Tydskrif April 2010.p65 - CJBF

More documents

Recommendations

Info

- fokus: versoekings - Ds. GNV (Nico) Botha (Midrand) (emeritus Randburg) Wie moet ouerskap aanvaar vir ons sonde? • die verloop van die geboorteproses van versoekings • Die Here leer ons in sy Woord om nie klippe te gooi na ander wat voor versoekings geswig het nie, want ons is ook blootgestel aan dieselfde versoekings en ons gee ook soms daaraan toe. Dat daar nie oor ons sensasieberigte gepubliseer word nie, beteken nie dat ons verhewe bo versoekings is nie. As ons almal in die openbaar ons sonde moes bely, sou die media die wêreld lankal ingelig het oor al die gruwelike gedagtes, woorde en dade waartoe ons as verloste kinders van God al verlei is. Waarom doen ons dit? Wie se skuld is dit? Wat is die oorsprong van versoekings wat jonk en oud, ryk en arm, man en vrou, gelowige en ongelowige tot sonde verlei? Vals antwoorde op eerlike vrae Dis goed dat 'n mens opreg antwoorde soek op vrae soos: “Waarom het ek dit gedoen?” of: “Waarom het ek nie betyds opgehou of omgedraai of stil gebly nie?”, of: “Waarom het ek nie my verstand gebruik nie, ek kon mos weet dit kan op niks goed uitloop nie?” Dis die goeie “waarom-vrae” wat ons moet vra! Sulke eerlike selfondersoek kan ons mos laat besef dat versoekings ernstige aanvalle op ons integriteit is en op ons vaste voorneme om heelhartig in oorgawe en toewyding aan die Here te lewe. Sulke vrae kan ons ook daartoe lei om ons toevlug tot Jesus Christus te neem en in sy krag oorwinning te beleef. Gedurende die verloop van die eeue is egter op verskillende maniere geantwoord op vrae oor die oorsprong van versoekings. In die tyd van die apostels byvoorbeeld het Joodse geleerdes verskeie antwoorde op hierdie vrae aangebied, soos onder andere: • “Die mens is deur God oorgegee aan die mag van Satan.” • “Satan het sy bose wellus in die mens ingeplant toe hulle in die paradys geëet het van die boom van die kennis van goed en kwaad.” • “Die mens is self die oorsprong van alle sondige begeertes.” • “God is Self die oorspronklike oorsaak van alle versoekings. Hy versoek die mens.” Laasgenoemde dwaling, wat deur iemand “die vreemdste van alle dwalings” genoem is, was waarskynlik die aanleiding tot Jakobus se uitdruklike stelling: “Iemand wat in versoeking kom, moet nooit sê: 'Ek word deur God versoek' nie, want God kan nie verlei word nie, en Self verlei Hy niemand nie” (Jak 1:13). Ten spyte van hierdie duidelike uitspraak van die Skrif hoor ons tog nog steeds in ons tyd verskonings soos “ek het nie daarvoor gesoek nie” of “ek is ook maar net 'n mens” of “ons is na mekaar toe gelei”. Dit beteken tog eintlik maar niks anders nie as “dit is nie my skuld nie, dit was so bestem” of selfs “eintlik is God die werklike oorsprong van my sonde”. Dit mag soms selfs vroom klink, asof 'n mens in alles met God en sy beskikking rekening wil hou. Die waarheid is egter dat Hy heilig is en verhewe bo alles wat so tipies menslik en sondig is as versoekings. God beproef ons In die Nuwe Testament beteken dieselfde woord soms “beproef” en ander kere “versoek”. Uit die verband waarin die woord gebruik word, moet ons aflei of daar sprake is van 'n “beproewing” of van 'n “versoeking”. Die doel van beproewing is om die egtheid van ons geloof te toets soos goud deur vuur getoets word, sodat dit vir almal duidelik sal wees dat dit eg is (1 Pet 1:7). Maar Satan versoek Jesus in die woestyn in 'n poging om Hom ontrou aan sy Vader te laat word (Luk 4:1-13). In tye van skade, lyding en teleurstellings beleef die Here se kinders hoe hulle geloof en vertroue in God tot 18 • Die Kerkblad <strong>April</strong> 2010 •
die uiterste beproef word, maar Satan gryp die geleentheid aan om ons te verlei tot bitterheid, twyfel en verwyte teen God. Daarom gebeur dit dat wedergebore, vroom, gelowige kinders van God in krisistye nie slegs beleef hoe Hy deur die beproewing ons oë wil oopmaak vir die gebreke in ons verhouding met Hom en in ons oorgawe aan Hom nie, maar ook dat Satan besig is om ons te versoek. Ons voel nie slegs hoe die Here in liefde ons inniger aan Hom wil bind nie , maar voel terselfdertyd ook hoe die versoeking ons van God wil wegtrek en teen Hom in opstand wil laat kom. Die wedergeboorte beteken immers dat die heerskappy van die sonde wel in 'n mens se lewe tot niet gemaak word, maar beteken nie dat daar in die mens geen sonde meer is nie, soos ook duidelik blyk uit Romeine 7:17-25. Ons begeertes maak ons ontvanklik Die Here leer ons dat 'n mens verlei word “deur sy eie begeertes wat hom aanlok en saamsleep” (Jak 1:14). As ons eerlik is met onsself, sal ons weet dis waar dat ons soos 'n magneet versoekings na ons toe aantrek, nie slegs seksuele versoekings nie, maar ook die versoeking om God se Woord te verdraai of met gedagtes van wraak en haat en hoogmoed te lewe. Daar is steeds by ons 'n hunkering daarna soos 'n ontugtige wat enige seksuele toenadering verwelkom. Daarom vergelyk die apostel Jakobus dit dan ook verder met 'n geboorteproses wat volg: ons begeerte word deur die versoeking bevrug, en al begin dit ook klein soos 'n embrio, groei dit uit tot sonde wat nie tot 'n nuwe lewe lei nie, maar die dood tot gevolg het. Dit vernietig die lewe! Jou eie lewe en dikwels ook ander s'n. Ons kan die skuld vir ons sonde en die vernietigende gevolge daarvan op niemand anders plaas nie. Ons eie begeertes en Satan se versoekings moet saam ouerskap vir ons sonde aanvaar! Daarom leer die Here ons om die sonde te haat en te ontvlug! Hy vra ons hart, want by ons eie begeertes begin die versoeking. Die Here gee die oorwinning! Terwyl hierdie bose geboorteproses van sonde en - fokus: versoekings - opstand teen God gereeld plaasvind, verseker Hy ons dat Hy gee wat nodig is om staande te kan bly en te kan oorwin. Hy sal doen wat Hy belowe het, Hy verander nie, Hy hou ons vas! Dis ons heerlike belydenis dat niks ons uit God se hand sal ruk nie. Saam met Jesus sal ons meer as oorwinnaars wees - ook oor ons eie sondige begeertes. Die pad na oorwinning sluit ook die heiliging van ons begeertes in: “Net om U wil te doen ... dit wil ek Heer van ganser harte soek” (Ps 40:4 berymd). Daarom kan ons in krisistye biddend in God se Woord die versekering soek dat niks ons van sy liefde sal skei nie, en kan ons opnuut ons toevlug tot Hom neem, terwyl ons onsself versterk en beskerm met die wapenrusting wat Hy ons bied vir die stryd teen die bose magte wat ons wil verlei (Ef 6:10-20). DK • Die Kerkblad <strong>April</strong> 2010 • 19
Page 3 and 4: 2 UIT DIE WOORD Nie êrens in ’n
Page 5 and 6: Van die hoekies na die uithoeke Waa
Page 7 and 8: tradisie wat goed en reg en stewig
Page 9 and 10: dat vloektaal 'n alledaagse gebruik
Page 11 and 12: • Artikel 5 beklemtoon die gehoor
Page 13 and 14: orde in die samelewing probeer vers
Page 15 and 16: game huwelik is ontrou aan God en w
Page 17: Tree met die regte gesindheid op Wa
Page 21 and 22: • Eerstens is met hierdie opmerki
Page 23 and 24: Hoe word jy van versoekinge bewaar?
Page 25 and 26: vroue wat daarin speel), te veel fl
Page 27 and 28: waar Hy onder sy mense gebly het. D
Page 29 and 30: Die listige uitvoer van die plan 'n
Page 31 and 32: Prof. CFC (Callie) Coetzee (TSP) By
Page 33 and 34: Dr. Jacoba van Rooy (Potchefstroom)
Page 35 and 36: Dr. AH (André) Grové (Klerksdorp-
Page 37 and 38: Ruïnes van stadspoort (Bron: inter
Page 39 and 40: die sabbat uiteindelik ook anders d
Page 41 and 42: Dr. Douw Breed (voorsitter, Kurator
Page 43 and 44: Ds. HS (Fanie) Coetzee (Potchefstro
Page 45 and 46: Dr. Jan Ras (emeritus, Saldanha) -
Page 47 and 48: Prof. GJC (Gert) Jordaan (Teologies
Page 49 and 50: Hy het ook die volgende gemeentes b
Page 51 and 52: sig op see en berge. Veilige parker
Page 53 and 54: Riaan the Magic man: Riaan kan u fu

Tydskrif April 2010.p65 - CJBF

You also want an ePaper? Increase the reach of your titles

Delete template?

Save as template?