NASPERS BEPERK JAAR VERSLA G 2003

MAATSKAPPY
VERSLAG VAN DIE ONAFHANKLIKE OUDITEURE
AAN DIE AANDEELHOUERS VAN NASPERS BEPERK
Ons het die balansstate van Naspers Beperk op 31 Maart
2003 en 2002, en die verwante inkomstestate,
kontantvloeistate en state van verandering in aandeelhouersekwiteit
vir elkeen van die drie jare geëindig
31 Maart 2003, soos uiteengesit op bladsye 135 tot 140,
geoudit. Hierdie finansiële state is die verantwoordelikheid
van die maatskappy se direkteure. Ons
verantwoordelikheid is om op grond van ons oudit ’n
mening oor hierdie finansiële state uit te spreek.
Omvang
Ons het ons oudit ooreenkomstig standpunte oor Suid-
Afrikaanse Ouditstandaarde uitgevoer. Hierdie standaarde
vereis dat ons die oudit beplan en uitvoer om redelike
gerusstelling te verkry dat daar geen wesenlike
wanvoorstelling in die finansiële state is nie. ’n Oudit
behels:
● ’n ondersoek, op ’n toetsgrondslag, van bewyse wat die
bedrae en openbaarmaking in die finansiële state steun;
● ’n beoordeling van die rekeningkundige beginsels wat
gebruik is en beduidende ramings wat deur bestuur
gemaak is; en
● ’n oorweging van die algehele aanbieding van die
finansiële state.
Ons is van mening dat ons oudit ’n redelike grondslag vir
ons mening bied.
134 NASPERS BEPERK JAARVERSLAG 2003
Ouditmening
Na ons mening verstrek hierdie finansiële state, in alle
wesenlike opsigte, ’n redelike weergawe van die finansiële
stand van die maatskappy op 31 Maart 2003 en 2002,
en van die resultate van bedrywighede, verandering in
ekwiteit en kontantvloei vir elkeen van die drie jare
geëindig 31 Maart 2003 in ooreenstemming met Suid-
Afrikaanse Standpunte oor Algemeen Aanvaarde
Rekeningkundige Praktyk en op die wyse deur die
Suid-Afrikaanse Maatskappywet, 1973, vereis.
Die finansiële jaarstate van die maatskappy moet
saamgelees word met die gekonsolideerde finansiële
jaarstate van Naspers Beperk soos uiteengesit op
bladsye 46 tot 133.
PricewaterhouseCoopers Ing.
Geregistreerde Rekenmeesters en Ouditeure
Geoktrooieerde Rekenmeesters (SA)
Kaapstad, Suid-Afrika
20 Junie 2003