NASPERS BEPERK JAAR VERSLA G 2003

148-151-Welkom skema•AFR 2/27/04 1:50 PM Page 1
WELKOM-SKEMA
WELKOM-SKEMA
Welkom-skema
Die Welkom-trust is in Mei 1998 gestig om die verkryging
van Naspers-aandele deur voorheen benadeelde
gemeenskappe moontlik te maak. Ingevolge die Welkomaandeleskema
het deelnemers op 4 003 740 Naspersomskepbare
skuldbriewe ingeteken teen R42 per
skuldbrief vir ’n bruto bedrag van R168,2 miljoen.
Deelnemers aan die skema het 10% van dié bedrag betaal
en die res is deur verskillende finansiële instansies
befonds. Indien die Naspers-aandeleprys op die
vervaldatum – 9 September 2003 – hoër as R56,99 is,
sal die omskepbare skuldbriewe in 5 605 236 Naspers
N- gewone aandele omskep word. Andersins sal die
betrokke skuldbriewe in kontant afgelos word.
Naspers doen twee keer per jaar rentebetalings aan die
finansiële instansies, gebaseer op die koeponkoers van
9,25% op die omskepbare skuldbriewe. Die
rentekoersverskil tussen die koeponkoers op die
omskepbare skuldbriewe en die befondsingskoers is deur
Naspers voorsien.
Dis onwaarskynlik dat die Naspers-aandeelprys op die
vervaldatum hoër as R56,99 sal wees en die omskepbare
skuldbriewe sal dus deur Naspers afgelos word.
Deelnemers sal gevolglik nie Naspers- N- gewone aandele
ontvang nie. Die sukses van die Welkom-aandeleskema is
’n integrale deel van Naspers se inisiatiewe ten opsigte
van swart ekonomiese bemagtiging. Om dié rede het die
direksie besluit om nie-vervreembare aanbiedinge te maak
aan deelnemers, as skuldbriefhouers van Naspers, om in te
skryf op dieselfde aantal Naspers-aandele as wat hulle sou
ontvang het indien die omskepbare skuldbriewe in
Naspers-aandele sou omskep het.
Onderworpe aan aandeelhouersgoedkeuring sal
deelnemers aan die skema dus die keuse gebied word om
op 5 605 236 Naspers N- gewone aandele in te skryf
gedurende die 30-dae-tydperk wat begin op 9 September
2006 (‘die aandele-opsie-aanbod’). Die prys waarteen
deelnemers die reg sal hê om op ’n Naspers N- gewone
aandeel in te skryf, is R31,96, gebaseer op die 10-daagse
geweegde gemiddelde aandeleprys van Naspers-aandele
op 8 Julie 2003, plus saamgestelde rente vir die drie jaar
en met die oorspronklike deposito wat deur die
skemadeelnemers betaal is ook in aanmerking geneem.
148 NASPERS BEPERK JAARVERSLAG 2003
Die Welkom-trust sal nog steeds die nuwe aandele-opsieaanbod
vir deelnemers administreer.
Die redes vir ’n aandele-opsie-aanbod
Die Naspers-direksie het die bepalings en voorwaardes
van die aandele-opsie-aanbod oorweeg en onder meer
ook die mening van Investec Bank Beperk ingewin.
Die eenparige besluit is dat Naspers die genoemde
bepalings en voorwaardes as billik en redelik beskou. Die
aandele-opsie-aanbod word dus deur die Naspers-direksie
gesteun. Hulle beveel aan dat Naspers-aandeelhouers stem
ten gunste van die besluit wat by die algemene
jaarvergadering voorgestel sal word vir die
inwerkingstelling van die aandele-opsie-aanbod. Naspersdirekteure
met hul eie Naspers-aandele beplan om ten
gunste van die gewone besluit te stem wat nodig is om die
aandele-opsie-aanbod by die algemene jaarvergadering
goed te keur.
Finansiële invloed
Die uitwerking op verdienste per aandeel en netto
batewaarde wat met die aandele-opsie-aanbod verband
hou, sal geen wesenlike invloed hê nie.
Bykomende openbaring
Ingevolge die noteringsvereistes van die JSE
Sekuriteitebeurs Suid-Afrika (‘die JSE’) hou die volgende
gedeeltes van die jaarverslag met die aandele-opsieaanbod
verband:
● Algemene oorsig van Naspers-maatskappye Bladsy 21
● Die direkteure van Naspers Bladsy 144
● Naspers se belangrikste aandeelhouers Bladsy 146
● Die billike en redelike mening van
Investec Bank Beperk hierbo na verwys Bladsy 150
● Die vereiste gewone besluit nommer 8
om die aandele-opsieaanbod goed te keur Bladsy 152
● Naspers-direkteure se belang in
Naspers-aandele Bladsy 80
● Naspers se gemagtigde en uitgereikte
aandelekapitaal Bladsy 81
● Die handelsgeskiedenis van
Naspers-aandele op die JSE Bladsy 151
● Inligting oor regsprosedures Bladsy 89
● Gebeure ná die balansstaatdatum Bladsy105
PAGE 00