UNIVERSITEIT VAN SUID-AFRIKA

UNIVERSITEIT VAN SUID-AFRIKA
DEPARTEMENT KRIMINOLOGIE
INLIGTING OOR DIE NAGRAADSE KURSUSSE IN
KRIMINOLOGIE
I N H O U D S O P G A W E
1 VERWELKOMING ................................................... 1
2 HONNEURSGRADE ................................................ 1
3 MA- EN DLitt et Phil-GRADE ................................... 6
4 DIE WAARDE VAN VAKTYDSKRIFTE VIR
NAGRAADSE STUDIE .......................................... 16
5 DIE WAARDE VAN DIE INTERNET VIR
NAGRAADSE STUDIE .......................................... 19
6 SLOTWOORD ....................................................... 20
7. DOSERENDE PERSONEEL.................................. 21

1 VERWELKOMING
Hartlik welkom as nagraadse student in die Departement
Kriminologie! Ons vertrou dat u studie-arbeid met sukses
bekroon sal word. Die Universiteit van Suid-Afrika stel
besonder hoë eise aan nagraadse studente. Daarom wil ons
dadelik die belangrikheid van selfstandige en nougesette
studie pertinent onder u aandag bring. Ons Departement is
besonder trots op die prestasies wat van ons nagraadse
studente reeds bereik het.
Ons verwag dat u erns met u studie sal maak. Dit beteken u
moet gedurig soek na nuwe feite, kennis en insig. Alles wat
u sien, hoor, lees en beleef, moet krities en geestelik verwerk
word. Studie is intellektuele skeppingswerk en dit is hierdie
geestesaktiwiteit waaraan u uself nou begin toewy.
Die dosente neem aan dat u die kursus gekies het omdat u
daarin belangstel en óf meer kennis daaroor wil bekom òf u
bestaande kennis daaroor wil uitbrei. Dit is ons strewe om by
sulke doelwitte aan te sluit en saam te werk. Ons land het
veral nou baie toegewyde wetenskaplikes nodig wat die
misdaadvraagstuk in al sy verskyningsvorme in diepte kan
bestudeer en beoordeel. Dit is waarby u as nagraadse
student betrokke raak. Dankie vir u belangstelling. Ons
vertrou dat u goed sal vaar en al die mense van die land deur
u pogings bevoordeel sal word. Sterkte!
2 HONNEURSGRADE
2.1 Werkswyse
U ontvang studiebriewe waarin werkopdragte gestel word.
Die werkopdragte moet direk aan die Registrateur:
Akademies gestuur word in die koeverte wat daarvoor
voorsien word.
1

Dit sal in u eie belang wees om twee werkopdragte
bevredigend uit te werk en in te stuur. Geen antwoorde op
werkopdragte wat na 30 September ingestuur word, sal egter
nagesien kan word nie. Ons is oortuig dat studente wat na
hierdie datum nog werkopdragte moet uitwerk, nie deeglik
genoeg vir die eksamens wat in Januarie-Februarie
afgeneem word, sal kan voorberei nie.
Ons verwag dat u, afgesien van die voorgeskrewe boeke,
ook ander naslaanwerke (wat u self moet opspoor) sal
raadpleeg. Ons is oortuig dat veral vaktydskrifte en data wat
op die Internet gepubliseer word, deesdae onontbeerlike
databronne is.
Vakliteratuur is vir nagraadse studente wat 'n ploeg of ander
stuk gereedskap vir 'n boer is --- onmisbaar. Mens kry dit
ook gedurig weer nodig, al is die eksamen ook agter die rug.
Daarom word u sterk aangeraai om die voorgeskrewe boeke
aan te koop. Afgesien daarvan dat 'n goeie biblioteek wat u
op hierdie wyse opbou vir u altyd van waarde sal wees, bied
eie handboeke ook die voordeel dat u kan onderstreep,
byvoegings en veranderings daarin kan aanbring --- iets wat
u nie in geleende boeke kan doen nie.
Ons sal die werkopdragte deeglik nasien en beoordeel en
met ons kommentaar so gou as moontlik aan u terug stuur.
Sorg asseblief dat u werkopdragte duidelik weerspieël dat u
die gedeelte van die werk deeglik onder die knie het.
Moenie gedeeltes woordeliks uit boeke oorskryf nie. Verwerk
die stof so dat dit 'n uitdrukking van u eie gedagtegang is. Dit
is 'n absolute vereiste op hierdie vlak van navorsing.
U moet ook die hele leerplan soos in die studiebriewe
uiteengesit, deurwerk. Die werkopdragte verteenwoordig
slegs dieptesnitte uit die leerplan.
2

2.2 Toelatingsvereistes
Benewens die formele toelatingsvereistes wat in Afdeling B
van Deel 1 van die Jaarboek gestel word, is die volgende
bepalings ook van toepassing:
* Studente wat 60% of meer behaal het in die finale
eksamen en die kursus minder as ses jaar gelede
geslaag het, registreer in die eerste studiejaar vir
hoogstens drie vraestelle. Slegs in hoogs uitsonderlike
gevalle sal die Departementshoof 'n gemotiveerde
versoek om vir meer as drie vraestelle gelyktydig te
registreer, oorweeg. Dan moet die motivering die
registrasievorm vergesel. Ten einde sulke aansoeke te
bespoedig, moet studente aandui vir watter drie
vraestelle hulle wil registreer indien hulle aansoek om vir
meer as drie vraestelle te registreer nie suksesvol is nie.
* Studente wat in die derdejaarkursus
(a) minder as 60% behaal het of
(b) 60% of meer behaal het maar die kursus ses jaar of
langer laas geslaag het, kan, indien hulle tot
honneursstudie toegelaat word, in die eerste
studiejaar vir hoogstens een vraestel registreer.
LW: Die kursuskodes --- wat uit sewe simbole bestaan --- en
tussen hakies na die name van die vraestelle verskyn,
moet op die registrasievorm ingevul word.
2.3 Honneurs BA in Kriminologie (graadkode: 04243)
A LEERGANG
Die leergang bestaan uit die volgende vyf vraestelle:
1 Fundamentele Kriminologie (HCRFUNG)
2 Metodologie (HCRMETB)
3

3 Kriminologiese evaluering en analise (HCREVAX)
4 Aktuele misdaadvraagstukke (HCRCONQ)
5 Forensiese Kriminologie (HCRFOR8)
LW: In die eerste studiejaar word studente sterk
aangeraai om vraestelle 1 en 2 te neem.
B LEERPLANNE
Vraestel 1: Fundamentele Kriminologie (HCRFUNG)
(Een vraestel van drie uur)
− Die ontstaan en ontwikkeling van die Kriminologie;
− die studieterrein van die Kriminologie;
− individugerigte benaderings tot misdadige gedrag;
− die maatskaplike en fisiese milieugerigte benaderings.
Vraestel 2: Metodologie (HCRMETB)
(Een vraestel van drie uur)
− Kwantitatiewe en kwalitatiewe navorsing;
− navorsingsontwerp, probleemidentifisering, hipotese en
sentrale teoretiese stellings;
− insameling van gegewens;
− dataverwerking en interpretasie van gegewens;
− navorsingsetiek.
Vraestel 3: Kriminologiese evaluering en analise
(HCREVAX) (Een vraestel van drie uur)
− Die proses van observasie, profilering van oortreders,
verslagskrywing;
− korporatiewe misdaadrisikobepaling, die hantering van
risiko’s, faktore wat risiko beïnvloed, voorkoming van
4

isiko’s;
− misdaadvoorkomingsmodelle;
− die ontwikkeling van 'n nasionale misdaadvoorkomingsbeleid;
− die beplanning, implementering en evaluering van
misdaadvoorkomings-programme.
Vraestel 4: Aktuele misdaadvraagstukke (HCRCONQ)
(Een vraestel van drie uur)
− Die studieterrein van besondere tipes misdade;
− misdade teen die gemeenskapslewe (verkragting, kinder-
en vrouemishandeling, dwelmhandel);
− misdade teen persoonsverhoudings (moord);
− misdade teen eiendom (huisbraak, roof, bedrog,
winkeldiefstal);
− misdade teen die morele orde (dwelmmisbruik,
pornografie, prostitusie);
− misdade in die handel en nywerheid (korrupsie, sabotasie,
ens).
Vraestel 5 : Forensiese Kriminologie (HCRFOR8)
(Een vraestel van drie uur)
− Etiese gedrag en onderhoudvoering, insameling van
gegewens vir die evalueringsverslag;
− die voorvonnisondersoek, identifisering en ontleding van
faktore wat bygedra het tot die kriminele gebeure;
− die opstel van die voorvonnisevalueringsverslag;
− strafindividualisasie, tipes vonnisse;
− hofetiek en -prosedures, getuienislewering en
kruisondervraging.
LW: Voordat u vir hierdie kursus registreer, moet u
5

asseblief die volgende keuringskriteria in ag neem:
• Is u spraakvermoë sodanig dat u in 'n hof mondelinge
getuienis kan lewer?
• Beskik u oor goeie taal- en skryfvaardighede om 'n
logiese en duidelike verslag aan die hof te kan voorlê?
• Beskik u oor goeie navorsingsvaardighede om 'n
oortreder se agtergrond te kan navors?
• Beskik u oor die nodige interpersoonlike vaardighede om
onderhoude met oortreders, hul gesinne en werkgewers
empaties te kan voer sonder om persoonlik betrokke te
raak?
• Is u persoonlike omstandighede sodanig dat u die nodige
tyd het om die aansienlike praktiese werksessies te kan
doen wat die kursus vereis? Dit behels onder andere die
bywoning van ongeveer vier voorvonnisevalueringsessies
by u naaste
Gemeenskapskorreksieskantoor, die opstel van twee
voorvonnisevalueringsverslae en die bywoon van
minstens een hofsaak waartydens deskundige getuienis
gelewer word.
3 MA- EN DLitt et Phil-GRADE
3.1 Reëls en regulasies
Kandidate wat vir bogenoemde grade wil inskryf, moet
hulleself op hoogte bring van die reëls en regulasies wat
toegang tot hierdie kursusse bied. Die reëls en regulasies is
in Deel 6 van die Jaarboek. Die prosedure vir aansoek om
registrasie word ook in die handleiding Algemene Inligting;
studie vir Magisters- en Doktorsgrade, uiteengesit. Enige
navrae insake die voorwaardes vir registrasie moet aan die
Registrateur gerig word en nie aan die Departement
6

Kriminologie of aan individuele dosente nie.
3.2 Verkennende onderhandeling
1 Student registreer vir MA of DLitt et Phil.
2 Binne die eerste jaar van registrasie moet die student
aan die volgende vereistes voldoen:
(a) Voornemende kandidate moet direk met die
Departement Kriminologie se Nagraadse
Kursuskoördineerder kontak maak voor enige
stappe om te registreer, geneem word. Die
Departement sal nie ‘n onderwerp vir registrasie
aanvaar wat nie vooraf bespreek is nie.
(b) Die Nagraadse Kursuskoördineerder sal na die
verkennende gesprek (persoonlike of telefonies) die
dokument vir ‘n navorsingsvoorstel aan die
kandidaat oorhandig. In hierdie dokument - die
navorsingsvoorstel - moet die kandidaat oortuigend
argumenteer vir ‘n aanvaarbare titel, oor die
uitvoerbaarheid van die navorsing en die
moeilikheidsgraad moet in ooreenstemming met die
vlak waarop die studie onderneem word (MA of
DLitt et Phil), wees.
3.3 Toelatingsvereistes
Om tot die MA-kursus toegelaat te word, moet 'n kandidaat 'n
gemiddeld van 60 persent vir die honneurskursus verwerf.
Die Nagraadse Kursuskoördineerder kan tydens die
aanvanklike onderhandeling, individuele gevalle oorweeg wat
nie aan hierdie vereiste voldoen nie. Kandidate wat langer as
vyf jaar gelede die honneursgraad voltooi het, moet eers met
die Departement skakel voordat enige verdere stappe
gedoen word. Van sulke kandidate kan verwag word om
sekere van die honneursvraestelle te herhaal voordat
7

toelating oorweeg kan word.
Verder moet kandidate ook self seker maak dat hulle vorige
kwalifikasies deur UNISA erken word. Die inligting kan by die
Departement Studente Administrasie en Registrasies bekom
word.
3.4 Die aard van die MA-grade
Die MA-grade is navorsingsgrade. Dit beteken kandidate
moet bewys lewer dat hulle selfstandig (op hulle eie)
navorsing kan doen. Die studieleier se werk is om die
kandidaat te lei om die navorsing uit te voer. Kandidate kan
empiriese navorsing aanpak of projekte op ‘n teoretiese vlak
uitvoer, soos byvoorbeeld literatuurstudies. Die kernvereiste
is dat kandidate oortuigend moet aantoon dat hulle
selfstandige navorsing kan doen.
3.5 Die aard van DLitt et Phil-grade
Om hierdie grade te slaag, moet kandidate toon dat hulle die
bestaande navorsingsgebied van die veld waarin hulle
navorsing doen, uitbrei. Die kandidate moet dus iets nuuts
doen. Die doktorsgraad kan net toegeken word indien die
kandidaat die eksaminatore oortuig dat hy/sy ‘n
oorspronklike, nuwe bydrae tot die navorsingsveld gemaak
het.
3.6 Die keuse van ‘n onderwerp
Dit word aan die kandidaat self oorgelaat. Die Departement
Kriminologie sal help om die onderwerp in ‘n finale titel vir die
navorsing te formuleer.
Kandidate word aangeraai om navorsing te doen in velde
waarin hulle belangstel, wat aktueel is en wat aansluit by die
werk waarby hulle betrokke is en waarvan hulle dus reeds
8

asiese kennis het.
Die keuse van ‘n onderwerp word gewoonlik voorafgegaan
deur baie leeswerk in die ondersoekveld ten einde ‘n
toepaslike navorsingsprobleem te identifiseer.
Op grond van UNISA se nuwe onderrigbeleid, bevorder die
Departement Kriminologie ook eerder graag navorsing wat
eerstens tot voordeel van Suid-Afrika, dan tot voordeel van
Suider-Afrika en dan tot voordeel van Afrika kan wees.
3.7 Die registrasieprosedure
Die volgende stappe is ter sake: Die kandidaat moet eers
seker maak of UNISA sy/haar vorige kwalifikasies erken.
Indien wel, moet aan die vereiste vir 60 persent vir die MA
graad registrasie ook voldoen word. Hierna nader die
kandidaat die Departement en maak kontak met die
Nagraadse Kursuskoördineerder vir die verkennende
gesprek. Hierna wys die Nagraadse Kursuskoördineerder ‘n
kontakdosent aan. Die kontakdosent help die kandidaat om
die navorsingsvoorstel so onafhanklik as moontlik op te stel.
Die kandidaat het ses maande om dit te doen. Wanneer die
kontakdosent tevrede is, word die navorsingsvoorstel aan die
betrokke Vakbestuurskomitee vir evaluering voorgelê. Indien
die komitee die navorsingsvoorstel aanvaar, word ‘n
studieleier (vir die MA-graad) en/of ‘n promotor (vir die DLitt
et Phil-graad), aangewys.
3.8 Studieleiding
Die studieleier of promotor en kandidaat werk self ‘n
werksooreenkoms uit. Die studieleier lei die kandidaat om
aan die akademiese vereistes vir die navorsing op daardie
vlak te voldoen. Gewoonlik neem dit ‘n hele paar konsepte
van hoofstukke om by die verlangde standaard te kom.
Hierdie proses word ook verder gekompliseer wanneer
9

kandidate se onderwerp van so ‘n aard is dat ‘n
medestudieleier of -promotor uit ‘n ander dissipline benoem
moet word. Nietemin kan die kandidaat vryelik afsprake oor
enige aspek van die navorsing met die studieleier of promotor
aanvra. Die studieleier sal die kandidaat aanmoedig om die
navorsing so in te rig dat hy/sy teen 30 Junie of 30 November
van die kalenderjaar die finale konsep moet inhandig om te
sinkroniseer met UNISA se administrasie van die toekenning
van MA- en DLitt et Phil-grade.
3.9 Navorsingsvoorstel
U moet ‘n navorsingsvoorstel ooreenkomstig die formaat
soos aangetoon onder punt 3.10 hieronder voorlê. Dit word
gebruik om u aansoek om registrasie vir ‘n MA- of DLitt et
Phil-graad te beoordeel. Op grond van die inhoud daarvan
en die beskikbaarheid van dosente word vir u ‘n
kontakdosent aangewys. Die kontakdosent sal u bystaan
om dié dokument in finale formaat te voltooi. Die finale
dokument (ons noem dit die navorsingsvoorstel) word dan
aan die vak se bestuurskomitee voorgelê. Indien hulle dit
goedkeur, word u toegelaat om te registreer en ‘n studieleier
word vir u aangewys.
Tydens die voorbereiding van die navorsingsvoorstel is u
geregtig op die biblioteekfasiliteite van UNISA. Kontak
asseblief self die biblioteek in hierdie verband. U moet dit so
onafhanklik moontlik (dit wil sê, met so min moontlik hulp)
voltooi.
Verder moet u daarop let dat u aan die volgende vereistes
moet voldoen voordat u kan registreer: 'n gemiddeld van 60
persent vir die honneursgraad, en u moes die
honneursgraad nie langer as vyf (5) jaar gelede geslaag het
nie. Indien u by ‘n ander inrigting gestudeer het, moet u self
seker maak of UNISA daardie kwalifikasie erken. Hieroor
kan u meer inligting bekom van: Departement Studentet
10

Administrasie en Registrasies, Posbus 392, UNISA, 0003,
Suid-Afrika. Die e-pos adres vir hierdie inligting is:
postjus@unisa.ac.za
U kan enige tyd tussen die volgende datums registreer:
1 Julie tot 30 Maart. Dit wil sê, gedurende April, Mei en
Junie word u nie toegelaat om te registreer nie.
3.10 Navorsingsvoorstel vir MA of DLitt et Phil-grade in die
Departement Kriminologie
Die navorsingsvoorstel moet die onderstaande formaat
aanneem en gerig word aan:
Die Nagraadse Koördineerder
Departement Kriminologie
Posbus 392
UNISA
0003
1 Die projek
Titel
2 Die aansoeker
Van
Voorname
Titel
Adreslyn 1
Adreslyn 2
Adreslyn 3
Telefoon
11

Sellulêre foon
Faks
E-pos
3 Akademiese besonderhede
UNISA-studentenommer (indien wel)
Vorige kwalifikasies
Gemiddeld vir derdejaarsvakke
Gemiddeld vir honneursvraestelle
Simbolestaat aangeheg
Universiteit waar dit verwerf is
Wanneer (watter jaar)
Het enige ander universiteit al ‘n
soortgelyke aansoek om registrasie
van u geweier?
Gebruik soveel bladsye as wat u nodig vind en voorsien ook
die toepaslike inligting oor die volgende aspekte van die
voorgenome ondersoek volledig:
4 Doel van die navorsing
5 Rasionaal vir die navorsing
6 Aanleidende vrae
7 Hipoteses
8 Besonderhede van die loodsondersoek (indien van
toepassing)
9 Voorlopige hoofstukindeling
Hoofstuk 1
Hoofstuk 2
Hoofstuk 3
Hoofstuk 4
12

Hoofstuk 5
Hoofstuk 6*
* Meer of minder hoofstukke is toelaatbaar. Pas die vorm
dienooreenkomstig aan.
13

10 Voorgestelde tydskedule
Navorsingstaak Doeldatum*
Inlewering van voltooide verslag
* Watter jaar beplan u om dié gedeelte van die navorsing
af te handel?
11 Begroting
Begrotingsitem* Bedrag Hoe gaan u dit
bekostig?
Registrasiegeld
Druk, versprei en insamel
van vraelyste
Tikwerk
Bindwerk
Ander uitgawes (bv
reiskoste)
* Voeg nog by soos dit van toepassing op u navorsing mag
wees.
12 Literatuurstudie
Voorsien ‘n opsomming van ongeveer vyf bladsye (die
ekwivalent van 5 A4-bladsye wat in enkelspasiëring getik is)
van die jongste literatuur oor die navorsingsonderwerp
waaruit dit duidelik blyk dat die voorgestelde
hoofstukindeling toepaslik is.
14

13 Vraelys/Skedule
Voeg ‘n kopie van die beoogde vraelys of skedule in. Dit
kan die een wees wat u tydens die loodsstudie gebruik het,
of ‘n vraelys op bogenoemde literatuurstudie gebaseer.
14 Voorkeur vir 'n studieleier/promotor*
* U kan u voorkeur vir ‘n studieleier/promotor aandui. Daar
is egter geen waarborg dat die voorkeurdosent
aangewys kan word nie. Dit hang af van die werkslading
van die betrokke dosent, en of die kundigheid wat vir die
studie benodig word, wel in die Departement
teenwoordig is.
----------------------------------------------------------------------------------
[Dit is die einde van die formaat van die navorsingsvoorstel.]
3.11 Naslaanbronne vir die voorbereiding van die
navorsingsvoorstel
Die volgende is nuttige bronne wat u kan help met die
voorbereiding van die navorsingsvoorstel:
Bak, N. 2004. Completing your thesis. A practical guide.
Pretoria: Van Schaik.
De Vos, AS; Strydom, H; Fouché, CB & Delport, CSL. 2005.
Research at grassroots. (3 rd edition). Pretoria: Van Schaik.
Terre Blanche, M; Durrheim, K & Painter, D. 2006. Research
in practice. Applied methods for the social sciences. (2 nd
edition). Cape Town: UCT.
15

4 DIE WAARDE VAN VAKTYDSKRIFTE VIR NAGRAADSE
STUDIE
Die noodsaaklikheid en waarde van gereelde en noukeurige
raadpleging van vaktydskrifliteratuur - veral by nagraadse
studie - word nie altyd voldoende deur studente besef nie.
Ons wil dit derhalwe hier kortliks, maar sterk beklemtoon.
Vaktydskrifliteratuur stel studente in staat om hulle op die
hoogte te hou van die jongste verwikkelinge en
ontwikkelinge op hulle betrokke vakgebied. So verskaf die
groot verskeidenheid artikels, die aankondiging en
resensering van nuwe vakliteratuur, die bekendstelling en
bespreking van navorsingsprojekte, ‘n goeie beeld van die
bedrywighede op die verskillende terreine van die vakgebied
en van die rigtings waarin die vak beweeg. Baie van die
jongste ontwikkelingstendense, teoretiese denkrigtings en -
skole, hipotetiese vrae en aanhalings word weergegee - ook
soos dit in verskillende lande voorkom.
Verder lê die waarde van vaktydskrifte in die interessante
moontlikhede wat dit skep vir interaktiwiteit,
gedagtewisseling, en die oop gesprek tussen beoefenaars
van ‘n bepaalde wetenskap of aanverwante wetenskappe en
dit open weer nuwe perspektiewe en stimuleer die soek na
kennis en waarheid.
In die lig van die dinamiese aard en die snelle ontwikkeling
van wetenskappe is dit soms waar dat van die jongste
handboekliteratuur al “oud” geword het. Daarenteen is die
jongste tydskrifliteratuur gewoonlik vars, dit hou tred met die
vak se ontwikkeling en, omdat dit met betreklike kort
tussenposes verskyn, maak dit ruimskoots voorsiening vir
sulke waardevolle funksies.
Die lewenskragtigheid, praktiese werking en vooruitgang van
16

‘n vakwetenskap word in geen geringe mate nie, deur
vaktydskrifliteratuur weerspieël.
Die UNISA Biblioteek (geleë in die Samuel Pauwgebou op
die hoofkampus) beskik oor baie bibliografieë, woordeboeke,
ensiklopedieë, gidse, handboeke, jaarboeke en vaktydskrifte
asook onderwerpindekse wat vir nagraadse studie belangrik
is. Die volgende is ‘n lys van die vaktydskrifte wat in die
biblioteek beskikbaar is:
The Australian and New Zealand Journal of Criminology
The British Journal of Criminology
Canadian Journal of Criminology
Canadian Society of Forensic Science Journal
Corrections Today
Crime and Delinquency
Crime, Law and Social Change
Criminal Justice Abstracts
Criminal Justice and Behaviour
The Criminologist
Criminology
Deviant Behaviour
Federal Probation
International Criminal Police Review
17

International Drug Report
International Journal of Offender Therapy and Comparative
Criminology
International Journal of the Sociology of Law
International Review of Criminal Policy
International Security Review
Journal of Criminal Justice
Journal of Drug Issues
Journal of Family Violence
Journal of Interpersonal Violence
Journal of Offender Rehabilitation
Journal of Quantitative Criminology
The Journal of Research in Crime and Delinquency
Journal of Security Administration
Kriminologisches Journal
Law and Order
Die Maatskaplikewerk-navorser-praktisyn
The Medico-legal Journal
Monatsschrift für Kriminologie und Strafrechtsreforum
Policing
The Prison Journal
18

Prison Service Journal
Probation Journal
Security Focus
Security for Buyers of Products, Systems and Services
Security Gazette
Security Journal
Security Management
Social Justice
Studies in Conflict and Terrorism
Terrorism and Political Violence
Tijdschrift voor Criminologie
Victimology
Victims Support
Violence and Victims
Women and Criminal Justice
5 DIE WAARDE VAN DIE INTERNET VIR NAGRAADSE
STUDIE
Die Internet bevat baie inligting wat van onskatbare waarde
vir nagraadse studente in Kriminologie is. Dit inligting kan
bekom word deur soektogte op die Internet te onderneem,
by gespreksgroepe aan te sluit of deur middel van
elektroniese korrespondensie met plaaslike en buitelandse
outeurs. Daar bestaan ook reeds etlike elektroniese
vaktydskrifte insake onderwerpe wat vir ons studente van
19

elang is. Dit word gewoonlik maklik opgespoor deur slegs
toepaslike soekwoorde op die Internet te aktiveer. U word
aangemoedig om van hierdie bron van kennis oor die
misdaadverskynsel gebruik te maak. Uit die aard van die
saak moet u natuurlik onthou dat, omdat ons met wetenskap
te doen het, sal u slegs van die wetenskaplik nagevorsde
artikels wat op die Internet geplaas word, gebruik kan maak.
U kan soos volg te werk gaan om sinvolle toegang tot die
Internet te kry:
Besoek die tuisblad van UNISA by .
Gaan na UNISA Biblioteek en op die tuisblad van die
biblioteek gaan u na Electronic Journals. Daar kan u bietjie
rondblaai!
U kan natuurlik ook met enige van die search engines ‘n
soektog na ‘n spesifieke onderwerp loods.
6 SLOTWOORD
Nagraadse studie verg baie tyd en baie deursettingsvermoë.
Die eindresultaat is egter die moeite werd. U is baie welkom
om enige verdere navrae aan die Nagraadse
Kursuskoördineerder vir die Departement Kriminologie
(adres elders verskaf) te rig.
20

7. DOSERENDE PERSONEEL
Departementshoof (Waarnemend):
Professor: JH Prinsloo MA, DLitt et Phil
Professor: H Conradie
(UNISA)
MA(Sos),
virCHO)
DPhil (PU
SJ Joubert MA, DLitt et Phil
JJ Neser
(UNISA)
MA (UOVS), DLitt et Phil
(UNISA), SPM
Medeprofessor: M Ovens MA (UP), DLitt et Phil
(UNISA)
Senior Lektor: DN Swart MA, DLitt et Phil
(UNISA)
FJW Herbig MA, DLitt et Phil
(UNISA)
A-M Hesselink MA, DLitt et Phil
E van der Merwe
(UNISA)
MA (UNISA)
Lektor: MJ Victor-Zietsman Hons BA, LLB (UP)
LR Morodi MA (UNISA)
VZ Mtshali Hons BA (Unisa)
ADMINISTRATIEWE PERSONEEL
Sekretaresses : JD Nienaber (Mev)
P Sibaya (Me)
21
UNISA