Julie 2012 - CJBF

TREFINA EN
TREFOSA
Saamtrekbylaag
binne
Vergewing maak
jou vry
JULIE 2012
Gelowig
vrou in
die hande
van dié
Pottebakker

TREFINA EN
TREFOSA
6
2 VROUEBLAD Julie 2012
JULIE 2012
Saamtrekbylaag
binne
Vergewing maak
jou vry
Gelowig
vrou in
die hande
van dié
Pottebakker
Lojale lesers, help ons om nuwe intekenare te werf.
Die Vroueblad is ‘n heerlike geskenk vir jou vriendin, ma of
ouma. Intekenvorm verskyn op p.23. Die Redaksie
Julie
GEREELD
3 Redakteursbrief
4 Briewe
5 Ds. Sê my
IN-DIEPTE
Gelowig vrou in
die hande van dié
Pottebakker
6 Hoe vorm die
Pottebakker?
8 In die hande van
die Pottebakker
10 Waarom o
Pottebakker het U
my so gemaak?
14 Kruike gevul
met die Heilige
GeesLEEFDINGE
IN-DIEPTE
12 Dien altyd,
Koningkruiksvrou!
13 Boekeblad
16 Die eerste keer
18 Trefina en Trefosa
20 Jy moet volgende
jaar Saamtrek toe
22 Hartskatte
23 Lees in Augustus
24 Kaleidoskoop
Redaksionele Inligting
Redaksiekommissie:
Cobie Steyn (redaktrise)
Griet Swanepoel (assistent-redaktrise)
Marlette van Rooyen (sekretaresse)
Karien Brink (bladuitleg)
Prof. Jacques van der Elst
Ds. Nico Botha
Annatjie du Plessis
Posadres:
Die Redakteur: Die Vroueblad
Posbus 178, Lydenburg 1120
Faks: Die Vroueblad 086 714 6157
E-pos adres: Cobie Steyn, cobiesteyn@live.com
Internetadres: http://www.gksa.org.za/vroueblad.htm.
Navrae:
Rekenings, adresveranderings, intekening, bladbouers:
Me. Angie Mokobi: Tel (018) 297 3986, tydskrifte@gksa.co.za
Advertensies: Dr. Wymie du Plessis, Tel (018) 297 3987
Eienaars en uitgewers:
Deputate Kerklike Tydskrifte GKSA
Intekengeld:
Self afhaal by Administratiewe Buro: R104.00 per jaar
Elektroniese intekening: R104.00 per jaar
Groepintekeninge: R163.00 per jaar
Individuele intekeninge: R178.00 per jaar
(Intekening word as voortgesit beskou solank dit nie gekanselleer word
nie.)
Drukkers:
V&R Drukkers, Tel 012 333 2462, ISSN 0378 407 X
Menings uitgespreek in artikels verteenwoordig nie noodwendig dié
van die Redaksie nie. Die Redaksie behou hom die reg van plasing
asook die redigering, verkorting, parafrasering of uitbreiding van
bydraes voor.
JAARGANG 67 NOMMER 2

“Doen slegs U wil
Heer, U wil met my,
U Pottebakker met
my die klei.
Vorm my en maak
my, net soos U wil,
op U slegs wag ek,
nederig en stil”
Die redaksie vra vriendelik dat
hierdie selfoonnommer en adresse
nie vir administratiewe sake
soos inskrywings of kansellasies
gebruik sal word nie – skakel
die verantwoordelike persone
by die Administratiewe Buro in
Potchefstroom: Sien die inligting
op die skutblad.)
REDAKTEURSBRIEF
DIE POTTEBAKKER
EN DIE KLEI
Liewe suster in die Here,
Hierdie maand se uitgawe sluit die Saamtrekbylaag in. Ek hoop dat jy lekker gaan
kyk en lees wat in al die streke gebeur het, want die redaksie het besluit om voortaan
die Saamtrekbylaag ook in kleur te laat druk – sommer ʼn dankiesê vir die voortgesette
finansiële ondersteuning wat Die Gereformeerde Vroueblad uit al die streke kry.
Die tema van die Sustersaamtrek van 2012 is ook die tema van ons blad vir hierdie
maand. Die redaksie het van die sprekers gevra om hulle toesprake vir ons te verwerk
tot artikels. ’n Organiseerder van ʼn streek maak hart oop oor hoe sy voel oor
saamtrekke, terwyl ʼn saamtrekganger vir ons vertel hoedat ʼn saamtrek haar verryk en
versterk. Griet Swanepoel bring hulde aan die getroue steunpilare in gemeentes:
die wyksusters!
Die tema van hierdie maand lê myself baie na aan die hart: Gelowig vrou in die
hande van dié Pottebakker. Aanvanklik, verlede jaar toe die redaksie na oorweging van
al julle voorstelle vir moontlike temas, hierdie tema gekies het, was dit vir my net nóg
ʼn tema vir nóg ’n saamtrekjaar. Min het ek geweet dat die Here my deur hierdie tema
persoonlik sou aanspreek, my op die dag van die Saamtrek sou troos en dat ek steeds –
ook met die verwerking van die artikels – deur die tema versterk sou word.
Op Maandag 20 Februarie het God ons gesin met sy hande plat gedruk op die pottebakkerswiel
(met apologie aan dr. Jan Venter, p. 14) en elkeen van ons: my man, vir my,
en ons drie kinders begin vorm “deur die druk van (’n) onverwagse gebeurtenis”: Abel
is gediagnoseer met blaaskanker. Dis dan wanneer jy besef hoe kwesbaar jy is, hoe sag
jy in die hande van dié Pottebakker is en dat Hy die klei kan druk, vorm, stoot en slaan
soos Hy wil (Ds. Henning Venter; Natalstreek se spreker) – dat Hy ons ook deur pyn
kan vorm en ómvorm tot bruikbare kruike vir Hom. Aanvanklik was ek ook soos die
klei wat my verset het teen verandering: die klei wat in Jo van Rooyen se woorde “wriemel
op die wiel” en al skeef eenkant toe en dan anderkant toe wil beur.
Maar in sy groot genade het die Here self deur sy Gees rus in my gemoed gebring,
kan ons nou elke dag dankbaar begin met die wete dat dit nóg ʼn genadedag uit die Vader
se hand is. Ons kan getuig hoedat die Pottebakker, terwyl Hy ons vorm, sy oë
op ons gerig hou en dat ons weet dat Hy ons nie alleen sal laat nie (lees Dr. Izak de Villiers
se vertroostende artikel dat die oë van die Pottebakker nooit van sy handewerk af
wegkyk nie).
Elke artikel wat onder my oë deur is, het in my hart kom vassit. Ek het nie net die
bevrediging van taalversorging gesmaak nie – ek het ook troos en bemoediging gekry.
Mag hierdie lekker dik uitgawe van ons blad vir jou ure se leesgenot verskaf.
Soos klei in die Here se hande
Cobie Steyn
NS: BRIEWEBLAD: Stuur ʼn SMS na 082 555 9586 (begin SMS met VB:)... of e-pos
jou brief aan cobiesteyn@live.com of stuur jou brief per slakkepos na Posbus 178
Lydenburg 1120. Ons publiseer graag jou SMS of brief in Juliemaand se brieweblad.
Briewe moet ons voor of op 16 Julie 2012 bereik.
VROUEBLAD Julie 2012
3

iewe
Sjokoladekoek
in ruil vir
Vroueblaaie
Toe alles so te sê kant
en klaar gereël is, sit ek
steeds met my hand in my
hare, want die Vroueblaaie
wat ons by die Saamtrek wil uitdeel, het
nog nie in die pos gekom nie. Ek bel
vir Wymie du Plessis, en sy verseker my
dat die Vroueblaaie wat ek gevra het,
reeds op die 10de en 23ste Februarie na
Worcester gepos is. Ek gaan poskantoor,
maar o wee, geen Vroueblaaie nie.
Uiteindelik kry ek met ’n besoek aan
Worcester Poskantoor wel ’n pakkie,
maar daar is net 40 Vroueblaaie in. Besoek
na besoek lewer niks op nie. Al die
poskantoorpersoneel soek later. Maar
niks nie. Nog ’n besoek. Steeds niks nie.
Uit moedeloosheid skakel ek vir Cobie
Steyn sodat ons darem ’n intekenvorm
in die hande kan kry om nou maar ten
minste ’n afdruk van die intekenvorms
van die Vroueblad vir elke gas te gee.
Nog ’n oproep. Steeds niks nie.
Toe besluit ek om my kookkunsgawes
te gebruik om moontlik die Vroueblaaie
by die Poskantoor op te spoor. Ek bak
’n groot sjokoladekoek, sit af Poskantoor
toe ... en toe? Toe is die Vroublaaie
daar!
Groete
Joukje Geertsema
Die wenboek, geborg deur Cum-boeke, is ‘n Lied van Vreugde deur Nina Smit
4 VROUEBLAD Julie 2012
Nog ‘n dag
Vanmore is dit weer so erg, met die wakker word,
het ek dit aangevoel, ‘n lusteloosheid, ’n leë niks,
’n volslae eensaamheid, ‘n benouende gevoel
wat binne in jou kom sit.
Dis nou ‘n jaar en ‘n half wat die dood my
maat kom haal het. Vanoggend darem so ver
gekom om te was, aan te trek, te grimeer en
stiltetyd te hou. Gesmeek in gebed vir bystand
en vergewing, beslis nader aan God as meeste
oggende van die verlede. As jy opstaan van jou
knieë af moet jy die dag aandurf, maar slegs ’n
rukkie of jy voel weer rusteloos verlore. Jou Here
weet alles, Hy weet en sien hoe jy ronddrentel
deur die huis en Hy stuur die buurvrou langsaan
en sy verras jou met ’n potplantjie met rooi rosies
met toe knoppies wat later nog veel plesier sal
gee. Haar kuier doen wonders en as sy loop, kan
ek omdraai met ’n meer verligte gemoed. Ek
moet vir die plantjie ‘n staanplek soek. Hierdie
vriendin was ‘n engel op my pad.
Emosies kom en gaan soos jy deur die dag
voortworstel, jy vat hier, skuif daar ‘n kussing reg,
gryp ten laaste ‘n glas om water te drink, want na
byna ag en sewentig jaar het ek nog nooit koffie
of tee gedrink nie. Wederhelf het altyd gesorg
dat ek dit reg vir gaste voorsit, nie te flou, nie
te sterk nie. Koekies eet ek saam met die water,
kosmaak vir jouself moet jy nog aanleer.
So tussendeur gryp jy ‘n waslappie en
begin ‘n randjie omhekel, dit kos wilskrag om
sover te kom, maar jy moet iets maak vir jou
‘’engelvriendin’’. Gelukkig is konsentrasie nodig
om die puntjies reg te hekel. So gaan die dag
langsaam verby en as die klok ses slae slaan,
kan jy die televisie aansit, want televisie kyk
in die dag is darem te veel vir die gewete.
Laatnag as jy eintlik jou kop op die kussing sit
nadat jy jou slaappil weggesluk het, kan jy jou
oë toemaak en God dank vir nog ‘n dag en
vra vir bewaring deur die nag. Hopelik sal die
slaap vinnig kom, genoeg rus om môre weer te
hanteer. God sorg vir jou, Hy dra jou oor ruwe
rotswande van eensaamheid en rou.
Groete
Rennie Coetzee (Danabaai)

Vergewing maak jou vry
“HOE VERGEWE JY SO
‘N MENS ?”
Ons leser vra: “Hoe vergewe mens iemand met
wie jy nie mag praat nie?” Net dit, reguit, kort
en ... moeilik! Maar dis duidelik : om een of ander
rede is dit nie moontlik om iets wat diep seergemaak
het, uit te praat en dan vergifnis te vra en
mekaar te vergewe nie. Daar kan baie verskillende
omstandighede wees waarom dit nie moontlik is
om met die persoon te praat nie, maar die feit van
die saak is dat ’n gesprek nie moontlik is nie of nie
toegelaat word nie.
GESEËND IS DIE VREDEMAKERS
Dis deel van die Here se genadewerk in ons lewe
dat Hy ons bereid maak om te vergewe. Hy bevry
mense wat van nature graag in vyandskap, haat,
woede en rusies wil lewe (vgl. Gal.5 : 20), sodat
ons deur die kragtige werk van die Heilige Gees
eerder wil vrede maak (Gal. 5:22). Vredemakers
word “kinders van God genoem”(Matt. 5:9), verloste
mense wat met ons hele lewe Hom wil eer,
ook in al ons verhoudings wat soms so skeefgetrek
kan raak.
Daarom juig ek oor die vraag, en oor die
begeerte om in ‘n moeilike situasie tog te kan
vergewe.
SONDER DAT VERGIFNIS GEVRA WORD
Ons Here het duidelik vir ons gesê wat ons moet
doen as iemand sewe keer vergifnis vra, selfs as
ons 70 X 7 keer om vergifnis gesmeek word, maar
ons lees nie dat Hy iets gesê het oor wat ons te
doen staan as daar nie kommunikasie moontlik is
nie.
VROUEBLAD Julie 2012
lesers vra
Jesus se optrede teenoor die vrou wat in
owerspel betrap is (Joh.8), gee tog vir ons
bietjie lig op die vraag. Hy het nie met haar
oor haar sonde gepraat nie, en sy het nie vergifnis
gevra nie, en tog voltrek Hy ook nie die
regverdige vonnis oor haar nie. Gaan maar,
sê Hy, “en moet van nou af nie meer sonde
doen nie” (8:11).
Daar kan dus tog vergewing wees al was
daar nie ‘n gesprek oor wat verkeerd gedoen
is nie.
Jesus het dit in sy hart gehad om iemand
wat gesondig het te vergewe al het sy nie
haar sonde erken, berou getoon en gesmeek
om vergewe te word nie. Hy maak dit ook vir
ons moontlik om te kan vergewe sonder om
dit uit te praat.
“ONS MÓÉT PRAAT”
Ons kan almal begryp dat daar behoefte is
om dit wat seergemaak het uit te praat, en
gewoonlik help dit ook sodat die strydbyl
regtig begrawe kan word.
Ons leser wys ons daarop dat ‘n gesprek
egter soms nie moontlik is nie.
Dit sal baie help as ons eerlik voor die
Here onsself afvra waarom ons voel ons móét
praat. Daar kan allerhande edele motiewe
daarvoor wees, maar dis ook moontlik dat ek
dalk my wil verlustig in die ander een se eerlike
erkenning en belydenis, hoe erg dit ook
al mag wees. Dit kan ook wees omdat ek dink
dat die ander een eers vergewing sal smaak
“Want dis mos wat
dit beteken om te
vergewe: die een
wat seergemaak
het en die een
wat seergekry het,
word bevry van die
skuld wat ons soos
slawe gebind het!”
as ek sê, “ek
vergewe jou”.
Is dit waar?
Is dit regtig ek
wat iemand
vrymaak van
dit wat gedoen
is, en
myself daarvan
bevry? Want
dis mos wat dit
beteken om
te vergewe:
die een wat seergemaak het én die een wat
seergekry het, word albei bevry van die skuld
wat ons soos slawe gebind het. Dít gebeur in
die lewe van Christene eers as ons deur Jesus
se offer aan die kruis vry gemaak word. Dan is
ons vry om mekaar te kan vergewe.
Wat ons móét hoor is ons Verlosser se
vryspraak, al kan ons nie praat met iemand
wat teen ons gesondig het nie. Vra die Here
om jou vry te maak van die ander een se
skuld teenoor jou sodat jy kan vergewe al kon
julle dit nie uitpraat nie. Hy maak ons vry!
Stuur jou vrae aan: nico@gkrandburg.org.za, of
Posbus 436, Randparkrif 2156 of sms na
083 629 8740.
5

in diepte
In die hande
van dié
Pottebakker
HOE VORM DIE POTTEBAKKER?
6
“Soos klei in die
pottebakker se hand,
so is julle in my hand.”
(Jeremia 18:6). Die
mens is klei en moet
gevorm word. Sonder
die vorming van God
is die mens vormloos
en verlore. Nou is
die vraag: “Hoe vorm
God?” en “Waar word
die mens gevorm?”
VROUEBLAD Julie 2012
DEUR DS. CHRISTO SWANEPOEL (GK LyTTELTON)
God vorm ons in sy kerk en Hy doen dit deur hemelse gawes oor sy kinders uit
te stort. Vir die gelowige is hierdie vorming ‘n heerlike proses van genade. In sy
liefde gee God aan ons gawes om ons nie net hier op aarde te versterk nie, maar
gawes wat strek tot in die ewigheid.
Die kerk is nie iets wat deur mense tot stand gebring is nie, dit is geskep.
Dit is God se werk. Daarom is die kerk van die Here ‘n plek waar daar groei
moet wees, ‘n plek waar daar lewe is. Meer nog: Ons geloof het ‘n persoonlike
karakter. In die kerk hoor ons God se plan met ons lewens. Ons kry rigting vir
ons lewens en ons weet waarheen ons op pad is. Hy leer ons wat geloof is. Hy
openbaar Homself in sy kerk. Hy gee vir ons die waarheid en alles wat nodig is
om kerk te wees en te bly. Hy bemagtig ons vir die aardse stryd. Daarom kan
ons vashou aan God se beloftes, wat die wêreld nie sien of verstaan nie.
Ons glo in ‘n Drie-enige God en ons glo aan ‘n heilige, algemene en
Christelike kerk.

Ons hou vas aan ons Apostoliese
geloofsbelydenis wat vir die wêreld
so onverstaanbaar en onlogies klink.
Die laaste vier artikels van die Apostoliese
geloofsbelydenis wat ons elke
Sondag aanhoor, vertel ons van die
gawes wat Hy oor ons uitstort. Twee
gawes ontvang ons reeds hier op aarde
en twee gawes ontvang ons ná hierdie
lewe. Op aarde ontvang die kerk die
gemeenskap van gelowiges en vergewing
van sondes en in die lewe hierna
ontvang ons ‘n verheerlikte liggaam en
die ewige lewe.
Gemeenskap van
gelowiges
Daar is vandag groot verwarring
oor wat die kerk is en wat die kerk se
taak is. Ons moet die taak egter meet
aan die gawes wat ons ontvang. Dan
sal ons verstaan hoe die kerk moet
funksioneer. Die gemeenskap van die
heiliges is vir ons ‘n gawe. Die kerk is
nie maar ‘n klub, vereniging of soos
‘n hotel waar ‘n klomp vreemdelinge
bymekaar verby lewe nie. Die kerk
kry ʼn gawe van God: ʼn onderlinge
liefdesband wat ons aanmekaar bind.
ʼn Liefdesband wat versterk word deur
ʼn geloofsband. God verenig sy Kerk
alreeds hier op aarde. So stel Hy ons
in staat om in liefde, mededoë en
ondersteunend uit te reik na ander.
Die gemeenskap van gelowiges is
dus nie ‘n plek waar mense beskinder
of gekritiseer word nie. Die kerk
moet ánders wees as die ongevoelige
koudheid van die wêreld, want die kerk
is ʼn hemelse gawe. Daarom moet die
kerk die boodskap uitdra: “Almal wat
vermoeid en belas is… Kom na die
waters!”
In die kerk kry ons dié troos: Ons
hoef nie alleen te stry nie, God seën ons
met medegelowiges wat ons hand kan
vat in die aardse stryd.
Meet jou eie gemeente aan hierdie
gawe.
Vergewing van sondes
Christus verenig nie net sy kerk nie,
maar versoen ook sy kerk hier op
aarde. Vergewing van sondes is ‘n groot
gawe vir die lidmaat van die kerk. Die
ongelowige deel nie in hierdie gawe nie.
Binne sy liggaam is dié lewe en pols die
versoeningswoorde aan sy kinders. Nie
daar buite nie. Buite die liggaam van
Christus (kerk) is daar geen lewe, geen
vergifnis nie.
Die gawe van vergifnis in die
kerk mag nooit misken word deur
onderlinge stryery, naywer of
vyandskap nie. ʼn Ware gemeente neem
hierdie weldaad van Christus aan en
jubel dit uit: “Ons was dood en is nou
lewend.”
Die gawes wat God gee is in mekaar
gevleg. Die gemeenskap van die heiliges
praat van versoening met mekaar,
terwyl vergewing van sondes wys na
ons versoening met God. Dink aan
die Onse Vader waar ons vra dat ons
skulde vergewe moet word…“soos ons
ons skuldenaars vergewe”. Vergewing
van sondes bind ons dus as gelowiges
aanmekaar en help ons om ʼn ware
gemeente te wees.
Daarom kan ons nie met die
kerk maak wat ons wil nie – dit is
God se eiendom. Ons is God se
eiendom waarvoor daar duur betaal
is op Golgota. Dit gee ook aan
ons ‘n groot verantwoordelikheid
om die verlossingsboodskap uit
te dra aan ander wat nog buite die
kerk is. Die suigkrag na die kerk is
alleen moontlik waar daar liefde en
vergewinsgesindheid teenoor mekaar
is. Die ware kerk is juis nie die kerk met
die grootste vertoning nie, maar die
kerk wat die gawes van Christus aan die
wêreld wys.
Opstanding van die
liggaam
Die Here seën ons verder deur vir ons
te vertel wat met ons gaan gebeur na
ons aardse lewe. Die wêreld glo nie
aan ʼn ewige lewe nie en daarom is die
gawes nie vir hulle beskore nie.
God het die mens na sy ewebeeld
geskape en daarna ontvang hy die asem
van die lewe. Hierdie liggaam is egter
geskend deur die sonde. Daarna is dit
van soveel heerlikheid berowe deur die
val en die ongehoorsaamheid van die
mens. God het egter ‘n plan en alles is
nie verlore nie.
As die mens sterf, word die liggaam
as’t ware in die aarde gesaai. ‘n Nuwe
verheerlikte liggaam sal opgewek word,
soos Christus ook met ‘n verheerlikte
liggaam opgewek is. Christus is die
VROUEBLAD Julie 2012
in diepte
hoof van die kerk en ons is die liggaam.
Ons volg dus die hoof wat reeds met
‘n verheerlikte liggaam in die hemel is.
Die nuwe verheerlikte liggaam, vertel
Paulus, is ‘n nuwe dimensie van volle
geluksaligheid, geen hartseer, geen pyn.
Ons word weer ten volle herstel na sy
beeld. Ons sal dan in staat wees om die
volle eer van God uit te dra, om te werk
in God se ryk en Hom te loof en prys
sonder ophou. Daar wag ‘n totaal nuwe
bestaanswyse vir ons.
Watter wonderlike gawe gee God nie
aan sy kerk nie? Dit is egter nie al nie…
Die ewige lewe
Adam is geskape om ewig te lewe. Die
sonde het egter sý mag, die dood, laat
intree. Nou is die ewige lewe nie meer
vir Adam en sy nageslag beskore nie.
Maar…
Aan sy kerk skenk Christus weer die
ewige lewe terug. Hy kan, want Hy is
self God. Hy kan lewe gee waar daar
dood is. Dit het Hy op Golgota bewys,
Hy het die dood vir ewig oorwin.
Die kerk volg Christus dus in die
ewige lewe in. ‘n Ewige lewe sonder
sonde, ‘n lewe waar ons nie meer in die
sonde sal val nie. Hoe wonderlik!
Op aarde ervaar die wedergebore
gelowige ‘n klein beginsel van die ewige
lewe wat kom. Daardie vreugde wat
‘n sondaar ervaar as jy deelagtig word
van Christus se versoening. Die Heilige
Gees getuig en verseker jou daarna dat
jy bevry is van die sonde.
Ons kan dus in vreugde hier op aarde
arbei in sy kerk. Die genadegawes in
sy kerk op aarde is flitse van die ewige
vreugde wat op sy kerk wag. As jy deel
is van die kerk op aarde, wag die ewige
lewe ook op jou.
God het ons met die ewigheid in
gedagte geskape. “Wat geen oog gesien
het; wat geen oor gehoor het; wat in
niemand se hart opgekom het nie – dit
het God voorberei vir hulle wat Hom
lief het” (1 Kor. 2:9). Daarom kan jy as
gelowige vrou diensbaar in die hande
van dié Pottebakker wees. Ons is klei,
ons word hier gevorm om ewig te kan
lewe. Kyk na die wonderlike gawes wat
jy ontvang en glo in God se plan met
jou lewe.
7

in diepte
GELOWIG VROU IN DIE HANDE
VAN DIÉ POTTEBAKKER
IN GENADIGE
POTTEBAKKERSHANDE
8 VROUEBLAD Julie 2012
DEUR DR. IzAK DE VILLIERS
Ek kan my verkyk aan ‘n pottebakker agter ‘n pottebakkerswiel.
Met oneindige geduld en met die regte drukking en vorming in
sy hande- word die pragtigste produkte gemaak. Dit is dan ook
die een beeld wat op verskeie plekke in die Bybel gebruik word
om God se werk op aarde en met ons as sy kinders te beskryf.
• “Bedink tog dat U my soos klei gevorm het.....” (Job 10: 9)
• “Sal Ek nie soos hierdie pottebakker met
julle maak nie, o huis van Israel? Spreek die Here. Kyk, soos
klei in die hand van die pottebakker, so is julle in my hand, o
huis van Israel” (Jer. 18: 6).

Elkeen van ons is ‘n meesterstuk van
God. Elkeen van ons is die produk van
sy volmaakte handewerk. Met groot sorg
en trou het Hy ons aanmekaargeweef:
“U is ons Vader, Here, ons is klei en U het
ons gevorm, ons is almal die werk van U
hande” (Jes. 64:8).
Een van die duidelikste en heel mooiste
gedeeltes oor ‘n pottebakker is waar God
vir Jeremia stuur na ‘n pottebakker se
huis (Jer.18:2). Hiermee wil die Here iets
belangriks aan hom sê en leer.
Wat leer ons uit die beeld van
die pottebakker?
Dit is belangrik om na die volle beeld van
Jeremia 18 te kyk. Drie sake kom na vore:
• Die pottebakker self.
• Die skeppingsproses.
• Die gereedskap van die pottebakker.
Die pottebakker self
In die oorspronklike teks word die feit dat
die pottebakker in beheer van die klei is
en dat hy die klei kan vou en vorm soos
hy wil, sterk beklemtoon.
In terme van God dui dit op sy
soewereiniteit. Hy is in beheer en kan
maak wat Hy wil. Hy het nie ons raad
nodig nie. Hy weet wat Hy doen. Hy werk
volgens sy eie volmaakte meesterplan.
Die skeppingsproses
In Jeremia word die Pottebakker – en
daarmee God – se totale betrokkenheid
by die skeppingsproses vir ons beklemtoon.
So val die klem op die deurlopende
persoonlike aandag wat die pottebakker
aan sy werk gee. Sy hele wese is ingestel
op die taak waarmee hy besig is. En so is
dit: Wanneer die pottebakker skep – kyk
hy nie weg van sy handewerk waarmee
hy besig is nie. Sy oë is die hele tyd op die
klei gerig.
So werk God met ons. Die hele tyd is
Hy besig om ons te skep en te herskep.
Dit is ‘n voortdurende proses wat nooit
ophou nie. Altyd maar is daar ‘n transformasieproses
met jou aan die gang. Ja!
Soms voel dit vir jou of dinge te veel raak.
Asof God jou vergeet het. So asof sy oë
nie meer op jou gerig is nie.
Die goeie nuus is egter dat God – dié
Pottebakker in jou lewe – se oë nooit van
jou af weg is nie. Daar is geen oomblik in
jou lewe wat Hy nie sy oë op jou het nie.
Wat ons ook moet raaksien, is die
pottebakker se hande. Sy hande is die hele
tyd besig om die klei te vorm en te vou.
God werk met sy kind met sagte hande
en in liefde.
Die gereedskap van die
pottebakker
Daar is die pottebakkerswiel wat ons
moet raaksien. Hierdie wiel is die hele
tyd besig om te draai. So ook jou lewe
en jou omstandighede. Altyd draai dit
– verander dit. Daarom is ons lewe so
onvoorspelbaar.
Maar die konstante wat altyd bly is: Die
pottebakker se voet bly op die pedaal. Hy
is in volle beheer van daardie wiel – van
jou lewe. So vorm Hy ons. So skaaf Hy
aan ons.
En dan is daar die klei. Elke stukkie klei
word gevorm en verander in ‘n fantastiese
voorwerp. En dit is wat ons moet
raaksien: Wanneer die Pottebakker skep
lyk elke produk anders. Geen produk is
dieselfde nie. Gaan kyk maar na ‘n boom
met duisende blare en soek gerus twee
wat identies is. God maak nie fotostate
nie – veral nie van sy kinders nie. Daar
is net een soos jy. God se Naam is op jou
geskryf. Hy is die Outeur – die Skepper
van jou lewe. Jy is handgemaak deur God
self.
In veilige hande
Die wonderlike van alles is dat jy in
veilige hande is, want die Hande van die
Pottebakker is Hande met spykermerke
daarin. Jy sal nooit uit daardie hande
geruk kan word nie (Joh.10:28); niks kan
jou van sy liefde skei nie (Rom.8:39).
As die pot ‘n mislukking is...
Maar wat daarvan as jy die dag misluk?
Dan kom ons by seker die mooiste
boodskap van die pottebakker: God is
‘n God van tweede kanse. Hy gee nooit
op met jou nie. Ten spyte van sonde en
droogmaak en bagasie.
Onthou! Dit Pottebakker gee nooit op
met die klei nie.
Wanneer vind ek my rus in God
se hand?
Soveel gelowiges is vandag vasgevang in
die “wat moet ek doen?” vraag: Wat moet
ek doen om in ‘n lewende verhouding
met God te staan? Wat moet ek doen om
rus te vind in die Hand van die Here?
Dadelik het ons as Gereformeerdes
‘n reeks antwoorde gereed: Let op jou
VROUEBLAD Julie 2012
in diepte
kerkbesoek; bestudeer die Woord; bely
jou sonde voor God – so groei ons in
die geloof en in ons verhouding met die
Here. Dit is die Gereformeerde resep.
Maar dan val die klem nog sterk op wat
ons moet dóén om nader aan die Here te
leef.
Die Woord leer ons die teenoorgestelde
– ’n mens kry dit hier in die boodskap
van die pottebakker. Die deurlopende
boodskap van die Bybel is dat ek my eie
leegheid voor God moet verstaan en
erken. Daardie dag wanneer jy raaksien
dat jy niks het om vir God te gee nie
behalwe jou eie leegheid – daardie dag sal
jy ontdek: God gee duisend keer meer om
vir my as wat ek ooit vir myself kan omgee.
Hy het my lief. Die rede vir my bestaan,
die rede dat ek in die Hande van dié
Pottebakker is, is omdat God my liefhet
en my die kanaal van sy liefde wil maak.
Begenadigde: Getuig van die
Pottebakker se genade
Ek moet God se genade in my lewe beleef
en leef. Die feit dat God in beheer van
ons lewens is, dat Hy ons met liefde en
sagte hande vorm en vou; dat Hy ons
uniek maak (ons is handgemaak deur
God self); dat Hy ons ’n tweede kans gee
en nooit opgee met ons nie; dat sy Hande
met spykermerke ons omvou en dat Hy
ons in sy veilige hande vashou, straal
net een woord uit: Genade! Met hierdie
woorde staan ons by die hart van ons
tema: Gelowig vrou in die Hande van dié
Pottebakker.
Leef hierdie genade uit. Wees genadig
teenoor mense wat nog sonder genade
leef deur vir hulle te bid. Onthou: Begenadigdes
tree gereeld by God in vir
sondaars. Mense wat genade gesmaak
het, praat graag met ander oor Christus.
Baie gelowiges kry mos stilstuipe as hulle
tussen ander mense is. Die opdrag van
die Here is egter duidelik: Praat groot
oor God by ander. Gelowiges se voltydse
opdrag is om mense wat nog nie van
Christus gehoor het nie, in te lig oor God
se genade.
Genade laat jou altyd vergewe en
vergeet. Onthou altyd wat God met ons
doen: Hy begin altyd oor en voor met ons.
Bedien genade aan mense wat dit glad nie
verdien nie. God se groot genade laat jou
altyd voor begin met ander.
9

in diepte
DEUR DS. JAN DU PLESSIS (GK
GROOTFONTEIN/TSUMEB)
Die Here maak Homself in die beeld
van die pottebakker op ʼn besondere
manier aan ons bekend. Ons moet
God leer ken, van sy kant af kyk, om
perspektief te kry op die lewe en op die
vrae waarmee ons daagliks te doen het.
In my persoonlike lewe wonder ek
dalk: hoekom moet ek so swaarkry
met my gesondheid, in my huwelik,
met my kinders, met my ouers, met
ander mense? Hoekom is my man so
onverskillig in sy verhouding met die
Here? Hoekom moet ek sukkel met my
voorkoms of om geestelik staande te bly
terwyl ander dit so maklik het?
Ons wil soms uitroep, “Waarom o
Pottebakker, het U my so gemaak?’
Die beeld van die pottebakker en
die klei het benewens die feit dat ons
dié Pottebakker moet leer ken, ook die
bedoeling dat ons iets meer sal verstaan
van sy pad met ons en hoe Hy ons
elkeen wil gebruik.
Wat doen ons?
Wat maak dat ons al die vrae vra en
soms daarmee worstel? Daar is ʼn paar
dinge wat ons dalk verkeerd doen:
10 VROUEBLAD Julie 2012
GELOWIG VRO
Waarom o P
Leighton Ford het gesê: “God het ons lief net soos ons is, maar Hy
het ons te lief om ons so te laat bly.” En juis om hierdie rede is dié
Pottebakker elke dag met ons besig.
Ons kom na die Here toe
met vooropgestelde idees
Ek doen my beplanning en verwag
dan dat die Here dit net so moet laat
uitwerk. Wanneer dinge ánders uitwerk,
sit ek met ʼn klomp vrae. Dan verstaan
ek nie die Here se pad met my nie. Dan
verwyt ek Hom.
Toe die Here vir Kores, die Persiese
koning as verlossingsinstrument vir sy
volk uit die ballingskap gebruik, het sy
volk dit nie verstaan nie en dan sê die
Here “Durf die klei vir die een wat dit
vorm sê: ‘Wat maak jy?’ Durf die een
wat jy gemaak het van jou sê: ‘Hy kan
nie sy hande gebruik nie’” (Jes. 45:9).
Ons bevraagteken die Here
se bedoeling met ons
As ons beproef word dan dink ons
die Here het ons vergeet, of Hy is
onregverdig (Jes.40:27) of soms wonder
ons dan of ons nog sy kinders is?
Ons vertrou nie die Here
nie, want ons is nie eerlik
nie
Met die mond loof ons Hom, maar
ons kies in die praktyk ander uitweë en
middels as wat Hy ons leer en verwag
dan boonop dat Hy ons moet seën
(Jes.29:13,15 en 16).
Hy ken ons so goed omdat Hy ons
gemaak het.
Die gevolge van al ons
hoekoms?
Ons staan al hoe meer verdwaas en
verstom (Jes.29:9-12,14); ons het nóg
minder begrip en insig (Jer.18:11,12);
ons het nóg minder geloof en vertroue
(Ps.73: 13,14); nóg minder dinge maak
vir ons sin.
Jy gaan tot waar jy jou vasloop, waar
jy verstrengel raak deur jou eie gedagtes
of planne. Tot waar die Here jou toelaat.
Soos in die gelykenis van die verlore
seun, dat jy letterlik in die varkhok
beland. Want onthou: Die Pottebakker
vorm die klei (Jer. 18:3 e.v.) – so gebeur
dit dat die Here se pad met ons ons
soms op ons knieë dwing. Totdat ons
weer, of dalk die eerste keer by dié
Pottebakker uitkom (Ps. 73:15-17).
Die uitkoms
Deur die Here se genade is daar lig
en ewige lig (Jes.29:17-24). Op die
duisternis volg die lig. Wanneer die

Here ingryp deur sy Gees, dan hoor sy
kinders weer sy Woord en sien hulle
weer sy dade. Selfs in die grootste
krisistyd is daar nog hoop – die
pottebakker maak na die vernedering
weer iets goeds uit dieselfde klei
(Jer.18:4).
God omvorm ons deur Jesus
Christus. Hy het gekom om
verandering te bring, nuwe lewe en
vryheid. Hy het ons verlos, sodat
ons nie meer gebonde is om net van
menslike kant na die werklikheid te kyk
nie, maar van God se kant, van die kant
van dié Pottebakker.
Wanneer kom daar insig?
Wanneer jy, verlos deur Jesus Christus,
dié Pottebakker leer ken – op dié
tydstip wanneer jy deur sy genade by
Hom uitkom, omdat Hy deur sy Gees
in jou kom woon het: “Totdat ek in die
heiligdom van God ingegaan het”(Ps.
73:17) – met ander woorde: Totdat ek
tot stilstand gekom het en weer na die
Here geluister het. Deur die Gees van
God kom daar insig.
Die Gees oortuig jou dat God (dié
Pottebakker) sy raadsplan het en dat
Hy almagtig is. Niks en niemand kan
Hom keer om sy raadsplan uit te voer
nie (Rom. 9:15). Hý is immers in
beheer oor alles in die heelal en oor
jou lewe (Rom.9:20,21) en Hy sal alles
ten goede laat meewerk vir dié wat
Hom liefhet (Rom.8:28). Al werk jou
planne nie uit nie, sy plan met jou lewe
en met sy kerk werk altyd uit. Weet
dan: Dié Pottebakker het jou in die
omstandighede geplaas waarin jy is,
om te wees wat die Here alleen van jou
verwag om te wees.
Die Pottebakker roep en rus
toe
God roep mense en rus hulle toe
met die gawes van sy Gees. Jý word
geroep en jy kry die toerusting om
mens (voorwerp/kleipot) tot eer
van God te wees. Daarom, al voel
jy hoe onbekwaam in jou moeilike
omstandighede, kan jy leef met dié
wete: “My genade is vir jou genoeg” (2
Kor.12:9).
Die Pottebakker het jou lief
Die Here se liefde is oneindig groot
(Ps.103:11). Hy tug die wat Hy liefhet
(Hebr.12:7). Tug, wat liefde is, verstaan
ons ook alleen as ons van ’n ouer se
kant, wat sy kind in liefde tug, daarna
kyk. Wanneer die Here ons tug weet
ons egter altyd, niks kan ons skei van
die liefde van God wat daar in Christus
Jesus ons Here is nie (Rom. 8:38 -39).
In antwoord op God se tugtiging
moet jy moet jou bekeer, maar ook
in jou baie moeilike omstandighede
VROUEBLAD Julie 2012
in diepte
U IN DIE HANDE VAN DIÉ POTTEBAKKER
ottebakker,het U
my so gemaak?
raaksien en getuig hoedat die Here
jou dra en lei. Al is jy slagoffer van
hedendaagse geweld, natuurrampe,
of watter siekte of ellende jou mag
tref, weet dat dit die Here in sy liefde
behaag om jou daardeur te vorm en
jou te gebruik om sy naam ook in sulke
omstandighede te verheerlik, soos Job
(Job 42:1-6).
Die Pottebakker is
alwetend
Hy ken jou diepste (en verborge)
gedagtes en al jou dade en Hy toets
jou gesindheid. Jy hoef niks vir Hom
weg te steek nie, maar kan Hom
net onbevange in alle opregtheid en
waarheid dien.
Al het jy ook ver geval en al is dit vir
jou baie moeilik om geestelik staande te
bly: Hy sal ʼn hart vol ootmoed en berou
nie gering ag nie. (Ps.51:19). Vir elkeen
wat in Jesus Christus glo, geld dit
nou en vir altyd dat Hy deur sy bloed
ons van al ons sondes gereinig het (1
Joh.1:8 -9).
Wees dan uit dankbaarheid maar net
ʼn gelowige vrou in die hande van dié
Pottebakker, want Hy het jou bevoorreg
om die werklikheid van elke dag ook
uit hemelse perspektief, van die kant
van dié Pottebakker, te bekyk.
11

leefdinge
Die Sustersaamtrekke word al sedert
1964 aangebied. Dit is ʼn mooi
tradisie wat dus al vir 48 jaar deur
die susters van die gemeentes van Die
Gereformeerde Kerke landswyd in
stand gehou word. Die land is in 18
streke verdeel en ’n spesifieke gemeente
se susters bied aan om gasvrouens te
wees en die ander gemeentes in die
streek uit te nooi. Die mooi gewoonte
het ook al ontstaan dat gemeentes op
ʼn rotasiebasis geleentheid kry om die
gasvrougemeente te wees.
Ek weet daar is lidmate wat dink dit
plaas eintlik ʼn onnodige geldlas op ʼn
gemeente of op die Susters-Aksie van
daardie gemeente, en dat dit in vandag
se dae onnodig is.
Tog bly dit vir ’n gemeente ʼn groot
voorreg om so ’n geleentheid aan te
bied. So kry die susters kans om as ʼn
span saam te werk, mekaar (beter) te
leer ken, hulle talente saam te snoer
en te gebruik, want elke lidmaat in die
gemeente het tog spesiale gawes van die
Here ontvang.
DEUR MARJA PANSEGROUW
Dien altyd,
Koningkruiksvrou!
12 VROUEBLAD Julie 2012
Daar is dié susters wat die gawe
ontvang het om kunstige artikels te
maak; ander weer om vlytig te kan bak
of goed te kan praat. Maar bykans almal
het die gawe van gasvryheid ontvang of
die gawe om te kan getuig wat die Here
in jou lewe gedoen het of die gawe van
hulp verleen. So kan ek maar die gawes
bly opnoem: Elkeen beskik oor ’n gawe,
wat natuurlik van die Here af kom,
wat gebruik kan word om te help met
die beplanning en aanbieding van so ʼn
groot geleentheid.
Ja, dis waar, ’n saamtrek kan baie
kos, maar met goeie beplanning,
genoegsame fondsinsamelings,
entoesiasme, belangstelling en hulp kan
dit net ʼn plesier word om ’n saamtrek
aan te bied. Die opgewondenheid, die
voorbereiding en entoesiastiese uitsien
na die dag is onkoopbaar. En as die
dag uiteindelik aanbreek, is daar ’n
opgewonde afwagting in die gasvrouens
en die gaste se harte.
Die gasvrouens wonder: gaan alles
vlot verloop? Sal die susters dit geniet?
Sal ons daarin slaag om die gemeenskap
van die gelowiges te bevorder?
Die gaste wonder al in die
saamrymotors: wat sal die kleurskema
wees? Wat gaan die spreker sê? Gaan ek
geestelik verryk vandag terugkeer
huis toe?
Die gasvrougemeente sien uit na
die aankoms van die gaste. Dis ’n
wonderlike gesig wat jou begroet as jy
die gaste sien opdaag, uitgevat in nuwe
klere of hulle mooiste klere in die kas.
Die hare is netjies gekap en almal lyk so
gelukkig.
Weet julle, dit doen iets aan my gees.
Ek voel nederig en dankbaar trots
omdat alles so mooi lyk. Trots, want dit
is medegelowiges wat hierdie pragtige
dag in Christelike gasvryheid aanbied.
Trots, want daar is hope werk vooraf
in ʼn goeie gesindheid afgehandel. Ek is
trots omdat ek ʼn Gereformeerde vrou
is, want ek kan deel hê aan hierdie mooi
tradisie.
Daar spoel ʼn dankbaarheid oor my
teenoor God. Ek is sy Koningskruikvrou
wat Hy geskape het. Hy het my gekies
om deel te hê aan soveel wonderlike
geleenthede, wat my elke dag laat groei,
Hy het my lief en stort sy liefde oor my
uit sodat ek hierdie liefde ook aan ander
mense kan oordra.
Susters, moenie wegskram van
Saamtrekke nie. Kom vul jou kruik
met God se Gees sodat jy as ʼn ware
Koningskruiksvrou jou lewe kan aanpak
en deur sy krag Hom en jou naaste kan
dien.
Die eerste Sustersaamtrek
is deur mev. JM du Plooy
(eerste redaktrise van die
Gereformeerde Vroueblad)
geïnisieer en het die eerste
byeenkoms op 21 Oktober 1964 te
Florida met 300 susters (meestal
van Transvaal) plaasgevind
(Aangehaal uit “Agtergrond oor
Sustersaamtrekke, saamgestel
deur Dr. Wymie du Plessis).

saamtrek 2012
Bosveld
Saamtrekke 2012
Gelowig vrou in
die hande van dié
Pottebakker
VROUEBLAD Julie ~ Saamtrekbylaag 2012
1

saamtrek 2012
Boland
DIE GEREFORMEERDE KERK WORCESTER
SPREKER: MILANIE VOSLOO
DEUR JOUKJE GEERTSEMA (VERWERK DEUR COBIE STEYN)
Ons woon in die pragtige
Breederiviervallei omring deur berge,
boorde en wingerde. Uitgestrekte
grense stel uitdagings met die reël
van ’n Saamtrek, maar dit was ʼn
verrykende ervaring.
Die Susters het reeds in 2011
weggespring om vir elke gas ’n beertjie
te brei wat die gaste aan kindertjiesin-nood
sal gee. Ons is bevoorreg om
deel te wees van ’n gemeenskap wat
onderrig, opleiding en versorging
bied aan die sig-, gehoor- en multigestremdes
(Die Instituut vir Blindes,
Die Pionierskool en die De la Bat
Skool vir die Dowes). Blinde lidmate
het ywerig meegehelp aan die brei en
opstop van die beertjies.
Omdat die afstande tussen die
gemeentes in ons Bolandse streek
van Vredendal aan die Atlantiese
Oseaan tot by Agulhas aan die Indiese
Oseaan so groot is, en susters min
weet van mekaar se doen en late,
het ons ’n beertjie-uitstalling gehou
wat die barmhartigheidsaksies van
elke gemeente uitgebeeld het. Uit
hierdie uitstalling het dit geblyk dat
die vroeëre Sustersorgansisasie in die
meeste gemeentes “verdwyn” het, om
plek te maak vir Suster-aksies wat deur
die hele gemeente ondersteun word
en dat daar wisselwerking tussen die
2 VROUEBLAD Julie ~ Saamtrekbylaag 2012
Susters-Aksies, die Kerkrade en ander
komitees en groepe in die onderskeie
gemeentes plaasvind.
Met die pragtige Brandvleidam
voor ons en omring deur Bolandse
berge, het 260 vrouestemme, onder
begeleiding van Hettie Vos, die dag
ingelui met lof en dank aan ons
almagtige Skepper-God. Marie
Steinberg het die feesdag met die lees
van Ps. 85 en gebed geopen.
Verskeie gaskunstenaars het die
program ingekleur: Willem en Louis
van der Merwe met hulle pragtige
stemme; Bertus Vos wat vir ons
vertel het hoekom bid nie vir sissies
is nie en Henrico Frans van die De
la Batskool wat ons getrakteer het op
’n kostelike voordrag in gebaretaal
terwyl Ina Senekal vir ons getolk
het. Baanbrekerswerk word by dié
skool gedoen om Suid-Afrikaanse
Gebaretaal as skoolvak aan te bied.
Na teetyd het die spreker van die
dag, Milanie Vosloo, aan die woord
gekom: Leef saam met die Pottebakker;
Leef die hart van die Pottebakker;
Leef jou gebrokenheid deur die
Pottebakker; Leef die geskenke wat Hy
jóú gegee het; Leef as ’n Pottebakkervrou;
en ten slotte: Wees jý die
gelowige vrou in die hande van dié
Pottebakker.
Milanie se toespraak is opgevolg
deur voorlesings uit verskeie
Vroueblaaie. Na die kollekte vir Die
Gereformeerde Vroueblad het Elma
Fleischman ons hartlik uitgenooi na
2013 se Saamtrek.
Die Saamtrek is vir die eerste keer in
ons streek gedeeltelik in Afrikaans en
Engels aangebied. Al die gemeentes in
ons Bolandse Streek was teenwoordig
asook susters van so ver as George,
Potchefstroom, Kemptonpark en
Pretoria. ’n Groep van dertig susters
van die Vrije Gereformeerde Kerk
van Belhar, Bellville, Leiden en
Wesbank asook susters van ander
kerkgemeenskappe was teenwoordig.
Voorwaar ’n dag om te onthou:
Gaste wat die oggend nog vir
mekaar wildvreemd was, het oor
taal- en kultuurgrense heen spontaan
bymekaar aan tafel gaan sit. God se
liefde vir ons, is weerspieël in die
saamtrekgangers: ervarings is met
mekaar gedeel; vreugdes en sorge is
uitgeruil. Gʼn wonder dat die gaste
traag was om weer te ry nie. Daar is
met omhelsings afskeid geneem, met
die seker wete dat dié Pottebakker ons
almal in sy hande in liefde toevou. ’n
Dag waarvan elkeen kon getuig: “God
was vandag by ons teenwoordig.”

“… as sy die Here dien, dan verdien
‘n vrou om geprys te word”, só het ds.
Frikkie van Rensburg, die Saamtrek op
Saterdag, 10 Maart, te Club Kranskuil,
buite Koster geopen.
Daar was ook groot rede tot lof vir
die handewerk van dié gemeente se
susters wat niks ontsien het om van die
dag ʼn onvergeetlike herinnering vir die
200 gaste te maak nie.
Die tema is vroulik en sag uitgebeeld.
Kevin Leo het as gaskunstenaar en
spreker opgetree. Hy het ook sommer
die geleentheid gebruik om van sy
grootworddae op Rustenburg met die
dames te deel. Hy het veral die oumas
in die gehoor op ʼn spesiale voetstuk
geplaas vir hulle heerlike kos uit die
plaaskombuis met musiektreffers van
toeka.
saamtrek 2012
Bosveld
DIE GEREFORMEERDE KERK RUSTENBURG-NOORDOOS
SPREKER: KEVIN LEO
DEUR KOBIE EVELEIGH (VERWERK DEUR GRIET SWANEPOEL)
Dit was duidelik dat die woorde
“liefde” en “trane” hom nie verbouereerd
maak nie, hy raak self maklik
aangedaan. Sy toespraak rus die gelowige
vrou toe met drie pilare vir die
huwelik en verhoudings: God, respek
en vriendskap.
Elke suster het gehoor dat ’n mens
waardering moet hê vir wie en wat
jy is en sien hoe God jou geskape het
met jou unieke persoonlikheid. In
die hande van die Pottebakker word
ʼn mens deur die swaar van die lewe
gevrywaar van arrogansie. Jou ore raak
weer ingestel op God, ingestel op sy
vergifnis van jou sondes. Daarom moet
jy ander ook vergewe.
God skape ons met elkeen met ʼn
doel, ons opdrag is dus: “Om te lewe
soos God ons geskape het”.
Die susters van Die Gereformeerde
Kerk Hartbeespoort het by die
saamtrek hulle resepteboek Kuierkos
uit Hartbeespoort bemark.
Die gaste is daarna deur dié
gemeente se katkisante bedien
aan kleurvolle gedekte tafels. Op
die spyskaart was Beeskebab,
pampoenkoekies, groenboontjies
en gegeurde rys. Die poeding,
sjokolademoussekoek met Amarula,
was ʼn treffer.
Die dames het die dag heerlik
saam gekuier. Dit was ʼn geseënde en
vreugdevolle dag.
“Dié inspirasie vir ons menswees dra
ons nou saam vir die res van 2012.”
VROUEBLAD Julie ~ Saamtrekbylaag 2012
3

saamtrek 2012
Hoëveldstreek
DIE GEREFORMEERDE KERK HOËVELD
SPREKER: PROF. GERRIE JORDAAN
DEUR MARJA PANSEGROUW (VERWERK DEUR COBIE STEYN)
Dit was soos ‘n droom. Wat ‘n spesiale
dag: Ons het ʼn hele jaar hard gewerk
om dié dag, Saterdag 10 Maart,
onvergeetlik te maak. Die tradisie sal
nooit geyk raak nie. Elke saamtrek
wat ek al bygewoon het of aangebied
het, koester ek in my hart as spesiale
geleenthede.
My droom van lekker geskenke
gee, ʼn uitsoek venue, ’n uitstekende
spreker en baie susters wat dit
bywoon, ja 300 vroue, het gerealiseer.
Die plaaslike spreker, Gerrie Jordaan,
het ʼn aanbieding uit die boonste
rakke gelewer. Sy het gepraat daaroor
dat elke gelowige vrou God se
Koningskruik is wat Hy met sy Gees
vul. In haar aanbieding het sy ons
lekker laat skaterlag, maar ons ook
met diepe geloofsootmoed telkens
4 VROUEBLAD Julie ~ Saamtrekbylaag 2012
teruggebring na die ernstige dinge
van die lewe. Wat my sal bybly is die
keuse waarvoor elke Koningskruik
te staan kom: Wil jy ʼn worrier bly
(jy is gevul as Koningkruik, maar
bly so bekommer en wroeg oor alles
dat jy nie jou toerusting gebruik
nie) of wil jy ʼn warrior word vir die
Koninkryk: iemand wat sy toerusting
as Koningskruik gebruik om te werk
en te veg vir dié Koninkryk.
Verskeie gaskunstenaars het
opgetree en was deel van die sukses
van die dag. Elke vrou het ʼn pragtige
sagte kniekombersie in kosmoskleure,
ʼn mosaïekkruis (wat deur die ywerige
susters van Hoëveld gemaak is),
kosmossaadjies en ʼn pragtige drasak
ontvang.
Buite in die pragtige tuin was daar
verskeie stalletjies wat hulle ware
verkoop het, en daar was Marimba
Spelers wat onder die afdak van die
kerkie hulle hart uitgespeel het – dit
het ʼn ongelooflike atmosfeer aan die
dag verleen.
Ons het 32 geskenke van verskeie
borge ontvang. Dit was pret om
die geskenke deur die loop van die
program uit te deel.
Die sukses van die dag is te danke
aan al die susters van die gemeente
wat entoesiasties gewerk het sodat ons
sonder skuld hierdie dag kon bekostig.
Sowaar ʼn dag om te onthou. Die
Hollanders sal sê: Het was een fijne
dag geweest.
Lees ook Marja
se uit-die-hartuit
saampraat
oor hoekom
Sustersaamtrekke
vir haar sinvol is
en haar praktiese
wenke vir die
aanpak van
‘n suksesvolle
Saamtrek op p. 12
van hierdie maand
se tydskrif.

Kameeldoringstreek se saamtrek was
eiesoortig: Die saamtrek is aangebied
in die vorm van ‘n deftige, dog gesellige
oggendtee. Die tafels het gekreun
onder smaaklike en keurige eetgoed.
Na die ligte ontbyt, wat met aankoms
bedien is, kon die groot kuier begin.
Saam met Estie Pienaar (ʼn
onderwyser en kultuurdirekteur
van ʼn hoërskool in Krugersdorp) en
Anton, haar begeleier, het ons amper ʼn
een- man vertoning beleef. Daar was
saamtrek 2012
Noordwes Bosveld
DIE GEREFORMEERDE KERK LICHTENBURG
SPREKER: ESTIE PIENAAR
DEUR ALVIRA VAN DER WALT (VERWERK DEUR ANNATJIE DU PLESSIS)
oomblikke wat ons almal saam geskater
het van die lag, maar soms is daar ook
‘n traan of twee weggepink. Estie se
treffende boodskap is ondersteun deur
mooi musiek, komiese vertellings, en
gedigte. Daar was geestelike pitkos vir
elkeen.
Fondse is ingesamel vir
Bybelverspreiding en vir Die
Gereformeerde Vroueblad. Daar is ook
ʼn boekuitstalling gehou.
Tien gemeentes het die saamtrek
bygewoon. Ons is baie dankbaar vir
die pragtige getal susters, 160, wat
die saamtrek bygewoon het, waarvan
sommiges meer as 180 kilometer ver
moes reis. Dit was vir Lichtenburg
susters ‘n besondere voorreg om die
saamtrek aan te bied.
Die susters van Die Gereformeerde
Kerk Zeerust nooi al die susters van die
streek na hulle toe uit vir die Saamtrek
van 2013.
VROUEBLAD Julie ~ Saamtrekbylaag 2012
5

saamtrek 2012
Laeveld
DIE GEREFORMEERDE KERK KOMATIPOORT
SPREKER: RIANDA KRUGER
DEUR CHRISTA VAN ROOY (VERWERK DEUR COBIE STEYN)
Anders as die ander streke, het die
Laeveld se Sustersaamtrek eers op
die 26ste Mei 2012 plaasgevind. Die
rede hiervoor: Dit is in Maart nog
heeltemal te warm in Malelane. Veral
as ʼn gesellige buitelug oggend-tee
aan die oewer van die Krokodilrivier
beplan word.
Die dames van die Gereformeerde
Kerk Komatipoort het Vrydagoggend
fluks aan die werk gespring om alles
gereed te kry vir die volgende oggend
se saamtrek. Na ʼn hele dag se harde
werk, is ons beloon deur ʼn groot trop
olifante wat ʼn draai by die rivier kom
maak het.
Saterdagoggend vroeg het die
gasvrouens hul tafels begin dek.
Elke gasvrou het haar beste teestel
saamgebring vir die geleentheid. Dit
het gesorg vir ʼn vrolike, dog deftige
atmosfeer.
Die oggend was vol verrassings.
Elke vrou het ʼn verrassingsboksie
ontvang met dié opdrag dat sy nie
daarin mag loer nie. Elke verrassing
is met ʼn lagie gekleurde papier
geskei. Die eerste bederf was ʼn stel
6 VROUEBLAD Julie ~ Saamtrekbylaag 2012
snoesige, helderkleurige sokkies wat
sy sommer dadelik moes aantrek.
Wanneer iets haar verras of beïndruk
deur die loop van die oggend, kon sy
dit uittrek en in die lug swaai vir ʼn
kous-applous. Dit was heerlik om te
sien hoe die kouse deurentyd in die
lug geswaai word. Sommige vroue het
egter verkies om dit aan te hou, bloot
omdat hul voete koud gekry het. Die
vroue is later ook bederf met ʼn kort
mosaïekwerkswinkel waar elkeen ʼn
druppelmatjie (coaster) vir haarself
gemaak het. In die boksie was daar
ook ʼn pragtige versierde soetkoekie in
die vorm van ʼn hoëhakskoen, asook
resepte van ʼn paar van die besondere
kolwyntjies en ander eetgoed wat
bedien is.
Die spreker, Rianda Kruger, het ons
kom vertel dat die Here ons elkeen
uniek gemaak het vir ʼn bepaalde
doel. Hy het vir ons elkeen ʼn unieke
tassie gepak, met sekere hulpmiddels
(gawes) wat ons gaan nodig hê om
daardie doel te bereik. Daarom kan
ons almal nie byvoorbeeld dieselfde
beroep beoefen nie. Soms, deur
hard te werk, kan ons wel by ʼn doel
uitkom, maar ʼn ander persoon wat
ʼn natuurlike gawe daarvoor het,
bereik dieselfde doel met baie minder
inspanning. Dit is soos wanneer
twee persone dieselfde opdrag in ʼn
naaldwerkklas kry om ʼn trui te brei
en die volgende oggend in te handig.
Die een persoon sal die trui sommer
vinnig klaar brei. Die ander persoon
sal deur die nag sukkel en lostrek en
weer begin totdat die trui uiteindelik
die volgende oggend klaar gebrei is.
Albei persone se truie word betyds
ingehandig en is van dieselfde gehalte
en kwaliteit, maar die persoon met
die natuurlike gawe, kon die taak met
baie minder inspanning voltooi. God
wil hê dat elkeen sy eie unieke gawes
ontdek en gebruik tot sy eer. Rianda
help mense om hul natuurlike gawes
te ontdek en te ontwikkel deur middel
van die Strenghfinder toets. Dit is juis
hierdie toets wat haar deur God se bril
laat sien het hoe die legkaartstukke
van haar eie lewe in mekaar pas.
Na ʼn gesellige oggend, wat afgesluit
is deur die sing van die Onse Vader,
het die bykans 160 gaste met vervulde
harte huiswaarts gekeer.

saamtrek 2012
Limpopo
DIE GEREFORMEERDE KERK WARMBAD
SPREKER: PROF. MARLENE VERHOEF
DEUR YVONNE HATTINGH (VERWERK DEUR GRIET SWANEPOEL)
Die Susterssaamtrek in die Bosveld is jaarliks ’n hoogtepunt.
Van vroeg af was daar gekuier en gesels by die registrasietafels.
Dié saamtrek was bevoorreg om selfs twee dames bo 85 by
die saamtrek te verwelkom. Tannie Betsie de Klerk (91) van
Warmbad was die oudste. Tannie Dalena du Plooy van Magol
was ook teenwoordig – sy het sedert haar eerste Sustersaamtrek
in 1964 nog nooit ʼn saamtrek gemis nie.
Die susters kon na ʼn heerlike ontbyt, kuier en voorprogram
luister na Prof. Marlene Verhoef se inspirerende toespraak
rondom die tema: Gelowig vrou in die hande van dié Pottebakker.
Wat ʼn wonderlike wyse om die tema te begin was Ps. 139
nie: God vorm ons reeds van die moederskoot af. Sy het die
saamtrekgangers geboei met die hoofgedagte dat die gelowige
vrou die regte beeld van God moet hê. Sonder die regte beeld
van God, weet ʼn mens nie wie jy is of waarheen jy op pad is
nie. Soms wil ons ook self die pottebakker wees en dan loop
dinge skeef. Die regte beeld van God moet ʼn beeld van verwondering
wees. ʼn Besef van sy heiligheid, almag, alomteenwoordigheid,
alwetendheid, genade, vrede.
Ons Pottebakker is ʼn Drie-enige God, Vader, Seun en
Heilige Gees. Ons moet klein word, diensbaar word.
Die Gereformeerde Kerk se kenteken is ʼn kerkgeboutjie op
ʼn rots. Hierdie rots in die kenteken is ʼn belydenis dat Christus
die oorsprong en voleinding van ons geloof is. En Hy is geken
aan die radikale manier waarop Hy alles kom herdefinieer het
en kom nuut maak het.
Sy het daarin geslaag dat ons almal weer nuut gekyk het
na ons omstandighede. Sy het ook die wens uitgespreek dat
almal die genade sal ontvang om met krag te leef en te werk.
Net soos Moses staan ons ook daagliks op heilige grond,
besig om in God se koninkryk te werk. Al is ons broos en
breekbaar, kan ons getroos wees, want ons is in die hande van
die Here. Watter groot genade het ons tog nie ontvang nie.
Om bruikbaar in die koninkryk te wees, moet ons sterk
wees in die Here. Dan kan ons nie breek nie. Dan kan ons
saam met Hanna sing: “Ek jubel in die Here, ek is sterk in die
Here. Ek lag my vyande uit, ek is bly oor die uitkoms wat U
gegee het. Daar is geen heilige soos die Here, buiten U is daar
nie een nie, daar is geen rots soos ons God nie.”
VROUEBLAD Julie ~ Saamtrekbylaag 2012
7

saamtrek 2012
Namibië
DIE GEREFORMEERDE KERKE GROOTFONTEIN
EN TSUMEB
SPREKER: DS. JAN DU PLESSIS
DEUR ANNATJIE DU PLESSIS
Die jaarlikse Sustersaamtrek in
Namibië het vanjaar op Tsumeb
plaasgevind. Die susters van
Grootfontein en Tsumeb het as
gasvrouens opgetree en die tema met
oorgawe uitgebeeld.
Om voorsiening te maak vir
susters wat so ver as Walvisbaai en
Windhoek moes reis (meer as 500km
van Tsumeb in sommige gevalle)
het susters vriendinne en ander
gemeentes se susters oorgenooi vir
die naweek. Dit het beteken dat almal
kon oorslaap en reeds agtuur kon
aanmeld vir registrasie, en om met
die groot kuier te begin. Na ʼn lekker
koppie tee, muffins en beskuit is die
verrigtinge geopen deur ds. Koos
Kruger. Die spreker was ds. Jan du
Plessis. Ds. Kruger het op dramatiese
wyse ʼn kleipot stukkend gegooi om
te illustreer hoe breekbaar ons as
kleipotte maar is, en hoe afhanklik ons
van die hand van ons Pottebakker is.
Die tema, GelowigVrou in die hande
van die Pottebakker, is deur ds. Jan du
Plessis op treffende wyse aangespreek
deur uit te lig wat ons doen en wat die
gevolge daarvan is. Hy het die susters
verseker dat al werk ons planne soos
ons dit maak nie altyd uit nie, moet
ons nooit vergeet dat God se planne
altyd uitwerk nie. Ons planne verskil
8 VROUEBLAD Julie ~ Saamtrekbylaag 2012
dalk te veel van syne. Ons Pottebakker
het ons so geskep dat ons in ons
bepaalde omstandighede vir Hom
kan lewe en Hom moet dien. God
het sy kinders lief, Hy tug hulle, maar
niks kan hulle van sy liefde skei nie.
Daarom kan ons maar net dankbaar
gelowige vroue in die hande van ons
Pottebakker wees.
Die dag was gekenmerk deur erns,
humor, pragtige musiek en heerlike
saam kuier te midde van baie mooi
gedekte tafels en lekker versnaperinge.
Aandag is ook gegee aan
AROS, Bybelverspreiding en Die
Gereformeerde Vroueblad. ʼn Kollekte
wat vir Die Gereformeerde Vroueblad
gehou is, het meer as ʼn R1 000 ingebring
en is oorbetaal. Daar is ook
gepraat oor die Omkeerstrategie en
is gevolg deur groepsbesprekings
oor hoe en wat ons kan verander om
groei in ons kerk teweeg te bring en
ʼn negatiewe beeld van die kerk teë te
werk.
Pragtige musiekitems is deur Rina
Opperman en Anri Kotze, asook
deur die Arts Performance Centre
van Tsumeb, met harp, viole, tjello en
fluite gelewer en ʼn voordrag deur Ilze
Roberts het die vrouens verstom laat
sit. Die tema is oral uitgebeeld en elke
vrou het ʼn klein kleipoppie huis
toe geneem om hulle daaraan te
herinner dat hulle skepsels van die
Groot Pottebakker is. Ook ʼn “dankie
vir jou teenwoordigheid”- kaartjie
met ʼn kleipotjie op is vir elke suster
beskikbaar gestel.
In ʼn pragtig versierde saal en keurig
gedekte tafels, kon ons heerlik eet en
kuier voordat ons terug is saal toe vir
die finale administratiewe sake.
Namibië se Sustersaamtrek was
een om te onthou en ons sien reeds
uit na die saamtrek van 2013 wat in
Windhoek gehou sal word.

GEREFORMEERDE KERK PINETOWN
SPREKER: DS. HENNING VENTER
DEUR LYDIA VAN RENSBURG
(VERWERK DEUR GRIET SWANEPOEL)
KwaZulu Natal se saamtrek op Pinetown sal onthou word as
susters van eenheid in verskeidenheid van taal en kultuur. Die
verwelkoming en samesang is in drie tale gedoen.
Met ontbyt en teetyd is die drinkgoed saam met die lekkerste
eetgoedjies bedien.
Ds. Henning Venter het die tema aangebied:
God doen groot dinge in sy Koninkryk. Dit word vergelyk met
die werk van die pottebakker. Daar is verskillende stadia waarin
die vervaardigings proses plaasvind.
1. Berei die klei voor.
Daar word gegrawe, gemeng, op `ʼn hoop gegooi en water
bygevoeg om die modder in `ʼn bruikbare vorm te kry vir die
pottebakker. God het ons geroep voor die Skepping. Ons is sy
eiendom. Hy berei ons voor.
2. Vorm ʼn sentrale punt.
Die klei moet so wees dat dit kan vasklou in die middel van die
draaiwiel van die pottebakker. Vroue, bly by die fondasie: God se
koninkryk is alles.
3. Die klei moet in die middelpunt van die wiel vas wees sodat die
regte vorm gemaak kan word. Klei word gedruk, gevorm, gestoot
en geslaan. Terwyl God ons vashou en vorm in sy hande, hou die
Heilige Gees ons in die middel, om God se wil te doen. Ons word
herinner aan ons kwesbaarheid. Net soos die klei verset ons ons
teen verandering. Totdat ons die balans voel. Dit gebeur deur
gebed. My wil en God se wil is dan in harmonie met mekaar.
4. Sodra die klei in die middel is, is dit gereed om oopgemaak te
word tot die fondament wat stewig gevestig is op die wiel. In dié
kwesbare stadium, berei Hy ons voor vir ‘n groter doel.
5. Optrek boontoe.
Wanneer die grondlegging sterk is, is die vorming makliker. In
dié stadium weet die pottebakker reeds wat hy gaan maak. Hy
vermeerder die klei se kapasiteit en volume. Soos klei verset ons
ons nog maar steeds, maar geen aanraking, uitrek of prikkel is
sonder rede nie. Hy vorm jou beter, sodat Hy sy skat daarin kan
sit.
6. Bring dit terug.
Klei moet steeds na die middelpunt gebring word anders val dit
inmekaar en uitmekaar. So moet ons ook na God gebring word.
Dan groei ons vermoë en sensitiwiteit vir God se Woord en vir
die werking van die Heilige Gees. God hou sy hande op ons,
bring ons terug om nooit, ooit te dink dat ons bruikbaar op ons
eie kan wees nie. Ons hemelse Pottebakker skep nuwe potte uit
ou potskerwe en gebreekte stukkies – `ʼn meesterstuk om meer en
meer aan sy beeld gelyk te word.
saamtrek 2012
Natal
Die musiek wat deur Marietjie Human, Strauss Human
en Jürgen Human gelewer is, is treffend en spreek die
begeerte uit om “meer en meer soos Christus te wees”.
Hulle is voorwaar ʼn talentvolle Pinetownse familie.
Annie Coetzee lewer ‘n voordrag en doen die
tafelgebed.
Ons geniet ‘n heerlike ete wat deur die kinders en die
huishoudkunde onderwyseres van Gelofte Skool opgedien
word. Die tafels het baie mooi gelyk: Die kleurskema was
lemmetjiegroen en wit en die terracotta potte waarin
die pragtige rangskikkings was, het die kleurskema
gekomplementeer.
Die kollektes vir Reddersburg se kinderhuis lewer
R2 000 op. Dit is reeds aan die diakonie oorhandig. Die
blikkies kos wat ingesamel is, is ook reeds aan Suster
Zonke Sithole van Kwa Mncane oorhandig.
Ons loof ons hemelse Vader wat dit so beskik het dat
die Saamtrek vir ons ’n goeie geleentheid geskep het om
in ‘n geestelike gesprek met medegelowige susters te kon
tree.
VROUEBLAD Julie ~ Saamtrekbylaag 2012
9

saamtrek 2012
Noord-Kaap
DIE GEREFORMEERDE KERK DANIËLSKUIL
SPREKER: DANIE JOUBERT
DEUR ELRINA CILLIERS (VERWERK DEUR ANNATJIE DU PLESSIS)
Vrydagaand is daar nog laat gewerskaf
om die laaste dinge af te handel:
Gordyne is gehang en badkamers is
versier. Voor die klok middernag
geslaan het, het almal darem gaan
slaap en voor die hoenders kon kraai
was party alweer die volgende oggend
op en aan die gang. Saterdagoggend
het die susters van sover as Hartswater
opgedaag. Gaste van die dorp het ook
gekom om ons “Dopper”-oggend te
kom beleef.
Hierdie was nie ʼn tradisionele
oggend soos oudergewoonte nie.
Nee, die Daniëlskuilers was anders:
Willie Joubert het opgetree en al
singende die boodskap en tema van
10 VROUEBLAD Julie ~ Saamtrekbylaag 2012
die dag oorgedra. ʼn Hoogtepunt
was definitief sy weergawe van “You
raise me up.” Almal, selfs die drie
dominees wat saam met ons saamtrek
gehou het, was in vervoering oor
Willie en sy mooi sangtalent wat hy
tot diens van die Here gebruik.
Ons gasvrou het self haar deel
gedoen met ʼn grappie of twee om die
gemoedere vrolik te hou. Inderdaad
was dit ʼn vrolike dag, self die rose in
die tuintjie tussen die kerk en saal het
ekstra vrolik gelyk. Dr. Thinus du
Plessis, begelei deur die orrel, het ons
vermaak met sy mondfluitjiemusiek.
Toe hy die lied “Dogter van Sion”
speel, kon ʼn mens ʼn tipe van eggo
hoor – natuurlik geskep deur ʼn sekere
tegniek van mondfluitjie speel – wat ʼn
mens hoendervleis gegee het.
Allerhande fyn versierde eetgoedjies
is saam met die tee bedien en
daar is ook ʼn smaaklike ete by ’n
restaurant geëet. Elke suster het ʼn
pragtige sak gekry wat oorgetrek is
met fyn organza in ryk aardse kleure
– kompleet net soos die kleure van die
pottebakker se klei.
Alles het werklikwaar seepglad
afgeloop, al was daar net ʼn handjie vol
bekwame dames aan die stuur.

“In een sin opgesom ʼn sjarmante,
vroulike oggend met pitkos vir elkeen
van ons wat deel was van die dag.” Só
het die susters die Saamtrek op Odendaalsrus
beleef.
Die saamtrekgangers is hartlik
ontvang soos net Vrystaters kan.
Kreatiwiteit en vroulike gawes het ʼn
mens werklik oorweldig. Vrolike vlaggies
rondom die kerkhoek het reeds
vroegdag wapperend die groot dag
aangekondig. Die grasperk was vol
sambrele wat jou saam met die vrolike
musiek van die ensemble nader gelok
het vir ʼn heerlike ontbyt.
Die kerkklok het aangekondig dat
dit tyd was om te begin. Die samesang
van sowat 200 dames in die pragtige
kerkgebou is onvergeetlik. Dr. Jannie
Erasmus, die predikant van Die
Gereformeerde Kerk Odendaalsrus,
het die verrigtinge geopen. Op gepaste
wyse het hy vir ons gewys wié ons Pottebakker
is: Hy is die Skepper van die
hemel en die aarde. Die onuitspreeklike
saamtrek 2012
Bosveld
Vrystaat
Noord-
DIE GEREFORMEERDE KERK
ODENDAALSRUS
SPREKER: DS. CHRISTO
SWANEPOEL EN GRIET
SWANEPOEL
DEUR HANNALIE ERASMUS (VERWERK
DEUR GRIET SWANEPOEL)
grootheid van die heelal, melkwegstelsels
en planete het almal onder die
indruk gebring hóé groot ons God
is. Die opening van dié dag het ook
ʼn geloofsatmosfeer vol verwagting
geskep vir alles wat nog moes gebeur.
Griet Swanepoel het daarna die
Vroueblad bekend gestel en ons
verseker dat die Vroueblad ʼn moethê-tydskrif
is. Die gaskunstenaars was
Esmé van der Merwe en die musiek
ensemble, Voixx Angelicas wat die
geleentheid met hulle musiek afgerond
het.
Na teetyd het die sprekers van die
dag, ds. Christo en sy vrou Griet
Swanepoel, aan die woord gekom.
Griet het die tema: “Gelowig vrou” behandel
met haar boodskap uit Rut. Sy
het verwys na Naomi wat alles verloor
het en sonder nageslag teruggekeer het
na Betlehem. Sy loop saam met Rut wat
God aan haar gee — meer werd as sewe
seuns — maar sy sien dit nie raak nie.
Wanneer Naomi God se plan raaksien,
is sy nie meer Mara nie. Net soos Rut
kan ons ook onder die vleuels van die
Almagtige skuil en altyd op God vertrou.
Ds. Christo het die tema “ In die
hande van die Pottebakker” behandel
en in sy toespraak die wonderlike
geskenke wat ons as gelowiges uit die
hand van die Here ontvang, uitgelig
as fokusgedagte. (Griet Swanepoel se
toespraak het as ʼn artikel in die Maartuitgawe
van die Vroueblad verskyn en
ʼn opsomming van Christo Swanepoel
se toespraak verskyn in hierdie Vroueblad).
Na ʼn tafelgebed het almal gaan weglê
aan ʼn heerlike ligte middagete wat bedien
is in die keurig versierde saal. Die
susters van die gemeente het spesiale
tafellopers vir die tafels gemaak.
Onder leiding van ons programleier
en klankman het die program vlot en
sonder haakplek verloop.
Aan ons Hemelse Vader al die eer vir
al die seëninge op hierdie dag.
VROUEBLAD Julie ~ Saamtrekbylaag 2012
11

saamtrek 2012
Oos-Kaap
DIE GEREFORMEERDE KERK OOS-LONDEN
SPREKER: ME. MILA VENTER
DEUR CORRY VAN DER WALT (VERWERK DEUR COBIE STEYN)
Die susters van Oos-Londen het op Saterdag 3 Maart susters
van dwarsoor die Oos-Kaap ontvang vir vanjaar se saamtrek.
Die saamwerk om al die reëlings betyds agtermekaar te
kry en geskenkies te maak het weer ‘n lekker saambinding
teweeggebring, en ons nuwe predikantspaar, Paul en Danelle
de Bruyn, kon net aansluit by ‘n werkende spannetjie toe
hulle in November in Oos-Londen aangekom het.
Weens die uitgestrektheid van ons provinsie (ons naaste
bure is in Queenstown, sowat 200km van Oos-Londen), en
die lang afstande wat susters moet reis, maak die bywoning
van saamtrekke soms moeilik – vanjaar was daar minder
as 10 susters vanuit die tradisionele streek – die Noord-
Oos Kaap. ‘n
Lekker groot
groep het van
Port Elizabeth
af gekom, en
die susters van
Oos-Londen
het self
12 VROUEBLAD Julie ~ Saamtrekbylaag 2012
omtrent voltallig opgedaag en seker gemaak die saal is vol
deur die uitnodiging wyer te versprei – ook na susters uit
ander kerkgenootskappe in Oos-Londen. Die geleentheid
is gehou by Oos-Londen se gholfklub, een van die mooiste
gholfbane in die land, met ‘n pragtige see-uitsig vanuit die
saal, en die lieflike oggend het almal in die regtige stemming
geplaas om ons hemelse Vader te loof en prys.
Die gemeente in Oos-Londen was bevoorreg om tydens
‘n lang periode sonder predikant bedien te word deur 2
emeriti, di. Hessel Dijkstra en Piet Venter. Op hierdie wyse
het ons Mila Venter, Ds. Venter se baie begaafde eggenote
leer ken en waardeer, en daar was geen oomblik se twyfel
oor wie ons sou uitnooi as spreker vir die saamtrek nie – vir
haar ook ‘n eerste keer. Mila het die klei in die hande van
die pottebakker tema op ‘n eiesoortige manier aangebied
vanuit die wyse waarop die Here se hand die profeet Elisa
gelei het aan die einde van Elia se optrede tot by Elia se
wegvoering: van Gilgal, na Bet-El na Jerigo na die Jordaan.
Sy het die diepere betekenis van hierdie reis sommer lekker
uitgelê, en ons almal meegevoer op hierdie Gees-geleide reis,
en die verskillende mylpale
aangedui waarlangs die Pottebakker
ook ons lewenspaadjie
kan laat gaan volgens sy wil.
Samesang tot eer van die
Here is gelei deur Marietjie
Malan Jordaan, en sy en haar
dogter Karlien het ook ‘n
paar sangitems gelewer. Na
‘n smaaklike middagete is
die besoekers verryk terug
huis toe, en Oos-Londen
se susters en diegene wat ‘n
naweek daarvan gemaak het, nog bevoorreg
om Sondag weer die Woordbediening deur
Ds. Venter te ervaar. Ons kan weer met groot
dankbaarheid ons hemelse Vader loof en eer
vir sy genade en liefde, vir talente en gawes in
oorvloed, wat ons geleenthede soos hierdie
gee vir geestelike versterking en opbou van
ons geloof. Aan Hom die eer.

saamtrek 2012
Oos-Rand Bosveld
DIE GEREFORMEERDE KERK BRAKPAN-SUID
SPREKER: DR. EUGENE KEMP
DEUR LYDIA LINDEQUE (VERWERK DEUR COBIE STEYN)
’n Dankie-bly dag. Die dag was tintelkoel.
Vriendelike sustersgesigte het
die ruim saal gevul. Summer Place
in Boksburg was vol tintelinde en
opgewonde stemme. Vreugde van blye
weersiens het oral opgeklink. Hoe het
die jaar nie omgevlieg nie?
Byna 400 Doppersusters kom
traag tot stilte – nog ’n drukkie – ’n
wuifgroet met die hand... Heerlik om
weer saam te wees. ’n Vriendelike
woord van “welkom-wees” volg.
Ons loof en prys die Here God met
samesang – orrelklanke vloei en juig
met trompetgeskal. Ds. Japie Venter en
sy vrou, Marie, lei die sang. Aan humor
kom ons nie kort nie. Die susters skater
toe na ons verwys word as die “Fatti’s
en Moni’s” – ’n fyn waarneming.
Rina Hugo en haar span kom aan die
beurt. Met woord en lied voed sy ons
gemoed. Wat ’n fees!
Dr. Eugene Kemp, spreker van
die dag, neem ons op ʼn reis met:
“Gelowig vrou, in die hande van dié
Pottebakker”. Wat is God se doel met
my as vrou?
Die keurige ete en drinke was
heerlik. Ons was deel van ’n groot
bederf en selfs ’n “onthou”-geskenkie is
vir elke suster gegee om saam te neem
huis toe.
Dankie, streek Oosrand. Dit was
’n groot voorreg om te gaan kuier
daar waar my wortels lê, waar ek
geloofsbelydenis afgelê het.
Tuis het ek alles oordink en
besef: Vandag was ek deel van die
verskillende streke landswyd waar
my medesusters kom buig het voor
ons hemelse Vader – ’n eenheid in die
geloof. Ek behoort met liggaam en siel
en in strewe aan Jesus Christus!
VROUEBLAD Julie ~ Saamtrekbylaag 2012
13

saamtrek 2012
Pretoria
Hierdie jaar het Bergsig, Andeon en
Meintjeskop om die Sustersaamtrek vir
Pretoria se 36 gemeentes aan te bied.
Daar was hartlike samewerking tussen
die drie gemeentes.
Die saamtrek is aangebied op die
pragtige kerkterrein van Andeon:
‘n twee-en-‘n-half morg plot onder
lowergroen grasperk, doringbome,
vetplante en blomme. Groot was
die konsternasie toe ‘n laat-aand
donderstorm die Vrydagaand die tente
en Gazebo’s wat reeds op die grasperk
opgeslaan was met groot geweld tref.
Dit het soos ‘n slagveld gelyk, maar na
‘n paar ketting-oproepe en ‘n klomp
lidmate en lede van die gemeenskap
wat op Andeon toesak, is die Gazebo’s
met houtpale gespalk en die tente weer
staangemaak. Voor middernag was die
plek weer gereed vir die groot fees.
By die grasdaklapa het die susters
van Meintjeskop die gaste verwelkom
met koffie, tee en verversings. Voor
die ingang na die kerkgebou het ‘n
musiek ensemble met klawer-, fluit- en
blaasinstrumente gesorg vir die regte
atmosfeer.
Die hoofprogram is aangebied in
die kerkgebou, wat deur ongeveer 580
gaste van hoek tot kant volgepak is.
Daar was blommerangskikkings in
groot kleipotte, en elke suster het ʼn
geskenkpak ontvang waarin daar onder
andere ʼn blommerangskikkingsboek
was wat ʼn aantal jare gelede deur
tannie Bettie van Emmenis, vandag
Bergsig se oudste lidmaat, saamgestel
is.
Dr. Jan Venter, emeritusleraar van
Annlin, was die gasspreker. Hy het die
landwye saamtrektema “Gelowig vrou
in die hande van die Pottebakker” op
‘n besondere manier aangebied.
Elke vrou is uniek geskape en
het haar eie verhaal van hoe die
14 VROUEBLAD Julie ~ Saamtrekbylaag 2012
Pottebakker haar gevorm het –
verskillende soorte kruike onder die
hand van die Pottebakker en elke vrou
van duursame klei. Tog is daar vroue
wat as kruike eenkant neergesit is;
vroue wat as kruike moeilik gee; vroue
wat as kruike reeds leeg geskep voel;
selfs vroue wat as kruike skynbaar
onherstelbaar beskadig is.
Een ding kan elke vrou gelowig in
die hand van die Pottebakker weet:
• die Pottebakker gooi jou nooit weg
nie – dis die wonder van sy genade;
• die Pottebakker vorm jou – dis die
wonder van weer gebore word;
• die Pottebakker vul jou – dis die
wonder van die Heilige Gees;
• die Pottebakker gebruik jou – dis
die wonder van heiligmaking.
Om te pas by die tema, het elke
gas ‘n kleipotjie met ‘n selfgekweekte
woestynrosie daarin ontvang, wat in
die moeilikste omstandighede en die
grootste droogte kan groei; wat uit een
blaar in die grond baie plantjies vorm
en wat sy wortels ver en diep uitsprei
op soek na water - vir ons die water
van die Woord.
Die gaskunstenaars, die musiekgroep
It Takes Four onder leiding
van GP van Rheede van Oudtshoorn
(ook die groep se solis en gewilde
Kommunikasiedosent aan die NWU,
Potchefstroom Kampus), het met
nuwe musiek en goue oues die gehoor
bekoor.
Die samesang van Psalms en
Skrifberymings is begelei deur Martie
Viljoen op pyporrel.
Na die program het die broeders van
Andeon en Bergsig vir die hoofgereg
gesorg: ‘n “hooimiedete” waar rys,
maalvleis, groente, fyngepersde Simba
skyfies en Fritos en dan die slaaigereg
met heerlike souse op mekaar gestapel
DIE GEREFORMEERDE KERKE
ANDEON, BERGSIG EN
MEINTJESKOP
SPREKER: DR. JAN VENTER
DEUR INA AUCAMP
(VERWERK DEUR GRIET SWANEPOEL)
word. Die kaaskoeknagereg is deur die
jong lidmate bedien.
Die Paul Kruger Kinderhuis, AROS
en die Eljada Huis in Daspoort het vir
die uitstallings gesorg.
Dit was ʼn voorreg om hierdie
saamtrek aan te bied. Om so baie
Gereformeerde susters uit die groot
getal gemeentes in ons besige stad
saam te trek, bly ‘n unieke geleentheid.
Die wete dat dit op dieselfde dag
met dieselfde tema landwyd gebeur,
bind ons ook onderling saam as
vroue, gelowig in die hande van die
Pottebakker.
Volgende jaar trek ons saam by die
Gereformeerde Kerk Akasia.

saamtrek 2012
Sentraalwes Bosveld
Vroeg reeds al snoer die nuwe jaar,
2012 ons saam. Armvol gawes en
mandjies met idees vloei saam. Alles is
byeengebring in die geboorteproses van
ons eie breinkind. Bondels en bondels
klei word ingewerk, gebrei, verwerk,
meedoënloos amper. So gee ieder en
elk ietsie vanself sodat die erdekruik
volrond ontwikkel. Elke kleisteen van
ons program word sorgvuldig gekies en
pas gemaak totdat ons beker vol is. Die
voetstuk van ʼn vaas verleen stewigheid,
daarom fatsoeneer ons dit na wense,
wanneer Maryn Botha as spreker
voorgestel word. En... sy sê: “Ja, ja ek
sal graag!”
Daar voor ons oë, modelleer sy
op God se pottebakkerswiel die
vrou: Gelowig geformeer vanuit sy
handleiding. Sy skulp haar hand om
die rondings en kurwes, en wys op
die krakies en deformasies. Ons is
nie vervelig volmaak nie, maar elkeen
uniek gekonstrueer, gegooi, opgetrek,
gebak en geglasuur in dié Pottebakker
se kleiwerke.
Van oraloor uit die sentrale deel
van Noordwes kom ons almal om te
skep uit die fontein, sodat ons genoeg
kan hê vir die dag van 2012. Ons put
diep uit die beek en les ons dorstige
siele met klank van klarinet en klavier,
fluit en virtuoos. Name soos Janet en
Elphie, Christine en Mariska, Mia en
Lizie en nog vele meer klink op oor ons
saamwees.
Met aanhef en slot verpak ons die
samesyn, deurvleg met vrouestemme
in lofprysing en aanbidding. Maar
in elke vrou is die drang om gasvrou
te speel, ingebore. Deur slote en
DIE GEREFORMEERDE KERK KLERKSDORP
SPREKER: DR. MARYN BOTHA
DEUR CARIEN LION-CACHET
(VERWERK DEUR ANNATJIE DU PLESSIS)
oor hobbels het ons dit reggekry om
almal welkom te heet en te verkwik
op Saterdag, 10 Maart 2012. Vooraf
is koeksisters gevleg en verkoop en
Sondagpoedings met vla van die hand
gesit. Daar is selfs ʼn besie gesellig
gespitbraai sodat ons begroting sou
klop. Omdat die finansiële beplanning
reeds in 2011 plaasgevind het, kon
ons ons verbeelding vrye teuels gee
tydens die kitsontbyt en noenmaal.
Dames het tougestaan, muffin en
quiche in die hand wagtend vir die nou
reeds kenmerkende cappuccino van
Klerksdorp Gereformeerde Kerk. Ons
is gekoester rondom tafels keurig in
silwergrys gedoek, met granaat-en- rooi
rose kunstig geskik in ou-ou trofees:
rook en blougrys met half vergete
wenname gegraveer.
Om 13:00 was almal Geesvervuld
en gereed om die noenmaal van kebab
kegeltjies, hoenderslaai met neut en
meringue nessies al kuierend te nuttig.
En oor alles heen sambreel ons Heer
en God genadiglik: Gereformeerd
waaragtig!
VROUEBLAD Julie ~ Saamtrekbylaag 2012
15

saamtrek 2012
Suid-Gauteng
DIE GEREFORMEERDE KERK MEYERTON
SPREKER: DS. IZAK DE VILLIERS
DEUR AMORÉ POTGIETER (VERWERK DEUR COBIE STEYN)
16 VROUEBLAD Julie ~ Saamtrekbylaag 2012
Verlede jaar het ek my eerste Saamtrek
bygewoon en hierdie jaar moes ek ene
organiseer. Dit het gevoel of ek aan die
diep kant ingegooi is, totdat ek besef het ek
staan nie alleen nie. Ons sustersbestuur het
ingespring en planne begin maak en deur die
reëlings te tref het die Here gesorg dat ons
mekaar beter leer ken – ook op geestelike vlak.
Die beplanning het al maande terug begin en
alles was vroeg die oggend van 10 Maart 2012
reeds gereed. Die mooi getal van 243 susters
het vroeg al by Die Gereformeerde Kerk
Meyerton opgedaag.
Ds. Izak de Villiers was die gasspreker vir
die dag en het ons susters toegespreek oor
die tema: “Gelowig vrou in die hande van die
pottebakker”. Dit was ʼn besonderse boodskap
van genade en liefde wat hy vir ons gebring het
en wat tot elke suster gespreek het. Een van ons
ouer susters het opgemerk: “Dit was lekker om
na hom te luister, nou voel ek nie meer so sleg
oor myself nie.”
Om die koste so laag as moontlik te hou, is
daar besluit op ʼn landelike tema: Ou geroeste
plaasimplemente en gereedskap is ingespan om
mooi kuierhoekies op die kerkterrein te skep.
Vir blomme het ons kosmosse gebruik, want
hierdie pienk en wit vreugde kos-mos-niksnie.
Teetyd is piekniekboksies op ou geroeste
lere en steiers uitgesit en die vroue kon elkeen
ʼn pakkie neem. Nadat ons heerlike verversings
onder die Seringbome geniet het, het Verona
Goslit en Jaco Ainslie die susters betower met
pragtige sang en orrelspel.
Verskeie uitstallers het die dag opgehelder
en susters kon heerlik rondsnuffel en kyk.
’n Kollekte ten bate van Die Gereformeerde
Vroueblad is opgeneem. Daar is ook ʼn
kollekte vir ʼn voedingskema van Laerskool Dr.
Verwoerd opgeneem wat onder andere deur
Die Gereformeerde Kerk Meyerton se susters
ondersteun word.
Om die pragtige dag op ʼn behoorlike wyse af
te sluit het al die susters na die saal toe beweeg
waar die susters van Meyerton hulle behoorlik
bederf het met ʼn heerlike aansit-ete.
Baie dankie aan almal wat ʼn rol gespeel het
om hierdie saamtrek ʼn reuse sukses te maak
en aan elke suster wat die dag saam met ons
geniet het.

saamtrek 2012
Suid-Kaap Bosveld
DIE GEREFORMEERDE KERK
OUDTSHOORN
SPREKER: BENESCKE VAN RENSBURG
DEUR JANINE DIEDERICKS (VERWERK DEUR
ANNATJIE DU PLESSIS)
Die son se strale was maar nog flou toe die eerste groep susters kom registreer het vir
ʼn wonderlike dag saam met ander gelowige vroue.
Nadat die susters ʼn heerlike ontbyt genuttig het, het almal met ʼn amper heilige
afwagting, na die pragtige historiese sandsteenkerk van die NG Moedergemeente
beweeg. Die verrigtinge is begin met die sing van twee lofliedere tot eer van ons groot
Pottebakker.
Ds. Deon van der Walt het die woord uit Jeremia 18:1 – 10 bedien. God is ʼn soewereine
God en ons is die klei wat ongevorm is totdat die Pottebakker sy hande op die
klei gelê het. Ons is almal mislukte kleipotte wat ʼn donker, growwe onafgewerkte kant
of ʼn kraak in het. God kan weer oor begin met ons deur sy Seun Jesus Christus wat
aan die kruis vir ons sondes gesterf het. As gelowige vrou het God ons gemaak wat
ons nou is, ons is sy kunswerk en God is elke dag besig om die kunswerk te omvorm
totdat ons Hom in die ewigheid sal verheerlik. Ons lewe moet elke dag daarvan
getuig.
Die gaskunstenaar, Randall Wicomb, het vir ons onder andere sy mooi verwerking
van Ps. 139 gesing.
Ons gasspreker vir die oggend, Benescke van Rensburg, het ons weer daaraan kom
herinner dat God berge kan skuif, ons moet net die geloof van ʼn mosterdsaadjie hê.
God weet van al ons hindernisse en probleme. Ons bondel klei kan deur ons gebede
gevorm en verander word. Sy haal Jak. 5:16 aan: “Bely julle sondes eerlik teenoor
mekaar en bid vir mekaar, sodat julle gesond kan word. Die gebed van ʼn gelowige het
ʼn kragtige uitwerking.” Ons het nie omdat ons nie bid nie. God is oral en ons kan op
enige plek en op enige tyd met Hom praat. Dit is nie nodig om in jou binnekamer
te gaan sit nie. God hoor ons langs die sportvelde waar ons kinders speel, in die
motor, by die werk en sommer net waar ek en jy ons elke dag bevind. Soms is ons so
ongeduldig as ons met God praat en val ons Hom in die rede of ons hou op om te luister
vir sy stem omdat ons nie so lank net stil kan wees nie en dan staan ons op voordat
ons Hom regtig kon hoor. God kan net met ons praat as ons bereid is om lank genoeg
stil te wees sodat ons Hom kan hoor. Gebed is 70% luister en 30% praat.
Gebed is ʼn leefstyl wat ons moet aanleer – die klei moet vervorm word. Gebed
bestaan uit vier belangrike sleutels: Oorsaak, strategie, die regte wapens, geloof.
In slegte en donker tye roep God ons terug na Hom om ʼn deurbraak aan ons te
bewys. God gee ons nuwe geloof – dit demonstreer iets van sy liefdevolle karakter en
sy almag.
Vir God is niks onmoontlik nie. God doen vandag nog wonderwerke omdat ‘n
gelowige vrou aanhou bid. Hou ʼn gebedsjoernaal en blaai na ʼn paar jaar weer terug
en kyk watter wonderwerke God ook in jou lewe gedoen het. Ons elkeen wat glo het
ʼn geloofstorie wat ons kan vertel.
Die oggend is afgesluit met die seënbede van Ps. 20 wat ons mekaar toegesing het.
VROUEBLAD Julie ~ Saamtrekbylaag 2012
17

saamtrek 2012
Suid-Vrystaat
DIE GEREFORMEERDE KERK PETRUSBURG
SPREKER: PROF. FIKA VAN RENSBURG
DEUR HENNIE BRIEL (VERWERK DEUR ANNATJIE DU PLESSIS)
Petrusburg is ʼn dorpie in die Suid-
Vrystaat, ʼn omgewing waar dit baie
warm en baie droog word. Dit word
in die winter ook baie koud, want die
wêreld is plat en oop en daar is baie
plek vir die ryp om wit te lê. Maar in
die harte van die mense wat hier woon
is dit altyd warm. So is ook die gasvryheid
– daar is warm en ruim plek in
almal se harte.
Op Saterdag 10 Maart was dit ook
die atmosfeer van die saamtrek. Vanuit
Kimberley, Bloemfontein, Boshof,
Reddersburg, Koffiefontein en Oranjerivier
het ongeveer 170 susters die
sinvolle dag meegemaak.
Met Petrusburg as middelpunt op
die kaart, was prof. Fika van Rensburg
die middelpunt van gebeure. En om
die tema “Gelowig vrou in die hande
van die Pottebakker” toe te lig, het
Prof. Fika voorwaar die Bybel die
middelpunt van die dag gemaak. Dit
was wonderlik om huis toe te gaan met
niks anders as die Woord in die hart
nie.
18 VROUEBLAD Julie ~ Saamtrekbylaag 2012
Prof Fika het die tema aan die hand
van die volgende punte belig:
1. Heelal-stoffie as kleibestanddeel;
2. Die Pottebakker-beeld in die Bybel;
3. Pottebakkery destyds;
4. Van kleipot tot erdekruik;
5. My grootse roeping as skat-draer;
6. Van heelal-stoffie tot sieraad-vaas.
By punt 1 het ons opnuut ons
kleinheid besef. Die aarde lyk soos
ʼn stofdeeltjie teen die groot planete
wat God geskape het. Hoe klein is die
nietige mens wat van ʼn bietjie stof van
die aarde gemaak is, dan nie.
Met 2 Kor. 4: 7 as uitgangspunt was
dit uiters troosvol en bemoedigend
om in die punte wat gevolg het te hoor
hoe kosbaar en duursaam die Here ons
gemaak het. Dit lui in die Nuwe vertaling
soos volg: “Ons wat hierdie skat in
ons het, is maar kleipotte wat maklik
breek; die krag wat alles oortref, kom
dus van God, nie van ons nie”. Prof
Fika het hierdie vers letterlik soos volg
vertaal: “Ons het dus hierdie skat in
kleipotte, sodat die buitengewoonheid
van die (ons) krag, van God is en nie
uit onsself nie”.
Die bedoeling van 1 Kor. 4: 7 is dus
dat ons nie maar swak kleipotte is
nie, maar eintlik buitengewone sterk
kleipotte. Ons is gebakte kleipotte, en
besit buitengewone duursaamheid.
Ons buitengewone duursaamheid kom
dus van God af, en is nie uit onsself
nie. Die skat in ons is die duursame
lig van Jesus Christus wat in ons harte
skyn. Wonderlik – ons is duursame,
hardgebakte kleipotte. Ons kan maar
rondgegooi word in die lewe en val, en
sal nie breek nie. Daarom die heerlike
troos in die volgende verse, verse 8 - 9:
“In alles word ons verdruk, maar ons is
nie terneergedruk nie; ons is oor raad
verleë, maar nie radeloos nie; ons word
vervolg, maar nie deur God verlaat
nie, op die grond neergegooi, maar nie
vernietig nie.”
Met hierdie kosbare boodskap
het ons almal met nuwe moed en
dankbaarheid lekker gaan eet en saam
gekuier, en weer die lewe gaan aanpak.

DIE GEREFORMEERDE KERK
WILROPARK
SPREKER: DR. DIRK HERMANN
Na maande se swoeg en sweet en
noukeurige beplanning het die lang
verwagte dag aangebreek. Die vrolike
groetery van susters met uitroepe van
blydskap om mekaar weer te sien, het
oral opgeklink oor die ligte ontbyt heen
wat deur vriendelike susters bedien is.
Die manne het parkering aangewys
en ons kinders het gaste na die pragtig
versierde kerk en saal gehelp. Massas
wit blomme in kleipotte het die saal en
kerk sprokie-mooi laat lyk.
Opgewonde en vol verwagting het
die susters die kerk inbeweeg. Elmarie
de Bruyn het die verwelkoming
gedoen, waarna ds. Stefaans de Bruyn
geopen het uit Jer. 18:1-12. Hierna het
die samesang, onder leiding van prof.
Fanie Jooste en sy gesin (met klavier,
viool en fagot) saam met Wiehan le
Roux (trompet) ’n mens hoendervel
gegee. Oor die 300 jubelende vroue
stemme oor die wonderdade en liefde
van ons hemelse Vader, klink darem
maar baie mooi.
Dr. Dirk Hermann van Solidariteit
lei sy toespraak in met: “Gekies, gesoek,
gekry, gebrei… die klei gevorm, gerek,
gebak, gelouter… perfek. Dit is die
Groot Pottebakker, aktief betrokke by
sy pot, elk ʼn unieke kunswerk.” Deur
sy toespraak fokus hy op die hande
van God. Die Hand waarin jou naam
gegraveer staan (Jes. 49:16). Jou (die
klei se) vorming in God se hand is ʼn
baie persoonlike proses. Dit is ook die
hand wat red en verlos (Jes. 50:2). Wan-
saamtrek 2012
Suid-Wes Bosveld
Gauteng
DEUR ALTA BOTHA
(VERWERK DEUR COBIE STEYN)
neer die kruik voltooi is, plaas die Here
ʼn skat daarin.
Uit 2 Kor. 4:7-9 hoor ons dat ons die
skat van ʼn hoopvolle toekoms het. Ons
hoef nie te twyfel in moeilike omstandighede
nie. God roep ons op tot goeie
werke (Ef. 2:10). Doen jy dit waarvoor
God jou voorberei het? Hoe meer jy
doen wat God wil hê jy moet, hoe
meer hoop kry jy en hoe meer word jy
versterk en bemoedig. Hy verwag van
ons om te doen wat ons moet doen in
die omstandighede waar ons is en om
dan verder volkome op Hom te vertrou.
Ons werke moet nie op onsself gerig
wees nie, maar ons moet uitreik na
mekaar (Heb. 10:24).
God vra ons om ons aan te meld vir
Pottebakkerswerk (Gal. 5:13).
Hierna nooi Melinda van’t Zand
almal uit na 2013 se saamtrek by
Witpoortjie. Kollekte ten bate van die
Reddersburg Kinderhuis en ter verligting
van die Hoedspruit ramp word
ingesamel en ʼn lieflike oggend word
afgesluit met ʼn heerlike musiekkonsert
deur die Joostes.
Voordat ons huiswaarts keer word
ons bederf met heerlike koue vleis en
slaai en dekadente tuisgemaakte soetgoed
saam met koffie.
Ons loof en dank ons hemelse Vader
vir die wonderlike dag wat Hy vir ons
gegee het. Dit was ʼn geleentheid waarop
al die ywerige en gewillige dames van
Wilropark trots en dankbaar kan wees.
VROUEBLAD Julie ~ Saamtrekbylaag 2012
19

saamtrek 2012
Boland
Bywoning
Van heinde en verre het hulle gekom – die susters van die
Gereformeerde Kerke om die jaarlikse Sustersaamtrek in
hulle onderskeie streke by te woon. Oud en jonk het dit
weereens geniet – die susters wat dit bygewoon het, sowel
as die sustersgroepe wat dit aangebied het (lees meer hieroor
in hierdie uitgawe van Die Gereformeerde Vroueblad wat
toesprake verwerk het, en ook vertel hoe gasvrouens en gaste
die onderskeie saamtrekke ervaar het – Red.)
Finansies
Die finansiering van saamtrekke bly maar ʼn kopseer.
Daggeld het gewissel van R65 tot R120. Waar daar ʼn tekort
aan fondse was het sustersgroepe van borge en donasies
gebruik gemaak. By van die saamtrekke kon die daggeld
nie verhoog word nie omdat daar met van die plattelandse
gemeentes rekening gehou moes word. Met groot dankbaarheid
kan ons berig dat al die betrokke gemeentes steeds
bereidwillig was om die Saamtrek aan te bied. Kleiner
saamtrekstreke, veral in die platteland, sal in die toekoms
daaraan moet dink om dit saam met ʼn ander gemeente in
die streek te doen.
Terugvoering
Al die saamtrekke het hulle vraelyste teruggestuur, wat die
verwerking daarvan maklik gemaak het. (Baie dankie aan al
die susters wat bereid was om ook artikels vir die Saamtrekbylaag
te skryf – Red.)
Wenke
• Beplan vroegtydig en sorg dat almal die beplanning geniet.
Gee aan verskillende susters verantwoordelikhede.
Probeer om al die susters van die gemeente te betrek.
• ʼn Goeie spreker is veral nodig waar susters ver moet reis
vir die geleentheid.
• Maak seker die spreker en gaskunstenaar(s) is bekend –
moenie op hoorsê gaan nie.
• Stuur uitnodigings aan gemeentes per e-pos sowel as
slakkepos. Slakkepos bereik nie altyd die bestemming nie
en dan veroorsaak dit misverstande en vertragings.
• Gee e-poslys deur aan volgende sustersgroep wat die
saamtrek moet reël.
20 VROUEBLAD Julie ~ Saamtrekbylaag 2012
Verslag van
Saamtrekke 2012
Deur Dr. Wymie du Plessis
• ʼn Begroting reg van die begin af is essensieel – hou dan
by die begroting.
• Kry soveel as moontlik borge.
• Maak gebruik van plaaslike talent.
• Hou dit eenvoudig, dog stylvol. Gee genoeg kans vir
rondbeweeg en kuier.
• Wanneer getalle deurgegee word moet die inbetaling ook
dadelik geskied.
• Hou by keerdatums.
• Moenie te veel stalletjies toelaat nie. Die saamtrek moenie
ontaard in ʼn mark nie.
• Nooi gerus die senior susters van die gemeentes as gaste.
• Maak gebruik van buite-spyseniering vir die middagete.
• Middagetes kan vooraf verpak en in pieknieksakke
aangebied word. So word die opruiming vergemaklik,
daar is geen oorskietkos nie en dit verminder die
uitgawes soos byvoorbeeld die huur van eetgerei en
breekgoed.
• Wys iemand aan wat foto’s neem met die oog op die
beriggewing vir die Saamtrekbylaag in Die Gereformeerde
Vroueblad. Vra ook vooraf ’n suster om die
verslag (eintlik beriggie = 500 woorde) vir Die Vroueblad
op te stel, sodat sy tydens die saamtrek solank aantekeninge
kan maak en ʼn opsomming van die spreker se
toespraak kan bekom. Stel die beriggie (“verslag”) so gou
as moontlik na die verrigtinge op en stuur dit saam die
foto’s vir my (Wymie = koördineerder) aan.
• Noem op uitnodiging die opneem van silwerkollektes –
byvoorbeeld vir Die Gereformeerde Vroueblad, Diakonale
Inrigtings of Bybelverspreiding.
Die Saamtrekstreke is so ingedeel dat die susters, waar
moontlik, nie te ver hoef te ry nie en dat die getalle nie te
groot en onhanteerbaar word nie. Dit staan ʼn gemeente vry
om die streek van hulle keuse by te woon. Ek sal baie bly
wees as ek van veranderings in kennis gestel word. So kan
ek sorg dra dat elke gemeente ʼn uitnodiging kry.
Saamtrekgroete – Wymie du Plessis

saamtrek 2012
Bosveld
Bywoningsgetalle
2012
Streek 2003 2004 2005 2006 2007 2008 2009 2010 2011 2012
Limpopo 450 380 344 437 415 300 368 200 445 310
Pretoria 692 815 866 779 612 450 560 511 550 580
Laeveld 102 125 130 92 91 150 140 120 106 160
Suidwes-Gauteng 183 561 430 429 377 323 200 735 435 310
Sentraal-Wes 200 180 303 83 231 306 180 161 134 169
Hoëveld 345 360 310 400 350 195 281 190 180 300
Oosrand 318 320 340 337 304 300 329 320 225 385
Oos Kaap 135 90 150 55 85 117 132 232 242 100
Boland 215 121 150 183 225 180 182 171 179 251
Suid Gauteng 218 243 166 192 230 201 310 280 290 243
Natal 120 140 131 96 170 100 165 131 120 115
Noord Kaap 140 150 85 126 137 98 150 160 150 95
Noord Vrystaat 192 220 175 200 152 180 245 220 165 203
Suid Vrystaat 200 248 191 180 220 250 230 200 162 170
Namibië 150 214 175 119 118 70 85 142 89 62
Suid Kaap 185 165 107 115 158 168 178 112 210 120
Kameeldoring 140 131 164 130 136 72 93 98 92 150
Bosveld 176 257 212 210 223 252 180 171 203 181
4161 4720 4429 4163 4234 3712 4008 4154 3977 3904
VROUEBLAD Julie ~ Saamtrekbylaag 2012
21

saamtrek 2012
Bladbouersfonds
Die Gereformeerde Vroueblad het die volgende bedrae
van die onderskeie streke ontvang ter stywing van ons
Bladbouersfonds:
22 VROUEBLAD Julie ~ Saamtrekbylaag 2012
Noord-Vrystaat 2,500.00
Suid-Vrystaat 2,668.25
Sentraalwes 1,852.20
Namibië 1,079.00
Noord Kaap 1,206.00
Molopo 1,100.00
Hoëveld 4,030.20
Suid-Gauteng 1,008.10
Suid Kaap 1,573.70
Kameeldoring 805.00
Bosveld 1,500.00
Pretoria 4,280.00
TOTAAL 23,602.45
Baie dankie aan al die susters wat bygedra het tot
Die Gereformeerde Vroueblad. Ons sê dankie vir die
voortgesette ondersteuning en vra ook die susters se
voorbidding vir die werk van die Redaksie.
Dis immers julle blad!

Saamtrekstreke 2013
Koördineerder: Wymie du Plessis
wymiedup@gksa.co.za
Bus 20004, Noordbrug, 2522, 018 297 3986, 083 575 5786
Boland:
Kaapstad
Bosveld:
Krokodilrivier
Hoëveld: Bethal/
Kriel/ Hendrina/
Carolina
Kameeldoring:
Zeerust
Laeveld:
Nelspruit
Limpopo:
Dendron/
Magalakwin
Namibië:
Windhoek
Natal:
Kwa Mncane
Noord-Kaap:
Kuruman
Noord-Vrystaat:
Parys
Oos-Kaap:
Queenstown/
Dordrecht
Oosrand:
Heidelberg
Pretoria:
Akasia
Sentraalwes:
Potchefstroom-
Die Bult
Suid Gauteng:
Alberton-Wes
Suid-Kaap:
Stilbaai
Suid-Vrystaat:
Bloemfontein-
Suidheuwels
Suidwes
Gauteng:
Witpoortjie
Elma Fleischmann
fleischmannE@cput.ac.za
Venita de Kok
danie@gkkrokodilrivier.co.za
Bridgete Grobler
bridgetg@lantic.net
Hendrien Swanepoel
gksazst@absamail.co.za
Coleen Viljoen
mfcns@lantic.net
Hettie Cloete
cloeteph@gmail.com
Carlien Fanoy
pietfanoy@iway.n
Zonke Sithole
zonke@churchland.org.za
Karien Booysen
karienbooysen@gmail.com
Minharde van der Merwe
rvdmerwe@telkomsa.net
Susan van der Merwe
wp.merwe@telkomsa.net
Ina Howell
jhhow@absamail.co.za
Manda Nel
gkakasia@lantic.net
Judie Coetzee
fanie1coetzee@gmail.com
Hanlie Roets
cjcroets@mweb.co.za
Chrissie Hitge
cahitge@vodamail.co.za
Joey Bekker
boomskraap@gmail.com
Melinda van ‘t Zand
dirkvtz@absamail.co.za
Bus 15271, Panorama, 7506 021 873 6167 084 684 5828
Bus 572, Brits, 0250 012 254 0042 082 855 9207
Bus 1045, Bethal, 2310 017 647 2580 082 493 5229
Bus 169, Zeerust, 2865 083 670 7914
Bus 15350, West Acres, 1211 083 249 3335
Bus 2770, Polokwane, 0700 015 501 0020 082 788 7349
Bus 9764, Eros, Windhoek 00264 61 23 2498 00264 81 124
2398
Bus 498, Merrivale, 3291 033 264 4380 082 264 2002
Bus 1756, Kuruman, 8460 083 325 4826
Bus 271, Parys, 9585 056 811 2624 083 300 9069
Bus 295, Queenstown, 5320 045 838 4143
Bus 253, Heidelberg, 1483 016 341 2354 083 655 1538
Bus 16160,
Pretoria Noord,
0116012 542 4712 076 065 6347
Bus 20039, Noordbrug, 2522 018 293 3789
Bus 1173, Alberton, 1450 011 907 4061
Bus 34147, Faunasig, 9325 051 421 1259 073 141 6449
Bus 3131, Witbeeck, 1729 082 768 8775
saamtrek 2012
VROUEBLAD Julie ~ Saamtrekbylaag 2012
23

saamtrek 2012
Sustersaamtrek
9 Maart 2013
Tema:
Gelowig vrou, altyd
diensbaar waar God
jou in sy koninkryk
wil gebruik.
24 VROUEBLAD Julie ~ Saamtrekbylaag 2012

Boekeblad
THE JESUS I NEVER KNEW
deur Phillip Yancey
Resensent: Annamie Odendaal
Een van die beste boeke oor
Jesus wat ek nog gelees het!
Ek wens elke gelowige (én
ongelowige!) kan dit lees. Wat
yancey gedoen het toe hy hierdie
boek nagevors en geskryf het,
is soortgelyk aan die restourasie
van ‘n eeue oue skildery: hy help
’n mens om na Jesus te kyk asof
jy Hom vir die eerste keer wérklik
raaksien, sonder die lagie wat
oor die prentjie getrek is omdat
jy aardskuddende uitsprake en
gebeure leer ken het voor jy dit
kon verstaan. Sonder dat ek dit
besef het, het ek myself vroeër
getroos met die bekendheid van
die vertellings oor Hom, maar dit
het niks gedoen om my lief te
maak vir Jesus nie. Ek het Hom
nie verstaan nie, ten spyte van
my dankbaarheid en vertroue in
Hom.
Philip yancey wil weet hoe
en hoekom, en dan leer die
leser saam met hom wie Jesus
is: die aanbiddelike Seun wat
sy Vader so innig liefhet en ook
vir sy dissipels en vir elkeen wat
die Vader Hom gegee het. Hy
is die gehoorsame Seun wat
heeltyd die Goddelike én die
menslike perspektief gehad het;
wat ongeduldig, moeg, hartseer,
opgewonde, gelukkig en liefdevol
was. Altyd liefdevol. Hoekom het
VROUEBLAD Julie 2012
leefdinge
ISBN: 0310204070
Uitgewers: Zondervan
Prys: Wissel by verskillende leweransiers
Vrystellingsdatum: September 1995
Bladsye: 163 (beskikbaar in harde- of sagteband)
Beskikbaar by Kalahari.net of Loot.co.za of
Cumboeke
die tollenaars en sondaars so
gemaklik by Hom gevoel?
Nadat ek dié boek klaar gelees
het, het die Bybel nuwe diepte
van betekenis gekry – Ou en
Nuwe Testament.
Die boek behandel drie vrae:
Wie is Jesus? Hoekom het Hy
gekom? Wat het Hy agtergelaat?
Ek het nooit ongemaklik gevoel
oor yancey se teologie nie – maar
nou ja, ek is nie ‘n teoloog nie!
Feit is dat hy ‘n diep gelowige is,
en daarom beveel ek die boek
vrymoedig by my Gereformeerde
vriendinne aan. Die boek is ook
in ‘n goeie Afrikaanse vertaling
beskikbaar.
13

in diepte
GELOWIG
VROU IN DIE
HANDE
VAN DIÉ
POTTEBAKKER
Kruike gevul met
die Heilige Gees
Die verhaal van die pottebakker besig met die sagte klei, is eintlik ‘n verhaal
oor ‘n vrou se lewe. Op die wentelbaan van die lewe vorm God jou tot ‘n unieke
kruik en vul jou met ryke seëninge van die Heilige Gees. Op God se werkstafel
staan dekoratiewe uitsoek kruike, fyn en kunstig gevorm, kleurvol getint en blink
geglasuur. Daar is ook gewone kruike met skeef gebreekte rande, kruike wat vir
hul volle rakleeftyd onooglike merke en vlekke dra.
Elke vrou uniek geskape met ‘n eie verhaal
Dieselfde vingers wat die uitdyende uitspansel geskep het, het jou met teerheid in jou moeder se skoot
gevorm, en die soepelheid van jou persoonlikheid in jou ingeweef. Die tekstuur van jou karakter is op die
hemelse Pottebakker se draaiwiel soos klei gebruik om jou uniek anders as jou eie suster te maak. Kyk na
ʼn paar vroue wat as kruike op God se tafel staan. Wie weet, miskien herken jy een van hulle.
14 VROUEBLAD Julie 2012

Die vrou as kruik van duursame
klei: ʼn Dinamiese raakvat vrou wat met
sjarme, selfvertroue haar lewe en haar
gesin ʼn suksesvolle belegging gemaak
het.
Die vrou as kruik van gewone
klei: Sy ken huwelikskonflik, en
gesinsverhoudinge wat verdonker
noudat die kinders adolessente word.
Die vrou as kruik daar eenkant uit
die oog neergesit: Tussen ander voel sy
as gelowige onkundig en onervare. Sy
weet niemand sien haar as wakker, vars
denkende en ingeligte geselskap nie.
Die vrou as kruik reeds leeg geskep
en onherstelbaar beskadig: Sy is
die een wat na soveel skokgebeure
en onverwerkte trauma soos ʼn kruik
leeg geloop het. Sy het niks in haar
oor om haar gesin met wysheid en
lewensvaardighede op te tel nie.
Die vrou as kruik afgeslete en
verweer: Met die meeste fases van
vrou-wees agter die rug, ontdek sy die
onverwagse gebreke van die ouderdom.
Na die skok van alleen agterbly wonder
sy of haar woorde nog waarde het
vir haar kinders, of sy ander nog kan
opvrolik.
So het elke vrou haar eie verhaal. Jy
sal dalk ook vandag wil vra: Vader, is dit
wat U van my wou maak?” Waar kry die
Pottebakker jou wanneer jy hier lees –
op sy tafel, op sy draaiwiel, of dalk nog
ʼn ongevormde homp klei in sy hande?
Hoe seker is jy dat Hy jou nie een of
ander tyd gaan wegslinger en verpletter
omdat jy nie die kruik is wat Hy van jou
wou maak nie?
Die Pottebakker gooi jou nie
weg nie – die wonder van God
se genade
Genadiglik het God se Woord ʼn ander
boodskap vir jou. Jeremia moes in die
pottebakker se werkswinkel leer dat die
pottebakker nie ʼn mislukte kruik op sy
draaiwiel weggooi nie. Nee, hy sit die
klei van voor af op die draaiskyf en hy
maak ʼn ander kruik daarvan. God wil
dit ook met Juda doen en sê in Jer.18:6
vir die volk: “Kan ek nie met julle doen
wat hierdie pottebakker met die klei
gedoen het nie, Israel?”
So wil God vandag weer sy hande op
jou lê en jou ʼn sieraad maak op sy tafel.
Daar is egter een voorwaarde: Jy moet
jou tot God bekeer. Hoe langer jy van
die Pottebakker se draaiwiel afbly, hoe
harder word die klei. Hoe moeiliker
gaan jou lewe verander. Die vrou wat
Jesus Christus se weldade aanneem en
glo, word verras deur die feit dat die
Pottebakker jou nie weggooi nie.
Aangesien Hy aan jou genade wil
bewys, het God sy eie Seun weggegooi.
Jesus is soos ʼn kruik op Golgota
stukkend geslaan sodat sy bloed al ons
sondes soos stukkies klip, stokkies en
gras uit jou, die klei, gewas het. Jou
lewe kan hoe gehawend en verniel lyk,
heel anders as wat jy wou wees, dan
gaan God jou nog nie as sy uitverkore
kind los nie. Jou foute en mislukkings
is beslis nog nie onherroeplik in jou
ingebrand nie. Hy wil jou nuut maak.
Dit is die wonder van God se genade!
Die Pottebakker vorm jou – die
wonder van weergebore word
Wanneer God jou weer soos sagte klei
op sy draaiwiel neersit, kom jy agter Hy
druk jou met sy hande plat. Hy vorm
jou deur die druk van onverwagse
en onaangename gebeure, krisisse
en teleurstellings. Hy druk jou soos
klei sywaarts oop, sodat daar weer in
jou binneste ruim plek kan kom vir
dankbaarheid aan God, vir sy gawes
en jou naaste se belange. Soos wat die
Pottebakker met sy duime die klei al
draaiend wyer oop laat gly, so verbreed
Hy jou denke. Wanneer God met jou
werk besef jy al meer jy kan nie self
besluit wie jy wil wees nie. Jy is sagte
klei in sy hande.
Wanneer die Gees jou wederbaar, bly
jy soos die klei nog dieselfde en behou
jou eie aard, karakter en persoonlikheid.
Dit word net anders nuut in diens van
God gestel. Met God se vingers sny Hy
soos in sagte klei jou blinde selfsug, jou
afbrekende gedragspatrone en ander
lewensfoute lagie vir lagie weg. Hy draai
nuwe deugde in jou in wat jy vroeër nie
VROUEBLAD Julie 2012
in diepte
geken het nie. Uiteindelik gevorm tot ʼn
nuwe kruik, is elkeen van ons nog leeg!
Jy moet nog gevul word met die Heilige
Gees – sy gawes en krag.
Die Pottebakker vul jou – die
wonder van die Heilige Gees
Die mooiste en waardevolste kruik kan
baie aandag trek, maar leeg vergaar dit
stof, en beteken vir niemand iets nie.
Eers wanneer jy gevul is met die Gees
(vgl. Ef. 5:18), kry jy jou unieke plek
as kruik op God se tafel. Soos ʼn kruik
gebak en geglasuur, brandmerk die
Gees jou dan as sy eiendom (vgl. 2 Kor.
1:22), en Hy vul jou met die gawes en
vrug van die Gees (Gal. 5: 22,23). Dan
begin mense die afwerking, die glans en
waarde van jou lewe sien.
Gryp dit vas: As gelowige vrou het
jy die Gees van God in jou. Jy is sy
tempel waarin die Gees wil woon (1
Kor. 3:16). Alles wat jy nodig het vir ʼn
gelukkige huwelik, normale gesinslewe
en ontspanne verhoudinge, het jy binne
in jou. Leer om dan weg te kyk van jou
omstandighede, jou irriterende gebreke
en konsentreer van nou af op die krag
en wysheid van die Gees wat jy in jou
het.
Die Pottebakker gebruik jou –
die wonder van heiligmaking
Gevul met die Heilige Gees maak dit
nie saak hoe jy vir jouself en vir ander
lyk, hoeveel foute jy al in die verlede
gemaak het nie. Laat dit waarmee die
Gees jou vul, onvervals deurvloei na
ander om jou, dan is jy ʼn bruikbare
kruik gevul met lewende water (vgl. Joh.
7:38). Paulus sê in 2 Kor. 4:7: “Ons wat
hierdie skat in ons het, is maar kleipotte
wat maklik breek; die krag wat alles
oortref, kom dus van God, nie van ons
nie.” Die feit dat jy breekbaar is, wys
net dat jy nooit eers moet probeer om
die perfekte gelowige vrou te wees nie.
Wees net die gelowige vrou wat God
van jou kom maak het. Hy plaas jou
daar waar die Pottebakker jou wil hê. So
leer jy wat die wonder van heiligmaking
is, breekbaar, maar gevul met sy Gees,
geseënd bruikbaar.
15

iewe leefdinge
Die eerste
DEUR COBIE STEyN
Ek praat met ‘n jong predikantsvrou oor die telefoon. Haar stem is
vrolik: “Verlede jaar het ek my eerste Saamtrek bygewoon – hierdie
jaar moes ek dit reël.”
Herinneringe bars soos ‘n fontein oop...
Ek staan in Sabie se studeerkamer en
die gehoorstuk brand in my hand, my
knieë voel lam. Die ouer vrou se stem
spreek van ervaring en wysheid. Die
woorde kom selfversekerd: “Julle nooi
volgende jaar die Saamtrek uit.”
“Saamtrek?” vra ek, vyf en twintig
jaar oud en twee maande lank saam
met my man in die bediening in
ʼn gemeente van 148 lidmate (88
belydend- en 60 dooplidmate).
Sy begin verduidelik wat dit behels
en ek gooi wal en pleit: “Spaar ons
volgende jaar. Ek sal die jaar daarna die
leisels vasvat.” Dis my mond wat praat,
maar my hart is bang.
En so het dit gebeur dat ons klein
gemeentetjie met ’n Gideonsbende
van vlak in die veertig susters, ’n jaar
en nog ʼn paar maande later, in 1990
die Saamtrek reël. Van die begin af
is die reëlings een groot uitdaging:
ek probeer vroeg ʼn lokaal kry, maar
die tweede Saterdag in Maart is
heerlike trouweer in die Laeveld en
16 VROUEBLAD Julie 2012
ons kerkgebou het nie ʼn saal nie. Die
stadsaal in Sabie is bespreek, die NGkerksaal
op Graskop is bespreek, die
NG-Kerk in Sabie het ook ʼn troue wat
plaasvind.
Radeloos sonder ’n geskikte lokaal,
gaan doen ek een aand saam met Abel
by ’n nuwe lidmaat op Pelgrimsrus
huisbesoek: ʼn man wat spyseniering
doen by die Royal Hotel daar. En hy stel
voor ons gebruik die sink-stadsaaltjie
van Pelgrimsrus. En hy bied aan om
die middagete van koue vleis en slaaie
vir ons voor te berei en hy sal met sy
bestuurder gesels oor ʼn goeie prys.
Die susters huiwer eers oor die
plek wat ek voorstel, maar wat kan
ons anders doen? En ons besluit
om mooi te maak met min. En ons
raak opgewonde oor die tema van
“ougoed”, want die saaltjie met sy swaar
fluweelgordyne leen hom daartoe. En
ons maak ons gereed om baie goed
aan te ry op die kronkelpaadjie. En ons
reël Prof. Ben de Klerk as spreker. Hy
bevestig.
Sabie se dorpstuinier, wat so baie
gedoen het om ons dorpie te verfraai,
Mev. Anette Kopp, belowe dat ons
blomme uit die parkie kan gaan
pluk. Salmpienk lelies. Sy koester die
blomme vir ons. Die tafeldoeke is
wit met koningsblou oorgooidoeke.
’n Makelaar op die dorp sal vir ons
donkerblou lêers in die hande kry by
ʼn bank. Vrydagmiddag rangskik ʼn
begaafde suster vir ons ʼn groot bos
blomme, met oorwegend salmpienk en
wit blomme sodat alles bymekaar kan
aanpas.
Vrydagmiddag, terwyl ek ywerig en
kronkel-kronkel allerlei goed aanry, lui
my selfoon (daardie tyd was dit min
of meer ʼn halwe baksteen, soos my
man nou spot met vroeëre tegnologie).
Een van die susters: “Hier was ʼn
verwoestende haelbui in Sabie. Al Mev.
Kopp se blomme is weggeslaan.”
“Die res van die dorp?”
“Ook!”

keer
“Moenie bekommer nie,” sê ek, “maar
ék raak paniekerig bekommerd, “ek sal
‘n plan maak.”
Net toe vang my oog ʼn plaat geel
madeliefies wat in een van die huisies
langs die pad se tuin staan en wuif in
die wind. Ek draai summier af. Stel my
voor aan die ouerige vrou wat die deur
oopmaak, stel ons dilemma.
“My kind, plante is mos maar eintlik
die Here sʼn. Pluk soveel julle wil hê.”
Wit tafeldoeke, blou oorgooidoekies,
skelgeel blomme...
Ons werskaf onsself moeg daardie
middag. Die hotel leen ook vir ons ʼn
koperhemelbed waarop een van die
susters haar mooi porseleinpoppe in
die voorportaal uitstal. Ons pak ons
boeke-uitstalling uit, dek tafels en
werskaf. Almal is maar ewe stil oor
die salmpienk rangskikking voor en
die heldergeel op die tafels wat al klaar
kleurvol bont daar uitsien.
Die aand toe ek tuiskom,
begroet helderrooi lêers my op die
eetkamertafel.
“En dié?” vra ek vir Abel.
“Attie kon nie meer blou lêers kry
nie, maar hy is trots daarop dat hy nog
lêers in die hande kon kry.”
Lêers wat donkerblou moes wees en
wat ʼn klein-klein potjie handeroom
met pienk lint om die potjie op elke
hoekie moes dra. Die linte op die
potjies word as noodmaatreël nou wit.
En ons besluit om die lêers (wat by elke
susters se sitplek neergesit sou word),
nou maar met registrasie aan elkeen
te gee om die skelheid van die kleur ʼn
bietjie te breek.
Saterdagoggend is my senuwees
klaar! Ek het nagmerries gehad oor
al die kleure. Ek vrees nou dat nóg
goed gaan skeefloop. Ek kronkel nie
stadig deur die draaie nie, ek stuur die
Cressida skuinsweg daaromheen.
“Kry ʼn aftrekplek en stop!” beveel
Abel saggies, dog ferm.
“Wat? Ek gaan laat...”
VROUEBLAD Julie 2012
leefdinge
“Luister na my en stop.”
Ek gehoorsaam. By ʼn klein
aftrekplekkie stop ek. My hart klop in
my keel. My hande wil-wil bewe van
spanning.
Abel vat my hande in syne: “Dit
maak nie saak hoeveel kleure daar dalk
is wat met mekaar bots nie. Dit maak
nie saak wát dalk nog kan skeefloop
nie. Solank die vrouens wat vandag
kom geestelike kos kry, geestelik verryk
hier kan weggaan en kan sê dat hulle
mekaar ín die Here gevind het en die
gemeenskap van gelowiges beleef het,
dan was dit ʼn sukses. Verwelkom hulle
hartlik en bedien hulle met Christelike
gasvryheid.”
Hy maak sy oë toe en bid daarvoor.
En dat ek kalmte in die Here sal vind.
En ek hét. Dit was asof die Here
my toegevou het met sy vrede. En die
susters het lekker gekuier en in die
Here bande gesmee.
En ons hét geestelike kos gekry en
verryk daar weggegaan.
17

leefdinge
Groete aan
Trifena en Tr
DEUR GRIET SWANEPOEL
“Ma, as ‘n mens nou belydenis
afgelê het, hoe lank vat dit voor ‘n
mens dan ‘n wyksuster word?”
Só vra een my kinders die aand van
haar belydenisaflegging terwyl ek langs
haar op die bed lê en vir haar vertel hoe
trots ek op haar is.
Ek het vreeslik gelag daaroor. Later
het ek besef watter troos dit is om te
dink dat sy na al die jare in die pastorie
onder die diep besef gekom het dat ʼn
kookwater-wyksuster goud werd is vir
enige gemeente.
Net soos die ywerige werksters,
Trifena en Trifosa, wat Paulus in
Romeine 16 uitsonder vir hulle
dienswerk, skenk die Here steeds vroue
wat ywerig en diensbaar is. Onmisbaar
vir enige gemeente.
Susters wat op die geloofspad geleer
het dat ons nie soos Eva met die Duiwel
moet praat nie, maar net met God
moet wandel. Hulle verset hulle nie in
hoogmoed en naywer soos Mirjam teen
Moses nie en aanvaar die gesag wat God
oor hulle geplaas het. Soos Ragab het
hulle gehoor van die magtige dade van
God en daarom hang hulle elke dag in
groot afhanklikheid ʼn rooi lyn uit en
bid vir redding en bewaring vir hulle
huis en familie. Soms, as dit lyk of ʼn
gemeente wil kwyn kom daar ʼn Debora
te voorskyn om almal aan God se
18 VROUEBLAD Julie 2012
verbondsliefde te herinner. Soos Hanna
bring hulle hulle lewenskrisisse na die
Here toe omdat hulle soos Rut die regte
keuse gemaak het. Soms waag hulle
soos Ester en glo in God se wil vir die
uitkoms van hulle nood. Hulle strewe
daarna om ʼn deugsame vrou genoem te
word.
Vandag wil ek juis ʼn groot bos
dankiesê-rose gee vir al die susters wat
so getrou arbei in die gemeentes. Wat sal
ʼn mens sonder daardie voorbeeld doen?
In elke gemeente waar ons was, was
die gemeente geseënd met wonderlike
susters.
Toe ons in 1996 die saamtrek op
Messina aangebied het, was ons maar
ʼn handjievol. Ons het verskriklik
hard gewerk. Ons het mango-blatjang
gebottel vir sowat 350 gaste. Weens die
ver afstand het die susters gevoel ons
moet ʼn ontbyt, tee en middagete bedien.
Ek was dié oggend van vyfuur af al besig
en almal het net spontaan kom help.
My gemoed het van vroegoggend af al
begin volskiet, want ek was oorweldig
deur alles wat ons klein groepie susters
vermag het. Terwyl ek dié oggend
besig was om die broodtafel met
skons, muffins, broodrolletjies kaas en

ifosa smere
uit te pak, sien ek een van my
wyksusters van die plaas af daar aan
kom. Ek was heel verbaas om haar so
vroeg te sien. Sy dra vir my skinkborde
vol frikkadelle en vleisrolletjies aan wat
sy die vorige nag gemaak het: “Griet, ek
het maar besluit ek maak ietsie by die
tee — ons kan nie vir die mense kaal tee
gee as hulle hier aankom nie, wat gaan
hulle van ons dink!”
Daar is altyd Trifenas en Trifosas
wat jou hande kom sterk maak, wat uit
dankbaarheid lewe en hulp aanbied
om ʼn gemeente se wiele te laat rol. Dit
is hulle wat sorg dat die kombuis mooi
kantgordyntjies kry, dat die vadoeke
wit gewas word en elke Sondag netjies
opgevou terug in die kas is. Hulle sorg
dat daar altyd genoeg kruideniersware
in die kas is om elke Sondag tee te
skink. Hulle sit lyste op teen die
kombuismuur om seker te maak ander
wat dalk minder betrokke is weet hóé
om te skink. Hulle bring rooi lintjies
vir die teepot waarin die rooibostee
moet kom. Hulle ruim saam met jou
op tot die laaste koppie skoon en droog
in die kas is. Hulle maak getrou vir
die kerkraad heerlike eetgoed vir hulle
vergaderings. Dan verwelkom hulle
ook nog die nuwe dominee met ʼn
spens vol kruideniersware. Hulle brei
ʼn paar babakouse vir die nuwe baba in
die gemeente of stuur ʼn bord kos vir
iemand wat siek of hulpbehoewend is.
Ja, selfs die pastorie se Labrador kry
hulle gevriesde braaivleisbene. Hulle
dink aan alles.
“As die susters aktief in ʼn gemeente
is, is die hele gemeente aktief — dit
werk net so,” was die goeie raad wat ek
gekry het toe ons op pad was na ons
eerste gemeente. Op Nylstroom was die
wyksusters en die susters ʼn formidabele
span. Hulle kon kos maak vir ʼn koning.
Organiseer en werk soos bye. Ons kon
geld insamel vir ons eie kombuis, ons
leefdinge
kon toe vir die eerste keer ons eie sleutel
hê… ons eie identiteit uitdra. Die susters
was die hartklop, hulle het werklik die
pas aangegee en die hele gemeente het
ingeskakel.
Ek was met ʼn groot beklemming stad
toe en het nie geweet wat om te verwag
nie.
Ons eerste sustersbyeenkoms was
ʼn groot verrassing want bykans 20
susters het opgedaag. Vir ʼn ysbreker het
ons klein blokkies met tandestokkies
gebrei en baie pret gehad. Die gebreide
blokkies het op ʼn hopie gelê en ek het
my nie verder daaraan gesteur nie —
want ek wou maar net die ys breek.
Die eerste Nagmaal-ete breek aan.
Ek word vorentoe geroep. Een van die
susters het al die blokkies aanmekaar
gewerk en sy en haar man het dit
geraam. Die raam met die blokkies
breiwerk is daarna op ʼn horlosie
gemonteer met die GKSA 150 se wapen
“Klein voor God,” daarby.
“Dit is nou ʼn blywende aandenking
van die susters se klein begin wat in
hierdie gemeente tot groot seëninge
gaan groei,” sê die suster aan my wat
alles in die geheim gereël het.
Ek het in die jare in die pastorie geleer
dat ʼn mens moet luister as ʼn wyksuster
met ʼn voorstel kom. Hulle het ʼn spesiale
aanvoeling, ʼn eiesoortige roeping en
hulle doen dit omdat hulle vir die Here
en hulle gemeente lief is.
Ek antwoord my kind uiteindelik.
“Jy is nou ʼn volwaardige suster in die
gemeente. Jou dae om ʼn wyksuster te
wees kom dalk gouer as wat jy dink!”
En in my hart bid ek dat sy haarself
diensbaar sal maak sodat daar eendag
ook van haar gesê sal word dat sy ywerig
gewerk het in haar gemeente.
Met dank aan Trifena en Trifosa.
VROUEBLAD Julie 2012
19

leefdinge
“Jy moet volgende jaar
Saamtrek toe gaan”
‘n Saamtrekganger vertel
20 VROUEBLAD Julie 2012
DEUR ALIDA VAN GRUISBANK (SKUILNAAM)

Ek was die 10de Maart 2012 weereens
by ʼn Sustersaamtrek en soos in die
verlede het ek dit weer baie geniet. Ek
haal my hoed af vir die susters wat dit
aangebied het.
Die tema Gelowig vrou in die hande
van dié Pottebakker het my laat dink aan
al die dinge wat rondom die skepping
van ʼn pot gebeur. ’n Mens kry mos
verskillende soorte klei soos porselein-,
erdeware- en steenwareklei. Ons
programleier was so ’n porseleinklei
mens. Fyntjies, netjies en belese. Sy het
so gemaklik uit Langenhoven aangehaal
dat ons lekker kon saamlag.
Die predikantsvrou was ook so ʼn ou
fyn porselein mensie. Maar sekerlik ook
baie sterker as wat porselein partykeer
voorkom, want om so ’n smaakvolle
onthaal te organiseer moet ’n mens hare
op jou tande hê en staal in jou are.
Die spreker van die oggend het gesê
dat ons almal uit dieselfde aarde kom –
en hoe waar is dit nie van ons almal nie.
Die porseleinklei, die erdeware en die
steenklei kom ook almal uit die aarde.
Die porseleinklei is baie gesog. China
en Japan het van die beste. Ons weet
almal van die mooi porselein wat al jare
daarvandaan ingevoer word. Ek het al
gehoor dat daar naby Kaapstad ook van
die beste porseleinklei in Suid-Afrika
is. Erdeklei kan ’n mens amper enige
plek uithaal, sommer in jou agterplaas
of langs die spruit. En as ons gewone
outjies soos erdeware is, dan weet ’n
mens hoekom die Here so baie van ons
gemaak het.
En steenware is so ’n mengsel van die
twee. Growwer as erdeware, tog baie
sterker as albei – porselein en erdeware.
Porseleinklei word baie fyn gemaal en
as slip of baie slap klei gebruik om in ’n
vorm te giet en te maak tot fyn artikels.
Steenware en erdeware kan eerder met
die hand of op ’n wiel gevorm word tot
gebruiksartikels. Maar almal moet teen
’n baie hoë temperatuur gebak word.
Eers tot bisque ware, daarna geglasuur
en weer gebak. Eers dan is dit waterdig
en bruikbaar.
Op enige stadium kan die klei weer
fyngemaal en teruggegooi word in die
groot houer om weer van vooraf gebruik
te word.
En die dinge wat met ons gebeur is
ook aards – soos die klei. Dit gebeur
met ons almal. Ons word gebore, lewe
’n rukkie en dan sterwe ons. En dan
gaan ons weer in die aarde in en word
stof. Maar deeltjies van ons gaan in ons
kinders en kleinkinders in. Dan sê die
mense: “Haai, jy lyk nes jou ma” of “Jy
aard so reg na jou ouma, sy was ook
so...”
So word ons ook gebrei en gevorm en
gebak tot bruikbare artikels. Maar ons
word hoe ouer, hoe sterker.
Ons spreker, ds. Christo Swanepoel
het gesê dat ons Geloofsbelydenis uit
twee dele bestaan. Die eerste deel gaan
oor wat jy glo en die tweede deel gaan
oor die Here se kerk. Die Here werk
nie buite sy kerk om nie. Omdat ons
klei is, maak die Here ons mooi en
bruikbaar. Deur sy kerk gee Hy aan ons
vier gawes naamlik die gemeenskap met
gelowiges, die vergewing van sondes, die
wederopstanding en die ewige lewe. Die
eerste twee kry jy hier op die aarde, en
die ander twee kry jy eendag. Niemand
kry dit buite die kerk nie.
Met so ʼn Sustersaamtrek haal ons ons
beste uit. Ons staan vroeg op en trek
ons beste klere en skoene aan en met
’n opgewonde gefladder in die maag,
soen ons ons geliefdes en weg is ons.
Langs die pad gesels ons so lekker oor
allerhande dinge: die kos wat ons vir
die agtergeblewenes gemaak het, al
die geskarrel om alles gereël te kry en
almal gelukkig te laat voel en natuurlik
voel ek skuldig. Ek moes maande lank
spaar om die geldjies bymekaar te kry
om te gaan, maar ek weet: Dit gaan vir
my ʼn heerlike dag bring, wonderlike
leefdinge
Daar waar die Saamtrek is, voel ons soos een groot
familie en ons is verbaas om agter te kom dat daar so
baie van ons is wat eenders voel
geselskap, pragtige voorbereide kos,
altyd baie mooi blomme en ’n mooi
aandenking en ʼn uitstekende boodskap
wat ons sal onthou tot volgende jaar.
Dis alles dinge waarvan ons vrouens tog
hou.
Daar waar die Saamtrek is, is almal
vriendelik en kry ons ou vriende,
lidmate van vorige gemeentes en verlore
klasmaats en ons lag en gesels tog te
lekker. Gewoonlik sing ons ook hartlik
saam en luister ons na pragtige musiek.
Daar voel ons soos een groot familie en
ons is verbaas om agter te kom dat daar
so baie van ons is wat eenders voel oor
die lewe. In ons klein gemeentes is ons
maar min, en ons dink nie daarbuite is
nog baie ander wat bely soos wat ons
bely nie.
As ek dan Maandagoggend na die
Saamtrek ’n teksboodskap (SMS) van
my vriendin kry waarin sy sê dat dit vir
haar voel asof sy net huisskoonmaak,
was en stryk en kos maak, dan kan ek
eerlik vir haar sê: “My dierbare vriendin,
jy moet volgende jaar Sustersaamtrek
toe gaan, want daar word jy weer
gevoed en gelaaf. Dan sal jy weer ’n
hele jaar kan teer op die mooi en die
bemoediging wat jy daar gekry het. Dan
sal jy weer besef dat jy uniek is: ’n kind
van die almagtige Vader wat gewil het
dat jy in Suid-Afrika moet bly, dat jy
aan sy kerk moet behoort en sy Woord
moet uitdra. Dan sal jy weer besef wat
jou waarde is en hoe nodig jy is. Ja, ook
om huis skoon te maak, man en kinders
te versorg, maar ook om te besef dat jy
deel is van die Bruid van Jesus Christus
en jou moet voorberei vir die dag
wanneer jy Hom gaan ontmoet.
Geloof maak alles anders. As nuwe
mens kry jy die ewige lewe en leef jy
nou reeds in verhouding met die Here.
Hy buig jou en vorm jou – en jy mag nie
jou vorm misken nie.
VROUEBLAD Julie 2012
21

Pottebakker
22 VROUEBLAD Julie 2012
LyDENBURG IS MOS ‘N OU KOEL
KOLLETJIE WAT VASKLOU AAN DIE
SOOM VAN DIE WARM LAEVELD
EN, PRAKTIES SOOS ONS VROUENS
MAAR IS, WORD DIE WARM WEER
IN AG GENEEM WANNEER ONS
LAEVELDSUSTERS SAAMTREK.
Die roomtertjies en hoenderpastei is mos ook
‘n belangrike deel van die dag! Ons saamtrek
word dus later gereël wanneer die Laeveld se
ergste hitte oor is. Daarom het datums gebots:
Die saamtrek sou plaasvind op dieselfde naweek
as ons jaarlikse gemeente-verrykingskamp.
Albei is ewe belangrik: Ons wou niks misloop
nie. Na behoorlike kajuitraad het die troepe
toe die wapenrusting aangetrek, dis nou ons
mooi kleertjies, die perde opgesaal, dis nou die
Kombi’s en karre en na ons bure toe oorgeloop
om in die heerlikheid van hulle saamtrek te deel.
Daar aangekom vind ek toe dat ons
“vreemdelinge” maklik die “sjibbolet” toets
kon slaag (Rigters 12:5,6): Daar was nie ‘n enkele
vreemdeling onder ons nie. Die gesigte wat ons
daar verwelkom het was miskien vreemd maar
verder was ons soldate van een leër. Wat maak ‘n
onbekende gesiggie saak as die hart bekend is?
Daar was ‘n aura, ‘n samehorigheidsgevoel van
mense wat saam hoort omdat hulle met een doel
bymekaar gebring is: Susters in Christus.
Die keurig getooide saal was gevul met
jubelende vrouens: Die Pottebakker se potte van
slotwoord
verskillende groottes, kleure, fatsoentjies en
talente. ‘n Saal vol handgemaakte kruike en
potte met ‘n bekende lig wat so mooi deur
die krakies skyn, want krakies het sy sondige
kinders maar almal.
Gekonfronteer met die tema, kon ek nie
anders as om te onthou hoe ek gesukkel
het om uit ‘n stuk nat klei iets sinvols te
maak nie. ’n Mens moet mos die klei
hardhandig bykom, dit neersmyt en brei
totdat dit meegee in jou hande en sag en
plooibaar word. Dan eers kan die vormingsproses
begin. Dis ‘n moeilike proses. Die
klei wriemel op die wiel en wurm al skeef
eenkant toe en dan anderkant toe. Dit
spring van die wiel af in ‘n hopelose nat
bondel. Dan begin die proses van voor af.
Optel, brei, weer voor begin. As dit skeef en
krom droog word kan dit weer gebreek en
sag gemaak word. Uit dieselfde klei kan ‘n
splinternuwe “iets” kom. Die klei word nie
weggegooi nie.
Hoe ongelooflik van pas dié tema, dink
ek. Duidelik kom die boodskap deur: God
gooi nie sy klei weg nie. Deur al die eeue
het die simboliek van die Pottebakker en
ons, sy klei, treffend en so verstaanbaar
die boodskap oorgedra. In Bybelse tye
was geletterdheid min maar potte bak
‘n baie bekende en belangrike bedryf, ‘n
onontbeerlike deel van daaglikse bestaan.
Potte en kruike van verskillende vorms en
gebruike is moeisaam vervaardig en versier.
Trouens argeoloë kan ‘n pot of potskerf
lees soos ‘n koerant. Die vorm, versierings,
selfs net die oorsprong van die klei vertel
van leefstyle, modes, kulture wat andersins
verlore sou wees.
Toe wonder ek so hier diep binne: Wat
gaan die groot argeoloog van hierdie pot
wat ek is, lees as ek onder die stof uitgehaal
word? Ek weet hierdie pot is gekraak, maar
solank daar lig deur skyn is daar nog werk
vir dié ou pot. God het in al sy potte lig
gesit en elkeen het sy spesifieke kolletjie om
te verlig. Geen pot is sonder doel gemaak
nie. Geen pot meer werd as ‘n ander nie.
Wat belangrik is, is dat al sy gekraakte potte
se liggies saam moet skyn om lig te bring.
Een ou kersie is maar yl, maar dink aan die
kerskrag van ‘n ligtoring wat skepe waarsku
teen die gevare van ‘n rotsagtige kuslyn:
Van ver af kan die troostende lig gesien
word, die gesamentlike lig van baie klein
liggies red en bemoedig die verdwaalde
skip op ‘n onvriendelike see.

Augustus 2012 in
Die Gereformeerde
Vroueblad
Waar was jy?
• Waar was jy toe
Ek die aarde se
fondamente gelê
het?
• God is in beheer
• Ek weet my
(Ver)losser leef!
• Bybelstudie
Saamtrek 2013
BRIEWE: Skryf ’n brief
(SLEGS 200-250 woorde) aan
Die Gereformeerde
Vroueblad. Briewe hoef nie
by enige tema in te pas nie
– vertel ons wat leef in jou
hart; wat gebeur in jou
gemeente!
Adresse waarheen briewe
gestuur kan word, verskyn
op p. 3.
ANDER PUBLIKASIES
VAN DIE GKSA
• Die Kerkblad
• Die Slingervel (vir ons
Laerskoolkinders)
• Die Kruispad (vir ons
tieners en jongmense)
Bied ook verrykende
geestelike leesstof en kan
bestel word by die Administratiewe
Buro:
(018) 297 3986.
Werf asseblief vir ons nuwe intekenare.
Verras jou ma, dogter of vriendin met ‘n geskenk
wat die heel jaar hou en teken vir haar in.
VROUEBLAD Julie 2012
23

JULIE 2012 ~ DS. CHRISTO SwANEPOEL (GK LyTTELTON)
Geloof is om jou in God se hande te plaas voordat jy enigiets doen,
maar ook sodat jy dit kan doen. Geloofsvertroue plaas die mens in
die posisie om deur God gevorm te word. Om in die Pottebakker se
hande te wees, is ‘n voorreg want Hy wil ons perfek vorm.
Hoe groot is God tog nie!
Groot in die geskiedenis van sy
verbondsvolk.
Groot in sy verskyning aan sy
verbondsvolk.
Groot in sy verlossing aan sy
verbondsvolk.
Groot in sy opvoeding van sy
verbondsvolk – Ds. A.J. Coetzer.
Wanneer gelowiges eerbiedig
bly is in hulle werkplek, wanneer
gelowiges hulle in die wêreld
ontsagvol verheug in die Here, is
ons waarlik soos ‘n stad op ‘n berg.
Dan is ons ’n lig vir die nasies
– Ds. R.A. Bain.
God het nie die Bybel vir ons
gegee, sodat ons kennis kan
toeneem nie, maar sodat ons
lewens kan verander – Dwight L.
Moody.
Die toekoms is so helder as die
beloftes van God – Adoniram
Judson.
24 VROUEBLAD Julie 2012
Durf die lewe se probleme aan
deur op God se beloftes te vertrou
– Anoniem.
Die Heilige Skrif is ons briewe van
die huis af – Augustinus.
Ek het die laaste bladsy van die
Bybel gelees. Dit gaan alles reg
uitwerk – Billy Graham.
Dit waarop jy vertrou, waaraan jou
hart vasklem, dit is jou God
– Martin Luther.
Hoe rustig kan ons ons in die hande
toevertrou van dié Een wat die hele
wêreld vashou – Jean P. Richter.
Vertrou op Jesus en jy is verlos.
Vertrou op jouself en jy is verlore
– Charles Spurgeon.
Ek loop stadig, maar ek loop altyd
vorentoe – Abraham Lincoln.
Soveel mense is sonder
lewensvreugde omdat hulle net
lewensgenot soek – Sirius.
God se beloftes is nooit te goed
om waar te wees nie – Dwight L.
Moody.
Soos ons vadere vertrou het, leer
ook ons vertrou, o Heer. Met
ons land en met ons nasie sal
dit wel wees, God regeer – C.J.
Langenhoven.
Ons vind vryheid as ons God vind;
ons verloor vryheid as ons Hom
verloor – Paul E. Scherer.
Moed is vrees wat gebid het –
Lewis Smedes.
Net hulle wat die onsienlike sien,
kan die onmoontlike doen
– Francois de la Rochefoucauld.
Dit is juis wanneer dit lyk of God
ons heeltemal verlaat het, dat ons
ons volledig aan Hom moet oorgee
– Francois Fenelon.