'n Kritiese evaluering na die effektiwiteit van bestuurstrategieë vir ...

Die Geyer-rekenaarmodel bestaan uit die volgende komponente:
3.4.1 Die veetabel.
Dit bevat inligting rakende die huidige kuddeverdeling, vee-verkope, vee-aankope,
mortaliteite (vrek en verlore), reproduksie (lammers gebore) en die interne oordrag
van jong ooie na volwasse ooie.
Veekategorieë ter sprake is lammers, speenlammers, jong ooie, jong hamels, ooie,
hamels en ramme. Die veetabel strek vanaf April tot Maart, sodat ‘n volle
reproduksieseisoen verteenwoordig kan word.
3.4.2 Algemene inligting.
Hierdie afdeling behels inligting t.o.v. die skeerdata, lewendehawepryse vir verkope
en aankope, lampersentasie, mortaliteite (geboorte tot speen, speen tot 12
maande, 12 maande tot 18 maande, ooie, hamels en ramme).
Ander onderafdelings behels versekering ontvang (wol en lewende hawe), produkte
verbruik (wol vir die huis en arbeid), wol voorraad voorhande en lewende hawe
geslag (huis en arbeid).
Die kapitaalverandering word deur die model self bereken. Met bogenoemde
inligting kan die bruto produksiewaarde van die vertakking bereken word.
3.4.3 Die kostetabel.
Hiermee word die direk allokeerbare veranderlike koste bepaal.
Die onderafdelings behels: gekoopte voer, selfgeproduseerde voer, KI en veearts,
vervoer en bemarking, losarbeid (skeer), pakmateriaal, diverse, doseer, ent en dip.
217