universiteit van suid-afrika skool vir rekeningkundige wetenskappe

UNIVERSITEIT VAN SUID-AFRIKA
SKOOL VIR REKENINGKUNDIGE WETENSKAPPE
INLIGTING OMTRENT DIE HONNEURS BCom-,
HONNEURS BAdmin-, MAGISTER- EN DOKTORSGRADE
Raadpleeg Deel 1 van die Jaarboek ten opsigte van die algemene
reglemente vir toelating tot nagraadse studie, dokumente wat studente se
aansoeke om toelating moet vergesel, die aantal vraestelle waarvoor
hulle moet registreer, herregistrasie, duur van studie, aansoeke om
kansellasie, ensovoorts.
Hierdie BCom Honneursgraad is nie bedoel as voorbereiding vir die
kwalifiserende eksamen van die Openbare Rekenmeesters- en
Ouditeursraad vir professionele rekenmeesters nie. Studente wat
begerig is om as Openbare Rekenmeesters en Ouditeure te kwalifiseer,
moet vir die Honneurs BCompt-graad registreer. Die Honneurs
BCompt-graad word deur die Skool vir Toegepaste Rekenmeesterskap
aangebied. Besonderhede omtrent die Honneurs BCompt-graad
verskyn in 'n afsonderlike brosjure wat gratis op aanvraag van die
Registrateur (Akademies) verkrygbaar is.
1. Gelyktydige registrasie vir 'n voorgraadse kursus/module(s)
vir niegraaddoeleindes
Studente kan slegs met die spesiale toestemming van die Senaat
vir hoogstens een voorgraadse kursus of die ooreenstemmende
aantal modules op dieselfde vlak vir niegraaddoeleindes (NGD)
gelyktydig met 'n Honneurskursus registreer, en op voorwaarde
dat die NGD-kursus/module(s) verband hou met hul
Honneursstudie, of indien hulle 'n skriftelike motivering wat vir
die Universiteit aanvaarbaar is, voorlê. Let asseblief daarop dat
studente voor die sluitingsdatum vir registrasie vir die
voorgraadse kursus/module(s) aansoek moet doen om
toestemming vir gelyktydige registrasie.
2. Algemeen