Vrugtevlieë – wees wakker deur die winter - Canning Fruit ...

NR
NO 193 APRIL 2010
INHOUDSOPGAWE - CONTENTS BLADSY / PAGE
OORLEWINGSFASE VIR DIE INMAAKBEDRYF 2
CANNING INDUSTRY REPORT 3
DROëVRUGTE PRODUKSIE 4
AMERIKA SE VOEDINGSKEMAS 4
BEMARKINGSKANALE VIR APPELKOSE, TAAIPITPERSKES & PERE 5
NAVORSING VIR DIE INMAAKVRUGTEBEDRYF 6
ARBEIDSAKE: VERBLYFREG OP PLASE 7
”WE HAD EVERYTHING BEFORE US,
WE HAD NOTHING BEFORE US …..…” 9
PITTE IN DIE BOS / FRUIT BITS 11
DAGBOEKDATUM 12
NUUSBRIEF uitgegee deur die NEWSLETTER issued by the
INMAAKVRUGTE PRODUSENTE VERENIGING CANNING FRUIT PRODUCERS’ ASSOCIATION
Hoofstraat 258 258 Main Street
Posbus 414 P O Box 414
PAARL 7620 PAARL 7620
TELEFOON: 021-8721401 TELEPHONE: 021-8721401
FAKSIMILEE: 021-8722675 FAX: 021-8722675
Email: inmaak@mweb.co.za Website: www.canningfruit.co.za
REDAKTEUR / EDITOR : WIEHAHN VICTOR
Reproduction of articles from this Newsletter to acknowledge DIE KRAT and author.
Herdruk van artikels in hierdie Nuusbrief moet DIE KRAT en die skrywer erken.
____________________________________________________________________

2.
OORLEWINGSFASE VIR DIE INMAAKBEDRYF
Soos elders in hierdie KRAT gerapporteer, was die bedryf geseën met goeie oeste vir die
2009/2010 seisoen. Die produksiejaar was goed en oesweer oor die algemeen gunstig. Die
probleem vir die bedryf lê egter in die bemarkingsjaar met die stram wêreld ekonomiese toestande
en „n sterk Rand.
Bulida appelkose het „n “aanjaar” beleef met bykans 50 000 ton appelkose wat geoes is. Dit is „n
goeie oes van bykans 6 000 ton meer as verlede jaar in „n oorvol mark met „n sterk Rand, wat
verdienste negatief beïnvloed. Die grootste produksie probleem was dat die appelkose oor die
algemeen kleiner vrugte opgelewer het. Kleiner vrugte het noodwendig „n invloed op plukkoste
en snykoste/verwerkingskoste in die fabriek.
Die taaipitperske-oes was in totaal min of meer diselfde as die afgelope drie jaar. Minder perskes
is egter versap, weens die uiters swak mark vir puree. Om die volume te balanseer is meer perskes
vir die vars- en droogmark gelewer. Gehalte was goed met kleiner perskes die grootste probleem
vir die bedryf. Die koel lente en vroeë somer het beslis steenvrugte se ontwikkeling negatief
beïnvloed.
Die Bon Chretien peeroes was volgens skatting dieselfde as die afgelope aantal jare. Met minder
pere wat uitgevoer is, het die verwerkers meer pere gekry wat geredelik ingeneem is. Die
uitgerekte blomperiode het wel „n invloed gehad op die gehalte van die pere, veral tydens die
rypmaak proses.
In geheel het bitter min van hierdie goeie oes verlore gegaan en is daar „n huis gevind vir die
meeste van die vrugte. Die feit is egter dat die vrugte „n plek gevind het, maar teen „n laer prys.
Laer geprojekteerde pryse, kwotas en swakker betalings sal oor die algemeen meebring dat
produsente aansienlik minder vir vrugte gaan ontvang vir die 2009/2010 oes. Hierdie swakker
betalings moet gesien word in die lig van verhoogde produksiekoste op die plaas. Die punte van
inkomste en uitgawes gaan eenvoudig mekaar nie ontmoet nie.
Die verwerkers het vrugte verwerk volgens beplanning, gegewe die stram marktoestande en
oordrag voorrade op hande. Die positiewe is dat die huidige voorraad gekontrakteer is en dat
verskepings goed volgens plan verloop. Die pryse vir ingemaakte vrugte in vreemde valuta is min
of meer op dieselfde vlak as die vorige jaar, terwyl pryse vir puree steeds baie laag is. Die enigste
ligpunt vir pulp en puree is dat die volume besig is om te beweeg teen baie lae pryse na die Chili
aardbewing.
Die sterk Rand is egter die grootste enkele probleem wat die bedryf tans in die gesig staar. Dit is
eenvoudig net nie moontlik om winsgewend te wees in „n bedryf wat 90% van sy produk uitvoer
en gemiddeld 20% minder ontvang na die wisselkoers se effek op terugbetalings nie. En dit dan
gegewe dat geproduseer word in „n land waar die gemiddelde inflasiekoers 6% tot 10% (of selfs
hoër vir sommige insette) is nie. Die wisselkoers dryf die bedryf in „n oorlewingsfase.
In die vorige KRAT is gerapporteer oor die regeringshulp wat die inmaakbedrywe in Chili (reeds
voor die aardbewing) en Griekeland ontvang. In hierdie KRAT word verwys na Amerika wat
ingemaakte vrugte aankoop vir voedingskemas. Hierdie aankope om behoeftige persone met
voedsel te ondersteun sou bykans 60% van die totale Suid-Afrikaanse produksie opneem. Die
punt is: regerings ondersteun hul mense met voedingsprogramme, sagte lenings, produksiehulp,
ensovoorts, in oorlewingstye.
Dis oorlewingstyd !! In Suid-Afrika smag ons net verlangend na
“water in die woestyn”.
-
-
-
- Wiehahn Victor

3.
CANNING INDUSTRY
REPORT: APRIL 2010
CANNED FRUIT EXPORTERS NEED A NEW RAND POLICY
With the rand debate continuing in the media - with specific reference to the effect
that the overvalued currency is having on South African exports – it would be remiss
of me not to reiterate that the reality facing the fruit canning industry is factory
closures and significant job losses.
While the exchange rate against the dollar and pound is at the same levels it was a
decade ago, we have to take into account that the South African inflation rate has
been considerably higher than that of our trading partners, notwithstanding any
productivity improvements by local industry. Currently the inflation rate differential is
too high for any export industry.
Add to this the current rate of exchange being approximately 20 percent stronger
than this time last year, as well as the industry having to absorb significant local input
cost escalations, including the increased cost of cans and the much publicised recent
electricity increases.
Exacerbating this is the fact that we do not have equitable access into key markets,
as well as the fact that we are up against the non-reciprocal treatment of duty-free
access of EU products to the local market.
What now faces us is a particularly bleak outlook for an industry that is responsible
for over 30000 jobs. We are of the opinion that South Africa cannot afford further job
losses and more-over that future employment opportunities need to be created.
Industrialisation is the best way to achieve this, but it will require a stable and
competitive currency over a period to support the sustainability of export of agriprocessed
and other value-added manufactured goods.
Therefore we once again stress the urgency with which we are appealing to the
industrial policy action plan to look to catering for both long- and short-term
stabilisation measures in order to achieve the industry’s long-term growth potential,
which is backed by sound economic and consumer studies.
Sustaining the industry will not be possible in the absence of both an enabling
environment for exporters supported by a stable and competitive currency, as well as
an appropriate industrial policy.
- RUDI RICHARDS, CHAIRMAN, SAFVCA

4.
DROëVRUGTE PRODUKSIE
Die produksie van gedroogde boomvrugte in gedroogde tonne oor die afgelope vyf jaar word in
die onderstaande tabel gegee. Finale syfers vir 2010 is nog nie beskikbaar nie, maar aanduidings
is dat die droëvrugte seisoen oor die algemeen goed verloop het met meer vrugte wat beskikbaar
was. Oor die algemeen was die gemiddelde vruggrootte kleiner as normaal, maar origens was die
gehalte deurgaans goed.
Vruggrootte 2005 2006 2007 2008 2009
Priume 2 600 1 100 1 000 1 089 1 127
Appelkose 1 296 1 520 1 351 1 143 1 329
Appels 91 25 122 172 112
Perskes 1 208 1 307 1 490 1 442 2 001
Pere 680 938 1 074 1 086 1 012
Nektariens 0 0 62 65 117
Ander 0 0 0 0 14
Totale boomvrugte 5 875 4 890 5 099 4 997 5 712
Bron: DROëVRUGTE TEGNIESE DIENSTE
AMERIKA SE VOEDINGSKEMAS
Vir die fiskale jaar geëindig 30 September 2009, het die United States Department
of Agriculture (USDA) R4 500 miljoen spandeer vir aankope van vrugte en groente
vir voedingskemas in Amerika, wat 25% meer was as die vorige jaar. Die grootste
aankope was vir ingemaakte perskes van amper R400 miljoen. Verder is R250
miljoen se ingemaakte vrugtekelkie, R236 miljoen se ingemaakte pere en R64 miljoen
se ingemaakte appelkose aangekoop.
Die aankope deur die USDA is vir skoolvoedingskemas en ander agentskappe, wat
behoeftige persone met voedsel ondersteun. Die aankope van ingemaakte vrugte en
groente reflekteer die volgende:
(1) Ingemaakte produkte is goeie waarde vir geld en is meestal die goedkoper
alternatief per bediening;
(2) Dit voorsien aan die benodigde voedingswaarde;
(3) Die ingemaakte produkte is “ready-to-eat”;
(4) Die verpakking is volgens behoefte.
- PEACH FUZZ

5.
BEMARKINGSKANALE VIR APPELKOSE, TAAIPITPERSKES EN PERE
In die onderstaande tabel word die voorlopige inname syfers van appelkose, perskes en
pere in ton vir die afgelope seisoen gegee en vergelyk met die voorafgaande vier jaar se
ooreenstemmende syfers. Alhoewel dit voorlopige syfers is, behoort die finale syfers nie
wesentlik te verskil nie. Verder moet daarop gelet word dat die syfers vir droog en vars „n
geskatte tonnemaat is.
Vrugsoort
BULIDA APPELKOSE
Ingemaak
Sap en Pulp
Sub-Totaal
Vars
Gedroog
TOTAAL
TAAIPITPERSKES
Ingemaak
Sap en Pulp
Sub-Totaal
Vars
Gedroog
TOTAAL
BON CHRETIEN PERE
Ingemaak
Sap en Pulp
Sub-Totaal
Vars: Plaaslik
Gedroog
TOTAAL
Uitvoer
ANDER VARIëTEITE PERE
Ingemaak, Sap en Pulp
2005/2006
40316
12028
52344
800
800
53944
85492
13560
99052
22000
9000
130052
49709
10121
59830
5000
25750
5000
95580
25373
2006/2007
25384
7954
33338
800
800
34938
100921
25409
126330
26000
10000
162330
52438
10558
62996
5000
23750
5000
96746
28000
2007/2008
38898
12300
51198
800
800
52798
97835
28105
125940
25000
9000
159940
51703
13652
65355
4000
29000
4500
102855
30000
2008/2009
Bron: INMAAKVRUGTE PRODUSENTE VERENIGING
31190
11123
42313
800
800
43913
95481
27751
123232
24000
9000
156232
45467
16613
62080
3000
30257
4000
99337
30712
2009/2010
35438
11663
47101
800
1500
49401
98000
20460
118460
26000
10000
154460
50150
14830
64980
3000
28000
4000
99980
26000

6.
NAVORSING VIR DIE INMAAKVRUGTEBEDRYF
Die Inmaakvrugtebedryf gaan meer as R1 miljoen spandeer aan navorsingsprojekte op plaasvlak in
die 2010/2011 boekjaar. Die navorsing word deur LNR Infruitec-Nietvoorbij en die Universiteit
van Stellenbosch vir die bedryf gedoen. Teel en evaluasie van nuwe kultivars en onderstamme
vorm die basis van die navorsingsprojekte. In die onderstaande tabel word die projekte en bydrae
van die bedryf vir die afgelope twee jaar gegee. Hierdie projekte word gefinansier deur die IPV
ledeheffings en kom dus uit die produsent se sak. A-prioriteite is aan alle projekte toegeken.
Projek Titel 2009/10 2010/11
LNR INFRUITEC-NIETVOORBIJ
Teling en Evaluasie
210002 Teling van peerkultivars 33 037 35 019
210003 Teling van perske- en nektarienkultivars 164 134 173 982
210004 Teling van steenvrugonderstamme 44 075 46 720
210007 Teling van appelkooskultivars 139 006 147 346
210009 Fase 2 evaluasie van peerkultivars 20 079 21 284
210010 Fase 2 evaluasie van perske- en nektarien-kultivars 125 897 133 451
210012 Fase 2 evaluasie van appelkooskultivars 52 606 55 762
210029 Evaluasie van nuwe geteelde steenvrug onderstamme 27 500 29 150
282031 Tweede Ekonomie: Teel en Evaluasie 7 556 8 009
Sub-Totaal 613 890 650 723
Tuinbou
220006 Evaluasie van perske onderstamme 84 418 89 483
220008 Evaluasie van appelkoosonderstamme 48 079 50 964
Sub-Totaal 132 497 140 447
Na-oes en Verwerkingstegnologie
270002 Evaluasie van nuwe kern- en steenvrugkultivars: inmaak 143 482 152 091
Bio-Tegnologie Afdeling
Embrio Kultuur tegnieke vir die teling van vroeë perske variëteite 16 237 17 211
Totaal (LNR Infruitec-Nietvoorbij) R906 106 R960 472
UNIVERSITEIT VAN STELLENBOSCH
Aanpassing van uitdunnorme vir inmaakperskes: Mnr Gustav Lötze 34 000 36 040
Nuwe Projek – Verbouingsriglyne: Mnr Gustav Lötze 40 000 30 000
Oesskattingsmodel: Dr Elmi Lötze 24 200 25 652
ELISA Toetsstelle vir Sagtevrugte Plantverbeteringskema 30 000 -
Totaal (Universiteit van Stellenbosch) R128 200 R91 692
Groot Totaal
R1 034 306
R1 052 164

7.
ARBEIDSAKE: VERBLYFREG OP PLASE
In die vorige KRAT artikel is daar gepoog om meer duidelikheid te verskaf rondom die prosedure
wat gevolg moet word in die geval van „n uitsetting van „n okkupeerder wat voor 4 Februarie 1997
„n okkupeerder geword het. In hierdie laaste artikel rondom verblyfreg op plase word daar veral
gefokus op die prosedure vir uitsetting van „n person wat na 4 Februarie 1997 „n okkupeerder
geword het.
In die geval van „n persoon wat VOOR 4 Februarie 1997 „n okkupeerder geword het, mag „n Hof
„n uitsettingsbevel toestaan indien die persoon:
- Doelbewus en wederregtelik iemand anders wat op die grond bly, skade aangedoen het;
- Doelbewus die eiendom van die boer beskadig het;
- „n Bedreiging is vir ander okkupeerders wat op die grond woon; en
- Ander ongemagtigde persone gehelp het om „n nuwe woning op die plaas op te rig.
Die uitsetting van „n okkupeerder wat NA 4 Februarie 1997 „n okkupeerder geword het, lê ietwat
ander vereistes aan die deur en moet daar oorwegings van „n ander aard in gedagte gehou word:
Vir die uitsetting van „n okkupeerder wat na 4 Februarie 1997 „n okkupeerder geword het, kan die
Hof „n uitsettingsbevel toestaan indien dit regverdig en billik sou wees om dit te doen. Dit maak
die proses van uitsettings ietwat meer gekompliseerd aangesien daar nou oorwegings van
regverdigheid en billikheid na vore, tree wat nie die geval was met die situasie voor 4 Februarie
1997 nie.
Om die regverdigheid en billikheid van „n uitsetting nou te bepaal, word daar oorweging geskenk
aan die volgende aspekte:
- Hoe lank woon die okkupeerder op die plaas?
- Die billikheid van die ooreenkoms waarop die grondeienaar steun om die okkupeerder uit
te sit;
- Die beskikbaarheid van geskikte alternatiewe akkommodasie vir die okkupeerder;
- Die rede vir die beoogde uitsetting; en
- Die opweeg van die belange van die okkupeerder, die grondeienaar en die ander
okkupeerders indien die Hof „n bevel vir uitsetting sou gee.

8.
Wat die billikheid van die ooreenkoms (hierbo na verwys) betref waarop die grondeienaar steun
vir uitsetting, die volgende: Dit is belangrik dat enige akkommodasie ooreenkoms met groot
omsigtigheid benader en sodanig geformuleer word dat daar geen onduidelikheid vir beide partye
(d.w.s. grondeienaar/werkgewer en werknemer/okkupeerder) bestaan nie. Indien die man en vrou
getroud is en beide van hulle uitdruklike toestemming ontvang het van die Werkgewer/boer om op
die plaas te woon, is albei onafhanklike okkupeerders. Dit impliseer - by wyse van voorbeeld - dat
indien die grondeienaar/boer uitdruklike toestemming aan beide die man en vrou verleen het om
op die plaas te bly, en nou „n uitsettingsbevel aanvra op grond van „n ooreenkoms, wat die
werkgewer/grondeienaar slegs met die man aangegaan het, kan die paartjie aanvoer dat hul
uitsetting onbillik is omdat hierdie uitsettingsbevel die vrou se status as „n okkupeerder ignoreer.
Daar moet ook verder oorweging geskenk word aan die regverdigheid van die uitsettingsbevel.
Indien die ontslag van „n werknemer/okkupeerder uit diens van die werkgewer plaasvind en
sodanige ontslag as rede vir die aansoek om die uitsettingsbevel aangevoer word, sal die wyse
waarop die werkgewer die werknemer se diens beëindig het onder die soeklig geplaas word.
Derhalwe is dit belangrik dat die Werkgewer te alle tye seker maak dat beide „n prosedureel asook
substantief billike proses gevolg word met alle dissiplinêre ondersoeke en verhore. Indien daar
gevind word dat die werknemer se ontslag op „n onbillike wyse geskied het, kan die Hof beslis dat
dit nie regverdig en billik sal wees om „n uitsettingsbevel toe te staan nie.
Dit is belangrik om daarop te let dat geen okkupeerder sonder die nodige hofbevel uit „n huis gesit
mag word nie. Dit is „n strafbare oortreding in terme van ESTA om „n okkupeerder uit te sit
sonder „n hofbevel en die okkupeerder kan „n strafregtelike klag teen „n grondeienaar/werkgewer
aanhangig maak indien hy/sy sonder „n hofbevel uitgesit is.
„n Laaste word in verband met verblyfreg op Plase: Daar word kennis geneem van die
grootskaalse frustrasie wat dikwels voortspruit uit „n versuring van die werksverhouding tussen
die werkgewer en die werknemer wat dikwels „n diensbeëindiging en „n gevolglike vereiste om
huise te ontruim. Impulsiewe optrede deur die grondeienaar/werkgewer in die verband kan egter
„n baie duur en onnodige regsproses meebring. Derhalwe is dit belangrik dat die Werkgewer sy
behuisingsooreenkomste met werknemers goed moet bestudeer en seker maak dat beide partye
deeglik die inhoud asook implikasies daarvan verstaan. Slegs deur „n konstruktiewe en oop
werksverhouding tussen die werkgewer en werknemer kan probleme rondom behuising op plase in
„n wen-wen situasie opgelos word.
VIR ENIGE VERDERE INLIGTING
EN/OF HULP BETREFFENDE ARBEIDSAANGELEENTHEDE
SKAKEL DR. LEON BOSMAN (SELFOON: 083-414-5679)
Sekere mense bring vreugde waar hulle ookal gaan,
ander,
wanneer hulle gaan…..
- Oscar Wilde

9.
“WE HAD EVERYTHING BEFORE US, WE HAD NOTHING BEFORE US…”
“It was the best of times, it was the worst of times,
it was the age of wisdom, it was the age of foolishness,
it was the epoch of belief, it was the epoch of incredulity,
it was the season of Light, it was the season of Darkness,
it was the spring of hope, it was the winter of despair,
we had everything before us, we had nothing before us,
we were going direct to Heaven, we were all going direct the other way - ….”
- Charles Dickens 1859
So dreig ek al jare om die ‘A tale of two cities’ te lees en Vrydag tel ek die boek op en begin lees.
Bogenoemde, die inleidende paragraaf van die boek…net sowel Suid-Afika 2010! Ek lees die paragraaf voor
vir my huismense en sowaar, daar haal Ds Nico Smit die paragraaf aan as tekenend van ons land, in die
Fokus gesprek van Sondagaand met Lynette Francis op SABC2.
Met die paasnaweek agter die rug en die laaste naweek van die skoolvakansie wat voorlê, lees ek met `n
inhaal ywer. Eers klaargemaak met ‘Die neukery met die appelboom’, uitgegee 1991 en geskryf deur die
boerefilosoof Marthinus Versfeld en daarna ‘The book of unholy mischief’ wat handel oor Venesië tydens
1498. Elke koerant is gelees van voor na agter, op hoogte met Malema, ET, 2010, Suid-Afrika se
skrikwekkende geweld, poltikusse se gekonkelrye en besondere swak leierskap, en die sakeblaaie se
gegoëlery met getalle… Na al die lesery is ek `n paar dinge wyser:
Swak leierskap gemeng met selfsug, hebsug, beperkte wysheidsvlakke en opgeblase ego’s, het die
wêreld al onberekenbaar baie skade berokken.
Gesien in die lig van die Suid-Afikaanse rassespanning, wat opgelaai het oor die laaste paar maande, is die
grootste faktor wat aanleiding daartoe gee, swak leierskap. Dubbelsinnige boodskappe, tweekantige
menings, wat verander soos die wind waai vanuit ons leierskorps, verwar en saai tweespalt. Die verwarring
en verdraaiing, wat doelbewus geskep en uitgebuit word deur politici, sakemanne en ander opportuniste in
eie-belang, is so oud soos die wêreld self. Die kwessie dat leiers meer in eie-belang handel as in
landsbelang, onderstreep die hebsug wat tekenend is van ons leiers. Malema met sy selfverryking vanuit
staatkontrakte en `n bling-bling Sandton leefstyl, President Zuma se 134 privaatmaatskappye tussen die 15
volwassenes in sy uitgebreide huishouding, is tekenend van `n fokus op eie-belang ten koste van
landsbelang. Thoma Aquinas, in Versfeld se Neukery met die Appelboom sê: ‘jy konstrueer die wêreld
volgens die beginsels van jou eie konstitusie en dus soos jy is, sal jy dinge ervaar’. As landsleier, indien jou
eie konstitusie jou eie-belange voorop stel, sal jy nie in staat wees om in landsbelang te kan optree nie. Die
ego het nie `n gewete nie en `n opgeblase ego se persoon is foutloos en wysheid is nie sy soeke nie.
Die herhaling van die geskiedenis met soortgelyke elemente het voorgekom in die Romeinse Ryk, Venisië in
die handelsbloeitydperke, die Ou Katolieke Kerk vanuit die Vatikaan Stad, die Britse Ryk met sy magdom
kolonies, Adlof Hitler, Joseph Stalin, Haille Selassie, Idi Amin en laastens ons eie buurman Robert Groot Ego
Swak Leierskap Mugabe. Waar Suid-Afrika nou rassespanning beleef, was die elemente van spanning in die
geskiedenis tussen klasse, gelowe en volkere. Die gevaar van die huidige stand van swak leierskap in ons
land is veel erger as HIV Vigs, ekonomiese resessies, swak dienslewering, ongeskooldheid en al die ander
duiwels wat ons jaag! Die skade potensiaal hiervan kan vinnig en vernietigend spoel.

10.
Die te veel inligting van vandag is net so gevaarlik vir die mensdom soos die onthouding van
inligting van die voor-Renaissance periode, met die uitkomste presies dieselfde. Die realiteit van
vandag is `n gejaadheid inherent eie aan die moderne psige. In Mulan Kundera se Slowness hou hy `n
direkte relasie tussen ons vermoë om te onthou en die spoed waarteen dinge gebeur. Hoe vinniger dinge
gebeur, hoe minder neem ons dinge in ons dieper wese waar en is die een-oor-in-en-ander-oor-uit toestand
tipies.
Volgens Versfeld is die woord koerant van die Latynse rondhardloop afgelei – ‘so that he who runs
may read’. Ons ontvlug die hier en nou deur van almal se ellende te verneem en vanuit joernaliste
se perspektief die wêreld te bekyk. Ons verloor ons plaaslikheid en ook ons vermoë om krities `n eie
perspektief te ontwikkel. Deur die internet, koerante, nuus, sepies, blogs en tydskifte blok ons die
verwerking van inligting so dramaties dat ons verlam as toeskouers van die lewe gerangeer word.
Heel gepas vir die lam leiers is die lam volgelinge.
Die media in al sy vorme hou `n utopia voor. Ek haal aan:
‘utopia’ is `n Griekse woord wat nergensland beteken, of die plek wat nie `n plek is nie. Dit is die
toestand waarnatoe die mensdom hol en wat deur die leemte geskape is, die sug na wat ons nie het nie,
die skepsel van ons ontevredenheid met wat aktueel is. Die Utopisme is die kind van die begeerte, wat
van geen maat wil weet nie. Op sigselwe het ons begeertes geen perke nie. Die perke moet van bo af
kom, en sonder die perke skep ons begeertes die afgode waarteen die mensdom hom verpletter.
Afgode is legio, en voortaan marsjeer die onbeperkte sug na geld, mag, kennis, oorheersing en wellus.
Tussen hulle skep hul die orde, wat die onderdruktes tot revolusie aanspoor, ook deur `n begeerte om
die onderdrukkers na te boots en met hul eie illusie te vervang. Die ewige ryk van die proletariaat! Die
welbeloonde aanbidder van Mammon is die vader van `n swetterjoel klein mammonniete, wat wil
saamspan vir die gemeenskaplike diens van die afgod. Dan word daar `n volksleier gesoek, wat
homself soms aanstel om die stoet na die beloofde land te lei, en so word die Utopisme die bron van die
Tirannie. Binne elkeen van ons sit daar `n Utopis, wat die werklikheid op eie lees wil skoei. Aanskou
net al die planne vir die Nuwe Suid-Afrika! Uitnodiging tot `n nuwe droomwêreld, sodat daar dié is wat
vertwyfeld sal sê: I’ve come to be part of another dream…
- Marthinus Versfeld (1991)
Hoe meer dinge verander, hoe meer bly dit dieselfde. Of dit nou 1498, 1859, 1991 of 2010 is, die
mens bly mens en die inhoudelike van die drama’s op hierdie aarde bly amper vervelend eenders en
al wat ons leer uit die geskiedenis, is dat die mensdom oor tyd baie min daaruit leer!
We had everything before us, we had nothing before us...mag ons as landsburgers weet die hier en
nou is belangriker as die daar en later, mag ons werk vanuit menslike beperkinge en weet die mens
is nie God nie. Mag ons as burgers `n eie oorspronklike perspektief ontwikkel, wat vanuit eie
ervarings kom en nie vanuit afgeleefde steriotipes van mekaar nie. Mag die beperkinge van ons
begeertes van Bo kom en ons verlos word van die onbeperkte sug na geld, mag, kennis,
oorheersing en wellus. Mag ons leiers kies wat `n keuse maak vir ‘everything’ en mag ons nooit
eindig met ‘nothing’ nie. Die keuse vir ‘nothing’ gebeur veel makliker as die keuse vir
‘everything’…die geskiedenis het dit aan ons bewys: by meer as een geleentheid.

11.
WORLD CANNED FRUIT CONFERENCE
The next World Canned Fruit Conference will take place in Xushou, China,
and hosted by China Canned Food Industry Association. The meetings and
visits to factories and orchards will take place from 24 to 28 August 2010.
Anyone interested in attending the Conference can contact the Canning Fruit
Producers’ Association’s office (Tel: 021 8721501) for further information.
KALIFORNIESE TAAIPITPERSKES
Die Kaliforniese taaipitperskes is tans in volblom en is gemiddeld ses dae vroeër
as die langtermyn gemiddeld in hierdie Staat van Amerika. Dit is ook opvallend
dat saam met die vroeër blomdatums die koue eenhede vir 2010 die laagste is
oor die afgelope vier jaar.
AUSTRALIAN NEW PEAR CULTIVARS
Australia’s Department of Primary Industries (DPI) has revealed 20 new varieties
developed as part of its Australian Pear Breeding Programme and it is hoped
that they can reinvigorate demand in the fruit. The varieties have been
developed by cross pollinating guyot, corella and rogue red pear varieties and
they have a red blush on a yellow or green background.
ARGENTINIë
‘n Kleiner taaipitperske-oes word in Argentinië vir 2010 verwag as gevolg van die
koue skade en hael in die produksie-areas. Die aardbewing het geen invloed op
produksie gehad nie.
- FOODNEWS
CHILE FRUIT PROCESSORS
PRODUCTION AT CHILEAN FRUIT PROCESSING PLANTS IS RETURNING TO NORMAL AFTER
THE COUNTRY’S HUGE EARTHQUAKE. PROCESSORS ARE MOST CONCERNED OVER THE
DAMAGE TO PEACH STOCKS.
- FOODNEWS

12.
U word vriendelik uitgenooi na die
IPV Algemene Jaarvergadering
en
Inligtingsdag
Donderdag 3 Junie 2010 om 09:30
te Cumberland, Worcester
Verwelkoming/Oorsig: Mnr Anthony Dicey, IPV Voositter
Bedryfsaangeleenthede: Mnr Wiehahn Victor, IPV Hoofbestuurder
‘n Geleentheidspreker sal later aangekondig word
‘n Middag-ete sal na afloop van die verrigtinge bedien word
Geborg deur die IPV