Lettere en Wysbegeerte - Potchefstroom University

Innovasie deur diversiteit
Waar ons graadkry in die fakulteit
LETTERE en
WYSBEGEERTE
klaarkry
NORTH-WEST UNIVERSITY
YUNIBESITI YA BOKONE-BOPHIRIMA
NOORDWES-UNIVERSITEIT
POTCHEFSTROOMKAMPUS

2
VRYWARING
Inhoud
Die studieinligting en die minimum toelatingsvereistes in hierdie
gids is onderhewig aan verandering en is slegs ’n opsomming van
die algemeenste studierigtings en -vereistes. Hierdie inligting is met
die oog op algemene bekendstelling en oriëntering opgestel en die
Noordwes-Universiteit aanvaar geen aanspreeklikheid vir wysigings
wat mag plaasvind nie. Die amptelike Jaarboek van die Universiteit
moet in alle gevalle by die samestelling van ’n program van die
spesifieke studierigting geraadpleeg word.
Toelating
Neem asseblief kennis dat nie alle aansoekers tot ’n bepaalde
studierigting aanvaar word nie al sou hulle aan die minimum-vereistes
van ’n kursus voldoen. Die rede is dat die Universiteit beperkte
kursus- en koshuisplekke het en dat die meeste aansoekers aan ’n
keuringsproses (gebaseer o.a. op jou skoolpunte) onderhewig is.
Dieselfde geld vir aansoeke om koshuisverblyf.
Koshuisverblyf
Studente wat nie in kampuskoshuise woon nie (en dus van private
verblyf gebruik maak), word in die studentelewe geïnkorporeer
d.m.v. “dorpskoshuise”. Hulle het ’n volledige huiskomitee (HK) en
koshuisouers, kan in eetsale eet en neem in
koshuisverband aan die georganiseerde
studentelewe deel. Die meeste
studente maak van sodanige
verblyf gebruik en daar is ‘n groot
aanbod van akkommodasie binne
loopafstand van die kampus.
www.nwumobi.mobi
www.nwu.ac.za
www.nwumobi.mobi
INHOUDSOPGAWE
Die kampus in ’n neutedop ............................................................ 3
Stop! Studentepret op sy heel beste! ............................................. 5
Koshuislewe ................................................................................... 6
Beurse en studielenings ................................................................ 7
Betaalbare gelde ............................................................................ 8
Studentevoorligtingsdiens .............................................................. 12
Algemene navrae ........................................................................... 12
Toelatingsvereistes ......................................................................... 13
Bepaling van die APS-telling ........................................................... 14
Studieinligting ............................................................................... 16
© 2009 NWU. Saamgestel deur die Departement Bemarking en
Kommuni kasie in samewerking met die agt (8) fakulteite en die
Toelatingskantoor op die Potchefstroomkampus van die Noordwes-
Universiteit (NWU).

DIE KAMPUS
in ’n neutedop
Welkom by die NWU-Potchefstroomkampus!
Hierdie is jou gids tot beroepsgerigte opleiding en ’n internasionale
kwalifikasie: NWU-Pukke, waar ons graadkry met lekkerkry klaarkry!
Die Noordwes-Universiteit is ’n eg Suid-Afrikaanse universiteit met drie
kampusse in onderskeidelik Potchefstroom, Vanderbijlpark en Mafikeng.
Jy kan op enige van dié drie kampusse studeer. Hierdie gids handel oor
studierigtings by die NWU-Potchefstroomkampus. As jy studieinligting
oor enige van die ander kampusse verlang, maak asseblief gebruik van
die kontakinligting onder Algemene navrae op bl.12.
Hoekom die NWU-Potchefstroomkampus?
• Hoë akademiese standaarde en internasionale kwaliteit;
• Waardegedrewe met ruimte vir die uitleef van Christelike beginsels;
• Beroepsgerigte opleiding vir jou loopbaan;
• Studie en studentelewe in Afrikaans;
• ’n Veilige en stabiele kampus; en
• ’n Studentelewe wat skrik vir niks!
Internasionale standaarde
By die NWU-Potchefstroomkampus is ons vurig oor kwaliteit –
internasionale kwaliteit! Om dit te verseker, word die Universiteit se
navorsing en nagraadse opleiding voortdurend aan ’n internasionale
evaluering onderwerp.
Die jongste verslag oor so ’n evaluering sê:
“Based on the findings during the visit to the University, all review
teams have become impressed by the quality assurance system
developed by the University. In a few years the University acquired
mastership in this field.”
“The University can be proud of its performance and has set standards
for the country as a whole. From an international perspective the
approach and procedures used are fully state of the art.”
Navorsing wys dat 85% van NWU-Pukstudente binne drie maande nadat hulle afgestudeer het, werk kry.
3

4
Die universiteit is:
• Die universiteit wat die meeste doen vir veeltaligheid en nasiebou.
* Pan-Suid-Afrikaanse Taalraad, 2008
• Die bes bestuurde universiteit in Suid-Afrika.
* PricewaterhouseCoopers, 2007, 2008
• Die mees innoverende universiteit in Suid-Afrika.
* Innovasiefonds van die Departement Wetenskap en Tegnologie, 2008.
Beroepsgerigte opleiding
Gehalte is die sleutel tot jou beroepsgerigte graad. Dit word
vergestalt in die feit dat:
• Die NWU onder die drie top universiteite is wat navorsing met die
privaatsektor onderneem (THRIP-verslag 2006/2007);
• 95% van NWU-Pukstudente binne ’n jaar nadat hul afgestudeer
het, werk kry; en
•
80% van alle werkgewers aandui dat ons opleiding jou goed
voorberei op die eise en roetines van die werkplek. (Werksverkrygingnavorsing:
Potchefstroomkampus 2009).
Besondere studentelewe
Naas ’n beroepsgerigte graad, waarborg ons jou ook ’n unieke
studentelewe en dinamiese studentekorps in ’n moderne stad met die
beste sport-, kultuur- en ontspanningsgeriewe: Lang eikelanings en
luilekker kuierplekke, groot gees en selfs groter geeste.
Waardegedrewe maak ons ‘n verskil
Die Noordwes-Universiteit is ’n waardegedrewe instelling wat
verdraagsaamheid en respek vir alle perspektiewe en geloofsisteme
bevorder om sodoende ’n gepaste omgewing vir leeronderrig, navorsing
en gemeenskapsdiens te bevorder. Op die NWU-Potchefstroomkampus
het dosente en studente ruimte om ’n Christelike perspektief op
wetenskapsbeoefening te hê. Dit vorm die grondslag waarvolgens
98% van werkgewers in ’n navorsingsverslag die integriteit en etiese
optredes van ons afgestudeerde studente in die werkplek as goed tot
baie goed geëvalueer het.
Afrikaans: ’n Funksionele taal plan
Die Noordwes-Universiteit het ’n taalbeleid wat buigsaam, funksioneel
en meertalig is. Hierdie beleid bevorder toeganklikheid, integrasie en ’n
“gevoel van tuiswees”. Elke kampus het ’n taalplan wat die taalbehoefte
van studente en die taalwerklikheid op grondvlak in ag neem.
Aangesien ongeveer 90% van die studente op die Potchefstroomkampus
Afrikaanssprekend is, is die onderrig- en omgangstaal op die
kampus Afrikaans. Alhoewel die dagprogram vir voltydse studie op die
Potchefstroomkampus in Afri kaans is, is daar hulp vir nie-moedertaalsprekers
van Afrikaans. Studente mag met toestemming enige toets of
eksamen in Engels aflê, werks opdragte in Engels uitvoer en gedurende
lesings vrae in Engels stel.
In sekere studierigtings (Maats kaplike Werk, Voeding, Sosiale en
Politieke Wetenskap, Ingenieurswese, Aptekerswese, honneurs in
Teologie, Regte, Verpleegkunde, Sosiale en Politieke Wetenskap,
BCom-grade in Ekonomie en Internasionale Handel, Mensehulpbronbestuur
en Geoktrooieerde Rekenmeesterskap, BSc Aktuarieel
en BEd Grondslagfase) op voorgraadse vlak, kan studente klas loop in
Engels deur middel van simultane tolking.
Ondersteuning
Die NWU-Puk bedryf ’n voogstelsel van akademiese ondersteuning
en leiding aan studente. Die stelsel lei daartoe dat:
• ’n Slaagsyfer van 90% gehandhaaf word in finalejaarstudie;
•
•
•
Die NWU-Pukkampus die tweede hoogste deurvloeisyfer het van
alle universiteite in Suid-Afrika (voltooiing van graad in minimumtydperk);
Die NWU ‘n voorgraadse slaagkoers van 81,2% handhaaf; en
Studente ‘n rekenaarprogram, eFundi, gebruik waarmee akade-
miese ondersteuning ontvang word, met dosente gekommunikeer
word en werkopdragte ingehandig word.

STUDENTEPRET
op sy heel beste…
STOP! Jy hoef nie verder te soek nie.
Die Potchefstroomkampus se op-en-wakker studentelewe het
GEEN gelyke in die land nie. Ons het nie studentelewe uitgevind
nie, maar dit wel vervolmaak!
... en as dít jou nie oortuig het nie: Wie en wat is die President van
Tarentaal, Klipoog, Calvynfontein, ’n door en die dorelied, groot brêg,
O&B en die Big Prims? As jy meer wil uitvind, is die NWU-Pukkampus
net die plek vir jou. En o ja, moenie vergeet van Jool, Intervarsity en
Aardklop nie. Studentepret op sy heel beste!
Maar wat maak die Potchefstroomkampus se unieke studentegees
en studentelewe so besonders?
• ’n Lewendige, interaktiewe koshuislewe (kampus- en dorpskos huise)
vorm as’t ware die hart van die studentelewe;
• ’n Veilige en stabiele kampus in ’n moderne studentestad;
• Morele ondersteuning in krisistye deur jou koshuis en mede inwoners is
ongekend – hier word jy deel van die NWU-Pukfamilie;
• Ons glo aan waar ons graadkry met lekkerkry in Afrikaans klaarkry;
• Die beste sportgeriewe en -fasiliteite met ’n hokkie-akademie en ’n rugbyinstituut;
• Die NWU-Pukkampus is dié kuns- en kultuurmekka met ‘n verskeidenheid
uitstekende fasiliteite, kore, orkeste, ander groepe en aktiwiteite
wat elke smaak kan bevredig;
• Verder word jy as totale mens gevorm deur die eerstejaarskonsert,
kampustalentfees, blokskilder, kultuurtoer, sêr-kompe tisies en
nog vele meer;
• Om ’n NWU-Puk te wees is om ’n Puk te groet – hier is jy nie net ’n studentenommer
nie. Ons ken mekaar op die naam; en
• Lekker kuierplekke en ontspanningsgeriewe waar almal mekaar ken en
lewenslange vriende word…
70% van die NWU-Puk se studente ry by drie ander
kampusse verby om in Potchefstroom te studeer.
5

6
KOSHUISLEWE
Die Potchefstroomkampus se op-en-wakker studentelewe draai om sy
aktiewe koshuislewe met sy lewendige inter koshuiskompetisies. Alle
studente neem hieraan deel ongeag of hulle in kampuskoshuise bly of
privaat woon en in “dorpskoshuise” georganiseer is.
Wat maak ons kampuskoshuise verder uniek?
• Dit is binne loopafstand van akademiese en admini stratiewe geboue
en sportfasiliteite geleë;
• Veiligheid geniet hoë prioriteit – veral by die dameskoshuise
waar ’n streng stelsel van elektroniese toegangsbeheer toegepas
word;
• Elke koshuis het ’n koshuisbestuur wat bestaan uit ’n huisvader/moeder
en ’n huiskomitee; en
• Ander geriewe: e-pos, internet, telefone, eie geriewe om koffie
en tee te maak, was- en strykkamers met outomatiese wasmasjiene
en tuimeldroërs, kombuisies, televisiekamers, sitkamers,
ontspannings- en rekenaarlokale.
Dorpskoshuise
Studente wat nie in kampuskoshuise woon nie, maar in kamers,
woonstelle, buitehuise of by hul ouerhuise, neem aan die georganiseerde
studentelewe deel deur lid te word van een van die
“dorpskoshuise”. Dorpskoshuise funksioneer net soos kampuskos -
huise en word op dieselfde manier georganiseer as kampuskoshuise.
Studente in dorpskoshuise is ten volle deel van die kampus. Alle geriewe
is tot hul beskikking en hulle deel eetsale en die Klipoog Kafeteria saam
met ander koshuisinwoners. Dorpskoshuise kompeteer gelykwaardig
op alle terreine en van hierdie dorpskoshuise is gereeld wenners van
die kultuur-, sport- en akademiese trofeë.
Navorsing bewys dat 90% van studente van die NWU-Puk
effektief leiding kan neem in die werkplek.

Keuringsmodel
Aansoekers word aangemoedig om voor of op 30 Junie aansoek te doen
om koshuisplasing in ’n kampuskoshuis. Keuring vind in Julie plaas,
waarna merietegevalle deur ’n spesiale keuringskomitee oorweeg sal
word. Alle plasings word op grond van meriete en beskikbaarheid van
koshuisplek gedoen. (Keuringspunt: 70% akademie en 30% deelname
aan kultuur, sport en/of leierskap.)
BEURSE
en studielenings
Nuweling Akademiese Beurse
Dié beurse word outomaties (jy hoef nie daarvoor aansoek te doen nie)
aan alle voltydse eerstejaarstudente toegeken wat:
• Na graad 12 vir die eerste keer aan die universiteit vir ’n eerste
graad inskryf;
• ‘n Gemiddelde persentasie van 75% of hoër gedurende die graad
12-eindeksamen behaal het.
•
Die beurs word toegeken op grond van die rekenkundige
gemiddeld van die persentasies van die student se ses beste
vakke, Lewensoriëntering uitgesluit. Die persentasie behaal in nieaangewese
vakke word egter met 10% verminder in berekening
van merietebeurse. Die punte word nie afgerond nie.
Student se gemiddelde
berekende %
Merietebeurs
90% 110% korting van klasgeld
85% 100% korting van klasgeld
80% 75% korting van klasgeld
75% 40% korting van klasgeld
7

8
Leierskap en kultuurbeurs
Beurse word ook toegeken aan hoofleiers, Presidentsverkenner- en
Springboktoekennings, Hoofleierswagtoekennings, RRB Debatskompetisie,
ATKV Redenaarskompetisie en kuns- en kultuurprestasies.
Vir meer inligting skakel vir Ronel Vorster by 018 299 4245 of e-pos
ronel.vorster@nwu.ac.za
Ondersteuningsbeurse
Fisies gestremde studente, gesinsbeurse vir meer as een student,
weeskinders en reisbeurse (wat ver van die kampus woon) kwalifiseer
ook vir beurse. Vir meer inligting skakel vir Ronel Vorster by
018 299 4245 of e-pos ronel.vorster@nwu.ac.za
Sportbeurse
Vir ‘n beurs by die NWU-Puk Rugbyinstituut, skakel vir Ronel Emms
018 299 2429 of e-pos ronel.emms@nwu.ac.za. Vir ander sportbeurse,
skakel vir Joey du Pisani 018 299 2905 of e-pos joey.dupisanie@nwu.ac.za
Oudstudente-leningfonds
Skakel Leona Cain by 018 299 2764 of e-pos leona.cain@nwu.ac.za
NSFAS Beurs-leningskema
Skakel vir Marina Louw by 018 299 2193 of
e-pos marina.louw@nwu.ac.za
Funza Lushaka-onderwysbeurse
Skakel Triens Jacobs by 018 299 2189 of e-pos triens.jacobs@nwu.ac.za
Aansoeke en navrae om beurse en studielenings kan gerig word aan:
Die Hoof: Finansiële Steundienste (FSD), Potchefstroomkampus,
Noordwes-Universiteit, Privaatsak X6001, Potchefstroom 2520.
Tel: 018 299 4245 of 299 2189
Faks: 018 299 2194
E-pos: ronel.vorster@nwu.ac.za
Web: www.puk.ac.za/finansteun/
BETAALBARE
gelde en FINANSIËLE reëls
Inleiding
Die voorgeskrewe aansoekgeld, losiesdeposito, klas- en losiesgeld
word jaarliks hersien en word volledig in die amptelike dokument getiteld
“Betaalbare Gelde en Finansiële Reëls” uiteengesit.
Skakel gerus Finansiële Administrasie: Inkomste vir die verkryging
van hierdie dokument by:
Tel: 018 299 2662/8/9/2670/1 of 018 299 4050/425
Faks: 018 293 5230/4, 293 5252/5 of 018 293 5313/4/5
E-pos: alet.smith@nwu.ac.za isaac.mathiba@nwu.ac.za
kitty.jacobs@nwu.ac.za wagner.leana@nwu.ac.za
yolanda.vanwyk@nwu.ac.za suzanne.pretorius@nwu.ac.za
Aansoekgeld en losiesdeposito
Die aansoekvorm om voorlopige toelating tot die Universiteit sal nie
sonder die nodige bewys van betaling van die voorgeskrewe aansoekgeld
en losiesdeposito vir evaluering deur die Universiteit aanvaar word
nie. Indien jy die aansoekvorm en aansoekgeld (tjeks/posorders uitgemaak
aan die NWU) wil pos, rig dit asseblief aan die posadres voor op
die aansoekvorm.
Die volledige lys van klasgelde vir modules en kwalifikasies is beskikbaar
tydens registrasie in die betaalsaal van die Joon van Rooy-gebou
of op die universiteit se webwerf by www.nwu.ac.za/gelde. Die modulesamestelling
is bepalend vir die presiese klasgeldbedrag per jaar.
‘n Gemiddelde berekende raming wat onderhewig is aan aanpassing
en goedkeuring van die Raad, word per kwalifikasie vir 2011 hier onder
uiteengesit.

Hierdie is nie ‘n volledige lys van alle kwalifikasies nie, maar enkele
algemene grade:
Program Per jaar
BA R16 730
BA (Kommunikasie) R17 780
BA (Musiek) R25 640
BA (Maatskaplike werk) R20 920
BA (Grafiese ontwerp) R17 890
BPharm R23 130
BCom (Bestuursrekeningkunde) R23 380
BCom (Rekeningkunde en Informatika) R20 640
BCom (Regte) R24 920
BIng R26 100
BCur R19 560
BSc (Aktuariële Wetenskappe) R23 660
BSc (Verbruikerswetenskappe) R23 450
LLB R19 720
BTh R15 900
Universiteitsdiploma in Sportkunde R12 980
Honneurs R12 080
BEd (Grondslagfase) R18 410
BEd (Int. en Snr.) of BEd (Snr. en VOO) R16 340
BEd (Honneurs) per jaar vir 2 jaar R6 290
Volgens ’n Raadsbesluit geskied die bepaling van klasgeldtariewe per
module. Die tarief per module word volledig in die amptelike dokument
getiteld “Betaalbare Gelde en Finansiële Reëls” en/of aanhangsels
daarby uiteengesit. Die modulesamestelling (getal modules en aard van
die modules) is dus bepalend vir die presiese klasgeldbedrag per jaar.
Meer as ‘n duisend internasionale sportsterre stroom jaarliks
na Potchefstroom om gebruik te maak van die universiteit se
uitstekende sportgeriewe.
9

10
Losiesgeld
Die beraamde losiesgeld vir mans- en dameskoshuise per jaar vir
2011 word hieronder as ’n riglyn uiteengesit maar is onderhewig aan
aanpassing en goedkeuring van die Raad.
Mans- en Dameskoshuise (per jaar)
Caput R12 490 Minjonet R12 490
Excelsior R12 490 Oosterhof R12 490
Heide R12 490 Over de Voor R12 490
Hombre R12 490 Patria R12 490
Karlien R12 490 Vergeet-my-Nie R12 490
Kasteel R12 490 Veritas R12 490
Klawerhof R12 490 Wag-’n-Bietjie R12 490
Kom-en-Gaan R12 490 Wanda R12 490
Mans- en Dameskoshuise – Enkelkamers (per jaar)
De Wilgers R12 950 Ratau R12 950
Eikenhof R12 950 Republiek R12 950
Laureus R12 950
Oppirif (per jaar)
Kamers R14 065 Selfsorg-eenhede
R19 965
Die bedrae sluit die aansoekgelde om koshuisinwoning van R500 in,
asook die R1 000 ter bevestiging van die koshuisinwoning in die geval
van eerstejaarstudente. Die R1 500, of R500 in die geval van senior
studente, word as ‘n losiesdeposito op u rekeningstate aangedui en
Navorsing bewys dat 82% van NWU-Pukstudente kreatief
in die werkplek kan dink!

sal aan die einde van Maart oorgeplaas word as krediet op u klas- en
losiesgeldrekening.
Die tariewe word volledig in die amptelike dokument getiteld
“Betaalbare Gelde en Finansiële Reëls” uiteengesit. Die nuutste
dokument is ook op die web by www.nwu.ac.za/gelde beskikbaar.
Etegeld
Etes word op ‘n streng kontantbasis by die Universiteit hanteer. Dit
beteken dus dat u slegs dit wat u op u eterekening inbetaal, beskikbaar
het; geen krediet word dus meer vir etes verleen nie! Etes, bereken
teen R65 per dag vir 170 dae, beloop ongeveer R 11 050 per jaar, of
R1 300 per maand.
Etes in koshuiseetsale kan slegs deur middel van die universiteitskaart
genuttig word. Studente betaal slegs vir etes wat wel geneem word.
Etes en snoeperye kan ook in die kafeteria deur middel van die universiteitskaart
aangekoop word. Behalwe vir etes, mag daar net kampusgoedgekeurde
items op die universiteitskaart gekoop word, soos bv.
PUK-dagboeke, PUK-rugbytruie, eerstejaarsdineekaartjies of toegangskaartjies
na goedgekeurde studentefunksies.
Etegeld-betalingsopsies
‘n Direkte bankdeposito of elektroniese inbetaling kan gemaak word
in enigeen van die Noordwes-Universiteit se bankrekenings by ABSA
Bank, Eerste Nasionale Bank, Nedbank of Standard Bank. By ABSA
se Rekeningbetalings, ENB se Public Recipients, Nedbank se Bankapproved
beneficiaries of Standard Bank se Companies moet die rekeningnaam
“NWU VENDING” vanuit u bank se lys van begunstigdes
gekies word.
Slegs die 8-syfer-universiteitsnommer sal as begunstigde verwysing aanvaar
word. Die onderskeie rekeningnommers, wat verskil van die NWU
STUDENT-rekeningnommers hier bo genoem, is: ABSA 40-7010-0351,
ENB 6216-191-6849, Nedbank 1713-378-558 en Standard Bank
33-038-243-8.
NWU VENDING is dus uitsluitlik vir die kontant etestelsel bedoel terwyl
NWU STUDENT vir klas-, losies en ander geld bedoel is.
Kassiere op kampus
Gelde kan van 08:00 tot 15:30 op weeksdae by die kassier in die Joon
van Rooy-gebou inbetaal word.
Registrasiegeld
Die onderstaande beraamde bedrae is tydens registrasie in Januarie/
Februarie betaalbaar maar is onderhewig aan aanpassing en goedkeuring
van die Raad.
Koshuis Dorp Deeltyds
Registrasiegelde R950 R950 R950
Addisionele registrasiegelde
(Dorpskoshuisrade) – R50 –
Eerste betaling op klasgeld R4 100 R4 100 R4 100
Eerste betaling op losiesgeld R3 900 – –
Etes tydens O&B*
(Verpligtend vir koshuiseerstejaars) R700 – –
Verpligte betaling R9 650 R5 100 R5 050
Aanbevole inbetaling vir etes
(Februarie en Maart 2011)** R1 950 R1 950 –
Totaal R11 600 R7 050 R5 050
* Ontvangs- en Bekendstellingsprogram vir eerstejaarstudente.
** Sien Etegeld hier naas.
Betaling van gelde
Klas- en losiesgeld is betaalbaar in maandelikse paaiemente, soos
aangedui op die rekeningstate, binne dertig dae na rekeningdatum,
met ‘n finale betaling ter volle vereffening op 31 Julie jaarliks. Ander
gelde is streng betaalbaar binne dertig dae na rekeningdatum.
11

12
Die losiesdeposito word jaarliks gedurende Maart van die betrokke
studiejaar teen die student se klas- en losiesgeldrekening gekrediteer.
Indien ‘n student se studies deur middel van ‘n beurs of lening
gefinansier word, moet die skriftelike bewys daarvan jaarliks tydens
registrasie voorgelê word. Die skriftelike bewys moet ‘n uiteensetting
gee van dit waarvoor die beurs- of leningsbedrae aangewend mag
word, asook wanneer die uitbetaling daarvan sal geskied. As u dus van
‘n beurs of lening gebruik maak om u studies te finansier, moet u reeds
vroegtydig by die betrokke instansie aansoek doen.
Studentevoorligtingsdiens
(SVD)
Talle studente betree deesdae die wêreld van studie met ontoereikende
kennis van die beroepswêreld en die werksituasie. Die Studentevoorligtingsdiens
is amptelik die ondersteuningsdepartement
van die Noordwes-Universiteit wat met behulp van sielkundige toetse,
skoolkinders vanaf graad 7-12 op ’n wetenskaplike wyse help om
verantwoordelike keuses te maak en besluite te neem ten opsigte van:
• Beroeps- en kursuskeuse; en
• Realisering van potensiaal.
Studente word ook tydens die ontvangs- en bekendstellingsprogram
getoets of hulle in die regte studierigting studeer. Skakel die
Studentevoorligtingsdiens by 018 299 2891.
ALGEMENE
navrae
Potchefstroomkampus
Skakel of skryf gerus aan:
Departement Bemarking en Kommunikasie (Potchefstroomkampus),
Privaatsak X6001, Potchefstroom, 2520.
Tel: 018 299 2772, faks: 018 299 2767, e-pos: navrae@nwu.ac.za

Mafikengkampus
Skakel of skryf gerus aan:
Departement Bemarking en Kommunikasie (Mafikengkampus),
Privaatsak X2046, Mmabatho, 2735.
Tel: 018 389 2252, faks: 018 392 5775,
e-pos: tshepi.molemane@nwu.ac.za
Vaaldriehoekkampus
Skakel of skryf gerus aan:
Departement Bemarking en Kommunikasie (Vaaldriehoek kampus)
Posbus 1174, Vanderbijlpark, 1900.
Tel: 016 910 3111, faks: 016 910 3171, e-pos: vaal@nwu.ac.za
89% van studente van die NWU-Puk kan analities en
logies dink in die werkplek.
TOELATINGSvereistes
Aan die einde van 2008 is die Nasionale Senior Sertifikaat (NSC), wat
matriek vervang, vir die eerste keer uitgereik.
Dit bepaal dat ’n leerder sewe vakke moet slaag. Vier van die vakke is
verpligte vakke: Een amptelike taal op die vlak van Huistaal en een taal
as Eerste Addisionele Taal, Lewensoriëntering, Wiskunde of Wiskundige
Geletterdheid en drie verdere keusevakke.
Die minimum toelatingsvereiste vir graadstudie by enige universiteit
(die ou matriekvrystelling, nou genoem universiteitstoelating), is
’n prestasievlak van 4 (50-59%) nodig in minstens vier vakke uit die
aangewysde groep vakke (sien lys).
Aangewysde vaklys vir Universiteitstoelating
• Besigheidstudies
• Dramatiese Kunste
• Ekonomie
• Fisiese Wetenskappe
• Geografie
• Geskiedenis
• Godsdiensstudie
• Ingenieursgrafika en -ontwerp
• Inligtingstegnologie
• Landbouwetenskap
• Lewenswetenskappe
• Musiek
• Rekeningkunde
• Tale (een taal van leer en onderrig soos by ’n instansie vir hoër
onderwys gebruik)
• Verbruikerstudie
• Visuele Kunste
• Wiskunde
• Wiskundige Geletterdheid
13

14
Jy benodig minstens vier (4) vakke uit die lys hierbo op vlak 4 (50-59%).
Tweedens moet jy voldoen aan die APS-telling en toelatingsvereistes vir
die betrokke studierigting.
Bepaling van die APS-telling
• Die prestasie behaal in ses vakke word gebruik om die APS-telling
te bereken. Vier van die vakke kom uit die aangewysde lys (soos
benodig vir universiteitstoelating). Indien die ander twee vakke
nie uit die lys kom nie (dus uit die gewone NSC-vaklys) word dit
in berekening gebring.
• Die APS-punt behaal in Lewensoriëntering word nie in berekening
gebring by die berekening van die APS-telling nie, maar om ’n
Nasionale Senior Sertifikaat (NSC) te behaal, moet ’n leerder ’n
skaalpunt van 3 in Lewensoriëntering verwerf.
• Vir die Potchefstroomkampus van die NWU, word die volgende
taalvereiste gestel: ’n Slaagsyfer van vlak 4 (50-59%) in die taal
van leer en onderrig op Huistaal- of Eerste Addisionele Taalvlak.
• Die spesifieke vakvereistes kan in die volledige Studieinligtingsgids
gesien word.
• Om meer inligting te bekom oor voorwaardelike universiteitstoelating,
skakel 012 481 2921 of besoek www.sauvca.org.za
www.nwumobi.mobi
www.nwu.ac.za
www.nwumobi.mobi
90% van NWU-Pukstudente se akademiese opleiding
berei hul uitstekend voor vir die beroepswêreld.

Die volgende keuringstabel word gebruik vir die bepaling van die APStelling:
Keuringstabel vir die bepaling van APS:
(Omskakeling van skoolvakke se simbole)
NSC-vlak APS-telling
7 (80-100%) 7
6 (70-79%) 6
5 (60-69%) 5
4 (50-59%) 4
3 (40-49%) 3
2 (30-39%) 2
1 (0-29%) 1
Voorbeeld van hoe om jou APS-telling te bepaal.
(Hierdie is slegs ’n voorbeeld. Pas jou eie vakke en punte volgens die
voorbeeld toe.)
Afrikaans Huistaal (uit aangewysde lys) 4
Engels Eerste Addisionele Taal (uit aangewysde lys) 4
Wiskunde (uit aangewysde lys) 6
Rekeningkunde (uit aangewysde lys) 6
Ontwerp (NSC-vak) 6
Rekenaartoepassingstegnologie (NSC-vak) 5
APS-telling 31
Vergelyk dit nou met die vereistes in dié studieinligtinggids om te sien
of jy kwalifiseer vir toelating.
15

16
Fakulteit
LETTERE EN WYSBEGEERTE
Inleiding
Die Fakulteit Lettere en Wysbegeerte bestaan uit vyf (5) skole wat elk ’n
bepaalde studieterrein en spesifieke vakdissiplines verteenwoordig:
• Skool vir Filosofie (Filosofie en Verstaan die wêreld);
• Skool vir Kommunikasiestudies (Kommunikasiestudie, Grafiese
Ontwerp en Illustrasiekuns en Kunsgeskiedenis);
•
•
•
Skool vir Sosiale en Owerheidstudies (Geskiedenis en Antieke Kul-
tuur, Sosiale Antropologie, Openbare Bestuur en Regering, Politieke
Studie en Sosiologie);
Skool vir Tale (Afrikaans en Nederlands, Afrikatale, Duits, Engels,
Frans, Skryfkuns, Taaltegnologie, Vertaal- en Tolkstudie; en
Skool vir Musiek (Musiekvakke).
Die program in BA Musiek en Samelewing en die Universiteitsdiploma
in Musiek word voltyds in Engels aangebied. Alle ander voorgraadse
kwalifikasies waarvoor die Fakulteit Lettere en Wysbegeerte verantwoordelik
is, word slegs voltyds en slegs in Afrikaans aangebied. Een
kurrikulum van die BA Geesteswetenskappe waarin Politieke Studies en
Openbare Bestuur en Regering as hoofvakke geneem kan word, word
by wyse van tolking ook in Engels aangebied.
Om vir studie in die Fakulteit Lettere en Wysbegeerte te kwalifiseer,
moet ’n voornemende student aan die betrokke studierigting se vereiste
APS-telling voldoen (sien voor in gids hoe om dit te bereken).
Taalvereiste
’n Slaagsyfer van 50-59% (vlak 4) in die taal van leer en onderrig op
huistaal- of eerste addisionele taalvlak word vereis.
Die Fakulteit Lettere en Wysbegeerte bied die volgende kwalifikasies
en programme aan:
Studierigtings
Baccalaureus Artium (BA)
Ontwikkeling en Bestuur
(Programkode vir aansoekvorm: 1001331: L300P en L303P)
Doel en beroepsmoontlikhede van die program
In die staatsdiens, met vertakkinge soos die nasionale, provinsiale en
plaaslike owerhede, en die verskillende departemente en afdelings
daarin, is daar baie beroepsmoontlikhede vir voornemende studente.
Hierdie kwalifikasie berei studente voor om ’n positiewe bydrae te
maak in die staatsdiens se lewering van dienste aan die samelewing.
Kurrikulums
• Openbare Bestuur en Regeerkunde
• Openbare Bestuur en Mensehulpbronbestuur en
Arbeidsverhoudinge
• Openbare Regeerkunde en Politiek met Regsvakke
• Openbare Bestuur en Regering en Ekonomie
• Openbare Bestuur en Regering en Sosiologie
Toelatingsvereistes
• Universiteitstoelating; en
• APS van minstens 20.
Belangrikste vakke
Openbare Bestuur en Regering, Arbeidsverhoudinge, Bedryfsielkunde,
Ekonomie, Politieke Studie, Regsmodules en Sosiologie.

Wyse van aanbieding en duur van die program
Hierdie program word slegs voltyds aangebied en strek oor drie (3) jaar.
Toelating tot nagraadse studie
Die suksesvolle afhandeling van die program bied toelating tot
die honneursgraad in Ontwikkeling en Bestuur en, afhangend van
die ander hoofvakke wat geneem is, ook tot die honneursgraad in
Bedryfsielkunde, Menslikehulpbronbestuur, Politieke Studie, Sosiologie,
Ekonomie.
Toerismebestuur
Doel en beroepsmoontlikhede van die program
‘n Wye verskeidenheid loopbaanopsies bestaan in die toerismesektor
en erfenisterreine en museums. Hierdie kurrikulum waarin Geskiedenis
(met modules waarin gefokus word op erfenis- en kultuurtoerisme) en
Toerismebestuur gekoppel word, berei studente in dié verband voor.
Kurrikulums
Die program het slegs een kurrikulum wat bekend staan as Erfenis- en
Kultuurtoerismebestuur.
Toelatingsvereistes
• Universiteitstoelating; en
• APS van minstens 20.
Belangrikste vakke
Geskiedenis en Toerismebestuur.
Wyse van aanbieding en duur van die program
Hierdie program word slegs voltyds aangebied en strek oor drie (3) jaar.
Toelating tot nagraadse studie
Hierdie program bied toelating tot die honneursgraad in Toerismebestuur.
17

18
Gedragswetenskappe
Doel en beroepsmoontlikhede van die program
Hierdie kurrikulum kan lei tot beroepe as bedryfsielkundiges of arbeidsverhoudingepraktisyns.
Kurrikulums
Slegs een kurriklulum word in hierdie program aangebied.
Toelatingsvereistes
• Universiteitstoelating; en
• APS van minstens 20.
Belangrikste vakke
Bedryfsielkunde en Arbeidsverhoudinge.
Wyse van aanbieding en duur van die program
Hierdie program word slegs voltyds aangebied en strek oor drie (3) jaar.
Toelating tot nagraadse studie
Suksesvolle voltooiing van die program gee toelating tot die honneursgraad
in Menslike Hulpbronbestuur, in Arbeidsverhoudinge asook in
Bedryfsielkunde.
B Sosiale Wetenskappe (BSocSc)
Doel en beroepsmoontlikhede van die program
Die voordeel van hierdie opwindende nuwe program op die Potchefstroomkampus
is dat dit aan studente aan die een kant uitstekende
kombinasies van hoofvakke bied wat goeie beroepsmoontlikhede
verseker en aan die ander kant ’n wye verskeidenheid byvakopsies aan
studente bied om van te kies soos tale, ander sosiale wetenskappe en
selfs enkele vakke uit ander fakulteite.
Afhangend van die kurrikuklum wat gevolg word, sluit beroepsmoont-

likhede die volgende in: mark- of sosiale navorsers; onderwys (veral in
kombinasie met tale tot op tweedejaarsvlak); joernalis; nuuskommentator;
analis; ontwikkelaar; beplanner; politieke analis; toeristeleiers;
kultuurhistorici; impakstudienavorsers; bestuurders en ekonome.
Kurrikulums
• Individu en Samelewing
• Sosiale Dinamika
• Politiek en Samelewing
• Kultuur en Samelewing
• Omgewing en Samelewing
• Ekonomie en Samelewing
Toelatingsvereistes
• Universiteitstoelating; en
• APS van minstens 20.
Belangrikste vakke
Ekonomie, Geskiedenis, Politieke Studie, Sosiale Antropologie, Sosiologie,
Geografie en Omgewingstudies, Psigologie, Arbeidsverhoudinge,
Afrikaans en Nederlands, Engels, Duits, Frans, Filosofie, Kommunikasie,
Kunsgeskiedenis, Openbare Bestuur en Regering, Setswana.
Wyse van aanbieding en duur van die program
Hierdie program word slegs voltyds aangebied en strek oor drie (3) jaar.
Toelating tot nagraadse studie
Afhangend van die hoofvakke wat geneem is, bied die suksesvolle
afhandeling van huierdie program toelating tot die honneursgraad
in Psigologie, Sosiologie, Geskiedenis, Politieke Studie, Geografie en
Omgewingstudie, Ekonomie.
19

20
Geesteswetenskappe
(Programkode vir aansoekvorm: 1001351: L310P)
Hierdie program lei tot die verwerwing van ’n algemeen-vormende
BA-graad en bied toelating tot nagraadse studie in ’n verskeidenheid
vakke.
Doel en beroepsmoontlikhede van dié program
Die doel van hierdie program is om studente op te lei vir die eise wat die
Suid-Afrikaanse samelewing stel en om hulle te skool in die toepassing
van akademiese vaardighede met die oog op verdere studie.
Toelatingsvereistes
• Universiteitstoelating; en
• ’n APS-telling van minstens 20.
Belangrikste vakke
Van die vakke wat in hierdie program geneem kan word, is Tale (Af -
rikaans en Nederlands, Duits, Engels, Frans, Setswana), Psigologie,
Bedryfsielkunde, Geskiedenis, Politieke Studie, Openbare Bestuur en
Regering, Kunsgeskiedenis, Filosofie, Sosiale Antropologie, Ekonomie,
Sosiologie, Rekenaarwetenskap, Geografie en Omgewingstudies en
Wiskunde.

Wyse van aanbieding en duur van die program
Die program word voltyds oor drie (3) jaar en deeltyds oor vier (4) jaar
aangebied.
Toelating tot nagraadse studie
Die suksesvolle voltooiing van hierdie program bied toelating tot verskeie
honneursgrade, afhangende van die samestelling van vakke wat
geneem word.
Taal- en Literatuurstudie
(Programkode vir aansoekvorm: 1001401: L330P)
Hierdie program behels die bestudering van verskillende tale en in die
besonder die taal- en die letterkundes van verskillende tale.
Doel en beroepsmoontlikhede van dié program
• Om studente se taalvaardigheid te bevorder vir die doel van effektiewe
kommunikasie in ’n verskeidenheid van beroepe; en
• Om deur literatuurstudie studente se kulturele bewussyn te verskerp
wat besonder waardevol is in ’n multikulturele land soos
Suid-Afrika, maar ook ten opsigte van die prosesse van globalisering
waarin die wêreld tans is.
Toelatingsvereistes
• Universiteitstoelating; en
• ’n APS-telling van minstens 20.
Belangrikste vakke
Vakke wat in hierdie program geneem kan word, sluit in Afrikaans en
Nederlands, Engels, Setswana, Frans, Duits, Skryfkuns en Vertaal- en
Tolkstudie.
Wyse van aanbieding en duur van die program
Die program word voltyds oor drie (3) jaar aangebied.
Toelating tot nagraadse studie
Afhangende van die student se vaksamestelling, bied die suksesvolle
voltooiing van hierdie program toelating tot die honneursgraad in verskeie
vakke.
Musiek en Samelewing
(Programkode vir aansoekvorm: 1001481: L324P)
Hierdie program het ’n vasgestelde vaksamestelling.
Doel en beroepsmoontlikhede van dié program
Die doel van hierdie program is om die student in staat te stel om
effektief te funksioneer as musikant in die Suid-Afrikaanse konteks.
Ná voltooiing van hierdie program sal die student in staat wees om
die verwantskap tussen musiek, kultuur en samelewing te begryp en
hierdie insig aan te wend om gemeenskapsprojekte oordeelkundig te
ontwikkel.
Toelatingsvereistes
• Universiteitstoelating;
• ’n APS-telling van minstens 21; en
• Slaag van ’n musiekaanlegtoets en praktiese toelatingstoets.
Belangrikste vakke
Die belangrikste vakke in hierdie program is Musiektegnologie, Musiekgeskiedenis,
Musiekopvoeding, Musieknotasie, Musiekteorie, Afrikamusiek,
Musiekuitvoering, Kunstebestuur en Koorleiding.
Wyse van aanbieding en duur van die program
Die program word voltyds aangebied en strek oor drie (3) jaar.
Toelating tot nagraadse studie
Daar bestaan tans geen moontlikhede vir nagraadse studie wat op
hierdie kwalifikasie volg nie.
21

22
BA met
Musiekvakke
(Programkode vir aansoekvorm: 1001381: L325P)
In hierdie program kan studente musiekvakke kombineer met ’n niemusiekhoofvak,
bv. tale, Psigologie, Wiskunde.
Doel en beroepsmoontlikhede van dié program
• Om studente toe te rus met kennis en vaardighede sodat hulle op
eie inisiatief verdere kennis vir die beoefening van hulle beroepe
kan verwerf;
• Om kennis en vaardighede te verskaf waarmee studente in die
musiekwêreld ’n bydrae kan lewer tot die bevordering van alle
tipes en genres musiek in Suid-Afrika; en
• Om studente van die nodige kommunikasievaardighede te voorsien
ten einde hulle in staat te stel om goeie musiekpraktisyns te wees.
Toelatingsvereistes
• Universiteitstoelating;
• ’n Praktiese oudisie en teoretiese toelatingstoets;
• ’n APS-telling van minstens 21;
• Graad VII in een instrument en Graad V in teorie (UNISA) of minstens
vlak 5 (60-69%) in Musiek as Aangewysde NSC-vak; of ’n
ander gelykwaardige standaard in Musiek wat deur die Senaat
goedgekeur word.
Belangrikste vakke
Die belangrikste vakke in hierdie program is Musiekgeskiedenis,
Gehoor opleiding, Musiekmetodiek, Populêre Musiek, Sosiale Musiek -
wetenskap, Musiekuitvoering, Afrikamusiek, Musiekteorie en Musiekopvoeding
wat met verskillende ander keusevakke gekombineer kan
word, soos Afrikaans en Nederlands, Engels, Duits, Frans, Psigologie
en Wiskunde.
Wyse van aanbieding en duur van die program
Die program word voltyds oor drie (3) jaar aangebied.
Toelating tot nagraadse studie
Suksesvolle voltooiing van hierdie graad verleen toelating tot die honneursgraad
in Musiek.
BA
Kommunikasie
(Programkode vir aansoekvorm: 1001391: L326P)
Hierdie program fokus op die breë terrein van kommunikasiepraktyk.
Dit is moontlik om vir hierdie program een nie-kommunikasiehoofvak
te neem. Studente verwerf ná voltooiing van die derde studiejaar die
graad BA.
Doel en beroepsmoontlikhede van die program
Die doel van die program is om kommunikasiekundiges te lewer wat
hul kennis en vaardighede in ’n professionele kommunikasiekonteks
kan toepas, veral op die terreine van korporatiewe kommunikasie
[skakelwerk en bemarking], joernalistiek en korporatiewe en dokumentêre
videoproduksie en ontwikkelingskommunikasie.
Studente wat hierdie program volg, word aangeraai om na die verwerwing
van die kwalifikasie, voort te gaan met die honneursgraad in
Kommunikasiestudies.
Toelatingsvereistes
• Universiteitstoelating;
• ’n APS-telling van minstens 22;
• ’n Beperkte getal studente word jaarliks vir die eerste studiejaar
tot alle kommunikasieprogramme toegelaat;
• Keuring van voornemende studente geskied hoofsaaklik reeds
teen 31 Augustus van die voorafgaande jaar; en
• Toelating word op grond van graad 11- en/of graad 12-punte
en aktiewe deelname aan kommunikasieaktiwiteite, soos skoolkoerantredaksies
en debatte, verwerf.

Belangrikste modules
Die belangrikste modules sluit in Massakommunikasie, Joernalistiek,
Korporatiewe Kommunikasie, Publisering, Mediabeleid, -etiek en -reg,
Interkulturele en Internasionale Kommunikasie, Bemarkingskommunikasiebestuur,
Webontwikkeling, Ontwikkelings- en Politieke Kommunikasie,
Video, Geïntegreerde Korporatiewe Media, Media- en
Korporatiewe Skryfwerk. Hierdie kommunikasiemodules kan met ‘n
verskeidenheid nie-kommunikasievakke gekombineer word.
Wyse van aanbieding en duur van die program
Die program word voltyds aangebied en strek oor drie (3) jaar.
Toelating tot nagraadse studie
Ná voltooiing van die program word studente toegelaat tot die
honneursgraad in Kommunikasiestudie of die honneursgraad in die
nie-kommunikasievak wat tot in die derde studiejaar geneem is.
23 2

24
Grafiese Ontwerp
(Programkode vir aansoekvorm: 1881011: L400P)
Grafiese Ontwerp is “kuns” in die vorm van visuele kommunikasie. Die
taak van ’n grafiese ontwerper behels die skep van oorspronklike en
kreatiewe illustrasies of ontwerpe. Grafiese Ontwerp behels die estetiese
en kreatiewe aspek van alle promosie-materiaal. Voorbeelde
hiervan is die ontwerp en illustrasie van embleme, brosjures, promosieplakkate,
webbladsye, interaktiewe CD’s, tegniese en redaksionele
illustrasies, spyskaarte, besigheidskaartjies, voorbladontwerp en uitlegontwerp
en korporatiewe beeldmateriaal wat in die besigheids- en
reklamewêreld gebruik word.
Program
Vir hierdie kwalifikasie word twee gerigte kurrikulums aangebied wat
fokus op opleiding aan studente wat ’n beroep in die snelgroeiende
grafiese ontwerpbedryf in Suid-Afrika wil beoefen.
Doel en beroepsmoontlikhede van die program
Die doel van die program is om grafiese ontwerpkunstenaars op te lei
wat hul kennis en vaardighede na behore kan gebruik op die gebied
van professionele grafiese ontwerpkuns.
Die grafiese ontwerpbedryf is ’n groeiende, dinamiese bedryf en is
algemeen bekend as die grootste werkgewer van kunstenaars in
kreatiewe beroepe. Individuele talent, dryfkrag en persoonlikheid speel
egter ’n deurslaggewende rol in die bepaling van die plek wat ’n gekwalifiseerde
persoon in die mark sal beklee. Heelwat ondernemings,
maatskappye, ontwerpinstansies, kommunikasie- en drukkershuise stel
grafiese ontwerpers aan.
Die gekwalifiseerde persoon wat van onafhanklikheid hou, kan sy of
haar eie onderneming begin of ander ontwerpers aanstel om saam
met hom of haar te werk. Die wêreld van grafiese ontwerp is een van

die stimulerendste en opwindendste studierigtings wat die talentvolle
student kan betree en bied talle loopbaanmoontlikhede wat bevredigend
en vol uitdagings is.
Beroepsmoontlikhede sluit onder meer in:
• Illustreerder;
• Kinderboekillustreerder;
• Multimedia-ontwerper;
• Onderrig;
• Ontwerpregisseur;
• Professionele grafiese ontwerper;
• Redaksionele ontwerper;
• Reklamekunstenaar;
• Spotprenttekenaar;
• Uitlegkunstenaar;
• Verpakkingsontwerper; en
• Webbladontwerper.
Toelatingsvereistes
• Universiteitstoelating;
• ’n APS-telling van minstens 22; en
• Keuring, op grond van ’n voorgelegde portefeulje, vind op
31 Augustus van die voorafgaande jaar plaas. ’n Akademiese rekord
word vereis.
Belangrikste vakke
Die belangrikste vakke in hierdie program is Grafiese Ontwerp, Illustrasiekuns,
Kunsgeskiedenis en Kommunikasiestudie.
Wyse van aanbieding en duur van die program
Die program word voltyds aangebied en strek oor vier (4) jaar.
Toelating tot nagraadse studie
Ná voltooiing van die program kan studente toegelaat word tot die
magistergraad in Grafiese Ontwerp (praktyk).
25

26
Baccalaureus in
Musicae (BMus)
(Programkode vir aansoekvorm: 1141011: L415P)
Programme
Die eerste twee studiejare word as basiese opleiding in musiek beskou.
Daarna kan studente hulle kurrikulum só saamstel dat dit ’n spesifieke
fokus het, bv. musiekuitvoering, musiekwetenskap, musiekopvoeding,
komposisie of musiektegnologie.
Doel en beroepsmoontlikhede van die program
• Om studente só toe te rus dat hulle in staat sal wees om hulle
kennis en vaardighede in die beroepsituasie toe te pas en om op
eie inisiatief verdere kennis vir die beoefening van hulle beroepe
te verwerf;
• Om kennis en vaardighede te verskaf waarmee studente in die
musiekwêreld ’n bydrae kan lewer tot die bevordering van alle
tipes en genres musiek in Suid-Afrika; en
• Om studente voor te berei vir ’n uitvoerende, skeppende, on derwys-
of akademiese beroepsloopbaan.
Spesifieke toelatingsvereistes van die onderskeie programme
Bykomend tot die algemene universiteitstoelatingsvereistes, geld
die volgende vereistes:
• Universiteitstoelating;
• ’n APS-telling van minstens 21;
• Graad VII in een instrument en Graad V in teorie (UNISA) of minstens
vlak 5 (60-69%) in Musiek as Aangewyde Senior Sertifikaatvak,
of ’n ander gelykwaardige standaard in musiek wat deur die
Senaat goedgekeur word; en
• ’n Praktiese oudisie en teoretiese toelatingstoets moet suksesvol
afgelê word.
Belangrikste vakke
Die belangrikste vakke in hierdie program is Musiekgeskiedenis, Gehooropleiding,
Musiekopvoeding, Praktiese Musiek, en Musiek teorie.
Ander vakke wat ingesluit kan word, is Sosiale Musiekwetenskap, Populêre
Musiek, Komposisie, Musiekkritiek, Musiektegnologie, Akoestiek,
en Musiekterapie. Daarmee saam moet in die loop van die kursus
’n keusevak geneem word uit Afrikaans en Nederlands, Duits, Engels,
Frans, Psigologie en Wiskunde.
Wyse van aanbieding en duur van die program
Die program word voltyds aangebied en strek oor vier (4) jaar.
Toelating tot nagraadse studie
Afhangend van watter fokus gekies word, kan studente tot die magistergraad
in die spesifieke spesialiseringsrigting toegelaat word.
Taaltegnologie
(Programkode vir aansoekvorm: 1911001)
Tegnologiese ontwikkeling wêreldwyd – en dus ook in Suid-Afrika
– bied uitdagings aan bykans alle vakgebiede. In hierdie program
word gefokus op die noue verwantskap tussen taalwetenskap en
tegnologie.
Doel en beroepsmoontlikhede van dié program
In die program BA Taaltegnologie word die wêrelde van rekenaars en
tale met mekaar versoen. Taaltegnologie is een van die belangrikste
tegnologieë wat ons lewens drasties gaan verander, aangesien dit
mense in staat stel om beter en in gewone taal met rekenaars en rekenaarstelsels
te kommunikeer. Die program lei studente in die Taalwetenskap
en Rekenaartegnologie op om te voldoen aan die professionele
eise wat die toenemende getal beroepe in hierdie rigting stel.
As jy die program voltooi het, sal jy in staat wees om ’n beroep as
taaltegnoloog te volg.

Jy sal saam met ander mense (bv. ingenieurs, rekenaarwetenskaplikes,
taalkundiges, ens) taaltegnologiese toepassings kan ontwikkel,
soos bv.:
• Speltoetsers en grammatika-kontroleerders;
• Telefoniese e-pos-sisteem;
• Intelligente vraag/antwoord-sisteme;
• Spraakgebaseerde rekenaartegnologie (bv. dikteerstelsels);
• Selfoontegnologie;
• www-gebaseerde toepassings;
• Inligtingstelsels; en
• Robotte.
Kurrikulums
• Taaltegnologie (met Rekenaarwetenskap); en
• Taaltegnologie (met Taalhoofvak A).
Toelatingsvereistes
• Universiteitstoelating;
• ’n APS-telling van minstens 24; en
• Wiskunde op vlak 4 (50-59%) of
• Wiskunde met 60% geslaag in ‘n ander eksamen wat die Senaat
as gelykwaardig aan bogenoemde ag en een van die volgende
vakke met minstens 50% in graad 12 geslaag: Inligtingstegnologie,
Rekeningkunde, Fisiese Wetenskappe.
Belangrikste vakke
Die belangrikste vakke vir hierdie program is: Taaltegnologie, Statistiek,
Wiskunde, Rekenaarwetenskap, Duits, Setswana, Engels en Afrikaans
en Nederlands.
Wyse van aanbieding en duur van die program
Die program word voltyds aangebied en strek oor vier (4) jaar.
Toelating tot nagraadse studie
Die suksesvolle voltooiing van hierdie program bied toelating tot die
MA-graad in Algemene Taal- en Literatuurwetenskap.
Universiteitsdiploma in
Musiek (UDM)
(Programkode vir aansoekvorm: 9021001: L205P)
Program
Een (1) kurrikulum word aangebied vir hierdie kwalifikasie.
Doel en beroepsmoontlikhede van die program:
• Om studente voor te berei om as musikante met basiese kennis
en vaardighede op te tree; en
• Om studente toe te rus met basiese kennis van musiekopvoeding
wat hulle in staat sal stel om ander studente op ’n basiese vlak
te onderrig.
Toelatingsvereistes:
• Nasionale Senior Sertifikaat;
• APS-telling van minstens 15; en
• Musikale aanlegtoets en onderhoud met keuringspaneel.
Belangrikste vakke
Die belangrikste vakke sluit die volgende in: Musiekgeskiedenis,
Musiekopvoeding, Musieknotasie, Musiekteorie en Musiekuitvoering.
Wyse van aanbieding en duur van die program
Die program word voltyds aangebied en strek oor twee (2) jaar.
Toelating tot verdere studie
Studente wat nie oor universiteitstoelating beskik nie, kan ná verwerwing
van hierdie kwalifikasie en die verkryging van universi teitstoelating
op grond daarvan tot graadstudie toegelaat word, soos bv.
die BA Musiek en Samelewing.
27

NWU-PUKKE, waar ons GRAADKRY
met LEKKERKRY klaarkry
Innovasie deur diversiteit
28
•
•
•
•
•
Beroepsgerigte opleiding
Internasionaal erkende grade
Afrikaans (Potchefstroomkampus)
Studentestad
Veilige Kampus
Tel: 018 299 2772
navrae@nwu.ac.za
www.nwu.ac.za
NORTH-WEST UNIVERSITY
YUNIBESITI YA BOKONE-BOPHIRIMA
NOORDWES-UNIVERSITEIT
POTCHEFSTROOMKAMPUS