Gemeente Sake - Gereformeerde Kerk Rietvallei

Vandag
4 Maart
Maandag
5 Maart
Woensdag
7 Maart
Donderdag
8 Maart
Sondag
11 Maart
Gemeente
Sake
Deurkollekte: Studentkas
Gasvryheid: wyke C05 en C06
19:00 : Gemeente bybelstudie
18:45 : Nuwe intrekkers
14:30: Bybelstudie senior
lidmate
Deurkollekte : Franse radio
bediening
Gasvryheid: wyke A08 en C23
Baie dankie!
Wanneer ons trauma in die lewe ervaar
word Psalm 23 gewoonlik aangehaal, maar
kyk ook wat is geskrywe in Psalm 24, Vers
1: “Die aarde en alles wat daarop is, die
wêreld en dié wat daar woon, alles behoort
aan die Here, ….” Ons behoort aan die
Here en ek wil Hom loof en prys dat dat Hy
die mediese behandeling wat ek die
afgelope tyd in die Kloof Hospitaal ontvang
het geseën het en dat ek besig is om te
herstel. Verder wil ek vir Ds Werner, Ds
Naas, die krisante en ander gemeentelede
bedank vir hulle besoeke en ondersteuning
in die hospitaal. Dankie aan almal wat vir
Elsie geskakel het en ons in hul gebede
aan die Here opgedra het, dit word opreg
waardeer.
Dolf en Elsie van der Walt.
Engelse erediens
Die tweede erediens om 10:15 op DV
Sondag 18 Maart 2012, in die kerkgebou,
sal ʼn erediens in Engels wees. Ds. Arthur
Miskin sal die erediens waarneem. Lidmate
word versoek om familie en vriende, wat
Engelssprekend is, na die erediens te nooi.
Senior Bybelstudie op Donderdag
08/03/2012 om 14:30 in die kerkgebou
Liewe Gemeente
Met hierdie kort skrywe wil ons as Diakonie
ons opregte dank uitspreek teenoor elke
lidmaat vir elke finansiële bydrae wat u
gemaak het die afgelope finansiële jaar.
Ons as Diakonie kan nie ons mede
gelowiges ondersteun indien u nie so „n
mildelike bydrae lewer nie. Die betalings wat
direk aan die diakonie gemaak word, gee
ons ook kapasiteit om instansies soos bv.
die Kinderhuise op „n voortdurende basis te
kan ondersteun. Ons opregte dank aan u
en aan ons Hemelse Vader vir „n gemeente
soos Rietvallei.
Diakonie Rietvallei
RIETVALLEI LAERSKOOLKINDERS
Baie dankie aan die persone wat laas
Sondag na vore gekom het om hierdie
jaar te help met die reel van aksies vir die
laerskoolkinders!
Ons hou vandag tussen die twee
eredienste 'n kort vergadering om ons
aksieplan vir die jaar uit te werk, datums vas
te maak en ligweg beplanning
te doen. Indien jy hierby betrokke wil raak,
ontmoet ons jou graag na die eerste
erediens by die amfiteater. Ons is veral
steeds op soek na 'n paar hoërskoolkinders
om ook betrokke te raak.
Selfs al voel jy dat jy nie self een van die
aksies op jou eie wil behartig nie, maar
goeie idees het, sluit asseblief by ons aan.
Goeie idees is altyd welkom! Indien jy nie
vanoggend se vergadering kan bywoon nie,
skakel asb steeds met Lynelle Steyn
(082 410 9923) sodat jy ook in die res
van die jaar se beplanning kan deel.
Jaargang 27, Nommer 7 1
4 Maart 2012

Uitreik
BERIG OOR FRANSE RADIOBEDIENING
„n TV program oor Mali op SABC 2 die
afgelope week het die geleentheid aan
toeskouers gegee om Sahel landskappe
asook ou moskeë uit modder gebou (uit die
12de of 13de eeu) te ontdek. Kindertjies wat
die Koran in Arabies uit die kop moet leer is
ook aan ons gewys. In hierdie Koraniese
skole leer hulle allerhande rituele van
uitwendige reiniging (bv. hoe om hulle gesig
3 keer met „n bepaalde gebaar van die regte
hand te was, hoe om water in hulle neus in
te asem om dit dan uit te blaas, sodat hulle
voor Allah as reinige skepsels kan verskyn).
Die aanbieders van die program het veral op
die hitte en op die mooiheid van die
argitektuur van die moskeë toegespits. Die
een se kommentaar oor die verskrikike
armoede wat daar heers is deur „n ander
een afgemaak met die woorde (vrylik
aangehaal): Ja maar ‘n mens moet sekerlik
dit verbykyk om die mooiheid van die groter
prentjie te kan waardeer… Hierdie
toeristiese invalshoek t.w.v. SABC 2 se
toeskouers is in skerp kontras met dit wat
die Franse Radiobediening en die
Christelike radios in Mali poog om te doen:
deur effektief saam te werk t.w.v. die
verkondiging van die Evangelie wil ons juis
breek met die slawerny van „ n eeueoue
kultuur wat die bevolking so arm en
agtergeblewe gelos het, hoe mooi ookal
sommige toeriste dit mag ervaar. Dit gaan
nie oor boendoe bashing en eksotiese
ervarings nie, maar oor die herstel van die
beeld van God in elk mens wat na Christus
met geloof kyk en in sy liggaam ingeënt
word. Weliswaar „n program van algehele
genesing en reformasie vir die lewe in sy
totaliteit, tot eer van die Drie-Enige God.
„n Onlangse telefoniese gesprek met br.
Abdoulaye Cissé van Radio Tahanint in
Timboektoe bevestig die groot nood om die
personeel van Christelike radios beter op te
lei vir meer effektiwiteit in die aanwending
van die middele wat reeds daar bestaan
danksy die wonderlike voorsienigheid van
die Here. Ek vertrek volgende Sondagaand
Abidjan toe met „n klomp idees en gedagtes
oor hoe so„n opleiding in Mali aangebied
sou kon word. Dit is te wyte aan die
gesamentlike visie van bekwame
medewerkers wat vanaf Suid-Afrika ook met
Christelike radios werk en hulle ryke
ervaring met radios in Mali graag wil deel.
Intussen is die eerste drie programme met
die titel “Frans deur die Bybel” die afgelope
week opgeneem. „n Ander reeks sal DV na
my terugkoms begin voorberei word, ook
t.w.v. gemeenskapsontwikkeling vanuit „n
Christelike perspektief: dié keer gaan dit oor
omgewingsbewaring veral in Afrika konteks.
Hierdie reeks sal die vrug wees van „n
samewerking met prof Kobus der Walt van
die NWU, wat ook die bekende aanbieder is
van die radioprogram“Omgewingpraatjie” op
RSG, elke Saterdagoggend tussen 6:45 en
7:00. Hy is „n uitgesproke Christen en het
die materiaal van al sy radioprogramme vir
my beskikbaar gestel om dit te kan aanpas
en aanwend vir radioprogramme in Frans
wat DV binnekort oor die hele
Franssprekende Afrika uitgesaai gaan word.
Bid asb. dat al hierdie pogings ryklik
geseënd sal word en dat hulle mense na
God-Drie-Enig sal lei in die wete dat Hy
alleen die Verlosser en die Bevryder is van
sy skepping (beide mense en die aarde).
Ds Eric
Jaargang 27, Nommer 7 2
4 Maart 2012

Uitreikstoor
Dankie vir al die skenkings wat so mildelik
vir uitreik aksies gegee word.Klere en
skenkings kan afgedra word na die lokaal
aan die agterkant van die preekstoel met
buite deur, op die volgende tye:
Woensdae: 9:00 - 10:00
Sondae: 7:30 - 11:30
1 Maart 2012
Dagsê Almal
Boekenhoutkloofstraat 949,
Claremont.
012 377 0503 /
072 855 8289
eljadahuis@mweb.co.za
ABSA BANK – Woodlands,
Die dae vlieg verby en ons is al in die derde
maand van die jaar. Selfs die weer begin
draai en begin al koeler word maar steeds
reen die seeninge en genade van die Vader
oor hierdie huis, Ek wil graag aan een en
almal wat kruideniersware, klere en meubels
geskenk en aangery het sê BAIE BAIE
dankie. Die kruideniers hou ons daagliks,
bykans 30, aan die gang en ek bekommer
my geensins meer daaroor nie want dit kom
baie getrou in en dit is maar net die werking
van die Gees wat almal bewus hou van die
nood. Maandag het ons vir 60 mense kos
gemaak want die opleiding en
koningskinders was ook hier. Die kombuis
sammajoor(Rosa) het haar goed van haar
taak gekwyt want dit was haar week vir
kombuisdiens. Die ander(Magda en Corlia)
het ook hulle volle kant gebring ter
ondersteuning nadat hulle ook hulle
dienspunte naamlik die badkamers, gang en
opleidingslokaal versorg het. Die roterings
stelsel werk baie goed en hulle deel die
laste. Die twee mans sorg dat dit netjies is
om die huis en versorg die lapa en tuin.
Ons is al besig met die tweede groep
tuisversorgers en die volgende groep begin
die 2de April.
Ons het egter nog steeds nie voldoende
fondse vir 2 studente nie naamlik 2 x R1500.
Hulle presteer baie goed en Helga en
Annamarie is baie tevrede. Dankie ook vir
julle twee se geduld en liefde met ons
mense.
„n Middeljarige vrou stap by die hek in en
vra om my te sien. Haar gesprek begin
sommer dadelik met “Ek en my vriend BLY
SAAM en hy het darem „n werkie maar dis
nie genoeg vir die huur en vir kos nie”. My
antwoord aan haar was “Watter pad stap jy
saam met die Here en saambly is sonde”
waarop sy, soos meeste maar reageer,
wegkyk en sê ek was laas in – dan dink sy
eers bietjie – daardie kerk en beduie in „n
rigting. Ek het haar egter moes wegstuur
met die boodskap dat as sy regtig hulp
nodig het, die Here wil leer ken en haar
saambly in oënskou wil neem sy welkom sal
wees om in te val. Ek probeer om
konsekwent te wees met die
geloofswaardes wat ek hier probeer
onderhou. Dit is nie aldag maklik nie maar
dit is egter die norm van die meeste mense
hier want blyplek is byna onverkrygbaar en
selfs die “missions” is almal oorvol. Dus is
saambly die oplossing en as een dan werk
sorg hy vir die ander. Ek is maar baie kwaai
wanneer dit kom by die voorbeeld van
mamma en vriend wat saamslaap terwyl
mamma vir sussie preek en sê sy moet dit
nie doen nie. Ek leer soms op „n kwaai
manier dat die ouers se voorbeeld is wat
ons kinders aanspoor.
Ek wil graag ook „n regstelling maak van my
berig van verlede week rondom die baba
wat vroeg gebore is en wie se mamma
oorlede is. Dit is die waarheid, maar toe ek
Jaargang 27, Nommer 7 3
4 Maart 2012

uiteindelik die pappa opspoor en met hom
gesels sê hy dat dit baie goed gaan met
hom(onder die omstandighede), sy ander
drie kinders en die baba wat ook al tuis is.
Sy suster het daar kom bly om te help en sy
ouers het van die Kaap af gekom om hom
ook by te staan, sy skoonouers bly net „n
blok van hom af en dat hy „n goeie werk het
– dus is dit weer „n voorbeeld van iemand
wat „n storie gehoor en sommer „n paar
stertjies aangelas het om persoonlike wins
daaruit te maak want daar het blykbaar wyd
en syd skenkings ingekom. Ek probeer altyd
om by die persoon wat hulp nodig het uit te
kom en nie hulp deur ander te gee nie. Baie
baie dankie egter vir diegene wat onmiddelik
hul hulp aangebied het. Die ander
vroeggebore babaseuntjie is reeds 3
maande oud en die vrou is in die GK
Andeon. Ek het hom gesien en hy is pragtig
gesond en mamma was baie dankbaar vir
die kleertjies wat ek vir haar kon gee.
Weereens was hierdie „n produk van
saambly en die pa is in die Kaap. Die derde
outjie is „n dogtertjie wat ook vroeggebore is
waarvan die pappie blykbaar doodgery was
toe mamma 6 maande swanger was. Sy bly
nou haar ma maar dit gaan maar baie
beroerd. Ek wag nog vir „n kontak nommer
om meer uit te vind.
Wat „n wonderlike ervaring het ek Saterdag
gehad. Die studentejeug en jong werkendes
van die GK Brooklyn gemeente het elkeen
gewapen met „n verfkwas die oggend hier
aangekom. Duidelik het hulle elkeen „n liter
rooi koeldrank gedrink want die energie het
uit hulle gestraal en die vraag “Tannie waar
is die verf en die heining wat gedoen moet
word” het uitgeborrel. Met my tong in my
kies het ek hulle mooi verduidelik van die
nuwe palisade heining wat wit geverf moet
word en die betonheining wat „n ander kleur
kry. Met groot ywer het hulle ingespring en
met die belofte van toebroodjies vir etenstyd
hulle gelos om aan te gaan. Etenstyd het
ons in die lapa bymekaargekom en wat „n
gesig – verf van hul kroontjies tot hul
toontjies maar die heining is darem ook
geverf. BAIE DANKIE julle jongklomp en ek
glo julle het dit baie geniet ten spyt van die
opmerking – sjoe ek het nie gedink dit is so
moeilik om „n palisade heining te verf nie, en
ek wil nooit weer een sien nie – sal julle dit
weer doen. Tydens die ete het ek hulle
bietjie vertel wat hier gedoen word en is ek
verras met die opmerking dat hulle die erns
van die sinodale opdrag van die “Omkeer
Strategie” hule eie gemaak het as
jeuggroep. Hulle het die kans dus
onmiddelik aangegryp om iewers uitreikwerk
te gaan doen waar hulle werklik „n verskil
kan maak en hulle het dus besluit dat Eljada
Huis een van hul langtermyn projekte sal
wees. Na die ander weg is het ek met twee
van hulle verder gesels wat dan sommer
van môre af tweeweekliks gaan begin om vir
ons kinders rekenaar klasse te kom gee.
Hendri is „n onderwyser en het groot planne
en ek is die Here (on)gelooflik dankbaar dat
Hy hom hierheen gelei het en ook sy
vriendin Anemie wat die kinders met
wiskunde gaan help. Die kinders is baie
opgewonde en sien baie uit daarna.
Soos dit maar in enige huishouding gaan bly
die daaglikse behoefte aan koffie,
margarine, broodjiesmere, ontbytkosse,
suiker, melk, kookolie, blikkieskosse van
enige aard, kerse, altyd groot en hierdie
huishouding is nou 30 sterk.
Eljada Huis groete aan almal.
Annatjie
Jaargang 27, Nommer 7 4
4 Maart 2012

Ander
sake
Sustersaamtrek 2012 -
Gereformeerde Kerke Andeon,
Bergsig en Pretoria-Meintjeskop
Skenkings/Donasies vir die Paul Kruger
Kinderhuis en Eljada-huis (Daspoort)
Skenkings/Donasies kan op die dag van die
Saamtrek ingehanding word by GK Andeon
se konsistorie.
Registrasie
Slegs een persoon per gemeente moet
aanmeld by die registrasie-punt by die
ingang van die kerkgebou.
Koffie en tee
Koffie, tee en muffins word vanaf 08:00
bedien. Die program begin stiptelik om
09:00.
Kollekte
„n Kollekte sal tydens die verrigtinge gehou
word ten bate van Bybelverspreiding en Die
Vroueblad.
Uitstallers
Daar sal Boeke-uitstallers wees.
PADAANWYSINGS NA GK ANDEON
Adres: H/v Fred Messenger- en Eldorette
straat, Andeon.
GPS Koördinate: S 25.42.35.45.5
E 28.06.05.96
Padaanwysings:
Ry in Van der Hoffweg in „n westelike rigting
(pad wat loop na Hartbeespoortdam). Van
der Hoffweg kan bereik word via
Bremerstraat (die Daspoorttonnel), of uit DF
Malanrylaan. By die laaste robot in Van der
Hoffweg, by die groot Micahardewarewinkel,
draai regs op die
Hornsnekpad. Draai weer in die derde straat
(Fred Messenger straat) regs. Die
kerkgebou is op regterhand.
Parkering:
Daar sal beperkte parkeerplek wees voor
die kerk op die kerkterrein. Die ander
parkeerplek is op die agterste deel van die
kerkterrein. Die parkeerarea word met „n
ompad bereik en sal deur pyle aangedui
word. Hiermee rig ons „n versoek dat
susters sover moontlik saamrygeleenthede
reël om die aantal voertuie wat moet
parkeer te verminder.
Kontakpersoon
Hanlie Steyn
Sel: 083 654 8652
Huis: 012 379 2654 (na 15:00)
pretoriasustersaamtrek2012@gmail.com
Toer saam na Turkye
Ds. Malan van Rhyn van die GK Pretoria-
Noord beplan om ʼn toergroepe na Turkye te
neem vanaf DV 22 Junie 2012 tot 4 Julie
2012. Indien u belang stel kan u met ds.
Malan in verbinding tree by tel 012 546-
5177 OF sel 082 858-0538 OF per e-pos
mvanrhyn@telkomsa.net
Kerknuus
Wil u vars kerknuus van die GKSA per epos
ontvang? Kerknuus en inligting kan
direk aan u gestuur word. Stuur u e-pos
adres na: wymiedup@gksa.co.za.
Jaargang 27, Nommer 7 5
4 Maart 2012

Sang
Verlede week is berig dat 21 Skrifgetroue
liedere uit die Liedboek by die Algemene
Sinode van 2012 goedgekeur is om in
eredienste te sing. Die kerkraad van GK
Rietvallei het besluit dat ons in GK Rietvallei
die liedere gaan sing. Die 21 liedere is die
volgende: (geneem uit ʼn verslag aan die
Kerkraad)
6.1 163 – Soos ʼn wildsbok
6.2 169 – Heilig, heilig, heilig
6.3 190 – Grote God aan U die eer
6.4 334 – “God is liefde” juig ons
harte
6.5 348 – Stille nag, heilige nag
6.6 353 – Die Heiland is gebore
6.7 380 – Jesus, Lam gelei ter
slagting
6.8 422 – Die Heer, die Heer het
opgestaan
6.9 525 – Here, hoe blymoedig
6.10 151 – Skenk ons, Here, u
beskerming
6.11 184 – Lofsing die Here
6.12 241 – Troue Here van my lewe
6.13 335 – Die Heiland is gebore
6.14 292 – My enigste troos
6.15 386 – Jesus, dit wat U moes ly
6.16 168 – Heilige Jesus
6.17 428 – Loof Christus, roem sy
wonderdade
6.18 588 – O God van hoop, gee
ons vrede
6.19 203 – loof die Here al wat lewe
6.20 530 – Praat ek mense-,
eng‟letale
6.21 577 – Die Heer, my herder,
sorg vir my
Die woorde van die nuwe Skrifberymings is
by die skriba beskikbaar.
Parkinsons vereninging
ondersteuningsgroep van Pretoria
Bogenoemde organisasie se maandelikse
byeenkomste word weer hierdie jaar elke
eerste Woensdag van die maand vanaf
10:00 tot 12:00 in ons kerksaal gehou. Die
eerste byeenkoms vir 2012 is komende
Woensdag, 7 Maart vanaf 10:00.
Hierdie eerste geleentheid gaan „n groot
inligtingsessie wees wat deur Karin
Willemse en Gisela Stanek van die
Parkinson‟s vereniging van Suid-Afrika gelei
gaan word. Ek het self vir Karin hoor praat
in 2010 – dit was voorwaar „n belewenis en
oog-oopmaker gebeurtenis en ek kan dit
aan enigiemand aanbeveel! Aangesien sy
die voorsitster van die vereniging is het sy
ongelooflike waardevolle kennis, raad en
belangrike inligting om oor hierdie siekte oor
te dra.
Indien u „n familielid of vriend het wat aan
hierdie siekte ly of self „n Parkinson‟s lyer is
of selfs net „n belangstellende is, is u
welkom om hierdie geleenthede by te woon.
Indien u ook dalk van iemand anders weet,
gee assseblief aan hulle hierdie inligting
deur. Dit is oop vir enige iemand (lyers,
versorgers en familie) uit enige kerkverband
en die doel hiermee is om mekaar te
ondersteun, gedagtes uit te ruil en kennis en
inligting te kry.
Indien u graag die byeenkomste wil bywoon
of meer inligting verlang, kontak gerus vir
Lynelle Steyn by 082 410 9923 of Annatjie
Greeff by 076 822 6598.
Jaargang 27, Nommer 7 6
4 Maart 2012

Eredienste
Oggenddiens (8:00 en 10:15)
Skriflesing: Nehemia 3
Sang: Psalm 116: 1, 2 en 3; Psalm 116: 5, 7
en 10 (Na Geloofsbelydenis); Psalm 119: 1 en
2 (Na die Wet); Skrifberyming 3-3: 1-6; Psalm
111: 1, 4 en 5
Hierdie Skrifgedeelte met sy baie name word
gewoonlik oorgeslaan. Wat kan „n klomp
name ons tog leer? Maar wag „n bietjie. Jy sal
verras wees om te sien dat hierdie name
elkeen van ons persoonlik gaan raak.
Onthou jy wat ons alles sover in Nehemia
geleer het? Jerusalem was in „n krisis (die
mure was in puin). Die Here het Nehemia uit
die vreemde geroep om iets aan die probleem
te kom doen. Die onmoontlike het moontlik
geword toe hy beskikbaar en bereid was om
deur die Here gebruik te word. Die Almagtige
God het, ter wille van die eer van Sy Naam,
vir Nehemia alles voorspoedig laat verloop,
sodat hy alles ontvang het wat nodig was, om
hierdie noodsituasie aan te spreek. Behalwe
vir Nehemia het God ook sorg gedra dat daar
mense was wat bereid was om aan te meld en
in die opbouwerk wat gedoen moes word,
hulle kragte aan te wend.
Wat „n kragtige en besielende boodskap vir
ons eie tyd. Hopelik is jy ook (reeds) bewus
van die nood van ons eie tyd. As jy bewus is
daarvan – raak dit jou regtig in die hart? Die
Here wil jou ook gebruik om iets aan die saak
te doen. Is jy gereed om gebruik te word?
Enige gelowige – maak nie saak wie jy is en
wat jy is nie … God het „n plek vir jou in Sy
bouwerk. In hierdie Skrifgedeelte leer ons die
praktiese sy van kerkwees.
1. Wie het gebou?
Wanneer ons hierdie lys name sorgvuldig
deurlees dan is dit duidelik wie almal
aangemeld het. Die mense wat ons sou
verwag het … en ook die verrassende. Die
timmermanne, klipkappers en messelaars;
ook die leiers het hulle deel gedoen. Maar ook
die goudsmede en die salfmengers; die
koopmanne, die sakemanne, die Leviete en
die priesters. Selfs „n pa met sy dogters en „n
alleenloper (vers 30). Is dit nie wonderlik nie.
Toe daar gewerk moes word is daar nie „n
klomp verskonings uitgedink nie, maar het
honderde begeesterde mense hulleself
aangemeld. Behalwe – vers 5. Die
vooraanstaandes van Tekoa wou nie swaar
werk vir die Here doen nie. Ook vandag is
daar diegene wat hulle neuse optrek vir die
werk van die Here.
2. Waar het hulle gebou?
Hulle het volgens „n plan gebou. Hulle het by
die een kant van die stadsmuur begin en het
regdeur gegaan na die ander kant. Van die
Skaappoort, kloksgewys, tot weer by die
Skaappoort. En dan klink dit soos „n refrein: -
Elkeen teenoor sy eie huis. Daar waar dit hom
persoonlik raak. Daar waar elkeen die
beskerming van die muur die nodigste gehad
het. Daar waar hy nie kon bekostig om
brouwerk te doen nie. Elkeen het sy eie lewe
opgeruim. Sommige het selfs gehelp om „n
tweede deel te bou.
3. Hoe het hulle gebou?
Langs mekaar! (Naas hom/ langs hom -
refrein OV) Mense van alle vlakke van die
samelewing in Jerusalem het langs mekaar
gebuk en skouer aan skouer die
gemeenskaplike werk aangepak en voltooi.
Ongeag die onderskeidinge tussen hulle, het
hulle op hulle gemeenskaplikheid gefokus.
Gesamentlike nood vereis gesamentlike
roepingsbesef en gesamentlike
verantwoordelikheid.
Hierdie boodskap is tog duidelik, nie waar
nie? Elke gelowige is „n bouer. Elke gelowige
het sy eie besondere bydrae om te lewer in
die geestelike bouwerk aan God se koninkryk.
Jaargang 27, Nommer 7 7
4 Maart 2012

Eredienste
Aanddiens (18:30)
LITURGIE NEHEMIA 8:1-13
Groetseën: 1 Petrus 1:1-2
Samesang: Ps. 135, vers 1, 2, 3 & 11
1ste gebed
Skriflesing: Nehemia 8:1-13.
Prediking. Tema: Die Heilige Gees werk in
die hart van God se volk deur sy Woord.
Samesang: Ps. 119, vers 11 & 20
Bevestiging van ouderlinge.
Gemeentesang: Ps. 128 vers 4.
Offergawes
Slotsang en uitspreek van die seën: Ps. 134
(gemeente v. 1 & 2, liturg v. 3).
PREEKSKETS
In 445 voor Christus het „n besondere
volksvergadering in Jerusalem
plaasgevind. Die volk self het gevra
aan Esra en die priesters om die Wet
aan hulle voor te lees.
Die priesters het die Wet duidelik
gelees en dit ook aan die hele volk
verduidelik. Die volk het dit goed
verstaan en berou getoon. Getroue
Woordbediening bly by uitstek die
ware profetiese stem van die Kerk
wat vrugte in „n mens se hart laat
voortspring.
Die werking van die Gees in die volk
se hart bring vertroosting en vreugde
na die nodige berou: want God
vergewe en verlos! Die Kerk moet tot
die einde van die tyd die Evangelie
verkondig om haar profetiese stem te
laat uitgaan!
Jaargang 27, Nommer 7 8
4 Maart 2012

Kontakinligting
PREDIKANTE
Ds. Naas Ferreira 012-345 2049
naas@gkrietvallei.co.za
Ds. Werner van den Heever
(082 4121415) werner@gkrietvallei.co.za
Ds. Gerhard van Rhyn 071 6133160,
gerhard@gkrietvallei.co.za
English Service : Rev. Arthur Miskin
(083 657 4980) agmiskin@gmail.com
Jannie Earle ( 012 997 4228 of 083 457 8075)
FRANSE RADIOBEDIENING:
Ds. Eric Kayayan (012 345-3495) Kantoor Carlien
Visser (012 347 1312) foietvie@absamail.co.za
TOPIA (Toerusting vir predikante in Afrika):
Ds. Johannes Aucamp (072 815 7375)
johannes.aucamp@gmail.com
Ds. Rajesh Kumar (Bediening In Indië)
rajesh_kumarza@yahoo.com
SKRIBA
Hennie Steenkamp
(012-345 5381), (082 783 6130)
Faks (012-345 2365) skriba@gkrietvallei.co.za
KOSTER
Pieter Hoffman (012-345 2249) (082 898 2330)
ORRELIS
Willem Luitingh
(012 807 5952), (082 8400 644)
wluitingh@hotmail.com
KERKKANTOOR
FINANSIËLE AANGELEENTHEDE
Titus Van Aswegen Tel: 012-347 7362
E-pos: gerfriet@absamail.co.za
Faks: 086 537 7392
ATTESTATE EN ADMINISTRATIEWE AANGELEENTHEDE
Karen de Lange Tel: 012-347 7362
E-pos: admin@gkrietvallei.co.za
Faks: 086 537 7392
Posadres: Posbus 914-1095, Wingatepark, 0153
ELJADA Mariana Steyn
(082 805 8306) eljada@gkrietvallei.co.za
ELJADI
Deleen Kornelius (012-993 4211) deleenk@gmail.com
Lynelle Steyn (drsweers@gmail.com)
DIE RIETFLUIT
Johanna Hellberg (073 295 5848)
johanna.hellberg@up.ac.za
BIBLIOTEEK
Jannie Earle (012 997 4228 of 083 457 8075)
GEELBLADSYE
Trina du Plessis (082 322 53435343)
trinaduplessis@gmail.com
DIAKONIE
Johan De Bruin (082 820 6669)
HOPE COMMUNITY CHURCH
Gerrit Kornelius 082 925 9569
PAUL JUNGNICKELHUIS
Rina Steenkamp (012-345 2365)
ELJADA HUIS - DASPOORT
Annatjie van Schalkwyk (012 377 0503/ 072 855
8289)
DOMUS JUVENTUS TRUST (REDDERSBURG)
Johan Beumer (083 285 5511)
KONINGSKINDERS
Jacoba Kotzee (012-993 5560)
BERADINGSPAN
Elsie Ferreira (072 449 1982) :
Eferreira@medihelp.co.za
BANKBESONDERHEDE
Gereformeerde Kerk Rietvallei
Absa Menlyn (Takkode: 355 645)
Lopende Rekeningnommer: 3490 144 306
DIAKONIE
Lopende Rekeningnommer: 4051138620
FRANSE RADIOBEDIENING
Reformed Faith and Life; ABSA Menlyn;
Lopende Rekeningnommer: 40-4878 6755
HOPE COMMUNITY CHURCH
King’s Hope Foundation
Lopende Rekeningnommer: 4054747436
ELJADA HUIS
Lopende Rekeningnommer: 923 572 8935
Absa Tak 632005 (Merk: Eljada Huis)
DOMUS JUVENTUS TRUST
Lopende Rekeningnommer: 4059 8178 66
JEUG
Sameroeper: Ds. Werner vd Heever (082 4121415)
werner@gkrietvallei.co.za
Jaargang 27, Nommer 7 9
4 Maart 2012

Jaargang 26 , Nommer 24 10 21 Augustus 2011