te veel gevra van jou my liefste monster kind? Om al jou pretensies, vooroordele,
haat en veroordeling neer te gooi en die slym en modder van jou siel skoon te was met die
bloed van Jesus? Of is dit lekker om die haat te vertroetel en te baai in die sluimerige
marteling van selfbejammering?
Die paspoort wat jy ontvang in Jesus vat jou na plekke wat jy in jou wildste drome nie sou
kon uitdink nie. ’n Kind van Jesus is nie gevrywaar van seerkry en die gevolge van sonde
nie maar kan verseker wees dat God elke slegte situasie ten goede kan draai. Al is dit hoe
ondenkbaar sal God elke slegte situasie tot Sy eer kan gebruik in Sy kinders se lewe. Ek
daag jou uit om die slym en modder te verlaat en jou kroon as erfgenaam van die
Hemelse Vader op jou kop te sit.
Jy is die kind van die Koning.
Daleen

‘N MAN, ‘N MAN, OH NET ‘N MAN
Deur Willene Clair Venter
Die heel eerste keer dat ons ons oë oopmaak (of sal ons liewers sê daardie kinders gebore
na 1970’s nadat Pa’s in die kraamsaal welkom was), is ons eerste blik op ‘n manlike
persoon, die van ons Pa. Van hierdie oomblik af begin jou interaksie en uiteindelik jou
siening van wat ‘n man is.
Ek dink ‘n dogters ,onbewustelik of in party opsigte
bewustelik, gebruik hulle Pa’s as ‘n voorbeeld van of wat
hulle soek in ‘n man of die teenoorgestelde. As jong kind is
dit nie iets wat deurskemer nie maar as tiener kan jy dit
sien in ons keuses van watter tipe man jy in jou lewe
toelaat. Eers as volwassene kom jy tot die besef watter rol
jou Pa in jou keuse van man gespeel het. Ek weet van
heelwat vrouens wat beslis als behalwe hulle Pa as man
gesoek het en weer ander wie hulle Pa as held voor oë
gehou het toe hulle man soek. Ek weet ek het wel sekere
karakter eienskappe wat my Pa gehad het, in ‘n man
gesoek.
Dit was wel op die tydstip waar ek my man ontmoet het, onbewustelik soos kan gedink
word op 17. Maar as ek nou daaraan dink, het ek heelwat van my Pa se karakter
eienskappe in my man gesien. Ek was gebore in die tyd toe Pa’s nie binne die kraamsaal
welkom was nie. My geboortedorp De Doorns het in die 1970’s net ‘n 4 bed kraamsaal
gehad. Pa het Ma afgelaai en is terug werk toe in die wingerd boorde. Ma het alleen haar
ding gedoen en Pa is later die middag in kennis gestel hy het ‘n dogter. Ek was geseën met
‘n Pa wat nie die stereotipe, hands off the baby, man was nie. As koliek baba het hy wel,
volgens vertelling my gesus en probeer rustig kry om my Ma ‘n bietjie van ‘n breek te gee.
Hy het wel ‘n manier gevind om vir my Ma ekstra slaaptyd te gun, en dit was om my saam
te neem terwyl hy werk, saam op die rug van ‘n perd of trekker en dit het my blykbaar
goed gekalmeer. Ek sou eers baie later hierdie bogenoemde inligting bekom nadat my
oudste dogter gebore is met dieselfde koliek dinge en my
eie man my afgelos het met die pajama dril en my ekstra
slaap gegun het. So onbewustelik het ek my Pa se omgee
en deurnis by my man gesoek voor ek hom sou kies.
‘n Man van die wêreld. My Pa het, deur sy werk, baie
gereis oorsee maar ook hier in Suid-Afrika. Dit was hier in
ons eie land waar hy ons orals saamgeneem het. Op lang
trein toere deur die dore Karoo en die wakker word op ‘n
ysige De Aar, die langs die trein stap terwyl dit uitkruip
teen die hoë bergpasse in die tuin roete, en die wonderlike

etes wat ons kon geniet. Daar is ‘n paar dinge wat my onmiddellik terugneem na 8 jarige
ouderdom soos stoom trein reuk, die dik katoen lakens en dik wol komberse waarmee ons
beddens in die kompartemente opgemaak was, en die reuk van koffie wat vroegoggend
vanaf die etens kar kom. Hy het ons geleer van wat om te gebruik tydens ‘n 5 gang maal
en hoe om te bestel. Van jongs af was ek blootgestel aan spyskaarte en kelners. Ons is
gewoonlik een tot twee keer per maand genooi na hotelle toe vir etes, en my Pa het
verwag dat ek vroeg leer watter mes, vurk en lepel word waar gebruik. Streng ja as dit
kom by maniere en hoe om jou in die openbaar te gedra, maar ook baie oop vir nuwe
idees. So het ek geleer watter wonderlike geregte buite die normale gesin maaltye
bestaan het. En ook gesien hoe my Pa ‘n jong hotel eienaar en sy familie wie baie na hulle
eie buitelandse familie verlang het, huis toe nooi en vertroud maak met tuisgemaakte
vetkoek, plaasbotter en heuning. By die kospotte het hy beslis nie teruggestaan nie en net
so wel aangesien my Ma nie juis die persoon was wat graag kos wou maak nie. Nie dat sy
nie kon nie maar liewers dat sy nie altyd lus was om dit te doen nie na ‘n dag se werk nie.
Nadat my Pa afgetree het en reg deur sy laaste jare het hy die kospotte geheel en al
oorgeneem. As kind was dit my Pa wat vroeg oggend my wakker gemaak het met ‘n
koppie koffie en vir my Ma, haar geliefde tee. Ons toebroodjies was altyd deur my Pa
gemaak en ek kon altyd daarop staatmaak. My Ma het nooit
toegelaat dat ons kinders in die kombuis kos maak nie en dit is
my Pa wie, nadat ek en my man in ons eerste woonstel
ingetrek het, elke nou en dan bel en sê ek of my man kan ‘n
bak kos kom haal want, en dit was altyd sy woorde, hy het ‘n
bietjie te veel gemaak. Hy het goed geweet ek moes hard leer
om self kos te maak en die geld was nie altyd volop nie. My
man het ook die eienskap van heerlik kos maak en altyd oop te
wees vir nuwe geregte. Net so het my man ook die liefde vir reis en plekke besoek.
‘n Man van kennis. My Pa het baie van aardrykskunde gehou en het die liefde van die
aarde en al die diverse plekke in my gekweek. Terwyl ons die 6 uur nuus in die aand kyk
sou hy die lande wat genoem word, se hoofstede by my weet, en het tydens ons vakansies
deur Suid-Afrika my vertel van geskiedkundige gebeure in die dorpe en stede waar ons
was. So deur ons reise het hy altyd ‘n plant hier of boom daar aangekoop en het sy
wonderlike tuin daarmee aangevul. Plante van die tropiese Natal en van die dore Noord-
Kaap en Namib. Hy het as ter ware sy reise huis toe gebring in die vorm van plante.
Ongelukkig die een aspek van my Pa het my man glad nie en dit is tuinmaak.
‘n Man sag van hart. My liefde vir diere kom beslis van my Pa af. Honde, katte, voëls,
visse, marmotte, hamsters, tarentale, …. Dit en nog meer het huis gekry in ons erf. My Ma
het dit min of meer net so aanvaar maar my diepe liefde vir perde glad nie. My Pa het dit
wakker gehou met tydskrifte, storieboeke en dies meer. Op 12 jarige ouderdom het hy vir
my ‘n perd gekoop en moes noodgedwonge dit weer teruggee vir die eienaar aangesien
my Ma absolute geweier het dat ek een kon besit. Nadat ek as volwassene my eerste perd
gekoop het, het hy elke Saterdag gewag dat ek verby ons huis ry sodat hy kon hello sê vir
my geliefde King. Dit was ons gedeelde liefde sou ek sê. My eie geliefde man het net so ‘n

groot liefde vir ons diere maar as dit by die groot perde kom steek hy definitief vas. Kort
nadat ons in ons eerste huis gekoop het, het ek my perd naby ons nuwe huis gestal, en het
my man geleer perdry, maar hy het nooit werklik ‘n liefde daarvoor ontwikkel nie maar
het wel goed verstaan hoe ek oor hulle gevoel het..
Ek dink dat baie van wat ek binne ‘n man gesoek het, het ek eers binne my eie Pa gesien
en dit is ek diep dankbaar voor. Daar is heelwat kinders wie nooit ‘n man sou ken wie
binne liefde met hulle werk nie, nog minder iemand wat werklik omgee oor wat vir hulle
ook belangrik Vir dit en nog soveel meer is ek dankbaar vir die eerste man in my lewe –
my Pa, wie my gewys het wat dit werklik beteken om ‘n man te wees en hoe om hom uit
te ken.
0------------------O----------------0
Wie is my Pappa
My Pappa is God. Hy is die Pappa wat my gemaak het en steeds elke dag vorm.
Hy is my Vader, my Mentor. Hy is altyd daar vir my. Soms as ek gebuk gaan deur storms
en rukwinde van die lewe voel dit vir my of my Pappa nie omgee nie.
As ek terug kyk besef ek my Vader was altyd daar. Hy was nooit weg nie . Dit was ek wat
weggedraai het. Ek het gedink ek kan sonder my Pa die kruispad aanpak. Ek kan alleen
my kruis dra.
Dit maak nie saak of ek hartseer of vrolik is nie, my Pa is
altyd daar. Ek moet deur alles Sy hand styf vashou.
Christenskap is nie maanskyn en rose nie. Ons deurwinter ook
sodat Pappa on kan versterk.
Ek moet elke dag my hand in Pappa se hand sit, Hy wil my
versterk en so ook vir jou. Kom dis so maklik , sit jou hand in
God se hand. Hy wag vir jou.
Dankie Pappa, Abba Vader dat ek U kind kan wees.
Ek het, toe wilde storms gewoed het, diep onder , vaste Rots gevind: Die woord wat my
van ramp behoed het - God is my Vader, ek Sy kind, My anker is daar vasgemaak – ek
glo niks kan dit los laat raak nie. ( Gesang 228: 1)
Dalene Wright Laing

DIE ONTSTAAN VAN VADERSDAG……………………….
Vir byna 'n eeu reeds word vaders regoor die wêreld op die hande gedra op hierdie
spesiale dag in Junie.
Dit was 'n Amerikaanse meisie genaamd Sonora Louise Smart
Dodd, van Spokane in Washington, wat die Vadersdag tradisie
begin het. Sonora was die oudste van ses kinders wat deur hul
pa, ene William Jackson Smart, grootgemaak is nadat hul ma
dood is met die geboorte van haar laaste kind.
Haar pa, 'n burgerlike oorlogsveteraan wat op klein skaal
begin boer het, het sy kinders man alleen versorg en
grootgemaak en Sonora wou graag haar waardering vir haar
pa se opoffering en liefde betoon.
In 1909 het sy 'n dag in Junie (die maand waarin haar pa
verjaar het) voorgestel om hom te vereer. Die heel eerste Vadersdag het gevolg op 19
Junie 1910 in haar geboortedorp, Spokane. In 1924 het die Amerikaanse president die dag
ondersteun en as nasionale vakansiedag ingestel, terwyl President Lyndon Johnson in
1966 die derde Sondag in Junie amptelik as Vadersdag verklaar het.
Vadersdag is nie net 'n dag waarop pa's vereer word nie, maar ALLE mans wat 'n
vaderfiguur aanneem, stiefpa's, ooms, oupas, en alle volwasse mense van die mansgeslag.
HOE OM 'N MAN TE BEKOOK.
ONFEILBARE RESEP:
Baie goeie mans word verkeerd voorberei.
Party kry die wind so van voor dat hulle soos ballonne
opblaas, ander is voortdurend in die warm water.
Sommige mans is altyd in die pekel, terwyl ander verkil
word. Die heel ongelukkiges word met tong sous bedek.
Alhoewel nie alle mans sag en smaaklik is nie, behoort
die meeste verteerbaar te wees wanneer hulle só
behandel word.
Plaas die man in 'n bottel vol besorgdheid naby die vuur van liefde.
Bedek hom met goedhartigheid, gehoorsaamheid en liefdevolle optrede.
Geur hom met nederigheid.
As jy soentjies en drukkies byvoeg, moet 'n goeie skootjie geheimsinnigheid en gesonde
verstand ook bykom. –
Skrywer onbekend.

ANNEX KLOOF WYNE
Annex Kloof Wyne is a familie projek in die pragtige hange
van die Paardeberg omgewing in die Swartland. Hugo
Basson is die wynmaker van Annex Kloof, maar alles het vier
generasies gelede gebeur to oupa-grooitjie, Matthys die
eerste wingerde in 1906 geplant het en wyn gemaak het
sedert 1910. Die naam AnnexKloof het die pragtige
beskrywing van “waar die klowe ontmoet” en vandag is
Hugo Basson, wat Oupa Matthys se gawes geerf het, het
vandag wynliefhebbers
aan die praat met sy
Malbec.
Hugo se groot liefde vir Malbec het begin na ‘n toer na
Argentinie in 1991. Hier het hy sy eerste Malbec geproe
en onmiddelik verlief geraak op die kultivar en dit was
die begin van ‘n “passievolle liefdes verhouding” van
die Malbec koning van Suid-Afrika.
In 1997, het die Basson familie hul eerste Malbec kloon
(MC 1) aangeplant
en vandag is hul die
enigste in Suid-Afrika wat al 5 klone, plaaslik
beskikbaar, huisves.
AnnexKloof glo in “back to basics” en hier geniet jy ‘n
wynproe in ‘n informele manier van egte Swartland
gasvryheid, waar jy ook die geleentheid het om direk
uit die vate te proe. Hugo, bied ook die geleentheid
vir mense om hul eie wyn te maak in die kelder en ‘n
18 maande pad te stap saam met die wynmaker, van
die pluk van die druiwe tot die bottelering van jou eie
wyn. Hugo se vrou, Miwette, het ook ‘n proelokaal
geopen op die N7 tussen Malmesbury en
Moorresburg, genaamd ANNEXKLOOF PADSTAL, waar
die wyne 7 dae per week, beskikbaar is.
AnnexKloof Wyne het ‘n volmond karakter, met goeie
belans tussen sagte hout en baie vrug. Hugo glo dit is
van kardinale belang om die vrug te behou en die hout
nie te laat oordonder nie. “Ek soek iets klassiek, nie te
swaar nie en wel baie vrugtig,”

Wanneer jy dus skoene wil uitskop en afskakel oor ’n
naweek, is Annex Kloof net die plek vir jou.
Daar’s ’n goed toegeruste chalets in die berg en vier damme
wat geskik is vir swem en visvang, ongerepte fynbosberge,
’n 4 x 4 roete en ’n wildskamp in hul bewaringsgebied.
“Annex Kloof bied jou ’n geleentheid om jou inhibisies so
bietjie opsy te skuif en weer kind te word saam met jou
kinders. Los maar net die fiemies by die huis!!

Een gelukkige pa kan hierdie dubbel pak wyne wen. Al wat julle
hoef te doen, is om die volgende vraag te beantwoord.
Wie is die eienaar van Annex Kloof?
Epos u antwoord na inspbriewebus@gmail.com
Sluitingsdatum: 15 Julie 2012
Onthou: Geen skrywer van die Inspirasie span mag deelneem nie.

Ek kuier so ’n
tyd terug by my skoonsus in
Langebaan daar op die
Gholflandgoed. Dit is nou wel
naby die see en alles, maar daar is nou een ding wat nie twee is nie is dat ek beslis nie
daar sal aard nie. Jou tuin is klaar uitgelê as jy daar intrek, want net plante
wat voorgeskryf word mag daar geplant word en vêrder as jy aan die rand
van die landgoed bly moet jy maar verlief neem om die
natuur se plantegroei deel van jou tuin te hê. Maar daar is
een ding wat my tuin nie het nie. Die pragtige
kreatuurtjies wat uit daardie natuur op jou stoep kom
kuier
Wat kan ons nou in hierdie koue maande plant om mooi
blomme in die tuin te hê wanneer die lente hier is om ons
tuine met die mooiste kleure te oortrek. Laat ek sien. Daar is
affodille, my gunsteling en tulpe. Dan is daardie kleiner
plantjies soos Gesiggies en Afrikanertjies wat jou tuin sal
opvrolik in hul uitspattige kleure
Wat ’n hartseer saak is, is dat peste hierdie pragtige kleurespel vir ons in die
wiele kan ry. Vat nou maar daardie verpesting van ’n snywurm. Hy beweeg
ondergronds soos ’n wafferse spioen en sypel reg in op die vlak waar hy die
plantjies heerlik sit en vernietig tot daar niks meer oor is nie. Hulle kan
uitgeken word aan hulle vet grys lyfies en is altyd opgekrul. Gaan Ek is seker
jy sal hulle daar kry. Die beste manier om hulle in toom te hou is met hierdie
produk.
Dan die euwel van alle euwels. Die slak familie Hoe gemaak met hulle want hulle doen
hulle vernietiging bo die grond. Die aas ens. wat vir moeite gedoen
word, is baie giftig en daarom nie ’n baie goeie idee as daar
kinders en diere in jou tuin is nie. Iemand het eendag gesê ek moet
gebreekte eierdoppe gooi, maar hoeveel eiers sal ek moet gebruik
om my tuin te dek. Ek sal ’n eier plaas moet koop. Sout is ook ’n
idee, maar die los op in die water en hoe sout gaan my grond nie
op die ou end wees nie. Nee, wat el stap maar soggens vroeg in die tuin en dan maak ek
hande vol bymekaar en raak so ontslae van hulle. Lees ek nou die fag dat jy warm
koolblare met botter moet smeer. Dit is blykbaar ’n goeie aas om hulle te lok en dan die
ewigheid in te stuur. Sal maar moet sien.

By Edward Winter
Men, Rose Petals & True Balance
On the 3rd of July one year ago I was seated around a
glass table outside on my girl-friend’s patio. There
were exactly five people, including myself, seated
around the table.
One of them I knew and the other three I was meeting
for the first time. The stranger that was seated
opposite me, staring at me with a goofy/stalker smile,
would become the greatest love of my life, my fiancé
and the reason why I lost faith in affection and gained
belief in love. The young couple on the edge of
engagement would separate a few months later and
almost never talk to one another again. Finally, the
lady that was the reason for me meeting them would turn against me and do awful things
just to get her way in life.
It is astonishing if you take a few moments from your day just to try and remember or
notice the changes around you and those changes that affected you directly. How you use
to think and the dreams and ideals you use to have. I use to believe in a love without
faults or arguments, I use to believe that relationships lasts forever and I use to believe
that friends are always around.
Truth is, even though those beliefs and dreams of mine might seem childish I still consider
them a possibility – because nothing is truly impossible.
On the 23rd of November 2011, my fiancé and I separated and I
had to go and live with a friend of mine for a week or two just to
find my feet in life. A life where I solemnly believed that I would
be without him forever and that is exactly how I started to plan
and live my life. Friends came and went as my life progressed and
I kept on building. Loneliness took hold and sympathetic
relationships fell into place. Those were relationships that rose
and fell because of an un-solid foundation. How can you build a
tower to reach heaven, when your heart is not in the foundation?
I never bothered to care about who came and went because no
one could hurt me more than the pain of missing him hurt me every day.
It was about two months ago that I had finally given up on the thought of ever being with
him again, seeing that it had been two months since he had terminated and blocked

contact with me – then. I had found my way on the other side of my small world called the
Western Cape. I had made a life for myself, but still I was not satisfied and after meeting
someone that seemed like a potential ... I once again packed my bags and headed back to
the Northern Suburbs. I followed a path of rose petals that signaled hope of new love, a
path of rose petals that led me back to my past and into
the future. Everything went magnificent, and even better
– until the unthinkable happened. My ex made contact
again.
To cut a long story very short, he had come back into my
life, as of late, and completely disrupted the little bit of
balance I had achieved. That seems like a very bold and
rude statement. However, ask yourself what is balance?
Balance is a period when there is harmony between the
mundane and spiritual in your life. Too much of the one can overthrow the other and
cause a disruption, but to have love in your life (or brought back in my case) you
sometimes need to lose that balance to achieve true balance. I know that you know
exactly what I mean. You know the feeling when your normal routine is broken for a date
here and there, or when movie night is cancelled for an evening at his place, or when you
procrastinate with your work a bit more to put a little extra effort into that something for
him.
What is true balance?
I believe that true balance is not something that can be defined or even completely
understood, it is just something you know you have when love has disrupted the balance
in your life.
Truth be told, he is back in my life and I have found true balance, even if the individual on
street corner 9 doesn’t know it. I do. I have lost that guy that I thought would be the new
beacon of love in my life but we are still friends. As for my ex and myself, well we are just
who we are meant to be. Only time will tell.
Love, Light and True Balance
Edward Winter

Velsorg vir mans.
’n Paar jaar terug het mans jou skeef aangekyk as jy met hulle oor skoonheid sorg gesels
het. Hulle het gedink dat dit net vir vroue bedoel was. Mans gee nie altyd die aandag aan
hulle vel wat hulle behoort te gee nie. Hulle vel is net so belangrik soos die vrou s’n en
kort net soveel en soms meer aandag. n Mens se vel kan nogal baie oor jou leefwyse te
kenne gee. Baie mans bring ure in die buitelug deur sonder dat hulle besef hoe baie skade
die son aan hulle vel aanrig.
Daar is baie meer aan velsorg as net die was van die gesig. Jou vel het versorging nodig en
daarom is dit die moeite werd om in ’n paar skoonheid produkte te belê om jou vel teen
die son en droogheid te beskerm.
Sigaret rook verouder die vel en vererger ‘n droë vel. Die vel bou soos ‘n skoorsteen op.
Sigaret rook blok die porieë en veroorsaak dat minder vogtigheid deur kom en maak dat
die vel ongesond lyk.
In die winter kan selfs mans met ‘n olierige vel ‘n probleem hê met
‘n droë vel. Die lug is baie droog in die winter en haal dan die vog
uit jou vel. In die winter moet mens baie water drink om die
liggaam gevoed te hou so sal dit dan op die vel ook weerspieël.
Wanneer daar in die koue uitgegaan word beskerm die vel of met
handskoene of mussie om die skade te verminder
Hier is die basiese vyf stappe na ’n gesonder vel.
Meeste mans begin of eindig ‘n dag met ‘n lang stort of bad .Soos
mens was, was mens al die belangrike olies van die vel af wat ‘n
beskermende lagie vorm om te keer dat die vog ontsnap. ’n Bad
is baie meer nadelig so om dit te vermy is dit die beste om
eerder te stort. Gebruik minder stomende warm water. Seep
droog ook die vel uit. Gebruik eerder ‘n gesig was.
Gesigwas.
Stof en sweet is een van die sondebokke vir die beskadiging van jou
vel daarom is ’n reinigingsmiddel beslis ’n aanwins om die die gesig
skoon te was.
Vel skrop
Dit is ’n seep met growwe deeltjies wat alle droë velletjies verwyder
en kan so twee keer per week herhaal word.

Verfrisser
Hierdie is om jou vel se glans op te kikker. Dit is ook baie goed vir die porieë en verwyder
oortollige olierigheid. Gebruik dit asseblief op ’n skoongewaste vel sonder die
naskeermiddel . Wend dit met ’n bolletjie watte aan.
Bevogtiger
Dit is noodsaaklik dat jy ’n goeie bevogtiger gebruik vir die verlies van olies en droogheid
by die vel. Wanneer dit by ‘n vogtiger vir mans kom kan party produkte waterig en party
olierig wees. Deesdae is daar geen limiet as dit by bestanddele kom nie. ’n Man moet ‘n
paar produkte probeer om uit te vind watter produk die beste vir sy vel geskik is .As jy ‘n
droë vel het probeer eers iets wat simpel en olierig is met minder bestanddele. Met
probeer sal elke man sy eie produk kry wat vir hom werk wat die ongemaklikheid sal weg
vat. Verfrisser en Gesigwas produkte kan die vel redelik uitdroog. Bevogtigers keer ook
dat die vel vinnig verouder. Dit maak die vel sag en glad. ‘n Bevogtiger vir ‘n man se vel is
baie goed maar kan ook probleme veroorsaak as jy nie eers jou gesig nat maak nie .Baie
bevogtigers vorm ‘n lagie wat keer dat jou vel vog
vrystel. As daar reeds ‘n vogtigheid op die vel is
werk die bevogtiger soms beter en klou aand die
klamheid vas en daarmee druk dit net die
droogheid vas.
Wees verseker die dames sal nie hul hande kan
tuishou nie.
Naskeer
Wanneer jy ’n naskeer koop maar seker dat dit alkoholvry is omdat dit geneig is om die vel
te irriteer, Gebruik liewer ’n room of ’n gel, want dit is baie meer saf op die vel en dit
streel irritasie weg.
Corné Cornelissen

Die Man In My Lewe...
deur Jaygé Carstens
Ek sit vandag met my hande in my hare. Ek sit en staar na hierdie tema en ek wonder
waaroor om te skryf. Ek kan skryf oor my pa, maar gaan almal dit nie maar doen nie? Ek
kan seker skryf oor ‘n geliefde, maar is dit nie dalk te cliché nie?
En net op daardie oomblik hardloop my 2
jarige boetie die kamer in en gryp na sy
neusie. Die klank van ‘n olifant (sy gunsteling
dier) gaan deur die kamer soos hy die geluid
namaak. Ek glimlag net by myself, want ek
weet reeds wat hy wil hê. Michael Jackson se
Earth Song Music Video. Hy is op soek na die
olifant daarin en dan sal hy saamsing en lyk
asof hy wil huil as die olifant dood is en dan
lag en hande klap as die olifant opstaan...
My klein Ghoppie... Daardie oulike klein meneertjie...
Hoe baie het ek nie al by hom en deur sy oë geleer nie?
Ek weet vir ‘n feit dat ek nooit eendag die voorreg sal kan hê om “pappa” genoem te word
nie, maar met Vadersdag wat al nader beweeg weet ek dat ek darem een klein seuntjie
het wat na my opkyk. Maar wat mense nie besef nie is dat ek soms meer opkyk na hom as
wat hy ooit sal opkyk na my.
Met sy geboorte het ek gesweer dat ek nie te naby aan hom gaan wees nie. Ek het
geweier om te lief vir hom te raak, want ek wou myself beskerm, maar hy het my kom
wys dat hy tog diep in my hart in sou kruip. Hy
wou so vreeslik diep in my hart kruip dat ek
sommer in die toekoms sou uitbars in trane net
met die gedagte dat hy eendag moet uitgaan in
die wrede wêreld.
Dit is egter nie al wat ek by hom geleer het nie.
Ek het geleer dat ‘n mens liefde moet gee
sonder om te ontvang. Hy het gegee al het ek
aan die begin niks terug gegee nie. Hy het in my
hart in gekruip sonder voorwendsels en my lief
gehad. Op die uiteinde het hy my ook toe geleer dat ek alles kan gee en lief kan hê sonder
dat ek iets hoef terug te verwag.

Hy het my gewys hoe die kleinste blommetjie beeldskoon mooi kan wees. Hoe ‘n Lady
Gaga liedjie meer insig kan hê as enige ander liedjie daar buite.
En vandag leer ek weer by hom. Ek sien hoe hy hier by my
in die kamer sit en ek dink terug na ‘n tyd wat ek ook so
gesit het voor ‘n man. My oupa...
My oupa het ook altyd volwasse gesprekke met my gehad
soos ek met Ghoppie het. Hy het my ook hanteer asof ek
wys was en ek probeer dieselfde met Ghoppie doen. En
hopelik kyk hy ook eendag terug op my as ek dalk nie
meer die dag daar is nie. Dalk onthou hy ook ons lang
gesprekke. Miskien skryf hy ‘n boek. Ek weet egter een
ding verseker. Hy gaan ‘n sukses wees. Hy gaan my trots maak. Hy het reeds letterlik
opgestaan uit die dood uit. Hy het ‘n gesin aan mekaar gelas. Hy het glimlagte gebring
waar daar trane was. Hy kan liefde gee waar daar niks is nie. Hy is daar vir almal...
En ek kyk vandag en dink by myself... Ek kan baie mense in die lewe verloor, maar een
ding is verseker. Ek wil hierdie klein mannetjie nooit ooit verloor nie. Hy is die man in my
lewe wat saak maak. Die een vir wie ek my lewe sal gee...